بنتي توها مدحله الشهر الرابع باسبوع ابش ااكلها
بديت الحين اديها منقوع التمر بس ماتشربه شسوي
هل اديها سيريلاك
بالله عطوني من خبراتكم وشكرا
حبيبتي عطيها خضار مثلا جزر مسلوق و ضربية بالخلاط
او قرع
و فواكة مثل الموز أو التفاح..
عطيها عصير الفواكة
أو بسكوت الفاليز مع ماي مسبوق غليه طبعا أو مع حليبها إلي تشربه
ما انصحج تعطينها السيريلاك الحين لما يصير عمرها 6أشهر عطيها السيريلاك
بنتي عمرها 3 شهور واعطيها منقوع التمره من يوم كانت بالاربعين
والحين اذوقها الاكل بس شوي ع طرف لسانها
واعصر بحلجها حبة عنب يعني بس العصير
عطي بنتج اكل الاطفال يبيعونه بالجمعيات المعلب ع فواكه طعمه حلو
واذا ماتقبلت ذوقيها الاكل شوي شوي بعدين ليما تتعود بعدين وكليها
حبيبتي في كتب متخصصة في تغذيه الطفل
مثل كتاب الدكتورة ريم قنواتي
او موسوعة الطفل
واايد راح يفيدج بنمو طفلتج من ناحية المعلومات و انواع الاغذيه
اتمنى اني افدتج
ربي يسعدكم دنيا واخره
مشكووووووووووووورات خواتي
الله لايحرمكم الاجر
تفاحه حطي بجدر فيه ماي مغلي لمده دقيقتين عشان لما تهرسينها اتلين معاج واتصير لينه حق البيبي وهم عشان ما تفقد القيمه الغذائيه ونفس الشي للعرموط
وانصحج بكتاب الدكتوره ريم غنواتي تلقينه بصيدليه انترناشونال كلنك يحوي وجبات للأطفال لكل مرحله عمريه
الاكل بهالعمر مو زين انا بنتي 5شهور وليلحين ما اوكلها بس حليب مع بسكوته ومنقوع تمر كل يوم
ناطرتها تدخل السادس و اوكلها لانه الدراسات الحين تقول ممكن الاكل يسبب حساسيه للطفل قبل 6 شهور
تفضلي هالوجبات عزيزتي بس الأهم اتراعين طريقه الطبخ عشان تحافظين على احتفاظ الطعام بالقيمه الغذائيه ونصيحه لا تطبخين بالتيفال للطفل لأنه في ماده مو زينه وافضل شي لستانستيل واللي مكتوب عليه رقم 1018 هالنوع اهو الصحي
1- الخضار لا تنطبخ اكثر من 15 دقيقه عشان تظل محتفظه بالفايده والفاكهه اذا تبينها اتلين سوي الطريقه اللي قلتلج عليها اتحطينها بماي حار لدقيقه دقيقتين.
2- اي وجبه يدخل في تكوينها حليب الأطفال اتضيفينه بالنهايه لأنه حليب الأطفال مو زين ينطبخ حده تخلطينه بماي حار واتظفينه على الأكله بالآخر..
الوجبه الأولى :
أ- سيريلاك الأرز او ميلوبا الأرز الجاهز تخلطينه من الحليب ويفضل حليب الأم اذا اترضعين لين الحين.
ب- نص تفاحه مع نص عرموطه اتظيفين عليه قفشتين عصير تفاح أو برتقال تخلطينهم عدل في آله تنباع بسنتر بوينت تطحن أكل البيبي ايقولون افضل من الخلاطه وصحيه أكثر.
*نفس هالوجبه ممكن اتكون موزه مهروسه من حليب بمقدار مكياليين للحليب المظاف بالماء.
ج- تقدرين اتسوين لها محلبيه من الحليب الخاص للطفل .
د- بطاط وجزر مقطع ومقشر يوضع بالماء المغلى على النار لمده 10 بعدين تهرسينه واتظيفين له حليب الطفل او سيريلاك الأرز.
وفي معلومه مهمه انه العسل ما ايصير نعطيه البيبي إلا بعد ما ايصير عمره سنه والله يخليلج ابنيتج واتشوفينها أحسن الناس آمين يارب.
في كتاب اسمه الطفل السليم واااااااااااااايد راح افيدج يا قلبي فيه كل الوجبات من 4 شهور الى سن 12 سنه
في الشهر الرابع اتوكلينها الصبح ميلوبا أرز مع ماي تسوينه ….. والظهر حزة الغدا تسويلها جزر وكوسا وبطاط وتهرسينه بالخلاط عدل بالشهر الخامس تعطينها فواكه … ابدي بالخضروات بدون اضافة ملح او نكهه عشان تتعود تاكل وبعدها بشهر عطيها فواكه مضمون من دكتور شاطر
لا توكلينها الحين انطري لين يصير عمرها ست شهور
بس عطيها منقوع التمر
واااااااااااي كنت نفس مشكلتج
انا الغدا اعطيها … خضار .. مثلا
قرع وجزر وبطاط افوحهم بعدين بالخلاط مع شوية ماي ..
او جزر وبطاط وكوسا …
والعصر .. اهرس الموز وفوقه عصير برتقال ..
بس العشى لي الحين متوهقه قالولي … هريس ولا يرش
بس انا الحين بنتي اسم الله علييها بدش السادس ..
ومحتاااااااااره هم مادري شنو اعطيها 
الله يسهل
خليج على الحليب لين ست اشهر
الحين دخلي التمر و عصير برتقال مخفف بماي احسن تو الناس صغيرة
انا بعد دكتور بنتي مازن العيسى قالي الحين بدوا يوكلون الجهال متاخر شوي يقول لان في دراسه اثبتت ان البيبي اللي ياكل بدري معرض للحساسيه
.gif "Eh S(17)")
.gif "Eh S(2)")
.gif "Eh S(22)")
.gif "Eh S(8)")
