بنات انا فيني اكزيما مائية والله لا يوريكم الحكه اللي تصير فيني
انا رحت عند صيدلية بحولي يم ايوب اعتقد اسم المجمع جذي كان داخل الصيدلية دكتور مصري وعطاني كريمين ومرطب بس ماركه الكريمين نافعين معاي وايد بس يوم كنت قاعدة اقرا العوارض الجانبية لواحد منهم كان مكتوب انه نادر ما يحفز الخلايا السرطانية ووايد فيه مساوئ بس انا مجبورة تخيلو بنات كنت يوم اسهر اقعد لي الساعة 5 او 6 الصبح وانام بعدها الساعة 7 الصبح اقوم اشوف نفسي قاعدة احك ايدي ولا شنو من كثر ما ايدي قاعده احكها وانا نايمه قمت لا ارادي مع اني تعبانه واذا حاش ايدي اي شي احكه احكه وما اقدر امسك نفسي لين احس ان الجلد بيتقشر تعبت والله اي نسيت اقول ان المرطب اللي ماخذته من الصيدلية حجمه ترى وايد صغير وماركته وايد زينه بس سعره كلش ما يسوى بالنسبة لحجمه سعره 9 دنانير وربع بس وايد وايد صغير بس شسوي مجبورة
بنات اللي تعرف طبيب زين حتى لو كان بالجلدية او بالصيدلية او اي شي خل تكتب
واللي فيها مثل حالتي خل تقول بعد وتكتب عن نفسها متى بدت فيها الحلة وشنو الحلاج اللي مشى بايدها
لي رجعة عشان اكتب كل شي عن حالتي
صرحه اختي انا نفس حالتش وتعبت ماكو فايده من يحوشني اطماط والبصل اجلس طوال اليل احك في يدينيولا رحت المستشفيات الحكوميه يقلون لي حطي فزلين كلش بدت فيني وانا عمري 12 سنه والحين كبرت وماكو فايده
مشكورة عالرد
بس تدرين شنو مشكلتي
مشكلتي اني ما اعرف هالحساسية من شنو فاشلون اعالجها؟؟؟!!!
انا لي رجعة مرة ثانية اكتب فيها كريماتي اهما ينفعون بس اثارهم الجانبية مخوفتني شوي
راح اكتب اساميهم وعلى قولت امي هذا كلام ومو كل شي يصير اتكلي على الله وما عليج شغل من المكتوب
حكة واحمرار وبعدين يطلع من المكان ماي.
استعملي دهن اسمه BETAMATHASON ratiopharm 1mg crem’e
الفترة الاولى مرتين باليوم دهن المكان بطبقة خفيفة وبعدها بربع ساعة اغسلي المكان
وستلاحظين انه بعد فترة يختفي وحين يعود استعمليه مرة ثانية حسب الحاجة الاكزيم لايختفى مطلقا بل يهدا ويعود بعد فترة كلما توقفت عن استخدام الكريم وطبيعة الكريم بارد وابيض اللون.
ابتعدي عن البيض والباذنجان لانها منشطة للاكزيم.
طلب الشفاء من اللله فهو الشافي المعافي بحق شهر رمضان الفضيل.
مشكورة zamaan
عاد انا الحين قاعده اكل بيض والباذنجان اشوة ما احبه
مشكورة عالمساعدة ان شالله بعد 3 ساعات اكتب الاشياء المتعلقة باكزيمتي
اب
اب
آسفة عالتأخير هذول كريماتي
1-مرطب ايد لازم دايما بيدي اسمه
Louis Widmer
Remederm
للبشرة الجافة جدا ب9دنانير و200 فلس
2-ELIDEL
pimecrolimus) cream 1%
يدهن مرتين ياليوم سعره7دنانير و850 فلس
3-Perderm* Cream
هذا قوي وايد ولازم ما نحطه عالايد وايد لأ بس اذا حسينه ان ايدنا قاعده تحكنا وايد وما نقدر نوقف عن الحك
سعره دينار و260 فلس
4-LOUIS WIDMER
shower GEL
والاخير شور جل لان جسمي وايد حساس فاذا استخدمت اي شور جل مو طبي راح تزيد الحساسية بجسمي
اي ترى اهوة صابون للايد بعد لان اي صابون ثاني يهيج حساسية ايدي
وسعره 5 دنانير وربع
واتمنى اكون افدتكم
وترى العلاج ماشي معاي
واللي تبي تعرف من وين شريته او تبي تشخص حالتها بدز لها عالخاص مودعاية للصيدلية لأ عشان صحتكم
حبيبتي الله يشافييج ياارب …اللهم رب الناس اشفي انت الشافي شفاءا لايغادر سقما ….حبيبتي الله يهون علييج ويشافييج باقرب وقت بس علييج بمااي الزمزم ليمه يختفي هالماي معجزه عالج مع الاستمرار اكثر من حالتج وعلييج بالصدقات وسوره البقره ويس وتوكلي علا الله وادعي علا طوول
مشكوووورة عالدعوة وان شالله الله يشافي كل من في حالتي
الحمدلله والشكر على كل حال
بنات اشدعوه وينكم
؟؟؟؟؟؟؟؟
اب
اب
