الوسم: الملاحه

بنات انا كان بخاطري معهد الاتصالات والملاحه بس وحده قالت لي صعب وكله انجليزي وخرعتني انا احب الكمبيوتر بس سجلت كل رغباتي بالتجاري يصير اغير رغبه ولا لا. ؟؟؟؟؟؟. بس انا سلمت ظرف وحطيته بالمكينه

بالعكس معهد الاتصالات والملاحه
الانجليزي فيه خفيف
بس التمهيدي تاخذين مادتين وحده القواعد والثانيه ولا اسهل توبن بوك وكله من الدكشنري
وهالماده نفسها بتمشي معاك وسهله حدها

وباجي المواد اوكي انجليزي بس طبعا الاساتذه يتكلمون عربي فالكلمات الانجليي بتحفظينها من التكرار

ومواده سهله
انتي بس حافظي على دوامج ولا تغيبين لان عليه درجات

وموفقه

مممممم ونسيت شغله انا سويت سيرج عن المعهد وسجلت بـ منتداهم وسالت كثير .. ترا الفرق كبير بينه وبين التجاري وفرق الراتب تقريبا 200 اذا كان التخصص فني واحسسسسن تخصص صيانة كمبيوتر ..وتوظفين على الخامسه و3علاوات ,, اتمنى قدرت افيدك

فديتكم تسلمووووون ماقصرتوا

وحتى صيانة اجهزه الكترونيه تتعينين عالخامسه و٣ علاوات

انا اعرف وحدة تخرجت ونفس تخصصج واهلها ما يرضون تكمل برا بالبحرين
واللحين اهي قاعدة تكمل بكلية الاسترالية

ماعندي علم

اااب .. مووفقه

التعليم العالي مطلعين قرار

معاهد التطبيقي ما تكمل لا بالكويت ولا برا الكويت

الصراحه مادري ليش هالظلم

لا بالكويت ولا برا عالاقل قولو بالكويت وماعليكم من براا

مو راحميناا

اي هالقرار الظالم توه طالع

واعتقد باجر بيسوون اعتقصام عد التعليم العالي
لان كل القرارات اللي طلعت ظالمه

فمادري والله اذا تقدرين ولا لا

اب اب اب

اي والله خل يسوون اعتصام لان القرارات ظالمه

كل الدول تترقى وتبي حق عيالها الافضل

واحنا قرارنا ما نكمل لا بالكويت ولا برا

مايصير بعد

اتوقع في يم معهد الاتصالات

في معهد الاتصالات للتعليم العالي <~~~ اذا ماني غلطانه بالاسم

اكيد تقدرين تكملين حتى لو بجامعات خاصه داخل الكويت

ادام الطموح عندج مالج شغل بأحد كملي وربي وياج

والوااسطه فوووق كل قرار

عسى الله يوفقج

اهوا معهد الاتصالات و الملاحه غيرو اسمه الا العالي
ليش ماادري واهما مو معطينا نكمل ولا شي
ما اقدر اكمل بولا جامعه بالكويت اتصلت عليهم

وبرا اذا اخذت الشهاده و دفعت فلووس عالدراسه وبالنهاايه ما يوافقون على شهادتي شنو استفدت

انتي روحي للتعليم العالي واهم بيعطوونج الجامعات المعترف فيها

واحد من جماعتنا هم اتصالات و ملاحة و كمل بـ مصر و اخذ البكالوريوس .. بس اهو شهادته قديمة …

و الواسطة فوق كل قانون

الله يوفقج وعلى قولتهم الواسطه فوق كل قانون

والله القرارات اليديده سكرت كل شي بويهنااا

ما نقدر نكمل لا بالكويت ولا برا الكويت

حسبي الله عليهم

للررررررررفع

Up up

السلام عليكم ورحمه الله وبركاته
انا اختي مستجده بالمعهد
حبيت تفيدوني بتخصصات الكمبيوتر الحاليه شنو افضلها وبعد بالنسبه للاساتذه وخصوصا التمهيدي وثاني كورس
الله يعافيكم لاتبخلون علي باي معلومه
واللي عندها كتب او نوت مو محتاجتها تبلغني
والف شكر

فديتج تقدرين ادشين التجمع مال الاتصالات والملاحه وتستفيدين اكثر

افضل تخصص واصعب تخصص اهوا صيانه حاسب الي
بعدين كهربا والكترونات

بعدين فني شبكات

بعدين كمبيوتر

يعطيج الف عافيه اختي
ماقصرتي

السلام عليكم
قبلوني جديد بالاتصالات والملاحه
وللي درسو هالتخصص شريكم فيه صعب ولا سهل ؟
وشنو دوامهم من اي ساعه لاي ساعه وكم يوم بالاسبوع

ماااعندي فكرررهـ ..

