الوسم: الوجه

يسعدنا استضافة الدكتور نائل الهزيم

تخصص جراحة الوجه والفكين والاسنان

السيرة الذاتية :

أرجو كتابة الاستفسار بشكل واضح

وسيقوم الدكتور مشكورا بالرد بعد تجميع اكبر عدد من الاستفسارات

ما شاء الله سيرة حافله

احب اشكر الدكتور نائل على اعطائنا جزء من وقته فجزاه الله خير

ونشكر المنتدى على استضافة الدكتور نائل

عندي كم سؤال

اول شي استوقفتني كلمة American board diplomat مالمقصود بالظبط بالبورد الامريكي؟
هل هي شهاده معينه او تدريب او ايش بالظبط لان حسب علمي اعرف ان الشهادات العلميه
3 بكالريوس وماستر ودكتوراه لكن ما ادري بالظبط ايش هو البورد ياليت توضح لنا يادكتور

السؤال الثاني : بالخليخ اشوف ان غالبية الي عندهم مشاكل بالفكين يركبون تقويم للاسنان وبعده جراحه للفكين وبعد الجراحه يتم تكميل التقويم كم شهر وتنتهي الحاله بس الغريب ان ببعض الدول العربية مصر وسوريا وانا اخذت استشارات قبل سنوات خلال زياراتي ما يبدأون بالتقويم
بالعكس يبدأون بالعمليه اولاُ وبعده التقويم فلماذا هذا الفرق بالعلاج وما السبب وبراأيك مالطريقه
الصحيحه

السؤال الثالث : خلال العشر سنوات الماضيه ماذا تطور بمجال جراحة الوجه والفكين خصوصا بموضوع جراحة الفكين التصحيحه

السؤال الرابع والاخير : قرأت عندكم جهاز اشعه جديد بمستشفى السيف ما فرق هذا الجهاز عن
جهاز الاشعه العادي والي استغربته وجود اخصائي باشعة الوجه والفكين فهل قراءة اشعه
تحتاج لاخصائي بهذا المجال اليس اي طبيب اسنان يستطيع فراءه الاشعه وفهمها ؟

آسفه للاطاله واكرر شكري لك يادكتور ولادارة المنتدى

اشكر مديرة المنتدى بنت الكويت على استضافه دكتور نائل الهزيم

اللي اعتبره صراحة احسن واشطر دكتور في الكويت

انا ما عندي اي استفسار حق الدكتور بس احب اشكره

على عطائه المتوااصل واخلاقه الراقيه وابارك له على الشهر الفضيل

للامانه سوالي جراحه وسوه حق اختي ماشاءالله ليه يومج هذا وانا ادعيله

والله يكثر من امثاله والله يوفقه يارب ومنها للاعلى

السلام عليكم ورحمة الله وبركاته

مشكوره بنت الكويت يالغاليه على الاستضافه الرائعه لدكتور نائل

ويسعدنا تواجد دكتور من مثل دكتور نائل بيننا

وسؤالي للدكتور :: انا ابي اسوي ابتسامة هوليود ولكن من غير ما ابرد اسناني (( اقصهم)) يصير ويسوونها لي ولالا..؟؟
اذا مابردتهم يجدمون جدام الاسنان .؟؟

وجم تكلفني تقريبا..؟

واكون شاكرتلك دكتورنا

واذ

اول شي مبارك عليك الشهر ومشكووور لانك عطيتنا من وقتك واشكر اداره المنتدى وبنت الكويت

انا بستفسر عن الفراغات الموجوده في الاسنان العلويه مو فراقات كبيره لا بس تبين ابي اعرف شنو الطريقه المناسبه لجعلها متراصه سامعه عن الحشوات وقالو انها تطلع ريحه كريهه مع الوقت

وبس مشكوووووره مقدما

مششكوورة بنت الكويت علئ استضافةة الدكتوور نائل

يعطيكم العآفيه

أنآ سؤآلي

١-أنآ أقكر أقص لثتي شوي بس للتجميل هل في عوآر ؟! و جم يوم يظل العوار !!

٢-وقص اللثة بالليزر أو لأ

٣-وجم تكلف قص اللثه ؟!

٤- وإذآ في مدة للشفآء من قص اللثة جم يوم ؟!

