الوسم: الجامعه

السلااااااااااااام عليكم
حبيت اسأل متى تنزل مكافأة التخصص النادر لانها تأخرت هالكورس مادري ليش اللي تعرف تفيدنا

انا سألت الشويخ

يقولون بسبب الكمية اللى وصلت من مستجدين لتعميم الاعانة العادية فصار ضغط

والحين عندنا قلة بالموظفين

قالت نطروا من هالاسبوع والاسبوع الجاي

يقولون الاسبوع الياي بتنزل

بنات شنو تخصصاتكم؟ واي كليه؟؟

انا عربي التربية بس تخرجت هالكورس الحمدلله

بنات الله يوفقكم انشاءالله ابسأل شنو التخصصات النادرة بالجامعة ؟ وكم المبلغ ؟ وشكرا

انا بالنسبه لي تخصصي رياضيات متوسط وثانوي كلية التربيه ينزلي 600دينار

واللغه الانجليزيه ينزل لهم 900 دينار

طبعا الفيزيا اعتقد اكثر مكافاه

هذا اللي اعرفه

انا العربي 900 كل نهايه كورس

ماتدرين متى قالوا ؟

لاوالله مادري بس اللي اعرفه الاسبوع هذا بس اي يوم الله اعلم

واااي ما صارت مت وانا انطرها

ذلونا فيها اهي اساسا طالعه من جبدنا

اذا نزلت تكفا بلغونا

انا تخصصي بيلوجي جيولوجي (متوسط وثانوي) كلية التربيه – جامعة الكويت وأخذ 900 دينار لووووووووووووووووول جني وايد قرقت

التخصصات النادره في جامعة الكويت:

كلية الهندسه – الهندسه الميكانيكيه

كلية التربيه – (برنامج المتوسط والثانوي) جميع التخصصات العلميه + اللغه العربيه واللغه الانجليزيه

كلية العلوم الطبيه المساعده والتمريض – العلاج الطبيعي المختبرات الطبيه علوم الاشعه المعلومات طبيه

كلية العلوم – علم نبات جيلوجيا فيزياء

وتحدد قيمة المكافأه على حسب حاجة السوق لهذا التخصص والميزانيه و يسمونها مكافأة تشجيعيه او مكافأة التخصص النادر

هذا اللي اعرفه اتمنى اني فدتكم

وشكرا

بالتوفيق حبيايبي والله ينور دربكم يارب …..

للحيـــــــــــــــن ناطرين

انا توني مخلصه 60 وحدهـ وناطرتها أول مره بتنزلي ..

بنااات المكافاه انزلت اليوم الصبح

ألف مبرووووك .. بنات نزلت المكااافئة اليوم

عفيه ردوو علي :"""""""(((

آمممممممممممم ,,

أتوقع يصير عادي شكثر بنـآآت اشوفهم يحضرون إستمـآآع

طبعا يصير

بس شاوري الدكتور الي تبين تحضرين عنده وماعتقد راح يمانع

مشكورين بنات بس سالفه ١٥ دينار اول مره اسمع فيها غرييبه

حتى انا اول مره اسمع بسالفة ال15

روحي للتوجيه والارشاد مال العلوم الاداريه وان شاء الله يقدرون يفيدونج

بنات انا ودي اكمل دبلوم عندكم

انا محاسبه

بغيت اسألكم اشلون الدراسه عندكم ؟؟ سهله ولا وايد صعبه ؟

و اذا بكمل يعادلولي جم ماده ؟

و بغيت اسأل دراستكم كلهاا بالانجليزي ؟؟

و اللي ما تعرف انجليزي تتوقعون تمشي

ما انصحج احنا متوهقين زفت الجامعة والسقوط ابلاش ولا في احد يساعدج مانصحج انا صارلي 6 سنين ولا تخرجت

حبيبتي اذا تعرفين انجلش راح تحبينهااااا

انا خريجة هالسنه ان شالله …. والدراسه كلها انجلش بس جم ماده اختيارية بالعربي….

