الوسم: العويد

السلام عليكم رحمة الله وبركاته

بسألكم ، منو مجرب عسل العويد لضعف المبايض ؟
وهل ينفع لغير المتزوجة ؟
ولا في واحد خاص لغير المتزوجين ؟

اخذناه قبل ومانفعنا والحمدلله على كل شي
اشربي برقدوش كل يومين سكانه بس لاتكثرين
والمرميه مرتين بالاسبوع بس بس

ربي لا تذرني فردا وانت خير الوارثين

استمري عليه من 6 شهور إلى سنة .. صديقتي استمرت عليه سنة كاملة وعالجها والله على ما أقول شهيد

أنا مانفع معاي

والله يشافيج يارب

وال نفع وبانا

لرفع

ربي لا تذرني فردا وانت خير الوارثين

السلام عليكم ورحمه الله وبركاته
بنات انا ولدي اربع شهور رافض الحليب شارو عليه رفيجاتي اشتري عسل العويد للاطفال يفتح الشهيه ويغذيه
يهدي الكحه والبلغم كان ولدي يعاني منها
سألت الموظفين قالولي أهو خاص لليهال من يوم لسنه لأن البكتريا الموجوده فيها شايلينه
مسوينه خصوصي لليهال طمنوني
في عندهم نوعين باكستاني ويمني مدحوا باليمني لأن فوائده أكثر
المهم اشتريته اليمني عطيته فعلا شهيته انفتحت بدأ يشرب الحليب كله يوعان
بس خفت في بنات يقولون موزين لأقل من سنه بديت أحاتي وقفته
الله يطمنها اللي عندها فكره منو اشترت عسل العويد وجربته

ام ناصر دام تقولين ولدج فيه كحــه وبلغـــم
اكيد بتقل شهييييته وماراح يرضع وياخذ الحليب ,لان الكحه اتعب والبلغم لي ظل بالصدر يلعب دووور
مايخلي الياهل لا يناااام ولا تصير فيه صحه لان ماينام ولا يرضع عدل
انا بنتي كان عمرها 6 شهور ذبحها صدرها كحه وبلغم وكله كمام ,,وقامت ماتشرب حللليب صارت اشضعفها جنه عمرها 4 شهور
وديتها عند د, سعاد البصيري ,,عطتني علاج حق صدرها وغيرت نوع الحليب لان كان نان 2 ,,غيرته وعطتني ابتاميل بالفنيليا
وبعدها بنتي واااااااايد تحسنت الحمدالله وكانت اتابعها كل اسبوعين
صدرها صار زين وقامت تشرب الحليب
ماانصحج بالعسل وقفيه لان العسل يعطيونه للياهل بعد السنه لانه ثقيييل

وسلامة وليييدج

موضوعج يبيله قسم التربيه و الطفل

الله يشفي ولدج
وعسل العويد للاطفال انا مجربته لبنتي كانت اقل من سنة
والحمدلله زين ما شفت منه ضرروانتي جربيتيه لولدج وتقولين تحسن فليش تقطعينه
واللي قالولج مو فاهمين السالفة عدل
العسل موزين للطفل اقل من سنة لان فيه بكتيريا
ومعدة الطفل اقل من سنة ما تحمل العسل ويصير فيه تسمم
لكن عسل العويد 1 شايلين منه البكتيريا فما منه ضرر ان شالله
واذا مترددة استخيري

جربي د. سعاد واايد زينه وعن نفسي أقول لج لازم تعطينه تمره تمرسينها وتشخلينها لالالازم كل يوم شوفي اشلون بترد صحته وعالكحه بقولج شغله كانت تسويها اختي لعيالها كانت تفوح الحلبه وبمايها تسوي حليب للياهل وتبارك الرحمن لاخروشه ولاتوصوص بصدر الياهل مو مثل عيالنا عالكمامات صحيح يطلع ريحه لكن الياهل صحته حلللوه وعطيه بدائل الحليب يعني سويله محلبيه أو كستر كنت أسويها لعيالي من عمر شهرين والحمد لله اشزين صحتهم .مايشوف شر وليدج.

