|
شلونكم أمهات المستقبل شخباركم
حبيباتي بغيت أسألكم إذا في وحدة تعرف أسعار غرف المواساة وشنو أنواعها
آنا سامعة ان في الملكي والفي آي بي والآترو والأرماني بس جم أسعارهم ؟؟
يليت الي تعرف تفيدنا
|
شلونكم أمهات المستقبل شخباركم
حبيباتي بغيت أسألكم إذا في وحدة تعرف أسعار غرف المواساة وشنو أنواعها
آنا سامعة ان في الملكي والفي آي بي والآترو والأرماني بس جم أسعارهم ؟؟
يليت الي تعرف تفيدنا
|
السلام عليكم ورحمة الله وبركاته. في واجد ناس تقول عن المواساة ويع ممكن اعرف ليش مع أني والده فيه مرتين و الي توها والده فيه متا وردتي وشنو السلبيات و الإيجابيات الي شفتيها و اكون شاكرة لكم
انا اولد بالهادي ,,,
بس خالتي كله تولد فيه وتقول انه تغير مو مثل قبل ,,,
تحياتي …
لانى ناوية الله يسهل على واولد فيه عند فرجينيا شرايكم فيها؟؟
والله يسهل عالجميع
حنين مشكورة على مرور حبيبتي
اريج الجوري تغير للاسواء ولا الاحسن بس توقيعج عجبني صج نستحق الافضل الله يهديها |
هلا حبوبه ,,,
خالتي تراجع عندهم من قبل الغزو ,,,
وتقول انه تغير للأسوء وصاير تجاري ,,,
وعليج بالعافيه التوقيع مبيوق من عضوه معانا بالمنتدى ,,,
وصج نستحق الافضل ,,,
|
السلام عليكم ورحمة الله
بنات انا بالثامن وحدي محتاره اولد بالسلام ولا المواساة ؟؟
اشرايكم ايهو احسن من ناحية الاهتمام والعنايه والخبره والاهتمام بالام والبيبي ؟؟
والاسعار ؟؟
وشلون بغرفة الولاده ؟؟ انا سمعت السلام واذا احد بيدخل معاج يدفع فلوس ومايخلون الا شخص واحد ؟؟
انا ابي امي وريلي معاي
ويزاكم الله خير
تخيلي في اوقات ببلاش يدشون
وفي اوقات ب 20 وفي اوقات ب 40
امي الساعه 4 العصر دشت وياي ب 40
والكرت يدش فيه اكثر من شخص عادي
بس مو بوقت واحد
يعني مثلا امي تعطي الكرت اختي وتدش ششوي
ومره دشو ثنتينهم
يعني مو دقيقين حيل
وجنه من الساعه 12 بليل الدخول بالغرفه ببلااااش
مكتوبة الاسعار عند غرفة الولاده
انا حبيت السلام و ولادتي الثاني ان رزقني الله بولد فيه
دكتورتي نهاد حسني
|
ياااهلا والله بكل من دخل موضوعي
تكفون بنوتات انا حامل ولله الحمد بالبجر وبالاشهر الاخيره وبأذن الله عزمت اولد بمستشفي المواساة وراجعت مرتين عندهم عند دكتوره هنديه اسمها لينا .
بنات من منكم مجرب الولاده عندها تصبر علي الوحده اذا طولت ولادتها والا علي طول فتح بطن؟ شاطــــــــــره ؟ اشلون خياطتها؟؟؟؟
تكفووووووون بنات حدي خااايفه واحاتي ومن كثر المحاتات كل احلامي كوابيس عن الولاده عفيه اللي مجربتها او سامعه عنها تساعدني عسي ربي يوفقها ويرزقها ماتتمني يـــــــــــــارب.
ولكم كـــل الشكر
للرفع
MaYoOoma
الله يريح قلبج والله طمنتيني كنت احاتي واايد لانها ماتعرف تتكلم عربي عدل وماسمعت عن احد مجربها خفت اتوهق وياها وانا بجر
تسلمين يالغاليه عالرد
نبض قلبه
يعطيج ربي العافيه زين سمعت ان في احد مولد عندها تصدقين كل ما سالت احد قالوا لي ماسمعنا عنها!
طيب بنووته اختج ورفيجتج ما اشتكوا من كمام المواساة انه مو قوي؟؟
هلا والله باللي تراجع عند لينا عيل انتي اكيد حسيتي بمعاناتي….
اهي ما تفهم عربي عدل واكلمها بالانجليزي بس عاد خبرج انا اطقطق فيه ماني فلته واهي مسكينه تحاول تفهم قد ما تقدر.
فكنت احاتي يوم الولاده اشلون بتفاهم معاها ظنتي بنسي وقتها كل اللغات زين مني ان نطقت بالعربي !
