الوسم: المواساة

شلوووونكم بنات اليوم سألت عن الدكاترة الحريم في مستشفى المواساة قالولي في ثلاث لينا وفرجينيا ( كانت قبل بالسلام ) ووحده فرنسية يديده اسمها ميرا ، فبغيت اعرف منو مجرب دكتورة فرجينيا ؟؟؟ بغيت اعرف زينه ولا لأ … ياريت يابنات اتفيدوني

انا حماتي تمدحها بس مو ولادة اهيا اسم الله عليج سوت عملية وشالت الرحم
و بعد في بنات اعرفهم مدحوها بالولادة ومدحوا خياطها التجميلي

اشدعوا يابنات نبي ردودكم لأني محتاره

الله يهون عليج ودي افيدج بس اناااا ماجربتهااااا وهم انا محتاره بدش التاسع وماحددة عند منو اللهم اني اراجع عند الدكتور ماجد الشمري بس ماابي رجااال يولدني
وانااا بنطر رد الخوااات وان شاء الله نستفيد

دكتوره وايد زينه فرجينيا انا اراجع عندها ووصيت وحده وولدت عندها وايد تمدحها انا ان شاءالله بعد عشر ايام بدش اولد انتي متى ولادتج

انا ناوية ان شاء الله اولد بالمواساة بس محتارة عند اي دكتورة اراجع لان اول ولادة وما اعرف احد
الهندية ولا فرجينيا والله ماني عارفة
ودي بدكتورة اقدر اخذ واعطي واتفاهم معاها
شوروا علينا يابنات الحلال

ياالله خواتي تفاعلووو معانا وتلقونه في ميزان حسناااتكم
والله محتاااارين
اخرموعد لي اذا الله شاااء 11-11

ان اراجع عند دكتورة لينا وايد ارتحت لها …اختي وبنت خالتي ولدوا عندها ويمدحون خياطها تردج بنت بنوت ..

كاشونه انا ولادتي على آخر شهر واحد …. المشكله انا مابي ريال يولدني وبالمواساة بس عندهم 3 حريم لينا وفرجينيا وميرا يديده فرنسيه المشكله الواحد مادري اشلون يقدر يتفاهم معاهم انا لينا شايلتها من الحسبه ماحبيتها يوم راجعت عندها وارفيجتي ولدت عندها ومامدحتها،، ومحتاره انا في فرجينيا …. المشكله انا ودي بالسلام اولد بس غرفهم الوانها غامجه حيل وودي بغرفها حلوه مادري شسوي …..

صارلي سنه فيني قرحه بعنق الرحم

كنت اراجع عند الدكتوره فرجينيا في مستشفى المواساة

اهي ولدتني من قبل بس حق الولاده زينه بس المراجعات مانصح فيها تخرع الواحد وعن تجربه وماحسها شاطره

وقالتلي فيني قرحه ويبيلي كي

وانا اهملت هالسالفه الحين صارلي سنه

ابي اسويها بالمواساة بس عند دكتوره ثانيه بمو تنصحون ومنو سويت هناك

ويسونها بالبارد؟؟

واذا بطلب كمام يعطوني ؟؟ حدي خايفه من هالسالفه

بالسلامه
اب

والله ما عندي علم بالكي ربي يشفيج
واتوكلي على الله ولا تهملي نفسك مو زين

انا دكتوري حيان الاحمد بالمواساة خوش دكتور والله

اذا تبي دكتور انصحج فيه

مابي دكتور ابي دكتوره

انا سويت كي عند نداء بوخضور برويال حياه تهبببببببببل
ايدها خفيفه مشالله وماحسيت بالم
وانصدمت انها خلصت
عبالي الكي يطول

شنو اعراض القرحه ؟؟؟؟؟؟
بليز فيدوني

ااب اب

انا سويتها عند ماجده اليتامي
تهبل وماكو ألام كلش اللهم وخز خفيف بس
وماتشوفين شر

بغيت اسالكم في سيرفس للغرف؟؟ يعني اكو وحده عشان تقدم الماي والشاي نفس دار الشفا ولا لأ؟؟
ولا انا اييب وحده ولا شلون؟

مع الاسف ماعندي فكره ولع..

و ان شاء الله البنات يفيدونج..

إذا تقصدين حق الإستقبال ماأعتقد لأني جربتهم قبل 3 سنوات ماعندهم هالخدمة إذا ألحين غير ماأدري ، بس أول مرة أسمع عن دار الشفا إن عندهم سيرفس لأا جم وحدة زرتها هناك كان أهل الوالدة أهم إلى يضيفون.

ماني خابره دار الشفا عندي سيرفس انا توني والده عندهم

دقي سئليهم

مادري عنهم والله

دار الشفا و الهادي عندهم سيرفيس .. بس المواساه ما اعتقد عندهم لاني رحت حق ناس في جميع اجنحته و اهم اللي كانوا يايبين سيرفيسهم .

