اشلونكم بنات انشاء الله كلكم زينين والله يعينكم هاليام على تغير الجو ومرض اليهال حبيت نفتح موضوع الكثير منا يعاني منه سواء بالكويت او خارج لكويت لان الاغلاط الطبيه وارده بكل دوله
كل وحده تعرضت لخطأ طبي او علاجي او عمليه غلط ولا تشخيص ولا صرف دوا بالغلط ولا تطعيم ولا ابره غلط تقولنا تجربتها
هلااا وغلااا فيج حبيبتي خوووش موضوع الله يعطيج العافيه ان شاء الله بالنسبه لتجربتي ولدي الله يحفظه كان مريض وعمره كان سنه ووصفله الدكتور مضاد حيوي المهم ماحصلته عندهم بالمستشفى وقلت اروح اييبه من الصيدلي اللي على طول اتعامل معاه عطيته الوصفه جان يقولي هالمضاد 500 وايد قوي عليج جان اقوله موحقي حق ولدي اللي عمره سنه جااااان يبقق عيوووووونه قالي من اللي واصف الدوا اي دكتور وعطيني اسمه ومن يومها وانا مااعطي عيالي مضاد الا باستشارته .حسبي الله ونعم الوكيل أرواح الناس صارت لعبه بايدينهم
.
دلوعه الله فك ولدج الحمدالله على سلامته قبل فتره هم صار بوحده في مستوصف عطو الولد حبوب وحاشته اعاقه الفقير
اول شي الله يعطيكم الصحه والعافيه ويشافيكم انا صارلي شخصيا موقف جذي والحمد الله اللي الله سلمني منه انا يوم كنت حامل بولدي الثاني كان الدكتور واصفلي بيبي اسبرين حق تسييل الدم لي الشهر السابع وانا اراجع بالمستوصف يوم عطيت الصيدلانيه الوصفه عطتني الدوا وانا طبيعتي وسواسيه من الدوا خصوصا فترة الحمل اخاف اخذ اي شي وانا حبوب اللي يعطيني اياها الدكتور اسمها بيبي اسبرين ورقمها 80 عاد انا يوم جيكت والا الحبوب اسبرين الكبير اللي يعطونه مثل البندول عاد هذا ممنوع على الحوامل ويشوه الجنين انا الحمد الله اني انتبهت عاد انا علطول قلت حق البنيه ترا انا حامل شلون وتوهقت وغيرتلي اياهم يعني اهي ما انتبهت بسرعه قرت بس خذت كلمة اسبرين ومشتها والدكتور تلقون خطة بسرعه بسرعه بس الحمد الله اللي الله لطف فيني وسلمني لو وحده ما تدري جان مسكينه وتبلعهم وتتوهق والله يسلمكم من كل شر
مشكورة دارين على الموضوع المهم .
من فترة بسيطة مرت ولد عمتي مودية ولدها المستوصف فيه حراره
عطوه دوا يوم ردت البيت ولا اقل عمر سنيتن والولد عمره شهرين
شرايكم ؟
مشكورين بنات على تجاربكم والله بحكم شغلي كل يوم اشوف بلاوي من هالنوع ولا احد يحاسب اقصي عقوبه حق طبيب يغلط بعلاج مريض ويموت اهيه لفت نظر هذا الي سمعته وانا قاعده في مكتب مدير مستشفي والطبيب يعطي المريض دوا قرحه واهو في القلب والمريض مات غير الامهات الي اتيي تصرخ مادري شمسوين في ولدها
وبنت عمتي من شهر مسويه عمليه في مبارك مطيحينها من سرير العمليه وشاقين راسها وحلجها واهيه مخدره ولا طلعوها من العمليات خايفين من اهلها
غير خالتي الي عالجوها كيماوي على اساس ان فيها كانسر وبعدين يوم راحت لندن ماطلع فيها شي عقب ماطاح شعرها
واختي الي هم قالو فيها ورم في البطن وبغو يشقون بطنها وليله ما ابوي بيسفرها طلع مافيها غير امساك
مشكوره دارين على الموضوع
أنا كنت حامل بولدي البجر وكنت بالشهر الثامن وأنا مع الحمال جسمي يجمع ماي وايد وأورم وكنت أراجع عند الدكتور جمال الدين الأفغاني بالمواساه وعطاني حبوب وقالي اخذيهم عشان يطلع الماي الزايد إلي متجمع بريولي
خذيتها بالليل والفجر إنبط علي الماي ورحت المستشفى مافيني ولاده بس الماي كله نزل وبقى ينشف ولدي وولدوني بقيصريه والحمد الله ولدي بخير بس ماشفتي خياط الدكتور يلوع الجبد
المهم مره كنت رايحه الصيدليه جان اسألهم عن الحبوب إللي عطاني إياها الدكتور وقالي هالحبوب تسبب إجهاض للحامل ومفروض ماتاخذها
شرايكم
موضوعج وااااااااايد حلو دارين
الوحده لازم يكون عندها وعي من هالسوالف ولازم ندقق بالاعراض الجانبيه للدوا
مره عطوا ولدي بالنفاس قطرة عين ولما قريت الشيت مالتها ولا لا تستخدم للرضع!!!!!!!!!
