في وايد من البنات يتنرفزون لما يخطبهم زوج إمطلق وإلا متزوج وفي بنات ما تفرق معاهم ، في بعض الأحيان الظروف تحكم السن والمركز والمال والجمال والعلم والنسب والإستعداد للزواج ؟
بنات بليييييييييز أبي المشوره وبتجرد وحياديه ……..خلوكم مكاني في وحده من صديقاتي طيبه حيل وجمالها طبيعي ومملوحه …….
بس كانت ترد كل من يخطبها لما تخرجت واشتغلت وكبرت وقبل جم يوم يت تستشيرني …….
.تقول…… لو تقدملج ريال محترم سنه بالثلاثينات وولد عيايله طيبه ومحترم وعنده مركز ومال ماشالله عليه بس بس وبس اكتشفتي إن متزوج وعنده زوجه واعيال ، ولو كانت البنت المتقدم لها مثل حلاتي تجاوزت سن الخمسه والعشرين ووده بالستر شتسوي يعني هل ترضى بنص ريل ؟
أدري إنه ممكن راح تكون مشاكل ……بس الريال قالي والله إني قادر على بيتين وعندي خير ونعمه……… شسوي فيدوني ؟
أخاف إني أفرط في شي يمكن ما أحصل ربعه بعدين ….رغم إني أدري إن النصيب مكتوب لكن يامه إخطبوني وكنت أردد الناس هذا كبير وهذا عوي ….
وأقول أبي أدرس وأبي أشتغل وألحين تخرجت واشتغلت بس للأسف ما كان يتقدملي إلا العوي أو الردي أو إللي تعليمه على قده أو إللي معقد يعني شسوي فيدووووووووووووووووووني ………إشلون أشور عليها ؟
قتلها والله رغم إني محاميه وأعرف إللي قاعد يصير بين ألأزوج لما ما يصير بينهم تفاهم……. بس في ناس تزوجوا وتفاهموا ……وما أدري شقول لها أخاف أطوف عليها عريس تحلم فيه……. لأني أدري من ظروفها الأسريه وسنها وأعرف منو الريال إللي متقدملها ومواصفاته الطيبه …..إن البنت رغبانه فيه ….. أقلولها تزوجيه ولا تطوفينه أو إنتظري بعدين غيره ……..ما أدري والله ؟؟؟؟
صعب تدخل على ام عيال خل تحط نفسها بمكان الزوجة الاولى ترضى تدخل عليها شريكة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اللة يرزقها بالاحسن منة
لو انا منها ما افكر ادش على شريجة لو عنست
بصراحه التعدد ماارضاه لخواتي ولا ارضى انا اتزوج رجال متزوج لان؟؟؟؟؟؟؟؟؟ ما ابي ابني سعادتي على تعاسه وحده ثانيه
وانا قدااامي فرصه توني
بس ؟؟؟؟؟؟؟؟؟
بس رفيجتج اذا تعدت الثلاثين خليهااا توافق ان فرصتها بتقل ماراح تلقى بمثل مواصفاته ماراح يجيهاااا شخص مومتزوج
الرجال مافيه عيب والله الاخلاق اهم شي وبالنسبه لزوجته تعااملها بالطيب والاحترام وربج الموفق عمرها حاااكمها
توه عمرها 25 بسم الله
خل تشوف اهلها شنو رايهم و تستخير . . . و اللي فيه الخير راح يصير
سؤال :
اللي تتعدى سن الـ 25 يعني كبرت ؟
ما اقول غير
الله يوفقها
وخليها توافق
يعني كل اللي ردتهم موزينين وهذا اللي حلا بعينها؟؟؟ شلها بالمشاكل وخراب البيوت ؟؟؟ خليه حق بيته وعياله وشلها بعوار الراس ؟؟؟ تنطر نصيبها احسن وتوها صغيرة واللي جابه يجيب غيره واحسن منه…. وخوفج هذا راهي باجر يحط الثالثة
الله يعينها اختيار صعب
بس اذا زوجته الاولى مافيها شي
ليش تبني سعادتها على زعل غيرها
خل تستخير وتشوف شنو السبب الى خلى الريال يفكر بوحده ثانيه
اذا مستانس بالخير الي عنده ديري بالج لان بيسويها مره ثالثه
توها ما عنست عشان تفكر جذي و حتى لو عنست اهي ترضى زوجها يحط على راسها شريجة .. اذا م ترضى شلون عيل ترضاها على غيرها و ما ترضاها على نفسها ..
