الوسم: البريطانيه

السلام عليكم

يايبتلكم عنوان السايت مال الجامعات البريطانيه وهذا السايت مجاني فيه كل المعلومات اللي تخص الطلبه اللي يبون يدرسون ببريطانيا واللي من خلاله تقدرون تقدمون على معاهد اللغه او الكليات او الجامعات سواء دبلوما او بكالوريوس او ماجستير او دكتوراه وطبعا الكل يقدر يقدم بنفسه ومجانا بدون اي رسوم وفيه كل التفاصيل اللي ودكم تعرفونها

وعلى فكره ماكو احد يقدر يروح يدرس ببريطانيا الا لما يراسل هالموقع ومن خلاله يقبلونه او يرفضونه لانه اهو الموقع المسئول عن القبول بكل الاماكن الدراسيه ببريطانيا معناة كلامي انكم لازم تراسلون هالموقع مو تراسلون الجامعات لان الجامعات البريطانيا مالها شغل بالقبول الموقع اهو اللي يقدمكم عليهم

للامانه ماحطيت السايت الا لما شفت واااايد ناس بالمنتديات الكويتيه والخليجيه قامو يستغلون جهل البعض بهالموقع وقامو يسوون روحهم بيخدمونكم وانهم بيقدمون طلبكم وياخذون منكم فلوس مع ان الشغله مو مستاهله كلها اقل من ربع ساعه بهالموقع وتقدرين تراسلينهم وعقبها بجم يوم يردون عليكم

الموقع اهو

www.ucas.ac.uk

مشكوووره حبوبه على الموقع

بس اهوا انجلش مافي عربي؟؟؟؟؟؟؟؟؟؟؟؟؟؟؟ شلون اذا بسجل وانا مو فاهمه شي

العفو ياقلبي ماسويت شي

اذا ماقدرتي تفهمين شي لازم تشوفينلج احد يعرف انجليزي او انج تروحين للمجلس الثقافي البريطاني اللي بالمنصوريه واهم يقدمونلج عن طريقهم واساسا اذا تبين تنقبلين بجامعات بريطانيا لازم تكونين مجتازه التوفل او الايلتس على حسب الدرجه اللي اهم طالبينها
هذا اذا كنتي خريجة ثانويه اما اذا كنتي مخلصه مواد بالجامعه وتبين تكملين بره كتحويل او اذا مثلا عندج دبلوما وتتبين تكملين عاد اهني على حسب يشوفون اذا كانت دراستج مدتها جم سنه وماخذه موادج بالانجليزي اهني ممكن يتقاضون عن سالفة الايلتس او التوفل لكن مو دايما لان بعض التخصصات لازم تكونين مجتازه التوفل او الايلتس والا مايقبلونج لو شنو

حطي في بالج ان تقديم الطلبات من الحين لي شهر يناير وهذا التقديم علشان السنه اليايه اتداومين اذا اقبلوج ان الله

الوقت معاج الحين فلا تضيعينه اذا بخاطرج تكملين ببريطانيا تلاحقي على نفسج وروحي قدمي واحد من الاختبارات سواء الايلتس او التوفل وشوفي شنو اللي الله يكتبه لج

عندهم انتساب ؟؟؟

مادري حبيبتي بس يبيلج تدشين السايت وتشوفين اللي يناسبج

مشكوووووووووووووووووووره
صج صج فدتيني
الله يوفقج ان شالله

حياج الله ياقلبي وان شالله اكون ساعدتج ولو بشويه بانج تحصلين الشي اللي تبينه من خلال هالسايت
اسعدني ردج الحلو

بنات هذا بعد سايت يشرحلكم بعض التفاصيل عن الجامعات البريطانيه وتقدرون تقرونه بالعربي

www.uniadmission.com

مشكوره ياعمري بس مافي تسجيل للهندسه لشهر 2 لازم انطر شهر 9 علما ان معاي دبلوم هندسه

العفو حبيبتي
اهم نظامهم سنوي مو نظام الكورسات الامريكي لكن على فكره بريطانيا اكثر دوله تعادل مواد الدبلوم وتقدرين بس بسنه تاخذين البكلوريوس