ماعندي فكرا بس جربي دام قالولج من عمر الياهل يوم عادي

لا ولدج صغر ياقلبي ديري بالج عليه

العسل بعد السنه بعدين اشتري ورق الجوافه وعلج المر او علج لبان وحطي شويه بالمطاره الماي

خليه فيها وكل ماسويتيله حليب يكون الورقه والعلج موجود داخل صدقيني انا سويتها لولدي ولله الحمد تمام

السلام عليكم ورحمه الله وبركاته
بنات انا ولدي اربع شهور رافض الحليب شارو عليه رفيجاتي اشتري عسل العويد للاطفال يفتح الشهيه ويغذيه
يهدي الكحه والبلغم كان ولدي يعاني منها
سألت الموظفين قالولي أهو خاص لليهال من يوم لسنه لأن البكتريا الموجوده فيها شايلينه
مسوينه خصوصي لليهال طمنوني
في عندهم نوعين باكستاني ويمني مدحوا باليمني لأن فوائده أكثر
المهم اشتريته اليمني عطيته فعلا شهيته انفتحت بدأ يشرب الحليب كله يوعان
بس خفت في بنات يقولون موزين لأقل من سنه بديت أحاتي وقفته
الله يطمنها اللي عندها فكره منو اشترت عسل العويد وجربته

بنات ولا رد تكفووون حدي احاتي
والله لأدعيلها اللي ترد
الله يخليلكم عيالكم الي عندها معلومه

لا تحاتين انا من اول يوم اعطي ولدي احطه بالمميه مع الينسون

[QUOTE=جبنة بيضة;10383922]لا تحاتين انا من اول يوم اعطي ولدي احطه بالمميه مع الينسون[/QUOTEتسلمين يالغلا ماقصرتي عسى ربي ينولج اللي بالج ويخليلج عيالج طمنتيني

شدعوه امهات كل هذا موضوعي ثقيل عليكم
وين الهمه
افيدوني يالغاليات
اعرفكم ماتردوني

العسل مضر للاطفال اقل من سنه بقتل خلايا المخ ويسبب تخلف احذرج وانا سمعت فيه واسئلي قبل لاتعطينه

انا جربته مع بنتي البجر ومشى معاها عادي وتمام ووايد زين ومفيد واهو محضر خصيصا من عمر يوم لسنه وفي من عمر سنتين وفوق ..

عادي لاتحاتين وانا بلشت اعطيه بنتي الثانيه اسم الله مافيها شي الله يحفظها ..

بس انتي عطيه الصبح مع الرضعه او قبل لا ينام مع الرضعه يعني مره وحده باليوم

الله يخليه لج يارب ويحفظه من كل شر

انا سمعت انه ضار بعد

ممتااااااااااااااااااز

السلام عليكم بنات .. انا مالجه قبل جم شهر وقبل فتره سويت تحليل وقالولي عندج ارتفاع في هرمون مادري شسمه والله قمت ودقيت على عسل العويد وقتلهم ابي شي ينزل الهرمون قالولي اذا تبين تحملين نعطيج عسل تنشيط المبايض مع غذاء ملكات قتله لا انا بس ابي اعالج مشكلة الهرمون لأني لمه الحين مو متزوجه قالي خلاص اخذي بس عسل تنشيط المبايض وخذيته لمده 12 يوم تقريبا ولمه صار موعد الدوره تأخرت علي واايد ومو راضيه تنزل وجسمي وايد تعبان ومتكسر احس فيها وفي اعراضها بس ماكو شي صارلي فتره على هالحاله طاف موعد دورتي وبدش بموعد الدوره الثانيه وماكو شي والشي الوحيد اللي انا اخذته اهوه العسل صراحه بهدلني وانتو تعرفون لمه الدوره مانتزل شيصير
بس حبيت استفسر هل العسل هذا له اضرار وشنو الحل؟ماني عارفه شسوي؟ لاتقولولي تحركي وشربي دارسين سويت كل هالأشياء وماكو فايده بللليز ساعدوني

يا حياتي الف سلامه عليكي لم يكن العسل هو السبب.
اذهبي للطبيبة .

