التصنيف: صحة الفم والأسنان

السلام وعليكم بنات

منو جربت عيادة شفاء الجزيره اللي بالفروانيه

انا اسناني يبي لهم شغل
ماسمعت من قبل عنه ابي تفيدوني للي مجربينه

ارجووووووووووكم خواتي الغاليات بموت من ضرس العقل شلت واحد من فتره بمستشفى هادي بعد ما الكل مدحلى الدكتوراسامه وطبعا بسرعه بسرعه اشلعه ويلا مع السلامه لا عطانى مضاد حيوي ولا قالي بعد الخلع لازم اربع وعشرين ساعه ماتتمضمضين بالماي وطبعا صار بكتيريا مكان الخلع ومن دكتور لدكتور ومن مستشفى لعياده لما راحت البكتيريا والحين الثاني مورم ولازم اشلعه وميته من الخوووووووووووووف وابي استشارتكم اي دكتوووووور ارووووووووووووووووووووووووح؟

والله ما عندي فكره انشاالله البنات يفيدونج والله يشافيج ياااااارب

د. شيبو توماس عيادة باب هاني …. ايده خفيفه وممتاز والله يشافيج

وين صايره العياده ؟

تعرفين رقمهم؟

مره رحت لبنيد القار جان يصير دوري عند دكتورر كويتي صغير بالسن طوويل ومليان متين شوي الله يعافيه واعتقد يلبس نظارات طبيه

حتى لمن جا يشلع الظرس انا ماعبالي بيشلعه عبالي انه طالب وبيجهز للدكتور لين يجي جان اخاف وقلت انت طالب ضحك وقال لا جان اسلم امري لله ونعم فيه وفعلا ماحسيت بلمحه الا هو شايله تبارك الله ايده خفيفه

أهم شي لا تروحين عيادة أبهــا في شرق لأن مرة كان ضرسي العقل يعورني وقالت لي الدكتوره أظن إسمها معصومة ، إن عمليتج صعبه وتطول ساعه وبعطيج آخر موعد باجر ، طلعت وآنه مخترعه وقلت حق إختي اللي صار فقالت روحي الأميري وشوفي شنو يقولون لا تستعجلين وفعلا رحت عند دكتور كويتي صغيروون وحبووووب وماشاء الله عليه بس قعدت ما طولت 5 دقايق وشلع الضرس آته إنصدمت شوفوا الفرق ؟؟؟؟؟

عيادة باب هاني بمجمع السلام في السالميه – شارع سالم المبارك
عماره مدوره ورا محل بوسيني
ت : 5730000
د. شيبو توماس ممتاز عن تجربه بس تأكدي من الأسم عدل لا يعطونج احد ثاني

عيادة الميدان إلللى بالفرانيه الدكتور عبد الله شاطروايده خفيفه ماشاء الله عليه لا يطوفج 100%

اخذي تحويل وروحي بنيد القار اكو دكتور اسمه علاء الموسوي شاااطر واكو دكتور هندي صغير ومادري شسمه هم خوش دكتور وهم الدكتور عبدالعزيز السنعوسي خووووووش دكتور وانا شلت كل ضروس العقل ملوتي وصرت مينونه خخخخخخخخخخخخ

اختى الغاليه الدكتور/شيبو توماس انتى شلتى ضرس العقل عنده؟

ايده خفيفه؟

عطاج مطاد حيوي بعد الخلع؟

شلعتى ضرس العقل عنده والله خايفه ميخالف استحملوني

اختى سويت عنده العصب بس ما شلت ضرس العقل عنده
هو شايل ضرس العقل لواحد من أهلنا … يعني كل العايله تعالج عنده
بس ما شاء الله دكتور ايده خفيفه وفاهم وعطاني مضادات وللألم

بس مثل ما قلت تأكدي عدل يعطونج الدكتور ومو واحد غيره لأن اعتقد في واحد ثاني اسمه توماس عندهم

توكلي علي الله حبيبتي وشلعيه

انا شلعتهم بامريكا
3 ضروس عقل يالله العقل
وقالي تمضمضي بماي وملح وماعطاني مظاد حيوي ولا شي مع انه لثتي شبت علي وورمت لاتشوفيني صرت جني ياسر عرفات بس قالي عادي مو محتاجه مضاد حيوي هذا شي طبيعي
بس بعدين رديت الكويت عطوني مضمضه تهبل طعمها على نعناع تشترينها من الصيدليات
اسم المضمضه
Zordyl

