الوسم: المدرسيه

السلام عليكم يا ابلات

واللي عافيكم ملابس الصف السادس والصف الاول الشتويه نفس الصيفي ماراح تتغير ؟

نعم نفس اللبس بس كم طويل
وما راح يتغير

بنات عيالي على 3 و 4 سنوات و بوديهم الصحه المدرسيه للاسنان

بس مو عارفه وين او شلون ناس قالولي ان بس يستقبلونهم بالمركز الي بالضاحيه لانهم صغار

ياليت تفيدوني

يم ثانوية يوسف بن عيسى بضاحية عبدالله السالم

كتب عبدالعزيز الفضلي:
اكدت وزيرة التربية وزيرة التعليم العالي د.موضي الحمود ان الوزارة ستقوم بتوزيع الوجبات الغذائية على تلاميذ المرحلة الابتدائية في موعدها المحدد 31 الجاري.
ودعت الحمود امس جموع الصحافيين لحضور اجتماع مجلس الوكلاء لمشاهدة الوجبات والاطلاع عليها وتذوقها بمشاركة وكيلة التربية تماضر السديراوي والوكلاء المساعدين الذين ابدوا اعجابهم بها.

ها اشرايكم بنات؟!

هذا جزء من الخبر والمصدر جريدة الوطن

https://alwatan.kuwait.tt/ArticleDetails.aspx?Id=60265

يعطيج العافية حبيبتي على نقل الخبر

مشكوره ام حمودى .

يعطيج العافيه

شكرا ام حمودي // شنو الوجبه ؟؟ بيتزا وحليب وشنو بالنص ؟؟

عقب الفضيحه الي صارت ان البلديه راحت فتشت على احد المصانع في الكويت اكتشفت ان البيض الي كان راح يوزعونه على المدارس بيض فاسد الواحد يحاتي عياله تاكل من هالاكل ناس ماعندها ا ذمه ولا ضمير ليه غاب القط العب يافار ماكو لا راقبه ولا عمات عين

تسلمين غلاتى بس اشدعوة اعيالنا بياكلون هالسوالف

عرموطه
وفي وجبه ثانيه شفت فيها موزه

مشكوره ع الخبر
عيآلي بضيق خلقهم متعودين ع الجمعيه لول

\

مشكووووره اختي

بنتي ما تحب البيتزا اشلون يعني

خل يخلون وجباتهم لهم

استغفر الله اعيالنا ماياكلون لا بيزه ولا عرموطه هههههههههههههههههه

ان ماياهم بطاط شبس وعصير وكاكاو وصمونه كرواسون ولا مايبون ياكلون

مشكوره انزين حطو حليب وعصير
واللي مايحب الحليب
شيسوي يعني

شر البلية ما يضحك

وجبتهم تضحك الصراحه
الحمدالله على النعمه بس مو منوعين ةاليهال ماياكلون شلون !

مو خوش خبر حلاته الياهل اييب معاه وجبته من البيت وايد أحسن

عاد عيالي ما ياكلون اي شي الله يستر سنه اليايه

مشالله واااايد حلوين ذوقج حده حلو

ما شاء الله حلووووين

واااااااايد حلوين
تسلم اناملج الذهبية
ودي لو اسوي نفسج بس احس وقت الدراسة ما يمدي
بس الغلاف مسوية نفسة بس اللي داخل بحاول اسوي بالويك اند

وآآآو شغلج حححححدهـ نآآآيسس ,,<< انشاءالله بسوي نفسج اللي اهي طريقة غلاف الدفتر بحاول احط كل مآده واللي يخصها صور وزخارف وجذي ..وانشاءالله اوصل لمستواج بستايلات الدفآتر لووووووول

وآآآآآآآآآآآو جدد روععه حددهم
ماشاء الله

ماشاءالله عليج دفاترج رووووعه
كملي الصور بالموضوع ترا احنا متابعيين

نااااايس يسلموو غلووي فديتج

Oxgein : حبيبتي حاليا بس هذوووول

نورتووـآآ بنات ..

روووعه ما شاء الله عليج

تبارك الرحمن
ربي يوفقجج

نوووووووورتي يا الغلا

مشالله رووووووعــــــــــــــــــــه .. الله يعطيج العافيه
جد مبدعـــــــــــــــــــــــــه ..
*_*

باجر بإذن الرحمن عندي درس العيادة المدرسيه ..عندي سير الدرس كامل بس اللي عندها مثير حلو ومشوق تقولي إياه ..ودمتم

مسااااااااء الورد لاغلى كويتيات …..

