الوسم: الورم

خواتي الله يفرج همكم قولوا امين
الموضوع ومافيه ان خالي طلع في ظهره ورم وقالوا مكان اعصاب الظهر
المهم احنا مانبي نسويها بالكويت سمعنا عن مستشفى الامريكي ومستشفى توام اللي بالامارات للاورام
المطلوووووووووب
ماعليكم امر

اي مستشفى احسن بتخصص الاورام
رقم تلفون المستشفى
الله يرضى عليكم
ومشكورين

الله يشفي خالج ويقومه بالسلامه

ماعرف بس بحاول اسألج وحده اماراتيه اعرفها وان شاءالله تعرف

واب لعيونج

الله يشافيه بس والله ما اعرف

للرفع

اولا حبيبتي

اسأل الله العظيم رب العرش الكريم ان يشفي خالج عاجلا غير اجل

ثانيا
عزيزتي انا انصحج بمستشفى ام دي اندرسون هو افضل مستشفيات العالم لعلاج الكانسر والحاصل على المركز الا ول
وطبعا اولا واخيرا الشفاء بيد الله سبحانه وتعالى وماهم الا سبب فاستخيروا فيه والله يكتب اللي فيه الخير

موجود بالولايات المتحده الامريكيه ولاية تكساس

وعليكم حبيبتي بالصدقه والرقيه الشرعيه والاستغفار
وتصدقوا بنية نجاح العمليه وشفاءه