مشكورين وماتقصرون

السلام عليكم

شلونكم يا بنات

ان شاء الله تكونون باحسن حال

عندي سؤال لو سمحتوا !!

منو احسن دكتورة ولادة في المواساة ؟!؟!؟!

وشكرا مقدما على الاجابة

والله ما عندي فكرة بس انشاءالله البنات يفيدونج

انا اراجع عند دكتور الافغاني بالمواساه اهو رئيس قسم الولادة بالمستشفى ان شاءالله زين انا لى الحين ماولدت بس ان شاءالله اذا الله سهل بولد عنده

انا قبل كنت اولد عند الدكتورة شادية بالمواساة بس حسافة فتحت عيادة برا ,افكر اطلبها وقت الولادة ..
في دكتورة لينا يمدحونها بالمواساة.

دكتوره فرجينيا وايد زينه انا اراجع عندها واهي استشاريه

ما عندي فكره

الله يسهل عليك

والله وايد يمدحون الافغاني
انا اراجع عند فرجينيا وكانت دكتوره شاديه تهبل بس للاسف طلعت ان شاء الله بكمل مراجعتي عندها بعيادتها
ولينا بعد زينه ووايد اللي مدحونها بس انا نفسيتي تتعب لما اشوفها ماحبها

ما عندي أي فكرة عنهم حبيبتي @

انا ولدت عند لينا

صج بارده بس تهبل

انا كنت اراجع وتولدني دكتوره شاديه اتهبل بس يقولون البنات انها طلعت بس يصير تطلبينها ولازم اترتحعين عندها

مشكورين وايد يا بنات

عندكم فكرة عن لينا او فيرجينيا او الافغاني اذا خياطهم زين ولا لا ؟!؟!؟

دكتورة مرفت زينة 0ر

أنا ولدت عند لينا والحمد الله ما اشتكيت من شيء لا من خياط ولا شيء والحمدالله التسااهيل كانت من ربي

الافغاني يمدحونه مرت اخوي 3 مرات تولد عنده وتقول زين الحمدالله

شلون خياطه (( الافغاني )) ؟؟؟ هل زين و هل لازم اتقوليله تجميلي والا من كيفه ؟؟

قوووه حوامل الله يسهل ولادة كل حامل

في موضوع محيرني انا دخلت الحين تاسع وكنت اراجع عند دكتوره روبينا في السيف وراحت لمواساة
انا مرتاحه مع روبينا بس خايفه من عناية في مواساة بليييز اذا في احد والد عندهم يقول لي 😢😩

١٢٤ مشاهده ولا رد

������

اعرف وايد والدين فيه و يمدحونه
دام دكتورتج معاج و مرتاحة معاها توكلي عالله
و الله يسهل عليج

بنت خالتي ولدت فيه صراحة العناية في البيبي تووب رووعه بس للاسف ماكو عناية بالوالده كلش

اهي والده قيصرية وبعض المرات تتعب وتنادي السسترات ومحد يسمعها يطنشونها ..كلش ماحبيت عنايتهم بالوالده

بس البيبي اوكي

انا كنت والده فيه من سنتين وان شاء الله
ولادتي هذي فيه بعد

العنايه توب بصراحه
والسسترات يهبلون فديتهم
يتحملونج حتى لو معصبه ةيمسحون عليج

حتى لما تكرمين ادش الحمام يدشون * معاي
الله يسهل عليج وعلينا يارب

الله يسهل عليج حبيبتي

عن تجربتي .. صراحه المستشفي رووووعه من نظافه ومن عناية السسترات لج وللبيبي
لاتحاتين دام بالمواساه ارتااااحي وتطمنييييي وهالمره بذن الله بولد فيه بعد

الله يهون عليج وتولدين بالسلامه يارب

الله يهون عليك

الله يهون ويسهل ع كل حامل ي رب
والله كنت احاتي دخلت شهري من يومين وانكم ريحتوني بكلامكم
مشكووورين

يهبل المواساة احسن مستشفي من وجهة نظري الله يسهل عليج

رب لا تذرني فردا وانت خير الوارثين

قوة حبيباتي .. ابي شوركم انا بشهري الحين وناوية اولد بالمواساة بالجونيور vip .. وودي اسوي استقبال بالمستشفى .. هل غرف المواساة تفشل ولا عادي راح تشيل الناس ؟؟

شوفي
الجونيور اللي بالمواساة مايفشل زوين والله
بس اذا تبين الجونيور اللي صج حلو روحي فوووق عندهم واحد وااايد
حلو وكبيير اكبر من الجونور العادي مالهم وبنفس السعر
خليهم يورونج اياه بس ترا اهم مايورونه لاي احد
انتي طلبي

