الوسم: الشفط

بنات انا قاعده اعد العد التنازلي لعمليتي شفط وشد البطن والزند بس حدي خايفة من الالم والبنج وشكل الجرح افيدوني

مشتهيه اسوي بس الخوف ذابحني
بالعلم اني مسويه قيصريتين

حبيبي اشلون قالج الدكتور لشد الزند يعني بالطول ولا على شكل دائرة على حافه الزند وان شاءالله سهالات تقومين بالسلامة وتصيرين رشيقة

انا الترهل كبير قال للكوع والبنات بالمنتدى امجربينه شاطر خياطة خفيف وانشالله خير

ورد وريحان انا مومجربة القيصرية وقالو نفسة وحدي خايفة بس بنفس الوقت مستانسة لان بقعد وبشوف نفسي من غير ترهلات

حبوبه العمليه القيصريه عوارها قوي لان يشقون 7 طبقات بالبطن

اما عمليه شد البطن اخف منها لان3 طبقات يشقون بس فالمها بيكون اخف طبعا

تحياتي والله يقومج بالسلامه

الله يسهل عليج ويقومج بلسلامه

هلا حبوبه شلونج
اول شي عسى الله يسهل عليج وتقومين بالسلامه ان شاءالله
2 شي دكتور عبدالناصر شاطر صح بس انا ماحب فيه شغله اولا وايد يقرق ثانيه المصداقيه عنده مو اوكي
يعني تحسينه كلكجي شوي
انا رفيجتي سوت عنده شفط وشد بطن وخواصر وزنود
عيزت منه عقب العمليه تقول له ورني صور العمليه و هذا من حقها بس ماراواها و كل مراجعه يطلع لها عذر
اخر شي يوم مل من حنتها قام راواها صور على الفلاش تقول الجلد اسمر غامج واهيا بيييضه تقول قتله دكتور هذي مو انا قال بلا بس التصوير مو زين طبعا يوم قالتلي جان اقولل ها ان اهوا ماعنده غير هالصوره بالفلاش ولما وصفتلها اياها قالتلي اي هذي اهيا وكان مراويني اياها من قبل ههههههههه
وهوا تلاعب معاها جذي وعيا يراويها الصوره لانه قايل لها بشفط منج حول 8 لتر دهون بس عقب طلع موشافط منها الا 3 لتر!!
ومادري ليش سوى جذي
انا اللي سوالي عمليتي دكتور اشرف عبدالقادر
واااااايد شاطر وعبدالناصر كان زيمله سنين طويله بس توه انفصل عنه و راح المنار
حتى دكتور اشرف يقول انا مستغرب منه بدون اي مقدمات انفصل عني و حتى لاتلاقينا باي مستشفى مايسلم
وانا طاح من عيني مره يوم كنت اروح مراجعاتي عند دكتور اشرف طبعا عقب العمليه
ساعات اشرف يكون مشغول فا يقول لي خللي د عبدالناصر يسويلج الغيار هذا انا وياه واحد ولاصرتي معاه اعتبري روحج معاي
وهو كل ماصرت معاه بروحنا قال لي تعاليلي مركز الزهير انا اسويلج عمليتج ال2 ويساسرني عشان مايسمعه اشرف
لان انا لي عمليه 2 حتى اقول له تو الناس د اشرف قايل لي مو اقل من سنه
يرد يقول لي لا عادي خلتمر 3 شهور وتعالي
مع ان عمليتي وايد كبيره و طولت يبيلي نقاهه عقبها مالا يقل عن سنه
بس اهو بيموت على الفلوس واكثر من وحده قايل لها جذي يبي ياخذ كل مريضات اشرف
شكله والله اعلم يغار منه
انا مالي شغل فيه الله يستر عليه بس انا عن نفسي وااااااااايد تهمني اخلاق الدكتور اللي بأتمنه على نفسي وحياتي
اهم شي يكون عنده ذمه و ظمير
اهوا كشغل انا رفيجاتي 2 سووا عنده يمدحون شغله
بس انا لو رادتلي حتى لو شغله حلو واسمع انه بهالاخلاق ماروحله
وانتي وكيفج حبيبتي
انا بس قلت اخلص ظميري جدان رب العالمين
وعسى الله يوفقج يارب و تقومين بالسلامه ان شاءالله