واذكرج حبيبتي الاستخارة في جميع اموركم حتى لو بس رايح يسحب دم

والله يشفي كل مريض

الله يشافيه يارب ويقومة لكم بالسلامة انشالله

والله ماعرف

الله يشفيه وجميع مرضى المسلمين

• السلام عليكم ورحمت الله وبركاتو الحمدالله رب العالمين والصلات والسلام على نبينا محمد وعلى الهي واصحابهي اجمعين ماادري من وين ابدا قصتي يمكن شوي طويله انا تزوجت 2024 بشهر 2 من اول شهر تزوجت فيه وانا ملهوفه على اني احمل بسرعه لاني من يوم صغيره وانا اموت على شي اسما جهال وكنت كله احب امثل اني انا الام بس سبحان الله كنت حاسه اني راح تكون في اشياء تعيقني على اني اكون ام بسرعه المهم بعد ست شهور من الزواج بديت اقلق رحت كشفت رحت عند دكتور اسمه تدور بالراشد وماستشرت حتى امي كان اكبر غلط لانه العجله فيها الندامه فحصني وسوالي كل التحاليل وقالي كل شي طبيعي وتمام عندج وبعدين عطاني ابر وكلوميد بس بشي زياده يعني فجر فيني وبعد ماخذيتهم صار المبيض اليمين يعورني حيل وزاد العوار فيني حيل والدوره كانت ميه بالميه طبيعيه وصارت سوده وماتنزل وروحي تطلع من الالم وتعبت تعب مايعلمه الا الله وماخليت مستشفى مارحت لها ابي اعرف ليش الالم اول شي قالولي كيس حجمه 2سم ومايئثر وعادي يروح ومن هالحجي وبعدين تكرمون بالدوره من الالم القوي صار ترجيع معاي وخلاص تعبت ورحت حق دكتوره مهجه وشافتني بالدوره قالت كيس 2سم وبعد الدوره بالتبويض قالتلي تعالي وبعدين فجئه قالت حجمه 8سم استغربت بيوم وليله غريبه انصحتني اسوي عمليه لانه مايصير علاج لانه كبير حيل وبعدين طلعت من عندها خايفه افكر باي شي الا العمليه كنت خايفه حيل ولا مره سويت عمليه وبعدين رحت حق مستشفي الجهراء وسويت عندهم صنار واشعته رنين ورحت البيت فجئه بعد سبوع دقواعلي زوجي وقالو لازم تجيبها مره ثانيه عشان نعيد الاشعه طبعن لما يقولون جذي وقالو تعال الحين جيبها خفت عرفت انهم شاكين ورحت طول الوكت ادعي بالسياره واقول يارب يارب وعدتها وبعدين قالو الحدالله كيسدهنكان عبالنا ورم خبيث وبعدين رحت راجعت عند استشاري بمستشفى الجهراء ومن غير ذكر اسامي عشان العمليه لازم تكون باسرع وكت لاني كنت اتئلم وهذا الدكتور الله يهديه حددلي موعد العمليه وعطاني رقمه قال اذا حسيتي باي شي غريب او الم حيل دقي على وخذيته وبعدين زاد الالم دكيت قلت دكتور انا تعبانه حيل شسوي اروح الحوادث بعدين قام يسولف ويقولي انا معجب فيج وانتي حلوه خفت وسكرت التلفون وقلت ماراح اسوي عندهعمليه سبحان الله قلت يمكن خيره وبعدين قلت حق زوجي وعصب وبقى يذبحا بس قلت لها مالنا شغل فيه بعدين تحولت على دكتور ثاني شاف تحاللي واشعاتي وحسيت انه كان خايف قالي وانا ماادري شنو فيج بالضبط بس مو جيس دهن بس لا بعد في شغلات داخل شني اهيا ما ادري وبعدي وخفت حيل ورفض يسويلي العمليه بطريقه غير مباشره ورحت من عنده وانا مئيسه حدي والام وتعب وبعدين دلتني وحده من رفيجاتي على العرف عند دكتور اسمه عماد ورحت وقالي الدكتور لازم بئسرع وكت العمليه انتي الي فيج حجمه اكبر من8سم حجمه 13سم وقال انه المبيض متئاكل عندج وكانت حالتي مشابها للبطانه الهاجره وقالي الحمدالله للحين ماوصل للثاني بس شكله قريب وقالي ما اضمن لج اني ماراح استئصل المبيض وبعدين توكلت على الله وبعد الدوره علطول عطاني دخول عشان بع الدوره على طول تكون الهرمونات طبيعيه خوف من الالتصاقات وغيره ورحت ودخلت العمليات الصدمه لما فتح لقا ورم على المبيض وملتف خلف الرحم ومافي فايده من المبيض لانه متئاكل وشاله خسرته لله الحمد على كل حال وبعدين الدكتور كان متفائل اني راح احمل بسرعه وخذو الورم المختبر وحللوه عشان يعرفونه حميد ولا خبيث المهم طبعن شفت الورم كان حيل كبير ويخوف طبعن انا كنت حيل ضعيفه وزاد وزني حيل بسبب الورم وبعدين طلعت من المستشفى وبعد عشر ايام من العمليه رحت بشوف الورم حميد ولا خبيث والحدالله حميد كان اسم الورم الورم المسخي قريب هذا الورم حيل كان داخله عضم واسنان وشعر شي غريب بس ماعرفو متى صار وليشومن شنو وبعدين انا كنت احس بئلم بالمبيض الثاني الموجود الحين عندي وشفت الا قالي الدكتور انا بالعمليه شفت المبيض الثاني كان ممتاز شي غريب بعشر ايام يطلع كيس حجمه 3 بئربعه وانصدمت وقالي انتي حاله يوقف الطب عنها وحسيت الدنيا صكت فيني وطلعت وانا ابجي وماشوف جدامي ورحت بعده حق دكاتره ثانيه وكل واحد كلام وقاعد احس مثل هذاك الالم تقريبا وخايفه تعبت قولولي اذا كان ورم وموبين الحين مثل هذاك بيوم وليله شلون اوقفه عن النمو انا خايفه اخسر الثاني حيل وانا حلمي اني اكون ام يارب تكفون ادعولي تكفون لاتنسوني يارب يارب ترزقنا يارب بنات وكل الي ودي اقوله لكم انه في بعض الدكاتره مايفكرون بحالته المريض يعني الي تحرش فيني كان مومقدر حالتي وتعبي حرام عليكم ليش جذي ليش مايوقفون معانا ليش الدنيا صارت ماتفكر الا بنفسها يالله ترحمنا يارب والله اني عانيت اكثر من جذي وبس يبنات الي ابي اقوله اذا تعرفون شي يوقف الاورام او يقضي على الاورام يقولي انا عمري 21 سنه وتوني صغيره ادعولي ولاتخلوني واحب زوجي حيل واتمنى ما اخسره:eh_s (16):

