الوسم: العليا:

السلام عليكم بنات…..

حبيت أعرف جم المعدل المطلوب عشان اخذ بعثت ماجستير على حساب الحكومة؟؟؟

ااااااااااب

و عليكم السلام

حبيبتي لازم معدلج العام ما يقل عن 2.67 و معدل التخصص عن 3.00 نقاط

بهالحاله راح تكونين مقيده و تدرسين ابلاش

و على حسب تخصصج

بس اتوقع انه اخر يوم تسجيل للمقيدين اهوا 24-2

و هذا سايت الدراسات العليا
و ان شاء الله تحصلين المعلومات اللي تبينها فيه
https://www.graduate.edu.kw/arabic/index.php

موفقه ان شاء الله :**

السلام عليكم،
بنات أبي أسألكم انا سمعت انه في بنات وايد كملوا حتى لو ما عندهم المعدل المطلوب..
فا شلون كملوا؟ يعني على حسابهم ولا شنو؟
واذا في طريقة على حسابنا شلون؟

مشكوره fun

يعطيج العافيه ريحتيني والله

انزين انا باجيلي كورس واتاخرج انزين اذا قدمت على البعثه وانقبلت يصير انقي التخصص الي ابيه ولا اهما يحطون تخصصات معينه

وهل صج اذا خذيتي البعثه على حسابج وحبيتي تشتغلين بالكليه مايقبلونج لازم اتكون البعثه تبع الجامعه؟؟؟؟

اب اب اب

الوزاره ماتطلع بعثات تعليم عالي بس بكالريوس وانا سئلت بنفسي قالوا مايصير

وقلت اعلانكم الماجستير والدكتوراه قالوا هذا للي اساسا بعثه بكالريوس ويبون يكملون عالبعثه

واذا سئلتي بلغينا

قوة .. اشلونكم

بنات بليز اللي قدمت امتحان التوفل بكلية الدراسات العليا اتفيدنا

يعني الوقت مداج ولا لأ

مواضيع reading شنو كانت علمية والا ادبية

اسئلة القواعد اشلون

مستوى ال listening صعب والا لأ

وشنو أكثر قسم استصعبتيه عشان نستفيد

وشكررن

ايه والله ياليت البنات يفيدوننا

ومتى الامتحان الجاي

ومشكوره على هالموضوع واتمنى البنات يتفاعلون معه

الامتحان باجر انشالله … وفي غيره بتاريخ 47
بس قبل لا تقدمين الاختبار لازم تشترين كتاب الدكتور عباس الشمري من مكتبة الطالب اللي بالشويخ
مالت الجامعه .. والوقت يدوب يكفي بس مو ضروري تعرفين كل الاجابات اللي ماتعرفينه شيري :$
ومو ضروري تنجحين من اول اختبار يعني عادي تعيدينه مرتين او ثلاث
وموفقين وادعولي باجر اختباري

الله يوفقج انشاالله هيونه1
بس لوسمحتي شنو اسم الكتاب ؟؟؟

للرفع

انا اخذته ونجحت حمدالله فيه والاسئله لازم تكونين متدربه على الامتحانات ولازم تكونين سريعه ومتمكنه من نوعية الاسئله

متى تفدميين التوفل يعني لازم تخلصين الجامعة اول شي ولا شنو بليز

امتحان التوفل صالح لمدة سنتين .. وشوفي متى تبينه

ياحلوات انا خريجة كلية التربيه الاساسيه قسم تكنولوجيا التعليم ابي اسألكم يقبلوني كلية الدراسات العليا ولا لا وشنو الشروط اللي يبونها بليز اللي تعرف ترد علي

وين نمتحن التوفل؟؟؟

السلام عليكم حبوبات شلونكم شخباركم؟

حصلت وايد بنات يسئلون وما يلاقون اجوبه لانهم مشتتين

فا شرايكم اهني في هالتجمع نسأل ونجاوب بعض على أي سؤال يتعلق في الدراسات العليا في جمهورية مصر العربية

