الوسم: المراره

السلام عليكم
حامل لي 3 اشهر ومن حملت وانا اعاني حسبالي نساه اخر شي طلع عندي رمل بالمراره
حيل متعبتني كله قاعده بفراشي ماقدر اتحرك من عوارها ويزيد ورا الاكل
احاول اسوي حميه بس ماظن بتنفعني الدكتور يقول عمليه
تعرفون وحده سوتها وهي حامل ما ياثر البنج عالجنين

السلام عليكم

شلونكم بنات

حالتي الصحيه هالايام موعاجبتني

صارت فيني لوعه وترجيع وحراره

رحت الطبيب سوالي تحاليل واشعه

تحاليلي مافيهم شي الحمد الله بس في الاشعه شي

قالي احتمال حصوه صغيره

بنات في شي ينغزني صوب خاصرتي اليسار بين فتره وفتره

اللي ابيه منكم…تنصحوني

شنو الاكل اللي لازم اكله والاشياء اللي لازم ابتعد عنها

1 شي سلامتج ياقلبي والله يشفيج
و2 شي لازم تبتعدين عن الاكل اللي ملح وتكثرين شرب مااااااااي
انا كان فيني بس بالكله وراااح الحمد الله عقب التفتيت اللي سويته بالمستشفى العسكري

الله يسلمج حبيبتي

حتى انتي الحمد الله على سلامتج

انا والله ضربت الرقم القياسي في شرب الماي

الله كريم

اختى شوفى هالموضوع ان شاء الله يفيدج @@

وما تشوفين شر
https://q8yat.net/showthread.php?t=163235

مشكوره نجد حبيبتي

ماتشوفين شر شوفي رابط سنا الفضة بيفيدج مثبت بالمواضيع المتميزة اتوقع حطته لج نجد

اي ما قصرت

جزاها الله خير

الماي والبقدونس افضل شي للحصوه

انشالله مافيج الا الصحة والعافية

مشكوره قلبي

امين يارب

اقري رسالتي على الخاص

مشكوره حبيبتي على الاهتمام

قريت رسالتج

قوه صبااياا

ابس أسألكم عن عملية ازالة الحصوه من المراره

هل اهي صعبة ؟ هل لها مضااعفات ؟

تترك أثر ؟

و اللي سوتها بمستشفى دار الشفاء تنصحني اسويها هناك او لأ ؟؟؟

بلييييز خواتي

انا بسوي هالعمليه بعد باجر , و خااااااااااايفه واااااايد

حبيبتي لا تخافين ولا شي واتكلي على واحد ما تنام عينه

والعمليه سهلةواااايد ومالها مضاعفات ولا شي بس اهم شي لاتفكرين وايد

تحياتي

حبوبه لا تحاتين ماكو الا العافيه ان شاءالله

بنت عمتي سوتها والحمدلله ما فيها شي بس انتبهي لا تكثرين دهون بعد العمليه ان شاءالله

وعسى ربي يقومج بالسلامه ياااااااااااارب

أجـــــر وعــــــــــافيـــــــة

لا تــحـــاتين ماكو الا الخيــر ان شاءالله

وماتشوووفيــن شــر حبوبــه

اللــــه يقويــج ياهلا..

العمليه سهلة ولافيها أي صعوبه بإذن الله وتعتبر من أسهل وأسرع العمليات ومامنها خوف

أختي مسويتها بالأميري والحمدلله ماحست بشئ ..

توكلي على الله وسلمي أمرج بيد الله وماراح تندمين….

وإن شاء الله تسوينها وتقومين بالسلامه بس نصيحه لاتحاتين ولاتخافين كلها جم ساعه وتصيرين بمب……

الله يقومج بالسلامه و ما تشوفين شر

هينه حياتي لا تحاتين …انتي بس وكلي الله و تشوفين الصحه و العافيه دوم يا رب

الف ســـــــــــــلامه
ماتشوفين شر يالغاليه

لاتحاتين مثل ماقالوا البنات

اتكلي على الله

وان شاء الله مايصير إلا كل خييييييييير

والله انا قالولي انها حيل سهلة ومايبيلها شي اذا بالليزر يفتتونها انا اعرف وحدة سوتها بالسلام وقالتلي هالحجي

