الوسم: القطان

مرحبا امهات

منو جربت او سمعت عن ولادة الدكتورة فوزية القطان انا صراحة اراجع عندها وودي تولدني فانتوا اشرايكم

الله يسهل عليج يارب

امين يارب مشكورة حبيبتي

انا ولدت عندها مرتين .. حلوه ولادتها

عسى الله يسهل عليج وعلينا*

اللــــه يـــســـهـــل عـــلـــيـــج ويــــقــــومـــج بـــاالــــســـلامـــه

ااااااااااااب

انا بجريه واراجع عندها

وان شاء الله بولد عندها ناس وايد والدين عندها

ويمدحونها

والله يهون عليج وعلي وعلى كل البنات يااارب

حبيبتي الله يسهل عليج و علينا
و قبل كل شي استخيري

مرت أبوي ولدت عندها تقول رووعه وخياطها حلوو تجميييل تسويلج ، حتى نفسيتها حلوة بوقت ولادة
وعسى الله يسهل عليج ،

مشكورين حبايبي طمنتوني
بس على فكرة هي تجي بس بالشفا والهادي اخاف تتاخر على ولايصير فيها ضرف معين

اهي تولد بالهادي ودار الشفا ورويال حياه

هالثلاث مستشفيات

انا سويت عندها الربط وارتحت لها
كان بالهادي
اختاري الهادي او دار الشفا او رويال
بس رويال غالي

اي انا اراجع عندها اساسا روووعة

انا ولدت عندها ولادتها زينه

انا بعد اراجع عندها الله يسهل علينا

انا توني والده عندها تهبببببل

بنات انا الحين قاعدة اراجع عند فوزية القطان

بس بغيت اسالكم اشرايكم فيها

يعني من ناحية الولادة

و الخياط

و لما صار فيكم ولادة اتأخرت عليكم و لا لأ

و جم تاخذ على الولادة

و شكرا

الله ما عندي فكره يا عمري

انا اشوف انها مسألة حظ..

بس شوفي هالموضوع..

https://www.q8yat.net/showthread.php?t=255858

أنا حماتي تموت عليها وتمدحها و ما تحمل و تولد الا عندها . بس في ناس خوفوني منها

ابببببب

حبيبتي التساهيل من رب العالمين عن تجربة روعة والخياط أروع أول مرة ما احس بش من الخياط ماشاء الله وتاخذ طبيعي 250 دينار
وكل شئ بتساهيل والله هون عليك ويسهل عليج

خالتي توها والده عندها
حييييييل زينه من ناحية الولاده والخياط بعد

انا رفيجتي اولدت عندها تمدحها حيييييييييييل
هي وخواتها دايمن يولدون عندها ..

صراحة كل من وحظة بس اللي اعرفهم راحوا لها باسوا التوبة ما يردون لها انا اقول اخذي موعد وقعدي معاها يمكن ترتاحين لها و يمكن لا الله يسهل عليج

مشكورين حبيباتي على تفاعلكم..
الحور متى رفيجتج اولدت عندها وفي اي مستشفى؟
tota in indiana والله آنه صارلي فترة اراجعها ومرتاحتلها وايد..حبوبه وبالها طويل واتهبل واتحسينها خبيرة بس خوفتيني والله..اللي اتعرفينهم متى اولدو عندها؟

انا سمعت ان خياطتها عجيبه يقولون اهي متميزه بهالشي —-ترد الوحده بنت

يالله بناات نبي همتكم …

منو اللي تراجع عند دكتورة فوزيه القطاان نبي نسوي تجمع لنا كل وحده تدخل وتقول هي اي شهر وراح تولد باي مستشفى
وشنو راايها بدكتورة

انا ببتدي الاولى …

انا بالشهر الراابع مراجعااتي كل عندها ولحد الحين مااعرف نوع الجنين وللحين مااقررت وين أولد اي مستشفى بس باالي ياالمواساة او السيف …
اما دكتوورة اول مرة ارااجع عندها..بس نفسيتها كبداايه حلوة

مغروره الله يتمم حملج غلى خير والدكتورة فوزية لها تجمع بقسم تأخر الحمل
وفي بعد بقسمنا فوق بداية الشريط قسم تجمع حوامل كويتيات

