الوسم: الماي؟؟

السلام عليكم بنات انا حامل توني اليوم دشيت الشهر الثامن وهذا اول حمل لي (( دعوااتكم

توني قريت موضوع وحده كاتبه ان الدكتوه تبط جيس الماي شلووون؟؟؟ انا ما اعرف ولااشي وماعندي خوات عشان اسألهم وبيني وبينكم الوالده ناسيه من 20 سنه مو يايبه ياهل

وكلما اسألها ماتقولي شي تخاف اني اخترع ههههه المهم شلون ينبط جيس الماي ؟؟؟ سواء كان بروحه او الدكتوره تبطه لي وشنو تحسون لما ينبط ؟؟ هل تحسون بانفجار داخل بطنكم ولا شنووو بالضبط ؟؟

و بليز كتبولي معلومات اضافيه وسريعه عن الولاده وشنو يصير غير بطة الماي

و ادعوولي الله يسهل علي ويكون الي بطني معافى مافي اي شي وكامل النمو يااارب:eh_s(8):

عادي ترى ماتحسين فيه اذا بطته الدكتوره انا دايما تبطه لي الدكتورة ينزل الماء وبعدها تصير طلوق سريعه ومنتظمه اذا انتي بكر صدقيني ماتحسين بشئ يصير لك معامله خاصه

عادي حبيبتي انا انبط جيس الجاهل بروحه ما حسيت بشي انا الماي الي نزل علي مثل الحنفيه بعدها ولدت عادي بس بطلق صناعي لان ما كان معاي طلوق وكنت بالثامن الله يتمم عليج حملج ولا تفكرين واجد السهالات من الله

عادي ماتحسين
وقتها انتي اكيد لاهيه بالكمام
وطلوقج شغاله

انا ببجري انبط الماي وانا نايمه بس سمعت صوووت داخلي و فزيت مثل توووك فهمتتي وفجأه لمن تزلت من السرير ولا ماااي ينزل مثل الحنفيه
ما يصاحبه ألم لا تخافين. العوار عقب ما ينبط الماي بنص ساعه او ساعه و يكون محتمل

بعدين يزييييييد بس كله محتمل مع الكمام لا تحاتين
بس حطي ببالج لازم في الم يعني روح تطلع من روح

والله يسلمج يمكن مع الكمام يكون في ترجيع حاولي ما تكونين ماكله واايد
اهم شي سوائل عصير و ماي

بس يطلع راس البيبي راح ترتاحين و بس يطلعون المشيمه خلااااااااااااص جنه ما صار شي شعووور روعه

المشيمه يطلعونها عقب البيبي بجم دقيقه وراح تقولج الدكتوره سوي بوش بس طبعا خفيف وماكو عوار
<<<<<<< يحليلي صرت دكتوره

الله يسهل عليج و يقومج بالسلامه و تفرحين بالبيبي يااارب*

خخخخخخخخخخخخخخخخ ضحكتيني من قلتي ينبط بالبطن شنو ينبط داخل البطن

لا عمري اكو حريم ينبط بروحه واكو حريم تبطه الدكتورة انا بولدي بطته لي الدكتورة مع انى كنت مفتوحه 9 سنم

وحسيت جنه جيس طالع منى قبل الياهل اهوا جيس الماي من بطته حسيت بماي حاااااااااار نازل بعدها ما وعيت الا والدكتورة شايلة عنى الكمام وتقولي دفعي ترى بشفط البيبي بعدها طلقت جم طلقة وولدت والسهالات من الله سبحانه والله يسهل ولادتج وتولدين بالصحة والعافية وادعيلي اولد هم بصحة وعافية

ههههههههههههههه شكوو ينبط بالبطن

لااحبوبه ماراح تحسين بشي سواء انبط بروحه ولا الدكتوره بطته الا بالماي ينزل منج

ولاتحااتين سهلاات ان شااء الله وربي يسهل ولادتج ويقومج بالسلاامه انتي والبيبي

واااي لما قريت هالموضوع اخترعت
الله يسهل علينا

انا كان نازل على ماي بس ماانبط كله لاا
واثناء الولاده بطته الدكتووره مايعور اصلا الكمام مايخليج تحسين بشي لاتحاتين ان شاء الله سهالات