ىنا كتبت موضوع عن اسماء الجامعات المعترف بها في مصر من قبل التعليم العالي عندنا بالكويت

للدخول هنا

وأي وحده عندها سؤال او معلومة حابة تفيدنا وتفيد خواتنا فيها ياريت ماتبخل علينا

الحمد الله آنا بديت ادوّر وادعبس لاني مسافره عالصيف بقدم اخوي راح وسأل قالوا له على آخر شهر سبعة اكو تسجيل

وان شالله راح انزل لكم لي عزمتوا اروحون ارقام شقق وسواقين يفيدونكم بالاقامة هناك سواء مؤقته أو شبه دائمة للدراسة

حياكم حبيباتي

غميضه

محد يب يكمل غيري؟

وينكم بنات؟

انا ماعندي مانع بس ماحب مصر ماتحمل اقعد سنه كامله … ماعندهم نظام اروح مره بالشهر او بالفاينل بس !!

و ياليت جامعه صوب الهرم يعني 6 اكتوبر هههه ..

كيمه حياتي انتي خطيرة

يعني ماجستير تحت الطلب

انزين آنا اقول لج شي

مصر اظمن لج ليش؟ لأن الحين البحرين انسي .. لغوا الاعتراف بمعظم الجامعات عندهم مابقى غير ثنتين وعلميات

ومنو قال لج اني بروح البد بمصر؟ يماااااااااااااااااااااا من صجج؟ ( والله مع ان الفكره خوش فكره مصر تينن بس احن لديرتي بسرعه)

انتي قوليلهم ( التعليم العالي) انج بتروحين انتظام .. لأنهم يكرهون كلمة انتساب .. وانتي عاد بمعرفتج وجيبج اتفقي مع الجماعه اللي بمصر ( الدكاتره ) إنج تيين تمتحنين وتردين

يعني مرة بالكورس او مرتين

وكان الله غفورا رحيما

ومنو قال لج ماراح تلاقين المكان اللي تبينه؟

انتي دشي اللنك وبتحصلين ان شالله الجامعه اللي بخاطرج

موفقه يا أموره

هلا مي..

انا كان ودي البحرين بس الله مو كاتب وماكو الا مصر..

بجيك ع جامعتهم ويارب مايكونون اوفر اسعارهم..

ومشكوره..

وموفقه يارب..

وانا بعد وياااااااااااااااااااااااااااااج ما كورازون
احس انج نفسي انا بيقدملي اخوي على جامعه طنطا اداره مدرسيه يقولوووووووووووووون طنطا كلش مافيها دوام الا اول السنه تاخذين كتبج ويشوفونج دكاترتج واخر السنه امتحان يارب انتي معااااااااااااااااااااااااااااي تكفين قولي انج بتسجلين فيها انا بعد حدي خايفه

بنااااااااااات يله خل يصير تجمع للدراسه بمصر ونساعد بعض

هلا والله حبيباتي

سبونج لا انشالله اسعارهم ماهي اوفر … يعني الماجستير باذن الله ما يكلفج فوق ال300 دينار للسنتين بكل احتياجاته وسهالات ان شالله

والحلو بمصر انها اظمن لج واسمج تخرجتي من جامعة بمصر يعني فاهمه ودارسه

ام عبد الرحمن حياتي اي يارب انكون مع بعض يارب مابي اتوهق بروحي

ان شالله هالسنه عالصيف بروح … واسأل اكثر وافرفر عليهم علشان اشوف بنفسي .. خلنا على اتصال لو بالمنتدى علشان نعرف آخر المستجدات

بس آنا كان بخاطري ادارة مدرسية بس بعد ما فرفرت بالسايتات ملوتهم وشفت التخصصات بالتفصيل لقيت الأنسب لي تخصص تكنولوجيا التعليم وهذا اللنك لو حابة تشوفين وتاخذين فكرة

هنا للدخول

أو علم نفس تربوي .. بصراحة حبيته من أيام الجامعة

هنا للدخول

واكو بعد تخصص الدراسات النفسية للطفولة هم حلو

هنا للدخول

وانتي هم دشي السايت ليل نهار ليمن تقتنعين بتخصص تبينه مو بس تاخذين الموجود

اهم شي ترتاحين للتخصص ويلبي طموحج … حطي نظرة مستقبليه (طاع منو ايتحجى) ؟..

