الوسم: المشيمة

السلام عليكم

حبايبي كويتيات
صار لى انفصال جز ء من المشيمة وانا بالشهر السادس وصار فينى نزيف وقال الدكتور لازم راحة تامة وانام على ظهري والحمدلله وقف النزيف وقال لى اذا نزل دم او حسيت بالطلق لازم ادخل المستشفى ….
منو عندها فكره عن انفصال المشيمة تفيدني جزاكم الله خير

ولاتنسوني بالدعاء
ادعوا الله يحفظنى ويحفظ جنينى ويتمم على بخير ويقومنى بالسلامة لاتبخلون على بالدعاء

حبي لا اتحاتين ولا شي

انا صار فيني جذيه انفصل جزء من المشيمة وبعدين مع الراحة رد كل شي طبيعي

لا اتحاتين

الله يسهلج أمرج يارب

ماتشوفين شر

ريحي يا قلبي لا تحاتين و أن شاء الله مافي الا الخير

نا حاشني و انا بنص الثالث و قالت لي الدكتوره راحه تامه و منت كله نايمه على ظهري و ما افتكيت من الدم لحد ما سوت لي الربط ..

و قالت لي ان كل ما يكبر البيبي كل ما تتعدل الامور بس قالت اهم شيء الراحه ثم الراحه ثم الراحه

ريحي عمرج
والنشالله الله لا يضيع تعبج

مشكوووورة ريحتيني احاتي بالحيل

جزاك الله خير

الشر مايجيج ياقلبي
والله يسهل ولادتج ويهون عليج ان شاءالله

الله يسهل امورج ياقلبي
انا الدكتور قالي الرااااااحة
بس لاني بالسادس قال لي يمكن اولد ولاده مبكره
وهذا اللى احاتيه

اللة يتمم عليج حملج يالغالية ويقومج بالسلامة

جزاك الله خير

اللهم آمين

مشكورة وجزاك الله خير

ما تشوفين شر و انشاءالله ربي يتمم عليج و يقومج بالسلامه

اللهم آمين

وجزاج الله خير ماقصرتي

ان شاء الله ماكو الا كل خير

بالضبط سارلي مثلج بالشهر السادس انفصل جزء من المشيمه وجاني نزيف حااااد … والحمدالله عدت علي خيروتميت لشهر التاسع وتوني والده

بس عليج بالراحه لاتحركين واجد والدرج لاتصعدين وتنزلين..ولاتشيلين شيء ابد فيه ثقل

دام البيبي تحسين بحركته ولافيج طلوق باذن الله كل شيء تمام

والله يقومج بالسلامه

عسى ربي يحفظج ويحفظ جنينج ويثبته وتولدين بالشهر التاسع وانتي بصحه وعافيه

قوه بنااات

انا من جم يوم شوي نزفت و لما سويت سونار قالتلي الدكتوره ان مشيمتي نازله

فابي اعرف شنو اضرار هالوضع و شلون اقدر اخليها ترجع ترتفع

مشكورين مقدما

اختى العزيزه

انا من كم شهر والده بعد معاناه بالمستشفى لأنى ماعرفت ان مشيمتى نازله الا بأخر التاسع

وصارت عندى مثل الصدمه لان الدكتور قال لى مالج امل تولدين طبيعى الا عمليه

وانا كل عيالى طبيعى اول وخفت صراحه….لان النزول عندى بدون نزف….وانصحج اختى انج تدارين

نفسج ونامى على ظهرج ولا تتحركين كثير مادام انج بالشهور الاولى…والله يقومج بالسلامه وتولدين طبيعى..

بعد قلبي والله عالرد

انا قاعد اييني كلام يخوف .. ان المشيمه صعب ترجع ترتفع

وانها اذا تمت جذي ممكن يصير شي للجنين و تتعسر الولاده و حتى يأثر عالحمل مستقبلا

مع ان الدكتوره حدها كانت ماخذه الموضوه ببساطه و بس عطتني مثبتات و قالتلي ارتاحي جم يوم

حبيبتى لج امل انها ترتفع الحين اذا ارتحتى وبسرعه راح ترتفع باذن الله
لان الياهل يكبر ويشدها لفوق اما اذا بالشهور الاخيره ممكن ترتفع بس مو وايد
ديرى بالج ودام يالج نزف الموضوع خطير
يبيلج راااحه تامه وكثرى من شرب الماى
والله يشفيج

