الوسم: المنظار

اسعفوني …دقة ساعة الصفر .. عملية المنظار
سلام عليكم ورحمة الله و بركاته

دقة ساعة الصفر ……. اسعفوني مرررره خايفه ….. واسوني ……

الاسبوع الجاي …. بدخل المستشفى بسوي عملية المنظار

لفك التصاقات الرحم و أنسداد الانابيب …

و انا مره خايفه من العمليه مين سوت العمليه

شنو اخذ معاي بالمستشفى و الاحتياطيات لي اخذها بعد العملية إنشالله

و عشان العطور مابي عملية تلتهب من العطور شسوي

انصحوني بموت من الخوف و كيف دوره بعد العمليه تكون زي النفاس او دوره عاديه

بليز ابي نصايحكم ..

الله يجزاكم خير..

الله يشافيج يا غاليه وان شاءالله العمليه بسيطه لا تحاتين والله يقومج بالسلامه يا غاليه

ماعندي فكرة بس تدرين آنا أفكر أسوي منظار بشوف وضع الأنابيب كل وحد يقولي شي

الله يعينج انا قالي ونحشت الاسبوع اللي طاف ورحت عمرة توني جايه امس

الله معاج ان شالله ولاتخافين انا مرتين سويتها قبل لااحمل وهي عمليه بسيطه جدا وعسى الله يكتبلج الذريه الصالحه يارب

الله يرزقج الذرية الصالحة ،،،،

اللهم امين و الله يوفقك و يرزقك الجميع

دمتم بخير

رفع …………..رفع

انا سويتها قالتلي الدكتورة انها عملية سهلة وبسيطة الم بسيط جدا وعادي تقدرين تطلعين على طول
اول ماطلعت من غرفة العمليات قلتلهم برتاح بالغرفه قالولي عندج للمغرب وعقبها لازم تطلعين لانها تعتبر من عمليات اليوم الواحد .. كان العوار بسيط خذيت مسكن الدكتورة وصفته لي وعقبها تميت اسبوعين تقريبا مااقدر امشي وايد من الغرز احس اني مشبنه وانا ماعندي خادمه بغيت اموت لاني مضطرة اشتغل بس شالت الغرز ارتحت الحمدلله .. بالنسبة حق الدورة اللي بعد العملية انا بالاساس دورتي قويه فماحسيت بفرق متعوده على جذي .. بس لا تستهينين بالوضع اتم عملية صغيرة ولابد ترتاحين
بالسلامة وماتشوفين شر

انشالله مافيج الا العافيه بس اشحقه الغرز
عاد انا بفكر اسوييها يمه خرعتووني عاد كلش ولا الخيااط مااحبه

سلااااااااااااااااااامتج من كل شر

انا مسويتها سهله كلها ساعه وتطلعين من العمليات
وانا تنومت يوم كامل عندهم بالمستشفى
العمليه سويتها الصبح ماخلوني اكل الا المغرب
وقالو بس تشربين ماي جلست اشرب ماي بس
وبعد ساعتين اكلت والله يكرمكم رجعت الاكل كله
وقاللي الطبيب ترى اكتافج بتعورج لاتخافين هذا
من العمليه جلست تقريبا 5 ايام ماانام عدل
احس بالام خفيفه وعقب اسبوع خفت الالام
سويها حبيبتي لاتخافين ولا تترددين ..

بناااات تكفون قولولي بالتفصيل شلون هالعمليه من وين يفتحووون البطن ترا ماعرف انقذوني ابي وصف لها وهل في امل بعد العمليه احمل ضروووووري ردو علي الله يوفقها اللي ترد ويرزقنا ربي بالذريه الصالحه اميييييين

الله يقومنا بالسلامه و يهون علينا
أنا الدكتور قالي بعطيك إجازه السبوع واحد من دوام

خواتي أنا سويت عملية تجميل أنف بالمنظار
والحمدلله صرت إن نمت والمكيف يشتغل ماتجيني أي مشكلة مثل قبل

لكن لي تقريبا شهرين من يوم ماسويت العملية
هبي تجميل لأن أنفي كان مكسور وواضح ومخرب شكلي

