تعقيم المنطقة الحساسة + الملابس الداخلية

السلام عليكم ورحمة الله وبركاته

شخباركم بنات شمسوين ؟

سؤالين واللي يعافيكم :

1 – عندي غسول سيتيال اغسل فيه المنطقة الحساسة وأشطفه عقب بالماي بس قريت إن هالحركة غلط .. لازم بعد ما استخدمه أخليه وأجفف المكان وخلاص يعني ما أغسل المكان بالماي لأن المفعول كله بيروح !!! صج هالحجي ؟

2 – عادي أحط ديتول مع صابون الغسيل إذا بغيت أغسل ملابسي الداخلية ؟ وإذا عادي .. يكون الديتول بالشطفة الأخيرة يعني يظل أثره موجود ولا أخلي الشطفة الأخيرة ماي صافي بدون شي ؟؟

وسلامتكم

انا ما انصحج بالغسول لان يروح البكتيريا المفيده وهذا كلام دكتورتي

سالفه الغسيل ما اقدر افيدج والله

السلام عليكم
اختي انا احط ديتول للاستخدام الشخصي مثل ما قلتي بالشطفة الخيره .. بس عقب ارد احط كمفورت
و سالفة سيتيال للاسف ما عندي فكره

سينتيا

مشكورة حبيبتي .. صح كلامج إذا كان الاستخدام متكرر ومبالغ فيه لكن بالنسبة لحالتي انا محتاجتله لأن عندي التهابات

Mrs. Finance

مشكورة يا قلبي .. ديتول الاستخدام الشخصي أي واحد ؟؟ انا عندي العادي البني ومكتوب عليه مطهر ومعقم حق كل شي حتى ضحكني كاتبين عليه للاستخدام في حالات الولادة !

امممم مادري والله اذا فيج التهابات

انتي ما راجعتي دكتوره؟؟ شنو قالتلج؟؟

وهم تقدرين تسألين الصيدلاني احسن

والديتول والله مادري

حبوبة آنا غسول سيتال سوالي التهابات وهذا كلام دكتورتي
لأنه هالمنطقة فيها بكتيريا ضارة ونافعة واهوة يقضي على الكل
الحين استخدم سيبا ميد بس مو على طول للضرورة
مع التحية…………………….

الدكتورة اهي اللي اوصفتلي سيتيال .. اللي تستخدمه بدون ما يكون فيها شي وبصورة متكررة اهني يضر لكن إذا على حالة مرضية ما منه خوف بالعكس هو يعتبر علاج ومطهر
وبعد عطتني علاجات من حبوب ودهان بس مفعولها وقتي لأن على كلام الصيدلانية علاجي الكامل ما يكون إلا بالتحاميل وانا بعدي مو متزوجة

بنات بليز أبي جواب هالسؤالين فقــط

بالنسبه لسيتال واااااايد زين
واذا الدكتوره اوصفته لج استخدمي مثل ما قالتلج
ولازم تغسلينه ما يصير تخلينه لانه ماده قلويه
يعني تتشطفين في وتغسلين بالماي عدل

وحتى الديتول لازم تشطفينه بالماي ما يصير تخلينه على الملابس بدون شطف

سيتيال للفطريات بس مو للإستعمال اليومي لأن وايد ينشف

انا استخدم سيتيال ومرتاحه عليه بس مو بشكل يومي اما الهدوم غسليها عادي ووصي الخادمه لما تسويه اوتي اهم شي تحرر الملابس عدل بهالمنظقه انا جذي قالت لي حماتي

حتى انا سيتال الدكتوره واصفته لي
بس مو طووووووووووول اليوم تسخدمينه اذا معاج التهاب مره باليوم

انا صراحه اذا خذيت شور استخدمه مره

وطبعا ماتخلينه ينشف لازم تتشطفيييييييييين عقبه بالماي

وبالنسبه للديتول ماعندي فكره

انا استخدم سيباميد يوميا

واغسل ملابس بماي حار مع صابون تايد وشوي ديتول اخضر للاستعمال الشخصي واشطفهم

بس ايصير استخدم سيتال وانا حامل ؟

انا استخدم سيتيل واشطفه بالماي عدل
زمثل ما قالو البنات مو بشكل يومي يعني كل ما احتجتي له

ديتول الأخضر أوهوا حق الاستخدام الشخصي حتي هم كاتبين عليه ها لعباره و غسيل المابس الداخليه أغليهم بماي يقتل الجراثيم

مشكورين بنات ما قصرتوا بعد قلبي

ملابسي الداخلية أغسلهم بنفسي وأحاول أخليهم تحت الماي الحار كثر ما أقدر .. والحين مع الصيف واللوية استغفر الله مادري شسوي بعمري .. لو يحصلي أقعد بالهواء الطلق هههههههههههههههههههههه

إنزين بنات الديتول البني ما ينفع ؟؟ أمس شريتلي واحد اشكبره قلت بخليه حقي بروحي أكبكب فيه مثل ما أبي