السلام عليكم بنات المنتدى الحلوااااااااااااااااااااااااااااات
انا محتاره ……. حيل وابي وحده تساعدني او ثنتين كيفكم 
انا انقبلت بوزاره التربيه ..وكنت حيل متحمسه ….للتدريس …
بس انا اعرف نفسي حدي حدي حدي سنتين …خمس سنين الا وانا طاقه وهالحماس بيخف 
لذلك بختصر الطريق واشتغل بوظيفه زينه من بدايتها.. وافكر بشركه النفط او الديوان
فاللي تشتغل بشركه النفط تقولي عن الوضع هناك……..واهم شي جم راتب الجامعيه؟؟
اذا على الكراف ….انا كريفه درجه اولى ……بس ماتحمل صياح الاطفال ونجره ناظره—-> احب اشتغل بهدوء
علما انا تخصص انجليزي وافكر اشتغل مترجمه هناك والا اي وظيفه تتطلب خريجين انجليزي
فاللي تعرف احد هناك او تشتغل هناك تساعدني
يعني شلون الوضع بشركه النفط……واي احسن النفط والا البترول؟؟
وكذلك الديوان الاميري…….جم راتبه وشلون وضعه الوظيفي؟؟
لو سمحتوااااا ساعدوني
اختكم برق سرى
انا انصحج خليج بلتربيه اريحلج
النفط تعب 
اشتري راحتج وخليج بلتربيه عندج عطلات حلوه وراتب حلو ما تفرق زياده 100 دينار تتعبين نفسج فيها
اشتري راحتج وخليج بلتربيه انا نصحتج وانتي كيفج
مرحبا
اقيتلج حل
بعد الواسطات والوبة
تعوذى من ابليس واستخيري التربية احسلج
يابرق سرى وتمنى الديوان تشتغلين فية
بس شكلة يبيلة واسطة قوية
هذا الحل الثانى لج ويليق بمستواك
لا مالج شغل حبيبتي كل اللي دشوا التربية يتذمرون من النظام اليدي الخايس هذا نسيت اسمه اللي ماكو سقوط للابتدائي اي شي والله يبون عيالنا يروحون المتوسط مايعرفون يكتبون اسمهم
وبعدين وايد تعب وزهقه انا امي ناظرة ومرت اخوي مدرسة وبنات خالتي كلهم مدرسات وابوي مدرس وعماتي مدرسات وخوالي اثنينهم دكاتره بالجامعه
بس والله 90% منهم يبون ينحاشون باي طريقه من التدريس
عوار راس وتخيلي تييلج مشرفه اخلاقها وفت معاج ولا وكيله مو زينه ولا ناظره ملسونه غير لويه اليهال وعوار الراس يعني تشيبين قبل أوانج
يمعوده روحي النفط ابركلج والله
لج مكتبج وكمبيوتر تشتغلين عليه وراحه ومنو قالكم انه النفط تعب؟؟؟؟؟؟
تدرون انه الكي او سي اول ما تشتغلين اول سنتين كله كورسات ودورات؟؟ يعني ماكو شغل كلللللش والمعاش يصك ال 1200 او 1100 غير الارباح السنوية مالت الشركه على 1000 يعطونج غير الخصومات والعروض الحلوة غي البونص اللي تاخذينه كل سنة يعني تخيلي معاشج فوق فوق يوصل بسرعه وبدون عوار راس ولا تحاتين ولا شي
واذا عالاجازات الواحد يشتري راحته احسن من الاجازات يعني النفط فيه اجازة الاعياد وبعد كل مازاد الgrade مالج كل ماتزيد ايام الاجازات اللي يعطونها لج وانتي تنقين ايام الاجازات اللي تبينها عكس التربية اللش صار نظامها فاشل بالكويت
والنفط له مستقبل كبير حبيبي
انا اقولج توكلي على الله ودشي النفط وايد احسن والله
اتمنى اكون فدتج واي استفسار انا حاضره والاحسن عالخاص علشان اضمن اني اقراه
حبيتي والدبلوم في النفط جم معاشهم
شوفي حبيبتي على حسب التخصص انا مو متاكده لكن اللي سمعته واللي اعرفه انه الدبلوم اللي يشتغلون بتخصص كمبيوتر معاشهم يوصل 800
حلو هاااا ؟؟ حق الدبلوم ممتاز
واللي معدلها اكثر من 3 نقاط قبول فوري حياتي
يالله شدوا حيلكم والله طيعوني وتعالوا النفط الكي او سي مافيها وايد شغل والله العظيم ومعاش بالعلالي
الله يوفققكم جميعا يارب
شوفي انا طلعلي في وزارة النفط وشهادتي دبلوم محاسبه وخذوا اوراقي وقالو لي ندق عليج بس صار وقف التعيينات
ماادري شسوي اروح لهم ولا انطرهم يدقون علي
اقتباس:
المشاركة الأصلية كتبت بواسطة BusinessWoman  انا انصحج خليج بلتربيه اريحلج
النفط تعب اشتري راحتج وخليج بلتربيه عندج عطلات حلوه وراتب حلو ما تفرق زياده 100 دينار تتعبين نفسج فيها
اشتري راحتج وخليج بلتربيه انا نصحتج وانتي كيفج |
مشكوره حياتي .. على النصيحه بس انا سبق وضحت اني ماقدر اتحمل ازعاج فوق راسي
يعني انا يوم حسبتها …
طلعت جذي
التدرس ….كراف + ازعاج + حنه وزنه مالايقل عن 4 يومين فوق راسي
النفط ….كراف …….بس!!