ويعادلولج جم مادة وفي ناس ماعادلولهم شي على حسب…

وماقولج الدراسه سهله لا صعبه لانها مناهج بريطانيه … يعني مثل ما قلت اذا تعرفين انجلش راح تحبينها

انا وايد احبها ….

وييييييه حسافه

ودي اكمل مابي اظل عالدبلوم

قوه

شخباركم بنااااات شالدنيا فيكم انشالله بخير

الموضوع مبين من عنوانه بقيت اعرف منكم منو الى تخصصها اقتصاد او اداره جانزين تفيدوني بطريقه الدراسه وشرح مبسط عن المواد الى تدرسونها ومنو افضل دكاتره انا تخصصي اقتصاد وخلصت كل المواد الالزاميه وداخله بمواد التخصص محتاره شاخذ شنو تنصحوني ومشكورين وايد

الله يوفقج
بس حبيت اسالج انتي بالجامعه وتخصصج اقتصاد ؟؟ شلون التخصص زين والا صعب؟؟ خرعوني منه!! وشلون الدراسه؟ ياليت تفيديني
لان ودي ادش الجامعه تخصص اقتصاد

هلا وغلا اختي والله الدراسه صعبه ويبيله مجابل الصراااااااااااااااحه وبالنسبه حق التخصص انا ليلحين ماخذيت مواد التخصص ببلش فيها الكورس هذا انشالله والله يسهل فما اقدر افيدج على التخصص بس يقولون صعب

[CENTER]مرحبا……………[/CENTER

بنات الله يجزاكم خير بغيتكم اتساعدوني وتقولون لي شنو اسوي انا تخرجت السنه هاذي من الثانويه العامه بس طافني التسجيل بالجامعه او بالاحرى انا طوفته لاني مانجحت بامتحان القدرات فناطره امتحان القدرات الياي اللي اهوا بشهر 12عشان اقدمه مره ثانيه وانشاله انجح فيه وعقب اسجل بالجامعه بس بغيت اسأل متى التسجيل الياي ؟؟وفي تسجيل ولا لأ؟؟؟ انا ناطره الردووووووووووود

حبيبتي

خلاص راح التسجيل عليج هالكورس

تقدرين تسجيل الكورس الجاي

بس الله يهداج ليش طوفتي التسجيل علشان اختبار القدرات عادي حبيبتي نقدرين تاخذين مقرر التمهيدي لا سجلتي جدولج

يالله لاتحاتين كل تأخيره فيها خيره

وعالأقل ترتاحين شوي من تعب الدراسه

وموفقه

نفس الكلام تقدرين تسجلين الكورس الجاى

الله يوفقج

اشكرج حبيبتي عالرد
بس اشلون مافهمت؟؟؟ اشلون اسجل بدون قدرات مايقبلوني الطب او الهندسه مثلا؟؟؟ انا اللي اعرفه لازم قدرات
يصير اسجل بدون قدرات واخذ تمهيدي مااااعتقد كلش ؟؟

اجمعين حبيبتي
ومتى الكورس الياي كلش ماعندي خبر عن اي شي؟؟؟

لا حبيبتي منو قالج ان لازم امتحان القدرات ولا انج ماتنقبلين
احنا افهم منج ومتخرجين بعد
امتحان القدرات مو مقياس انج تنقبلين ولا لأ بس يحكم انج تاخذين مواد تمهيدي علشان تمهد لج بس لا اكثر ولا اقل
وياما ناس مافكروا يقدمون الامتحان ونقبلوا بس خذوا مواد تمهيدي
الله يسامح اللي مفهمج غلط ومافي جدامج الا الكورس الياي

بنات وين الردووووووود ناطره ردودكم لاتطولون علي

اشكرج حبيبتي عالرد
انتي متأكده؟؟ عيل شنو معدل مكافيء انااللي اعرفه الطب او الهندسه لازم معدل مكافيء عشان يقبلوني وما انقبل بنسبة الثانويه العامه لازم قدرات انا ما اقصد الكليات الثانيه اللي بدون قدرات انا اقصد طب او هندسه انا حدي حزينهتكفين فهميني انا ضايعه بالطوشه والله يوفق الجميع