وينكم تعالو تكفون انصحوني

الله يشفيج يارب ويعينج ادهني جسمج بزيت مقري قري سورة البقره ,,,,

حبيبتي ماتشوفين غير العافيه
وتعوذي من الشيطان دامه الحمدلله حميد
والحمدلله علي كل حال يارب
وعليج بقيام الليل وسورة البقره واضبي عليها والاذكار والاستغفارات
ولاتفكرين وايد بالحمل وان شالله ربي بيرزقج عاجلا غير اجلا يالغاليه

شوفي نزلي وزنج وكلي كولفاج وروحي لدكتور محمدصلاح بالسلام او سوي اوراقج علاج بالخارج لان حالتج لازم يوافقون عليها لاتخلين نفسج اهني ترا عادي يشيلون الثاني بكل سهوله ماعندهم رحمه روحي بره

اعتقد تروحين تكشفين عند احد وتعالجين علاج بالقران

الله يشافيج ان شاءالله ويبعد عنج وعن جميع المسلمين الامراض

ويرزقج بالذريه الصالحه المعافاه

الله يشفيج انشالله ياربي ياحبيبي انك تشفيها شفاء لايغادره سقما حبيبتي استغفري واايد كثر ماتقدرين واقري سوره البقره كل يوم وخلي املج بالله انزين روحي مستشفى الراشد عند دكتور محمود عبد الستار ترى شاطر بهسوالف روحيله لاتنسين وشوفي شنو يقولج وبشريني عند وراح ادعليج من كل قلبي وبكل صلاه فجر باذن الله يخف عوارج ويروح اي مرض عندج ويرزقج بالذريه الصالحه عاجلا غير اجلا يارب العالمين لاتنسين تبشريني عنج

اختي لازم تراجعين عند دكتور شاطر بسرعه .. عشان ماينتقل هالشي للمبيض الثاني
و ياحياتي لا تخافين .. لاسمح الله حتى لو شالوا المبيض الثاني عندج حل طفل الانابيب تقدرين تحملين عليه ..

موفقه يارب و التزمي الصلاه و اكثري الاستغفار و الصدقات و اقراي صوره البقره لاربعين يوم لاتقولين صعبه

الله يشفيك يا رب
أختي يمكن انتي فيك عين و حسد
لازم تقرين سورة البقرة و تستمرين عليها لما تتشافين ان شاءالله…. ضروري تقرينها.
نصيحة :
روحي للدكتور محمد السيد قطب……………. ترى وايد شاطر
طيعيني و روحي له و شوفي شنو يقول لك.
رقم عيادته: فاطمة كلينيك 25641234

لا حول ولا قوة الا بالله
الله يعافيج ياختي و يكشف ضرج

ما لك الا الله الشافي المعافي اسأليه و هو قريب سبحانه

لا تأسينا ربي بيكرمج ان شاءالله

الله يعطيكم العافيه يارب على كل من ردت علي على فكره انا جربت اعشاب طب عرب ورقيه والله كريم

الله يشفيج يارب

ليش ماتسافرين الخارج بأسرع ما يمكن

ياارب اسال الله بااسمه الشافي المعافي ان يشفيج ويعاافيح

روحي لشيخ يقرى عليج

او اقري انتي سورة البقره يوميا والقران واكثري الاستغفار والدعاء في الثلث الاخير من الليل

وربي ان شاءالله مايخيب ظنج ويرزقج ويشفيج يااااارب

اقري على نفسج وايد ولا روحي لشيخ يقرا عليج
اشربي ماي مقري فيه وتدهني بزيت
لا تخلين صلاة الليل والدعاء الدعاء الدعاء
روحي لدكتور واثنين لا تتركين نفسج

صباح الخير
بنات انا اعاني من الورم الكيسي في ايديي وحيل مضايقني شكلة ولما اروح الطبيب يقول لازم جراحة
وانا اخايفة وماابي عفية بنات الي سامعة او مجربة علاج غير الجراحة تقولي

السسسسلام عليكم ورحممه الله وبركاته ..

ششششلونكم بنات .. هذا اول موضوع لي واتمنى الاقي تفاعل وياااي ..

عندي استفسارين الاول عن خالتي والثاني عن امي الله يخليهم لنا ..

خالتي عمرها تقريبا في آوآخر الثلاثينات ..

و طلع لها ورم في صدرها اليمين والحمد الله طلع ورم حميد ..