تسلمين ياحلوه عالرد وربي يسهل عليج وعلي ويفرح قلوبنا بالذريه الصالحه يارب
|
الله يعافيكم بنات شنو احسن دكتور او دكتوره بالمواساة ولا مره جربت المواساة كله اراجع بالسلام بس اشوف وايد بنات يمدحون ولاده المواساة الله يعافيكم ولكم الاجر ان شاء الله الى تعرف دكتور او دكتوره شاطره بالمواساه تقولى والله يوفكم ان شاء الله
|
السلام عليكم ..
يالغاليات منو فيكم جربت الولاده عند د.لينا الهنديه في مستشفى المواساة
تفيدني الله ينولها اللي فبالها
لاني بولد عندها .. شلونها بالولاده؟ و شلون خياطها؟
ابي تجاربكم ماعندي احد اساله من بعد الله الا انتو ….
يا اهلا و سهلا اختي بدوره ..
انا حاليا اراجع عند د.لينا بس انا بجر ما جربت
الولادة من قبل .. لكن رحت لها لأن اختي كانت والدة عندها
من قبل و وايد تمدحها بالولادة و بالخياط بعد ..
وان شاءالله انا بعد ولادتي عندها ..
والله يسهل عليج و على كل حامل يارب ..
انا مجربة لينا
ولدت عندها ثاني ولادة
ولادتي الاولى كانت بالحكومة اله لا يردني لهم من شر!
زينة وحنونة و خيطها تمام
ما قلت لها تجميلي ولا شي بس خيطت وخياطها نظيف ومريح
اعتقد اهي تخيط تجميلي بدون ما تطلبين بس سئليها احسن
وترى ما تي بالليل
جزاكم الله خير
|
خواتي شلوونكم؟؟؟؟؟ أنا بصراحه حييييييييييل محتااااره وياريت تساعدوني وراح ادعيلكم واكون شاكره لكم
ياريت بس اللي مجربه دارالشفاء ولا المواساة تقولنا عن الولاده والخياط والكمام أوابرة الظهر وتقولنا منو دكتورها او دكتورتها والغرف ؟؟؟
ويعطيكم العافية
وأنتي توكلي على الله
والله يهون عليج ياحبي
كنت بروح الواساة رفيجاتي ثنتين مجربين المواساة ويمدحونه حييييييييييل والمنتدى حيل يذمونه
فحترت بينه وبين الشفا
وبعدين كل وحده بتقولج تجربتها الشخصيه
والتساهيل من رب العالمين انا عن تجربتي
ولدت بالشفا والحمدلله خدمتهم ممتازه معنايه وكمام وسسترات
وان شاء الله بعد هالمره بعد بولد عندهم والله يسهل عليج وعلي وعلى باجي الحوامل
المواساة(2009) كانت دكتورتي فرجينيا وايد زينه و الولاده بعد كانوا حيل مهتمين فيني و مجابليني حتى عنايتهم للبيبي وا يد زينه كل ما سألتهم عن البيبي تيني دكتوره الأطفال و تفحصه و ترد علي قبل لا تجاوبني و اي شي ابيه الدكتوره تيني عندي تجاوبني حتى مو بالتلفون الا مره لأنه الدكتوره كانت مو موجوده
دكتورتي من بره
اما العنايه والنظافه والكمام والسسترات ممتازيييييييين
والغرفه انا خذيت ملكي ممتااااااازة
وناويه هالمرة عندهم ان شاء الله
|
السلااااااااااااام عليكم حبيبااااااااااااتي الغاليات
والله بغيت اسألكم عن مستشفى المواساة.سمعت ان عندهم وحدة الانجاب. وتأخر الحمل.
تكفون ابي دكتوور شاطرة هناك؟محتاجتكم انا السبت ان شاء الله باروح.
جعلها الله في ميزان حسناتكم
اختكم جووووووود
|
عفيه بنات منو جربت ولادة مستشفى المواساة عند دكتورة فرجينيا وا دكتورة لينا ….وشلون الخياط اهم شي
منو تنصحوني فيها اكثر ؟ انا جربت راجعت عندهم ثنتينهم وحسيتهم ثنتينهم زينين وحبوبين وشطار بس ماجربتهم بالولادة ولا
الخياط عطونا رايكم يالمجربات….