مشكووووووووووره

يعني ما يصير ادرس الا شهر 9 الياي صح

للرفع

غلاي غير مشكوره على الرفع

شوفي غلاي انا بحطلج سايت وهو تقريبا يرشدج ويساعدج على اشلون تحصلين على قبول وهالسايت بحطه لج وللبنات اللي شوي توهقو بالانجليزي وهو فيه شرح وااافي عن الجامعات البريطانيه وطريقة التقديم والتكلفه وكل شي وهم لو تواصلتي معاهم بالايميل ممكن يساعدون للحصول على قبول والاحلى انه بالعربي يعني ابتقرينه على راحتج

السايت اهو
www.ukdemia.com

والله صج صج صج صج فادني واااااااااااايد موضوعج وونسني
صج انا كنت طايحتله بالناس اللي دفعي هالمبلغ واييبلج قبول
ولما اتصير حزه الصجيه ماكو شي
الله يوفقك ان شاء الله ويريح بالج
وان شاء الله احصل اللي ابيه

حياج الله ياقلبي وهذي الساعه المباركه ليدام اني قدرت افيدج لو بشي بسيط
وصاجه هالنصابين للاسف طايحينله مقصه على هالمساكين الطلبه
يالله
الله يوفقج بالدراسه اللي تبينها ياااارب وعسانا نفرح فيج متخرجه وماخذه الشهاده الكبيره

السلام عليكم

بنات انا بنتي راح تخلص ثانيه روضه حكومه .. بغيت اسجلها في بلاي قروب ما رضوا .. وكنت ابي هالمدرسه بس للاسف .. المهم اشرايكم بمدرسة اكسفوورد البريطانيه .. زينه حق اولى ابتدائي .. وابي مدرسه زينه بمناطق سلوي او رميثيه .. لا تبخلون علي ومشكورين

والله مدحوا لنا الغانم … بس اكسفورد يقبلون بدون اختبار – خاف ينزلونها سنه ؟

il ghanim a7san aw aag il amrekeya ib salwa amarecan academy bs qadmi now

مشكووووورين

up up

مرحبا امهات عفيه الي عندها خبره المدارس تساعدني الاني حدي حدي محتاره بين كامبردج حولي واكاديميه الخليج البريطانيه منو اقوى بالتاسيس ولدي انشالله بيروح اولى ابتدائي وابي تاسيس قوي بالعربي والانجليزي
والتسجيل مابقاله شي ويخلص
عفيه ساعدوني

حبيبتي أجوان كيمردج مريتها من قبل لما كنت بسجل ولدي يعني قبل 4 سنين كلللش ما عجبتني

و الخليج البريطانيه بنت خالتي ولدها هناك وما تمدحها و رفيجتي بنتها KG2 تمدحها

احسن شي تمرينهم وتشوفين اللي يعجبج

مشكوره حبيبتي دانة الزين على الرد
بس شنو اهيه kgs

امبيه سوري ترا مومركزه هههههههههههههههه يعني ثانيه روضه امبيه فشله ههههههههه
الحين شلون انا ولدي بيروح ير ون وين اوديه تعبت

هههههههههه
عادي حبيبتي ما ألومج من الغبار

ولدج بأي روضه ؟؟؟

بالباكستانيه الانجليزيه

حبيبتي لازم من الحين تمرين المدارس و تستقرين على مدرسه لان التسجيل بدا من زمااان واغلب المدارس عندهم فل لحقي على ولدج او دخليه حكومه

حبيبتي دانه الزين انا وديته اكاديميه الخليج وسوله اختبار واقبلوه الحمدالله بس متردده ومدرسة كمبردج معطيني موعد الاختبار بعد اسبوعين وحدي محتاره اخاف انطر الاحتبار ويروح علي موعد اكاديميه الخليج واخاف اسجله بالاكاديميه واتحسف على كمبردج مادري

استخيري حبيبتي
بس على فكره اكاديميه الخليج لي الصف السادس و كيمردج لي الصف التاسع
وعقبها تالي وين ناويه ؟؟؟

يعني تبين ولدج يتخرج من الخاص ولا بس جم سنه و بعدين حكومه؟؟؟

اكاديمية الخليج زينه وتاسيسها قوي

تسلمين لي بامبينا خلاص ابشرج سجلت ولدي باكاديميه الخليج البريطانيه وانشالله بيروح اولى ابتدائي
دانة الزين مشكوره يعمري على الردود تسلمين

الله يعينك بالاختيار ويوفقك الى الخير يارب

انا عيالي في كيمبرج لو بنصح كل ام لاتحط عيالها بكيمبرج حولي لا تفكرين نهائي نصيحه لو المنقف افضل بس حولي لاتفكرين نصيحه ماتعتبر مدرسه والله

