|
|
انا عضوه قديمه بس دخلت بعضويه جديده علشان لحد يعرفني
المهم يا بنات نخيتكم شورا علي شسوي نفسيتي تعبانه
انا ودي استقر وأكون أم ويكون عندي عيال
قاعده اكتبلكم ومتحسره على عمري ودمعتي على خدي.gif "Eh S(2)")
انا ضحيه من اهل زوج نصابين
اول مره تطلقت وماعندي عيال الحمدالله ومريت علي ايام عصيبه عقب الطلاق
من كل الناس حتى من اهلي جنه مسويه جريمه
معنى انا مالي ذنب امه غصبته يتزوجني معنى انه يحب وحده ثانيه
واهوا يقولي انتي خوش بنت بس عناد في امه بيطلقني
ويتزوج اللي يحبها وامه ماقالتلنا عن هالسالفه
زواجي الثاني صارلي شهرين متزوجه ومعلقه لا متزوجه ولا مطلقه
ومابي اتطلق واعيش الايام السوده اللي عشتها قبل وبنفس الوقت
موحاسه بأمان مع زوجي لان متزوجني مصلحه
حسبي الله ونعم الوكيل على اهله النصابين
قالوا لنا لما تقدمولي ان فيه صدمه نفسيه لما اخوه مات
والحين ياخذ علاج نفسي وعلاجه بسيط وراح يتحسن
بعدين اكتشفت ان اهوا مريض ويعالج في مستشفى الطب النفسي قبل لا يموت اخوه
ومتزوجني لان اهوا فيه مرض نفسي ومتوهق مع أدوية المستشفى واهله
كل مايقطع الادويه يدخلونه المستشفى والطبيب قايله اذا تبي نقطع لك الدوا تتزوج
لان الزواج راح يخلي حالتك مستقره واحتمال تتحسن
جدام الناس واهله واهلي يسوي روحه ان مستانس ومرتاح علشان يخففون عنه الادويه
اهوا مايبي عيال ولا يصلي ولا يصوم بس جدام اهله واهلي
لما نزور اهله يسوي روحه صايم جدام اهله ويروح المسجد مع ابوه واخوانه واهوا اصلا مايصلي
ياخذ معاش ولا يداوم كلا نايم في الشقه
في عشر الاواخر تهاوشت معاه لان عطاني مصروف علشان اشتري
ملابس للعيد وقالي رديلي الفلوس لاني رفضت آخذله غرض من البنك
انا مارديتله المصروف اللي عطاه لي طقني وقالي انا ماابيج راح اطلقج
بس مو بسهوله راح اخليج تتنازلين عن حقوقج وراح اذيج بس لما افتك من الدوا
وانا لي الحين في بيت اهلي وفي آخر رمضان رحت مع اخوي شقتي
آخذ اغراضي اخوي قال لزوجي ييب ابوك واخوانك وتعال لابوي نتفاهم
اهوا لي الحين محد كلم ابوي ومعلقني لا متزوجه ولا مطلقه
وشوفي شلون يتبدل حالج ان شالله ودام خايفه من الطلاق ادعي ربج يتعدل وظعج وينصلح حاله
ولازم تصلين جدامه مع الايام بيستحي ويصلي وقعديه على صلاه الفير وكل ما ياذن ذكريه حتى لو مايقوم
والقرض لاتاخذيله قرض خلج شاطره
وسالفه مرضه حاولي تعيئيله بيئه حلوه في البيت
من نظافه البيت وشكله وترتيبه وريحته والوجبات غيريله كل مره شي والقهوه والجاي والحلو
وتكشخي جنج بتطلعين استقبال او يمعه حريم كل يوم خلج شي حلو
وتعاملي من اليوم ورايح معاه بغموض مو كل شي يعرفه عنج اذا طلع عادي خلج بكشختج وطاعي تلفزيون وشبكي
وقعدي واستانسي بروحج واذا رجع البيت بيحس ان الجو ممتع وبيقعد واذا صار وقت الصلاه قومي وقوميه معاج
وشكرا
اول شي استخيري .. وانصحج ماتطلقين ..’
اصبري عليه وادعي واستغفري وعليج بقيام الليل
صدقيني ربي سبحانه يخرج الحي من الميت ومخرج الميت من الحي قادر ع كل شي
بس ادعي الله من كل قلبج .. صدقيني الله سبحانه وتعالى يستحي يرد ايدي عبده صفر
اسأل الله ان يرزقج الخيره بأمرج ويصلح الحال
واهوا مااتصل ولا ياني يصالحني
وأهلي اتصلوا على اهله يحقرون مايردون علينا
انا الحين معلقه لا متطلقه ولا متزوجه
خواتي علموني شسوي ؟؟
اسمعي يا عمري
اول شي أسفهوه لا تكلمونه ولااااااااااااا تترجونه المنه عليه خلي هو يحس بقدرج لو تقعدين مليون سنه
انطري شهر بالكثير ان ما سال ولا رسل شيء اطلبي الطلاق منه
ولااااااااااااااااااا تاخذين له قرض ديري بالج باجر يطق عليج مره ويطلقج وتصيرين ضحيه
ديري بالج من هلموضوع
هو لو رجال جان ماطلب منج قرض وانتي مره باجر تجي الشرطه تجرج من بيتج وهو مرتاح وفشيلتج بوجه اهلج اللي مالهم ذنب
ولا هو بيتزوج ويجيب عيال وانتي مطلقه المره بدالها مره
نصيحه مني لج لاتردين له هذاا زود ماهوو مريض نفسي وهالشي من الله يمكن تحملينه انه انسان نذل ومايخاف الله لافيج ولا في نفسه لان في كثير ناس مراضى يحاولون يصلون ويقروون قرآن عشان ربي يشافيهم
اطلبي الطلاق اصلا لايهمج الا نفسج وادعي ربج يجعلج من كل ضيق مخرجا
وكلنا بندعيلج بس الاهم كوني قويه وتخلصي منه ومن اهله اللي ماخافوا ربهم فيج وغشووج
قولي هذا مريض نفسي ولا صلاه ولا صوم ولا خوف من الله
راح يطلقونج منه مليون بالميه
الله يكون بعونج
تحسبي عليهم هالاهل
اكيد زوجوكي ابنهم علشان يفتكون منه
ماعلينا التزمي بالصلاة وصلي بالأوقات الصلاة وادعي الدعوات الفرج والله يفرج همج ويفتحها عليج من واسع الأبواب
وصبري شوية لا تطلقين حاولي تصبرين هذا نصيبج وابتلاء من رب العالمين
ما لج الا الدعاء والصلاة لربنا
الله يهون عليج
اللهم بارك .gif "Eh S(7)")
اذا بديتوا معاها من اول يوم بإذن الله .gif "Eh S(9)")
.gif "Eh S(17)")
.gif "Eh S(6)")