https://www.alowaidhoney.com.kw/

thank you

يسلمووووووووووووووووووووووووووو

السلام عليكم ورحمة الله وبركاته

الصراحه انا حبيت احط موضوعي هذا للفائده ,, والله يرزقني ويرزق كل محروومه ياارب

بنات انا ادري ان مو بس زوجي يعاني من نقص عدد الحيوانات المنويه وقلة الحركه ,,

انا وحده الحمدلله سليمه مافيني شي .. وزوجي عنده العدد 6 مليوون والحركه 45 %

اول ما عرف نتيجة التحليل ,, قال الاختيار لج اذا تبين تكملين حياتج معاي ولا تبين تروحين

وانا الحمدلله دام بينا التفاهم والاحترام ما حبيت اني اخسره على شان شي علاجه بيد الله ,, وبديت الموضووع معاه صح

قلت له انت تبي تعالج ولا تبي تطنش الموضوووع < ( قال لا اكيد ابي اعاالج )

بس دوري العلاج وانا ان شاء الله راح استمر عليه

ادري طولت عليكم بس والله ابي افيدكم

المهم انا دورت بالنت وانا احووس شفت عن عسل العويد ,, وقلت له ليش ما تاخذ من عسل العويد شهر ونجرب اذا نفع نكمل واذا ما نفع نشوف علاج ثاني
والله يا بنات ما شاء الله تبارك الله بشهر من 6 مليون صار 10 مليوون بس الحركه قلت اكثر من قبل < ورحنا له مره ثانيه وقلنا له الموضووع عطانا اعشاب ياخذها زوجي قبل العسل حق الحركه وقبل جم يووم زوجي سوى حجامه وان شاء الله احمل الشهر هذا من غير طفل انبوب لان ماخذين موعد

والعسل ترى مخلووط وجاهز تاخذوونه واذا تبوون اعشاب الحركه قولوله

ادري طولت عليكم بس اشووف البنات يتضايقوون من قلة عدد الحيوانات المنويه عند ازواجهم

والله يرزقني واياكم بالذريه الصالحه المعافااه بإذنه ياارب

ربي لا تذرني فرداً وانت خير الوارثين

انشاااااااااااااااااالله تحملين هل شهر
انا زوجي كان الحركه شوي بطيئه الدكتور عطاه بروتينات قاله اكلهم لمدة 3 شهور وتعال انشالله يكون في تحسن شرا الدوا كلاهم لمده سبوع وبعدين قط الدوااا وشرا عسل من المرشد كله لمده شهر وحلل الدكتووور انصدم قاله انته شنو ماكل شلووون بشهر قاله ريلي اول شي قول ماشالله .. والحمدلله بس همن انا فيني ضعف تبوييض انشالله انحمل انا وانتي بشهر واحد يارب …. في وحده سمهاااا ام سالم بالسعوديه اتبيع عسل ب 15 دينار بس يمدحوووون عسلهاااا حق الريييل يقولون عسلهااا ماشالله في بركه واحد احملووو على ايدهااا اذا تبين رقمهااا راسليني عالخااااااص ..

هم انا زوجي في ضعف وعطاه الدكتور فيتامين 3 شهور
بس مايحب العسل حاولت في ماكو فايده
وان شاء الله هالشهر كلنا نحمل
مشكوره فديتج

غيوووم الحب

يااارب يرزقني ويرزقج ويرزق كل محروومه ان شاء الله

والله يشفي ازواجنا ان شاء الله ,, وانصحج بالحجامه لج ولزوجج والله زينه وشكثر بنات بالمنتدى سووها

( ربي لا تذرنا فردا وانت خير الوارثين )

دانه الرشايده

ان شاء الله كلنا نحمل والله يهدي زوجج وياخذ العسل ,, وخليه يسووي حجامه بعد

لان العسل والله نتائجه حلوه ما شااء الله وطبيعي

الله يرزقنا يااارب

انشالله والله مفكه هل شهر انشالله اسوي الحجااامه وانشالله نحمل يااااااااارب بشهر واااااااااااحد انا وانتي واختنا دانه الرشايده

ياااااااااااااااااااااااااااااااااااااااارب ترزقنا بالذريه الصالحه انا وخواني مس بنك ودانه الرشايده

الله يررررررررررررررزقج ويرزقنا معاااااااج

العسل وايد زين زوجي تحسن عقبه والحمدلله

والله يرزقنا ياااااااااااارب

بنات الله يعافيكم انا ابي عسل ينفع مع حالات الصفر

انا زوجي قبل كل ما سوا عينه يحصلون فيه حيوانات منويه صج ضعيفه بس الحمدالله تلقح بويضاتي وتنقسم