مبروك القبول

مشكورين حبيايبي على الردود

ان شاء الله فكرتي تعجبك، سويلها سنسله على اسمها بالعربي

مممم تقدرين تاخذين لها عطور عربيه

روحي الاكواريوم
صوب محل الهدايا في محل يسوي اشكال بالكرستال
طبعي اسمها

اخذي لها ساعه ماركه من اون تايم هناك كل الماركات الراقيه في الغالي وفي اللي سعرها مناسب

احس الأجانب يحبون التحف
ويحبون محل شوارفسكي اخذيلها تحفه ولا ساعه ولا قلب مع خاتمه

اخذيلها شي يعبر عن الكويت يحبون التذكارات اهما مايهتمون بالقيمه كثر التاريخ والمعالم ..
ابراج الكويت مثلا ع ستاند وتلقينه بالمطار او المركز العلمي

اذا هي غير مسلمه اخذيها كتاب عن الدعوه للاسلام ويكون معه شئ فخم مثل عطر غالي او ساعه
وبالتوفيق

بالمنشر محل يبيع تحف كويتية

قوه

موضووع وااضح منوو يعرف هالمدرسه بليزز فيدوني

مدرسه بريطانيه الدوليه في فحيحيل

99 ولااا كلمه شدعوه

خدي محتاره مالقيت ولا موضوع غن مدرسه فيدوني

اب اب

يمدحونها

جزاج الله خير ريحتيني

ولد رفيجتي فيها – لغته ممتازة الانجليزي طبعا- بس مايعرف يكتب عربي كلش
عندج الامريكية بالفحيحل أقوى يطلع قوي من الصوبين احسن -والسعر موحيل يفرق
وانشالله بعد البنات يفيدونج اكثر

يعطيج العاافيه ووين امريكيه بالفحيحيل

حبيتي ورا نادي الفحيحيل
سئلي هناك وواضحة ترا بتشوفين المبنى

اللي ورا نادي الفحيحيل مدرسة الفحيحيل الانجليزيه..

شلونكم بنات

بعرف شنو معلوماتكم عن المدرسه وشلون مستواها

اهي مكانها بشارع عمان قريب من مستشفى الراشد

وهذا موقعهم

https://gulfbritishacademy.com/home.html

انا معاج ودي اعرف عن هالمدرسة ياريت البنات يفيدونه قبل لا يخلص التسجيل

انا ثنتين مدحولي اياها بس ابي اخذ اراء ثانيه وتجارب الامهات

وانا والله ما عرف عنها شي وابي البنات يفيدونا

رفع

ام اسيل تبين اي مرحله ؟

انا كي جي 1

وانا بعد

رفع

للرفع

انا بنت خالتي مسجلة عيالها وتمدحها بس اانا ما جربتها

عيالي أثنين فيها ثالث وثاني ابتدائي مستواها عادي وما أنصح فيها بس اهي احسن من الحكومه

فراري
انا باجر مقابلة بنتي فيها يعني شنو ما تنصحيني فيها

انا لي الحين كل اللي عيالهم فيها وايد يمدحونها ورحت عجبتني وايد بس المبنى شوي مو زود

فراري شنو اللي مو زين فيهم ؟؟؟

اسيل شصار عليج ؟؟

هلا والله حبيبتي اسوله الحمدالله انجحت في المقابله بس لي اللحين مو اكيد اسجلها بالمدرسة لان الامهات اللي في المدرسة لما سالتهم قالولي ما تلااحظين امه الطفل استفاد الا في 3 ابتدائي وفووق يعني قبل ما تلاااحظين فرق وهذا السبب اللي خلاااني اتردد

انا عيل اللي سالتهم وايد مرتاحين

والله حاله مو عاجبنا شي مادري شسوي الله يسهل

هاي بنونات

واخيرا حصلت اخبار عن الجامعه البريطانية بالكويت..بقيت سنه ادور عليها

هي الجامعه البريطانية بالكويت buk

مكان الجامعه سوف يكون بالاحمدي…والستجيل بشهر 7

والتخصصات الموجوده ببها

المحاسبه

الاقتصاد والتمويل

التجارة الاكترونية ولاعمال الدولية

والادارة والتسويق

واحلى شي انها فيها فرعين حلوين(الرياضه والسياحه)