دشي موقعهم حاطين صور الغرف

السلام اليديد وايد حلو مادري عن المواساة والله

اي حبيبتي الفي اي بي تشيل الزوار وتبيض الويه
بس احسن اخذي لج طله عليهم

قبل جم اسبوع رفيجتي والده بالمواساه بالملكي
احس الغرفه حيل عاديه

ما عجبني اثاثهم مغبر وقديم

بس تظل المواساة اغلى وارقى من دار الشفا والهادى والسلام هم خوش مستشفى
ةهذا رايي والناس اذواق حبيبتي انتى روحى فري عالمستشفيات وشوفى المناسب لذوفج

نصيحتي تروحين وتشوفين بعينج يمكن اللي يعجبج ما يعجب غيرج والعكس صحيح الله يوفقج

بصراحة المستشفى الوحيد بالكويت اللي فعلا أحس انه ثقة هو المواساة مثل ما قالت أختي ( عيون زوجها) الباجي جنهم برووووي !

أخذي الغرفة و انتي مغمضة والله يهون عليج

انا بعد احب المواساة احسه غير

انا بعد المواساة بس كم ليلة الجونيور

وانا بعد معاكم احب المواساه
اما باجي المستشفيات مثل الهادي اسميه جمعيه من الزحمه
ودار الشفا لو يقولون لي تعالي اولدي بالامبراطوري وببلاش ما روح
كلش مااحسها مستشفى ما فيها هدوء وراحه
يعني لو تولدين بالبيت ابرك

حبيبتي اختي ولدت بالمواساة وخذت الملكي بالغرفة اللي اسمها فندي وارماني اذا انتي شايفتها وهذي تعتبر اكبر غرفة هناك بسو الله يدووب شالت الناس وانا ولدت قبلها في دار الشفا وخذيت الامبراطور والصراحه فررررررررررق السما عن الارض وااايد اكبر واوسع مع ان حتى اللي بالمواساة روعه بس اذا انتي اهلج ومعارفج وايد والله ما انصحج

ووايد بنات اعرفهم ولدوا في مسشفى السلام وخذوا جناح السلام وهذا اكبر واحد بس هم ما كان بحجم الامبراطور, واذا تبين اكبر بعد عندج غرف رويال حياة وتقدرين تولدين بالمواساة اذا ما تبين تولدين عندهم وتحجزين غرفة الاستقبال عندهم حق ولادتج اعرف جم وحده سوتها وكانت شي حلو ومرتب بعد

اهلين حبيبتي الصراحه المواساة عجيب وهاغرفه راقيه وتكفي بالعكس لان العالم مو كلهم بيونج دفعه وحده بالعكس انصحج فيها نظيفه راقيه وحلوه

السلام عليكم ورحمة الله وبركاته

شلونكم شخباركم حبيبات قلبي ؟؟

ابي منكم طلب بليز ابي احسن دكتور حق اطفال في المواساة حق التطهير وحق المراجعه
مادري اذا نفسه دكتور التطهير نفسه اهو مال المراجعه ولا لا؟؟

واذا غير بليز اي وحده تعرف دكتور شاطر اذا مال تطهير او مراجعة اطفال تقولي اسمه وجم الدخول حقه
واذا حق التطهير بعرف جم ياخذون على التطهير وابي اعرف الدكتور متى الحزه الي يكون فيها موجود بالمستشفى

بليز لاتبخلون علي بالفايده ويعطيكم الف الف عافيه

^^

شدعوه مافي ولا رد -.-

up up

أشلونكم بنات منو اتعرف شنو أسم الدكتوره الهنديه الي بالمواساة ضروري
والله يسهل عليييييييكم

هلا اختي انتي قصدج الدكتورة لينا………تهبل توني والدة عندها …خلوقة وفاهمة
روحيلها وتوكلي على الله

قصدج لينا وايدزينه ونفسيتها حلوة حيااااااااااااااااتى توكلى على الله

يعطييييييييكم الف عافيه

مرحبا حبيباتي،،،،،
حبيت اعرف عن تجاربكم للولاده بالمواساة
وترشحون اي دكتور او دكتوره وياريت الي توهم مجربين الولاده هناك يفيدوني
وجزاكم الله كل خير

شدعوه محد رد يا حافظ!!!!!!!!!