بس في واحد راح الصباح يسوي فحص عشان يعرف اذا فيه حصوة ولا لأ
يقول عطوه ابره توقف الكلى قبل مايدخلونه الاشعه وبعدين عطوه ابرة ثانية تشغل الكلى
حتى لازم يوقعونه على اوراق انه موافق ياخذ الابرة
انا هني كعيت فيها كلى توقف مالي خلق باجر بالله وقفت كليتي ومارضت تشتغل شلون!!
ولا عاد انا احس فيني حصوة لانه الاعراض عندي مايندرى بس هالفحص هو اللي خرعني

ماتشوفين شر واجر وعافيه بأذن الله بتقومين بالسلامه وماراح تحسين بشي بس قوى قلبج ياقلبي واتكلي على رب العالمين وطمنينا عنج الله يشافيج وجميع المسلمين والمسلمات

يبه بسيطة امي مسويتها بس مثل ما قالوا البنات لا تاكلين دهون بعد العملية ولا تشيلين شي ثقيل لانها بسرعة تنفتح وسهالات

اتقومين بالسلامة honey

مثل ماقالو البنات سهالات ان شاءالله

توكلي على الله والعمليه سههههله وكلها منظار

اهم شي طمنينا عن صحتج بعد العملية

تسلمون يا صبااياا

ان الحمدالله قبل أمس سويت العمليه و افتكيت من الهم

و العوار

اهي صج مو مؤلمه بس صارلتي مضاعقات بسيطه

و الحمدالله على كل حال

الحمدللـــه على السلامـــه……..

أجر وعافية إن شاءالله

والحمدلله على السلامة أختي

بنات من سنتين سويت فحوصات كاملة

تحليل واشعه وسونار

وتفاجأت بأن عندي حصوة بالمرارة

تدرون شسويت سكت ولا كلمه

حتى اقرب الناس لقلبي ما علمتهم

وبعد هالسنتين سويت الأشعة مرة ثانية لقيتها موجودة

ماظهرت أي أعراض لها لا عوار ظهر وبطن ولا ترجيع

من شهر سويت تحاليل لقيت بعض الأنزيمات منخفضه

خفت دخلت على المواقع الطبية استغربت إن انخفاضها مؤشر لعدم وجود التهابات في الجسم

ما ودي أسوي العملية اسكت عليها طالما هي ساكنه

ولا أسوي العملية

شنو الأضرار إلي ممكن تصيبني إذا خليتها الدكتور قالي هي من النوع الساكن شيليها ليش مخليتها

تهقون اشيلها

وعند أي دكتور أسويها

رجاء بنات ردو علي إلي عندها معلومة طبية تنصحني فيها لآن ما أدري ليش

ما أبي أشيلها أحس إني ما أحب أشيل أي قطعة مالها قطعة غيار من جسمي

هل هذي حالة نفسية داخليه متعلقة بعلاقة حب الجسم باعضائه ورفض الاستغناء عنها

أفيدوني بس لا تعلمون أهلي محد يدري

بنات أبي ردكم لي والله ان شفت الموضوع بيخوف بسويها وبعد أبي دبدوبة تجاوبني

مليان قلبي مليان

أم منصوووووووووور

و

ح ي

سويها ترى ما تخوف وسههله خالتي مسويتهاااااااا يومين وطلعت _ واسبوع عادي طلعت ورحنا السوووق

شدعوة بنات كل هالمرور محد يرد علي أفااااااااااااااااااااااااا

أم منصوررررررررررررررر

شوفي حبيبتي اذا ما فيج عوار لا تشيلينه بس اذا جا العوار الأفضل تشيلينه وأنا سمعت الفجل وايد زين يفتت حصى المرارة والحلبة بعد والله يشافيج يا قلبي

راجعي طبيب جراحه وخل يسويلج فحوصات اذا ماتحتاج بيقولج لاتخمرين على عمرج لين تطيحج توه يدتي والله وعليه صارت تكسر الخاطر من المراره بالمستشفي تبهدلت راجعي الطبيب واهو خل يشخص حالتج بالضبط وماتشوفين شر

دقيتي عالوتر الحساس

انا ماسارلي اسبوع من سويتها
وقاعده فبيت اهلي فتره نقاااهه ودلع
من بعد معاناه طويله مع الام الله لا يرده