وبس مشكوريين

السلام عليكم و روحمة الله و بركاته ،،،
مشكوره ع استضافة الدكتور نااائل
يعطيج العافيه بنت الكويت ماتقصرين 

السلام عليكمم والله وربي يششهد علي ان بنت خالتي اتعاني
انها تعاني من ورم سرطااان برقبتها وبعدين ياا صوب سقف الحلج
وصار فيها خطا طبي وشالو نص لثتها للي فوق ضروسها موجوده كل تقارير والفحوصاتها
للي بنعرفه اكو عمليه زراعه لثه وين عيادتك ويين مكانك وربي يادكتور البنت حالتها نفسسيه حيييل اتخيل بنت عممرها 22 بدون لثه نص حلج حتى ضروسها ثلاث مع لثتها شالوهم دكتور طلبتك انت وبنت لكويت توقفون معاها والله يالعظيم اقرب الناس اتعايرها بصحتها وهذا رقممي بعطيه لج بنت الكويت بلخااص بس بليزز ساعدينا والله مالنا غير الله وانتو دكـــــــتور اتمــــــــــــنى اترد علي ضرروررررري

حيااك الله دكتور .. عندي استفسار وياليت تجاوب عليه

عندي مناسبه شهر 9

1) وابي اسوي تبييض لأسناني .. كم من الوقت احتاج قبل المناسبه ؟؟

2) سبق وحاولت .. وقال لي الدكتور .. ان الإصفرار باسناني ..

هو نتيجه .. لتناول امي .. لأدويه خلال الحمل .. بي .. اي .. ان الاصفرار .. منذ تكون الأسنان .. قبل الولاده

هل بالامكان .. ازاله الاصفرار .. هذا ؟؟

السلام عليكم .. يعطيج العافيه بنت الكويت الف شكر لج على استضافة الدكتور نائل ..
حياك الله دكتور وجزاك الله خير ..
عندي اكثر من سؤال :
1- انا اسناني بسبة ضرس العقل قبل ما اسويله جراحه ضاغط عليهم وتحركوا فصاروا مو صفه وحده مو وايد بس مبين نوعا ما !! وودي احط تقويم؟ بس سؤالي!! هل التقويم ان شلته راح يردون مثل ماكانوا!

2-وايد دكاتره ماينصحون بالتبيض اللي بالعيادات ..ينصحون بالقوالب اللي بالصيدليه.. ابي رايك دكتور لو تكرمت؟

3- دكتور برد الاسنان هل يضر الاسنان وهل له اضرار! وايد يقولون لي اذا بردتي اسنانج راح تصير حسااسه ..

ومشكوور ويزاك الله خير

السلام عليكم و روحمة الله و بركاته

شكرا لك بنت الكويت على استضافة الدكتور نائل الهزيم
وحياك الله دكتور معانا منورنا
عندي سؤالين لو سمحت دكتور:
1_ بالنسبه لعمليات تقويم الفك كم تكلفتها وكم نسبة نجاحها بالمئه وهل العمليه تحتاج لكسر عظام الفكين .
انا عندي الفك العلوي لا ينطبق على الفك السفلي يعني متقدم عنه ومرات عند مضغ الطعام يصدر الفك صوتا مما يسبب لي الاحراج احيانا يعني هل في امل اني اعدل فيه او لأ .

وشكرا لك يا دكتور وجزاك الله خير

اشكر المنتدى لـ استضافته للدكتور نائل و اتمنى انه يتقبل اسألتي بـ رحابة صدر …

سؤالي :
انا محتاجة اسوي زراعة اسنان في الفك العلوي… بس لازم اسوي زراعة عظم في البداية بسبب تراجع مستوى العظم في الفك…

سؤال شنو نسبة نجاح زراعة العظم اجمالا ؟

و هل في احتمال انه العظم المزروع يتحرك او ما يتثبت في مكانه او ما يتماسك مع العظم الاصلي ؟

و شنو اهي مدة الشفاء بعد زراعة العظم ؟

و قواااك الله و يعطيك العافيه

مشكوره حياتي مديره المنتدى على الاستضافه الحلوه

يعطيك العافيه دكتور

اناا توني شلت التقويم.وللاسف باقل من اسبوعين ردوا اسناني مثل قبل..واساسا ماكانت عاجبتني النتيجه لما شلته

بس عندي فراغات بين اسناني انا كان احد الاسباب اللي ركبت فيها التقويم ان تتسكر الفراغات..بس ردت فتحت..هل اكو حل ثاني غير التقويم لان مستحيل ارد اركب مره ثانيه

