الوسم: العنايه

السلام عليكم ورحمه الله وبركاته

شخباركم ومبارك عليكم ما بقى من الشهر

بنات ماعليكم امر بغيت اعرف طريقة العنايه الشخصيه للحامل ؟؟

شلون تهتمين بنفسج ؟؟ وهل عادي نستخدم الغسول للمنطقه الحساسه وانا حامل ؟؟؟؟

وبالنسبه للكريمات واللوشنات شنو تستخدمين حق بطنج وقت التمدد ؟؟؟

واكلج شنو لازم الاشياء اللي تكثر منها الحامل اكل ومفيده لها وللبيبي وشنو اهم الاشياء اللي تبتعد عنها ؟؟؟؟

هل فيكم وحده تاكل اناناس او تشرب عصيره انا كانو يقولون لي لا مو زين بس لما سألت الدكتوره تقول عادي مافيها شي اكلي اللي تبين اصلا هذي من وكاله يقولون : !!!!

ووو اي معلومات عندكم ياريت ما تبخلون فيها وتعلمونه بطريقة اهتمامكم الشخصي ونظافتكم ؟؟ : )

يزاكم الرحمن كل خير وعسى الله يهون عليكم ويرزقكم الذريه الصالحه المعافاة ويبعد عنكم انفلونزا الخنازير ويقيكم شرها قولو امين :*

واى والله ياريت يفيدونا البنات

الغسوول في غسوول للحامل تستخدمه عاادي بس ليلحين ماسئلت الدكتوره كل ما ابي اسئلها انسى …اسئلها واقوللج

اللوشناات عادي استخدمهم

وكريم للتشقق شريت من بوتس روحي وسئليهم بيعطونج الي تبيينه

الاناناس سمعت انه حاار بس اكلي اشتهييتي الي قطعه او قطعتيين على الخاطر

انا الصراحه مااكلهم باول اشهر بس باخر الاشهر اكل المعلباات بس مو كل يووم لا مره بالاسبوع عاادي
والعصير مااشربه لانه اشتهي اكله اكثر………..شهيتييني عليه

ونظاافتي : اتسبح كل يوم واشيل الشعر الزائد على قولتهم واتسبح بالشور جل على روائح حلووه مع لوشنااتهم واذا احتجت اسنفر جسمي بس مو دايما لانه اتعب وانا واقف وايد …..طبعا غير العطوورات عادي والشعر مستشور او حتى لو بس انشفه ومرتب مع بجامه حلووه وبسسسسسس

وكثري من الخضرا وفواكهه والحليب مشتااقته للاسف مااسوي هالشي لانه مااشتهييهم بس كثر مااقدر احاول

وان شاءالله فدتج

شوفي حبيبيتي العنايه نفسها هناية الشخصيه بس في اخر 3 شهور راح وايد تقعدين تحت الشاور لان الوحده تكون كله حرانه
والاناناس انا اكلت قطعه عن خاطري فرش
الغسول لازم تستعملين علشان لاتحوشج التهابات
حاولي لايزيد وزنج باول 5 شهور
يعني حافظي على اكلج

انا باول شهوور كنت كله اكل سلطه وفوااكه واايد وكنت احط كريم من مذركير على كل جسمي والغسول انا دكتورتي عطتني تحاميل وغسول خاص حق الحوامل والاناناس بس دشيت شهري كليته وبكثرة بعد وللحين ماصار شي ههههههه

يزاكم الله خيييييييييييييييير

up up

بعد نبي نصايح

انا ما اكل اناناس كلش طول ما انا حامل لاني اخاف
واستخدم غسول عشان الافرزات
واحط زيت بيبي جونسون على بطني كل يوم
واهم شي الحليب والبن والخضار والفواكهه
والاهم الماي

بالنسبة حق الكريمات كنت استخدم افالون موجود بسنتر بوينت وايد ممتاز

هلا بالسميه

انتي وينج شدعوه مانشوفج ولاتمرين التجمع يوم شفتج منزله موضوع فرحت انج بخير وصحه وعافيه
طمنينه عليييييييييييج وعلى قولت احسينوه