المشكله هي ماتبي تسوي عمليه لانه يطلع ثاني مره .. وحجمه يوم عن يوم يكبر .. احد يعرف علاج له غير العمليات ؟؟!

ياليت اللي عندها معلومات او تعرف احد لا تبخل علينا ..

الاستفسار الثاني عن الوالده الله يحفظها عمرها في آوآخر الاربيعينات ..

الوالده قبل 4 او 5 سنوات طلع لها تليف في الرحم .. وانصحوها تشيل الرحم كله بس ارفضت وشالو التليف فقط ..

الحين في آخر بطنها في نفس الكوره وفيها مسمات كباار .. المشكله ان بين فتره وفتره تلتهب هذي المنطقه وتتصخن امي منها .. فيه دكااتره قالوا لازم عمليه نشيل كل الدهون والدهون اللي على الكبد ونرفع السر فوق لانهم بيسحبون جلد البطن تحت امي فيها ربو وخااايفه حيييييل ماتبي تسويها لان البنج يتعبها ويجيها ضيق تنفس مع ان فيها ربو ..

وفيه دكتور قال لها لاتشيلينه مع انها تتعب منه بين فتره وفتره تتعب وتصير المنطقه حاره وحمرا وتتصخن ويعطونها مضادد حيوي لما يخف .. اللي تعرف شي او تعرف احد قد صار له كذا تخبرنا ولها الاجر ان شاء الله ..

آختكم

لك خافقي

آحتريكم

اسال الله العظيم رب العرش العظيم ان يشفيهم
نصيحه لوجه الله خليها تعالج بره كويت

الله يجزاك خير حبيبتي ..

وين يعني برى ؟

وين ردودكم خواتي .. لاتبخلون علينا الله لايوريكم مكروه

اسال الله رب العرش العظيم ان يشفيهم شفاااء عاجلا غير اجلا

الله يجزاك خير حبيبتي ولايوريك مكروه ..

اسالله الله العظيم رب العرش العظيم ان يشافيهم اجمعين
وعليكم بالدعاء والماي المقري واخراج الصدقات بنية الشفاء وان شالله يشفون باذن الله
اما عن اسالتج ما اقدر افيدج ماعندي خبره سامحيني

اسال الله رب العرش العظيم ان يشفيهم شفاااء عاجلا غير اجلا

للرفع

السلام عليكم ورحمه الله وبركاته
بدخل بالموضوع على طول لانها صاكه فيني الدنيا
انا يا طويلات العمر عندي ورم ليفي صغير حيل واكتشفته الدكتوره قبل الحمل وقالت ما ياثر بس يبي متابعه خلال الحمل لانه ينمو والاورام 3 انواع خلال الحمل واحد يزيد حجمه وبعد الولاده يرد لحجمه الطبيعي او يضل على حاله او يصغر
انا بعد 7 شهور من اكتشاف الورم حملت واجهضت في شهر ونص بس ما كان بسبب الورم الحمد لله على كل حال
بس رحت لدكتوره وسويت سونار بعد الاجهاض مباشره قالت الورم صار بحجم البرتقاله يعني اكتشفت انه من النوع اللي ينمو مع الحمل وهو في البدايه كان صغير حيل والله يوم قالت لي صدمتني وقالت مالك الا تجربين تحملين على طول بعد الاجهاض عشان تشوفين حملك يتم ولا لا قلت ليش انتي خوفتيني قالت انا بس اصارحك بالحاله اللي عندك لانه اذا دخلتي الخامس الورم بيصير كبير ويضايق الجنين وفي الغالب ينزله لان الرحم يصير مزحوم بالورم واغلب الحالات من هالنوع لازم ازاله الورم بالاول واذا لاقدر الله اجهضتي مره ثانيه لازم تاجلين الحمل لحد ما تخلصين من الورم
وانا حيل صغيره وما عندي اطفال خايفه موت من فتح البطن والله انا الحين عند امي بعد الاجهاض ومو قادره اقول لها عن سالفه الورم لانها كبيره سن والورم عندها يعني سرطان بعيد عنكم اخاف افجعها بس انا احس اني مكتومه ونفسي احمل بسرعه والدكتوره قالت الحمل مع الورم تعب مضاعف ومثبتات وانا احس من الحين تلفت اعصابي كل من شافني قال غريبه لك بطن مع ان الحمل بس شهر ونص
ما يدرون انه الورم مو قادره اقول لاحد والحين عندي نغزات قويه بعد الاجهاض ما ادري ممكن حمل بعد الاجهاض مباشره لاني سمعت حالات من هالنوع يحملون بدون دوره بعد ما تطهر على طول
نفسي وحده مرت بنفس حالتي تطمني منو عندها ورم من النوع اللي يكبر وجابت اطفال
طمنوني الله يجزاكم خير