بس مشكلتي إن أنفي يعورني من أبسط مجهود أسويه حتى لما أجي أدهن وجهي أو أغسله امسح
بشكل خفيف لأني أحس بألم شديد مكان العظمة إللي استأصلها الدكتور
طبعا مافي شق داخل أنفي
وسؤالي أي اخت من العضوات تعرف أي بنت سوت تجميل بالمنظار
تتكرم علي وتقول متى تعافت بالضبط ؟
تحياتي

انا ليلحين ما حددت موعد لعمليتي نفس عمليتج بس منظار عشان العظمه
شوفي المده كبيره شهرين مدري انا قبل سأله وحده تقول الألم اسبوع بعملية المنظار
منوووو دكتورج اول ؟؟؟؟؟ المده احسها كبيره شهرين لازم اتروحين لدكتورج تسألين بس مدري انطري ردود البنات انشاءالله يفيدونج

الدكتور منذر العجمي إللي سواها لي
لما رحت له في آخر مراجعه قال توه بدري على شكل الأنف

بس أنا مستغربة معظم الاخوات إللي سووا العملية مارسوا حياتهم بشكل طبيعي بعد العملية بكم أسبوع
وأنا بس أبذل أي مجهود في شغل البيت
أحس أنفي يطقطق وكأنه مكسور.
الدكتور حاليا في إجازة.
تقبلي تحياتي

يوووووه يطقق الله يعين انتي عاد ديريبالج عليه ولا تحاتين ويمكن صح كلام الدكتور بدري عليه وعلي فكره كل وحده غير عن الثانيه
ودقي اخذي موعد عبال ما يرد من اجازته عشان اطمنين فلبج ……

طبعا منذر هاذي سوالفه

السلام عليكم ورحمة الله وبركاته
انا عضو جديدة في هذا المنتدي الاكثر من رائع وحابة اقول لكم عن مشكلتي وهي اني انا متزوجة من زمان والحمد لله عندي بنت وولد وكلهم طبيعي مافي مشاكل بس بعد ولدي تميت فترة اربع سنوات ماحملت وبدت الدورة ما تنزل علي علي طول اول الايام ينزل بني لمدة ثلاث الي اربع ايام وبدين تتفرق تنزل حضرتها وبدا معانت المستشفيات وبدوا يقول اذا بتعلجين الدورة تري تحملين وانا اقول عادي وقالي الدكتور اني لازم ابدي اخذ ابر ومنشطات معني مو محتاجة واخذت ابر وكلوميد وابر التفجير وبعد سنة من العلاج المتقطع يعني اخذ شهرين واريح واخذ بعدها حملت بس فرحه ماتمت الحمدلله علي كل حال طلع الحمل خارج الرحم وعملت عملية المنظار وقالتلي الدكتورة ان قناة فالوب اليمني راح تعمل بنسبة لا تقل عن 50بالمئة طبعا كلام وريحت بعدها اكثر من 5 شهور وبديت العلاج مرة ثانية ولم يحصل حمل قلت اسوي اشعة الصبغة علشان اتاكد اكثر وسويتها ورحت حق دكتوره ثانية وقالت عادى سوي تلقيح صناعي وخذيت 7 ابر وابرة تفجيرية وسويت التلقيح ولم احمل الحمد لله ورحت حق دكتورة الكل يمدح فيها وسوتلي تحاليل الغدد وهرمون الحليب وهرمون التبويض الي بعد 21 يوم للدورة وطلعت ممتازة وقالت اسوي حق زوجك تحليل زرع للمني لاني يبن تحليل ما التلقيح بس مو اهني المشكلة المشكلة ان الدكتورة تقول ان مبين بالاشعة ان فيها سوائل سامة تقتل الحيوان المنوي حتي لو راح الجه اليسرى وقالت ماراح اسوي اي شى لا تلقيح صناعي ولا حتي طفل انابيب لان ماكو فايده لازم اسوي عملية المنظار علشان تشيل السوائل وتشوف اذا فيه التصاقات او لا وقالت اذا تبين تحملين تعالي اسويها لكن اذا ما تبين الحمال تري هذا السوائل ما تاثر وانا الحين محتارة ليش كل الدكاترة ما قالولي عن الاشعة مع اني وريتها كذا دكتورة من قبل واخر دكتورة قالتلي الكلام اللي بتقير الاشعة واضح ان قناة فالوب اليمنى تحتوي علي سوائل سامة الحين انا بستشيركم منو عندها خبرة بهذا المنظار او سوت من قبل ترد علي ضرورى