ماهكذا التفاهم لووووووووووووول

يالله مري ناطرينج

انا اتسبح كل يوووم واتبخر واحط لوشن عادي مع انهم يقولون مو زين بس شسوي مااقدر تعودت واغسل شعري وحمام زيت وهالشغلاات وطبعااااا انا ماخذه غسووول بودره تخلطينه مع ماااي من الدكتووره حيييييييييييييل استفدت منه ويهبل والبس بجامات وساعات فساتين قصيره وشعري اخليه ساعات كيرلي وساعات مرفوووع وانزل شويه وميك اب خفيف وبسسسسسسسسس

الله يهون عليكم وتقر عينكم بشوفت البيبي :d

حبيتي يالسميه ما قصرتي عالسؤال بعد عمري :**

شريت امس كريم روك للبطن بس مادري خاايفه احطه احس روك ماركه اي شي 😐

وشريت من prenatal نسيت اسمه بالضبط بس اهو محل لليهال والحوامل موجود في الافنيوز ومارينا
كريم حق الصدر بعد

احد مجربهم ؟؟؟

Up …

اهم شي تغذيتج شربي حليب – واكلي جبن – بيض- لحوم بس لاتكثرين الخبز والدهون عشان لاتنغثين
والاهم ماتزيد وزنج وااااااااايد
الانناس لا تاكلينه باول الحمل والدارسين لانهم حارين
والادوية بعد ديربالج تاكلين اي حبوب وحتى لو علاج للشعر والبشرة لانها اتأثر على البيبي
وصبغ الشعر بعد لان فيه امونيا

كريم التشققات
انا عن نفسي استخدمت ( استرج مارك من صيدلية طيبة كلينيك )واااايد زين وبعد لاتنسين البيبي اويل جونسون الثقيل وانا استخدمتهم وانفعوني

انشاء الله تستفيدين
وعسى الله يبارك لج ولنا بحملنا

جزاك الله كل خير.

جميل المعلومات مهمه وخاااصه بشرتي بالصيف تسبب لي ازمه بخخخخ

قواج الله

معلومات طيبه …

بارك الله فيج …

حلو كتير يا عسل مووضوعك

السلام عليكم يا امهات يا حلوين
طبعا كلنا لاحظنا ان البشره من سيء الى اسوء خلال فترة الحمل
من حبوب او سواد او غيره
و مو اي كريم او خلطه نقدر نستخدمها اثناء الحمل
ياريت نتشارك بخبراتنا و كل وحده تحط لنا طريقتها بالعنايه ببشرتها و المواد الي نستخدمها و طبعا تكون آمنه للحامل
انا كنت استخدم سيروم فيتامين سي من فير اند وايت واااااااايد عجيب يوحد لون البشره جنج حاطه فاونديشن
ولان فيتامين طبيعي ما يكون فيه خطوره
و سويت سيرج بالنت على المواقع الاحنبيه و اغلبها كاتبين ان أمن
بس وقفته قبل فتره قلت اسأل دكتورتي عنه اظمن و موعدي بعد اسبوعين
حتى ذلك الحين موقفه كل الكريمات و بشرتي صارت مأساة

تجاربكم و لكم المايك ….

اأب

يسلمووووووووووووو

اب
اب

السلام عليكم شلونكم حوامل …
انا استخدم كريم فيد اوت من فير اند وايت لان مكتوب عليه امن خلال الحمل و الرضاعة…
اهو عبارة عن مرطب و موحد للون البشرة و يمنع التبقعات و يستخدم مرتين باليوم

اممم..

أنا الحمد لله ما طلع لي تبقعات .. بس من يومين بديت ألاحظ اني اسمريت شوي.. شكله خلاص آخر الحمل يطلع التعب في الويه

طول الحمل كنت استعمل كريمات لانكوم .. متعودة عليها وقريت النشرات اللي فيها ما عليها أي تحذير للحوامل ( لو موب زينة جان حطوا تحذير)

أشرب ماي وايد وعصير برتقال ويمكن هالشيء ساعدني

ما تركت عادة كريم الليل والنهار وحوالين العيون .. وأكيد واقي الشمس حتى بالبيت أحطه

أسوي سكراب خفيف كل اسبوع مرة ..