وياربي ترزقني وادش معاك التجمع يااااااارب

تسلمين يااقلبي
وربي اني تعبت وانا ادور تجمع بس مالقيت فديتج يااالغلا صرااحه مااقصرتي ياارب يعطيج على قد نيتج

العفووووووووو حبيبتي ويارب تقومين بالسلامه وتفرحين بضناج سليم معافى يارب

فيه تجمع بقسم الانجاب ماشالله عليهم كلهم يعرفونها من سنين

انا شخصيا اراجع عندها وشااطره بس عيبها الزحمه وماتعطيج وقتج كفايه يعني شغلها بسرعه بسرعه بسرعه حتي وقت الولاده بطلعه الراس تييلج ولمن تولدين وتخلصين ما تييلج تشووف حالتج كلا مساعدينهااا

بس للأمانه اقولج هي الدكتووره الأولي بالكويت

انا اراجع عندها حييييل ممتازة ونفسيتها عسل ….
ولادتي شهر 11 وبولد انشالله برويال حياة كنت ابي المواساة بس مارضت ونصحتني اروح رويال ….

الدكتوره فوزيه تينن الله يجزاها خير والجنه انشاء الله انا عالجت وحملت بعد الله سبحانه عندها الحمد لله نفسيتها روعه وبالنسبه للولاده انا بعد نصحتنى برويال حياة والحمد لله مستشفى روعه والسسترات يهبلون يدلعونج دلع تحسين انج ملكه ولاتخافين الدكاتره اللى برويال يحترمونها مايسوون شى الا يدقون عليها جدامى يكلمونها يقولولن لها اول بأول حتى نص الليل انا كنت خايفه من هالشى بس الحمد لله وقبل لااطلع يتنى تفاجأت فيها الصراحه فجت الباب ودشت شافت جرحى وشافت البيبى ولعبته حدها تينن الصراحه وانشاء الله الحمل الثانى عندها

ادعولى ان الله يرزقنى بنت

تبين الصج

هي ممتازه

بس عيبها الزحمه والزحمه والزحمه وماتعطيج حقج بالفحص سريعه حيل
وبالولاده ماتييج الا حزة الولادة

نصيحتي اذا تقدرين تاخذين رقمها وتكلمينها مباشرة وايد احسن

ماقصرتواااااااااا

السلام عليكم
طبعا موضوعي مبين اني محتاره بين هالثلاث دكتورات مع اني ماجربت ولاوحده فيهم ابي اللي جربوهم يفيدوني الله يجزاكم خير وابيكم تجاوبوني من خلال الآتي:
– طريقتها معاج بالفحص والزيارات للعياده؟
– هل عيادتها ازدحام ولا سهالات وبالرقم والموعد؟
-طريقتها معاج بغرفه الولاده؟
– هل صبوره ولا لأ وقت الولاده -يعني تبي تخلص وتولدج قيصري ولالأ؟
– بالأشياء الطارئة لاقدر الله تحسينها فاهمه وشاطره ولا تختبص وتوهق ؟
-بوقت الولاده تييج من اول شي ولاتنطرج توصلين 8سم يالله تيي؟
-إي جم تاخذ وشنو المستشفى اللي تولد فيه؟

ناطره تفاعلكم معاااااي

أنا ع طوٌل عند د فوزيه القطآن من 12 سنه تقريبآ
عمليآتي ومراجعاتي ..

ماشااء الله صج دكتوره
بس العيب عيادتها كله زحممه ..
بس تستاهل العنوه

وايد اسمعهم يمدحون د ليلى أشكناني
وموفقه

\

انزين خياطها شلونه وهل اهي صبوره عليج ولابتخلص وبس ووين تولد بأي مستشفى ؟ وجم تاخذ
ماجاوبتيني وايد