ما تشوفين شر يالغاليه

ارتاحي و اشربي نشا و لا تخلين الدكاترة يسونلج فحص داخلي ترا يخليج تسقطين و ارتاحي بدون حركة و اخذي من الدكاترة مثبتات و روحي للدكتورة ماجدة اليتامى في الجابرية ممتازة لا تخافين اختي السنة اللي فاتت نزلت مشيمتها و قامت تنزف حيل و الحين بنتها تلعب قدامي

مساء الخير بنات

بنات أنا قبل كم سنة والدة قيصرية

وألحين حامل وقريب أولد

شافوا المشيمة لاصقة على جرح القيصرية القديم

وقالوا احتمال أثناء ولادتي الياية احتاج نقل دم واحتمال قيصرية بعد

بنات أنا سمعت إنه ممكن حتى يستأصلون الرحم

منو مرت بتجربة مثلها وعدت على خير وعند أي دكتور

جزاكم الله خير

والله ماادري بس عليج بالصدقه وبنيه ربي يسهل عليج ويتمم عليج وتقووومين انتي والبيبي بكامل الصحه والسلامه يااااااااااااااااااااارب

واللة ما عندى فكرة بس اللة يسهل عليج وتقومين بسلامة والبيبى سليم ترارحمة ربج كبيرة ادعى واستغفرى عسى ربى يغير حالج للاحسن

لاحول الله انابعد حملت عالقيصرى وطلع خارج الرحم
وانتى طولتى بعد وهم التصاق يارب والله العظيم خايفه حييييييييييييييييل من هالشغله ربى يعينج ويقومج بالسلامه

أسملا عليج حبيبتي
الله يقومج بالسلامه يارب

انا رفيجتي نفس حالتج بالضبط لما ووصلت الثامن المشيمة قامت تقطع عليهااا وراحت الحكومة الخاص اخلوا مسؤليتهم

وولدها بالثامن وحطوا البيبي بالشيشة وغير جذية وقعوها على استاصل بس الحمدالله ما احتاجت ولا شي ولله الحمد ولدها بحضنهااا

حبيبتي روحي الحكومة احسن لج من الخاص يعرفون يتصرفون الخاص متسرعين وبسرعه بسرعه وشنسوي وحاسبونا عالفاتورة

ولاتحاتين ولا شي ماعليج العافيه

ربي يثبت حمل كل حامل ويقر اعيونها بضناهاا بصحتة وعافيه يارب العالمين

انشالله ماعليج شر شوفي الطبيب شقول وسلمي امرج لربج

مشاكل القيصرية وايدة الله يعيييييييني وعيينكم

عسى الله يسهل عليج يلرب

ماعندي خبر

اسم الله عليج بس نصيحه روحي للحكومه يتصرفون مو مثل الخااااص
الله يهون عليج

الله يستر

يزاكم الله خير يا بنات

أنا بغيت اعرف تجارب وخبرات

وهذا قضاء الله سبحانه وتعالى وقدره

لن يصيبنا إلا ما كتب الله لنا

أملي وإيماني برب العالمين كبير

ولو شنو كان رأي الأطباء

الله سبحانه وتعالى معاي

وما أملك إلا

الصلاة وقيام الليل والدعاء

والرقية الشرعية

والصدقة صنائع المعروف تقي مصارع السوء

والاستغفار

وأشرب ماي زمزم

والباقي على الله سبحانه وتعالى
لكن الوحدة لما يصير موضوع جديد عليها تحب تبحث وتعرف معلومات عنه
أنا حتى أهلي أمي وزوجي مبينة لهم إنه الموضوع عادي وما أحاتي ما أبي أخوفهم
وإنتو ما قصرتوا والله وفي المنتدى هني كلنا نفيد ونستفيد
والله يسهل علينا جميعا ويحفظنا

ان شاء الله تولدين بالسلامة

الله يسهل عليج يارب وتولدين بالسلامه يارب العالمين

مشكورين بنات على الردود والدعوات

والله يسهل علي وعليكم وعلى جميع المسلمات

الله يهون عليك انا قريبتي كذا بس الحمدلله ماصار لها شي

مرحبا بنات
اليوم رحت لدكتورتي وسوت سونار قالت المشيمه نازله. شسوي أنا ولادتي اصلا قيصريه بس خايفه من النزيف والولادة المبكره أنا بالأسبوع الثاني من الشهر الثامن الي عندها حل او تعرف احد صارله جذي تطمني ولي ماعندها خلفيه تدعيلي لأني خايفه علي بيبيي 