ولجسمي سكراب المشمش يساعد البشرة تستوي أحسن

وأستعمل كريمات ترطيب الجسم ماركة يوسرين ..

وزيت التشققات استعمل زيت زهرة الكاميليا من ايلميس والحمد لله ما تشقق بطني للحين .. الله يكمل علي النعمة للولادة يارب

وعليكم السلام

الله يتمم عليج ويهون انصحج بزبدة االشيا الخام من محل لوكستيان
بالافنيو وحطي وياه شوي زيت زيتون
وادعيلي مايضر وينحط بكل مكان ويمنع الخطوط

مشكورين على ردودكم بنات ان شاءالله نستفيد من بعض
ام صقر فيد اوت مو ثقيل على البشره ؟ اذكر استخدمت كريم نفس الاسم بس مو متاكده اذا من فير اند وايت ولا لاء بس حسيته ثقيييل حيل
الي اعرفه كل منتجات فير اند وايت زينه
الي خلاني اوقف السيروم اني دشيت سايتهم و كانوا كاتبين ان كل منتجات التبيض عندهم يفضل تتركينها وقت الحمل
وانا كنت قاطه الورقه مالت السيروم فا ما قدرت اعرف اذا امن او لاء

Mrs.abk
الاسمرار اهو الي متعب نفسيتي خصوصا صوب منطقة الرقبه
وصعب ما يتعالج الحين و اغلب الي اعرفهم يأجلون العلاج لي بعد الولاده لما يصير الاسمرار سواااد و صعب يروح

ثانكيووو بنفسحيه معروفه زبدة الشيا احسن شي حق التشققات
حاليا استخدمها بس ماركة بالم والحمدلله لحد الحين ماكو تشققات
وفكره حلوه احط معاها زيت زيتون بجربها ان شاءالله

انا اشتريت مقشر ومبيض
وقالت الصيدليه ماله ضر للحامل
والحين شريت كريمات بوندس ماعليهم تحذير
وففيي كريم خايفه منه يمكن عندكم خبره
الي فيه كولاجين وهالورينك شوايكم

وانطرج تسالين دكتورتج عن فيتامين سي

انا ولا شي نفسج وبشرتي انترست حبوب صغيرة واثار ويييييع لاعت جبدي ويهي مرهق

بروح اسوي تنظيف بشرة واشتري كريمات فير اند وايت

انا بس احط كريم حمايه

ماني عارفه شحط وشـ خلي :/

و بسألج زبدة الشيآ لمآ تحطينهآ مآ تدبق ولا تمتصها البشره عادي

انا ذابحني الجفاف

لا والله بالعكس وايد حلو و بسرعة تمتصه البشرة انا خذت البروشور مال كل منتجات فير اند وايت و شفت ان هالمرطب و لوشن الطويل الكحلي امن للحمل و الرضاعة اللوشن في منه نوعين نوع فيتامين سي و نوع عادي العادي اهو الي عادي يستخدم وقت الحمل و الرضاعة حطي بالج مو كل شي تشوفينه فيه فيتامينات تقولين عادي استخدمه انتبهي حق هالنقطة حبيبتي

و الله يسهل حملج و ولادتج و يقومنا بالسلامة

على خير بس اسأل الدكتوره ابلغكم ان شاءالله لان صج هالسيروم وااااايد عدل بشرتي لدرجة اني استغنيت عن الفاونديشن
و انا بشرتي لونها مو موحد في اماكن اغمج بس بعد ما استخدمته ويهي صار يلق ودي ارد له بس ابي الضوء الاخضر على قولتهم