وكنت معانده ماابي اسويها لحد ماياني العوار اللي تدعينه حق عدوج
وقلت بس خلاااااااااااااااااااااااس بسويها

سوولي منظار 4 فتحات وشالو المراره بكبرها
بس انتي اذا مافيج الم لا تسوينها
لان الدكتور قالي وايد ناس فيهم حصوات بالمراره بس مايدرووون عنها

نصيحتي لج : شربي باربيكان وااايد واكلي رماااان
هاذي طريقه رفيجتي كان فيها حصوات وفتتهم بالباربيكان

تحيااااااااااااااتي

انا عندي حصوات بالمراره مو حصوة وحدة

بس ما كو عوار

اكثر من دكتور قاللي شيليها

بس انا بنطر بالصيف بشيلها

صراحه ما لي خلق اسةي عملية الحين توني مسويه خشمي

و ريلي شكثر يحن علي سوسها سويها

انشاء الله ان الله احيانا بسويها بالصيف

والله يرزقنا و يرزقكم الصحه و العافية

الدكتور قالي المشكلة مو بالكبيرة في الصغيرة اهي الي تتحرك

ما عطاني اي اهمية للموضوع وكيفج تبين تسوينها لأنها من سنتين كانت في القناة المرارية

والحين نزلت في مكان التجويف وساكته

ويوميا اشرب ماي حار مع نعناع هم قريت في النت يعتبر علاج لحصوات المرارة

أم منصووووووووووووووووووور

لا تسوينها .. راجعي اكثر من طبيب .. وشوفي يمكن تروح بالادوية وكثر من الماي وابتعدي عن المياه المعدنية .. خلج عالمعبأه اهون شوي .. اذا مافي فايده سويها ..
الله يشفيج

الله يشفيج

اول شي سلامتج وماتشوفين شر
واذا تبين نصيحتي روحي للدكتور محمد الهيفي وشوفي شيقولج وترا اهو واايد شاطر يقدر يسويلج العمليه عن طريق فتحتين بس وهالشي اهو ماخذ تكريم عليه وترا خالتي مسويه عمليتها عنده يعني قاعده امدحلج شخص مجربينه مو بس جذي

سلامتج الف سلامه يا ام منصور

وتبين نصيحتي سويها ولا تسكتين علي عمرج كله ولا صحة ابن ادم

والحين اهي ساكته باجر تلج عليج ويجيج العوار الله لايقوله وتحسفين

تصير مشكله اكبر من سابقتها .. وعلي فكره اختي فيها وناصحها الطبيب

بعلاج وخامره مثلج والحين تعالي شوفها شكبرها صايره ومخربه عندها

كل شي وكل شي يعورها عشان جذي تلاحقي نفسج والله يشافيج

يارب

ماتشوفين شر و شوفي راي الطبيب احسن منا

روحي الطبييب عمري واهو ابخص بشغله احسن والله الله يكافييج الشر يارب

والله ما ادري اختي بس نصيحتي لج شربي حلبه كل يوم لمده شهر و عقبها سوي تحليل و شوفي شصار عليها لاني اعرف وحده كانت خلاص على وشك تسوي العمليه و قبل موعدها بشهر قعدت تشرب حلبه كل يوم الين قبل موعدها حللت ولا ما فيها شي

طبعا هالشي يختلف من جسم لي جسم لكن جربي منتي خسرانه لانه فوايد الحلبه ما شاء الله واااااااااااااايد

و الله يشفيج و يشفي جميع المسلمين

بنات انا عندي حصى في المراره
وبسوي العمليه بس العمليه موعدها مطول
بنات شنو اللي يسكن باوجاع المراره
ويفتت الحصوات

السلام عليكم
اختي وهج عليج بالبقدونسس فووحيي بماي وبعدين خليه يبررد وشربيه كل يووم قلاس
وكذللك بماي والزعفران انصحج فييهم وباذن الله ترروح منج
والف سلامه عليج خيتوو

علج البان جم حبه نقعييها ببطل ماي دافي وكل يوم شربي شوي

والله مايهونها الا علاج دكتور شاطر
غير جذيه ما فيه
بعدى عن الاكل الدسم والحلويات والفلفل وان شاء الله تكونين بخير