مشكووووووووووووووره يالغاليه

نشكوووووووووووره يالغاليه

السلام عليكم يا حلوات و مساء الخيرات و الليرات

المهمووكل عام و انتو بخير و كويت العز بخير

الصراحة أنا ابي استفسر يا حلوات عن عيادة اسنان زينة

عندي فتحة بين ضروسي وما يسوى اسوي تقويم لان فتحة وحدة بس وكل اسناني المتبقية سليمة

اللي تعرف يا بنات عيادة اسنانتسوي حشوات تجميلية و تسكر هالفتحة اكون شاكرة و ممنونة

أفيدوني أفادكم اللة

و سلامتكم

عياده الميدان

عياده الميدان موزينه حدها عاديه

بيان لطب الاسنان اقوى شي

يعني عيادة الميدان سنعة؟

و عند منو و بكم؟

في فرجينيا والله حلوو
امي مجربته اينن

عيادة ابها حلوه والاستشارة عندهم مجانا

انا ما اروح إلا عند عيادة دنتل ايت ل عادل اشكناني شغلهم عجيب وما يروحها إلا الفنانين

كل ما اروح اشوف فنان(: وناسه انا عملت عندهم حشوات تجميليه وبعمل عندهم تنظيف وتبيض

عيادة الفوزان

يعني مجربة الحشوات

عسى بس حشواتهم سنعة؟و بكم؟

بصرااحه انا مع رورو الدلوعه وروحي عند دنتل ايت د.عادل اشكنااني واايد زين مشالله شغله اينن انا مسويه عندهم

اهوا علا حسب الاسنان واسعاره مناسبه بعد

اهوا بالبحر سنتر واذا تبين رقمهم قوليلي عالخاص

عيادة دنتل ايت شغلهم روعه

انا بعث لك رساله خاصه وحشواتهم حلوه انا مجربه ونفس لون الاسنان

السلام عليكم

سمعت عن الدكتور برنارد سعيد اللي كان بالميدان و راح رويال حياة
بعرف مجربينه؟ وشلون شغله؟

واذا في دكتور زين سامعين فيه ياليت تفيدوني

مابي ابرد اسناني ابي القشره الخفيفه بدون برد
وابي اعرف الاسعار لو سمحتوا
شكرا

ان شاء الله البنات يفيدونك

اب اب اب

وانا بعد وياج ابي بدون ما ابرد اضروسي

بنات ساعدونا شدعوة كل اللي دشو حتى رفع ماكوو !!

مادري شفيهم يتكودون بموضوع واحد يسولفون فيه ومحد يرد علينا

اب اب

اب
اب
اب
لعيووونج :*

اساإلي دكتور اسنان احسن راح يفيدج اكثرر

والله ماعندي فكرة
موفقه

سؤال التلبيس يكون حق شنو ؟؟

انا بعد ابي تلبيس بدون برد اسنان
يصير او لأ ……………. ؟

تقصدين الـليمونير

انا سألت دكتور اسنان قالي تبرز الاسنان لانها مثل العدسة تتركب فوق السن بدون ما يبردونه فتخلي يبرز .. ما نصحني فيها

ناااطرة ردودكم

انا بعد ادور زراعه رحت لعيادة الدكتور عال الزهير و قالي دكتور الأسنان اللي هناك ان تكلفة الضرس الواحد 450 دينارو تاخذ العمليه من 6 اشهر ل 9 اشهر ، بس للحين متردده و ماسويتها

اووووووووووووووله 450 !!!! نظل بدون ضرووس احسن !!
شاكرة لج مرورج

شنو هذا ابتزاز

450 واااايد
انا بعد بسوي زراعة,,

عيادة الميدان عند دكتور عبدالله حلوة اسعارهم بس الزراعه غاليه مو رخيصة وتركيب انا مسويه الضرس الواحد 150 دينار