اللـــــه يـــشـــفـــيـــج

اااااااااااااااااااب

مايحتاج فتح بطن الطب تطور وتقدرين تسووين منظار

الله يشفيني ويشفيج يارب وانا بعد عند ليفة صغيرة الله يفكني منها يارب

في وحدة قالتلي عن خلطة تشيل الليفة وتعرف وحدة جربتها

تيلسين في ماي فيه مرة وحرمل وحدة جربتها شهر وبعد شهر الليفة صغرت كانت وايد كبيرة لدرجة ان قالولها لازم جراحة

الله يشفينا جميعا يارب

الله يشفيج ويعافيج ويرزقج الذريه الصالحة

الله يشافيج ويعافيج ويرزقج بالذرية الصالحة
ويشفي جميع مرضى المسلمين يارب

الله يشفيــج يارب

كثري استغفار وتعوذي من ابليس لاتخلينه يحطم نفسيتج .. ترا النفسيه لها دور كبير

طيب ليه ماتشيلينه مو شرط تحملين استاصلي هلورم بلمره ..

وعلى قولة البنات يمكن مايحتاج عمليه .. ان شاءالله ..

واذا لابـد من عمليه سويها هذا الله يستر عليهم يسوون قيصريات والله ساتر عليهم ..

ماعليج هونيها وتهون ان شاءالله

الله يفرج لج ويرزقج

..

حبيبتي الله يشافيج يارب ويرزقج بالذرية الصالحة

اب
ماتشوفين شر الله يرزقج بالحمل التام

الله يشافيج ان شاءالله

انا مادري بس خوفتوني الصراحه
انا بحمالي الاول بنتي بشهر السابع طلع مثل الشي الدائري فوق سرتي رحت الطبيب تقول عادي هوا و ولدت و خلصت بعد موجوده جبت المردده و ريتها تقول هذا عادي و بعد نفاسي بشهر حملت الحمدالله بولدي و ولدت بسلامه بس الدائره موجوده بعد خوفتوني الصراحه ناطره نفاسي يخلص و اروح اشوفها

السلام عليكم بنات

بعد ماسويت السونار طلع عندي ورم ليفي حجمه كبير

الدكتور قال مال المستوصف مثل ماتوقعت … لم شاف الصور وقال عملية

حولني حق الصباح العيادة الخارجية

تكفون بنات قولوا لي اللي تعرفونة حدي مرعوبة وخايفة من العملية

يعني خطيرة ولا سهلة؟؟

تحسون بعوار حيل لم تطلعون من العملية؟؟؟

العملية تطول؟؟؟

في مجال أحمل بعد العملية ولا لأ؟؟؟

اللي عندها خبرة بهذا الموضوع فيدوني الله يخليكم

الحمد لله على كل حال ويارب يلطف فيني
بانتظاركم

اول شي ما اتشوفين شر و الله يشافيج من هالورم وترتاحين

و العملية سهله وبسيطه انا جربت عملية المنظار و الحمدلله ما فيها ألم ولا شي و حتى لو صار في ألم قليل من الغازات بعد العملية احيانا يصير ألم لأن تظل غازات داخل الجسم بس تقدرين تتحكمين فيه بالمسكنات و ما اعتقد انها اتطول وما في الا العافيه توكلي على الله ولا تخافين الحمدلله سهاله.

و ان شاء الله اتحملين بعد العمليه ليش ما اتحملين انا اعرف وحده نفسج شالت ورم من الرحم وحملت بعدها.