موووفقه …..
اب
اب
اب
اب

قـووه بنات شلونكم

انا سجلت بمعهد الاتصالات والملاحه واقبلوني نسبتي 68 ورحت يوم الثلاثاء

بس ماعرف عنه شي كلش ولا لي احد اساله

يعني مالي غير الله ثم انتم بلييز ساعدوني

انا قريت موضوع من عضوه تقول التمهيدي العصر يارب لالالالا

والله ابوي شيفهمه ان في دراسه العصر

والله يقعدني بالبيت

شنو التخصصات الزينه الي لها معاش و في تمهيدي

تكفوون ردو بسرعه

اختكم متشائمه من سالفه الدوام العصر الله يستر وتطلع جذب

ردوو امانه

السلام عليكم

هلا اختي

والله للأسف أقولج ان دوام التمهيدي عصر !!

وحتى لو خلوه الصبح راح يحوشج عصر بأي كورس غير التمهيدي

واذا عصر يكون دوامج من 4 الى 8

او من 2 الى 8 على حسب موادج

وبالنسبة للتخصصات تعتمد على معدلج بالتمهيدي لازم تييبين معدل عالي عشان تختارين التخصص الي تبينه

في صيانة كمبيوتر درجة خامسة ومادري جم علاوة بس زين !!

وفي الكترونات

وبرمجة كمبيوتر

وفي تخصصات باجي بس مو ذاكرتها

كل التخصصات زينه بس لا تتخصصين شبكات لأن الي قاعدين يتخرجون من هالتخصص مو قاعدين يوضفونهم !

عالعموم موفقة ان شاء الله وشدي حيلج

اكيد بتحوشج محاضرات العصر

وموفقه حبوبه ..

التمهيدى لالالازم يكون عصر لان ضغط المحاضرات والطلبه الصبح كبير………بس انا اذكر ان فى بنات حولوو الصبح ويابوو عذر مثلا طبى او ان زوجها مايرضى او اى شى مقنع وحولوهم الصبح

بالنسبه للتخصصات …..بعد التمهيدى فى كورس اول هذا مشترك للكل بعد تتخصصون

والاقسام 3 :
الحاسب الالى وفيه 3 تخصصات ………صيانه وبرمجه وتشغيل …………طبعا الصيانه والبرمجه اهم اكثر تخصصات مطلوبه من هالقسم وتشتغلين على ال 5 و3 علاوات

وقسم الالكترونات وفيه تخصص واحد بس اللى اهو صيانه اجهزة الكترونيه ……….هذا تخصصى حلو وسهل واساتذه القسم يهبلوون وهم نشتغل على ال 5 و3 علاوات ……..بس الله وكيلج دفعتنا متخرجه من سنتين ..تونا نشتغل

قسم الاتصالات وتخصص واحد اللى اهو الاتصالات ….كله حفظ ……….انا ماعجبنى بس على الاقل اشتغلو قبلنا

وقبل كان فيه تخصص ملاحه بس كانو مسكرينه لانهم مكتفيين من المتخرجين منه

اتمنى اكون فدتج ………موفقه

وااي على راسي والله

تسلموون وماقصرتووو

ويعطيـكم العافيه

بس انشالله اقدر احول الصبح

شاكرتلكم

انا اللي اعرفه التمهيدي في فرصه كبيره انج تحولين الصبح اذا الكورس ثاني ..
لان مثل ماقالو البنات ضغط البنات والعدد الكبير.. فـ يكون عدد بسيط بس الصبح من التمهيدي مع الكورسات الثانيه طبعا وباجي التمهيدي يقطونهم عصر
وتقدرين تحولين صبح ان شالله سهالات .. مووشي مستحيل يعني!

وباجي الكورسات عادي كلها صبح .. انا درست كل الكورسات صبح ..

