|
|
السلام عليكم بنات
شخباركم
بنات انا صارلي اسبوع حالتي حاله وربي نفسيتي تعبت حيل
جاني ارق مو طبيعي ؟ كنت اسهر وخرب نومي انام 8 او 9 الصبح واقعد 7 بليل المهم قلت بعدل نومتي ومسكت نفسي الساعه 12 الظهر وهني المصيبه ماجاني النوم لما الساعه 5 العصر وبعدها نمت وقعدت بعد ساعتين وعليها لما بليل
ونمت الساعه 11 ووقعدت 3 ونص بليل وقعدت لما 10 الصبح ونمت وقعدت 4 العصر ولما الساعه 8 بليل ونمت وقعدت 11 بليل وبعدها تخربط نووومي صارت نفسيتي خايسه وتعكر مزاجي صرت اذا بنام الساعه 9 لازم اكون على الفراش
قبله بساعتين صرت مااقدر انام وبالمووووووت وصعووبه بالنوم وربي تعبت واذا نمت اقعد بعد ساعين ابي اروح الحمام
ولما ارد اقعد ساعه اتقلب على الفراش وبالموت انام اقسم بالله صارلي اسبوع لا انام نفس الناس ولا اشبع نوم وان نمت
ساعه والا ساعتين وقاعده ومعاناااااااااااه ياللــــه انام اقسم بالله بصعوووبه ارق مو طبيعي ؟؟
بنات تتوقعون هذا من الحمل يعني انا بالسابع وكل شوي مغيره نومتي مابي اضايق البيبي وكل شوي حمام تكرمون والا
طارت النومه وتعاااالي بعدها نامي بالموووت اقسم احس تعبت ابي انام نفس الناس مااقدر ؟؟
شتنصحوني فيه بنات ؟ ومنو صار معاها جذي ؟ تكفون طمنوني ؟ اخذ حبوب منوم عادي والا يضر الجنين ؟؟
ردوا علي لوجه الله وربي النفسيه زفت والمزاج متعكر كلش ولا النــوم ؟
هذا طبيعي، خصوصا الشهور الاخيرة من الحمل يكون وايد صعب عالحامل انها تنام ، حتى نومها يخترب، وكثرة دخلوج الحمام بعد شي عادي، انتي مثل ما تعرفين ان البيبي يضغط على تحت وياثر على المثانه، وبالتالي بتحسين انج تبين تروحين الحمام كل شويه، لا تسوين جي بعمرج فديتج، ووقت ما تحسين انج بتنامين نامي، ولا تغصبين عمرج عالنوم، لان هالمرحلة وايد حساسة ومتعبة مع ثجل البيبي وضغطه على الرحم والمثانه
الله يسهل عليج وتمر هالايام بسرعة البرق وتولدين بالسلامة غناتي
انا شغال الارق معاي من نص الرابع
بس اغصب نفسي ع النومه واذا نمت احس بكل شي حولي نايمه وما جني نايمه
بس ما فكرت اخذ حبوب او شي اخاف تضر البيبي
انتي كلمي دكتورج وشوفي شقولج يمكن فيه حل
بس ابي اخذ حبوب منوم عادي ؟
كنت ابجي ابي انام ما اقدر والمصيبه ان الصبح عندي كليه
والله انا حاسه فيج بس حاولي تقرين قران ليمن تدوخين واشتري مخدة حق الحوامل
تريحج شوي والله يسهل عليج ويقومج بالسلامه
المهم اناام و ما اطيير النومة لان ان قمت رحت الغرفة او تحركت عن مكاني راح تطير النومة هههه
االله يكون بعونج و يسهل عليج انشالله
المشكلة لو تجين التتاسع مراح تنامين يجيج الارق عدل
اذا تبين شي راسليني عالخاص
يجينا ارق مو طبيعي ..
شنسوي الحمد لله على كل حال .. انا عندي كليه فما انام الا ورى الفجر ومرات الساعه 6 الصبح وعندي محاضره 9 تخيييييييلي !!!!!!!!!!!!!!!!!!!!!!
والمشكله ما انام الظهر على قومتي الصبح 
الله يهون علينا
الله يعدي هالشهرين على خير ونولد بالسلامة 
يعني اشووه كل الحوامل جذي شي طبيعي ههههههههه الحمــدللــه يارب
ارتحت والله
يعطيكم العافيه عالردود
الله يثبت حملنا يارب ..
كلنا نفسج
انا نمت 2ونص وقعدت 5 وللحين قاعده وكله من الحارج ذبحني