تتم كل العمليات التنظيرية للبطن تحت التخدير العام , بعكس بعض العمليات التنظيرية للمفاصل (كالركبة مثلا) التي يمكن إجرائها تحت التخدير العام أو التخدير الظهري . وكما في أي عمل طبي تعتبر النظافة والتعقيم أهم الخطوات لأجراء هذه العمليات لتفادي حدوث التهابات ما بعد العملية لا سمح الله والتي تعتبر قليلة الحدوث مقارنة بالعمليات المفتوحة.

أسباب تفوق وتفضيل إجراء العمل الجراحي بالمنظار بدل الإجراء الاعتيادي (الفتح الكامل) بأذن الله :

1. التقليل الكبير جدا لآلام ما بعد العملية
2. لتقليل الكبير جدا لاحتمالات حدوث التهابات ما بعد العملية
3. لتقليل الكبير جدا للفترة التي يحتاجها المريض للعودة لحياته الطبيعية.
4. التقليل الكبير جدا لبقاء المريض بالمستشفى
5. التقليل الكبير جدا للتشوهات والندبات الناتجة عن العمليات المفتوحة .

وللتبسيط سأقوم بتقسيم هذه العمليات إلى أقسام رئيسية لكل منهما غرض تشخيصي وعلاجي:

• مناظير البطن
  وتتم من خلال فتحة صغيرة على الجلد فوق أو تحت الصرة يتم من خلالها نفخ البطن بغاز ثاني أوكسيد الكربون لدرجة معينة (النفخ يعمل فراغ وحيز للمشاهدة ولإجراء العمل الجراحي) ومن ثم يتم إدخال كاميرا تنظير ورؤية الجهاز الهضمي من خلال ما تنقله الكاميرا على شاشة تلفزيون يمكن متابعتها بالعين المجردة (ولك أن تتخيل أخي القارئ حجم المعلومات والتشخيص الممكن الحصول عليه بهذه الوسيلة الفذة ) .

  ويلجأ لعمل المنظار التشخيصي للبطن في حالات معينة يحددها الطبيب المتابع للحالة , أو لأخذ عينة من منطقة معينة بالكبد أو من ورم في أي منطقة داخل الغشاء البريتوني للبطن .

  ووصل استخدام المنظار لإراء العمليات العلاجية لدرجة متقدمة جدا يمكن القول انه يمكن إجراء تقريبا أي عملية بالطريقة التقليدية المفتوحة عن طريق المنظار وذلك بأحداث شقوق إضافية يتم من خلالها إدخال أدوات جراحية خاصة (كأدوات الجراحة العادية ولكنها صنعت بشكل خاص يمكن استخدامها من خلال فتحات صغيرة ، مقصات ملاقط قواطع وموصلات ….) والحقيقة لولا أن الله سبحانه وتعالى هدانا لتطوير هذه الأدوات وتصنيعها بطريقة يمكن استخدامها من خلال هذه الفتحات لما كان لنا ما وصلنا إليه من تطور وراحة في إجراء العمليات بالمنظار .

  ولك أخي الكريم أن تتخيل مدى أهمية وميزة إجراء العمل الجراحي بالتنظير حيث يكفي القول أن عملية تحتاج لفتح بطن بطول لا يقل عن 20 سم يتم إجرائها من خلال 3 أو 4 فتحات لا يتعدى الواحد منها 1 سم , وكيف ستقل الآلام ونسبة حدوث التهابات وكيف سيكون شكل البطن وسرعة الشفاء أن شاء الله ……الحمد لله على هذه النعمة .

  وسوف أقوم بوضع صور توضيحية والتعليق عليها لأهم عمليات المنظار الجراحية الشائعة .

