السلام عليكم ,, يمكن هذه مو أول مره أكتب موضوعي بس سبحان الله بقدرة قادر بعد يوم أو يومين ينزل موضوعي لي ص 12 وأكثر ,, طبعا هذا من ردود بعض العضوات الي يتعمدون ينزلون الموضوع وكل هذا عشان مصلحة الدكتور الي بتكلم عنه الحين ,,,
الدكتور غني عن التعريف صاحب الأنامل الذهبية مثل ما يقولون عنه (( الدكتور عبدالناصر خلاف ))
سويت عمليتي قبل سنه الا شهر بتاريخ 30 82010 رحتله قبل العملية قلتله أبي أشفط فخوذي لأني ضعيفة من فوق وعريضه من صوب الأرداف , قالي أوكي تكلف تقريبا 1450 بعد الكشف قالي بطنج شوي نازل , سويه قلت يالله مره وحده ,, وصدرج يبيله رفع شوي مع ان والله كان عادي بس الشيطان لما يلعب بالمخ , كنت ألبس مقاس 36سي , يعني زين , قلت أوكي بس أبيه أصغر , ومابي سيليكون , وقلت أكدت على ان لما يشفط يرفعلي المؤخره شوي طبعا قال انه راح أعملك كل حاجه عاوزاها وحطلي الشمس بيد والقمر بيد ثانيه , قلت بطلع ماكو الفخذ بيكون نص حجمه ,, سويت العملية وكلفتني كلها مع الكورسيلات 3350 مبلغ , لما أقطه المفروض تكون النتيجه زينه , انه عطيته بس 2350 وألف قصدتها له , أول شهر ألم وماكو أي نتيجه , ثاني شهر كذلك , وكل ما أروحله يقوله انتي مستعجله على إيه , كل حاجه عاوزلها وقت , مع ان كان قايلي ان من أول شهر راح تشوفين النتيجه , بعد جم شهر لاحظت فوق ركبتي خفسه وفوقها تفخه , شكلها قبييح , والفخذ الثاني عادي بس هم مو مثل ما أبيه ,, رحتله قالي ده ايه مش عارف , وبعد الفحص قالي الدهن تجمع هني قلتله شنو الحل ؟؟ قالي حعملك أبر تذوب الدهون 5 جلسات , طبعا كل هذا لأن يطالبني فلوس وانه تعمدت ما أعطيه الا لما أشوف النتيجه , طبعا نسيت أقولكم , صدري الشي الوحيد الي تغير فيه ان رفع الحلمه فوق , وصار حجمه أكبر قمت ألبس 36 دي ,, قبل ألبس حزام تحت الصدر وما يبين الحين ماقدر لأن صدري صار كبير , البطن زين بس هم الخياط شوي عوي , وخصري واحد داش أكثر من الثاني . قلتله والسستر والله انها موجوده يقولي لا زي بعض , أقول حق السستر انهم غير تقولي اي غير يخزها عشان تسكت , انه مو عميه و أشوف , المهم الحين بطني وصدري كله يهون ,, فخوذي والله ان شفط منهم لتر و نص ولتر ونص بس مع ان دكتور قبله قالي يبيلي 8 لتر عشان يكونون زينين حق جسمي , ولما قلتله ليش لتر ونص بس يقولي انه الدكتور وانه أعرف , قلتله انزين لما شفطت ليش ما شفطت من ورا , ماكو غرز ورا بفخذي , يقولي أنا دكتور شاطر و من أدام شفط لي ورا , عقدني والله , طيب ليش ما رفعت المؤخره , يرد لما تفش الأفخاذ راح تبان المؤخره , عيل ليش ماخذ علي الفلوس هذه , رحت جلستين حق الأبر وبعدها ما تحملت , لأن بعد 6 أشهر يبيني أرد ألبس الكورسيل , وانه خلاص ما قمت أتحمل والأبر تعور و أمي قالتلي خلاص عطيه باجي الفلوس وقولي حسبي الله عليه وعلى كل من مدحه بدون وجه حق , والي أقصدهم الي وصلوه لي السما ويمكن أهم حتى ما سووا عنده شي , ومو بعيده ان هذيل سكرتيراته والا أهله , والا الي يدفعلهم , الحين بكمل السنه والألم ليلحين بفخذي وعند ركبتي الي قالي الدهن متيمع عندها , خياط صدري يلوع الجبد , الله يشهد على كل كلمه كتبتها والي مو مصدقتني انه مستعده أوريها كل العمليات , بس تراسلني , و راح أحط رقمي عشان تتأكدون اني صاجه : 66403786