وتتدرس المنهج البريطاني التي اتخذته الامارات بتدريس ومن ثم صار يدرس بالمدارس بالكويت في مراحل الدراسه

https://www.alanba.com.kw/ArchivePDF/…20ط§ظ„طھط·ط¨ظٹظ‚ظ‰.pdf

مشكووووورة

مشكورة يا الغالية افدتينا

اشوا يعني جامعة؟؟ بكالريوس؟؟

شلوون اذا بعرف رسووم التسجيل؟؟

ومشكووووووووووووووووورة

اي جامعة عادي فيها ببكالوريوس

الرسوم لسى ما قالو هنها بشهر 7 بقولو عن الرسوم

السلام عليكم

شلوونكم شخبااركم ان شاء الله تمام
حبيت اسأل عن المدرسه البريطانيه للبنات اللي بالفحيحيل (اللي يم مدرسه المستقبل )
منو يعرفها ابي اعرف هل هي زينه او لا شنو منهجهم وشنو الزين والشين فيها ؟؟؟

يعطيكم الفف عافيه

وينكم بسررعه قاعده انطركم ؟

انا اعرف وحدة مدخلة بنتها فيها

تمدحها حيل وبالنسبة لوصفها للمدرسة وطريقتها نفس المستقبل وانا ولدي هناك بالمستقبل ومرتاحة حيل معاهم

المعلومة تدخل عقل الطفل غصب عنه بدون نسخ ولا تعب

أنصحك فيها بس غاليو 1700 بالسنة

انا ولدي بالمستقبل 1350 اولى ابتدائي

توكلي على الله

بناااات واالله دخت واحترت مو قادره اقرر وبالذات اني ماعندي خبره بهالمدارس وهذي اول بنت لي وتروح kg2
بنات عفيييييه اي شي تعرفونه عن هالمدرستين قولوه ومنو الاحسن من جميع النواحي ماعدا السعر مايهمني
خاصه انس مضطره على خيارات جدا محدوده بسبب ان الوقت حده طافني وبس هذول اللي لقيت فيهم وبعد وحده بايرق خيطان اسمهاabs هم ماعرف عنها شي
وكمبرج بالواسطه يالله حطوني عالويتنق يعني موضامنتهم
اماااااااااانه بنات فيدوني باللي تقدرون عليه كل كلمه تفرق معاي وباسرع وقت لان لازم الخميس اكون خلاص مسجلتها
حده ماكو وقت
معتمده على الله ثم عليكم

للعلم هذا مو نكي نك مرت اخوي عشان لايصير لخبطه عندكم بس اهي مادش هالقسم يمكن ماتعرفونها بس اعطيكم خبر احسن

رررررررررفع

شدعوووووووه بناااااااات
رفع

افاااا حتى محد طل بالموضوووووع

الوطنيه الانجليزيه وااايد زينه و تهبل و تاسيسها قوي
بس اذا انتي بتخلين بنتج تكمل فيها الابتدائي و باجي المراحل ما عندي فكره

بس اقدر افيدج ان الحضانه و الروضه عندهم مستواها وايد ممتاز

اب اب

يا بنات يقلون غالية اسعارها
واذا حابة صج هلمدرسة دخليها تأسيس عشان تفهم اللغة بس المرحلة الابتدائية

مشكورين حبايبي عالرز وانا سجلتها فيها خلاص
والله يكتب اللي فيه الخير
اهي صح غاليه بس شسوي مضطره التسجيل خلص باغلب المدارس
دااااانه حبيبتي انتي مجربتها؟

رفع

رررررفع

بليززززز قولولي عنها اكثر
المدرسه الوطنيه

اي حبيبتي عيالي متأسسين فيها دخلت بنتي وولدي فيها حضانه و kg1 , kg2 صج تهبل عيالي وايد حبوا المدرسه
و السنه اليايه سجلت ولدي الصغير عندهم حضانه الله يعين قلبي عاد هذا دلوع الماما

انا سجلت بنتي كي جي تو ووليدي حضانه وعلى قولتج دلوووع الماما هذا
الله يووفق انشالله
وانشالله يكونون بكلاس واحد ونتلاقه

هلا حبيبتي انهار
زين اشوه اهم اصلا الحضانه عندهم بس كلاس واحد
انشاءالله نتلاقي وعيالنا يصيرون ربع