عملية استئصال الزائدة الدودية

سابقا كانت تجرى من خلال فتحة على الجهة السفلية اليمنى للبطن بطول لا يقل تقريبا عن 7 سم وتوضح الصورة التالية آثار الجراحة بعد عملية مفتوحة لاستئصال الزائدة الدودية :

وكيف يتم استئصالها بالمنظار :

من خلال فتحتين لا يتعدى الواحد منهما 7 مم وفتحة للكاميرا:

عملية استئصال المرارة
سابقا كانت تجرى من خلال فتحة طويلة على الجهة العلوية اليمنى للبطن بطول لا يقل تقريبا عن15 سم ولك أخي القارئ أن تتخيل مدى الألم ونسبة حدوث الالتهابات العالية بعد عملية مفتوحة لاستئصال المرارة . ومع تطور الجراحة بالمنظار يتم حاليا وبسهولة من خلال هذه الأربع فتحات الصغيرة يتم استئصال المرارة بالمنظار :

وهنا يشاهد البطن بعد مرور فترة من الزمن والتئام الجروح بعد عملية استئصال المرارة بالمنظار :

عمليات الفتق بأنواعها

والتي مازالت تجرى بالطريقة المفتوحة ولكن أيضا أصبح بالإمكان إجرائها بالمنظار وتقريبا لكل أماكن تواجدها بالجسم وبكل نجاح.

وبدلا من عمل شقوق كبيرة على الجسم يتم بالعادة عمل ثلاث فتحات صغيرة جدا لا يتعدى طول الواحد منها 1 سم وتستخدم هذه الفتحات لإدخال الأدوات التنظيرية الجراحية المختلفة أو إدخال الشبكات الخاصة بإصلاح بعض أنواع الفتوق وكذلك إدخال الدباسات الخاصة بها .

1. وتختلف أماكن هذه الفتحات بحسب وجود الفتق واحتياجات الجراح ولكن بالمحصلة النهائية لن تتعدى الثلاث أو أربع فتحات وكما ذكرت لن يتعدى طول الواحد منها 1 سم .

عمليات البدانة كربط المعدة والتي تتم بكل سهولة .

استئصال أورام الجهاز الهضمي بمختلف أماكن تواجدها كأورام القولون والمعدة والكبد والبنكرياس …. والتي كان يلزم لإجرائها عمل شق جراحي طويل من اسفل عظم الصدر مرورا بالصرة حتى اسفل البطن ولكن وبحمد الله اصبح بالإمكان عمل أغلب هذه العمليات عن طريق عمل أربع فتحات صغيرة (الفتحة الواحدة 1 سم) مع فتحة واحدة إضافية لا تتعدى 3-4 سم على جهة يحددها الجراح على البطن لاستخراج الورم منها .

يتبــــــــع ….

عمليات تنظير المفاصل وعلاجها

وأشهرها عمليات تنظير الركبة التي كانت تتم بالسابق من خلال إجراء شق كبير على الركبة لا يخلو من حدوث مشاكل بعد العملية للمريض. أما الآن فاصبح تنظير الركبة بسهولة يمكن للمريض الذهاب بنفس اليوم بعد ذهاب آثار التخدير للمنزل .

ويكفي لإجراء تنظير الركبة عمل فتحتين لا تتعدى الواحدة منهم النصف سنتيمتر الواحد على الركبة ومن خلالهما يتم إجراء التنظير وكذلك العمل الجراحي لو لزم الأمر من الداخل بالأدوات المخصصة للدخول لتجويف الركبة من خلالهما.

ويمكن في أغلب الأحيان توفير فتح الركبة والذي كما ذكرت لا يخلو من المخاطر .

وبشكل مشابه لتنظير الركبة يمكن أيضا تنظير كل المفاصل الكبيرة بالجسم كمفصل الكتف والكوع والفخذ ….. وإجراء اللازم جراحيا وفي كثير من الأحيان دون اللجوء لفتح المفصل كامل .

العمليات الجراحية للجهاز التنفسي والقلب

قديما كان يتم فتح الصدر جانبيا من الجهة المراد علاجها لعمل الإجراء الجراحي (استئصال ورم , أو الرئة أو جزء منها , أو حتى بشكل طارئ نتيجة نزيف أو إصابة…).