أتوقع ان موضوعي باجر والا عقبه راح ينزل لي اخر الصفحات , وأتوقع بعد ان وايد راح يدشون ويمدحونه ويهاجموني , وانه مو كاتبه هالموضوع الا من قهري , كل ما فصخت ملابسي تحسرت على جسمي , قبل كنت متينه من تحت بس مو مشوه , الحين مستحيل أقدر ألبس شورت والا فوق الركبه حسره علي بجامه قصيره , لازم لي تحت ركبتي ,,, حسبي الله على هالنصابين الي حسبالهم ان الفلوس نلاقيهم تحت المخده , و على كل وحده مدحته واهي مو صاجه ,, الحين قاعده أفكر أروح حق استشاري ثاني بس توبه أروح حق واحد من طقته والا أسمع مدح بدون ما أشوف بعيني ,,
طولت عليكم بس حبيت أنقل كل الي صار
الله يكون بعونج
واحنا الله يفكنا من هالدعايات انا بعد طحت بالدكتورة شيرين حسبي الله عليها شفط وشد الزنود الخياط تقولين خياط دراعة صعيدية
وزند كبير وزند صغير
حسبي الله عليها
نصيحة اختي شيلي رقمج والكل مصدقج وانا رحت له قبل لا اروح لشرين
ولاحظت علية انة مادي لدرجة مو طبيعية تقولين يبيع بيض وطماط مو طبيب
حيااتي الله يكووووون بعووونج
اقتباس:
المشاركة الأصلية كتبت بواسطة المستغفرة 74  نصيحة اختي شيلي رقمج والكل مصدقج وانا رحت له قبل لا اروح لشرين
ولاحظت علية انة مادي لدرجة مو طبيعية تقولين يبيع بيض وطماط مو طبيب
|
مشكورين حبايبي , وياريت كل وحده راحتله وفشلت عمليتها تدخل وتحط تجربتها عشان يخاف ربه فينا , ويشتغل بضمير والا يسكر عيادته ويروح مكان ثاني غير الكويت , طايحين فينا نصب حسبي الله عليهم
انا اول مره اسمع عن هالدكتووور
عموما حبيبتي الله يكون بعونج وصدقيني حاسه فيج اصعب شي لما تروحين بتعديل والنتيجه تكون غييير اللي متوقعتهاااا
انشالله تحصلين لج دكتور شاطر ويعدل اللي خربه هالحصااان
هالنصابات الي يسوون دعايات احنا اصلا
مو مصدقينهم
والا في عضوه تكرس حياتها تمدح دكتور مسوي
لها عمليه قبل جم سنه !!
شهالنصب ..!
لو مكانج حريمته الباقي من الفلوس
علا شنو اعطيه !!
لو رايحه لبنان احسن لج
هذا الموضوع اللي مدري كم
يسبون نتايج عمليات الشفط باختلاف الدكتور
انا اقول لو مكمله احسن الجلسات وتشوفين اخرتها معاه
يمكن كل دكتور وله طريقته
بس صراحه المبلغ جنه مهر عروس او شاريه سياره
انا لو مكانج ارجع له واخليه يصلح اللي خربه ااو اني ما اعطيه باقي الفلوس واشتكي عليه
او انه اقوله صلح اللي خربته وببلاش والا اشتكي عليك
اقتباس:
المشاركة الأصلية كتبت بواسطة !الجادل الصعب! هالنصابات الي يسوون دعايات احنا اصلا
مو مصدقينهم
والا في عضوه تكرس حياتها تمدح دكتور مسوي
لها عمليه قبل جم سنه !!