انا ابجري كنت عند فوزيه بس حزة الولاده ماقدرت تييني ولدتني مساعدتها

وتاخذ 250 اذا طبيعي

وحتى مساعدتها نفس السعر

وهالمره اتمنى تولدني لان هم اراجع بعيادتها

اللي متأكده منه انها تولد بالشفا ورويال حياة

اي وعلى الخياط

انا خياطي تبطل وعقب رحت حق فوزيه واهي خيطتني

فجت الخياط اللي قبل وخيطتنيييييي مره ثانيه <<<<عذاااااااااااااب

بس خياطها اوكييييييييي

مشكوووورة حبيبت على الرد تسلميييين
يالله بنات ناطره ردودكم على باجي الدكتورات

اب اب لعيونج

مشكوووره عل الأب هايدي

انا الحين اراجع عند ليلى واروح عيادتها الصبح مافيها احد وادش ونفسيتها حلوه وحبوبه
والولاده ماجربتها توني بجر
واللي اعرفه الطبيعي ٢٥٠ والقيصري٣٥٠ والمراجعة تاخذ ١٢ دينار ومع السونار يصير ٣٢
والله يسهل عليج

اب اب اب

انا جربت فوزيه القطان

دكتوره ماعليها كلام, شاطره وتهبل وخياطها زين

بس عيبها الزحمه

ولادتي الاولى عند ليلى اشكناني تهبل وصبوره واهي طبعها هادي يعني حزه الولاده مارح تحسين بخوف وتوتر كلش معاها والحين انا اراجع عندها وان شا الله اهي الي تولدني باذن الله
انا اروح لها العياده الصبح مافي زحمه وايد

انا جربت سلوى الرفاعي بولادتي .. بالصدفه ادخلت علي
ولدتني كانت يايه حق مريضاتها لان اتولد قيصري بالفروانيه

اسلوبها روعه وصبوره وخياطها حلو وحاشني نزيف واقعدت
تشوف شنو السبب وتسولف معاي … ووايد ساعدتني وشجعتني
وهدتني لاني بجر …

قبل اسبوع مولده رفيجتي بدار الشفا … وايد اصبرت عليها وساعدتها
واتهديها كانت وبنفس الوقت اتهدي اهلها واتفهمهم ان الوضع طبيعي
لانها بجر وخايفه …

دكتوره ليلى اشكناني تهبل هاديه وصبوره وطريقتهم بالدور الي توصل اول تدخل وتاخذ ٢٥٠ طبيعي و٣٥٠ عمليه
والمراجعه ١٢ مع السونار ٣٢ انصحج فيها والله معاملتها مرييييحه ماتحسين بخووف وتييلج مبجر وتعطيج رقمها لمن تدخلين شهرج عساس اي شي يصير تدقين علييها

بنااات امانه منو جرب او يعرف احد جرب الخياط التجميلي للدكتوره فوزيه القطان ؟!! انا مره سألتها ان صج الخياط التجميلي يردني بنت جان تقولي لأ!!!!!!!!! بليز بنات ردوا علي انا بشهري واذا مامدحتوها بغيرها لان بالنسبه لي اهم شي الخياط..
ويعطيييكم الف عافيه..

حياتي التجميلي يضيق ما يردج بنت بمعنى الكلمة وكل الدكاتره الحين يسونه وصدقت الدكتورة وقالتلج الشي اللي البنات يحسبون انهم يردون بنات ماتردين بنت الا بعملية البكارة

امبيييييييييه ضحكتيني انا مو قصدي اني ارجع بنت بمعنى الكلمه خووو انا ما ابيها تحط لي غشاء بكاره لوووووووووول ..
انا قصدي ارد مثل ماكنت عرفتيييييي

اي يا قلبي فهمتج بس انا وضحتلج شنوو قصد الدكتورة اهي راح تضيقج التضييق اللي قريب من انج بنت
لا تخافين الكل الحين يسويه
وربي يسهل عليج حبيبتي

banaaat eshd3wwwww m7d emjarb dr.fozia!!!!

اختي والدة عندها حيل تمدح اخياطها تقول صغير و لا كاني والده و عقيه حيل ضيجه لدرجه بتقولها لاتخيطيني حيل تأذيت اول يوم (: جني بنت

اختي مجربتها 3 مرات

ما شاء الله وايد تمدح خياطها

وانا بعد بولد عندها وتقول ان حتى ايدها خفيفه وايد بالفحص وخياطها روووعه

بعد الولادة كل الاطباء الحين يسوون التضييق التجميلي هذا اللي اعرفه بالمستشفيات الخاصة
أنا بالولادتين خيطوني تجميلي بمستشفى المواساة
وانتي سألي طبيبك اللي بتولدين عنده لو يسوي الخياط التجميلي بعد الولادة مباشرة