بس اخر مره الحمدالله على كل حال ما حصلوا ولا شي وبعد 24 ساعه من بعد ما حطوه بمحلول ما ادري شنو لقو خلايا بس اربع خلايا بس الخلاياي بالبدايه او الام جنه اسمها سبيدورم شغله جذيه

المهم اللي نفس حالتي الله يرحم والدينكم وشرت عسل وتغير حال زوجها تقولي ضروري واللي يعافيكم بنات بارك الله فيكم

حبيباتي انا زوجي حاشه مكرووب قوي وخله حيواناته المنويه 10% والدكتور قال هذا عقيم وزوجي انهااااار بس قاله احتمال مايكون ثابت ممكن يصعد العدد وعطوه اعشاب وادويه وااااااااااااااايد يوم راح عقب 3 شهور صارت الحيوانات 30% وعقبه ب 6شهور رد طبيعي بكل شي ووقفنا العلاج .. بس المشكله صارلي 3 سنين ما حملت الا مره وطرحته اول شهر زواج الله كريم والحين احنا اثنينه ناكل من عصر المعجزه تحسين صج صج مفيد من كل النواحي .. سعره للرجل 19ونص دينار بس يسوى كل فلس نصحيه استخدموه وادعولي يارب

اللهم امين

والله يوفقج حبيبتي وطمنينا عليج لا سويتي الحجامه

امين ياااارب

الحمدلله والله يشفيه ان شاء الله ويرزقج بالذريه الصالحه

والله حبيبتي ما عندي خبر اذا العسل ينفع حق زوجج ولا لا

بس تقدرين ترووحين تسألين اللي بعسل العويد يفيدج

والله يشافيه يااارب ,, وانصحج اذا ما سوى حجامه خليه يسوي ان شاء الله تفيده

والله يرزقنا بالذريه الصالحه ياارب ويرزق كل محرومه

السلام عليكم ..
شنو احسن عسل لعلاج الضعف عند الرجل ( عسل العويد ) ولا ( عسل المرشد ) خل ننقل تجاربنا حق بعض ؟ لان اشوف وايد تمدحون عسل المرشد مع ان انا سامعة عن العويد أكثر
نبي ردودكم للافادة …

بصرااااااااااااحه بالنسبه لي انا ( عسل المرشد ) وااااااااااااااااااااااايد زيييين … وناسب ريلي …

المسالة مةو مسالة عسل العويد او المرشد المسالة وين تلقون عسل طبيعي

اذا تبون تتاكدون ان العسل طبيعي اي احد في سكر خلياخذ له قفشه اذا زاد السكر عنده يعني مووو طبيعي العسل ومغشوش واذا مازاد السكر يعني طبيعيييي

انا ابوي ياخذ عسل عالريج الصبح وفي سكر والسكر مايزيد بس اذا كان مغشوش يزيد السكر عنده واهوا يشتري من واحد اييبه من اليمن

لان الاصل مو نوع العسل الرسول صلى الله عليه وسلم قال ان في شفاء اهم شي يكون طبيعي

ان شاء الله افدتكم

عسى الله يرزقنا يااااااااااااااااااارب

عسى الله يرزقج ويرزقنااااااااا

السلام عليكم ورحمة الله وبركاته

بنات منو جرب عسل العويد للمبايض

يزاكم الله خير قالولي كذا وحده انها مجربته ماكو نتيجه الا وحده مشى معاها

لاتبخلون على بالاجابه

حبيبتي نصيحة لا تقطين فلوسج على هالخرابيط روحي عالجي احسن لج من هالسوالف..انا جربته وما فادني مع انه غالي مو رخيص قطيت تقريبا 300 دينار عليه بس من غير فايدة..حرام هالفلوس روحي فيها الطبيب وسوي لج طفل انبوب ولا تلقيح صناعي ابرك..