انا هم نفسج مع الكمام ما تحسين بس الطلق شغال وانا ولدت بدون كمام حزت الولادة الصجية الدكتورة قالت حق السسترات شيلو عنها الكمام

شالوه وولدت بروحي لين حسيت ان ضروسي دشت ببعص وصوتي انقطع ريلي برا على باله مت لانو طلع صوت مثل صوت الشخير من الدفع اهنى عاد ولدت بس الكام اول شي يهون عليج الطلق شوي

انا بجري نبط وماحسيت فيه الا الماي نازل……والثاني لا الدكتوره بطته لي بس ماحسيت بشي بس الطلوق…بس اخذي كمام ماتحسين بشء

الله يسهل عليج انا بجر نفسج ما اعرف

حتى بدون كمام اذا بطته الدكتوره ماتحسين بشي مايعور لما تبطه كلش ومجرد ماينبط بتحسين بماي داااافي اندفع منج مره وحده وبس بعدها الطلق يزيد اكثر ولما يعطونج الكمام شفطي عدل جنج بتخلصين الهوا ههههههههههههه وبتنامين وتخدرين وبقعدونج وقت طلعة البيبي
والله يهون علينا كلنا يارب

اصلا لو ينفتح بروحه بالبيت احسن ماتوصلين باذن الله المستشفى الا يايج الطلق ويبتدي يزيد
الماي يسهل الولادة ويفتح الرحم

اتمنى اولد هالمرة طبيعي مثل اول ولادة
عسى الله يسهل علينا كلنا يارب

الله يسهل عليج ماقصروا البنات

عمرك سألت نفسك ليش يكتبون تاريخ الانتها في علب الماي؟؟ ضروري ادخل لاجل سلامتك
لماذا يوضع على علب الماء تواريخ انتهاء ؟هل الماء ينتهي !!! ام ماذا؟

الجواب

القوارير مصنوعه من ماده بلاستيكيه تحتوي على ماده مسرطنه تسمىdeha

هذه القوارير تكون صالحة لمدة 24 ساعه فقط من لحظه فتح العبوه
يوجد بعض الاشخاص يغسلون العبوه بالماء والصابون ويعقمونها بالملح ظنا منهم انهم ينقونها من هذه الماده الضاره….فهل هذا صحيح

عند غسل هذه العبوه بالماء والصابون راح تعمل على زيادة تحلل المادة المسرطنه وبتالي راح تتسرب الى الماء

اللي عنده فضول علمي يقرأ مايلي:

اذا اردت التاكد من صحة هذا الكلام , خد عبوة الماء وانظر في اسفلها راح تشوف مثلت وداخله رقم مثل رقم (1)

ماذا يعني هذا
ان هذه العبوه تستخدم مره واحده فقط –وقد استخد مت من قبل المصنع

اما بعض القوارير الكبيره يكون داخل المثلت مثلا رقم (7)

وهذا يعني ان المصنع استخدمها مره وانت ايها المستهلك تستطيع استخدامها 6 مرات فقط

مشكوره على المعلومه : )

معلومه حلوه بصراحه الي كنت اعرفه بالنسبه للبلاستك انه استعمال 1 بس
7 معلومه يديديه علي ويزاج اله خير

جزاج الله خيييير معلومه مفيييده

العفو حياتو

هــــــــــــــ،ـــــــلا فيـ،،ــــج

جزاج الله خير

يزاج الله خير
مشكووره حبيبتي على المعلومه

ومنكمـ نستفيد . .

معلووومه جديده علي

قووآآج الله حبيبتي

up
up
up

جــزاج الله ألــف خير …
مشكووره واايد
[color="red"]حيل افدتيني يالغلا … [/color]

هلا حبايبي الله يسلمكم منورين

* مشكورة حبيبتي على المعلومة *

>>> انا سامعة فيها بس للحين ما شفت علبة مكتوب عليها 7 كله 1 لوول

—–

يعطيج العافيه…

يعطيج الف عافيه