يا قلبي
الله يطمن قلبج ان شاءالله
وتعدي الولاده على خير

الله يثبت حمالج يارب الي وقتها والله ماعندي فكره

الله يسهل عليج بس اهم شي ارتاحي لا تجهدين نفسج او تشيلين شي ثقيل

مرحبا حبيبتي

انا بحملي الاول

كنت عالسرير وما اتحرك بس سبحان الله انزلت المشيمه عندي بالثالث

وبعدها خذيت ابر مثبته وفي الشهر السادس ارتفعت الحمد لله والفابده الرقيا والدعاء والراحه

المهم

انتي حالتج مثل وحده اعرفها بس هي اردي منج

تنزل من اول الحمل ولاترتفع وبالسابع تنزل حيل وتغطي عنق الرحم وينزل عليها ماي وتتنوم بالمستشفي ومتي ماجاها الطلق ولدوها وحطو البيبي بالشيشه يا حرام ما يكمل الكيلو

ودائما تولد بالسابع

بس انت الحين بالثامن يعني ريحي لين تعدين هالاسبوعين ولاتتحركين

ويمكن تكون مو مغطيه عنق الرحم يعني مو نازله حيل

والله كريم والله يثبت حملج وكل الحوامل انشاء الله

حبيبتي لاتوسوين .. انا بنت خالتي كانت المشيمه عندها نازله وقالو لها كل انسدحي ولا تتحركين وعسى الله يهون عليج ويطمن قلبج ان شاءالله … وتولدين بالسلامه حبيبتي

حبيبتي خلج كله نايمه على ظهرج وحطي مخده تحت ريولج …. ريولج مو ظهرج
واذا المشيمه نازله المفروض الدكتوره تعطيج ابر وحبوب للرفع

خلش دايما منسدحة و ما بقى شي ع الولادة

الله يسهل على كل حامل ياا رب

واللة انا بولدى كانت نازلة بس للاسف انفجرت وسولى قيصرية وانا بالاساس ثلاث من عيالى ولادة قيصرية يعنى من انفجرت على طول دخلونى العمليات
انا مااقول جذى عشان اخوفج بس حبيت اذكر تجربتى
على العموم كثرى السجود والاستغفار وريحى نفسج واذا انسدحتى ارفعى رجولج على المخدة
واللة يتمم لج على خير ويرزقج الذرية الصالحة

مشكورين بنات الي ردوا وعسى الله يوفقكم. تكفون ادعولي أني أولد بنهاية التاسع

والله يثبت حملج

أهم اهم أهم أهم شي ، تكونييييييييييييييييييييين مرتاااااااااااااااحة !!
وياليت ماتقومين من مكانك الا عشان حمام تكرمين بسسسسسسسسسسسسسسسسس !!
وديري بالك على نفسك ، ميخالف هانت مابقى شي ،

السلام عليكم بنات
بنات أنا رحت حق الدكتورة وقالت لي ان مشيمتي نازله
وحدي خائفه صديقتي تقولي ممكن ولاده مبكرهه
وشكرا

انشالله مافيج الا كل خير بس انتي ارتاحي واجد ولا تتعبين نفسج ولا تتحركين الا لشغلات هامة

لا اتعبين نفسج اهم شي صارت مع اختي عطتها الدكتوره حبوب وقالت لها نامي على ظهرج ورفعي ريولج وانشاء الله مايصير الا كل خير

اذ توج بالرابع الخامس

ممكن ترتفع بانج تبذلين الاسباب

وتطبقين االي قالو لج البنات

واذا السابع وفوق

فصج صج ديري بالج وسمعي كلام الدكتوره

وضروري كله ترفعين ريلج

ولا تحاتين

ادعي الرب بالسلامة والعافية

شكرًا لكم خولتي
والله بالولي رفعي ريلج بس واسمع الملام أنا
بس انشغاله يرتاح وارفع بيلي من اليوم بإذن الله

ان شاءالله ترتفع
والله يثبت حملج يارب وتولدين وبالسلامه

اختي جذي كانت وارتفعت وولدت طبيعي مع ان نوموها بالمستشفى بالثامن بس الحمد لله ارتفعت

