الوسم: المواساة

شلونكم أمهات المستقبل شخباركم

حبيباتي بغيت أسألكم إذا في وحدة تعرف أسعار غرف المواساة وشنو أنواعها
آنا سامعة ان في الملكي والفي آي بي والآترو والأرماني بس جم أسعارهم ؟؟
يليت الي تعرف تفيدنا

والله ما ادري روحي المواساة وساليهم وشوفي غرفه مره وحده

السلام عليكم ورحمة الله وبركاته. في واجد ناس تقول عن المواساة ويع ممكن اعرف ليش مع أني والده فيه مرتين و الي توها والده فيه متا وردتي وشنو السلبيات و الإيجابيات الي شفتيها و اكون شاكرة لكم

انا ولدت فيه سنه 2024 والله بالعكس خوش مستشفي وشحلات معاملتهم

والله ماعندي فكره ,,,

انا اولد بالهادي ,,,

بس خالتي كله تولد فيه وتقول انه تغير مو مثل قبل ,,,

تحياتي …

حنين مشكورة على مرور حبيبتي
اريج الجوري تغير للاسواء ولا الاحسن
بس توقيعج عجبني
صج نستحق الافضل
الله يهديها

المواساة يهبل كل ولاداتي فيه ومافكر اغيره

باذن الله انا بولد فيه

انا توني والده فيه صالي اسبوعين اصراحه ايهبل عنايه واهتمام وهذي ثالث والده فيه .

الله يطمن قلوبكم حبيباتى

لانى ناوية الله يسهل على واولد فيه عند فرجينيا شرايكم فيها؟؟

عادي كل من يذم و يمدح ماله شغل كلام الناس انتي اذا مرتاحه و عاجبج خلاص توكلي عالله

على حسب التجارب كل وحده رايها يختلف عن الثانيه
انتي اذا مرتاحه فيه ومتعوده عليه خلاص ماعليج من كلام احد

والله يسهل عالجميع

بصراحه آنا جربته من أول مافتحوا المستشفي المواساه الجديد
بصراااحه كنت صغيره ورايحه علشان التخدير( البنج ) لمن دخلت غرفة
الولاده كل شيء حسيت فيه لين طلع راس البيبي وبعدها مادريت
عن نفسي إلا بالغرف ، يعني لو إن رايحه الحكومه أحسن لي
نفس الاحساس والآلم !! !!

هلا حبوبه ,,,

خالتي تراجع عندهم من قبل الغزو ,,,

وتقول انه تغير للأسوء وصاير تجاري ,,,

وعليج بالعافيه التوقيع مبيوق من عضوه معانا بالمنتدى ,,,

وصج نستحق الافضل ,,,

واي ايهبل روووووووووووعه لو اموت ماغير المواساة مستحيل وانا توني والده بتي فيه سسترتين على الراسي

ابصراحه انا اموووت على هالمستشفى
وولدت فيه
وعيشوني ملكه ابصراحه
كل شي ابيه بالوقت يصير
ورعايه مافي احسن منها
احب المواساة

بالعكس المستشفى روعه وماعليه كلام
انا والده فيه مرتين وان شاءالله بعد هالمره بولد فيه

السلام عليكم ورحمة الله

بنات انا بالثامن وحدي محتاره اولد بالسلام ولا المواساة ؟؟

اشرايكم ايهو احسن من ناحية الاهتمام والعنايه والخبره والاهتمام بالام والبيبي ؟؟
والاسعار ؟؟

وشلون بغرفة الولاده ؟؟ انا سمعت السلام واذا احد بيدخل معاج يدفع فلوس ومايخلون الا شخص واحد ؟؟
انا ابي امي وريلي معاي

ويزاكم الله خير

انا عن نفسي اراجع بالسلام عند دكتور محمد بكري وايد زين … وهذه بتكون ثاني ولاده هناك وماشاء الله وايد حلووو المستشفى بكل شي عن اللي بيدخلون معاج اعتقد هذا النظام بكل المستشفيات الخاصة لزم دفع