وبالنسبه للتخصصات مثل ما قالت الاخت .. سندس
الكمبيوتر : صيانة كمبيوتر ، برمجة كمبيوتر((تخصصي)) ، تشغيل كمبيوتر

بالنسبه لي للكمبيوتر كان في تخصص اول (كورس اول، كورس ثاني) : كمبيوتر .. وكنا كلنا الكمبيوتر موادنا مشتركه
(كورس ثالث، كورس رابع) : تخصصت برمجة كمبيوتر .. واهني يتقسمون الباجي لتخصصات الكمبيوتر الثانيه .. ويقل عدد البنات ..

بالنسبه لي شخصيا اشوف ان الكمبيوتر افضل لمستقبله الوظيفي .. يعني كل مكان يبون كمبيوتر ..

بالنسبه للمدرسين .. في طيبين وحبوبين ويراعوون وايد الظروف وبالدرجات وكل شي..
وفي جم واحد يكونون قمة بالنذاله .. ان شالله ماتطبين عندهم لانهم يرفعون الضغغغغططططط

بالنسبه للدراسه حبيت اقولج بس .. ان جدولج يكون كل كورس جاهز بس تروحين تستلمينه وايد اريح
وفي شغله لاحظتها غير عن المعاهد الثانيه التجاري وجذي.. اللي اهيا ان اكو شي اسمه دور ثاني
يعني ناجحه بكل المواد الا ماده .. يكون عندج دور ثاني تمتحنينه .. والدور الثاني حده سهاله حاشني مره وشفت ان خواره ويدزون علشان يفتكون حده احسن لنا ولهم : )))
ولا سمح الله احتجتي حييييل وماينفع يدزون وماعديتي الدور الثاني .. اكو شغله خايسه الا وهي انج تعيدين مواد الكورس كامله مو بس هالماده .. >> قمة التخلف .. بس ماعليج ماراح توصلين لهالشي ان شالله ..
لاتعصبين علي وتقولين خرعتني من هالشغله وجذي.. بس حبيت انبهج وافيدج حبيبتي علشان كل شي يصير واضح جدامج .. وماتحتاجين تراجعين التسجيل اللي دايما نفسيتهم خايسه ومايفيدونج بشي الله يسامحهم..

ووووبس الله يوفقج …

بشرينا عاد شصار معاج …

جاي وحليب انتي موظفة ؟

واذا موظفة وين تشتغلين وجم راتبج !!

يوووم الاربعا نرووح نستلم جدااااولنا رحتوا حطييتوا انكم تبوون الصبح …؟؟

قووه بنووته ..

على ما أظن البنااات واايد أفاادوج ..

وإذا عن التمهيدي الصبح ولا العصر .. حسب معدلج بالثانويه وماشالله معدلج أعلى منا عشاان جذي أتووقع بتكونين الصبح .. وبعدين إنتي ما راجعتيهم يووم الخميس ؟؟!!

لأن رفيجتي راااحتهم لهم على هالاساس متى يكون دوامهاا وقالوا لها أختااري متى تبين واحنا نقرر حسب معدلج وين تروحين والأولويه للي معدلهم عاالي ..

وان شالله أكوون أفتدج بشي ..

وللعلوميه عشاان إذا بغيتي شي آنا تخصص صياانة كمبيوتر كوورس ثاني ان شالله .. بغيتي أي معلومه آنا حااضر وتحت أمرج ..

اختج ..

حــدي دلــع

على فكرة بنات نسيت اقول شغله .. اللي كان قايلها رئيس قسم الكمبيوتر.. يعني كلام موثوق ..
بس متى بالضبط والتاريخ ماادري..

المهم .. الشغله ان في مبنى يديد كبير وفعلا لو تدخلون المعهد من بوابه ورا راح تشوفونه ينبني
هذا المبنى راح ينتقل المعهد هناك بعد مايخلص.. ويقول ان راح يصير اسمه المعهد العالي للاتصالات والملاحة
يعني اربع سنوات .. يعني حاله حال تربية اساسية .. يعني شهاده تعادل الشهاده الجامعيه ..

ان شالله عاد يصير على وقتكم والله يوفقكم…

===

6amo7a

لا حبيبتي انا (( بطاليه )) : ))))

===

حـــدي دلـــع

منو يدرسج ؟ وشنو موادج هالكورس ؟
بس حبيت اعرف واقولج منو الزين .. لان في مدرسين حدددهم يهبلوون .. وفي مدرسين مادري شلون قايليه فـ يبيلهم تشدين حيلج من اول الكورس عندهم
علشان بدرجاتج تضمنين قريد حلو… والله يوفقج ياارب

أمبي من صج راح يسمونه المعهد العالي للاتصالات والملاحه ؟؟؟

آنا الصراحة المعهد غاثني أحس نظام زفت وخرطي .. وماكو التزام !!!