وموفقه حبوبه

ياحياتس عسى الله يجمعنا على خير
اي بس بغيت اسالج في وحده بالمنتدى قالتلي ان اداره مدرسيه تخصص سهل بس اذا تخرجت ارد للمدرسه يعني مو مطلوووووووووووووووب شرايج بتربيه خاصه سهل عمرج سمعتي عنه
واذا في تخصصات تعرفينها مطلوبه ياليت تفيديني

ونااااااااااااااااااااااااااااااااااااااااسه اخيرا سويتو تجمع انا وحده ودي اكمل من زماااااااااااااان كان ودي ادرس البكالريوس بس للأسف والدي الله يرحمه رفض بالبدايه يمكن كان خيره حقي .
والحين انا بأخر كورس لي ان شاء الله بالبكالريوس وناويه اول ما اتوظف اروح ادرس هناك

انا رحت الاسبرع اللي فات التعليم العالي وخذيت منهم الاوراق وهم قاعده اتواصل مع منتدى طلبه الكويت في مصر اي سؤال حبايبي انا حاضره واتمنى بعد يكون في بنات يدرسون هناك ماجستير ودكتوراه علشان تكون الفايده اكبر واكبر

بنات اللي قالتلي اياه الموظفه بالتعليم العالي ان بمصر لازم اكمل على تخصصي ضاق خلقي بصراحه لان كان ودي اكمل شي ثاني يعني لازم اكمل علوم سياسيه والجامعات المعترف فيه احق العلوم السياسيه 4 بس وهم الثاهره والاسكندريه وحلوان وقناه السويس

وبدخل اسايت مالهم واشوف

وهم اان شاء الله على الصيف شهر 6 او 7 لازم اروح اشوف بعيوني المكان اللي ارتاحله شرايكم انسوي هالصيف كلنا جوله استكشافيه

عاااااااااااااااااااااااااااشووووووووووووووووووووو وو والله عضواتنا نشميه لاحد يحطمج ادرسي نحن السابقون وانتم الاحقوووووووووون انا كاني قررت خلاااااااااص اكمل لاااااااااااعت جبدي من التدريس وعووووووووووووووو
عسى الله يوفقنا يارب بس نبي احد يفيدنا بالتخصصات المطلوبه مابي ادرس وبعدين ماحد يبيني ارد للمدرسه

يالله بنات اللي عندها معلومات لا تبخل علينا تكسبون فينا اجر

تصدقين انا اعرف اثنين يدرسون بمصر و رفيجة امي مصريه شكلي بكدشهم يسالوون لي .. وصاجه بمصر كل شي بفلوس ادفع وانجح لوول

حده كدشيهم نبي نستفيد وباجر احنا بنتكدش ونفيد غيرنا

بنات آنا بذن الله بروح مصر هالصيف .. وان شالله تكون سهالات لأن عندي ناس بمصر

وخالتي حاليا بمصر بس مالها بروحة الجامعات يالله تشيل عمرها واعليه

الحين السؤال اهو ليش يعني لازم اكمل تخصصي؟ شهالنحاسه؟

آنا خريجة بكالريوس تربية لغة عربية وحابة ادرس ماجستير mba أدري حدي عاره عن التخصص بس حابه ادرسه

لو يبت لهم سكور حلو في امتحان الجي مات وامتحان التوفل .. هم بيقولون ما يصير ولا ماله شغل بالاساس؟