السلام يينن نظافه واهتمام ورعايه

شوفي السلام معقدين بسالفة الدخله بغرفة الولاده

تخيلي في اوقات ببلاش يدشون
وفي اوقات ب 20 وفي اوقات ب 40

امي الساعه 4 العصر دشت وياي ب 40

والكرت يدش فيه اكثر من شخص عادي

بس مو بوقت واحد

يعني مثلا امي تعطي الكرت اختي وتدش ششوي

ومره دشو ثنتينهم

يعني مو دقيقين حيل

وجنه من الساعه 12 بليل الدخول بالغرفه ببلااااش
مكتوبة الاسعار عند غرفة الولاده

انا حبيت السلام و ولادتي الثاني ان رزقني الله بولد فيه

دكتورتي نهاد حسني

يزاكم الله خير على الرد

الله يسهل عليج يارب

للاسف ماعندي معلومات عن مستشفى المواساة. السلام يمدحونه و الله يسهل عليج

امين اجعين

لا تحاتين الله يسهل عليج ان شاء الله
لينا خوش دكتوره

والله خوش دكتورة اختي اولدت عندها ورفيجتي وايد يمدحونها وتصبر على الوحدة بولادتها وخياطها مضبوط ترجع الوحدة بنت ..والله يسهل عليج يارب..

اختي ولدت عندها ماشاء الله ايدها خفيفة و خياطها وايد زين و صبورة و انا اراجع عندها الحين

والله حبيبتي ارتاحي وعلى قولتهم حطي في بطنج بطيخه صيفي لأن الدكتورة لينا مو بس زينه إلا ممتازه أنا عن نفسي ولدت آخر ولاده عندها صبوره وخياطها وايد زين يعني ما شالله هالمره كنت أمشي وأقعد عادي من ثاني يوم ولاده مو مثل الدكتوره شاديه إللي شبنتني ومارتحت إلا لما طاح الخيط مع إنه الكل يمدحها ، والسهاله من الله _ الله يهون عليج إنشالله وكمامهم بعد زين وتروحين بعالم ثاني بس عاد طلعت الراس لازم تحسين فيها وكله بأجره إنشالله : )

مرحبا انا سمعت عنها انها زينه وراجعت عندهاااا بس على اخر شهر رحت لقيتهااا مسافره رحت عند فرجينيا خوش دكتوره بعد وحبوبه

الصراحه وايد استانست لما شفت الموضوع ..
لاني عيزت اسال عن دكتوره لينا ..لكن محد عرفها
انا راجعت عندها مرتين..شكلها زين..بس انا كنت خايفه منها وودي اروح حق خالد المجيبل برويال ..بس انا مو مقتنعه برويال
بس شكلي بستمر معاها
انا بولادتي اللي فاتت كنت عند شاديه…وارتحت لها .بس الحين طلعت
وانا مجربه ابره الظهر بالمواساة وكانت الحمدلله عجييييييبه….وناويه اخذها هالمره

ترا السهاله من الله والناس حظوظ ساعات تصيب وساعات تخيب على حسب مزاج الدكتور يوم الولاده وانا عن رايي مااحب المواسات ولا اايد احد يولد في واشجع على الدكاتره الكويتين عن تجربه تحس فيك وتقدرك وتخاف على سمعتها وعلى طول اذكرك بالادعيه وتدعي معاك وعارفين ان الكويتيه اهم شي عندها الخياط الزين وانا مااحدد بالاسم لان كل الكويتيات زينين والمفروض انك مستقره على دكتوره من البدايه عشان يكون في تفاهم بينكم وتضمنين انها تولدك لان على طريقتك احتمال بيوم ولاتدك مايكون دوامها ماراح ينادونها لك لانك مومواضبه عالمراجعه فيحولونك على طبيب الخفاره تذكري تحليل نسبة الدم مهم قبل الولاده والله يهون عليك ويسهل ولادتك