ليش طفل انبوب مشكلتج جدا بسيطه بس ما اقدر ارد عليج ليما اتقوليلنا انتي عالجتي قبل ولا لأ وهل جاب معاج العلاج الطبيي نتيجه او لا ؟

وياريت تكتبين موضوع عند قسم تاخر الانجاب عشان نفيدج لان اهناك العضوات عندهم تجارب بهشي بس ياريت تكتبين موضوعج مفصل عشان انا ودي افيدج بس كلامج جدا مختصر

انا اول ماتزوجت حملت على طول ويب بنت والحين عمرها 4 سنوات الله يخليها لي ان شاء الله
من عقب بنتي اجهضت اربع مرات والسبب من بعد التحاليل (الاجسام المضاده)

وعلاجي يكون قبل الحمل وبالحمل 9 شهور اخذ ابر تحت الجلد لشهر التاسع
والحين تقريبا صارلي سنه ماحملت وعقب التحاليل الحمد لله مافي هرمون حليب ولا الغده النخاميه ولا الدرقيه بس عندي ضعف بالمبايض

الله يسهل الامور وان شاء الله اذا الله احيانا هالاسبوع بروح عند دكتةره فوزيه

بس هم مايمنع الحل اذا خذيت
وانا سامعه ناس نفس الشي ماكو فايده بالعسل وبعضهم ياب لهم نتيجه عشان جذيه قلت اذا مانفع مايضر والله كريم ينكتب لي وحق كل اللي طلب ربه

استغفر الله واتوب اليه

الله يرزققج يارب ياقلبي

دورت لج بالنت وشفت هالرد

مشكووووووووورين على المرور
وعسى ربي يرزقكم الذريه الصاله والريال الصالح

يزاكم الله خير

كانت تكفيني اجابه وحده يا ام عفاف الله يعطيج اللي في بالج ويخليلج عفاف

حلو هذا العسل بس نصيحة لا تستعملينه مع منشطات لانه راح يعفس الدنيا

العسل مره حلو خصوصا الطبيعي فيه شفاءعن كل مرض واخلطى معه حبة البركة وكثري من الاستغفار وقراءة سورة البقرة والله عجيبة وعن كل مرض

ا تستعملينه لان مخلوط معاه ادويه

العسل ممتاز و الله يعطيج على قد نيتج ان شااء الله

انا استخدمت عسل معجزة الشفاء لتنشيط المبايض مخلوط فيه كل شيء وسعره مناسب 11 دينار مرتين باليوم ملعقة اكل الصبح مع كوب ماء دافىء وملعقة مساءا مع كوب ماء دافىء لمدة شهر وكنت اشرب مرمية مع مرقدوش مرتين باليوم ويوم سويت سونار قالي المبايض عندج وايد نشطة بس اللي مخرب عليهم التكيس فقاعدة اخذ الحين حبوب جلوكوفاج 500 مرين باليوم والله كريم

ماجربته والله

بصراحه انا جربت عسل العويد .. وجربت عسل معجزة الشفاء ..لان كان عندي ضعف بالتبويض … شفت ان عسل معجزة الشفا وايد وايد احسن بعد ما داومت عليه شهر واحد بس سويت تحليل التبويض الا ماشاءالله التبويض عندي اووووووووكي

انصحكم فيه بناااات

وعسى الله يرزقج ويرزق كل بنات هالقسم بالذريه الصالحه

وايد زين انا مجربة مال معجزة الشفاء

انا قاعدة استخدم عسل العويد
خلطلي اياهم جدامي

وباستمر عليه عليه ان شا الله
الله يرزقني ويرزقج وكل اللي يبي الذرية الصالحة قولي امين

السلام عليكم

بناااات ابي رقم عيادة الدكتووور عبدالعزيز العويد
الله يجزااكم خير

واذا ما تعرفووونه ابي رقم دكتوووور نفسي ممتاز وعن تجربه
لانه عندي حالة صعبه شوي
ويبيله معالجة سلوكية

اذا معالجه سلوكيه حق طفل انصحج بأبراهيم الخليفي حتى لو كان مراهق بس ما اعرف رقمه
واب اب ان شاءالله البنات يفيدونج

حيـــاتي مشكووورة
بَـßÊـسّ مؤ لطفل
لشخص كبير عنده بداية وسواس ورهاب اجتماعي

ياليت اتفيدونا

اب اب اب اب

بنااااات ساعدوووني جزاكم الله خير

بنات الله يجزاها خير اللي تعطيني رقمه؟؟

ما اعرفه

ماعرفه والله

موفقه