الشي الثاني تسلمين ام عبد الرحمن

وتسلمين نشميتنا الامورة

والله شكلنه احنا بنكدشج لأنج عندج معلومات حلوه .. فا لازم نعصرج ولا مانكون كويتيات .. فديتج

الشي الثالث آنا أبي اعرف .. انتي رحتي التعليم العالي اللي بالمنطقة الحره ولا اللي بشرق؟

واي مبنى بالضبط رحتي؟

واذا بروح الاسبوع الياي شنو شلون اعرف التخصصات اللي ماتردني المدرسة

سؤال اخير ادري مصختها .. سمعت ان اللي درجاتها مو مرتفعه ايام البكالريوس بالجامعة لو يابت دكتوراه ما يخلونها تدرِّس بالجامعة

يعني دكتوراتها تتوظف فيها بأي مكان غير الهيئة التدريسية بالجامعة

هل هذا الكلام صحيح ؟؟؟

ام أنه هراء؟ ( حلوه هراء)

السلام عليكم ورحمة الله

شلونكم يا حلوات

معاكم خريجة تخصص علاج طبيعي من كلية الطب المساعد.. تخصصي جدا حلو و مفيييد و ممتع و الحمدلله قربت اخلص بس انا حاسه ان ودي اكمل دراستي … دايما كانت امنيتي اني اكمل ما اوقف بكالريوس و الحين سنحت لي الفرصة و قسم الاناتومي بالطب قابليني ابلش عندهم سبتمبر الياي…
ابي تجاربكم يا حلوااات الي درستوا ماستر و دكتوراه و مع زواج و عيال شكثر التعب و اللوية؟؟؟ صج كوابيس مثل ما قالولي ولا عادي الوضع كانه دوام بكلريوس؟؟؟ مع العلم اني شفت الويل بتخصصي من صعوبة و من امتحانات و دوام طويييل للعصر كل يوم يعني متعودة عالوضع الصعب

بس عفية ابي مشووورتكم حيييل مترددة تنصحوني اكمل و اتوكل عل الله و انا عندي بنوتة صغيرة ولا بيكون شي تعجيزي؟؟؟ ترة التخصص الي مختارته مو سهل و للاسف ما عندي مجال حلو حق تخصص اخر لان هذا المطلوب حاليا في كلية الطب…

هلا حبيبتي

لا والله ماكو لويه ولاشي
بالعكس سهالات الحمدالله خصووصا اذا كانوا ااهلك من النوع اللي يقدر التعليم و زوجك يعاونك على تربية الطفله
شي حلووو وممتع جدا اكيد يها تعب شوية بس اللي يبي الدح لايقول اح (:

الله يوفقج حبيبتي حلووو طموحج انصحج تكملين ,,,

اهلا حبيبتي
مشكووورة عل دعمج المعنوي صج ونستيني وايد بس للحين مترددة (((

و التعب تعودت عليه من سنين لكن زوجي يقول مابي الوضع يسيء اكثر من ايام الجامعة فخااايفة

ياريت اذا في وحدة نفس حالتي نتشارك…

للررررررررررفع … والله يسهل عليج

اب اب اب

السلام عليكم – كويتيات شلونكم ؟

بنات متى موعد التسجيل في كلية الدراسات العليا – نظام الطلبة المقيدين ؟

وايهو اسهل اختبار الايلتز ولا التوفل ؟

بانتظار افادتكم

ودي افيدج ان شاءالله تاخذين ماجستير ودكتوراه

هلا هلا بخريجتنا

بصراحه ما عندي أي فكرة لأن اخر دفعة قبلوها كانت شهر 6 بس اذا ماني غلطانه يفتحون مرتين بالسنة

هذا موقعهم https://www.graduate.edu.kw/

و يفضل تراجعينهم بالخالدية احسن من ما تاخذين الحجي منا اخذي الكلام الاكيد منهم

و يقولون التوفل اسهل من الآيلتز الآيلتز شوي مادري شلون صاير :