صدج وايد يمدحون خياطة المواساة بس شدعوه اسعارهم غالية

خياطها ممتاز
وتخيط تجميلي من غير ما اتزيدج سعر

لانه المفروض انه حساب التجميلي غير

بس هي ماتزيد

قولو امين ان شاء الله احمل واولد عندها وتخيطني عدل واييب ولد سليم وجميل

انا اولد عدها بس مع الاسف قيصريه ما اقدر افيدج خياط العمليه روعه صغير و مرتب

بس اعرف جم وحده طبيعي يمدحونه حيل

بنات انا الحين اراجع عندها بس في كذا وحده تقوووووول ماتاخذ فلوس على الخياط

بس تعبها والتجميلي ماتسويه الا بس جم غرزه بره

Up up up up

بنات باي مستشفي فوزيه القطان انا ماعرف شي عن الدكاتره الزينين

السلام عليكم

كل الصفحات تفتح عادى الا تجمع فوزيهالقطان يطلعلى الموقع يتطور عاودى الزيارة ليش

يمكن زعلان عليج ههههههههههههههههههههههه

لاصج خل اروووج اجرب وارد

ماجربت ادخل اليوووم

وااي ما أستغني عنه انااااااا

حبيبتي يدخل معاي مافيه شي

شوفي سوي ريستارت لجهازج يمكن معلق معاج

واذا حابه تفضفضين او عندج سؤال سأليه اهنيه واحنا مانقصر معاج

امبى لاء موصج بموت من الحره مااعرف لازم ادش اشمعنى هالصفحه ماتفتح

سويتي رستارت؟؟

ايى والله عندى جم سؤال
ودى اعرف عدد البويضات لما نسوى السحب جم لازم يكون العدد اقل شى
والحركه الدكتوره قالتلى لاتتحركين بس بالفراش اول يومين وبعدين الحركه بالبيت بس خفيفه طبعا
وطبيعى تقل الشهيه
وفينى عوار وايد بطنى عادى
ياريت تردين على مشكوره

شووفي لو يسحبون 100 بويضه لو 4 لو 10 كاافي
المهم نبي أحنا 4 اجنه حلوين وانقسامهم حلو

لأن بالكويت عندنا 4 اجنه هما الي يردون برحم الأم وممنوع تحط أكثر من 4 أجنه

وهي تجمد بس الدرجه الأولي
الدرجه الثانيه والثالثه والرابعه ماتجمدهم تقطهم لان بوقت الترجيع راح تفججهم ويختربون هذا الي اعرفه

بس الفرش الي ترجعهم عادي بس شرط اذا ماكو درجه أولي

والأولي والثاانيه والثالثه والرابعه سبحان الله تقدرين تحملين فيهم مو شرط الدرجه الأولي

هنيه السحب الي تسحب بويضات موش رط العدد بس الي موحلو اذا حطوا الحيوانات المنويه وماصر انقسام هنيه المشكله

وبالنسبه للحركه قالتلج بس يومين
لان اذا ردت الاجنه برحمج يومين يسبحون برحمج وبعدين يتثبتون فبعدين خلي حركتج داخل البيت خفيفه
واذا بتقدين طول الاسبوعين علي ظهرج اهنيه الي موزين لان لازم تتحركين شوي علشان الدم يمشي بجسمج

وعلي الشهيه انا الي اعرفه لي الحين من أثر البنج ماتشتهين تاكلين بعدين حبيبتي عادي ان شالله تفتح شهيتج

والعوار شلوون صاير؟؟

يعني مثل عوار دوره ولا نغزااااات؟؟

ان شالله هذا يكون انغراس للأجنه وشي طبيعي لا تحاتين حبوبه
مانعرف اذا حمل ولا لأ لأن وايد بنات سووها يحسوون بنفس العوار الي تحمل ولي ماتحمل

والله يرزقج ياقبيطه وثبت اجنتج يا ارحم الرحمين
واي سؤال انا حاظره من عيووني

ما شاء الله عليج عطيتينى معلومات ممتازه اول مره درجه اولى وثانيه ولعوار اللى فينى عوار دوره مره يكون قوى ومره عادى
اللهم انى استودعك اجنتى يامن لاتضيع تضيع لديه الودائع