انا اراجع عند فريجينا وااايد مرتاحه لها حتى زوجي مرتاح وسهاله من رب العالمين
صج صبوووره وايدها خفيفه بالسوونار <<متعقده من سوونار هههههههه
ماتحب تخووف الوحده لاني جد كنت متعقده اوول حمالي من مراجعات وبصراحه المواساه اشحلاته يفتح النفس وهادي واسعاره مناسبه
مووفقه

الله يعافيكم بنات شنو احسن دكتور او دكتوره بالمواساة ولا مره جربت المواساة كله اراجع بالسلام بس اشوف وايد بنات يمدحون ولاده المواساة الله يعافيكم ولكم الاجر ان شاء الله الى تعرف دكتور او دكتوره شاطره بالمواساه تقولى والله يوفكم ان شاء الله

هلا والله حبيبتي انا بجر وانشالله نويت اولد بالمواساة وعند دكتوره فرجينيا وااايد يمدحونها وايقولون صبوره تصبر عليج وانشالله يرردون عليج البنات اللي جربوها ويعطونا معلومات اكثر عنها من تجاربهم

عن نفسي عند دكتور زولتان ومستحيل اغيرة

انا اراجع عند فيرجينا و خوش دكتورة و شاطرة

ناهض حمادية ممتاز

مشكورين بنات والله يعطيكم العافيه كلكم ان شاء الله

السلام عليكم ..

يالغاليات منو فيكم جربت الولاده عند د.لينا الهنديه في مستشفى المواساة

تفيدني الله ينولها اللي فبالها

لاني بولد عندها .. شلونها بالولاده؟ و شلون خياطها؟

ابي تجاربكم ماعندي احد اساله من بعد الله الا انتو ….

و عليكم السلام و رحمة الله و بركاته

يا اهلا و سهلا اختي بدوره ..

انا حاليا اراجع عند د.لينا بس انا بجر ما جربت

الولادة من قبل .. لكن رحت لها لأن اختي كانت والدة عندها

من قبل و وايد تمدحها بالولادة و بالخياط بعد ..

وان شاءالله انا بعد ولادتي عندها ..

والله يسهل عليج و على كل حامل يارب ..

ماقصرتي بعد عمري
انزين اهيا طلبت خياط تجميلي و لا عادي لان انا بجر و ماعرف شي

السلام عليكم

انا مجربة لينا

ولدت عندها ثاني ولادة

ولادتي الاولى كانت بالحكومة اله لا يردني لهم من شر!

زينة وحنونة و خيطها تمام

ما قلت لها تجميلي ولا شي بس خيطت وخياطها نظيف ومريح

اعتقد اهي تخيط تجميلي بدون ما تطلبين بس سئليها احسن

وترى ما تي بالليل

و الله اسمع عنها انها زينه بس ما جربتها

ما قصرتي ريحتيني
ليش ما تيي بليل
اذا ياني الطلق بليل شلون؟؟؟

ياريت اللي جربوها يفيدونا

جزاكم الله خير

up up

خواتي شلوونكم؟؟؟؟؟ أنا بصراحه حييييييييييل محتااااره وياريت تساعدوني وراح ادعيلكم واكون شاكره لكم
ياريت بس اللي مجربه دارالشفاء ولا المواساة تقولنا عن الولاده والخياط والكمام أوابرة الظهر وتقولنا منو دكتورها او دكتورتها والغرف ؟؟؟
ويعطيكم العافية

انا ماجربتهم بس يمدحون المواساه والله يسهل عليج……..