اااااااااااااااااااااااااااااااااخ انه ميته والبنات ايجاوبون هالسؤال
مت وانه اسال كل مكان عنهم وحتى بالدوام مامدحوها ووحده قالتلي ان وايد في شكاوي على فرجينيا بس للامانه في ثنتين من البنات امدحوا خياطها والله ما ادري انه ابي اراء اكثر مابقى شي على ولادتي انه ابشهري الحين توني داشه |
عمري لا تحاتي
هذا الرابط حج دكتورة فرجينا
https://www.q8yat.net/showthread.php?t=511990
أول مره أجربها – رفيجتي امدحتها لي
مراجعاتي كانت تمام التمام
وكنت أحاتي الولاده واااااااااايد
هاذي ثاني ولاده لي وبولادتي الاولى خذيت ابره بالظهر يعني ماحسيت بالولاده
ولادتي باختصار رحت مفتوحه 3 سم
ورعايتهم عسسسسسسسسسسسسسسسل حدها مخليني على راحتي ويمسحوون علي والدكتوره المصريه اللي شفتها الصبح عسسسسسل واللي قبلها راحت بعد عسل يعني ادشين وانتي مرتاحه مايخوفوووونج اااااااااابد
وطبعا قالولي متى ماتبين نحطلج طلق الصناعي طقي جرس قتلهم اوووكي
وقعدت افرك بمكاني من الطلق بس ماكان قووووي تووووني بالبدايه
قتلهم ابي اتسبح لوووووووووووول لان الماي الحار يهدي اعصابي وخوفي
ويابولي فوطه وبدلت ملابسي ودشيت وامي قاعده تنطرني
قعدت بالحمام عزكم الله نص ساعه هههههههههههه
كل شوي يطلووون علي اشفيييييييج طلعي لاتولدييييييين
مستانسه عالماي الحار ماودي اطلع
يخفف الألم والله يوووووووونس حده
المهم خلصت وارتحت شوي قتلهم ابي طلق صناعي وبطلت الكمام قتلها مابيه الحين بعدين
قالت كيفج على راحتج
واااااااي الطلق الصناعي مفعوووله سررررررررريع مليييييق ماحبه
وامسك الكمام واششششششم وتحملت لي 5 سم
وقمت اصارخ شوي
لاني اول مره احس بالولاده كــــــــــامــــــــــــلـــــــــــه :d
المهم الدكتوره طبعا تييني تقولي شلوونج لاتخافين انا موجوده وتييب مادري شنو وتبط الماي
طبعا اقووولها نطري نطري خل اشم الكمام عشان لا احس ههههههههههههه
وتنطرني وبعدين قمت اصااااااارخ وبس نزل ماي دااااااااافي وقمت اتبطل بسرعه لما صار 8سم
بعدين وووصلت 10سم
مــــــــــــــــــــــــــــــــت من العوااااااااااار عيبهم كمامهم مووقوي
انا عن نفسي ماايأثر فيني كللللللللش احس بكل شي واتذكر كل كلمه قالوها
وقمت اختنق واترجاها عطيني منوم وقمت اتشهد شافتني قمت أرافس هزيت السرير هز والله
عطتني منوم ومن بعدها ماقعدت الا يوم بيودوني الغرفه وآسفه اذا طولت عليكم
بس حبيت اطمن اللي يخافوووون وان شاءالله ولادتي عندها عجبتني وخياطها عادي
لا خياط بنت بنوووت ولا شي حده عادي ومع الوقت تحسين نفسج وسيعه شوي
ولادتي الاولى كان دكتور بدار الشفا خيطني خيااااااطه يهبل صج صج ردني بنت والله العظيم وخياطه عادي موتجميلي بعد
وسلامتكم :d
وخيااطه اييييينن اشوويه عليه والرعايه ماكو احسن منه
بس بالولاده الثالثه توه ماصارلى شهر لينا كانت مسافره وخفت
من فرجينا ولدت عن روبياانا بس انا وصلت المستشفى كنت واصله حدى
لدرجه ولدت قبل لاادش غرفه الولاده من غير كمام ولا دكتوره ولاشىء
بغيت اموت واخر شىء يت الدكتوره بكل برود good job
بغيت اكفخه من الحره لانها اهيا الا كانت تاجل الولاده المهم جيكت
على الخياط القديم لان هالمره ماقصوناا لان اصلاا مالحقوا يسونلى شىء
جان تقول بخيطج غرزتنا لان الخياط ضعيف انا من الحره والالم والقهره حزته
مادققت وايد سكت بس الحين قاعده احاتى وايد ليش مخيطوناا عدل الاسبوع الياى
بروح عند ليناا علشان اتجيك على الخياط واذا قالتلى مو اوكيه راح اعفس المستشفى
لان بروحهم خذوا منى سعر الولاده كامل واهماا كلش ماسوا لى شىء
|
شلوووونكم بنات اليوم سألت عن الدكاترة الحريم في مستشفى المواساة قالولي في ثلاث لينا وفرجينيا ( كانت قبل بالسلام ) ووحده فرنسية يديده اسمها ميرا ، فبغيت اعرف منو مجرب دكتورة فرجينيا ؟؟؟ بغيت اعرف زينه ولا لأ … ياريت يابنات اتفيدوني