وانا فكرت فيها حيل والله يسهل لي اروح هناك
مشكوره على المرور قلبو وعلى النصيحه ..والله يجزاج خير
اقتباس:
المشاركة الأصلية كتبت بواسطة غلا فهد مرحبا
اقيتلج حل
بعد الواسطات والوبة
تعوذى من ابليس واستخيري التربية احسلج
يابرق سرى وتمنى الديوان تشتغلين فية
بس شكلة يبيلة واسطة قوية
هذا الحل الثانى لج ويليق بمستواك |
هلا وغلا
حياج ياغلا…… المفروض انتي تخيليني اروح هناك عشان اشوف الوضع واقولج …يمكن انتي تلحقيني بعدين
على العموم اانا كاني اصلي الاستخاره…ولو اني اعرف برق ..ماتحب الازعاج
ومشكوره يالغلا على المرورو …….
مشكوره يالغاليه والله انتي قلتي كل اللي بقلبي —>احس صج حاسه في معاناتي
اي والله الاجازه شهرين في التربيه يطلعونها من عيونااااااا
مشكوره ياالغاليه …على هالتعاطف —-> حبتها
العفو برق ولو
انا حاسه فيج وعارفه شنو تبين مثلي
والله يوفقنا اجمعين يارب
بنات شنو التخصصات العلميه المطلووبه بال Koc?
و الدوام من متى لي متى؟؟
نطوووعه حبيبتي
الافضل انج تدشين السايت مالهم وتجيكين التخصصات
يعني انشالله احتمال كبير يفتحون التسجيل عقب باجر انتي جيكي الجرايد بعد
وبس يعلنون سيده دشي السايت وشوفي التخصصات المطلوبه اوكي؟؟
ويبون وايد تخصصات
جيولوجيين ، مهندسين ، سوالف الطب والصيدلة والمختبرات ، كمبيوتر ….
والدوام على حسب يعني الجيولوجيين اول سنتين بس كورسات ودورات ماكو شغل واايد يعني من 7 ونص ومرات 8 عادي ليه 2 او 2 ونص وماكو شغل وبعدين لمن تخلصين الكورسات يصير من 7 ليه 3
والباجي مادري عنهم لكن سمعت انه الدبلوم الكمبيوتر وتخصصاته من 8 ليه 1 ونص او 2
بس الافضل انج تتاكدين حياتي
وحاضره لاي سؤالبالتوفيق
اقتباس:
المشاركة الأصلية كتبت بواسطة cuta_saroona العفو برق ولو
انا حاسه فيج وعارفه شنو تبين مثلي
والله يوفقنا اجمعين يارب
|
تسلمين ياقلبي على هالتعاون ..روحي شوفي رديت على موضوعج هناك والله يوفقج انتي بعد
اقتباس:
المشاركة الأصلية كتبت بواسطة cuta_saroona شوفي حبيبتي على حسب التخصص انا مو متاكده لكن اللي سمعته واللي اعرفه انه الدبلوم اللي يشتغلون بتخصص كمبيوتر معاشهم يوصل 800
حلو هاااا ؟؟ حق الدبلوم ممتاز
واللي معدلها اكثر من 3 نقاط قبول فوري حياتي
يالله شدوا حيلكم والله طيعوني وتعالوا النفط الكي او سي مافيها وايد شغل والله العظيم ومعاش بالعلالي
الله يوفققكم جميعا يارب
|
صج اللي معدلها اكثر من 3 قبول فوووري؟؟
والله خووش خبر