توها صغيرة عيل لوصارت كبري وبدون زواج شبتسوي ههههههههههههههههه
تو الناس ليش مستعجلة
25 مو كبيرة حبيبتي ولا تعتبر معنسة
بعدين صعبة تاخذ متزوج شذنبها مرته و شذنبهم عياله
ختحط نفسها مكانهم
أكيد ماراح ترضى
لا تبني سعادتها على تعاسة غيرها
بصراحه صعبه وبعدين هي مو كبيره يعني لو وحده عمرها فوق الثلاثين وما تزوجت يمكن اقولج خل توافق لأن مثل ما قلتي أحيانا الظروف تجبر
انا اشوف اللي بتاخذ واحد متزوج تغامر مغامره ولازم تحط في بالها ان 80% راح تتطلق
غير نظرة الناس والمجتمع لها الكل بيشوفها على انها خطافة رقاله على قولة المصريين
بعدين 25 مو كبيره ترى هذا سن الزواج المناسب وفيه بنات اكبر منها للحين ما تزوجو ولا هم موافقين ياخذون متزوج وابو عيال
شوفي حبيبتي قوليلها إذا خلت الشي الله راح يعوضها بالأحسن منه.
وهذا اللي توه عمره بالثلاثينات ويبي يتزوج على زوجته معناته انه مزواج ويحب التنويع و اذا اهي اقبلت انها اتصير على راس زوجته باجر راح يحط على راسها ثالثه ورابعه.
ليش بنات هالوقت من اتطوف ال20 خلاص عندها من نفسها انها عانس وطافها القطار واهي اتييب النحس حق نفسها ابهالتفكير السلبي! المفروض الوحده تتوكل على ربها وتدعيله ان يرزقها ابولد الحلال اللي يناسبها مو متزوج ومادري شنو ….. وبعدين ياما ناس انعرفهم ما تزوجو الا فوق الثلاثين وخذت ذاك الريال ماشاء الله الشهاده والمركز و اعرف وحده خذت دكتور.
خل تبتعد عنه احسن لها ولا اتصير بموقف الدخيله على عايله وتهدم حياة عايله ، وزوجته مسكينه مالها ذنب يسوي فيها جذي ويوم مو عاجبته ليش ماخذها ويايب منها اعيال.
صج رياييل ما يملي عينهم الا التراب
سامحيني طولت عليج و تعمقت وايد بالموضوع بس هذا الكلام نابع من القلب.
والله شوفي كلامج على عيني وعلى راسي وكلام خواتي على عيني وعلى راسي …
بس حبيبتي اذا الريال مافي عيب وزين ليش توقف نصيبها انا عن نفسي ان يانب متزوج وعندة عيال ارضى بس بشرط اني اعرف سبب انة بيتزوجني ان عرفت ان مرتة مقصرة ومو زينة ارضى لأن الشرع حلله اربع وما اعتقد ان احنا احسن من رب العالمين اللي شرع اربع بس ارد واكون بسبب اما ان كان جذي بيتزوج وبس اكيد انا نفسي ما ارضاها بس بسبب ماكو مشكلة يعني انا رفيجتي عمرها 20 وجميلة والله الف من يتمناها تدرين تزوجت واحد متزوج وعمرة 40 والله العظيم اكبر منها ب 20 سنة بس تزوجتة لما عرفت السبب ان مرتبة حقيرة وبايقة منة وسوالف فرضت البنت ووالله لو اقولج شنو مستانسة ومرتاحة ومدللها دلال والله تمشي وتقولنا تزوجوا واحد كبير مو شرط متزوج والله العظيم صدقيني لا تهتمين لكلام احد بس ان كانت مرتاحتلة وعرفت ان في تقصير من مرتة وانها ما اتسنع خلاص خل توافق وعلى الله …
واحسن خل تصلي صلاة استخارة احسن والله يكتب اللي في الخير