التصنيف: صحة الفم والأسنان

السلام عليكم يا بنات

مشكلتي مشكله يا بنااااااااااااااااااااااااااااات وهي ان اسناني حلوووه

بس مشكلتها نصها بيضه ونصها اصفر
ياربي شنو سر هالاصفرار ما أدري مع اني لا اشرب لا جاي ولا قهووه ولا شي

والله اني استحي إذا ابضحك ؟؟؟؟؟؟

بنات دلوووووووووني على طبيب زين يعالجني او عطوني الحل

شسوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

1- سوي تنظيف اسنان سكيلنق تقدرين تسوينه بالخاص ولا بالحكومه
2-تقدرين تاخذين القولب الي بالصيدليه الي تسوين فيهم تبييض حق الاسنان المؤقت
3-اخذي معجون مال الاسنان الي يبيض الاسنان
لاتسوين التبييض الي باللزر لان ترا يضعف قشره السن

هاي بنات
واضح العنوان ابي احد يفيدني بتجربته عند عيادة الفوزان الي بالمهلب فوق؟
ومنو احسن دكتور ؟

احتمال اسوي عندهم لومينيز او قلام سمايل

الي تفيدني بتجربتها راح اكون شاكره لها

الدكتور بطرس شاطر

حبيبتي كاميليا مشكوره

بس ممكن تكتبين تجربتج ماعليج امر ؟ واسم الدكتور بطرس شنو ؟ وجم كلفج ؟

up up
uppp

اب لعنونج

حياتي العتيبيه :*

اب اب بنات فيدونا

كلهم شطااااااار

بالنسبه لبطرس انا مارتاح له واايد سريع جنه يبي افكه بس هم شاااااااطر

بس انا نفسيا ابي وايد بطيئ هههههههههههههه العله فينى مو فيه

مادري ليش ماقدر اروح لاي عياده ثااانيه نفسيا مارتاح الا عند الفوووزااااان

ريدلوف : هههههههههه عيل ينفعلي بطرس ! انا بسرعه اخلص ومضبوطه بالمواعيد وحياتي نفس الساعه

مشكوره بس ممكن اسأل شنو سويتي عندهم ؟

ههههههههههههههههه عند بطرس ضرس العصب ذبحني بس الحين زين بس طااااير ربه الى خلقه هااااااو خف علينا

و الباجي عادي تنظيف و هالسوالف

هههههههههه يحليله

بس انا ابي مال التجميل ؟ اهوا نفسه بطرس ؟؟

ابي اسوي لومينيز ؟ عدسة الاسنان الي تكبر الضرس عرفتيها ؟

انا اختي فتحت ملف عندهم تبي تسوي تبيييض بالفوزاان رفيجااتهاا يمدحووونه بس احناا رحنا ع نيااتناا ما سألناا عن الدكااتره لماا دخلنا قلناا نبي دكتور تجميل يسوي التبيض وقالت الي بالريسبشن تبيين رجال ولا حرمه قلنا حرمه وحولتنا ع دكتوره مصريه بس والله مو عاارفه اسمها اظن اسمهاا احسااان <<< عصصررت مخي عشان اتذكره بس للأسف للحين ماسوت اختي التبيض تنطر عرسها قررب
فتح الملف عندهم ب10 بس احساان تونس وشكلهاا شااطره وباالهاا طويل هذا الي استنتجته من اول قعده هههههه

مووفقه حبيبتي

اببب اببب لعيووونج

حياتي مشكوره على رفع الموضوع وتجربتكم

انشاللله تفيدينا اذا اختج سوته
انا مالي نيه اسويهم ليين شهر 4 الياي بس بغيت اسوي سيرج مبجر :$

ههههههههههههه
مادري حبي يسوي او لا سالي

عموووماا كلهم شطااار ترا بس النفس وما تهوى !!!!!!!!! هههههههه

خووش عياادة
انا اعالج تقويم عندهم وحلويين

قوووة بنااات

بنات حبيت أستفسر من اللي حاطين تقويم أو راح يحطون

سامعين بالتقويم اللي يصير من ورا الأسنان؟؟

و جم تكلفته؟؟ و وين أحسن عيادة تسويه؟؟

بنااات بليييز لحد يطنششش

انشالله البنات يفيدوونج بس انا الي اعرفه انه صعب تنظيفه وحتى بالكلام ماتقدريين تتحجين

