|
|
اشلونكم بنات ،، حبيت اسوي تجمع حق الي يبون يعيدون رابعه وانا وحده منهم بعيد هالسنه وبخلي اسمي بالديوان وادرس مسائي بنات خنشجع بعض علي الدراسه والله قهر اللي تسوي وماتسوي خذت شهاده وانا متخرجه من المعهد صارلي سنتين وماكو وظيفه ليلحين،،،، يارب وفقنا يارب
نصيحه لوجه الله لا تتردين أبدا بإنج تعيينها انا عدتها وكأني الحين بجامعه الكويت
تخصص علوم سياسيه
صدقيني سهالات من ناحيه الدراسة وخصوصا المسائي
توكلو على الله ولا يحوشكم إحباط نهائيااااااا
ولا تهدون المدرسة بنص الكوس او ثاني كورس اذا درجاتكم مؤ زينه
صدقوني تقدرون تعوضون وعندكم مجال لآخر السنه
نصيحه اجتهدوا وكثروا ن الدعاء وبأذن الله ربنا ما راح يخيب املكم
وموقفين خير يا رب
ملاحظه بسيطه ,, يا رينج ما كتبي بالموضوع جملة – اللي يساو واللي مايسوى – خذوا شهادات
ترى هذي أرزاق وتوافيق المفروض تقولين الله يوفقهم عشان الله يسهل عليج هالسنه وتجيب النسبة اللي ابالج
شهادتهم حرااام شلون يكلون معاش حرام
نصيحه لوجه الله عيدوها الدراسه اسهل من نظام القديم
صج صعبوها وغيروا نظام الدرجات بس ماعليه استمريت والنفسيه اكس كملت ومانسحبت قلت تجربه ياتصيب اوتخيب
اخرتها جبت نسبه ولله الحمد ودخلت جامعه الكويت
ودعواتي لكم بالتوفيق للي ناوي يعيدها توكلوا ع الله سهلات باذن الله
ومايبون الا صور وشهادة عاشر و11 و12 و40 دينار وبس
اخطوا هالخطوه ومراح تندمون ان شاءالله
اذا جيتي بتتحاسبين يوم القيامة بيحاسبج الله على عملج انتي فقط
عيدي الثانوية بالعكس لاتتحبطين ومالج شغل بغيرج انا عدتها هالسنة وجبت 76 بس كان عندي دور ثاني فلسفة
شكثر ناس قالولي ليش ماغشيتي بس انا كنت حالفة اني لا اغش من احد ولا اغشش ابي تكون شهادتي حلال والحمدلله
على قسمة رب العالمين .. وعسى ربي يوفقج ويعطيج النسبة العالية يااااارب
بنات انا نسبتي كانت بال80 و دشيت الجامعة و طلعت لظروف و دشيت التطبيقي و الحين موظفة
بس عندي طموح لان وقتها كل شي صار عكس المخطط اللي كنت مسويته الحمدلله على كل حال
تنصحوني اعيدها منازل ؟ ماودي اطلع من وظيفتي الحين توني يديدة و ابي استفيد من الخبرة .. بس لو ظليت بوظيفتي شلون امتحن ؟ مااعرف التفاصيل و شلون التقديم له تاريخ معين ؟