شهالنصب ..!
لو مكانج حريمته الباقي من الفلوس
علا شنو اعطيه !!
لو رايحه لبنان احسن لج
|
حسيتهم بذمتي الباجي , وما تسوى علي باجر أتحاسب عليهم عند ربي , وعلى قولتج في وحده تكرس نفسها عشان تمدح دكتورها وتجابل النت عشانه , لا وتقول قوليله من طرف المنتدى عشان الخصم , بس حزتها سبحان الله كنت فرحانه بلي قاله لي بأن جسمي بيكون اينن و بكون منيكان , عاد صج صرت منيكان بس من ملوت كتكات الي يبيع ملابس المتان , والله مرات أتطنز على نفسي ,, 
اقتباس:
المشاركة الأصلية كتبت بواسطة قاهره عذالي هذا الموضوع اللي مدري كم يسبون نتايج عمليات الشفط باختلاف الدكتور
انا اقول لو مكمله احسن الجلسات وتشوفين اخرتها معاه
يمكن كل دكتور وله طريقته
بس صراحه المبلغ جنه مهر عروس او شاريه سياره
انا لو مكانج ارجع له واخليه يصلح اللي خربه ااو اني ما اعطيه باقي الفلوس واشتكي عليه
او انه اقوله صلح اللي خربته وببلاش والا اشتكي عليك |
ما قدرت أتحمل الألم , ألم الشفط بروحه مصيبه وفوقهم أبر تخيلي يعني ماسك ابره ويقز تقريبا من 20 لي 25 مره على المكان , ولو بروحله بسويله سالفه أدري شبيقول بيقول أسويلج مره ثانيه وتدفعين فلوس المستشفى وغرفة العمليات لأن قالها حق وحده قبلي , وانه مو مستعده أبداااااااا أدش مره ثانيه عمليه تحت ايد هالقصاب الي ما عنده ضمير ,, لو بسوي بروح حق أحد ثاني , أو بره الكويت , يبيلها ميزانيه انشالله على السنه اليايه .
الابر الي يقولون عنها اتضعف هذي كلها نصب بنصب بس شفط فلوس عالفاضي توه متكلم عنها دكتور تجميل علي قناة ال بي سي يقول لا تصدقون الدكتور الي يقول فيه ابر تخسيس " بس لا تسكتيله وانا اختج فلوسج الي راحت في بطنه مو لاقيتها بالشارع
موهذا نفسه الدكتور الي كتبت عنه عضوه
حطلها حشوه بصدرها وانقلبت وقام عدلها بايده
لا حول ولاقوه الا بالله
الحمدلله علي سلامتج اهم شي حبيبتي
الله يكون بعونك
بس نصيحه..لا تتابعين معاه خلاص شوفي لك دكتور ثاني
حسبي الله ونعم الوكيل فيه والله يشافيج وفرجلج همج
السلام عليكم
حبوبة انا اذكر موضوعج من زمان والله يعينج لانج ماشفت اي نتيجة
بالعكس شفتي تشوه وهذي المصيبة
جنه الوحدة تروح للعيادة وتقط مبلغ بالالاف عشان تتشوه
الدكاترة ما استخفوا الا لما شافوا تهاون من وزارة الصحة + الواسطة اللي اطلعهم مثل الشعرة من العجين سواء كانوا دكاترة كويتيين او وافدين
سمعيني روحي برة وعدلي الخفسات اللي مسويها هالحمار وخليهم يكتبون لج تقرير باللي شافوه واللي عدلوه
ارشح لج تايلند وكوريا الجنوبية شنو شطار بالتجميل00 صكوا على الاجانب
واذا حالتج قشرة روحي ل روبرت راي دكتور تجميل فنانات هوليوود 00 معروف ان عملياته بدون اثر 00 او تكون غير مرأية بس يبيله همجة فلوس سنعة بس يستاهل
لا وعنده كتب بعد 
ههههههههههههههههههههه حلوة مو علا كيف الابلة تموووووووووووووت باي وقت تبية ههههههههه .gif "Eh S(15)")
_03ba: 