|
|
|
قوه بنات
بغيت اسالكم عن الماده اهيا دسمه وفيها حفظ وايد ؟؟؟
والدكتور متساهل وطيب ولا اتحاشاه
ويعطيكم العافيه
اب
اب
|
بنات اللي عند اللنقاوي 135
الساعه 1
بعرف الدكتور حضر يوم الثلاثا؟
واخذ الغياب؟
وفي محاضره الخميس؟
الله يوفقها اللي ترد علي
|
السلام عليكم شلونكم
بنات بليز الي ماخذه مادة علم اجتماع عند دكتور عبدالله اللنقاوي ضاع مني توصيف المقرر ابي اعرف شنو معانا بالفاينل جم فصل وفي شي منه محذوف ولالا ؟
ويعطيكم العافيه حبايبي
|
السلام عليمن يا بنات ..
شلونكم..
؟؟؟؟
بنات انا ماخذة عمياااني عنددكتوور اسمه عبدالله اللنقاوي .. مدخل علم اجتماع ومضطرة اخذ عنده لان ماكو دكتور غيره ّ!!!!!!!! شرايكم فيه واللي ماخذين عنده من قبل .. شلون كان الوضع وياه يعني التدريس والهومووركات والامتحانات والمعاملة .. مادري ودي اعرف رايكم ..
لاتبخلون علي بالمعلومات .. الله يعطيها العافية ويوفقها اللي تعطيني معلومات دقيقة تفيدني
بالكليه كنت اسمع عن دكاتره انهم عسرين و ما يتفاهمون و اختباراتهم صعبه … و لما اخذت عندهم طلع الحجي مو صحيح ..
و العكس صحيح … يمدحون شخص و يطلعونه للسما و لما آخذ عنده القاه مو شي ..
توكلي على الله … و شدي حيلج و حضري المحاضرات ولا تغيبين و ربي يوفقج
ما اعرف الدكتور بصراحه ..
بس حبيت اقولج .. دشي عمياني على قولتج احسن .. بالكليه كنت اسمع عن دكاتره انهم عسرين و ما يتفاهمون و اختباراتهم صعبه … و لما اخذت عندهم طلع الحجي مو صحيح .. و العكس صحيح … يمدحون شخص و يطلعونه للسما و لما آخذ عنده القاه مو شي .. توكلي على الله … و شدي حيلج و حضري المحاضرات ولا تغيبين و ربي يوفقج |
صاجه والله..
انا رفيجتي ماخذه عنده مرتين..
قلت لها زين تقول عادي وامتحاناته موضوعي <<اهي ماخذه مواد مساند..
وعندها كان برزنتيشن..
واعتقد اهو كان يتشيحط بال بي ام البرتقاليه سيارته اللي كان يقحص فيه وكان يمشي ب80
هذا اللي استنتجتها من سوالفها
والله يوفقج..
من احلى الدكانره اللي درست عندهم
احبــــه بصراحه خوووش دكتور بس
صج لازم تحضرين ووتقعدين جداااااام
اهوا صج نوعه عصبي بس قلبه طيب
يعني يزف البنت وثاني يوم يعتذر له
جدام البنات كلهم
وامتحاناته زينه وموضووعي ومو صعبه
وانا خذيت عنده مادتين وحده +b وحده A-
اخذي الماده وانتي مرتاحه
دكاتر قسم الاجتماع اغلبيتهم يمااااااه
اللنقاوي من احسن الموجودين ,, و في بعد فهد الناصر زيين
و النقييب عجييب
مااادري الصراحة يعجبني اسلوبه و تعامله
اما الشلال لالالالالالا و الف لالالا ماحب هالاستايل
و اكووو وااااااحد يا الله عليه .. شي غلوم مادري نسيت اسمه
اي ذكرت بعد الحداد خذيت عنده
ترى القسم ماساه عكس خدمه اجتماعية اهبلون دكاترته
حتى اسلوب وطريقه اللي علمنا فيها قريداتنا موشي..
الخلاصه دكاتره يمدحونهم ويطلعون مو زينين ودكاتره يذمونونهم ويطلعون زينين..