واللي لاحظته ان لثتي كبرت وما قمت احب اضحك وايد

ياليت تفيدني

مشكوره بنت الكويت ع استضافة الدكتور نائلوحابه استفسر عن عملية تجميل الذقن (تطويله)حابه اسال اي نوع افضل .تطويله بقطعة عظام اضافيه او سيلكون او حقن ؟انا سالت جم دكتور وكل واحد قال نوع >بدون ذكر اسماء العيادات ابي رايك دكتور وابي الشي المضمون والي مو مضر مع شرح افضل نوع كيف العمليه ؟؟وشاكره لك مرا ثانيه

السلام عليكم

السعر 25 دك شامل توصيل
متوفر ايضا حبوب من نفس الماركه بتركيز 500 ملجرام

:::::

موفقة يارب

موفقه

تسلمون يا رب

الحمد لله

الحمد لله

::::::::::::

::::::::::::

good luck

تسلمين حبيبتي

::::::::::::::الحمد لله:::::::::

الحمد لله

الحمد لله

:::::::::::::

السيرم

الكريم

يمكن الاختيار واحد من المنتجين السيرم او الكريم ولا يمكن استعمالهم بنفس الوقت
سيرم وكريم للوجه وآخر للشفاه يوفر مستوى عالى جدا من النقاء وبتركيبه مميزه تجعل حامض الهيالورونيك نقي بشكل كافي لحقنه وبنفس جودةه التي يستعملها اطباء التجميل في عمليات حقن الوجه والشفاه

مناسب لكل الاعمار

متوفر كريم وسيرم لا يستعمل الكريم والسيرم بنفس الوقت ,يمكن اختيار واحد فقط

السعر 10 دينار ويضاف 2 ل 3 للتوصيل حسب المنطقه

المناطق البعيده الفحاحيل والجهرا 4 دينار للتوصيل

متوفر ايضا نفس التركيبه للشفاه
بديل حق الشفاه بالهيلورونيك يزيد حجم الشفاه ويجعلها اكثر امتلاء
نتائج ملموسه من اول 3 ايام يخفي تجاعيد الشفاه ويجعلها ممتلئه

الحجم 10 ملى السعر 4 و نص

يضاف ثمن التوصيل من 2 الى 3 دينار للفحاحيل والاحمدي الجهرا 4 دينار

للطلب كافة التفاصيل عن المنتج على الرابط

لطلب السيرم على

https://www.2bqt.net/product_info.php…roducts_id=947

الكريم على

https://www.2bqt.net/product_info.php…roducts_id=948

او برساله خاصه
شكرا لكم

موفقة

ربي يقدرلك الخير حبيبتي

موفقه

جنج تدرين ابي شي يعطيني امتلاء

مشكورة حبيبتي افكر اجربه

السلام عليكم اختي لوسمحتي ابطلب الكريم بس حبيت اسال شلون استخدامه وكم مره باليوم ويكون على الوجه كامل واستخدمه بروحه والا مع كريم مرطب 000 ويعطيج العافيه

حياكم الله حبيبتي

هلا حبيبتي وعليكم السلام
يوضع على الخدين والمناطق التحتاجين فيها امتلاء

يستعمل مره واحده مساء بروحه

تسلمون يا رب
الله يوفقكم ان شاء الله

:::::::::::::::

موفقة يارب

تسلمين حبيبتي
الله يوفقك ان شاء الله

موفقة يارب

تسلمين يا رب حبيبتي

:::::::::::::::

بنات تكفه ابي مساعده انا جربت حبوب الروداكتين لحبوب الوجه كورس كامل لمده 6 اشهر وردوا
يطلعون مره ثانيه وهم رديت استخدمتهم ست اشهر والحين هم ردوا يعني
ماكو فايده شنو الحل مع هالحبوب

اللي جربت تفيدني والله يجزاها خير

رفع

والله مادري عادانافيني حب شباب ووصفتلي الدكتورالركوتين والله يستر

رفع

انا نفسج مجربته فوق الخمس كورسات وكله يرد

و الحين طلعتلي حفر

بليييييييييييييييييييييز بنات أبي شي يشيل الكرشه
و ينفخ بس الويه

بالنسبه للكرش لازم تتبعين نظام غذائي وتسوين رياضه
ودشي هالموضوع ان شاءالله يفيدج

*·~-.¸¸,.-~*طبي وتخيري كل الرجيمات موجوده*·~-.¸¸,.-~*

اما تسين الوجه فما عندي فكره

تم تعديل العنوان بواسطة المشرفه

رجيم تقللين فيه الكاربز

مشي

تمارين بطن بس مو عنيفه

مساج

خلطه شاي اخضر نعناع زنجبيل

شاي ليمون وكمون

واااي والله تعبتني هالكرشة بليز أبيي رجييم زين و يسوي شغل عدل أنا وزني تقريبا 60 أبيي يصيير 50 على الأقل