ومره عطوني مضاد حيوي ومن ثاني يوم من الاستعمال بديت ارجف وصار حيلي مهدود وكله دايخه يعني اعراض غريبه
لما راجعت الطبيب قالت لي معاج حساسيه من السلفا(sulpha) وقفي المضاد على طول لانه يحتوي على السلفا
ومن عقبها لازم ابلغ اي دكتور ان معاي حساسيه من السلفا قبل لا يصرف لي الدوا
انا مره كنت حامل وبغيت دوا مادري شنو نسيت أسمه عاد يوم رديت البيت قاعده أقرا اللي مكتوب علي العلبه والا ممنوع الحامل تآخذه ؟؟؟؟
ويقوم ريلي يرده للصيدليه
أنا وسواسيه وايد أقرا اللي مكتوب علي علبة الدوا صراحه هم الصيادله والدكاتره بشر وجل من لا يسهو
مرمر والله استغربت الافغاني يمدحونه بس اخر الايام يقولون كبر حمدالله على سلامتج
سباجه المستوصفات ساعات يحولون الادويه غلط بالسستم مالهم ديري بالكم دققو بالدوا عدل ويا الطبيب
قمر والله طبعج حلو تقرين الادويه العمر مش بعزئه
صاجه دارين الافغاني كانو يمدحونه وايد بس الحين قام يخوره وايد الدكتوره إلي شافت خياط بطني تخرعت
وبولادتي الثانيه رحت حق قطب وعدلي خياط القيصريه مال الافغاني وقالي لو اهو مومخيطج بهذي الطريقه جان سوينالج ليزر
والحمد الله
الحمد الله على سلامتج سبائك
ريلي فيه حساسيه من السلفا وبقى يروح فيها بسبب دوا فيه سلفا
ديري بالج
صاجه قمر لازم نقرا الوصفات عدل
والله الحافظ
انا دايم يعطونى ادويه للربو وكرتزون لما اتعب حيل
ويسبب لى رجفه وانا عادي عندى
مرة اراجع طبيبه تهبل خاصه للصدر
جان اقولها من بين الكلال
قامت قطت القلم وانتفضت
قالت عيدي خنوسه شنو قلتى
قالت مينونه
انت
لا تاخذين هالدواء وهم عادى عندهم
قلت ايه
قالت هذا قوى عليك اى احد يسبب له نفضة معناه راح يدخل فى ازمه وغيبوبه وقلبة يتسارع
قلت انا احس انى بموت واخدر
بعد ساعتين ارد لطبيعتى
قالت الله ستر عليك
ومن يومها مستحيل اراجع المستشفى
——
وحدة من اهلنا اسمله عليكم ولدها عمره شهرين عطوه ابرة كرتوزن وتوفى على طول وهو كان متنك
ووحده من الاهل فيها حراره عطوها ابره
وسيده ماتت عمرها 14
الله المستعان
وانا مره عطانى الطبيب دوا طلع منتهى تصدقون
ومره صدري تعبان وهو يعطينى دوا كاتم للكحه ومذيب للبلغم
قالت طبيبتى خطر هالدوين مع بعض
واح كاتم واحد مهيج لاخراج البلغم
شنو ما يفهمون
وانا بس اناهت بغيت اموت
وايييييييييييييييييد بلاوي
بس تكفون بنات اطفالكم الرضع تكفون لاتودونهم الا لطبيب ثقه مستوصف لا خفارة مستشفى لالالالالالالا
مشكورين بنات على ذكر تجاربكم
وبعد بنات نبي تجاربكم اكيد كل وحده عندها تجربه
أنا مره كنت رايحه للدكتوره وكاتبه لى دواء
والحمدلله ان عندها منه على المكتب رفعت الكرتون وورتنى اياه
لما رحت للصيدليه نزل زوجى يجيب الدواء
اول ما حركنا بالسياره فتحت الكيس ولا كرتون مختلف نهاااائيا
قلت لزوجى هذا مو نفس اللى شفته عند الدكتوره
الحمدلله ان الدكتوره ورتنى اياه ولا جان كليته على نياتى
لما رد زوجى للصيدلانيه وزفها قامت تتأسف وشوي وتبجى
معطتنى دواء الله يستر منه ما ادري شنو
الله ستر على
.gif "Eh S(10)")
.gif "Eh S(14)")
.gif "Eh S(1)")
اي دكتور قال دكتورج يسال عنج المفروض انتى بالعمليه الحين
.gif "Eh S(6)")
مساكين اليهال احس اخترعو عقب التشوت 
.gif "Eh S(16)")
.gif "Eh S(21)")