الله يوفقج يارب

مشكوره على هالرد الحلو – والفال لج ان شاء الله

اهلا بمستمرتنا – منوره الموضووع

مشكوره على هالرابط افوكا – لقيت فيه طلبات الالتحاق وحاطين اسماء المقبولين 2024/2012
طريقتهم عقدتني – الظاهر يقبلون الدفعه قبل الدراسه بسنه
وشكلي لازم اسجل بالتوفل عندهم – بسير عليهم هاليومين ان شاء الله
جزاج الله كل خير وعقبال ما نشوفج دكتوره قولي امين

وي صج :$

بالغلط عيل لووول و صج مادري شلون طريقتهم بالضبط بس اذا بتدرسين بالكويت ما راح يطلبون توفل لأن الماستر هني بالعربي حق الحقوق ( يعني اذا حقج قصدي )

و صج لما تروحين احسلج و سئلي افوي معانا بالتجمع اكيد بتفييدج

https://www.graduate.edu.kw/arabic/index.php

و انشاللله الله يسمممع مننج و اجمعييين نصير كلنا دكتورات المستقبل

ترى اليوم نزلوا بعثات جامعة الكويت
يعني شكلهم ملوت بره مو ملوت كلية الدراسات العليا

https://kucultural.kuniv.edu.kw/2_ad.htm

و التقديم حتى 20-10

موفقه يارب

ان شاء الله البنات يفيدونج

للاسف الشديد طالبين توفل عشتو

مو انتي الله يهديج حرقتي علي خطتي
ايفا سردت لها 30 سؤال قبل رمضان وجاوبتني ماشاءالله عسى الله يوفقها – فقلت بخلي هالسؤال اهني وباقي الاسئله حق ايفا لووووووول

اجمعين ان شاء الله
جزاج الله خير على هالافاده افوكا

مشكوووره مس روبنز – بقدم التوفل باقرب وقت
اجمعين ان شاء الله ولج المثل يا رب

مشكوره على الرد حبيبتي كوكو

بسم الله الرحمان الرحيم

حبيت اطرح هذا الموضوع علشان البنات إلي عندها طموح تستفيد >>>ما اطـــول علـيكــــم …….

منو عندها فكره عن الدراسات العليا بعد البكلريوس (الماجستير, والدكتوراه)

*يعني شنو شروطهم ؟؟
*ولازم الطالبة تتخرج بتقدير معين ؟؟
*ولي عندها تجربة شخصية او احد تعرفه تقوله لاستفادة ؟؟

انا اللي اعرفه الماستر بجامعة الكويت له معدل معين و اجتياز التوفل ..

وبس سلامتج..

وموفقه يارب..

يــــــــــــــــــــــــــــــلمووووو حبـيـبـتــي على المروور…

أكيد له شروط بالنسبه للمعدل العام اتوقع لأزم مايقل عن 2.67 ومعدل التخصص مو أقل عن 3 نقاط وامتحان التوفل مهم وضروري خاصه الأنجليزي طبعاا اتكلم عن التخصص اللي أدرس فيه علوم سياسيه

3.50 من سلم الاربع نقاط يعني امتياز مع مرتبة الشرف ..على ما اضن

تــسـلمون حبايـبي على الـمـرور‘‘

انزين بالنسبه للمدرسات اللي بتاخذ ماجستير .. شنو التخصصات المتاحه لها ؟؟؟؟ محد عنده فكره؟؟؟؟؟؟؟؟

اكيد في شروط اذا بتكملين بجامعة الكويت المعدل العام لازم مايقل عن2.67
والتخصص مايقل عن ال3 وهالشرط على حسب علمي حق كل الكليات

ولازم نجتاز اختبار التوفل وطبعا التوفل بالانجليزي وكل تخصص له حد معين بالاجتياز اعتقد مو اقل من 450

وشنو بعد امممممممممممممممممممممممم

اي انا بصراحه عاجبتني جامعة دلمون اللي بالبحرين الماستر سنه وحده وبدون رساله والدوام بس بالويك اند هذا على حسب كلام البنات اهني بالمنتدى اللي سالتهم جزاهم الله خير على المعلومات

وبس وبالتوفيق للجميع

*خوووووش سؤال ياريت البنات يردون عليه

يااالله ناااطرين أحد يجاوب استفسااارنا …

مع حــبي ..