يؤيؤيؤ ليش تبين تنزلين وزنج؟؟؟

اول شي جم طووولج؟؟؟

مساء الخير على الجميع

اختي تبي تجي من السعوديه اتجهز حق عرسها عندي هني وانا مو مره مع السوقه ابي اسواق حلوه

بقولكم اهي شنو تبي بالضبط

اول شى تبي دراريع بيت وطلعه مابي مصممين ابي اسواق

وبعد مكياج وعطور وشيل وعبي واكيد قمصان النوم وبعد بدل حلوه واهم شئ ساتره زوجها مطوع

طبعا اهي راح تصرف من مهرها 2000 دينار فابي محلات حلوه ورخيصه

وسلامتكم تكفون لا طنشون فديتكم

افاا وينكم

دراريع ما لج الا عربيد الفروانية او سوق الصفاة الخياطين فوق
تشوف الموديل اللي يعجبها ويفصلون لها نفسه
قمصان النوم مجمع الايوب ومجمع السندس بحولي يم بعض
العطور والمكياج تبين الرخيص اذا تدلين العارضية الصناعية هناك مخازن عاهد الخطيب وكيل اغلب الماركات بالكويت ارخص 30% من المحلات
او محلات العطور المعروفة وانا افضل مراكز التجميل اللي بالجمعيات اسعارها ثابته ومافي مجال للغش
وعندج بالديرة سرداب الشايع للمكياج يمدحونه البنات
العبي ياقلبي عندكم بالسعودية احلى من الكويت
وحياها الله بالكويت
وبارك الله لهما وعليهما وجمع بينهما بخير

رفع لعيونج

مشكوره ام الدرر ما قصرتي
عيون ساره اله يرفع قدرج

رفع لعيونج

يسلموو

دوري حتن بالافنيوز في محلات اسعارها زينه و اذا حظج حلو تلاقين تنزيلات

الف مبروك وعسى الله يتمم عليها بالخير ان شاءالله
ماشاءالله عليها اختي ام الدرر كفت ووفت..
انا يطري على لمن جهزت اغلب عطوري من الشايع وقمصان النوم عندج مجمع العثمان والايوب وفي مجمع النقره الشمالي فيه قاسم وانوار والطاهروالصباغ..وحق البيجامات الناعمه عندج لاسنزا و اوشيوا..
الله يوفقها ان شاءالله

.

شوفي دراريع وعبي روحي الفروأنيه ..

يجيج حلو وسعره حلو ..

والقمصأن تروحي النقره رخيص

.

المهلب

العطور والمكياج والماركات الاجنبية ما انصحها تاخذها من هنا

يعني حمولة زيادة وموجودة عندهم يعني مافي فرق

انصحها الجلابيات مثل ماقالوا البنات العربيد او الصفاة لان هالاماكن مهيب موجودة عندهم

والبدل اللي محلية مثل اسواق المعلم

والصنادل بعد في اسواق المعلم في سوق السالمية السيتي سنتر

اعرف بنات السعودية اذا جو عندنا يموووتون في هالاماكن يقولون مو موجودة عندنا

اما القمصان فاذا كنتي في الخبر فعندكم طابا يهببببل خصووصا الطويلة واللي قطعتين

وتكون من بضاعة نعوومي بس الاسعاااااار فررق ربع ربع سعر نعومي وطقتهم

اما هنا فاحس نفس اللي عندكم

بس ماقلتي لي من وين اختك؟؟

ايه والله بنات حتى انا مو عارفه من وين اشتري علمونا

رفع لعيونج

حبيبتي الله يوفق أختج

اول شي تستغلين الفترة هذي لأن تنزيلات

والبجايم عندج نعومي و رد تاغ وماكس والجميع وسوق الوافي وبيت أولادنا

والدراريع عندج العربيد وماكو أحد مايعرفه

وفي محل أسمه مراحل تحصلين عنده دراعات بيت نواعم وعندج دراعات شحليلة ودراعات سارا للستايل الهندي اللي تطريز وبنجابيات