جبيبتي السهاله من الله لو كنتي في بر وترى كلهم زينين بأخذ الفلوس وبس

وأنتي توكلي على الله

والله يهون عليج ياحبي

والله ماعندى فكرة حتى أنا محتارة بينهم ان شاء الله البنات يفيدونا

حتى انا والله محتاره بينهم

كنت بروح الواساة رفيجاتي ثنتين مجربين المواساة ويمدحونه حييييييييييل والمنتدى حيل يذمونه

فحترت بينه وبين الشفا

انا ماجربت المواساه
بس ولدت في الشفا اول مافتح الجديد سنه2004 كان ممتاز بس الحين ماادري 😐

حبيتي لازم تسالين وحده مجربه الاثنين

وبعدين كل وحده بتقولج تجربتها الشخصيه

والتساهيل من رب العالمين انا عن تجربتي

ولدت بالشفا والحمدلله خدمتهم ممتازه معنايه وكمام وسسترات

وان شاء الله بعد هالمره بعد بولد عندهم والله يسهل عليج وعلي وعلى باجي الحوامل

انا حبيبتي جربت مواساة مرتين وبصراحه ما افكر اروح مكان غيره يكفي السسترات يهبلون وحنونين والمكان هادىء فضيع يهبل وراقي وسبحان الله احبه هالمستشفى والدكا تره زينين

انا جربت دارالشفا و جربت المواساة.
دار الشفا (2004) كان توه منتقلين للمبنى اليديد الولاده كانت وايد زينة و كانت دكتورتي اسمها أختر باكستانية بس اللي كرهني فيهم عنايتهم بالمواليد، كان في ولدي بوصفار نسبة مرتفعة و كانوا ذاكرينها في الملف بس و لا دكتور سألته ذكر هالشي كل ما اسألهم ولدي في شي يقولولي ولدج ما فيه الا العافيه تخيلي سألت 3 دكاتره نفس الحجي يقولونه و يوم طلعته كانوا حاطيلي الزياره المجانيه بعد 3 ايام من طلعة المستشفى مع انه كل الوالدين معاي كانت الزياره بعد اسبوع الا انا لأنهم يدرون انه في بوصفار و انه نسبته مرتفعه يوم يبته دخلوه على طول لأنه نسبه البوصفار حيل مرتفعه . و يو جابلت ولدي شفتهم شلون يتعاملون مع البيبيات كلش ما في عنايه و اهتمام عقبها حرمت ادخل دار الشفا.

المواساة(2009) كانت دكتورتي فرجينيا وايد زينه و الولاده بعد كانوا حيل مهتمين فيني و مجابليني حتى عنايتهم للبيبي وا يد زينه كل ما سألتهم عن البيبي تيني دكتوره الأطفال و تفحصه و ترد علي قبل لا تجاوبني و اي شي ابيه الدكتوره تيني عندي تجاوبني حتى مو بالتلفون الا مره لأنه الدكتوره كانت مو موجوده

ما اردى من دار الشفا الا المواساة .. حبيبتي روحي السلام نظيف ورعايه وحلوو .. واذا تبين كمام قوي روحي الهادي ..

انا بقولج عن دار الشفا لأني جربتهم

دكتورتي من بره

اما العنايه والنظافه والكمام والسسترات ممتازيييييييين

والغرفه انا خذيت ملكي ممتااااااازة

وناويه هالمرة عندهم ان شاء الله

لجد يقص عليج روحي المواساة وانتي متطمنه

ياحياتي تسلمون والله ماتقصرون بس ترا أنا مجربة دار الشفا .. الولاده نفسها كانت واايد زينه والخياط صراحه مادري لأني كنت بجريه وماميز.. بس بصراحه صج حتا أنا أذكر عنايتهم بالبيبي كللللش مو شي حتا أنا كان بالبيبي بوصفار وطلعوه وحيييل ارتفعت النسبة فيه ودخلوه المستشفا عقب … وبعدين بنات ماتملون من الزحمة والنطرة؟؟ كنت رايحه وانا نفاس وخياط وحالتي حاااله وهم بهذلوني وخلوني انطر واحس حتا الدكاتره نفييسه ويبون الدور يمشي بسرعه وبس … قالولي المواساة هااادي وماكو زحمه والخياط ماتحسين فيه وأيولج لي البيت السسترات يجيكون على خياطج؟؟ مادري هذا اللي سمعته … وقاعده أقول اذا كمامهم خفيف يمكن أخذ ابرة ظهر ..
حياتي السلام صج ماشالله بنات المنتدا كلللهم يمدحونه بس أعرف وحده ولدوها قيصري معنها كانت مفتووحه 7 سم ؟؟؟ أخترعت حسيت يبون فلوس القيصريه ؟؟