اي رددي هالدعاااء وااايد
وان شالله هذولا الاجنه يتعشعشووون برحمج
عوار الدوره مثل عوار الحمل

والله يطمن بالج ويرزقج يارب

واى لاء كلش موراضى يفتح اللى تعرف الحل تساعدنى سويت ري ستارت وماكوفايده

قوة حوامل

سؤالي مبين من العنوان

اللي ولدت عند د. فوزية القطان طبيعي او قيصري

بلييز ابي شرح وافي من اول مادخلت غرفة ولادة لين ولدت بسلامه وشلون كمامها وخياطها

لان انا ناوية اولد عندها قيصرية ان شاء الله
لان كان لي ماضي اسود بلولادة الطبيعية بمستشفا الصباح الله ياخذهم بهدلوني
نزلت البيبي بالرابع مع طلق صناعي بدون بنج والله كتبلي عمر يديد

ود فوزيه قنعتني بلولادة طبيعية تقولي مع ابرة الظهر والكمام اصلا تولدين وانتي تضحكين

بليز بليز بنات فيدوني
وانا بستخير وبتوكل على الله

انا ولدت عندها الصراحه روعه. اول مارحت المستشفى رحت الطوارئ فحصتني دكتورة وقالتلي دخول ولاده ودقوا عليها قالولها طبعا صعدوني فوق وخذوا دم وعطوني كمام وبطوا الناي زاد الطلق علي وولدت الحمدلله طبيعي وسهاله لاتخافين السهاله من الله ادعي ربج يسهل ولادتج

يالله بعد ابي تشجيع
ولادة طبيعية والا قيصرية

اخاف تتعسر الطبيعية ويحولوني قيصري
ماتسوي علي

شنو محد ولد عند دكتورة فوزية

يالله بنات لاتصيرون بخيلات

هلا حبيبتي

تهبل فوزيه أنا ولدت عندها قيصري كنت حامل بتوأم ولما دشيت شهري اول اسبوع حددتلي يوم الولاده ورحت ودقوا عليها لما جهزت بس أنا تعبت من النومه علي الظهر بغرفة العمليات احس التوينز وصلوا حلجي 
طبعا أنا طلبت بنج كامل مابي نص خايفه.. فقلت بنجوني خلاص تعبت قالوا الدكتوره فوزيه موراضيه تقول لازم اصبح عليها قبل البنج
شوي الا داشه علي تقولي صباح الخييييييير شحلاتها تهبل وحطت ايدها علي جبهتي قالت نبدي وأسمعها تقول الدعاء بسم الله الذي لايضر مع اسمه شي وهو السميع العليم…. الا أنا بعااااااااااالم ثااااااني … بعدها بفتره قعدوني قالوا مبرووووووك جبتي احلى بنتين ربي يخليهم لي

انصحج فيها تهبل جنها وحده من خواتج تنصحج من قلبها..
ربي يتمم عليج ويسهل عليناااااا يارب

الله يهون عليج يارب واحلى اب لعيونج

انا ولدت عنها قيصري تهبل شوي عليها

شلون خياطها بالقيصري عادي والا تجميلي
وثاني يوم من الولادة تيي تشوف الجرح والا لا

واللي ولدت قيصري شلون حالج اول ٣ ايام
سويتي استقبالج بلمستشفا؟

انا جربتها طبيعي

وما اذكرها بالولادة لاني كنت بعالم ثاني وماحسيت بالالم

وخياطها كان حلو

وودي تولدني مرة ثانية بس احتمال ما اتولد بالسيف

راجعت عندها طول فترة الحمال و ولدتني طبيعي , يالي طلق و رحت المستشفى قعدت جم ساعه اطلق و اعاني من الالم لانة الكمام ما طاح علي كلش جان اطلب ابرة ظهر و خذيتها الحمدلله ارتحت ما حسيت في الجزء السفلي و كلموا د.فوزية و يتلي الصبح سلمت علي يحليلها اهي و عنقوصتها حتى بالولادة متكشخة و فحصتني و قالت يالله ولادة و استغربت من شجاعتي ما خفت كلش قاعدة اطالعها و اهي تولدني عادي جني اشوف تلفزيون هههه , و خياطها كان مظبوط ما تأذيت و لا يغز او يعور , و اهوطبعا تجميلي لمن تشوفين المنطقة مافيها غرز او خيوط و بعدين تطيح لا جنة كبس و ملتأم , عن نفسي انا وايد ارتحت معاها لان شاطرة و نفسيتها حلوة و ايدها خفيفة , و الحين حق حمالي الثاني اراجع عندها و بدون تفكير ابي اولد عندها ان شاء الله

اي و نسيت اقول ان عقب الولادة بيوم تيي الغرفة تشوف تجيك على الخياط و معاها سستر تنظف المكان جدامها و بعدين تعطيني موعد اراجع عندها بعد اسبوع .