والله يوفقج..
وقصدج يوسف غلوم..
خلصت انا حبيبتي
كان مساندي حسبي الله عليهم اهم حطولي اياه كان في مشاكل بتحويلي و ماكو الا هالتخصص خلوه مساند كرهت عمري منه
اي يوسف غلوم يعطي نظرية اجتماعية ووووووووووووواي على هالمادة اتييب الماحي والله
وعدل كلام رونه .. صج كل وحدة وشنو اهي اتحب .. اذا تغيب اكيد تبي الدكتور المتساهل ,,, اذا كسلانه تبي اللي يرفع الكيرف .. واذا شاطرة تبي الشديد عشان ما تنظلم
الله يوفقج نوتي..
وبعد يمدحون الدكتور اذا يصيرلها..
او اذا من النوع الفري <<البنت والدكتور قليل ادب يمشي بالمساحل وتدلع..
|
يمدحووووووووونه
الدكتور روووووووووووووووووعة+رووووووووووووووعة+روووووووووو ووعة
الدكتور اينن ومحاضرته تونس وما تملل ويعطي درجات بالهبل يقولكم انا اساميكم عاجبتني بعطيكم 3 درجات وبونص بريزنتيشن 3 درجات للي يبي و10 درجات الحضور والغياب الكل بدون استثناء بس لا تشوفونه لما يحاسب على الغياب يوميا اخر شي ولا كأنه محاسب على شي وامتحاناته سهلة ويساعد اذا احد سألة في الامتحان يشرحله
ونوعه يعلق ويضحك بس والله ما يقصد شي وحتى اذا زعل منه احد شوي يراضيه الدكتور يهبل
مدتيريم واحد بس وانا اصلا ما درست ولا شي والمدتيرم اخذ 23 من 45 وبالفاينل بدعت وعطاني B بلس
—
هالدكتور عجيب عنده كاريزما رهبيه.. كل شي يقوله داش بالامتحان.. يشرح عدل ويعطي اسئله.. بس عيبه شي واحد مايحب احد يعارضه وتجنبوا مناقشته بأي شي لانه متعصب لرأيه .. يعطيك انطباع انه جد ومايضحك بس حليو و راقي بتعامله مع الطالبات حريص على الغياب ويسامح بالتاخير .. احسن دكتور يعطي علم اجتماع
——-
خووش دكتور و يعطي درجات و حبوب و وايد يسولف
بس لا تدق عليه مرته اللبنانيه بالمحاضره لوووووول
امتحاناته سهله بس يبيلها دراسه عدل عدل لأن اييب من بين الاسطر
و يهتم بالغياب وايد
بس ساعات يقعدنا بوقت اطول من المحاضره :/
والكثير الكثير
لالالا بنات انا تخصص اجتماع ماخذه عنده مادتين
ماكو اسلوب كلش وكل متنرفز غير ان كل يستهزأ بالبنات وقت البرزنتيشن ويبدع بالتطنز
امتحاناته اوكي حلوه وسهله بس وقت الدرجات صدمه
ولما الاسامي بالارقام ولازم تحفظينه ويااااااااااااا ويلج اذا نسيته راح يعطيج رقمج بس عقب ما يهزاج
واللي تتاخر طبعا يطردها ويعصب اذا وقت الشرح تسالينه ويطق الطاوله وااااااااااايد
اخر الكورس يقول اذا حاججتينوي بالدرجات راح انزل قرديكم كلش ما يعرف
مره وحده من البنات فشله وقت البرزنتيشن وهزأها بالمحاضره وطلعت من المحاضره تبجي وعقبها بيوم يت اهي واخوانها واهم مجسمين لوووووووووووول اهو قالنا بالمحاضره انا اخاف من المجسمين تخيلي صار كل ما يمر يمها يعتذر هههههه حتى جدامنا لووووول حبوبه انا مابي اخرعج بس هذا الصج وكل البنات بالكليه يقولون جذي
دايم يقول اذا سقطتكم لاتدعون علي تخيلي وايد طاح بالمستشفى اهو اشكره قالنا بالمحاضره هالسالفه