امبيه نصيحه من اختج والله روحي المواساه وانتي مرتاحهوااااااااااي صج راحة بال واول اسبوع ايون لج سسترتين البيت وحده تجيك عالبيبي وزنه وصحته ، والثانيه تطمن عليج وعلى الخياط والله وهادي المستشفى لان مبنى العيادات بروح والي ينامون والزيارات بروحوالخياط يهبل ولاحسيت فيه اصلا والسساتر شطار جنهم دكاتره ماشاء الله وكمامهم يهبل روحي وانتي متطمنه والله يسهل عليج حبيبتي ويقومج بالسلامه يارب ..

بنووته ناايس حيياااتي أنتي مااااتقصرين والله … بس حبيت أسئلج منو دكتورتج ؟ وجم أسعار المراجعه؟

السلااااااااااااام عليكم حبيبااااااااااااتي الغاليات

والله بغيت اسألكم عن مستشفى المواساة.سمعت ان عندهم وحدة الانجاب. وتأخر الحمل.

تكفون ابي دكتوور شاطرة هناك؟محتاجتكم انا السبت ان شاء الله باروح.

جعلها الله في ميزان حسناتكم

اختكم جووووووود

عزيزتي … كل مستشفي عندهم هالقسم
وانا عن نفسي اراجع عند الدكتور اسامه صالحه واهو رئيس قسم الانجاب بمستشفي دار الشفا
بس انا حملي طبيعي ماله شغل .. بس اراجع عنده لانه الكل يمدحه

والله ماعرف

اختي تمدح د.لينا هنديه

والله ماعرف

عفيه بنات منو جربت ولادة مستشفى المواساة عند دكتورة فرجينيا وا دكتورة لينا ….وشلون الخياط اهم شي

منو تنصحوني فيها اكثر ؟ انا جربت راجعت عندهم ثنتينهم وحسيتهم ثنتينهم زينين وحبوبين وشطار بس ماجربتهم بالولادة ولا

الخياط عطونا رايكم يالمجربات….

انا ما جربتها بس بنت خالتي مرتين ولدت عند فرجينيا تقول انها ممتتازه وترد الوحده بنت يعني خياطها عجيب

هلا اختي انا جربت لينا واااااايد زينة وشاطرة بالولادة وخياطها بعد حلو تردج بنت بنوت وحتى رفيجتي ولدت عند فيرجينيا تقول خياطها حلو .وبالنسبة لعناية المستشفى التعامل جدا رااااااقي وعجيب ..انا ثلاث ولادات عندهم والحين ان شاء الله الرابعه بعد عندهم الله يسهل عليج امورج..

اب
اب

عمري لا تحاتي
هذا الرابط حج دكتورة فرجينا
https://www.q8yat.net/showthread.php?t=511990

السلام عليكم شلووووووونكم
آنا ولدت عند دكتوره فيرجينا شهر 8 سنه 2024

أول مره أجربها – رفيجتي امدحتها لي

مراجعاتي كانت تمام التمام

وكنت أحاتي الولاده واااااااااايد

هاذي ثاني ولاده لي وبولادتي الاولى خذيت ابره بالظهر يعني ماحسيت بالولاده

ولادتي باختصار رحت مفتوحه 3 سم

ورعايتهم عسسسسسسسسسسسسسسسل حدها مخليني على راحتي ويمسحوون علي والدكتوره المصريه اللي شفتها الصبح عسسسسسل واللي قبلها راحت بعد عسل يعني ادشين وانتي مرتاحه مايخوفوووونج اااااااااابد