حبيت اسال اي وحده كانت مشرفة الانشطة المدرسيه بمدرستها ,, شنو سوت ؟ شلون نظمت طلبة الانشطة حتى من بداية الطابور ؟ وشلون بدعت في ملفهااااااااا؟؟

وشكرا ياحلى معلمات……….
اسأل الله التوفيق لنا جميعا في بداية السنة الدراسيه يارب ….

الظاهر مافي الا انا وانتي ماسكين الأنشطة ومتوهقين 000 انا اول مره فماني عارفه اتمني احد يفيدنا

اب اب

اب اب اب

فديت كل اللي رفع الموضوع 000 والمشكله يااخت درة انها تبي مني هالسنه ابداع بالسجل على حظي 00 يعني بغيت اللي عندها مقدمات جاهزه للسجل وفورمات عالوورد ترفعلها لنا عشان نستفيد

من العنوان مبين نبي كل وحده تحط شنو سوت بالقيم التربويه …

واي وحده عندها صعوبه بالقيم تقول وانشالله نساعدها انا وباقي البنات ما يقصرون معاج …

انا راح ابدي ابي اسالكم عن القيمه افشاء السلام … شنو اسوي ؟؟ ابي اخذ رايكم ,,

السلام عليكم

فكرة حلوة انشالله نستفيد منها

القسم المسئول عن قيمة افشاء السلام قام بعمل مشهد تمثيلي بالاذاعة المدرسية

وقام بوضع ملصقات بالمدرسة حول القيمة ( احاديث نبوية وايات قرانية وغيرها )

اذكر كانت عن الصدق وسوينا بوسترات وعلقناها بممر المدرسة

احنا بمدرستنا مافى اى ذكر عن القيم

و الصرااحه كل ما ادخل قسم المعلمات استغرب من المواضيع اللى تتكلم عن القيم

الله يعينكم والله اشوه احنا بمدرستنا مالنا شغل بالقيم لووول

يؤ يؤ يؤ وين المراقبه عنكم ………..احنا لازم نطبق القيم .. يا حظكم

ام حناين شنو التمثيليه اللي سووها … ؟
لاعت جبدي من التفكير

يعني انا مدرسه بدنيه شكو بالقيم

اب اب

عاشو عاشوا ……… المعلمات 8ـــــــــــــــ*

واللي يعافيكم أبي قيمة البر والاحسان
بلييييييز ساعدوني

شلونكم امهات

حبيت اعرف شنو راي عيالكم بالوجبات المقدمه من وزاره التربيه
وهل تحسين انها تشبعهم وتغذيهم

انا ولدي فيه حساسيه بالصدر وولد اخوي فيه ربو فشيلون لهم الموز من الوجبه

بنتي تقول الكورن فليكس يحطون وياه الحليب بدون شكر فمو حابته

غير جذي انا اشوف ان الوجبه تكفي وتوفي بس……..

جنه على ايامنا كانت احلى خصوصا انها تتقدم بوقتها وشوربه العدس كانت فرش وبمطبخ المدرسه

رايكم بنات

يا هلا ومرحبا

اختي انا اشوف بنتي نفس كلام بنتج انه الكورن فليكس ماصخ
وسالفت البيتزاء كلش كلش مو بالعينها بلمره

انا بنتي تاكل بس الكيييييييك الي يحطونه اما التفاح والموز والله حرام ايبونه للبيت ماياكلونه انا اعيالي مايحبون شي اسمه فاكهه والله انا اشتريها واحطها ماياكلون كلش
وانا احط لهم البطاط والعصير البرتقال او الجوافه او المنغا
مع كرواسون ومرات احط لهم حلو ومرات لا مااحط على حسب اذا كان متواجد الشي
والصبح مايروحون للمدرسه الا هم متريقيييييييييين اريقهم وحده وحده

كل يوم اييني ولدي مو مكمل الوجبه وهم يبين احط له بجنطته اكل من البيت او ياخذ فلوس يشتري من المقصف