ماعلي يا قلبي شدي حيلج وسوي اللي عليج وموفقه يارب
البرزنتيشن إجباري عنده؟؟؟؟؟؟؟؟
وبصراحة المادة حلوة صج ان فيها علماء واايد بس سهلة
والدكتور زين وانا خذيت عنده 3 مواد
ثنتين a ووحدة -a
وأنصحج تسجلين عنده
توصيات المدام الله يسلمج لووول
|
السلام عليكم "
ابي اعرف وين عنوان الدكتوره صبريه اللنقاوي اختي متزوجه وبتروحلها عشان فيها التهابات بالمهبل وما تدري اذا زينه هالدكتوره ولا لا ولي راحتلها يا ريت اتقولنا عنها ومشكورون والله يعطيكم العافيه
بعماره جبال مركز سلطان
|
السلاااااااااام بنااات
مسعد الشلاش(العمل مع الجماعات) <<< متى طلع الدكتور هذا ماادري
عفيه بنات شنو نظامه طيب شديد امتحاناته موضوعي مقالي شسالفته
ولا اخذ عند عبدالله اللنقاوي مشكلات اجنماعيه ؟؟؟؟؟؟؟؟
لازم اختار وحده بينهم
وبسألكم احدماخذ مبادئ خرائط عند محمد شافي سهله ولا صعبه
والله يوفق الي ترد علي والله يسهل عليها الموااادوالتسجييل
اذا تبين تضمنين A
ما لج إلا دكتور عبدالله اللنقاوي وايد الماده سهله
آنا ماخذتها عنده وامتحاناته موضوعي ما في مقالي
ودراسته عن مشكلات اجتماعيه يعني
مثل سرقة و مخدرات وطلاق وعنف الطلابي وبعض نظريات
والماده وايد سهله
أما بالنسبة العمل مع الجماعات ما انصجح فيها
ومبادئ خرائط والله ما اعرفها وانشالله بنات يساعدونج
موفقه حبيبتي
ان دكتور عبدالله اللنقاوي
حبوب و طيب و محترم
محاضرته تونس اغلبها ضحك
وتقسيم درجات
الميدتيرم عليه 45 درجه
وحضور وغياب 5 درجات
وفاينل 50
وبالنسبه برسنتيشن يعطيج عليه بونس مو إلزامي
ويوم الخميس كله يعطينا أوف يعني ما في محاضره
وعلى فكره محاضرته خفيفه تمر بسهاله
و نفسيته حلوه و غشمرجي
آنا ابصراحه انصحج فيه
اول مره اسمع فيها ؟؟
عمل مع جماعات بكلية علوم الاجتماعية بتخصص خدمة اجتماعية
مبادئ خرائط بكلية علوم الاجتماعية بتخصص الجغرافية
كتبي اسم أي دكتور بجامعة الكويت ويطلعلج تقييم الطلبه عليه
اليوزرنيم مالي : nono-ful
الباسوورد: 123456
وأتمنى انج تقيمين انتي بعد الدكاتره اللي خذيتي عندهم علشان غيرج يستفيد
طبعا انا استغنيت عن اليوزرنيم والباسوورد مالي لأني تخرجت
وانشالله تستفيدين
وإذا ما لقيتيه عاليمين في أسماء الكليات .. دشي على كليتج ودوري الدكتور
ومحلله أي بنت تاخذ اليوزرنيم والباسوورد مالي علشان تستفيد
تسلموون ما قصرتوووو
واي احد عنده معرفه بهالدكاتره ياريت يفيدناا
امتحاناته موضوعيه بس دقيقه يعني يبيلها تركيز بس موصعبه حييييل ..,
وصح عنده برزنتيشن عليه 5 درجات بس لازم تقومين وانتي واثقه من اللي تقولين له والا اقعدي احسن لج بعض البنات يفشلهم خخخ مايسوى
عليهم قاموا
وووبس , وموفقه يارب
اب اب
موفقه
|
قوة بنات
بغيت أسأل نزل الدرجـات
لاني مكلمتـه قـال الاحد
تعنيت ولا لقيته حاطهم عند المكتب ولا بالسستم !!!!!