السلام عليكم ياحلوات

شلونكم؟

طبعا تعرفون المراره ومااااااااااادراك= مالمراره ؟

آآآآآآآآآآآآآآآآه

بنات انا توها صايره فيني وقاعده اراجع عشانها بس خايفه أحمل وانا ماشلتها

اللي حملت وفيها المراره شلون؟ تأذت؟

لان تعرفون البيبي يرفع كل الاعضاء الداخليه لي فوق المعده الجبد كل شي يسبب

حارج ولوعه وبروحنا مومترقعين فمابالج اذا وياج المراره

بنات عفيه ادعو لي وقولولي تجاربكم وياها؟

الله يشفيك و يعافيك

لالالالالالالالالالالالالالالالالالالالالالالالالا طيعيني شيليها وبعدين حملي نصيحه ورب الكعبه راح تاكلينها سمعي سالفتي

انا صار فيني المراره وتعذبت منها وكنت قاعد اراجع علشان خلاص بسوي العمليه المهم ومع التحاليل اثاريها متأخره علي الدوره وطلعت حااااامل تخيلي

والله وكيييلج مادري اشلون اشرحلج الفلم اللي مريت فيه 9 شهور والله والله تعذبت عذاب مو طبيعي تخيلي مع كبر

البيبي وعوار المراره اكيد انتي عارفته شلون وترجيع طووووووووووول 9 شهور وربج كله قاعده بالاميري ومركبين

علي مسكن علشان عوار المراره يخف غير الادويه المسكنه اللي اخذتها غصبن علي لان خلالالاص خصوصا بالسادس والسابع والشهر الاخير وربي ذبت ذبت

لي درجت ريلي زهق زهق من كثر ما شافني اتألم وقال حق الدكتور سولها عمليه حتي لو انها حامل لكن الدكتور

مارضا قال احتمال كبير ينزل البيبي ميت عقب العمليه وانا كنت مو راضيه ولا امي راضيه قاعد احاول اتحمل غصبن

علي بس ريلي كان وااايد مضايق من حالتي لان كان يشوفني شلون اللتوي من العواااار ووووووووووووووواي واللله

ذكرتيني

واخير اني نطرت لي الولاده وسويت العمليه بالنفاس با40 تخيلي وارتحت الحمدالله صدقيني سوي العمليه وارتاحي جم شهر وعقب حملي خصوصا اهي العمليه بمنظار مو شق بطن لالالا راح تشوفين 3 فتحات ببطنج صغار كلش مراح يأثر ان شالله

وسامحيني علي الطواله بس حبيت افيدج وانصحج لان جد جد مراح تسوا علييييييييييييييج عن تجربه والله

وربي ينولج اللي بالج ويشافيج من المراره لان صج صج مؤذيه الله يعينج

جزاكم الله خير بنات

واااي خرعتيني الله يستر

بستخير وبشوف ان شاء=الله

لا اله الا الله

انا بعد نفس اللي صار حق حنين صار معاي بالضبط… يالله يالله تحملت التسع اشهر وبعد ولادتي باقل من شهر قبل لا اطلع من النفاس سويت العمليه وشلتها .

السلام عليكم

عندي استفسار ياليت اللي قد جربت هالشي واللي عندها خلفيه عنه ترد علي

انا حامل بالشهر الثامن الله يسهل علي وكل مسلم ويجين الم اعلى البطن ويمسك على ظهري ويخليني ماأقدر اتنفس من الالم الم فظيع ويقعد تقريبا ساعه ويبدا يخف علي شوي شوي

ورحت للمستشفى مادري ماعرفوله سوولي تخطيط قلب قالوا مافي شي وسالت بنات يقربونلي قالوا هذي اعراض مراره
من قد جربت وتتوقعون فيه علاج لها بهالفتره وخاصه اني حامل اقدر اسوي عمليه

تكفون اللي عندها اي معلومه تفيدني

ولكم جزيل الشكر

عوار بالبطن والظهر اتوقع طلق حل يسوي لج تخطيط طلق مو قلب

و الله يسهل عليج يا رب

الله يسهل عليج ايه هذي اللراره عسى الله يبعدها عن كل حبيب وعدو والله حتى العدو ماتمنين له العوار
بس اهم شي لاتاكلين شي دسم نصيحه لانها تزيد عليج والله يشفيج ومالها علاج الا المسكنات وانتي حامل

