السلام عليكم .. شلونكم يا أمهات .. حبيت أسأل عن مستوى المدارس الباكستانيه من ناحية التدريس والمدرسين والكتب والطلبه .. هل صحيح ان الطلبه كلهم باكستانيين ولا فيه كويتيين ؟؟ وشلون مستواهم ؟؟ ياريت تفيدونى وما تطنشونى
أنا ولدي مو في مدارس باكستانية بس قريت بالمنتدى ناس يذمون فيها وناس يمدحونها … وأمس قريت مشكلة وحدة بالمنتدى ميتة من البجي من واجباتهم شي خيالي !!!!!!!!
راح احط لج رابط مشكلتها وانتي دشي واقري …. وشوفي شنو تبين ؟؟؟؟
هذا الرابط :https://www.q8yat.net/showthread.php?t=219154&page=3
السلام عليكم ورحمة الله وبركاته ..
موضوع حلو ___ بس والله وانا اقرى قعدت ابجي والله من معاناتي وماساتي
نا عندي بنت باول ابتداي بالباكستانيه المدرسه وايد قويه اذبحونا واجبات والله ما انلحقل لا انا ولا اهي
كل يومين يا املاء عربي وجمل طويله او املاء انجليزي 10 كلمات كل يومين يتغيرو او حل واجبات الماث الرياضيات
والله ان يعطونا الكلمه ومضارعها وماضيها انجليزي
والرياضيات اكبر واصغر من غير الاحاد والعشرات تخيلوا كل هذا بالانجليزي
غير كل يومين تعالي حفظي جدول الضرب الحين اوصلوا لجدول 5 غير + وال- و=
والله تعبان من الوجبات صح قوي بس موت تعب والبنت ازهقت
" الي مستغربه منه اعيال الاجانب والجاليات العربيه شلون قادرين يدرسونهم وكل واحد عنده على 3 و4 يهال بنفس المدرسه وبمراحل مختلفه "
قبل يومين معطينها انحفظها املاء عربي انا وأصحابي نصلي في مسجد المدرسه وبعد 3 واجبات رياضيات +واجب عربي وتحفيظ جدول الضرب 4
طبعا لا تشوفون وجهي يومها والله انا بجيت بدالهم هذول من صجهم كل هذا بيوم واحد
وتعالوا شوفوا التمرد من بنتي واللسان الطويل بنتي مطيعه وذربه انقلبت الوحش الكاسر وبعد الحين بالشهر الثامن انا وماقدر اصارخ واحتر بسرعه يحوشني هبوط وقلبي يعورني التمرد صاير على ودنوا اصلا خلاص عيارها فلت بعد شوي بتسوي انقلاب
تقول لبوها بدور لي بيت وام وابوا غيركم انتوا امذيني شريرين وانا مو بنتكم ومابي اقعد عندكم __ مو قصب
والله تعبانه حدي احس اني ام فاشله واحس كل ان بنتي بتصير فاشله بدراستها ومالها مستقبل عاد شفوا الافلام الي تصير لي
والله يابنات انام وانا احلم باملاءها وشنو بتسوي فيه او بمتحانها
وروح لامي افضفض تعيب علي وتتطنز تقولي عذي اول ابتدائي وجذيه امسويه فيج لو تروح الثانوي والجامعه بشصير فيج
واااااااااااااااااي قلبي متروسه ودي ابجي لم اقول بس احس الدنيا سوده بعيني واحس اني فاشله
لالالالالالالالالالا تقولون غيري المدرسه لان ميزانيتها تناسبني ماعندي ميزانيه لمدرسه اخرى اغلا
وايضا ما ابي اوديها حكومه الكل يعرف تدريسهم الله بالخير وضعيف
وااااااااااااااااااااااااااااي قلبي مترووووووسه
ا
ا
__________________
leza_q8
نزلت لج مشكلتها مثل ما اهي كاتبتها بالضبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكووووووره يا قطوه 1 .. ويعطيج العافيه حبيبتى .. بس هل كل المدارس الباكستانيه نفس الطريقه يعنى كل المدارس الباكستانيه يعطوون واااااااااااااايد واجبات ؟؟؟؟ ياريت الامهات اللى عيالهم بالمدارس الباكستانيه يفيدونى
شوفي انا اختي الصغيره بالمدرسه الباكستانيه بحوليي
خوووووووووووش مدرسه
يعطونهم واجبات
اهيا باولى رووضه
بس بصرااحه احسن لهم من الحكوومه
بس يغنون و يرقصوون
ماكو شي غيره
[quote=kika;5320550]شوفي انا اختي الصغيره بالمدرسه الباكستانيه بحوليي
خوووووووووووش مدرسه
يعطونهم واجبات
اهيا باولى رووضه