انا كل ولاداتي عندهااااا والحمدلله طبيعي ووتعطيني بنج ووقت طلعت الراس تنومني وحيييييل احبهاااااا بس عيبهاااا تتاخر تجي حدا حدااااااا وسوتلي تجميلي بالاخير والحمدلله خياطهااا زين

الله يعون عليج

سوري يهون

انا بجر واراجع عندها الحين اسلوبها ومعاملتها ماشاءالله والي ولدو عندها من قرايبي يمدحونها
والسهاله من الله الله يسهل ويهون علينا

اذكر اضبط بالشهور الوسطى عالسادس ….. ان شاء الله البنات يفيدونج

آمس سويت سونآر عندهآ والله روٌعه شويه عليه
وقالت لي احسن وقت السابع ..
بس احس مايختلف عن العآدي لانه ماشاء الله سونارها العادي وايد حلو

ما أدري أنا كنت راح أسوي بس قالوا يضر أحسن بالثلث الأخير من الحمل
تسلمين على مرورج

وبين معاها العضاء الداخليه
وفيس البيبي كان واضح ولا مثل ما قالوا لازم أكثر يومها من شرب الماي
ماقلتي جم كان سعره

انا اللي اعرفه الرباااعي احلى وقت له بالسااابع بالبداااية

واب لعيوونج

تسلمين ياقلبي

انا سويت عندها يوم كنت بالسادس الشهر اللي فات كان وااضح انه صبي ورتني اياه عدل و الملامح بعد كانت واضحه والرباعي ب50 والعادي ب20

آيه حبيبتي كل شي وآضح مااشاء الله وآنا اشوف بغيت آخمط الشاشه لوول
والوي وآضح بس تدرين كل شي متفوٌخ من الماي
عطتني الحجم وحتى حجم المشيمه مع سي دي و 8 صوٌر

وكلفني السونار مع المراجعه 62 دينار
وانا قلت لها بس ابي سونار قالت لآزم مع مراجعه لاني قبلها مراجعه عند دكتوٌره نهله "
وبس دكتوره فوزيه تسوي السونار اللي عندها مايسوون فاخذي موعد وروحي الصبح آحسن لانه زحممممه "

\

لررررررررررررررررررررفع

تسلمين حبيبتي

مشكوره حبيبتي أنا مراجعتي بعد يومين بس ما أدري ليش هالمره أحاتي

مشكوووووووووووره ياكويتيه

قوة بنوتات كويتيات شلونكم بعد الاجازة الحلوة..
حبيت اخذ رايكم بشغلة وهي اني قررت اسوي تلقيح صناعي الشهر الياي انشالله

بس وين تنصحوني اسويها ؟

عند فوزية القطان والا عالية الفضلي؟
ابي نصيحة عن تجربة ودكتورة فيها ذمة وضمير لاني تعبت من المنشطات ولعب الدكاترة فيني

الله يخليكم تردون علي بأسرع ما يمكن ..ومتى اروحلها هل قبل الدورة والا اثناءها.؟؟

مشكوريين حبيباتي

حبيبتي ما عندي فكررررررررره

بس فوزية القطان اشهر من نار على علم واهي ممتازه بهالسوالف

كانت معاها الدكتوره ريم الصافي وايد يمدحونها والحين

فتحتلها عياده خاصة بعد ضغط المرضى عليها

سمعتي فيها؟؟

الله يرزقج يرزقني وكل بنات القسم ياااااااااااااااااااارب

والله مادري عن فوزيه بس عاليه ما انصحج فيها على ذمة الي يراجعون عندها يقولون حدها تجاريه وما تراعي مرضاها انتي سالي عدل وتاكدي قبل تروحين والله كريم