انا اراجع عند الدكتوره لينا وان شاء الله اولد عندها

ايه والله يا اختي ام غمازات انا بعد مثل حالتج ابي وحدة اولدت بالمواساة ودي اولد بس خايفه محد من اهلي جربا و ابي اعرف عنا كل شيء السيسترات و خصوصاً فريق الولاده ،المعاملة،النظافة غرفهم تصلح للإستقبال كبيرة شرحة اثاثهم يديد و خدمة الغرف ؟يلا يا بنات نبي ردودكم

انا حماتى والد هناك ومجربتهم اتقول الكمام وايد خفيف ماجنه فى كمام والسسترات على البخ كثر ماتعطين يراعونج مشكلته بالسالميه حماتى بنتها بغت تولد بالسياره اطلعت روحها لما اوصلت والشارع كان مسكر من الزحمه

واللة يااختي كمامهم حيل خفيف واما عن دكاترتهم ماجربتهم بس اختي اولدتها الدكتوره شاديه الماليزيه حيييل تمدحها واللة انا ديم اسمع عنها الكل يمدحها انت استخيري بالاول وبعدين روحيلها واللة يهون عليج

سوري على الطباعه والله من اللقافه اقصد ولدتها مو اولدتها هههههههههههههههههههههههههههههههها

امس الله يسلمكم وديت ولدي مستوصفنا اللي بمبارك الكبير على اساس مسكين يومين موقادر يمص المميه والمصاصه طالعتله مثل ورمه كبيره بسقف حلجه ولان كان الوقت ليل ومتأخر قلت اوديه المستوصف قاسو حرارته طلع مافيه المهم كتبتله على مضاد ومخفض حراره ودوى حساسيه !! وقالتلي يفضل تروحين حق دكتور اسنان يشوف شنو هالورمه اللي طالعتله

ومعاناة بالليل مسكين من اليوع موقادر يشرب

الصبح مبجر قطيت اليهال المدره ورحت انا وريلي المواساة عند الدكتوره نرمين ( خوش دكتوره ) متعوده عليها

قلتلها السالفه ووريتها الادويه

قالتلي على اي اساس معطينه الادويه ؟؟؟ مافيه لا حراره ولا حساسيه ( اي شي بس لازم يردونج البيت ووياج جيس متروس ادويه بيصرفونهم على حساب صحة عيالنا )

قالتلي انشاءالله مافي الا العافيه انا اقولج ان مجرد بكتريا وفطريات حولتني عند الاسنان فوق بس شافه الدكتور قال نفس الكلام عطاني مرهم صغييير احطله 3 مرات باليوم

والله بس رديت البيت اليوم الظهر حطيتله المرهم بعد جم ساعه راحت نص الورمه الحين توني انومه وحطيتله ثالث مره وانا بحطله ولا الورمه مختفيه الحمدلله وقدر يشرب ورد طبيعي

قلت والله لوووووووووووووووووو شنو ماطب مستشفيات الحكووومه من تشخيصاتهم اللي كلها غلط بغلط

حتى لما يعطونج دوى مايسألونج عن وزن الياهل لان الادويه مفروض يتخذها الياهل على وزنه

الله يطمنك عليه يارب العيب عالدكاتره اللي للأسف بالاسم دكاتره من رخصهم حبيبتي بصير فينا هيك الله لا يحوجنا لدكتور يارب

الحمدلله على سلامته

الحمدلله على سلامته ,,

الله يحفظه حبيبي تخيلته يوعان ومو قادر يرضع
الحين من يروح الحومه تكفين من زينهم مافيهم خير والله
مع الاسفففففف

حياتي الله يخليه لج
ومايشوف شر
المستوصفات فاااااااااااااااااااااااااااااااااااااااشله

اتصدقين نفس حالتي

انا ذاك اليوم وديت ولدي نفس المستوصف مبارك الكبير على اساس فيه نشله وبعد قلبي مو قادر يتنسم منها

ومااااابقى دواا ماعطتني اياه عطتني ادول ومضاد حيوي وقطره و دوا حق الحساسيه على قولتج حتى الصيدلي اللي عطاني اياه يقولي ترا هالدوا مايصلح حق ولدج حرام صغير

والله وكيللج خذيت الادويه من اهني وقطيتها على طول

ورحت المواساة عطوني بخاخ حق خشمه بس

الحكووووومه xxxxxxxxxxxx

حبيبي مايشوف شر ان شاءالله

معروفه السالفه
ناس ماعندها ضمير و في ناس عندها ضمير

المهم الحمدلله على سلامة ولدج

صاجة انا انقرصت منهم وايد
قمت ما ودي عيالي الا عند استشاريين لانهم طلعت عينهم على ما خذو الشهادة
مرة وديت ولدي المستوصف كانت عينه ملتهبة فالي اشتري وصفة من الصيدلية
قمت احوس من صيدلية لي صيدلية مو لاقية القطرة طلعت القطرة موجودة بديرته بس يعني شنو اقصلي تذكرة علشان اشتري القطرة
وصاجة المضاد ينصرف على حسب الوزن انا باشد العجب من المستوصفات اللي يمشون عل العمر
الحمد لله على سلامة ولدج
و مشكورة على نقل تجربتج علشان الناس تتعض