وطبعا قالولي متى ماتبين نحطلج طلق الصناعي طقي جرس قتلهم اوووكي
وقعدت افرك بمكاني من الطلق بس ماكان قووووي تووووني بالبدايه

قتلهم ابي اتسبح لوووووووووووول لان الماي الحار يهدي اعصابي وخوفي
ويابولي فوطه وبدلت ملابسي ودشيت وامي قاعده تنطرني

قعدت بالحمام عزكم الله نص ساعه هههههههههههه
كل شوي يطلووون علي اشفيييييييج طلعي لاتولدييييييين

مستانسه عالماي الحار ماودي اطلع
يخفف الألم والله يوووووووونس حده

المهم خلصت وارتحت شوي قتلهم ابي طلق صناعي وبطلت الكمام قتلها مابيه الحين بعدين
قالت كيفج على راحتج
واااااااي الطلق الصناعي مفعوووله سررررررررريع مليييييق ماحبه
وامسك الكمام واششششششم وتحملت لي 5 سم
وقمت اصارخ شوي
لاني اول مره احس بالولاده كــــــــــامــــــــــــلـــــــــــه :d
المهم الدكتوره طبعا تييني تقولي شلوونج لاتخافين انا موجوده وتييب مادري شنو وتبط الماي
طبعا اقووولها نطري نطري خل اشم الكمام عشان لا احس ههههههههههههه
وتنطرني وبعدين قمت اصااااااارخ وبس نزل ماي دااااااااافي وقمت اتبطل بسرعه لما صار 8سم
بعدين وووصلت 10سم
مــــــــــــــــــــــــــــــــت من العوااااااااااار عيبهم كمامهم مووقوي
انا عن نفسي ماايأثر فيني كللللللللش احس بكل شي واتذكر كل كلمه قالوها
وقمت اختنق واترجاها عطيني منوم وقمت اتشهد شافتني قمت أرافس هزيت السرير هز والله
عطتني منوم ومن بعدها ماقعدت الا يوم بيودوني الغرفه وآسفه اذا طولت عليكم

بس حبيت اطمن اللي يخافوووون وان شاءالله ولادتي عندها عجبتني وخياطها عادي
لا خياط بنت بنوووت ولا شي حده عادي ومع الوقت تحسين نفسج وسيعه شوي
ولادتي الاولى كان دكتور بدار الشفا خيطني خيااااااطه يهبل صج صج ردني بنت والله العظيم وخياطه عادي موتجميلي بعد

وسلامتكم :d

السلام عليكم
حبيبتي آنا شخصيا جربت الثنتين وولدت في هذي المستشفى 3 ولادات والصراحه صج ولادتهم غير والعنايه ممتازه خاصة السسترات عندهم شطار
ولادتي عند دكتوره لينا وايد زينه بس ماجربت خياطها لاني ما احتجت خياط على بنتي
بس على ولدي توني ولدت شهر 12 عند د/ فرجينيا وايد شاطره والخياط تمام التمام حتى في المراجعات انا في بداية الحمل وايد تعبت وكان في دم بين المشيمه والياهل بس عطتني ابر تمام وقفتهم وحتى في الولاده وايد تعبت وكانت راح تصيير قيصريه بس نطرت علي والله والصراحه انا انصحج بفرجينيا

انا عند فرجينا واااااااااااااايد صبووووره وتنطر علليج والخيااط زيين بس الكمااااااااااااام خفيييف ؟؟؟

والله بنت عمي التهب خياطها عليها من فورجينا مادري اذا تبينها علي راحتج ..