السلام عليكم

بنات منو مسوي عملية المراره وصج ما اكل دهن نهائيا والا اخفف ولمدة جم يعني الفتره

انا سويت المرارة من سنوات
واكلي عادي

بس الكولسترول دايما مرتفع عندي

السلام عليكم

حبيبتي انا مسوية عملية المرارة شهر ستة اللي طاف. شوفي حبيبتي لمن تشلين المرارة احسن وافضل لج ان ما تكلين اي شي في دهن على الاقل عقب ست اشهر من العملية لان اختج اللي اهي انا ما اتبعت هالنصيحة وزاد وزني بالهبل اللي الحين قاعدة اكافح عشان انزله!!وشي ثاني انتي اتوماتيكيا ماراح تقدرين تقدرين تاكلين اي شي لان اذا كليتي شي ثقيل وفيه دهن راح تتعبين شوي (مو وايد عشان ما تخترين ) فالافضل اذا مرارتج متعبتج شيليها بس ها حافظي على اكلج ما يكون وايد ثقيل مثل قبل لان راح تتعبين وراح يكون عندج القابلية ان يزيد وزنج. اتمنى اني اكون افدتج واذا عندج اي استفسار انا حاضرة

ام فيصل و H.Heavn مشكووووووووورييييين بنات ويعطيكم العافيه على الرد

المرارة أو الحوصلة الصفراوية Gallbladder في حالتها الطبيعية هي المحطة التي تستقبل الصفراء ( أو المرة أو السائل الصفراوي أو العصارة الصفراوية ) من الكبد لتختزنها ، ثم تنقبض أثناء وجبات الطعام لتدفع الصفراء إلى الامعاء للمساعدة في الهضم .

في بعض الاحيان يتبلور السائل الصفراوي إذا تراكم وركد داخل المرارة ، مما يؤدي إلى تكون حصى صغيرة ينمو ويكبر حجمها .
يتكون معظم الحصى الصفراوية عندما تزيد كمية الكوليسترول بدرجة تتجاوز بكثير المكونات الأخرى للصفراء .
هناك إحصائية تقول أن 10% من الأمريكيين البالغين يعانون الحصى المرارية ، رغم أن الكثيرين منهم لا تظهر عليهم مشكلات أو اعراض مرضية .

تظهر الأعراض عندما تهيج حصاة مرارية أو المواد الكيميائية في الصفراء أو العدوى البكتيرية جدار المرارة مسببة الالتهاب ( وهي حالة تسمى الالتهاب المراري أو التهاب الحويصلة الصفراوية ) أو عندما تغادر بعض الحصى المرارة وتنتقل إلى القناة المرارية أو القناة الصفراوية الرئيسية أو القناة البنكرياسية لتسد أيآ منها .

العوامل التي تزيد احتمال تكون حصوات المرارة

ثمة عوامل أو شروط معدودة يبدو أنها تزيد احتمال تكون حصى المرارة وهي :

– عامل الانوثة :
فهرمون الاستروجين الانثوي يزيد الكوليسترول في الصفراء ، والمستويات الطبيعية من الإستروجين التي يتضاعف تأثيرها أحيانآ بتناول الأستروجين الذي في حبوب منع الحمل أو ضمن العلاج التعويضي الهرموني، تجعل النساء أكثر عرضة للإصابة بحصى المراره

– عامل الحمل :
فالنساء اللائي حملن مرات عديدة يكن أكثر عرضة للإصابة بصفة خاصة

– عامل السمنة :
فالزيادة البالغة في الوزن تزيد قابلية النساء للإصابة، وليس الرجال .

– عامل الانقاص السريع للوزن :
فالخضوع لنظام غذائي ( ريجيم ) قاس يتم فيه تناول أقل من 500 سعر حراري يوميآ يزيد قابلية الاصابة بـ حصوة المراره

جدير بالذكر أن الاصابة بحصى المرارة تزيد بدرجة طفيفة من قابلية الاصابة بـ " سرطان المرارة " خاصة إذا كانت الحصوات المرارية كبيرة الحجم .