السلام عليكم ورحمة الله وبركاته
مرحبا خواتي الغاليات .. طبعا الموضوع واضح من عنوانه انا ولدت بالسابع وصارلي شهر والده ولحد الحين ولدي بالمستشفى جناح الخدج والحمدلله وضعه مستقر وانشالله طلعته راح تكون بهالاسبوع وحدي فرحانه بس موعارفه شنو الاشياء اللي ممكن تأذيه او لازم اسويها له او الحليب المناسب له لأنه اول مولود لي وكثير ناس حذروني من الهوا البارد عليه اتوقع فهمتوا انا شنو ابي ابي نصاااااايحكم يا اغلى خوات
وسلامتكم بس ادعولي ربي يحفظه لي ويرزق كل محروم قولوا امين

الحمدالله على سلامتج وسلامة ولدج

وعقبال ما تشوفينه بالبيت بين احضانج

بخصوص كيفيه العنايه والله انا مادري

بس اظن الطبيبه بتقولج كيف تعتنين فيه

والله يسهل عليج تربيته يا رب

الله يسلمك يالغلا ومشكوره على مرورك

هلا حبيبتى اول شى حمدالله عالسلامه ويتربا بعزج انشالله ثانى شى انا بس شفت موضوعك جيت ركض ولا انا ما ادش بهالركن
انا حبيبتى نفسك ولدت خديج بالشهر السادس والحمد لله وبعد التعب والعنايه والاهتمام الحين ولدى عنده خمس سنين وحاله حال اى طفل عادى
وبالنسبه لشلوووون تهتمين فيه
اول شى بنبهك عليه ان الخديج منى لسنه ونص حاله ومعاملته غير عن كل اليهاااال
اول شى مناعته حيل تكون ضعيفه وقابل لاى عدوه والاحسن الرضاعه تكون طبيعيه واذا ماقدرتى لازم تهتمين حيل بنظافه ممياته وتكووونى مظبوطه بطريقات الرضعات ثانى شى لو عطووك اى اوراق تراجعين فيها اى مستشفا لا تهملين ترا اى شى او تحويل له سبب وعاده الاطفال نتيجه الولاده المبكره يتعرضون لها لا تخترعين ترا وتحاتين ترامع الوقت والمتابعه المستمره ماراح تلقين غير العافيه وطبعا لازم تراجعين مع قسم الخدج بالمستشفا الل ولدتى فيها وتسالينهم عن تطعيماته وكل شى لانها تختلف عن موعد ولاته بالبدايه ويحسبوونها من يووم خروجه وهم سالى وتاكدى من الدكتووووور واهم شى ياقلبى لا يحوشه الهوا البارد يعنى لا بغيتى تسبحينه اول شى تذهبين اغراضه وفوطته وصابونه وشغله كله وباول ايااااام مو لازم تسبحينه عطوول تقدرين تستخدمين الكلينكس المعطر وتمسحين جسمه كله
واهم شى يكون مكان دافى وطبعا صاكه باب الغرفه وصاكه السنتراك
وطبعا لازم المهاد ترا اهم شى للبيبى ترا يعتبر نفسك بفتره نفاس وتعتبر اول شهرين اهم شى والمهاد فايدته يقوى عظام البيبى ومايخترع هم من ايده ولا يشمخ روحه عااااااااااااااااد شغلات وايد بعد عندى بس لجل ما اطول عليج
الله يوفقك انشالله واى استفسار من عيووووووووونى الاثنين عدينى اختك
اما بالنسبه لطريقه الاكل واى شى ثانى حاله حال اى ياهل اهم شى الاهتمام

حيااااتي الجوري وربي ماقصرتي وفرحتيني والله يسمع منك ومشكووووره على مرورك ونصيحتك

مثل ماقالو الخوات الخديج يحتاج عنايه ورعايه
اكثر من الطفل العادي ولا تعتمدين على الخادمه , انتي اهتمي فيه وجابليه , انا رفيجتي يابت توم خدج وحطتلها ممرضه عبالها بتكون فاهمه تخيلي انها كانت تحب واحد وتكره الثاني , اشذنبه الياهل الثاني , لا واكتشفت ان واحد من عيالها طايح من ايد الممرضه

