السلام عليكم ورحمة اللله وبركاته
بنات أنا من شهر 4 – 2024 وأنا كنت أحاول الحمل وما يتم وخصوصا إني حملت بولدي الحمدالله طبيعي وما كان فيني شيء ورحت شهر 6 سويت
تحاليل وفحوصات شامله طلع فيني تكيس خفيف ولخبطة بالهرمونات خفيفه وكان فيني الغدة الدرقيه بعد وضعف تبويض الدكتور قالي اخذي كلوميد رفضت وقعدت أدور بالمنتديات خلطات طبيعيه ومجربه لكل للي فيني واستمريت عليهم شهرين وبفضل ربي حملت بعد شهرين .
وحابه أفيدكم بهالوصفات مثل ما استفدت منهم :
1- تأكلين 3 تمرات عالريج .
2- تأخذين قفشة عسل أصلي بعد التمر .
3- تشربين كوب من البردقوش 3 مرات باليوم بأيام الدوره .
4- تشربين كوب من المراميه مرتين باليوم من خامس يوم الدوره لين اليوم الـ 15.
5- تأخذين قفشه من لقاح النخيل ( طلع النخيل ) مطحون وتلهمينه وتشربين
وراه ماي يوميا عقب الأكل بـ 3 ساعات .
6- تشربين عصير أناناس أي نوع عادي لمدة 12 يوم يعني من أول يوم الدوره لين
اليوم الـ 12 وتوقفينه شربي على الاقل 2 باليوم واذا تكثرين عادي .
7- تشربين عصير عنب أي نوع مره باليوم بالليل .
8- تنقعين القدمين في ملعقة كبيره من الخردل المطحون في 6 لتر ماء دافيء نص ساعه
يوميا . ( هالخلطه حلوه لضعف التبويض ) .
9- تشربين يانسون 3 مرات باليوم بأيام الدوره فقط .
10- 300 جرام طلع النخيل ( لقاح النخيل ) – 50 جرام هدال تبلع بعد الاكل بـ 3 ساعات
مرتين في اليوم لمدة 90 يوم للرجال والنساء .
11- ملعقة شبنت مع كوب ماء مغلي من خامس يوم الدوره لمدة أسبوعين .
12- فنجال حبة البركة – كسرة حلتيته تغلي وتوضع في الثلاجه ويشرب منها
كل يوم لمدة 40 يوم .
13- تشربين كوب من القشعه مرتين يوميا من ثاني يوم الدوره لي اليوم الـ 15 .
14- مضغ ملعقة من السمسم جيدا يوميا ( أو تقدرين تشترين حلاو السمسم وتخلينه
عندج وتأكلينه كل يوم وحده ) .
15- الزنجبيل تشربينه من خامس يوم الدوره لمدة 5 أيام .
لعلاج الغده الدرقيه :-
1- قرفه – حب رشاد – بذر الكتان تشرب 3 مرات قبل الأكل لمدة 21 يوم .
2- الاكثار من أكل السمك والثوم .
3- عسل أصلي – حبة البركه – نقاط من غذاء ملكات النحل – طلع النحيل
تؤخذ على الريق لمدة شهر .
( هالخلطة بعد تصلح لضعف التبويض ولخبطة الهرمونات والتكيسات ) .
أدري الشغل راح يكون وايد عليج ويمكن تلوع جبدج من كثر هالاعشاب
مثل ما لاعت جبدي بس للي تحط ببالها الحمل راح يهون عليها كل هذا وخصوصا
إنه طبيعي لا أدويه ولا شيء .
وفوق هذا يا بنات أهم شيء التوكل على الله ولا تنسين الاستغفار كثري منه
بنية الحمل وكثري من الصدقات .
وادعولي يا بنات الله يثبت حملي ويتمم علي وأشوف ولدي بحضني
ويبعد عني العين والحسد .
هـذه تجربه خاصــــه فينــــي يعني مو منقول
مساء الخير بما انج اون لاين حبيت اسالج انا فيني تكيسات وبعد ما اخخلص الدوره باليوم السابع بالضبط يطلع من صدري ماده لونها شفاف وبعدين توقف ماكو شي شنو اخذ لها مع اني سويت تحليل ءلهرمون الحليب طلع طبيعي.
وعلى قدر النيات ترزقون .. مشكورة
بعطيكم معلومات حق للي تبي الحمل بالولد باذن الله بعد التوكل على الله
1- الجماع ما يتم الا باليوم الـ 15 أو 16 من الدوره ولازم تتابعين تبويضج عشان
تعرفين متى أيام الولد عندج .
2- استخدام غسول ماركة فيمي كير قبل الجماع بنصف ساعه .
3- شراب قلوي يستخدم من اليوم الـ 12 إلى اليوم الـ 16 3 مرات باليوم بعد كل وجبه
اسمه ( يورال – يو ) .
ما جربتها بس قريتها بالانترنت مجربه من بنات
وخلطة رقم 10 للي كاتبتها فوق تصلح للي تبي الحمل بتوأم
بس لازم الرجال والمرا يستمرون عليها .
حتى أنا كان فيني تكيس في المبيض وكنت رايحه لدكتوره سكينه فرمن وقالت لي انتي ضعف بالتبويض عندج ٨٠٪ ويبيلج ابر تفجير وكلوميد وانحشت منها والحمدلله حملت بعد شهرين بس كنت استخدم عسل المرشد وكثر الاستغفار وبعدها بشهر حللت ولك الحمد حامل أنا إنسانه ما اييد الحبوب والادويه بس نصيحه لأي وحده تبي الحمال تاخذ عسل المرشد والله العظيم عن تجربه انقلها لكم
.gif "Eh S(2)")
.gif "Eh S(16)")