اهم شي الراحه وترفعين ريلج حطي تحتهم مخاد اي شي والرااااحه مهمه

ماتشوفين شر انا نازله عندي المشيمه من اول الرابع
بس تري النزول درجات ثلاث انواع للنزول الي تغطي عنق الرحم بالكامل هذي لازم تنوم بالمستشفي ويكون معاها نزيف مستمر
اما النزول الطرفي الي قريب علي عنق الرحم يعني تحاولين ماتجهدين روحج وماتمشين وايد
انا باخر سونار سويته باخر السادس بعد لي الحين مارتفعت لي الحين نازله وبعدها عن عنق الرحم1سانتي
والحين باخر السابع اروح مراجعتي واشوف اذا ارتفعت يقول الدكتور نقيمها بالثامن لان مع كبر حجم البيبي ترتفع بروحها

الله يتمم عليج وانا بعد من حملت والمشيمة نازلة ومصكرة عنق الرحم وانا كله نايمة عالسرير وما اتحرك وما اتحرك خير شر لان يخافون من النزيف والله يعينج وممنوع الجماع وخلي حركتج بطيئة ولا تفكرين تمشين او تروحين سوق لين ترتفع ان شاءالله والله يقر عيوننا في بيبياتنا

يارب يرزقك بالذرية الصالحة بميزان حسناتك
توكلى على الله وماتقلقى خير ان شاء الله

عسى الله يهون عليج ويثبته

عليج بالراحه التامه اختي ولا تمشين وايد ولا تشي لين شي ثقيل

نفس خالتي انا الحين المشيمة واايد نازله وصار معاي نزيف
العلاج الراحة التامة وامج ماتبذلين اي مجهود والامتناع عن الجماع
انا جذي وصوني الدكاترة والله يسهل علينا يارب
لاتحاتين ان شالله ترتفع

بنات رحت موعدي وقالتلي دكتورتي المشيمة نازلة وأنا في آخر الرابع ونسيت أسألها من شنو بس قالت لاتحاتين ترتفع بروحها
شنو أسباب نزول المشيمة ؟؟؟؟

ماادرى شنو السبب الصراحه بس انا صار فينى نفس الشى وارتفعت بالخامس لا تحاتين حبوبه مافيج الا العافيه انشاء الله اهم شى لاتشيلين شى ثقيل وارتاحى وانتى منسدحه رفعى ريولج وماكو الا العافيه وربى يثبته انشاء الله

السلام عليكم شلووونكم ،، بنات انا صار معاي تجلطات بالمشيمه وولدوني ومات البيبي الله يعوضني خير يارب ،، بغيت اسالكم منو صار معاها هالشي وشلون علاجه وهل لازم اخذ ابر مثبته ،، لان صار فجأة حيل انصدمت وكنت بالشهر السادس 

الله يعوضج ويرزقج

الله يعوضج خير إن شاءالله يارب
نفس اللي صارلي وكنت مكمله الشهر الخامس فجأه صار الحمدلله على كل حال
رحت فحصت طلع عندي تجلط المشيمه وعطوني علاج أبر كلكسان و حبوب أسبرين ابدا فيهم اول الحمل على طول واللهم لك الحمد والشكر الله رزقني

انزين الحين الدكاتره ليش ما يسوون هالتحاليل قبل لا الوحده تحمل خصوصا اذا بجر شدراها ان فيها جذي حرام يذبحون روح جذي بارده مبرده ،، شمعنه هني ماكو ليش برا بامريكا يهتمون بكل شي وهني خداي !!

اب. اب. اب

حبيبتي معوضه خير يارب
الدكاتره ما لاحظو يعني ان المشيمه فيها تجلطات
حسبي الله عليهم لو انه اهمال منهم
ماعليه حبيبتي اهتمي بعمرك الحين وانسي
الله يجعله طير من طيور الجنه يارب
الله يجعله شفيع لك ولابوه

انا جتني تجلطات بالمشيمه في الشهر الثاني وعلى طول توقف النمو

وفحملي الي بعده قاعده اشرب بيبي اسبرين والله يستر وربك كريم

حبيبتي ولدوك طبيعي ولاقيصري

]