فنصيحتي لج انتي اهتمي فيه وفي دكتور استشاري اطفال خدج بالولاده وعنده عياده خاصه دكتور مازن العيسى

انا عيالي كلهم اييبهم بالسادس او السابع(وايد مستعيلة)والموضوع مايبيله كلام بس ع السريع يبي لوية بصراحة راح اكتب لك ع الخاص كل فترة واي مشكلة تواحهينها كتبي لي احسن وانا ماراح اقصر…وكل ياهل غير عن الثاني ممكن يكون وايد هادي ممكن وايد مزعح وبكاي ماتدرين….طلعي بالسلامة وشوفي

من كثر ماتعودت على الصغار بوكيلو و800 و2 كيلو صرت ماعرف حق الكبار الطبيعيين تصدقين….بس ابشرك ان وايد يكون اذكى واحرك ويكونون حركتهم سريعة بالشهور

حبيبتي قد ما تقدرين انه اتوخرين الياهل عن الناس ومن لغبار وتقلبات الجو وحطي لج جهاز منقي الجو

ورضعيه طبيعي واذا تبين صناعي ترا فيه حليب حق الخدج بس ناسيه اسمه

طرق العنايه بالخياطه الموجوه بالجسم والمناطق الحساسه بعد الولاده

اسباب اللجوء (الحاجه)إلى بعض القطب (أو الغرز) بعد الولادة

اذا كانت الولاده قيصريه، ستتم خياطة الجرح الموجود في بطنك بالغرز أو القطب، فتستغرق العملية وقتاً أطول (حوالي 30 دقيقة). وستتعرفين على كيفية الاعتناء بالجرح حفاظاً على نظافته قدر الإمكان لمنع حدوث أي التهاب.

وتظهر بعض الأدلة على أن الحاجة لإجراء قطع (شق العجان)تقلّ لو ولدت طفلك وأنت جالسة في وضع مستقيم، لكنك قد تتعرضين لتمزق من الدرجة الثانية.

في الولادة الطبيعية، ربما تحتاجين إلى خياطة الجروح الناتجة عن تمزق العجان، فتتّم عملية التقطيب بعد الولادة مباشرة، وستحصلين على مخدر موضعي لتخدير المنطقة فلا تشعرين بالألم أثناء ذلك.

وإذا شعرت بأي ألم، اطلبي من طبيبك إعطائك المزيد من المسكنات. وفي بعض الحالات، تترك التمزقات أو الجروح الصغيرة لتلتئم بطريقة طبيعية.

كدمات بعد الولاده

الكدمات من الأمور الشائعة بعد الولادة، وبالذات لو استخدم ملقط الجراحة أو الجفت (عبارة عن آلة تثبت على رأس الطفل لتساعد على خروجه من فتحة المهبل).

للتخفيف من ألم ووجع(اوجاع)الكدمات(الجرح)

الحصول على الراحة، وأخذ حمام دافئ أو وضع أكياس الثلج على الجرح.

يختلف هذا الأمر بين سيدة وأخرى. تتألم بعض السيدات من القطب ويشعرن أنها تلتئم ببطء، في حين يكون الألم لدى الأخريات أقل حدة.

طرق التخفيف والعلاج الغرز والقطب والكدمات بعد الولاده:

– المياه الدافئة، إما عبر أخذ حمام، أو دش، أو الجلوس في المغطس.

– المياه الباردة، إما باستخدام الكمادات المبردة أو الفوط الصحية اللزجة، أو مياه الدش المباشرة.

– استعمال الجل أو البخّاخ المسكن، مثلlignocaine . بعد استشارة طبيب

– تناول المسكنات المتوفرة في الأسواق، مثل البراسيتامول أو الأيبوبروفين. بعد استشارة طبيب

– الجلوس على وسادة أو مقعد دائري مطاطي.

– العلاج بالأعشاب والكريمات الملطّفة، مثل الكاليندولا والكومفري. Calendula or Comfry.(بعد استشارة طبيب)

ليس هناك كثير من الأبحاث التي تؤكد فاعلية هذه العلاجات، لكن تجربتها تستحق العناء إلى أن تجدي ما يناسبك منها.