انا كنت أخذ علاج عند عاليه الفضلي بس ما طولت عندها
المهم رفيجتي سوت جم مره تلقيح عند دكاتره ثانيين وما صار بس آخر مره راحت حق ماجده اليتامىسوت لها تلقيح صناعي وايد امدحتها والحمدلله الله رزقها ولد عسى الله يرزقكم ———آمين

شوفي يا الغلا

الدكاترة حظ نصيب سبحان الله واللي يمشي مع غيرج ما يمشي معاج

شوفي

صلي استخارة وكلي ربج وباذن الله ما يخيب رجاك وبصراحه عاليه الفضلي تهبل واولا وخيرا خلي املج بالله كبير وان شاء الله نسمع الاخبار الطيبه

انا قول استخيري وروحي حق عاليه الفضلي تراها خوش وحده

حبيبتي
انا بعد ما تاخرت بالحمل سنتين و نص و خلال هالسنتين و نص جربت جم دكتوره بس ما كنت ارتاحلهم ابدا
سويت تلقيح صناعي و علاج و منشطات و ما فاد عند دكتورات غيرهم
اخر شي رحت عند فوزيه القطان و ماشالله عليها واااايد شاطره انا سمعت الكل يمدحها
و فعلا ارتحتلها و ابتدت معاي خطوه خطوه
بس انا طلبت منها تسويلي عمليه الحقن المجهري و اهيا بالبدايه قالتلي ترى انتي صغيره و نطري شوي
بس انا كنت مستعيله و سويتها
و الحمدلله و الشكر له نجحت عمليتي عندها
بفضل الله و الدعاااء و الصدقات اولا
و بفضل الدكتوره فوزيه ثانيا
و اسعارها تعتبر متوسطه و ما تفرق عن غيرها وايد بالاسعار
و الزحمه عندها واااايد
الله يوفقج حبيبتي و انشالله تحملين قريبا

انا رايي تروحين العيادة و تشوفين و تسالين اهم شي الاستخارة و ين يرتاح قلبج

انا بعد اقولج استخيري احسن

شكرا للبنات اللي ردوا علي صراخة فيكم الخير وماتوقعت ردكم بهالسرعة
لأني كنت كاتبة موضوعي متأخر بالليل
يعطيكم العافية وصراحة ريحتوني حق فوزية القطان ولو اني ما احب الزحمة والنطرة
بس انا اتصلت على عيادتها قالولي ان الدخول اول شي عند دكتورة ثانية وبعدين تحولج على فوزية..ليش ما ادخل دايركت على فوزية ليش هالعبالة وشلون هل الدكتورة الاولى تبلش معاي علاجات ووقت التلقيح تحولني على فووزية والاشنو؟؟؟
اتمنى تفيدوني اكثر..شكرا

الظاهر مثل طريقة الدكتورة معصومة

وياها دكتورة من اول زيارة تدشي عندها ومن الزيارة الثانية اتابع حالتج بنفسها

لان اختي تدرين مساكين ضغط الشغل عليهم

والله يكتبلج انشالله

وانا بعد تشوقت اني اجرب عند فوزية القطان وانشالله بروحلها قريب

ويرزقني يارب

هـــلاااا حبيبتي

الدكتورة الاولي تاخذ كل بياناتج وتاريخج في العلاج

وتعطيج تحاليل تسوينها وبعدها تحولج علي طول عند الدكتورة فوزية

بس عاااد الله يعينج علي الزحمة وتاكدي اولا واخيرا انه كل شي

بيد رب العالمين

وعسي الله يوفقج حبيبتي

انا عن تجربه سويت مرتين عند عاليه الفضلي والحمدالله انجحوا بفضل الله وفضلها وبصراحه ويها خير على وارتحتلها وايد …نادري عن فوزيه القطانبس اعرف وايد ناس يمدحونها وطريقة التلقيح انها راح تسويلج فحوصات وتبلش معاج الادويه من ثاني يوم الدوره حق التبويض ……. الله يوفقج ويسهل عليج

فوزيه القطان وبس

فووووووزيه القطان اتهبل اتهبل اتهبل

رفيجتي سوت عندها تلقيح تبارك الرحمن من اول شهر احملت واااابت 3 توائم اسم الله عليهم