وبالمناظير الجراحية يمكن إجراء تقريبا كافة الإجراءات الجراحية دون الحاجة لفتح الصدر كاملا بل بعمل فتحات 2-3 جانبية لا يتعدى الواحد منها السنتيمترات.

كذلك أجراء بعض العمليات الجراحية للقلب كاستبدال صمامات القلب أو إصلاح العيوب الخلقية للقلب والتي كان يستلزم لها بالسابق فتح عظم القص طوليا للوصول للقلب والأوعية الدموية.

والتي أصبح بالإمكان عملها بالمنظار أيضا وبكل نجاح ولله الحمد ومن خلال فتحات صغيرة دون الحاجة لشق الصدر .

عمليات الجهاز العصبي والمخ

وطبيعيا مع تقدم علم التنظير الجراحي والوصول للتجويف البطني والصدري بسهولة وأمان أمكن أيضا استغلال ذلك بالوصول للعمود الفقري من داخل الجسم وعمل الإجراءات الجراحية اللازمة دون الحاجة أيضا لعمل فتحات كبيرة على الجسم كالسابق . أيضا تنظير المخ وعمل أدق الجراحات .

العمليات الجراحية للجهاز البولي والتناسلي

تقليديا يتم فتح الخاصرة بطول لا يقل عن 20 سم وذلك مثلا لاستئصال الكلية أو ورم منها أو استئصال الغدة الجاردرقية , ويترك ذلك آثار كبيرة على الجسم .

وحاليا يمكن عمل كل ذلك وأكثر من خلال فتحات صغيرة وبالمنظار .

كذلك يمكن تقريبا إجراء كافة عمليات الجهاز التناسلي الأنثوي من استئصال المبايض والرحم وربط الأنابيب وغيرها ..

منقول للفائدة

يعطيج الف عافية

يعطيج العافيه حبيبتي

يعطيييج العافيه

جزاج الله خير على المعلومات الطيبة

وسبحان الله الذي علّم الإنسان مالم يعلم

يعطيج العافيه

سبحان الله كل شي تطور

الله يعافيكم حبايبي

يعطيج العافية

واااااااااي قلبي عورني

Thnxxxxx

يعطييج العااافية

حياكم الله

يسلمووووووووووووووو

يعطيج العافية
صج خوووش موضوع و معلومات

وجزاكم الله الف خير

السلام عليكم
انا سويتها عند باتريك فى لندن كلينك ابوحليفه كلفتنى 450

ياربي يرزقج ويثبت اجنتج ويرزقنا بالذريه الصالحه

عاد كلش ما امدحوو لي يقووولون حيييييييييييل مادي

روحي عند
د فوزية القطان او معصومة مقصيد

المستشفى كله غالى صلخ كلشى دبل انا انصحج تراجعين عند فوزيه القطان وقوليلها اللى ودج تسوينه واهيا ابخص يمكن ماتحتاجين هاالتحاليل

انا سويته عند فوزية تهبل

الله يرزقج يارب

ماقصرتووو والله

والله يرزقنا جميعا ..

انصحج بالدكتور عصام ابو الفتوح في مستشفى هادي متخصص بالمناظير و البورد الألماني في المناظير و الدكتور أخلاقه عاليه جداجدا وبالتوفيق.

حتى أنا نفسج ، ماكو سبب لتأخر حملي ، باقيلي بس اشعة الصبغة ، سألت بنات بالمنتدى و نصحوني بمستشفى المواساة

يارب يرزقنا الحمل بالاولاد الصالحين

حبيبتي انا كنت مترددة مثلك بس توكلت علي الله وسويتها عند احلي دكتورة فوزية القطان ولا تعبين نفسك وتدورين لانها جدا فاهمه روحيلها وماراح تخسرين ان شاءالله