السلام عليكم ورحمة الله وبركاته

بنات حبيباتي ابي اسال اللي عندها فكرة عن الدراسات العليا
انا مدرسة انكليزي وصار لي 6 سنين بالتربية ودي اكمل ماجستير ومعدلي العام مايسمح مع اني اداب انكليزي رحت لادراة التعليم العالي بكلية الهندسة قالوا مافي يبون معدل عالي ابي طريقة اقدر اكمل فيها

فـــــــــيــــــــــــــــــــدوني تكفون

اشلون يبون معدل عالي!

انا اللي اعرفه معدلج العام لازم يكون من 2.67 وفوق

وتجتازين التوفل

سؤال اذا ابي استفسر منهم وين اروح الهندسه
انا اقتصاد منزلي كلية التربيه الاساسيه و معدلي فوق 3 نقاط

حبيبتي الي قالولج ما يصير روحي الدراسات العيا الي بالجامعه كلية الخالديه مره ثانيه سأليهم يصير تدرسين بالجامعه ماستر (( غير مقيده )) على حسابج بفلوسج … او روحي التعليم العالي شوفي شنو الجامعات الي معترف فيها … وسأليهم لازم تروحين عن طريقهم ابتعاث ولا عادي تسافرين للدوله الي فيها الجامعه المعترف فيها و تدرسين و اذا خذيتي الشهاده تعادلينها منهم

وشوفي نظام الانتساب معترف فيه ولا لأ و في طلبه يسجلون انتظام بس يتفقون مع الجامعه و ينسقون على اساس انتساب

فعشان هالسبب ايضا :-
روحي الفتوى و التشريع بالديوان سأليهم لو يبتي ماستر بعد جم سنه ان شاء الله يعدلون درجتج ولا لازم يكون ماخده تفرق دراسي عشان يعدلون درجتج من الديوان و يضيفون الماستر لج …. و هم هالسؤال سألييي في وزارة التعليم العالي شرط تاخذين اجازه ولا موشرط عادي تجمعين بين الوظيفه و الدراسه وقت الاختبارات بس تقدمين اجازه لان خوفج ما يعدلون الدرجه لو كان رايحه بدون اجازه و يقولون موظفه على راس عملج اشلون يبتي ماستر …. الخ

وهم سألي الشؤون الوظيفيه بالتربيه
و احتاط هم سألي بالجابريه اداره التنميه و التطوير الاسأله السابقه و سأليهم بعد يصير اهم يبتعثونج على حسابج … و عطينا الاخبار لتعم الفايده لان هم انا بكمل بس ما عندي سياره اروح اسأل
واذا تبين اكثر اكثر سألي الاداره القانونيه بالتربيه بعد

شلون تخضصج ادبي في الثانويه والبكالريوس انجليزي وتدرسين هندسه مايصير

^^^^^^^^^^^^

لووووووووووووووووووووووووووووووووووووولز حبيبتي البنيه تقولج راجعت ادارة التعليم العالي في جامعه الكويت بالخالديه كلية الهندسه مو تبي تدرس هندسه

أتوقع كلام مس سوسو زين ..