السلام حبيبتي انا سويت عند عياده فرجينيا وشغلهم وايد حلو

حبيبتي العيادات الخاصه الاسعار بحدود 400 الي 500 دينار

ترى يمدحون الاميري والزراعه هناك مادري يا 80 دينار او 120 تقريبا

بس الزراعه انا دكتورة قالت لي مو اي دكتور يضبظها يعني لازم يكون دكتور شاطر و عنده خبرة
بصراحه ان صار لي 3 سنين من شلعت ضرسين على اساس بسوي زراعه و عقبها سويت حادث و ماقدرت اسويها و لما رحت مؤخرا للكتور قال لي العظم تآكل فاذا بسوي زراعه لازم اول شي زراعة عظم و انتظر 3 شهور لين مايشوفوا قابلية الجسم لهالعظم بعدين يشقون مره ثانية العظم و يزرعون حديد و عقب 3 شهور ثانية لين 5 شهور يسون تركيب للضرس و قال لي كل العملية تكلف 1600 دينار هذا بعيادة عادل الزهير ، بصراحه خفت و رحت ركبت ضرسين بس متحرك ب 50 دينار عن عيادة السلام بس بصراحه مو شي ما اعرف اتكلم فيه و لا اكل فيه و كل شوي مسوي لي التهابات باللثه و المصيبه قالت لي دكتورتي اذا ما سويتي الزراعه مع مرور الوقت بتصير الأسنان تتباعد

انا بعد سمعت أسعار الزراعة وايد غالية و في هالحدود

بجم اسعارهم ؟ وجم رقمهم ؟ و وين العيااداة ؟؟

عند اي دكتوور ؟؟ و شلون اسوي موعد ؟؟؟ لأنه انا ما اراجع بالأميري

نفس الحال

بنات اللي سوت زراعهة تفيدنا تحتاج بنج عام ولا موضعي ؟ وتعور ولالا

للرفع

هذا الحجي اقتبسته من رد دكتورة اسنان بمنتدانا

الاقتباس"
ساشرح لك عملية الزراعه بالتفصيل المبسط ( بس اخاف تهونين ) الشرح يخوف نوعا ما و لكن من حق المريض ان يعرفه و ثقي تماما بانك لن تشعري باي الم اثناء الزراعه و بعد ذلك لن تشعري بوجود اي شيء غريب اثناء الكلام او الاكل اما المضاعفات التي تحصل بعد العمليه فيتم السيطره عليها بالمضادات الحيويه و مسكنات الالم فالألم ما بعد العملية مماثل لخلع السن ويتم توفير علاج للمرضى لتخفيف الألم متى ما حدث ويكون في بعض الأحيان انتفاخ (بعد 84 ساعة و يزول بعد 27 ساعة ) .. تستغرق العمليه من 15_30دقيقه و قد تصل الى ساعه حسب عدد الاسنان المزروعه .."

وترا في وحدة بالمنتدى سوت الزراعة تقول الشغلة وايد بسيطة وسهلة وماكان في عوار لان عطوها بنج موضعي,,
بس راح تراجعهم مرة ثانية بعد شهرين والدكتورة قالتلها ان بعد شهرين المرحلة راح تكون اسهل,,

ولا ردددددددددددد ؟؟؟؟؟؟؟؟؟ معقوله محد جربه ؟

حبيبتي خليج عالتقليدي احسن واضمن

بعدين لازم قواعد !
ولا شلون تثبت الواير

اب لعيونج

السلام عليكم

بنات اللي تعرف عن الدكتور محمد الرفاعي ياليت تفيدني
استشاري تقويم الاسنان

شرايكم فيه ؟؟

في احد سامع عنه

في انتظار ردودكم بأسرع وقت

لا والله ما اعرفه انشالله البنات يفيدونج

السلام عليكم ورحمة الله وبركاته

شلونكم شخباركم

بغيت اسال اي احسن عياده اسنان من المجربين

كــ التقويم و التبييض الاسنان

واتمنى افادتي ومشكورين

انا تعاملي مع الميدان وشغلهم ميه ميه
بس عاد انا كله عصب واشياء جايدة ماسويت تبييض ولاتقويم
بس اتوقع شاطرين بعد ولهم فروع بشرق وحولي والفحيحيل
سمعت يقولون البيان زينين بعد ببرج الخرافي

تسلمين ياعمري الفزاعة على الافاده بس شرايكم بعياده ابها

شرايكم بعياده ابها للاسنان

انا اتعامل مع عيادة( دنتل ايت) لعادل اشكناني شغل روعه روعه وشغل نظيف
انصحك فيه عن تجربه

عيادة الفوزان وايد زينة اخوي مسوي تقويم هناك و انا على طول اراجع عندهم حق عصب او اي مشكلة بالاسنان