لا لازم تتحني قدرات اذا تبين طب او هندسه او علوم ادريه عشان المعدجل المكافئ

سجلي الكورس الجاي
خيره ان شاء الله
موفقه

اشكرج حبيبتي عالرد والله يعيني على امتحان القدراااااات اااااااخ يالقدرات وما ادراك ما القدرات
بس متى التسجيل بالكورس الياي بالجامعه بلييييييييز قولولي لايطوفني بعد؟؟؟؟؟؟؟؟؟؟؟؟؟؟؟؟

اعتقد شهر 1 او 2 … عشان تتأكدين ادخلي موقع الجامعة واهما كاتبن لج كل شئ تبين تعرفينه سواء التسجيل او القدرات …
وفي موقع هم تلقينه بموقع الجامعة اختبارات للقدرات (نماذج مشابهه) … ومووووفقه ياررررب .. ان شاء الله يقبلونج بالطب ياارب

اشكرج حبيبتي عالرد
انا دخلت الموقع بس مو كاتبين متى التسجيل ومافهمت شي ولازم احط الرقم الجامعي وانا اصلا ماعندي رقم جامعي ولا عارفه شنو رقم جامعي؟؟؟ وشفت النماذج والله كريم المشكله الامتحان بدون اله حاسبه وانا اضيع بدونها والانجليزي يخلص الوقت وانا ماحليت شي:0bee2e8d89:

بنات الله يجزاكم خير محد يعرف متى التسجيل بالضبط للكورس الياي ؟؟؟؟؟
ناطره الردوود

متى النسجيييييييييييييييييييييييييييييل للكورس الياااااااااااااااااي قولولي

حبيبتي ليش تقعدين بالبيت و تنطرين الاجابه ؟ هذا مستقبل كافي طاف عليج كورس .. روحي الجامعه بنفسج و ساليهم يمكن جدمو يمكن اخروه محمد بعطيج الاجابه الاكيده غير الجامعه .. موفقه

بنات فديتكم ابي الطريقه اللي يتم فيها التحويل*** اختي تدرس بكلية التربيه الجامعه ومخلصه سنه والحين بثالث كورس تبي تحول للتربيه الاساسيه ومعدلها نقطتين وشوي ومسكينه جاتها نفسيه ماتبي الجامعه وتبي تحول الكورس الجاي؟؟؟؟؟ انقذوها تكسر الخاطر

؟؟؟؟؟؟؟؟؟؟

تروح تستفسر من العماده وتروح هيئه التطبيقي واذا تعبت نفسيتها توقف قيدها وتحول وان شاء الله خير

ااول شي تشوف اذا معدل الثنوي يدخلها التخصص اللي تبيه بالكليه ( حتى اذا ما دخلها تختار اي تخصص والتحويل الداخلي سهل ) وبعدين اذا معدلها زين خل تكمل هالكورس في الجامعه اذا كانت ماخذه مواد عامه و تجيب فوق الc عشان يتعادلون مثل ثقافه اسلاميه و الكويت و التنميه لانها تكون موجوده عندهم فيعادلون و تقدر تقدم اوراقها حتى لو هي مستمره بالجامعه و لما يقبلونها اتطلع من الجامعه سجل الدرجات وتحاول تعادل المواد من الاقسام اللي في التربيه الاساسيه و اي سوال دزيلي عالخاص

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم

داخلتن على الله ثم عليكم يا كويتيات

انا يا طويلات العمر

كلية التربيه وبتخصص علم نفس
والمعدل لازم يكون 2.50

انا الكورس الاول كان تمهيدي فكان معدلي صفر
والكورس الثاني صار 2.11
والصيفي خذيت دي وسي وصار 1.87