التهاب المرارة المزمن هو التهيج و الالتهاب طويل المدى لجدار المراره بسبب وجود حصى مرارية والتعرض لحالات العدوى المنخفضة الشدة ، قد لا يسبب أية اعراض أو يسبب أعراضآ طفيفة لسنوات عديدة ، ولكن فيما بعد يصاب مرضى الإلتهاب المراري المزمن بنوبة من التهاب المرارة الحاد إذا يصبح الألم مفاجئآ وشديدآ .

الالتهاب المراري غير المصحوب بحصى هو نوع فرعي أقل شيوعآ من الالتهاب الحاد إذا تلتهب المراره دون وجود حصى . ويبدو أنه يحدث غالبآ في الاشخاص الذي هم في حالة مرضية شديدة لسبب آخر مثل التعرض للإصابة الجسدية أو عملية جراحية كبرى أو حروق شديدة أو مرض السكر، وفي النساء اللواتي مررن بمرحلة مخاض طويلة قبل ولادة الطفل .

الاعراض

الشعور بالألم في الجزء العلوي الايمن من البطن هو أكثر الأعراض شيوعآ.
في حالة إلتهاب المرارة الحاد يكون الالم مفاجئآ وشديدآ ، وقد يصبح ملحوظآ بدرجة أكبر عندما تستنشق الهواء بعمق أو عندما تتحرك بشكل فجائي . الألم غالبآ ما يشع إلى ظهر الكتف اليمنى ، ولكنه يمكن أن يبقى منحصرآ في البطن .

قد تشعر أيضآ بالغثيان وقد تتقيآ ، وقد تفقد شهيتك للطعام وتصاب بالحمى . قد صرّح كثير من المرضى الذين يعانون من نوبات حادة أنهم شعروا بنفس النوع من الألم من قبل، ولكنه إختفى تلقائيآ. ومن المرجح أن هذه النوبات السابقة قد حدث فيها إخراج لحصى صغيره سببت إنسدادآ مؤقتآ فقط .

يمكن أن يحدث أيضآ يرقان وإخراج بول داكن اللون وبراز فاتح اللون، خاصة إذا ما سدت حصاة القناة الصفراوية .
حدوث درجة عالية من الحمى و قشعريرة شديدة يمكن أن يشير إلى حدوث تلوث أو انثقاب في المرارة ، وهذا يشكل حالة طواريء طبية .
عندما تسد حصوة مرارية القناة البنكرياسية فهي تسبب ظهور أعراض التهاب البنكرياس .

خيارات التشخيص و العلاج

إذا كت تعاني من اعراض التهاب المراره الحاد ، فإتصل بالطبيب فورآ وسوف يقوم بسحب عينة من دمك لقياس مستويات ( أي إحصاء عدد) خلايا الدم البيض ( فالمستويات العالية تشير إلى وجود عدوى ) ، وسوف يختبر وظائف كبدك . إستخدام الموجات فوق الصوتية يساعد الطبيب على استكشاف الحصوات المرارية، واي تغلظ لجدار المرارة بسبب التهابها .
فضلآ عن هذا، فإن إسلوب التفحص ( اي المسح) بإستخدام الطب النووي يمكن أن يظهر أن المرارة لا تؤدي وظيفتها بصورة سليمة.
فإذا كانت لديك علامات للعدوى، فقد يتم إدخالك للمستفشى حيث تتم ملاحظتك عن كثب، وتتلقى المسكنات و المضادات الحيوية عن طريق الوريد.

إذا لم تعاني إحدى نوبات الالتهاب المراري الحاد ولكن ظهرت عليك أعراض متقطعة تجعل طبيبك يشك أن لديك حصى مرارية، فقد تجرى لك اختبارات دم لوظائف الكبد ، وقد يفضل الطبيب أن يطلع على صورة لمرارتك يتم الحصول عليها باستخدام الموجات فوق الصوتية .

الاعراض التي تسببها الحصى المرارية يمكن أن تكون مماثلة لتلك التي تسببها حالات بطنية أخرى متعددة ، بما فيها القرحة الببسينية أو الالتهاب البنكرياسي . لهذا السبب فقد يكون من الضروري إجراء إختبارات أخرى لتشخيص أو إستبعاد تلك الحالات .