بس انا ودي اعرف شغله لييييييييييش ما يسوون مطعم عشان يقعدون ياكلون فيه!!!
لي متى هالحاله يفترون بالممرات ويقعدون عالارض عشان ياكلون والاكل يطيح او تتوصخ ايدهم بصراحه شغله مو صحيه انهم ياكلون بهالطريقه

وكل اييني يشتكي ولدي ان فلان اخذ اكله وفلان طيح صمونته او يلعبون وتروح عليهم الفرصه

لو يخلون الفرصه اللي يوزعون فيها الوجبات في مكان خاص لللاكل وكل واحد قاعد بكرسيه وطاولته وفيه اشراف عليهم وايد احسن

السلام عليكم ورحمة الله

أولا أهلا وسهلا بالحناين

ماعندي بحكومه فما أقدر أفيدج ولكني وايد مستانسه

على اللي شفته بالتلفزيون الوجبه متكامله وصحيه ، واحنا لو نحط لهم كل الثلاجه يروحون ويردون موماكلين غير قضمه ( قرمه ) وحده
علأقل يقعدون تحت إشراف الأبلات ومع بعضهم كلهم نفس الأكل وناسه

مشكوره عالموضوع

السلام عليكم ورحمة الله

أولا أهلا وسهلا بالحناين

ماعندي بحكومه فما أقدر أفيدج ولكني وايد مستانسه

على اللي شفته بالتلفزيون الوجبه متكامله وصحيه ، واحنا لو نحط لهم كل الثلاجه يروحون ويردون موماكلين غير قضمه ( قرمه ) وحده
علأقل يقعدون تحت إشراف الأبلات ومع بعضهم كلهم نفس الأكل وناسه

مشكوره عالموضوع

صاجه الشوربه كانت (( تجمعنا )) .. تهبل وهي الوجبه اللي أكون سعيده وآنا أشربها
وفكرة مطبخ مدرسي وايد أحسن لو يشغلونه الشركات لإضافة الحليبه الدافيه والشوربات ..
ثانكس

عيالي حابينها ..مستانسين انهم ياكلون بالصف مع ربعهم ..

شيوخه
زين تسوين – انا عيالي ما يرضون يتريقون بالبيت بس اغصبهم على الحليب
مدمنة ككاو
غريبه والله لازم تكلمون الاداره عيل
انا مدرسه ولدي بالمسرح حاطين لهم طاولات حق كل صف
وبنتي تقول بالصف ياكلون تالي يطلعون
حلم الطفولة
هلا ومسهلا بالزميله الغاليه
انا عيالي اول سنه لهم حكومه ويت من صالحهم سالفه الوجبات
بس والله ما تتقايش بالوجبات اللي كانت على ايامنا وكفايه سوالف العفن والوجبات التالفه اللي يلقونها بعض الاحيان
الله الحافظ
حبوبه
زين الحمدلله في شي استانسوا منه اليهال واخيرا

هلا وغلا بحناين

الله تبون الصج ماكو على شوربة العدس

والحمدلله على نعمة ربي

لكن هالسنة ماعندي أحد بالإبتدائي

بس اذا كانت نفس وجبات الروضة فتبقى صحية .

هلا فيكم حبيباتي
بالنسبة للوجبات انا اشوف انها مفيده وكامله بس للي ياكلها كامله

عندي وليدي الله يحفظه ان شالله كل يوم اييب لي نصها البيت وذاك اليوم توست وجبن سلايس مو عاجبته يقول الجبنه مو حلوة بس هو حاب الفكرة مستانس عليها بس عيب مدرستهم ان يعطونهم الوجبات وياكلون بالساحه

بالنسبه لبنوتي تاخذ اكلها معاها كل يوم ماتغير اي شي لازم انا اسوي لها اللي تبيه وتاخذه تاكل من الوجبه الكيك او العصير والباجي توزعه تقول اكلهم مو حلو

بس ياليت لو يحطون لهم نفس قبل شوربتنا تهبل والحين بعد مع البرد ياسلاااام

انا ماعندي عيال بالحكومة بس انا مدرسة ومن احتكاكي بالطالبات والاشراف عليهم وقت الوجبة اشوفانها حلوة وصحية ومتكاملة ،،
فيها شوية عيوب مثل ما قلتو الكورن فلكس ماصخ ،، والسلطة ناااشفه بدون ليمون ولا دريسنغ ولا شي ،،
بس عموما حتى اللي ما تحب شي معين قاعده تجرب
واللي مخرب عليهم اكلهم اللي اييبونه من البيت بطاط وككاو وبيبسي من جذي ما ياكلون بعضهم ،،