الي خذيت فيها دي كانت حق تخصص وانا ماراح اعيده لاني مابي هالتخصص خلاص

المهم

شديت حيلي هالكورس واخذت 5 مواد
وجبت

A-
B
B+
B+
B+

وتوقعت يرتفع المعدل للاسف صار 2.6
والمعدل الفصلي 3.33

وانا ماادري شنو يعني المعدل الفصلي
ولا ادري شسوي عشان اوصل للمعدل المطلوب

تكفون قولولي وطمنوني

انا ثاني سنه وبالصيفي لازم اتخصص

شسوي

نخيتكم تساعدوني نخيتكم

اب
اب
اب

اب

اب

الي تعرررف ترد علي تكففففففففون والله ببجي

2.6
يعني 2.60
انتي وحداتج شويه لو الكورس الجاي تصيرين a b
ترا بيرتفع وان شاء الله يوصل 3 نقاط وتخصصين

انتي تخصصين على المعدل العام الفصلي مالج شغل فيه

حاولي تسجلين عند دكاتره زينين وتجتهدين

الله يوفقج حبيبتي

اب
اب
اب

2.6 يعني 2.60
اهما يبون 2.50 معناته وصلت المعدل المطلوب ولا شلون ؟!!

الله يجزاج خخير
ويرزقج ياررب

الله يجزاكم خير الي سوو اب
ما تقصرون

الحين شنو قررتي تتخصصين ؟

عشان نفيدج

لان كل تخصص يبي معدل خاص فيه

مثلا عربي وانقلش يبي نقطتين بس

ورياض اطفال يبي اكثر من معدلج اللي جبتيه

انتي معدلج الحين 2.60
اذا تبين عربي متوسط ثانوي او انقلش تقدرين تتخصصين

اذا تبين عربي ابتدائي مع مساند المعدل 2.50

المعدل الفصلي مالج شغل فيه بس هذا حق التفوق تقدمين طلب مكافاه التفوق

انتي تخصصج يبي 2.50

وانتي الحين 2.60 ؟؟؟؟؟؟؟؟؟

خلاص حبيبتي روحي الاحد للكليه قسم التوجيه والارشاد عند معالي الديحاني من الساعه 7 نطري هناك لحد مايجون الموظفات وقدمي على التخصص

انا عبالي تخصصج يبي 3 نقاط

اسفه حبيبتي

ترا ما شفت عدل

انا على ايامي كان تخصص علم نفس يبي 3 نقاط

والظاهر دفعة 2024 غير لان ماعندهم مساند فالظاهر نزلوا شوي من المعدلات المطلوبه للتخصصات

مبروك حبيبتي وصلتي للمعدل المطلوب

روحي الاحد للتوجيه والارشاد من الصبح قبل ال8
وقدمي على التخصص

الحين معناته انا 2.60 مو 2.6
من صججج!!!!

الله يبشررررج بالخخخخخير
والله يوفقج وقسسسم بالله صكت فيني الدنيا
مشكوررره

حبيبتي

هي دفعة 2024

غيروا معدلات التخصص عليهم وشالوا شي اسمه مساند

ماعندهم تخصص مساند

هي تبي علم نفس والمعدل العام المطلوب حق هالتخصص بالنسبه لدفعة 2024 حسب كلامها يبي 2.50

موفقه حبيبتي

اي حبيبتي انتي 2.60 انا علمي وافهم بالارقام العشريه

انتي متاكده انه تخصص علم نفس يبي 2.50 ؟؟؟؟؟
اذا متاكده روحي الاحد قدمي والحقي ترا الاحد الموعد حق تحديد التخصص والتحويل بين التخصصات عند التوجيه والارشاد بالتربيه

السلام عليكم

بنات حبايبي اللي تعرف الجواب تجاوبني

سؤالي اهو

جم راتب استاذ بالتربية ؟ ( الحاصل على الماجستير فقط )

و جم راتب الدكتور بالتربية ؟ ( الحاصل على الدكتوراه )

و شكرا و يعطيكم العافيه

^
^