تسلميييييين حبيبتي عالرد

بناااات بلييييز اللي سامعة عنه او تعرف تفيييدني

للرفع ولله جان زين لاني ابي احط تقويم وخايفه يخرب شكلي وايد

يالله بناااااااااات فيدونااا

حبيبتي شواره فسكيه انا اللي اعرفه ان اكيييد في تقويم جذي

بس ما اعرف اذا كل مكان يسوونه و بجم يكلف

انا بعد سمعه فيه بس ماادري وين بحط تقويم بس خايفه لان عندي اسنان لبنيه ولازم يشلعونها وينزلون الاسنان الي فوقها صج كلهم ضرسين بس حدي خايفه

upppppp

حبيبتي قصدج تقويم الداخلي

انا كان الدكتور ناوي يحطلي تقويم عادي وتقويم داخلي

بس خفت وانحشت

لوووووووووووووووول

انا ابى بعد اعرف بس اخاف من الطبيب خخخخخخخخخخخ
مع ان اسنانى مافيهم شى بس ودي احط خخخخخخخخخخخخخخخ
مشكوره ع الموضوع الحلو

التقويم الداخلي..
تقصدين ..
الحي بعد طايحين فالتقويم المتحرك اللي تلبسينها متى ماتبين..
التقويم الداخلي..
تقويم فاشل على كلام الدكتور لي ..
رحت لعيادة ابها جان يقولي الدكتور ماراح ترتاحين ليش ان راح يتركب ورا الاسنان بالتالي راح يعور اللسان يعني راح يعلق عليج ..
من ناحية الكلام ماراح تتكلم بالصورة الصحيحة كلش ..يعني بتقولين حرف والثاني باي ..ماتقدرين علية ..
من ناحية شد الاسنان التقويم العادي افضل ويخلص لج بالمدة اللي تتفقين عليها مع دكتورج اما الثاني يبيلة وقت
التقوم الداخلي اغلى من الخارجي…
اتمنى اني اكون افدتج…

يسلموووووووووو بنااات عالمعلومااات

امممم شكلي اخر شي بحط الشفااف؟؟

شنسوي بعد

اسمه التقويم الغير مرئي …

انا سألت عياده اسنان كلينك وقالوا انه يزيد عن التقويم العادي 400 دينار وانه احسن من العادي بمليون مره …

وان شاء الله بسويه … يارب …

ان شاء الله اكون افدتج غلاي …

يسسسسلمووووووو حبيبتي عالمعللللومة

و انشالله انا راح اسأل العيادة عنه اكثر و اشوف يصلحلي او لا

السلام عليكم يا حلوات و مساء الخيرات و الليرات

المهمووكل عام و انتو بخير و كويت العز بخير

الصراحة أنا ابي استفسر يا حلوات عن عيادة اسنان زينة

عندي فتحة بين ضروسي وما يسوى اسوي تقويم لان فتحة وحدة بس وكل اسناني المتبقية سليمة

اللي تعرف يا بنات عيادة اسنانتسوي حشوات تجميلية و تسكر هالفتحة اكون شاكرة و ممنونة

أفيدوني أفادكم اللة

و سلامتكم

عياده الميدان

عياده الميدان موزينه حدها عاديه

بيان لطب الاسنان اقوى شي

يعني عيادة الميدان سنعة؟

و عند منو و بكم؟

في فرجينيا والله حلوو
امي مجربته اينن

عيادة ابها حلوه والاستشارة عندهم مجانا

انا ما اروح إلا عند عيادة دنتل ايت ل عادل اشكناني شغلهم عجيب وما يروحها إلا الفنانين

كل ما اروح اشوف فنان(: وناسه انا عملت عندهم حشوات تجميليه وبعمل عندهم تنظيف وتبيض

عيادة الفوزان

يعني مجربة الحشوات

عسى بس حشواتهم سنعة؟و بكم؟

بصرااحه انا مع رورو الدلوعه وروحي عند دنتل ايت د.عادل اشكنااني واايد زين مشالله شغله اينن انا مسويه عندهم

اهوا علا حسب الاسنان واسعاره مناسبه بعد

اهوا بالبحر سنتر واذا تبين رقمهم قوليلي عالخاص

عيادة دنتل ايت شغلهم روعه

انا بعث لك رساله خاصه وحشواتهم حلوه انا مجربه ونفس لون الاسنان

السلام عليكم

سمعت عن الدكتور برنارد سعيد اللي كان بالميدان و راح رويال حياة
بعرف مجربينه؟ وشلون شغله؟

واذا في دكتور زين سامعين فيه ياليت تفيدوني

مابي ابرد اسناني ابي القشره الخفيفه بدون برد
وابي اعرف الاسعار لو سمحتوا
شكرا

ان شاء الله البنات يفيدونك

اب اب اب

وانا بعد وياج ابي بدون ما ابرد اضروسي

بنات ساعدونا شدعوة كل اللي دشو حتى رفع ماكوو !!