إذا كان طبيبك يخشى أن تكون حصاة قد انحشرت في قناة صفراوية ، فقد تجرى تقنية ERCP لإستكشاف هذه القناة .

استئصال المرارة بمنظار البطن

اليوم يجرى 90% من عمليات استئصال المرارة بإستخدام نوع من المنظار يسمى منظار البطن laparoscopic gallbladder أو laparoscopic cholecystectomy وهذه التقنية تحتاج إلى أربع فتحات صغيرة في البطن ( كل منها في حجم ثقب المفتاح) ، وذلك لإدخال منظار البطن وأدوات جراحية . نظرآ لأن تقنية منظار البطن تتضمن قطعآ أقل للأنسجة، فإن المرضى يتعافون في وقت أقصر بعد العملية مما لوأجريت بالطريقة المفتوحة التقليدية ، كما أنهم يعانون من ألم أقل، ويمكنهم العودة لممارسة أنشطتهم العادية في وقت أقل ( حتى عقد التسعينيات كانت تجرى عملية إستئصال المراره عن طريق الجراحة المفتوحة open cholecystectomy ، إذا يقوم الجراح بعمل شق جراحي بالبطن طوله خمس بوصات للوصول إلى المرارة وإستئصالها ) .

فإذا ما حدثت مضاعفات مثل النزيف ( وهذا نادرآ ما يحدث) فإن الجراح بوسعه أن يحوّل هذه العملية إلى جراحة مفتوحة بعمل شق بطني كالمعتاد . يلاحظ عند إستخدام تقنية المنظار البطني ’¶ بناء على اقوال المرضى- أن الألم بعد العملية يكون اقل مما هو في الطريقة المفتوحة ، كما أن الكثير من المرضى يقضون ليلة واحدة فقط في المستشفى يمكنهم بعدها العودة إلى بيوتهم ، ثم يمكنهم العودة إلى أعمالهم في غضون اسبوع إلى اسبوعين فقط .
هذا وقد ينتج عن عملية استئصال المرارة ’¶ بصفة عامة ’¶ بعض الآثار الجانبية، وأكثرها شيوعآ هو حدوث الاسهال في احيان قليلة ، وهذا ما يمكن تخفيفع عادة بتناول عقار كوليستيرامين وهو مسحوق يمتص الصفراء.

بعد حدوث نوبة من الالتهاب المراري الحاد أو عند حدوث اعراض أخف شدة ولكنها متكررة بسبب الحصى المرارية ، فقد ينصح الطبيب بإجراء جراحة لاستئصال المرارة والحصى المرارية . بعض الاطباء ينصح بإجراء تلك الجراحة لمن كانوا مرضى بالسكر أو كانت لديهم حالة عدوى مزمنة بالمرارة من بكتيريا السالمونيلا حتى لو لم تكن قد ظهرت عليهم الاعراض بعد .

Sتجرى الجراحة عادة باستخدام منظار البطن، حيث يتم ادخال منظار البطن من خلال قطع صغير فوق السرة أو أسفلها مباشرة . يستخدم جفتان ( يتم ادخالهما من خلال قطعين صغيرين في الجانب الايمن) في تثبيت المرارة وضبط وضعها توطئة لإستئصالها . وتستخدم أداة يتم إدخالها من خلال قطع صغيرة ثالث في إمساك كل من القناة المرارية والشريان المراري بإحكام وقطعهما ولفصل المرارة عند الكبد ، ثم يتم بعد ذلك إستخراج المرارة بما تحتويه من حصى

خيارات أخرى للعلاج
يمكن استخراج حصى القنوات الصفراوية اثناء اجراء تقنية ERCP ، إذ يتم قطع فتحة القناة الصفراوية وتستخرج الحصاة . إذا كانت لديك حصاة في قناة صفراوية، فقد يجري طبيبك هذه الجراحة قبل إستئصال مرارتك أو بدلآ من استئصال تلك المرارة .
للمرضى الذين لا يرغبون في اجراء الجراحة لهم أو الذين هم من الضعف بحيث لايتحملون تلك الجراحة توجد بدائل عدة لهم، أحد تلك البدائل هو استخدام عقار يسمى أرسوديول Ursodiol الذي يمكنه إذابة حصى المرارة على مدى عام إلى عامين. مع ذلك فبعد انتهاء العلاج يكون احتمال تكرار تكون الحصى بنسبة 50% في غضون خمس سنوات .