السلام عليكم

بنات انا اسناني فيهم فراغات وابي اعرف اذا تنفع لي الحشوات التجميليه

ووين تنصحوني اسوي؟

ويعطيكم العافيه

رفيجتي نفس حالتج سوت حشوات تجميليه(سيراميك) شكلهم طبيييعي و حلو
سوتهم عند طيبه كلينك

اسنان كلنك

أنا ناوية أسوي لكن بصراحة أسعارهم ضو الواحد ما يقل عن 2500 درهم الله يعينا على الغلا ..ويرحم والدنا زايد ويبارك لنا في عياله

يعطيكم العافيه بنات على الردود

ما اعتقد تكلف لاني بس بسوي اثنين

اذا فيه احد عنده فكره عن الاسعار بليز تقول لنا

هلا حبوبه

انا عندي جم ضرس اللي جدام من فوق الأماميه فيها فراغات

فرحت طيبه كلينك وقالي يا إنج تسوين تقويم بس مدته سنه وقيمته 1500 ودينار

أو

نسويلج تلبيس سيراميك ومدته شهر ونفس القيمه بحدود 1500 دينار

طبعا لازم تروحين بنفسج عشاان ياخذلج أشعه لهم ويقولج شكثر القيمه ويشرحلج شن ممكن يسويلج

بصراحه حلو شرحه وحبوب وباله طويل

بس أنا حالياً ماعندي هالمبلغ فأجلت السالفه إشوي

إن شاء الله بسوي التجميل مابي تقويم

والله يعينا يارب

ما عندج فكره جم سوتهم ؟

ويعطيج العافيه حبيبتي

شلون مدته شهر ؟

وانتي جم واحد تبين تسوين؟ 1500 غالي وانا بس ابي اسكر الفراغات وبس اثنين

ومشكوره حبيبتي على الرد

حبيبتي انا سويت حشوه تجميليه بدون ما اقولهم ابي!!

مره سويت ضرسي عصب وطبعا احفرولي اياه,, وبعدين وراها حطولي حشوه تجميليه بدون لا اطلب منهم اهما الي حطوها وجنه ماتبطل ضرسي ولا جنهم سووه

وسويته ببنيدالقار حكومه ,, على فالي رايحه (:

انا سويت بعيادة الميدان بس بس بسرعة انكسروا ورديت سويتهم وهم انكسروا

جنه الحشوة الوحدة ب40 او 45 بس كلش ما انصح فيهم

والحين قاعدة ادورلي مكان ثاني اسوي فيه

وحدة مسوية بعيادة اسنان ماشاءالله مو طبيعييي صج اينن قلت بدق اسألهم بجم ونسيت

ملاحظة : ترا الحشوات مو نفسهم التلبيس " السيراميك "

أنا سويت أسناني بعيادة البيان تقنيه جديده ب 3 ألاف الاسنان الأماميه روووعه

ينكسرون زين قلتي بسويهم تلبيس سيراميك

يعطيكم العافيه بنات

انا قصدي تلبيس سيراميك

لأن إهوا قالي مايصير تسكرينهم بحشوات تجميليه أكيد بيتكسورن

انا أكثر من واحد عشاان ذي قالي المبلغ 1500 والمده شهر بالمارجعات وجذي يالله أخلص

أما إنتي بس أثنين أتوقع بأسبوعين تخلصين

هلا حبيبتي
انا سويتهم بعيادة الميدان بشهر 1 سنة 2024
وصراحه تسكرو الفراغات بس اطلعت لي مشاكل ثانيه
وصراحه ودي اشيل هالحشوات وارجع اسناني لشكلهم الطبيعي مادري يمكن لاني مو مقتنعه بالحشوات التجميليه
المهم انا عندي اربع من اسناني الاماميه فيهم فراغات طبعا اللي بالنص زينيين بس الكلام على اللي يم اللي بالنص
المهم الحشوات صراحه شكلهم اصفر وفيهم ريحة
وصراحه انا لحد الان م مقتنعه بالحشوات مادري يمكن عياده عن عياده تفرق

السلام عليكم

بناااات بلييييز ابي احسن دكتور اسنان تجميلي

في ناس مدحولي الصالح كلينك عند دكتور علي الهندي بس مواعيده فل
وانا مستعيله

منو زين بهالعياده
واذا غيرها !

وافضل مايكون دكتور كويتي لاني افتشل

هيييييييييييييييلب