يعطيها ألف عافية يا رب

كلش كلش راجعي الجامعات الخاصة

حبيبتي يعتمد انتي شنو مقررة تكملين ووين ؟؟
اذا مقررة تكملين ماستر بالتربية اعتقد ما يصير لان لازم يكون عندج دبلوم تربوي
اما اذا بتقدمين ماستر اداب انجليزي فسألي عن شروطهم من خلال كلية الدراسات العليا وطبعا احد اهم الشروط المعدل ( اي ان يكون معدلج جيد جدا ) وطبعا والاولوية للمعدلات العالية .
اما اذا معدلج مو جيد جدا وتبين تكملين اول شي قرري الدولة والتخصص ،
وسألي الديوان ( ديوان الخدمة المدنية )
ووزارة التعليم العالي
وادارة التدريب والتطوير بالجابرية

والله يوفقج

الماجستير الي على حسابج في جامعة الكويت وقفوه حاليا

درسي ماستر بره الكويت انتساب مصر

ولندن عندهم ماستر اسمه سمر بروجرام يعني بس بالصيف تروحين بس مدته اطول سنتين او ثلاث وهذا بعض الجامعات تقدمه

والله يوفقج

يعطيكم العافية انا مابي ادرس هندسة انا قلت لج رحت لكلية الهندسة لان ادارة الدراسات العليا عندهم بالخالدية عرفتي ياقلبي واهم اساسا واعدوني شهر 10 الياي قالوا استفسري يمكن نفتح لغير المقيديين والله كريم واذا في اخبار جديدة راح ابلغكم

محد رد ععلي مشكورين
صح اهم شي ناخذ فايدتنه مالنه شغل بفايدة غيرنه
الانانيه شلون قايله
يعطيكم العافيه

كل شي الا زعلج ياام زنوب حبيبتي مس سوسو ماشاء الله كفت ووفت عسى الله يوفقها دنيا واخرة
واذا بتسالين روحي كلية الهندسة والعلوم في الخالدية صوب النافورة تدخلين المبنى وتروحين فوق صوب الدراسات العليا وتسالينهم واحاول ادبرلج رقمهم يالغالية

الجوهره ليش ماتكلمين في بريطانيا و اتوقع يعطونج فاونديشن ير بعدها سنه ماجستير ؟

رفع رفع

الموضوع مفيد

بسم الله الرحمن الرحيم
اشلونكم حبيباتي طبعا موضوعي مبين من العنوان انا حاليا موظفه بمؤسسة حكومية مستقله وودي اكمل ماستر بالقاهرة تكفوون ابي مساعدتكم عن طبيعة الدراسة جم اروح هناك وهل ياثر على وظيفتي؟ والرسوم بالنسبة للماجستير في جامعه القاهرة علشان اشوف امكانياتي اللي عندها اي معلومة او تدرس هناك او تعرف احد يدرس هناك تكفون لا تبخلون علي وترى دعوة المسلم لاخية المسلم بظهر غيب مستجابة باذن الله وجزاكم الله الف خير

مري التعليم العالي مبنى 2 الدور الثاني وسأليهم عن الجامعات المعترف فيها وسجلي

السلام عليكم
بنات أبي استفسر عن آعانة الطالب في جامعة الكويت للدراسات العليا
اللي يعافيكم اللي عنده معلومه اكيده تفيدني
لانه استفسرنا وقالولي 400 دينار وسمعت حجي ثاني متضارب انها 800 دينار
محتاجه تأكيد جم بالضبط؟
ويعطيكم العافيه

ان شاء الله يارب تردون علي

يعني باختصار شديد

مافهمت قرار الوزير بالسماح بابتعاث المعلمين للماستر والدكتوراه

شنو الجديد فيه ؟؟
هذا موجود وهذا المعلمين كل من بغي كمل ..