بس بصرااحه احسن لهم من الحكوومه
بس يغنون و يرقصوون
ماكو شي غيره[/quot
مشكوووووووره يا قلبى
اشدعوووووووووووووووووه .. شكثر اللى دشوا وشافوا الموضوع ولا وحده فيكم ردت !!!! ما عندكم عيال بالباكستانيه لا تدشوووووووووووون وتطنشوووووووووووووون .gif "Eh S(14)")
انا ولدي اولى ابتدائي بس الحمدالله لحد الحين واجب أ واسمه وكلمة انا
والرياضيات ارقام من 1الى10 طبعا بالانجليزي
والله الحمدالله ماشي بس لما اشوف الكتاب الرياضيات اقول الله يعين لان في ضرب وقسمه واقول اشلون راح يتعلمه
ع فكره ولدي كان بالروضه الحكوميه يعني توه دخل خاصه
وفي مدرسة اكسفورد الباكستانيه الانجليزيه
والطلبه كويتيين
المدارس الباكستانية تهتم بالجانب الاكاديمي اكثر من الترفيهي بالنسبة للطفل
صج تتعبين من واجباتهم …ترا حتى في عطلة الصيف فيه واجب يومي ..بس جد مستواهم ممتاز
انا دخلت بناتي في الروضة الباكستانية عقب صارت ظروف ونقلتهم في الابتدائي للحكومة
تخيلي دشوا يعرفون كل الاحرف الانجليزية كابيتال وسمول نطق وكتابة
يعدون من 1 – 100 عربي وانجليزي
بس الحكومة ما شاء الله عليهم مسحوووووووووا كل شي لانه في اولى ابتدائي بس استماع مافيه كتابه
وفيه شغلة كانوا حافظين قصار السور لانهم في الطابور يحفظونهم كل صبح ..اتوقع نائب المدير هو اللي يقراها
وهم يرددون وراه ..
الطلبة مختلط بين كويتيين وعرب واجانب
اتمنى اكون افدتج …
قمر الليالى .. زوينه .. مشكوووووووررررييين وما قصرتوا 
الله يستـر ..انا بدخل عواشتي للباكستانية السنة الجاية ان شاء الله أولى ابتدائي ..
وما دخلت روضة لا حكومة ولا خاصة .. الله يستر
اقتباس:
المشاركة الأصلية كتبت بواسطة الياسميـن  الله يستـر ..انا بدخل عواشتي للباكستانية السنة الجاية ان شاء الله أولى ابتدائي ..
وما دخلت روضة لا حكومة ولا خاصة .. الله يستر |
الياسمين .. ليش مو مدخلتها روضه ؟؟ وبعدين باى مدرسه باكستانيه بدخلينها فى كذا وحده ؟؟؟
حبيبتس اذا تبيبن نصيحتي دخليهم بس تاسيس اول سنتين بعدين نقليهم على الابتدائي لانج راح تتعبين انا سويت مع ولدي جذي الصراحه اسسته عدل وحولته الحكومه وماشالله الحين ما ادرسه انجليزي لان تاسيسهم وايد قوي صج في تعب عالياهل بس ميخالف بعدين ترتاحين .
دخليه الباكستانيه اللي بحولي على الدائري الرابع وايد ممتازة
اقتباس:
المشاركة الأصلية كتبت بواسطة باونتى الياسمين .. ليش مو مدخلتها روضه ؟؟ وبعدين باى مدرسه باكستانيه بدخلينها فى كذا وحده ؟؟؟
|
ما دخلناها روضة ..لأنه خلال هالسنة ..والعام .. طاقنا التسجيل مع الأسف ..(بالنسبة للباكستانية)
نروح شهر 4 ونلقاهم خالصين ..مادري متى تسجيلهم..!
وبالحكومة مانبي ندخلها روضة الحكومة .. أسستها على المبادئ الأساسية أنا بنفسي
يعني حفظتها سورة الفاتحة وسورة الإخلاص ..
حفظتها الأرقام بالانجليزي ..والعربي
الحروف بداياتهم
الألوان بالعربي وبالانجليزي
بعض اسماء الفواكة
يعني شغلات خفيفة ..ما زالت تخربط فيهم
الحين عندي هالسنة الدراسية اللي احنا ماشيـن فيها ..مادري شنو أتبع فيها ..
في معاهد خاصة مثلا للتأسيس ؟
ترى أنا مو خبررررة ..هي أختي الصغيرونة
بندخلها الباكستانية اللي بالفروانية ان شاء الله
[img]https://xlence.us/others/bletter****.jpg[/img]
.gif "Eh S(17)")
أنا عضوة جديدة في المنتدى وحابة منكم مساعدة.. عندي مقابلة في وزارة التربية لمادة اللغة الإنجليزية بعد أسبوع وبصراحة وايد خايفة مادري شنو يسألووني .gif "Eh S(16)")
بغيت خبرتكم واللي سوت المقابلة تفيدني بالمعلومات……