ان شاءالله مايصير شي
انا كانت نازله وارتفعت بفضل من الله خلال شهر
بس كله ريحي ظهرج وانسدحي ورفعي ريولج حطي تحتها كواشي
ولا تقطعين الفيتامينات او المثبتات الي الدكتوره واصفتلج اياهم حرصي عليهم

الله يسهل عليج وترتفع ويثبت حملج

انشالله مافيج شي بس نامي على ظهرج ورفعي ريولج وحاولي لاتتحركين وايد

حبوبه لا اتحاتيين ان شاءلله مافي شيء

انا بحمالي مرتين نزلت مشيمتي وبفضل من رب العالمين ارتفعت

كله انسدحي ورفعي ريلج او حطي تحتها مخده ولا تتحركين واايد

مشكوريين خواتي وجزاكم الله الف خير والله يعطيكم كل قد نياتكم يارب مثل ماطمنتوني

حبيبتي ماعليج شر ان شاءالله … المشيمه النازله يبلها الراحه التامه يعني اذا بتقومين لازم بس عشان الحمام عزكم الله … وكله انسدحي لاني صارلي مثلج
وانسدحت وكله رافعه ريولي لين ما ارتفعت الحمدلله … والله ايثبت حملج وتوصلين للتاسع وتولدين بالسلامه ان شاءالله
وماتشوفين شر ان شاء الله
تقبلي مروري…

يارب ترتفع مشيمتي ومشيمتج يارب ونفرح بعيالنا يارب

لازمج الراحة التامة

مرررررحبا حبايبيامس كانت مراجعتي انصدمت سويت سونار و قالت الدكتورة نازلة المشيمة و سويت تحليل دم و نسبة دمي 8 فقر دم حاد واحتمال توصل 7
و سويت تحليل عن الالتهابات و فيني التهابات كذا نوع من التهاب شسوي شتنصحوني وين اروح شنو الافضل

والله مالي الا الله ثم انتم نفسيتي صفر واسوني وانصحوني شالحل ؟؟؟؟؟؟؟؟

لاتخلين عمرج
اخذي ابر الحديد
وعالجي الالتهاب وريحي عمرج علشان المشيمه

حبيبتي الالتهابات حلها بسيط الدكتور يكتبلج دوا استمري عليه وماعليج الا العافية بس لا تهملين الاتلتهاب لازم تاخذين الدوا
بالنسبة لفقر الدم لازم يكتبونلج حبوب حديد وايد حوامل يصير فيهم فقر دم لازم تاكلين عدل ولاتشربين قهوة وشاي وبيبسي لانهم يمتصون الحديد
اما المشيمة النازلة فانا توني كاتبة عن نفس الموضوع لان هم انا مشيمتي نازله وانا بالسابع والدكتور يقول احتمال ترتفع بالتاسع بس بحالتي انا نصحني بتقليل الجماع والراحة مادري اذا حالتج مشابهه لحالتي ولا لا
وموضوع المشيمة لو مو محيرني جان ما كتبت عنه موضوع وانتمى القه الردود باقرب وقت*

الله يتمم عليج يارب ويشافيج

حبيبتي لا تخافين كل شي له علاج بس ارتاحي و اخذي حبوب حديد و عالجي الالتهاب و انشالله ماكو الا العافيه

ماعطتج الدكتوره علاج؟

اغلب الحوامل يصير فيهم التهاب وانا منهم واخذ مضاد

وحق الحديد في حبوب وفي ابر وفي درب شوفي شنو الانسب حق حالتج

وماتشوفين شر ان شاء الله

حبيبتي
لاتحاتين الالتهابات من الاجماع
يكتب لج الدكتور ع تحميله وانشالله تروح
اما المشيمه ديري بالج ارتاحي ونامي ع ظهرج
ولاتكثرين مشي وانشالله ترتفع
اما فقر الدم كثري عصير برتقال
حبيبتي ابسالج شنو تحسين
علشان ابعرف عن فقر الدم

فقر الدم انا كان وياي وحاد بعد سجلي حبوب ماكو فايده قام عطاني ابر حديد كل ثلاث ايام اخذهم لمده شهرين يالله صار دمي زين