اي بعد نسيت اقول شغلة ان ماكو مكان ياكلون فيه الا الصفوف وهذا شي مو صحي ومزعج جدا للمدرسات والطالبات ندش الصف الا ريحة مطبخ استغفر الله حتى تربويا غلط جنه نعلم عيالنا ياكلون على سرايرهم بغرف نومهم يمكن هذا اكبر عيب اشوفه والا المشروع بشكل عام وايد حلو ونوعية الاكل والعصاير هم حلوة كله كيددي والمراعي ونادك ماكو شي بو طقه

السلام عليكم

بالنسبة لمدرسة ولدي شيخان الفارسي مخصصين لهم طاولات وكراسي بصالة مرتبة شحلاتها وولدي وربعه حدهم مستانسين على الوجبات جنهم ما شافوا خير لوووووووووووووووووول

ودي أعرف شلون يسوون شوربة عدس بالضبط نفس مالت أول .. بسويها شوقتوني

انا عيالي مستانسين عليها اول احط لهم الاكل ويرجع مثلما هو بس اللحين الابله ماتخليهم لين ياكل الفطيره او الكورن فلكس بس الفواكه يرجعونها للبيت

سلام أحلى امهات كويتيات
ولدي الجعده مدمن متحركه وتلفزيون لو أخليه أسبوع مايتحرك من جدام التلفزيون مايدرس ولا يحل واجباته الأ بالبجي
جربت مكافآت أعطيه وأشجعه ماكو فايده قلت ماكو الا حبايبي الكويتيات يشوفونلي حل
حبايبي يغيت استفسر عن أحسن معهد أو نادي لحل الواجبات المدرسيه وهم انه يستمتعون بوقتهم
في ناس قالولي عن نادي الريان ياليت أحد يعطيني فكره عن هذا النادي او اذا في رابط بنفس الموضوع لأني صراحه حست وايد بين المواضيع ماحصلت نفس طلبي ..أو أي نادي ثاني بس بالمناطق الداخليه
وأكون شاكره لكم وأدعيلكم من كل قلبي خواتي

؟؟؟

هلا اختي

عسى الله يحفظة

ان شاءالله البنات مايقصرون معاج

انا ما اعرف اي نادي لحل الواجبات

بس حاولي انج تعطينه الهديه على طول يعني يكتب هالماده له هديه او يكتب هالصفحة له هديه وتعطينه الله يعافي بو 100 روحي كودي له من هناك وكافئيه وان شالله ينفع هالحل

[quote=^^بنت الكويت^^;7945588]هلا اختي

عسى الله يحفظة

ان شاءالله البنات مايقصرون معاج [/quot

مشكوره بنت الكويت مرورج الفله عطرتي موضوعي بمرورج

اول مره اسمع عن النادي ؟؟؟

جربت كل شي أم عبودي مومخلية بو أميه ولا بودنانير ولاهدايا واللحين كل يوم يخلص واجباته أعطيه دينار مكافئه التجربه نوعا ما نجحت بس خايفه تاثر من جانب ثاني وهم أختي لاحظت يحل أي كلام سريع عشان ياخذ الدينار ويفتح التلفزيون الولد متعلق بالتلفزيون بصوره قمت أخاف منها لدرجة فكرت اروح حق اخصائي يعطيني يمكن حلول
أم عبودي مشكوره حياتي ويارب يخليلج عبودي

كرستاله النادي هذا تابع حق بيادر السلام على مااعتقد بس مادري اذا الى الان موجودين ولا لا
ماقصرتي حبي وشاكره مرورج

العفو حبيبتي ماسويت شي

بس حطي بالج لايتعود عالفلوس بعدين كل سشي بيسويه يبي له مقابل تى الهدايا ملوت بو 100 ما تأثر كثر الفلوس

الله يخليه لج يارب ويهديه ويصلحه

صاجه ام عبود الواحد يخاف يدش بمتاهات راح أوقف عن هالطريقه
مشكوره ياعمري مره ثانيه