مشكوووورين

ان شالله بسويها عند فوزيه هذا الشهر

اختي انا والله سويتها بمستشفى حكومي الفروانيه وما تستاهل الخاص

بس فيه نوعين من المنظار الي اهو تخدير كامل او تخدير موضعي

التخدير الكامل عن طريق 3 او 4 فتحات صغيره في البطن وتدخلين فيها غرفه العمليات

اما التخدير الموضعي والمنظار الداخلي يعني وانتي قاعده يدخلون انبوب ضعيف داخل المهبل ويدخلون فيه سائل ويضغطونه ويشوفون هل فيه انسداد انابيب

والله الموفق واي سؤال انا بالخدمه

انا سويتها فى مركز الشعب التخصصى عند دكتور هانى العقده الحمدالله وكانت عناية تهبل والمكان نظيف والدكتور شاطر

عسى ربي يرزقج حبيت ادعيلج الان انتي نفس مشكليتي ونفس مده العلاج 4 سنين وشوي هل لازم اسوي تحليل الاجسام المضاده ؟انا اقول حق اللي تحمل وتجهض بس ولا انا غلطانه ومنظار حق شنو بالظبط؟

شلونكم بنات احلي منتدي بغيت اقولكم شي انا سبق وقلت اني هل شهر سويت منظار ولله الحمد للتكيسات الي فيني المهم
سويته خامس يوم الدوره وكل شي تمام اما اليوم 17 من الدوره اقصد يعني دورتي 7 ايام ونظفت بس 10 ايام و نزل على بني وللحين قاعد ينزل ماوقف منو صار لها مثلي وشنو يعني هذا بليز الي اتعرف اتجاوبني

انا سويته بشهر فبراير اللي طاف

نزل مني دم مو واايه بس 4 ايام ووقف نفسج بني

قالي الدكتور انه هذا الوصخ والانسداد اللي كان مسكر الانابيب

لا تخافين يا قلبي

بسس طمنيني لا يكون كوا لج المبيض لانه مو زيييييين كلش

آنا سويته قبل شهر ونزل دم بعد المنظار 3أو4 أيام
بس إخت عببببوبة ليش موزين كي المبيض خرعتيني

السلام عليكم ورحمة الله وبركاته

بنات الله يجزاكم خير ابي استفسر

الحين اذا الوحده تسوي اشاعه او ناظور للانابين الرحم علشان تتاكد عدم وجود انسداد هل السبب يكون عدم وجود تبيض او فقط لعدم الحمل ؟؟؟؟؟؟؟؟

هل هذه المعلومه صحيحه؟؟؟

إن إنسداد في قنوات فالوب يمنع وصول البويضة الى مكان الاخصاب الذي يحدث عادة في أعلى قناة فالوب حيث الاندماج النووي بين المادتين الذكرية والانثوية

في انتظار ردكم الله يجزاكم كل خير ويريح بالكم ويرزقنا جميعااااااااااا الذريه الصالحه

وضحي اكثر اختي سؤالج مو مفهوم؟؟؟؟

سؤالج كلش مو مفهم بس انا راح اقولج معلومات عامه

1- الاشعه الملونه علشان يشوفون في انسداد بالرحم او ما في …في ميلان للرحم او لا …

2- المنظار البطني يكون للحمل الخارجي …ازاله تكيسات المبايض … او ازاله التليفات الخارجيه

3- المنظار الرحمي .. يكون مثل العمليه الاستكشافيه لجدار الرحم من داخل و اذا في شء يضبطونه

اما بالنسبه اذا الانابيب مسدوده …صديقتي عندها هالمشكله و ما تحمل الا عن طريق عمليه اطفال الانابيب

انزين اختى كيف هالفحوصات صح مثل مل يجولون تسبب نزيف والم فظيع ولا شلون

السلام عليكم خواتي
حبيبتي انا امبارح سويت الاشعه بالصبغه و الحمدلله اكتشف الدكتور انه عندي وحده من القنوات مسكره
أما بالنسبه للنزيف يختلف من وحده لوحده بس أنا فعلا صار عندي نزيف و ألمها مثل ألم الدوره ممكن الوحده تتحمله بدون بنج