-المحافظة على نظافة القطب (أو الغرز)

للتخفيف من مخاطر التعرض للإصابة بالتهاب. عليك تغيير الفوط الصحية أكثر من مرة في اليوم مع غسل يديك قبل وبعد تبديلها.

القيام بتمارين الحوض
بعد الولادة والمواظبة عليها لأن هذه التمارين تزيد تدفق الدم في المنطقة وتعجّل عملية التئام الجرح.
حاولي القيام بأربع مجموعات من التمارين اليومية على الأقل موزعة على مدار اليوم.

-في المرات الأولى التي تحتاجين فيها للتبرّز بعد الولادة، اضغطي على القطب بورق الحمام (التواليت) النظيف لحمايتها وتقليل إحساسك بإمكانية انفلاتها

-تلتئم القطب (أو الغرز) خلال ثلاثة إلى أربعة أسابيع بعد الولادة، وإذا لم يحدث ذلك واستمر شعورك بعدم الراحة، استشيري طبيبك في المسألة.

يزاج الله خير ام طلوول

وياج حبيبتي

مشكوره

الحمدلله انه افتكينه واي لاذكريني

مشكووووره ماقصرتي

المره وما ادراك ما المره
احط منها شوي علا الفوط من فوق مو مكان الجرح
واشمها علا طول عن الريح لانه مثل ما انتو عارفين انه يلهب الجرح

السلام عليكم

اشلووووونكم بنات؟

بنات ياريت عشان الكل يستفيد انا عن نفسي ماعرف شي كلش ابدن
عشان البنات اللي مثلي يعرفون ويتعلمون وتعم الفايده عالكل

ابي اعرف اشلون اهتم بنفسي وقت الدوره شنو اكل على ريوقي وغداي وعشاي وشنو اشرب اعشاب وشنو اشي اء لازم اسويها واشيتء امتنع عنها
وانا اليوم الخامس والسادس ماينزل شي!!!

والحين جنه فيني خوا والسببب عدم معرفتي بهالاشياء وجهلي لها

فاتمنى بنات اللي شاطره بالهسةاالف وامها تفهم بعد تسألها عشان الكل ينتفع واللي مثلي تاخذني عبره لها
بنات انا بسبه الخوا نزلت 7 كيلو وتحوشني لووعه وماشتهي اكل؟؟

بلييييييييييييييييييييييييييييييييز ساعدوني

حبوبه ايام الدوره لازم ما تجوعين نفسج
وتبعدين عن الحوامض .. و الروب و اللبن و الملوخيه و الباميه
و ما تمشين حافيه .. لازم ادفين عمرج عدل
و تشربين سوائل ساخنه .. و تشربين اعشاب خاصه بالوقت هذا واهمها ( الدارسين ـ و الزنجبيل ) يدفونج من الداخل ويطلعون كل المووجوود …

بالنسبه للريوق عادي تريقي اللي تبينه .. بيض خبز شاي .. بعدين شربي قلاص زنجبيل مغلي ( طازج )

و الظهر اكلي الغدا العادي ما يبي لها شي معين .. المهم يكون مشبع وبعيد عن المحظورات اللي كتبتها لج فوووق

ولو عندج مردود حلووو حطي منه على الشوربه .. او على مرقه خضار ( اكليها بالقفشه )

و العشا اكلي عااادي

انا ما احب اسوي رجيم وقت الدوره اكل على كيفي .. ما امنع نفسي من شي ..
وبعد ما تخلص الدوره اسوي الرجيم اللي ابيه …

سوي لح مطاره فيها قرفه واضيفي ازنجبيل فهو يعمل على تنضيف الرحم وشده
ونزول الدوره بشكل تام وهذه للتنضيف
حبه الرشااد تأكلينه مع التمر الثلاث اياام الاولى ..