والله عمي يوم شاف ولدي باول يوم العيد
قالي اعطيج وصفه وتستمرين عليها اسبوعين وما تقطعينا وتقولين ما يابت فايد
لا استمري عليها وتشوفين الاكزيما تختفي جنها ***
قتله شنو اهي
قال العرموط ""الاجاص ""الكمثرى""
قال عيالي واهم صغار جذي وعطيناهم عرموط شوفيهم من احسن ما يمكن
والحلو انها متوفره طووول السنه
ان شاء الله ابلش حق ولدي هاليومين
وما تشوفون شر وما عليكم الا العافيه
السلام عليكم ورحمة الله وبركاته
حبيباتي انا بقولكم عن تجربتي انا ماخليت علاج ماستخدمته حتى لما اسافر ادور العلاج واشتريه
بس والله اني ماستفدت من اي علاج اما مامنه فايدة او يعالج فترة وترجع مرة ثانية(الاكزيما)
فيوم من الأيام قاعدة على النت وبالأخص منتداي الغالي(كويتيات)ربي هداني وقريت موضوع
عن وحدة عالجت عند وحدة اسمها ام خالد العازمي وطرت لها وشريت الدهان والله يابنات اني ماعرف الحرمة
ولا تربطني فيها اي علاقة –عشان ماحد يقول اسويلها دعاية
والله لما استخدمت الدهان اني ارتحت واااااايد والحمد لله اولا وآخرا واختفت الاكزيما لا ولما وقفت استخدامه مارجعت
واهيا حرمة كبيرة في السن ولليوم وانا ادعي لها الله يجزاها عني خير ويطول عمرها على طاعته00
فإذا تبون اعطيكم رقمها وعنوانها عالخاص راسلوني واذا يصير اكتبه عالعام اكتبه بس ابي اذن من المشرفات
والله لأني استفدت منه وحبيت افيدكم
وعلى فكرة هو مكتوب عليه :"دهان للصدفية والحساسية" واللي تستخدمه وتستفيد بس ابي منها دعوة ان ربي ينولني كل اللي في بالي
مرطب احسن شي نفع معاي مرطب ايسرين اسمه نسبته 3% والاكزيما مايشيل الحكه منها الا الكرتزون
مشكورين عالردود بنات
الصراحة انا فقدت الامل احد يرد عالموضوع عشان جذي طولت بالرد عليكم اسفة
انا امي راحت الجلدية اللي بالضاحية ودخلت على دكتورة مصرية عطتها الكريمات ونفعوها حيل
انا ما استخدمت الكريمات لان كنت وقتها قاعده استخدم الكريمات اللي كتبت اساميهم
المهم
بعدها يمكن باسبوعين امي راحت الحلدية وانا معاها لان ايدي كانت تحكني والكريم اللي عندي خلص ومو حالة كل اسبوعين اروح اشتري كريم ب7 دنانير لا واذا وقفت عنه ترجع لي الاكزيما يعني مو علاج
فرحت عند الدكتورة وعطتني العلاج انا ما استخدمت الكريم اللي عطتني ياه الا بعد الروحه بيوم عالمغرب ايدي حكتني واللي بمثل حالتي تعرف شلون تحك الايد
كنت قاعده احك ايدي وبنفس الوقت قطيت كل الادوية اللي بالجيس عالارض كنت بحط الكريم بسرعة قبل ما تخترب ايدي اكثر مما اهيه مختربه
المهم
استخدمت الكريم الليلي
الله لا يوريكم الكريم اهوة نوعيته حار يعني مو حار نار لأ مثل لمن تاكلين ربيان مو يسوي لج حرارة من داخل جسمج جنج بتنبطين جذي صار فيني فرحت بسرعة غسلت ايدي بالصابون اللي كتبت اسمه فوق (الشور جل)
حرقتني بعض الاماكن بصبعي
ويالله على رحمة الله لي اليوم
بس انا الصراحة ودي لو اوقف هالكريمات والله يخرعون
انتوا اول ما تشترون الكريمات شوفوا الاثار الجانبية الواحد شييسوي بعمره اذا صار فيه قصور كلى ولا سرطان (بعيد عنكم )
فانا بحاول بالادعية والقرآن والمقدسات والزيارات وان شالله تختفي الاكزيما
عني وعنكم يا رب
وبغيت اوضح شي ان انا شايفة ناس فيهم اكزيما اخس بس هذا ما يعني انه اكزيمتي خفيفة
بس انا اكزيمتي مو بايدي كلها لا على صبع اي وعلى صبع لأ
يعني الصبع الوسط بيدي اليمين كله اكزيما
والاصبع الاصغر واحد في على طرف يم الظفر
اما ايدي اليمين الصبع اللي بين اطول صبع واقصر صبع الاكزيما كامله بهالمكان
والاصبع الوسط نص الصبع اكزيما
اما اللي بفخذي حالة خاصة يمكن حجمه حجم راحت ايدي
يلا الحمدلله على كل حال
.gif "Eh S(2)")
ياليت اللي عندها فكرة تحطها لييي .gif "Eh S(21)")