الله يجزاكم خير ويفرجلكم ويرزقكم الذريه الصالحه والطبيه المتعافيه

ويفرح نظركم بذريتكم

اللهما امين وكل مسلم ومسلمه

سؤالي نسوي منظار الانابيب لارحام لتاخر الحمل لكن اذا الوحده عندها انسداد يكون عندها تبويضا يعني الانسداد الا نابيب ما ياثر على التبويض فقط ياخر الحمل

وانا قريت هذه المعلومه

إن إنسداد في قنوات فالوب يمنع وصول البويضة الى مكان الاخصاب الذي يحدث عادة في أعلى قناة فالوب حيث الاندماج النووي بين المادتين الذكرية والانثوية

سلامتــــــــــــــــــــــج الغاليه من كل شر

يعني في شهر اذا انزلت البويضه .. على الانبوبه المسكره ماراح يصير حمل ..

واذا انزلت بالجهه المفتوحه يصير حمل انشاءالله
القصد شهر وشهر

المبايض سليمه تنزل بس مره يمين ومره يسار

الانبوبه وحده مسكره وحده مفتوحه فرصه الحمل كبيره اهم شي المبايض زينين

والحمدالله على كل حال الاستغفار وربي يرزقنا جميعا

هلا حبيبتي فوشيا اشلونج يا قلبي انشالله عال العال فديتج

والله انا ما عندي خبر حبيبتي فوشيا بس ما حبيت اني ادخل موضوعج وما ارد اتمنى البنات يفيدونج بردودهم والله يرزقج انشالله يا قلبي باحلى الذريه ويرزق كل محرومه

قوه بنات اشلونكم بنات انا سويت منظار واغذوا عينه من بطانه الرحم ومن يوم ما طلعت من عندهم وانا ينزل معاي مثل خيوط صغيره كان لونها احمر وبعد شم يوم صار لونها نفس الجلد والحين انا صارلي 17 يوم من سويت المنظار اطالع والا اليوم نازلق قطع صغيره وفيها دم وبعد ساعه مافي شي بس احس عوار برحامي وبطني منفوخ كانه فيه هوا تكفون بنات ساعدوني مالي الا الله ثم انتوا وبعد اسال عن الصلاه اصلي والا لاء وشكرا وجزاكم الله عني كل خير

بصراحه ماعندي فكره

بس ان شاء الله مايكون فيج الا كل خيير

ماعندي فكره بس حبيت ادعي لك ..

الله يوفقك

سلمى

الله يجزاكم خير بنات ما قصرتوا بس تكفون الي تعرف لا تبخل علي الله يجزاها عني كل خير

والله يأختى نصيحه روحي لدكتورتج وتطمنى على عمرج هذا مكان حساس ماينسكت عن اى شي غريب ينزل او عوار

الله يشافيج يارب ويرزقج الى تتمنينه يارب

السلام عليكم بنات ابي منكم الفايده
ابي اسال عن منظار الي يشيل التكيسات ؟؟
ابي اسال عن المنظار الرحمي الي يتاكد ماكو شي برحم وان نظيف ؟

مادري ياختي ماعندي علم
بس حبيت ارفع لج موضوعج ودعواتي لج بالرزق

المنظار من البطن مو الرحم وباذن الله مافيه ضرر

upppppp

للرفع

السلام بنات
البارح كان موعدي عند باتريك عشان ارجع الاجنة المجمدة وسوالي سونار وبعدين قال لازم منظار قال زوجي اشرحلي اجراءات المنظار خذى مجسم كان على مكتبه كان مجسم حق الرحم المهم وعنده مجسم منظار صغيروقال بس ندخله بالرحم ونشيك عليه زوجي تطمن وقال اوكي عطانا موعد تاريخ 82ولما طلعت احاسب كان تقول السستر لازم تشوفين دكتورالتخدير قلت انا ليش قالت عشان المنظار طلعت وماشفت الدكتور لاني كنت مستعجلة والحين محتارة وخايفة اسوي المنظار والا لا وحدي خايفة من التخدير راحت ارواح والسبة التخدير شورو علي يابنات وطمنوني ومنو منكم سوت المنظاروشنو فايدته دام بسوي عمليه حقن وبرجع اجنة وانا كان عندي تجربتين حمل بالحقن المجهري عنده ولامرة طلب مني منظاراشمعنى الحين