سؤالي: هل فيه اضافات علي اللائحة مالت الابتعاث او زياده او نقصان بالشروط ؟

اللي تعرف بليز تنورنا وتفيدنا ..*

الراي

اما في ما يتعلق بالمعلمين، فأوضح الحجرف ان لديه رؤية خاصة لذلك في زيادة عدد المعلمين المبتعثين للاستفادة منهم واثراء العملية التعليمية بالكفاءات وتوفير بيئة تعليمية منشودة، لما في ذلك من اهمية لتطوير المرفق التعليمي.
وقال وزير التربية وزير التعليم العالي ان أهم البنود التي تتضمنها آلية ابتعاث المعلمين والمعلمات، أن يكون الى جامعات مشهود لها في مجال التربية والتعليم، ومن ضمن الشروط مضي ثلاث سنوات على التحاق المعلم بالعمل في الوزارة وحصوله على تقدير امتياز لسنتين، وأن تكون لديه رؤية لتطوير نفسه.

للحين مو مبين شي لكن الأرجح أنه راح يكون نفس وزارة الصحة لما تبعث ناس براتب كامل مع رسوم الدراسة وفوقهم بدل سكن

تقريبا لحد شهر واحد يبين كل شي

اها جزاج الله خير

يعني اسأل بالديوان ولا مركز التطوير ؟

مافي اختلاف هو هو القرار بس دخيل الله مو حرام انا اكمل دكتوراه و ارد اصير مدرسه ليش يعني ما اصير دكتوره باحدى الكليات
لي متى هلوزاره تذهلني بقراراتها

متى يفتح باب التقديم

ام زنوب

يعني اذا القرار ما تغير فيه شي ليش يثيرونه مره ثانية – بس احنا نصبر ونشوف 

عجمية زوغه

اذا تبين تابعي النشرات اللي تجي عند السكرتاريا.. *

انزين اذا خذيت دكتوراه بمجال غير التربيه هل في اشكالية!

اهو الابتعاث يكون حق تخصص تربوي خاصة اذا معلمة وعن طريق وزارتج
واذا اخذتي بغير التربية في اماكن ثانية لج بالدوله اكيد ..
بس الحين احنا خنفك الغموض االلي يلف هالخبر ونشوف – الله المستعان

هل لدرجة البكالريوس علاقة بالشروط؟؟؟

اعتقد لان من شروط الماستر التربوي معدل ٣ نقاط وخبرة

بس هالقرار مو واضح لحد الحين …

سمعت مقابلة الوزير بالوطن وقال بخصوص هالموضوع راح يكون حكر لتخصصات التربوية وضرب أمثلة تربية الأسرة والإدارة المدرسية وتعلم ذوي الاحتياجات الخاصة

وقال راح نبعث إلي تنطبق عليه الشروط لجامعات إحنا نحددها تكون عالمية ولما يرجع لازم يخدم في الميدان كمعلم ماراح نخليه يطلع

…………

عموماً شهر واحد الجاي يبين الشروط والتخصصات المطلوبة والبعثات وهل على النظام الفاشل القديم أو في اغرائات

لأن النظام القديم يقص ثلاث أرباع المعاش أذا سمحولج بتكملة الدراسة خصوصاً بعد الكادر لأن معاشاتنا معضمها كادر والا الاساسي

والعلاوة الاجتماعية ماتتعدى الخمسمية دينار وهي الي ياخذها الي يطلع تفرغ .

شالفايده اذا برجع معلم ؟؟

مغتربه

اذا اقعد واخذ فترة نقاهه من الدوام وغثاه جم سنه وراتبي مثل ماهو ليش لأ ؟

خاصة واحنا تظيع احلي سنين شبابنا بالكرف وشد الاعصاب اليومي

يعني مو مشكله لو ارد طالبه براتب معلمة كااامل

ولا رجعت يحلها رب العالمين … بس اكيد راح يحطونج بمكان يتطلب شهادتج

وما يندري يمكن يكون احسن من منصب دكتور جامعي خاصة لنا احنا المدرسات اللي وراهم بيت والتزامات …

والله يسهل من عنده

الله يسهل عليكم

حبيبتي ترف بابا ان شالله تبشرينا قريب بقبووولج