مادري شفيهم يتكودون بموضوع واحد يسولفون فيه ومحد يرد علينا

اب اب

اب
اب
اب
لعيووونج :*

اساإلي دكتور اسنان احسن راح يفيدج اكثرر

والله ماعندي فكرة
موفقه

سؤال التلبيس يكون حق شنو ؟؟

انا بعد ابي تلبيس بدون برد اسنان
يصير او لأ ……………. ؟

تقصدين الـليمونير

انا سألت دكتور اسنان قالي تبرز الاسنان لانها مثل العدسة تتركب فوق السن بدون ما يبردونه فتخلي يبرز .. ما نصحني فيها

السلام عليكم شخباركم حبوبات
فديتكم ذوات الابتسامة الحديدية منو جربت تقويم ابها ومنو احسن دكتور انا حجزت عند دكتور هندي جنه فيجي والله مو مثبته بليييييييييييييز اللي تعرف تفيدني وثااانكس

وعليكم السلام والرحمة
هلا وغلاا

صج زيييييين اشوى لقيت وحده نفس دكتوري يالله حياتي موفقه والله انا محتاره بس بصلي استخارة والله كريم يكتب لنا الافضل
طمنيني عنج فديتج مشكورة عالرد

السلام عليكم
لو سمحتي ابي اسالج عن تقويم الاسنان في عيادة ابها
لانج كنت مشاركة بهالموضوع من فترة وقلتي بتركبين عندهم التقويم عند الدكتور فيجي
فبعد اذنج ابي تقولين لي تجربتج معاهم , لاني رحت لهم وقالي بركب لج تقويم وبحط لج براغي فخفت و مارديت لهم.
مشكوره وايد

دكتور فيجي يسوي الاسنان حسب حالة الاسنان وطريقة العلاج شنو يحتاج
واذا متردده استخيري بعدها شوفي الصور اللي معالجين عنده بعضهم اسنانهم صعبه
واطلعت نتايجهم حلوه ماشاءالله وسعره حسب حالة الاسنان
وشكثر ناس يعالجون عنده امدحوه انه ممتاز وغير شكلهم وحده قالت لامي ان بنات خالتهم لو تشوفين اسنانهم
اللحين ماتصدقين ان اسنانهم كانوا مو مضبوطين من قبل

اختي احلى عروس براغي وين يركبهم بالفك والا بالاسنان ؟

فيجي ماهمه الافلوس وبس اناخرب اسناني مايشرح ولايتفاهم وماله خلق وكله مبوز وتأفف ومايحب تسألين عن شي حسبي الله عليه ونعم الوكيل ومن تخلصين تقويم قطج على السستروبس. واللي تقول تغيرو اسنان بنات وايد اكيد التقويم يغير وعدل ولكن. المعامله والاهتمام حتابعدتقويم اهم
خرب اسناني حسبي الله عليه بأهماله

هلا بنوتات
جااان اشيل التقويم من عقب سنه مشاءالله مرت بسرعه
وركبت من اسبوع الريتينر وبديت اعاني منه ؛(
قالي الدكتور لازم اول 3شهور عطول فيني بس اذا باكل
متى بتعود عليه وبصير عادي ماجنه شي فيني ؛(؟
ويصير اشرب واهو فيني .؟.:؟؟؟

أنا باقي لي شهرين وأوصل مرحلتچ الله يعين :||

السلام عليكم كويتيات وخليجيات

ومبارك عليكم الشهر وعساكم تعيدونه كل سنة وصحة وسلامة مع احبابكم

بنات ديرتي الحبيبات ،،

عندي سؤال ،، ألا وهو ،،

منو احسن دكتور يسوي تبيض للأسنان في الكويت ؟

وممكن تذكرين رقمه مع الاسم ولك كل التقدير والاحترام

ودي افيدج بس ولا مره جربت ابيض اسناني عند دكتور

ودي اعرف

اسمه دكتور محمد رمضان
في طيبة كلينك
و يسوي تبييض باحدث جهاز اللي اهوا جهاز" زووم "

و رقمهم 808088

marioom

*
*
*
*

ملاك-77

*
*
*

شكرا لمروركن

*
*

انا استخدم معجون يبيض الاسنان والحمدلله مرتاحه عليييييه

وايييييييييييييييييييد

fooshya.q8

ممكن تقولين لي شسم معجون الاسنان ؟؟

فوشيه …. شسم معجونج؟؟؟؟؟؟؟؟؟؟؟

انا سويييت زوم تبي استانست فيهم اسبووع ورداو مثل قبل _ كلا جذب_ انا استخدم الحين كرست وعقبه معجون مترس بالجمعيات محد يدرس عنه اسمه ايميل ديامنت وايد زين

الله يشافيج يارب شوفي الحكومة
واسشيري كذا دكتور قبل لاتروحين الخاص

الله يعينج والله ماعندي فكره

روحي لاستشاري أو اخصاصي جراحة فك

لحقي على عمرج لا تسكتين >> ممكن يدعمون عظم الفك عندج بعظم صناعي ( يشبه إلى حد كبير العظم الطبيعي)

من أفضل الدكاتره عندنا :

د.عادل العصفور بمستشفى السيف

أو د.نائل الهزيم .. عيادته ببرج التجارية بالديرة

أو د.هيثم مراد ببسمة كلينيك ( فرع حولي او بنيد القار)

حبيبتي عورتيلي قلبي عليكي …الله يشفيك و يعافيكي