بنات اللي جربت نادي أكسس أو الريان ياريت يشاركون ويعطونا فكره عشان الكل يستفيد …أي كلمه حبايبي تشاركين فيها والله ممكن تساعد بالموضوع وانتو ماتدرون
وعلى فكره ترى يقولون نادي الريان تابع حق حضانة دار الفرح
الحبوبه اللي عندها رقمهم ياريت تكتبه ولها أكبر دعاء من القلب

جم عمره

اولاا خلي ابووه يخانقه وخلي لج شخصية جدامه
شيلي وايرات التلفزيون والريسيفر ماراح يعرف يركبهم
وخليه مرة مرتين مايكتب واجباته ويخانقوونه بالمدرسة ويسقط بيتعلم لاتشيلين الهم بداله خليهم يتعلمووون
هم يدرسون بروحهم ويكتبون واجباتهم ماراح يحس الا اذا سقط ويشوف غيره ناجح
ولاتعلمينه على الفلوس والهدايا اصلاا عيالنا ماعاد يفيد فيهم لانه كل شي عندهم
احرميه من الطلعة معاكم او اذا تشترون وجبات لاتشترين له
لاتكلمينه حاربيه

ههههههه واااي مفترسه يا بمبه صج كلامج… وتقريبا صح بس ماقدر هذا جعدتي بسرعه يقص علي اسلوبه ودلاله حقي يخلوني اخق اذا عصبت وحاربته ..توه قالي موتنسين ماما جهزي جنطتي قتله ماعرف لانه كان معتمد على أخته الكبيره عاد أنحبط وقال هم أنا ماعرف قتله كيفك تصرف جان يروح يجهزها خخخخخ عاد حسيت أني شريره قلبي رشيش كلش
ولدي بسنه ثالثه ابتدائي وماشالله أشيل الرسيفر يرد يركبه يعرف عاد شلته كلش اليوم وخشيته جان يدش غرفتي يطالع ,,,أحباط وين ماطقها عويه بهلولد
ماكو غير نادي أو معهد ينجبر معاهم
شاكره مرورج الطيب بمبه المفترسه

أفاااااااااااااا كويتيات فوق ال60 يدخلون ومحد معطي موضوعي اهتمام بس 4 ردوا

انا جربت نادي الريان
هو لحل الواجبات فقط ……… و اذا خلص واجباته يخلونه يلعب
جربته شهر و ماكملت انتى شوفي المكان و على راحتك مكانهم في مدرسة القطوف

لكن مو هذي النقطة …….. اللي لفت نظري اسلوبك معاه حاولي تغيرينه …..خلي شخصيتك قويه شوي

اذا استمريتي على اسلوب الفلوس …….. راح تتعبين و يصير الولد ماعنده مبادىء كل شي بمقابل

حتى لو دخلتيه نادي

انتى الأم
و انتى اللي تحطين قوانين البيت

و علميه انه يسمع كلامك او تزعلين عليه

خللك شوي شديدة علشان مصلحته
ألحين الولد صغير و مثل العجينة بإيدك
اذا علمتيه ان كلامه اهو اللي يمشي …… راح تتعبين معاه لما يكبر و مايعمللك حساب

السلام عليكم جميعا انسا وجنا

شعلومكم زميلات المستقبل ؟؟

يمكن موضوعي مكانه غلط واحتمال ينقلونه قسم الطالبات بس انا قلت اهني راح الاقي الي يفيدوني اكثر

ابلات عندي تكليف عن (( مشكلات الاداره المدرسيه ))

بس محتاجه مشكلات .. بس .. ما ابي بحث كامل .. ولا مقدمه .. ولا اهداف ولا خاتمه

الي تقدرين عليه طلعيلي اياه اهني ولا عليج امر

ويكون احسن لو تحددين المشكله بين منو منو !!

بين الاداري والاداري
بين الاداري والطالب
بين الاداري وولي الامر
بين الطالب والطالب وشلون احولها حق مشكله اداريه
بين الداري والمعلم
بين المعلم والمعلم

وان شاء الله ما تقصرون معاي …

شدعواااااااااااااا

عدم تقسيم العمل الاداري بالتساوي
توزيع الصفوف لاخذ الغياب والمستندات من الطلبة على شؤون الطلبة بعدل