علشان يتطمنو على الانابيب والرحم

ادعي لي سنتين و7 اشهر انتظر نونو

مشكولرة حبيبتي على الردبس مالة دخل بالانابيب لانه الحقن المجهري مايمر من خلال الانابيب بل الي الرحم مباشرة

حبيبتي انتي مسويه اشعه صبغه قبل كذا في تجاربك السابقه مع التلقيح ؟؟

لا ياقلبي ماسويتها بس انا مسويتها قبل 6 سنوات وانا اتكلم عن المنظار واهو غيراشعة الصبغة

لاحول ولاقوة الا بالله 22 وحدة ومارد الا ثنتين الا يعطيهم العافية الي ردو علي

اختي انتي بترجعين اجنه مجمده ليش المنظار حق شنو انتي ما سألتيه؟

اقصد انتي بالبدايه لما سويتي العمليه الاولى اللي كان فيها سحب البويضات قبلها ما سوالج منظار واتطمن على الرحم؟؟؟؟

[quote=رماديه;7221828]اختي انتي بترجعين اجنه مجمده ليش المنظار حق شنو انتي ما سألتيه؟

اقصد انتي بالبدايه لما سويتي العمليه الاولى اللي كان فيها سحب البويضات قبلها ما سوالج منظار واتطمن على الرحم؟؟؟؟[/quote

لاماطلب مني انا سويت الحقن المجهري قبل سنتين والحين ولدي عمره سنة وشهر ولما سالت الدكتور ليش قال عشان نشوف اذا في التصاقات بالرحم بعد الولادة او التهابات مع اني والدة طبيعي بس ماني مقتنعة بكلامة الله يستر من تاليها

ماشاء الله، الله يخليلج ولدج ويرزقج له اخو و اخت.
اذا ما تبين اتسوين قوليله انا مو مستعده نفسيا علشان اسوي منظار ما يصير اتسويلي ترجيع اجنه بدون منظار؟

اتصدقين انا كان عندي اجنه مجمده صارلهم سنه وخلصت السنه ودقو علي علشان امدد التجميد سنه ازياده بس ماني عارفه ليش ما قلتلهم يمددون وقلت اذا بسوي مره ثانيه بسوي سحب من يديد.مع ان ماشاء الله اعرف اشكثر احملو على التجميد.

حبيبتى لاتخافين من المنظار هذا الشى لمصلحتج انا الحين بلندن اسوى اطفال انابيب ادعولى تنجح عمليتى قبل يومين سويت المنظار بس اهنى بدون تخدير بس عطونى حبوب وسويت المنظار وانا جالسه حبيبتى فايده المنظار يشوفون فى التصاقات او لحم زايد فالرحم ربى يوفقج ويوفق كل محرومه ويرزقنا ربى الذريه الصالحه

بنات دعواتكم لى والله بحاجه دعواتكم صارلى 17 سنه زواج ولا مره نجحت عمليه ادعولى هالمره تنجح

حبايبي انتو والله الله يطمن قلوبكم مثل ماطمنتوني
اختي رشوش الله يرزقج وتنجح عمليتج وتضمين وليدج بين ايدينج

حياتي لاتخافين هذي عملية بسيطة وااااااااااااااايد مفيدة اختي سوتها برويال عند دكتورة فوزية وهالعملية فايدتها اشوفون الرحم بشكل وواضح وكامل ولاتتحاتين انشالله سهالات والله يرزقج

على شان يشوفون رحمج اذا مافي شي يعيق الحمل

يمكن لأن عمليتج بس ترجيع أجنه مجمده فما راح يستفيد فقالج سوي منظار
أنا اقول استخيري وقرري والله يوفقج حبيبتي

بعكس سويها ترا زينة يشوفون لاسمح الله التصاقات ولا شي يعيق الاجنة علشان جذي اتوقع بيبدي معاج صح يبي يشوف الرحم احسن من انة يحطهم لاسمح الله ويطلع شي

علشان جذي توكلي على الله

رشوش ربي يرزقج بالتؤام يارب ويفرح صبرج بعد كل هالسنين