واشربوا الكمون مثل الشااي ينظف الرحم ..
تقدرين تشربين زعتر
والمشي زين وقت الدورة
القرفه جدا رائعه في فتره الدوره لانه يساعد على تنظيف الرحم ويخفف من الام الدوره
والحليب مع الحلبه والعسل في الصباح
1-عدم اكل الملوخيه ,الباميا,اللبن,الليمون,,المثلجات
2-عدم المشي حافيه على السيراميك

حربي هالخلطه
هذي الخلطه ( الدارسين+ الحلبه + الكركم + مسمار حب وطحنيه+
فلفل أسود حب وطحنيه + حبة البركه +هيل + فنجان قهوه حب الرشاد ( الحبه الحمراء )+
سكر أو العسل حسب الرغبه + حليب سائل حسب الرغبه وباقي المقادير ربع ملعقة شاي + كوب ماء تطبخينهم على نار هاديه 10 دقايق
الجرفه : تنظف من الدم وتجفف المنطقه
الحلبه : مقويه وتشد لان الرحم في هذي المرحلة يكون ضعيف ويستقبل الأدويه بسرعه
الكركم : منظف عن رائحة الدم ومقاوم الفطريات والبكتيريا الضارة
المسمار : منشط للمبايض وقنواته ومعقم الفطريات والبكتيريا الضارة
الفلفل الأسود : يدفي البطن وخاصة في الشتا
حبه البركه : مقاوم ومضاد ومقوي ومنشط للجسم عامه
هيل : معقم للمعدة من الروائح ومطيب لأستساغة المشروب
السكر أوالعسل تعرفون فوائدهم + الطاقه للصبح ضروريه
حب الرشاد: مفيد جداُ

لبسي سراويل قطنيه طويله ودفي نفسج

مشكوريييييييييييييييين ماقصرتوا

يزااكم الله الف خير
فدييييتكم

توصل العلماء بعد سلسلة من الدراسات إلى أن القرفة اختيار جيد لإزالة رائحة النفس الكريهة
كما تناولوا فكرة تطوير أنف صناعي يكشف راحة النفس الكريهة ويربط بين الهواء المستنشق والمرض.
وتتصدر مشكلة النفس الكريهة مع غازات المعدة ورائحة العرق قائمة الأمور الاجتماعية المزعجة التي تكدست أرفف المتاجر بحلول لها بدءًا من العلكة وغسول الفم حتى محاليل تنظيف الفم وإزالة الرائحة السيئة.
وبدأ العلماء أخيرًا البحث عن حقيقة النفس الكريه حيث عقدوا مؤتمرًا دوليًا لأبحاث رائحة الفم الأسبوع الماضي في شيكاغو حضره نحو مائتي عالم بينهم أطباء أسنان وكيميائيون وعلماء أحياء مجهرية وعلماء نفس وخبراء مذاق.
وتحدث مشكلة النفس الكريه حينما تهاجم البكتريا الفم وتكسر البروتينات وتنتج مركب الكبريت المتطاير.
كما يمكن أن تسبب في رائحة النفس الكريهة مشاكل أخرى منها جفاف الفم وتسوس الأسنان وبعض العقاقير ووجود تجويف في الأسنان وأمراض مثل السكري.
وحسب الجزيرة نت، قالت باتريشا لنتون الباحثة بكلية طب الأسنان بجامعة مينيسوتا: إن نحو 90% من الرائحة الكريهة للنفس تأتي من اللسان فهو "رطب ودافئ ويمثل مستودعًا كبيرًا للبكتيريا".
وأوضحت أن أفضل سلاح لمحاربة النفس الكريه هو العناية المستمرة بالفم والأسنان، وأوصت باستخدام معاجين الأسنان بصفة دورية وتنظيف الفم بفرشاة خاصة ثم استخدام غسول مطهر يومياً.

وأنا أنصح بالحفاظ على سنة النبى صلى الله عليه وسلم فى إستخدام السواك باستمرار وفى الأوقات التى حثت عليها السنة عند كل صلاة قبل دخول البيت وهكذا فالسواك مطهرة للفم مرضاة للرب

يعطيييج العافيييه صاجه اهم شيء نظافه الاسنان

يسلموووووووووو حبيبتي