والمشيمه لازم كله نايمه على ظهرج ورافعه ريولج وماتجهدين نفسج

والالتهابات يعطيج غسول وتحميله وانشالله يروح

ترى كل هذا عادي ولا تحاتين

ماتشوووفين شر

upp

بولدي الاخير اكتشفت ان المشيمه نازله وكنت بالسابع قللت المشي وكنت ارتاح علي ظهري وارفع رجولي كل ماحسيت بالتعب
والحمد لله بالتاسع مرتفعه وكله تمام

لاتحاتين حبيبتي والاتهاب تكتب لج الدكتوره العلاج وامشي عليه

فقر الدم اذا موو كل الكويتيات تعاني منه ..النعمه متوفره بس مو عارفه يمكن اكلنا موو صحي

الكتوره راح تكتب لج علي الحديد او تشوف الابر افل تابعي دكتورتج

وماتشوفين شر حبيبتي
*

السلام عليكم

قبل اسبوع ةفي الرابعة فجرا جاني نزيف الله لا يوريكم ان شاء الله وقعدت زوجي وقلت قوم ودني الطبيب بس ما بي العدان ما بي العدان ( تعقدت ) ودني مستشفى لندن

وهناك سوت لي الطبيبة سونار وطلعت المشيمة وايد نازلة ودخلوني المستشفى وعطوني ابر ونمت هناك يومين والحمدلله حاليا وقف النزيف وقالت لي الطبيبة ديري بالش لانه شبق لش ولادة مبكرة ب 30 اسبوع فاحتمال يتكرر وقالت لازم كل خميس اخذ ابرة وموعد بعد اسبوعين تشيك عالمشيمة …

اللي عندها خبرة او نصيحة ودعوة انه ربي يثبت حملي ان شاء الله وعطيني الصحة فهذي ثالث مرة ادخل فيها المستشفى

كذلك عندي موعد يوم الثلاثاء 21 5 لجنة المجلس الطبي بالعدان مع طبيب امراض النساء واخصائي القلب ( عندي خفقان بالقلب ) وانا حامل بالاسبوع 16
ادعزا لي هالمرة يوافقون على منحي اجازة واله تعبت منهاللجان قربت العطلة وانا ما خلصت

وشكرا لكم

ما تشوفين شر حبيبتي
والله حاسه فيج
وانا مرت اخوي تقريبا مثلت زلقت وصار فيها انفصال بالمشيمه
وقعدوها بالمستشفى 15 يوم لما شويه ارتفعت
والحمداللة كاهي بنتها شحليلها

وعلى مجلس الطبي انا كنت مثلج علووو قلبي عليه واخر شي وقفت وما كملت لاني زهقت
وكنت حامل بتوام وتعبانه من الثقل

الله يهون عليج انشالله

الله يهون عليج ويتمم عليج الحمل يارب وطمنينا

الله يهون عليج ويثبت جنينج
خيتوووو نامي على ظهرج ورفعي ريلج عشان ترتفع المشيمة سنديها على الطوفة احسن شي هذا وانشالله الله يتممم عليج

ماتشوفين شر حبيبتي الله يطمن قلبج ويثبت جنينج يارب
وتقر عينج فييييييييييه سليم معافى يارب

اهم شى الراحه فى وضعج نامى ورفعى ريولج والله يتمم عليج انت سبق ولدتى ب 30 اسبوع وعاش الجنين ووين ولدتيه

الله يثبت حملج يارب

ما تشوفين شر ام يوسف

الله يتمم عليج بالصحه والعافيه

ما تشوفين شر
بس نصيحة الراااااحه
لان توج بالرابع يعنى فى مجال باذن الله ترتفع بسرعه لان البيبى صغيروكل ما كبر الحم ترتفع
غيير اذا نزلت باااخر الشهور يكون الحيز صغير
انا اقولج ارتااحى وباذن الله بترتفع بسرعه
والف لا باس

لا باس عليج انشالله

ديري بالج على نفسج و لا تتحركين وايد ونفس ما قالوا لج البنات البيبي صغير الحين وكل ما كبر راح ترتفع انشالله

ما تشوفين شر حبيبتي

ماتشوفين شر حبيبتي
والله يقومج بالسلااااامة

الله يهون عليج ويثبت جنينج

الشر ما يجيش يا الغلا ومشكورة يا عمري عالدعوة الطيبة والله يعيني على لجنة العدان

اللهم آمين

تسلمين يا الغلا

اللهم آمين

ان شاء الله انا الحين كله نايمة على ظهري والله كريم

تسلميني يا عمري