من ناحية أخرى فإن تفتيت الحصى ( وهي باستخدام الموجات التصادمية لسحق الحصى) يمكن أن تفتت حصى المرارة إلى فتات صغير وشظايا صغيرة تكون من الصغر بدرجة تكفي لأن تمر من خلال القنوات الصفراوية حتى يتم التخلص منها مع فضلات الطعام، أو تتم إذابتها بعقار ارسوديول . بإستخدام تقنية تفتيت الحصى يكون ثمة إحتمال بنسبة 50% لتكرار تكون الحصى في غضون خمس سنوات . نادرآ ما ينصح بإستخدام هذه التقنية إذ أنها ليست فعّالة تمامآ .

مع خالص امنياتي لكم بدوام الصحه والعافيه

اذا بتسوينها لازم تتبعين حميه من بعد ماتشيلينها وتستمرين فتره بالحميه واذا تسألين عن دكتور زين انا انصحج بالدكتور محمد الهيفي مسوي حق وايد من عايلتنا وماشالله عليه صج خوش دكتور

وماتشوفين شر انشالله

حبيبتي انا سويت المراره قبل سنةونص تقريبا … سويتها شهر12 ولي شهر 3 كنت زايده 13 كيلو والسبب اني كنت اكل عادي مثل اول دهون و عيش لازم تديرين بالج على اكلج و تخففين …. بس بالنسبه للعمليه نفسها ترى سهاله وماكو اللا العافيه ( انا سويتها بالمنظار )

انا سويت عند محمد الهيفى عمرى لازم تتاكدين من نسبه الاتهاب
لازم تسوين العمليه بدون مايكون عندج التهاب
وبعدى عن الدهووون وخفى فى الاكل قبل وبعد
لانج راح تزيدين وزنج نما تشيلين المراره فحافظى على جسمج

ولمده 7اشهر ماتشيلين شى ثقيل
واى شى بغيتى ياقلبى دزيلى رساله خاصه

قووووه بنات منوو احسن دكتور يسوي عملية المراره ابي وااحد شاااااااااااطر

الله يشفيج

اب اب

عملية المرارة من أسهل العمليات بمنظار. يسونها مستشفى الحكومة يسويها ومن. بأجر تطلعين

للرفع

السلام عليكم

شلونكم خواتي الله يبعد عنكم كل شر ياااااااااااارب

والحمدالله على ابتلاء رب العالمين وشي احسن من شي

بنات بغيت اعرف جم شي عن عملية المراره مثل الي سوت او سمعت احد مسويها

شلون كانت العمليه ومتى ردت وضعها الطبيعي بعد العمليه وشنو تاكل

وشلون تتحرك وشنو الاشياءال لازم اسويها او اكلها

انا متزوجه وعندي عيال

انا حدي خايفه من اعمليه وباجر عمليتي متخوفه ومرتبكه

قالي الدكتور ان حصوتي وايد كبيره والمراره ملتهبه يمكن اتضرني وجودها

انا صج بفتك من العوار الي ملازمني ع طول بس خايفه من العمليه

لاني اول مره اسوي عمليه بحياتي

طمنوني جزاكم الله الف خير

بصراحة ماعندي فكرة والله يهون عليج انشالله يفيدونج البنات؟

وانا بعد ما عندي فكره والله يشافيج ويقومج بالسلامه
اسأل الله العظيم رب العرش العظيم ان يشفيك
وان شاء الله البنات يفيدونج

ام سجا

احلى حلو

اشكر مروركم العطر

وجراكم الله خير

اختى ما تشوفين شر

عملية المراره عمليه سهله باذن الله اذا ما عندج اى امراض مزمنه مثل السكر والضغط او اى مشاكل ثانيه

واغلب الحالات تطلع بنفس اليوم ,,

حاليا يسونها بالمنظار اربع فتحات صوب السره وصوب طرف الايمن

وان شاءالله ما كو الا العافيه ,,

لان ممكن اذا ما انشالت الحصوات ممكن تلتهب وتاثر تاثير مو زين بسم الله عليج وعلينا

وما تشوفين شر ,,,,,,,

الله يقومج بسلامه

الله يشافيج يارب