بس المدرسين يهبلون وايد زينين .. لكن الادارة !! شنسوي !!

بس آنا ألحين خريجة هذا آخر كورس لي شلون اذا طلعت وصار 4 سنين أقدر ايي وأكمل !!!

المهم جاي وحليب

انتي تخرجتي ؟؟

ولا ماقدمتي على وضيفة ؟؟

ولا شنو نضامج بالضبط !!!

هاااي بناات

انا ادرس بالمعهد تخصص برمجة كمبيوتر كورس رابع انشالله

انزين بغيت اسأل متى راح يغيرون نظامه؟؟

انا خريجة من المعهد صارلي سنتين ومن كنت بأخر كورس واهما يقولون الكورس الجاي نروح المعهد الجديد الظاهر المبني الجديد ماراح يخلص خخخخخخخخخخخ حتي اذكر الاستاذ ناصر حياوي كان يقولون انا ورفايجي اشرايكم اتعيدون الكورس علشان تنتقلون معانل المبني الجديد وانا تخصصي فني الكترونات والتخصص حلو وسهل والاساتذة كلهم طيبين

هيهيهيهي
مدام جذي السالفه
شكله بعدين 20 سنه بنروح المبنى اليديد

6amo7a
انا قلت لكم بردي عن الخبر.. بس متى بالضبط الله اعلم
والظاهر ان كلامهم مثل كل المعاهد .. كل مره يقولون السنه اليايه والسنه اليايه
ومووراظيه تيي هالسنه اللي يقولون عنها :_))

"
بس آنا ألحين خريجة هذا آخر كورس لي شلون اذا طلعت وصار 4 سنين أقدر ايي وأكمل !!!

"

ماعندي فكره والله .. بس برايي لاتعطلين عمرج وتنطرينهم اذا بتكملين كملي بمكان ثاني
انا متخرجه وقاعده .. وافكر اكمل دراسه والله يعين

==

Sandoos

مثل ما قالو البنات حبيبتي المبنى ينبني اي .. لكن متى يتغير الظاهر لما تحج البقر على قرونها وانتو بكرامه
نفس تخصصي انتي .. خذيتي الجدول ؟ منو يدرسج؟ ان شالله كلهم زينين
اهم شي database 3 لايدرسج خليل ! لان اذا درسج الله يعينج من قلب
وبالتوفيج ان شالله …

==

والله يوفقكم كلكم ياارب ويسهل عليكم ..

أب أب

هاي حبيبتي
مبروك التخرج اول شي
وزين ماسويتي ان اخترتي معهد العالي للاتصالات
لان انا متخرجه منه
وطبعا المعاش فررررق عن التجاري ب 200 دينار اذا مو اكثر بعد
لان راح تتخرجين فنيه وفي لهم كادر وعلاوات
وتتعينين على الدرجه الخامسه و3 علاوات
واحسن التخصصات بالمعهد صيانه اجهزة الكترونيه وصيانه حاسب آلي

والدكاتره والمهندسين والاساتذه وايد وايد حبوبين ويساعدون

اذا تخصصتي الكترونات اللي اهو نفس تخصصي اول ماتتوظفين راح يكون راتبج 780

اب

اب

اب

تسلمين ياقلبي والله يوفقج ويعطيج الف عافيه

عليكم السلام

حبيبتي ليش ماتدشين العلوم الصحية ؟ او تككنلوجيا

وعليكم السلام .. انا توكلت على الله وسجلت اتصالات وملاحـــــــــــــــــــــــــــــــــــــــــه ,,,
احاتي صراحه كل شي بس ان شاءالله سهــــــــــــــــــــــــــــــــــــــــــــــــ ــاااااااااااالاااااات

قطوووه

هلا حياتي

انا أدبي ما ينفع أدش العلوم الطبيه يقبلون بس علمي

graam atfaal

صدقيني سهل لكل يقول وانا دشيت المنتدى مال المعهد وايد أمدحولي أياه

والله كريم ويقبلونا

بنات بليز ابي رقم مدرس برمجه ظروري الحين

باجر امتحاني ومتوهقه

الي تعرف رقم مدرس برمجه تكتبه لي بليز

الله يخليكم بنات مو فاهمه شي

وضحت العنوان..