تبين الصراحه انا ولدت مرتين عند لين تهبل

وخيااطه اييييينن اشوويه عليه والرعايه ماكو احسن منه

بس بالولاده الثالثه توه ماصارلى شهر لينا كانت مسافره وخفت

من فرجينا ولدت عن روبياانا بس انا وصلت المستشفى كنت واصله حدى

لدرجه ولدت قبل لاادش غرفه الولاده من غير كمام ولا دكتوره ولاشىء

بغيت اموت واخر شىء يت الدكتوره بكل برود good job

بغيت اكفخه من الحره لانها اهيا الا كانت تاجل الولاده المهم جيكت

على الخياط القديم لان هالمره ماقصوناا لان اصلاا مالحقوا يسونلى شىء

جان تقول بخيطج غرزتنا لان الخياط ضعيف انا من الحره والالم والقهره حزته

مادققت وايد سكت بس الحين قاعده احاتى وايد ليش مخيطوناا عدل الاسبوع الياى

بروح عند ليناا علشان اتجيك على الخياط واذا قالتلى مو اوكيه راح اعفس المستشفى

لان بروحهم خذوا منى سعر الولاده كامل واهماا كلش ماسوا لى شىء

والله بنات انا احسهم ثنتينهم زينين ….انزين ماتدرون ليش روبينا طلعت من عندهم عاد كانت حبوبة

uppppppppppppp

لينا ما أدري عنها بس فرجينيا ما انصحج بيها كلش. يوم تكون زينه و خياطها روعة و عشرة ايام خواااارة يعني مزاجية وايد

أنصحج لينا أحسن.

بنات قولولنا تجاربكم بلييييييييييييييييييييس

شلوووونكم بنات اليوم سألت عن الدكاترة الحريم في مستشفى المواساة قالولي في ثلاث لينا وفرجينيا ( كانت قبل بالسلام ) ووحده فرنسية يديده اسمها ميرا ، فبغيت اعرف منو مجرب دكتورة فرجينيا ؟؟؟ بغيت اعرف زينه ولا لأ … ياريت يابنات اتفيدوني

انا حماتي تمدحها بس مو ولادة اهيا اسم الله عليج سوت عملية وشالت الرحم
و بعد في بنات اعرفهم مدحوها بالولادة ومدحوا خياطها التجميلي

اشدعوا يابنات نبي ردودكم لأني محتاره

الله يهون عليج ودي افيدج بس اناااا ماجربتهااااا وهم انا محتاره بدش التاسع وماحددة عند منو اللهم اني اراجع عند الدكتور ماجد الشمري بس ماابي رجااال يولدني
وانااا بنطر رد الخوااات وان شاء الله نستفيد

دكتوره وايد زينه فرجينيا انا اراجع عندها ووصيت وحده وولدت عندها وايد تمدحها انا ان شاءالله بعد عشر ايام بدش اولد انتي متى ولادتج

انا ناوية ان شاء الله اولد بالمواساة بس محتارة عند اي دكتورة اراجع لان اول ولادة وما اعرف احد
الهندية ولا فرجينيا والله ماني عارفة
ودي بدكتورة اقدر اخذ واعطي واتفاهم معاها
شوروا علينا يابنات الحلال

ياالله خواتي تفاعلووو معانا وتلقونه في ميزان حسناااتكم
والله محتاااارين
اخرموعد لي اذا الله شاااء 11-11

ان اراجع عند دكتورة لينا وايد ارتحت لها …اختي وبنت خالتي ولدوا عندها ويمدحون خياطها تردج بنت بنوت ..

كاشونه انا ولادتي على آخر شهر واحد …. المشكله انا مابي ريال يولدني وبالمواساة بس عندهم 3 حريم لينا وفرجينيا وميرا يديده فرنسيه المشكله الواحد مادري اشلون يقدر يتفاهم معاهم انا لينا شايلتها من الحسبه ماحبيتها يوم راجعت عندها وارفيجتي ولدت عندها ومامدحتها،، ومحتاره انا في فرجينيا …. المشكله انا ودي بالسلام اولد بس غرفهم الوانها غامجه حيل وودي بغرفها حلوه مادري شسوي …..