السلوك العدواني وعدم الاستجابة لعلاج الاخصائي النفسي

خابرتها بين المعلم وولي الامر

مشكلة التنمر وهي السلوك العدواني من قبل طالب او اكثر على الطالب المسالم

ما عندي فكرة

الغيرة والحسد بسبب التنافس في الاداء

اتمنى اني فدتج

مشكلات الادارة المدرسية
الظلم
المدير المتكبر او الديكتاتوري
ولي الامر الظالم
المعلم اللي يضرب
الاخصائية اللي ما تكتم السر
سوء توزيع المهام والحصص والاحتياطات والمناوبات على المعلمين
روحي اشتري كتاب الادارة المدرسية للدكتور جاسم الحمدان متخصص بالادارة المدرسية
وموفقة

بين المدير والمعلم التحيز لمجموعه ضد اخرى يعني تطلب من الوكيله اتشيل عن قسم معين الاحتياطات على الرغم من قلة نصابهم وذلك لاحسابات معينه بينهم يا اننه ايبون لها جوائز او امور شخصيه يسبب القهر واللله
او بين رئيس القسم والمعلم مثلا معلم يساعد رئيس قسم او بالاحرى يقوم بكل اعمال رئيس القسم بالسلاجت اتضبطهم لها وتسوي جدول الزيارات وتطبعهم لها واجتماعات الفنيه تسويهم وتيبهم لها فارئيسه القسم مستانسه لانه شايله عنها كل شغلها فاااااااااااااااااااااااا اتغاضى عن اشياء وايد ماتطلب منها تنساها بالمناوبه بالاماكن الغثيثه فيها شمس ماتحطها تنساها بالاحتياط بالطلبات تخليها اخر وحده اوكي لو ندري احنا نضبط شغلها ونسويه لها

بين المعلم والاداري(الوكيله) بصراحه تذل ذل علي الاستئذانات يعني مو بس تقولين لها وين المكان تبي تعرف كل شي بالتفصيل وغرفتها متروسه ومافي خصوصية الكل يعرف وياريت ترضي ؟لا تمللج وتذل الوحده والله
واللي تغيب ثاني يوم تهلكها احتياطات يعني عقاب ماتفكر سبب غيابها احتمال مريضة ولا عياللها مرضه لا عادي عندها
والاهم الناظرة معطيتها الخيط والمخيط بالمدرسة هي وكيلة وهي الصندوق المالي وهي اللي توزع الانشطة وهي التدخل السريع يعني بتاعت كله

ما سمعتي عن وكيلة مسمية نفسها امينة سر النشاط؟
مادري شنو هالسر اللي لاقينه بالنشاط و بيخشونه عن الباقين

يعني المشاكل تكون محصوره بين السكرتيريا والاخصائيات والوكيلة والناظره

مثل مافي تعاون بينهم

التزوير في الدرجات علشان يقولون المدرسة الفلانية مافيها رسوب وصارت العام في مدرستي القديمة

ساعات الوكيلة تعاند الناظره والناظره تعاند الوكيله علشان تمشي كلمتها

الناظره تطلب من السكرتيريا شغل موشغلهم

تطلب الناظره او الوكيله تطلب من الاخصائيه تسجل الغياب ولا تطلب منها تجابل الصف وهذا موشغلها

مايقدرون الظروف ولا يتفهمون يعلمون الطالبات على القسوة

طالبه تاخرت على الحصه تكون في الحمام تكرمين مايعطونها ورقه والطالبه من الخوف تخاف تروح الصف وتنزف

يعاملون الطالبة المخالف للبس ولا موقاصه اظافرها جنه مسويه جريمه خير ياطير موقاصه اظافرها شصار يعني

في مدرستي القديمه الوكيله موقفه البنات في الساحه في عز الحر في الشمس طول الحصه علشان مشاغبين

عفيه قلب مافي قلبها ذرة رحمة

الناظرة ولا الوكيلة تقفل باب مكتبها وتقعد داخل ولا تستقبل اولياء الامور علشان تفتك من حنة اولياء الامور

مثل العنف والبويات والايمو والغيره السرقه والكذب

تتحول عن طريق المعلمه تلاحظ المشكله في الصف واذا تكررت ويفترض تتحول للاخصائية الاجتماعية

والاخصائية الاجتماعية تعالج الطالبه بطريقتها

عدم التقدير ..التحيز .. والواسطات.. والتفرقه .. عدم التعاون ..الظلم

عدم التعاون .. الغيره .. الحقد .. الحسد ..