وموفقه يارب..

قوه خواتي
بنات انا رحت للاتصالات والملاحه وقلت بحول من المسائي للصباحي وقالو لازم تدورين بديله
او تحطين اسمج وهم يختارون
وبصراحه انا محتاجه الصباحي لان عيالي الصبح بالحضانه والمدرسه اما اذا تمييت مسائي راح اهمل عيالي ومتى اهتم فيهم واحل واجباتهم واصلا ماراح اكمل وراح اقعد بالبيت لان ماعندي خدامه فياريت اللي حابه تحول تبلغني ونتفق انا وياها واعطيها او تعطيني رقمها وادق عليها بيوم 25لان يوم تجمع الطالبات اللي بيقدمون طلب تحويل

اتمنى يابنات ان الاقي وحده تبي مسائي لان صج خاطري ادرس *

معقوله مافي احد

للرفع

اااااااااااب

ااااااب

اااااب وللحين صابره ههههه

اب الله يحققلج اللي تبينه

مشكورة ياحياتي والله يسعدج

الثير انا عندي وحده تو تعرفت عليها تبي مسائي بس تبي نفس دورتي
اذا انتي نفس دورتي راح تبدلج رقم دورتي 44/54

اب يالغلا

لا امي انا 44/60

عفيه شوفيها واذا حابة تبدل انا مستعده والله يوفقج

الله يوفقج

اميين ويوفقج يارب

اااااااب

قوووه بنات شلونكم

طلع اسمي بمعهد الاتصالات والملاحه بس ماني فاهمه امتحان القدرات يشملنا بعد ؟

مشكوورين

لا ،

اخنبار الانجليزي بس للكليات

والله ما أعرف بهالسوالف وايد

بس روحي سألي جامعة الكويت إذا يصير تكملين

أو جامعات مصر ..

لا جامعه الكويت ما يصير

ابي اعرف اذا يصير بالكويت ولا لازم برا ؟؟

أعتقد خريجين التطبيقي لهم بعثات بالتعليم العالي

و عندج بعد الجامعة الأمريكية بس قصة شوي طويله

عندهم تخصص هندسة كمبيوتر بس اذا تبين تسيرين مهندسة لازم بعد ما تخلصين 4 سنين

تسافرين سنه بره ولا راح يحسبون شهادة بالتوظيف علوم كمبيوتر

ويي قصه

لا مابي علوم كمبيوتر

ابي هندسه

Up

up

up

أب أب

اشدعوه بنات محد يعرف ؟؟؟؟؟

امبلا جنه فيه باحد الجامعات الخااصه مثل العربيه وجنه الامريكيه بس شنوو جنج مادرستي الدبلوم تكملين 4 سنين

واما اذا براا بس 2سنتين

نفسي تخصصي انتي ولا بعد نفس المعهد يامحاسن الصدف

شالفايده ادرس 4 سنين

انا ابي اكمل مو ادرس من يديد

شهالحظ

إلي يبي الدح ما يقول أح

شوفي اذا سافرتي برا راح تقعدين بس سنتين 3

و اذا دشيتي الأمريكية يمكن يعادلون لج 21 أو 30 وحده

يعني راح تنخفض فترة الدراسه

بس حطي بحسابج التمهيدي يمكن سنه

يعني 3 سنين و ناس يشدون على أعمارهم 2سنه ونص

بعدين سافري بره سنه و يمكن أقل لانها بس عشان مشروع للهندسة و هذي إختيارية يعني اذا ما تبين ممكن بس الشركات الخاصة تعتبرج مهندسة بس الحكومه لأ

والله هذا مكتب تعاملت معاه ممتاز ماياخذ فلوسه لما اييب قبول يقدملج بلاش ولما يطلع قبولج ياخذ بس 50 دينار وبأربع ايام يابلي القبول
رقم تيلفونهم 97666185
وموقعهه myq8edu.com
وايميلهم: customersupport@myq8edu.com

هذا مكتب شنوو ؟؟

اقدم اني ادرس برا يعني ؟؟؟

انا شكلي خلاص بقدم بالبحرين بالجامعه الخليجيه اكمل سنتين

والله يسهل

up

up

up

up

مافي امل نكمل بالكويت سنتين ؟؟

مبلى انااا سمعت ان تقدرين تكملين هندسة سنة ونص