المكيآج المنصور والهنود والشغلات الأساسية تآخذينها من المركز الفرنسي للتجميل

الجواتي والجناط إذا تبين شي رخيص وعملي عندج محل أسمه ستيبس شغلاته حللووة وعملية

هذا اللي طرا ببالي الحين

أخواتي العزيزات
أقدم لكم شرح بسيط عن شلل الوجه النصفي

حياكم الله

تم بحمدالله

جزاج الله خير

موضوع مع شرح وتفصيل

ياهلا والله بالغاليه

العفو

وان شاءالله الكل يستفيد من هذا الشرح

بارك الله فيج
أفدتيني بصراحة
أتمنى الكل يقراه
و ياخذ فكره عنه

ايه هذا هو الي يسمونه بالعامي ( بو وجه ) . في ناس كثير تصيدهم هالحالة واغلب الي نشوفهم في حياتنا ما يتم معاهم الا كم يوم لإسبوع وبالكثير شهر وبعدين يروح . بس في ناس يطول معاهم كثير . اعتقد يعتمد على الشخص نفسه . الله اعلم . بس جد شي محير ومفاجئ

مشكورة حبيبتي حبيت الموضوع كثير والمعلومات فيه وافية ومطروحة بطريقة رائعه .

جزاك ربي كل الخير وجمعنا واياك في جناته العليا

أسعدني مرورج العطر يا الغاليه

هلا ياقلبي

العفو

وعسى ربي يشافي كل مريض

مشكورة معلومات مفيدة وجديدة

مشكوره وايد على موضوعج

وانا بتكلم عن تجربه شخصيه لي مع هالمرض حاشني من فتره قريبه تم معاي شهر وتشافيت منه الحمدالله

بالبدايه حسيت ان شفايفي ثقلت شوي وانا عيني كانت تعورني وقاعد تدمع وايد ولونها احمر رحت الطبيب قالي سوي فحص نظر ولما قلتله على حلجي قالي فيني ابو وجوه صراحه بالبدايه اخترعت وبغيت ابجي مسكت نفسي غصب بالمستشفى كان معاي ابوي قلتله جان ينصدم وبصراحه خرعني زياده قالي ويهج راح يلتف كله ويمكن يطول معاج 3 اشهر وانا من كلامه صكت بويهي الدنيا وبغيت ابجي زياده بعدها رحت دكتوره العيون فحصت عيوني وعطتني مرهم وقطره لازم اقطر عيوني كل ساعتين لان حاشني جفاف بعيني
وبعدها عطوني تحويل علاج طبيعي حق ويهي وتعليمات بس ما بلشت علاج طبيعي الا بعد العيد يعني بعد 10 ايام 🙁 وعطوني حبوب فيها نسبه كورتيزون وفيتامينات

وبهالفتره كانت امي تدلك ويهي كل يوم بالزيوت وكنت اسوي التمارين اللي عطوني ياهم بالبدايه لازم اشرب بعود من ضمن التمارين وانفخ بلونات واعلج عشان احرك العضلات وارفع حواجبي وانزلهم واغمض عيوني وابطلهم وايد واضحك وابتسم عشان عضلات الويهه تتحرك صج ان بالبدايه تعبت وايد وعانيت ونفسيتي شوي تعبت يعني تخيلوا كل يوم الصبح تقعدين من النوم وتلقين ويهج مو طبيعي حلجج شوي مايل وعينج مبطله وما تصكر بسرعه نفس عينج الثانيه

بس بالنهايه الحمدالله تشافيت وطبت ولا يقصون عليكم اللي مرضوا نفسي يقولون لكم روحي حق وحده تجوي (تحرق المكان يعني) ترى خرافات مو تصدقون والتزموا بالعلاج والتمارين والكمادات والدليك بس واقرووا قرآن والله يوم قريت قران بعد 3 يوم حاجبي بدا يتحرك شوي

وسلامتكم وسامحوني اذا طولت معاكم

الله يجزاج خير موضوع مفيد دائما متألقه بمواضيعج لك مني اجمل تحيه

العفو حبيبتي تسلمين

هلا حبيبتي

العفو ياقلبي
وسلامات ماتشوفين شر يا الغاليه
والحمدالله طلعتي من الشر
وعسى ربي يعطيج الصحة والعافيه

يا هلا وغلا ام السنافر
شلونج يا الغاليه
لج وحشه

منوره الموضوع ياقلبي

رفع