ما عندي علم ، بس الحمد لله في علاج ، و الله يسهل أمورج و لا تحاتين

مشكوريين ياقلبي على ردودكم الطيبة

والله يسهل أنا باجر رايحة المستشفى والله يسهل يارب

تحياتي لكم

استغفر الله العظيم منكل ذنب عظيم

الله يسهل امووووووووورج يارب

وماتشووفين شر

وياااااااااااااارب يااااااااااارب الله يرزقج بعدها علىى طوووووووووووووووول

تسلمين يالغالية مشكورة حبيبتي

والله يسمع منج يارب

ربنا معاكي إن شاء الله .

تسلمين يالغالية

شلونكم بنات
قبل جم يوم كنت حاطة موضوع عن الورم اللي بريلي وبسببه ماقدر امشي وكله عواااااااااااااااااار من الصبح لي الليل
اول امس رحت عند امي وخواتي…لما شافوا ريلي صاروا ميانين
على طووووووووووول مستشفى
لما رحت الراشد طوارئ(هالحجي امس لان اول امس ماقدرت اورح) قاسوا ضغطي وطلع مرتفع
وسوولي تحليل دم طلعت الاملااااااااااااااااااح مرتفعة
وسوولي تحليل بول طلع فيني صديد بالبول
والمشيمة عندي كبرت قبل موعدها وقامت ترسب كاالسيوم
وفوق هذا عطوني مضاد حيوي وبس
الحين خايفة شلون كل هذا فيني وعطوني موعد بعد خمس ايام ..موجنه وايد؟؟؟؟
شنو رااااااااااااااااااااااايكم

:

ياااااي
ربي يعينج ان شا ءالله
انا صارفيني ورم في ساقي ويوم شافته دكتورتي قالتلي هذي رضة وعطتني بندو ومضاد حيوي استغربت

واول مرة خذيتهم طبعا سسيده المستشفى لان اعتقد معدتي ما استحملت الحبوب وصار معاي استفراغ ورى بعض فوقفت العلاج وقمت استخدم بس الجل الي عطتني ياه احس الحين خف شوي حتى الحكه تبعها راحت

اختي تقولي مال الحمال يمكن نوعية حمالج يحوشج جذي

بس اذا كل هذا طالعلج بالتحاليل اللهيعينج وبي يشافيج ويروح الورم والعوار

ديري بالج على نفسج وطمنينا شنو يصير معاج

:

مشكوربن على مروركم

والله يسهل علينا ويرزق الجميع بالذرية الصالحة

دااااااااااااااااااااام ضغطج مرتفع ديريبالج من الملح لاتقربين يمه
ترى انا ارتفع ضغطي فجاه اخر الساااااابع وماقدروا ينزلونه ولدت نص الثامن اهم شي الحين ضغطج لايرتفع
انا كنت كل يوم اقيس ضغطي وكل يومين ثلاثه عند الطبيبه حسب ماتقولي ومافي لاطلعه ولا روحه عشان الضغط ينزل
بس الحمدلله قدر الله وماشاء افعل ولدت نص الثامن وولدي قعد بالحضانه اسبوعين وتالي طلع الف الحمدلله

فانتي ديري بالج انا من دريت انه فيني ضغط خففت اكل وسويت رجيم وقللت ملح حتى ضعفت كيلو ونص باسبوعين
وهذا وايد على الحامل انتي من الحين ديريباااااااااااااااااالج
حتى الاشياء الي فيها ملح لاتقربين منها بطاط شبس اي شي حب كلش سلامتج ماتشوفين شر

وخري عن الملح وشربي ماي كثر ما تقدرين
وشربي منقوع النعناع تراه مدر للبول علشان ينظف مجري البول عندج

والله يشافيج ويشافي كل مريض يارب

ما تشوفين شر ياالغاليه و انشاءالله ربي يحفظج انت و جنينج

مرحبا بنات

انا بدش بالموضوع ع طوووول

انا اكتشفو معاي ورم ليفي بالرحم وابي منكم تنصحوني وين اروح ابي دكتووره شاطره ابي اتاكد من اللي فيني تكفون لا تبخلون علي بالرد
ودمتم
ملاحظه / عمري 28 سنه

ربي يشفيج ان شاالله .. بس شنو اعراضه وانتي شنو كنتي تشتكين منه ….؟؟؟؟؟؟؟؟

اشتكي من نزيف حاد اثناء الدوره الشهريه والام اسفل الظهر واسفل البطن وصدااع والام بالساقين الله يعين بس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