قوة بنات ياربي هالدكتور انا ما سمعت عنة الا بالمنتدى ويمكن 3 بنات يمدحون شغلة , مهرة دكتور اشرف اهو نفسة اللي كان بالسلام وطلع؟ اذا اهو انا سمعت عنة انه وايد شاطر

عندي تعليق شلون تثقون في كلام النت وبس ترا مو بضرورة الي بالنت تكون تجارب حقيقية وهذي عملية خياط وشفط وبنج في دكاترة مشهورين وشاطرين مو ناس شهرتهم فقط في منتدى لا اكثر ولا اقل انا هالنوع الي اخاف منهم

الله يقومج بالسلامه وكل بنت كتبت رايها صج استفدنا منه وتسلمون

الله يهداكم غيرتو الموضوع حدههههههه

بسم الله الرحمن الرحيم
وبه نستعين
شلونكم خواتي ……
بتكلم عن رحلتي في دراستي وبحثي عن عملية شفط وشد البطن عند الدكتوره شيرين ابو الفتوح..
بسولفلكم عني احم احم ببتدي..أنا عندي عيال4ربي يخليهم لي انشالله وتعرفون بعد الولادات تبدي ترهل البطن والزوائد المصكلكه من الجوانب اللي لاقعدتي انسدحوا يمين ويسار بقول الحمد الله ع كل حال..بس والله بأخواتي لاعت جبدي لأني قادره البس عدل اشتري شغلات شحلاتها من بيجامات وتي شيرتات من البسهم خربت عليهم هالكرش …ماخليت نادي مارزيت بوزي فيه ماخليت شي ماقالوا عنه يشيل الكرش ماشربته ولطيته لط قامت تكبر ماتصغر…وابو الشباب كل ماشافني كرشج مخرب عليج حده احبطني …قلت يتوكل ع الله وبشفطها…ومن بعد مابحثت بمنتدانا هالطيب عن تجارب خواتنا الله يسلمهم لقيت الكل يمدح بدكتوره شيرين قمت وشديت الرحال وع طول عالدكتوره…
حبيباتي انشالله فاصل ونواصل انتظروني لان عندي حجي واااااااايد بقوله..
الله معاكم حبوباتي……*

ابي مساعدتكم….
أنا وايييد اسفه كتبت موضوعي واتضح انه موبقسم العمليات والجراحه والتجميل
والللي يسلمكم ساعدوني ما أعرف انتقل ساعدوني وانقلوني للتجميل

اببببببببببببببببب

ليش 19مشاهده ومحد معبرني ولا راضين تساعدوني
اللي بيساعدني راح يحصل مني احلا دعوه
تدرون ان الدعوه انشالله تستجاب بيوم المطر الطيب هذا
يللا شدو الهمه وساعدو أختكم بالله وبالمنتدي
والبعد عندي سوالف حلو وتشوق تونا باول الطريج؛)

سولفي انا معاج شنو صار سويتي العمليه

والا بعد للحين

تبي الصراحه مااعرف شلون ينقلون الموضوع

رررررررررررررررررررررفع لعيونج

فديت اعيونج با نور الكويت13

هلا حبيبتي ماعندي فكره>>عصقوله
بس نصيحتي استخيري قبل كل شي
واحسن شي تحطين موضوعج بقسم العمليات الجراحيه بيفيدونج وااااااااااايد
واذا بتدعيلي ادعيلي بالولد الصالح

انا عملتها شفط وشد وابييييييييييييييييييييييييييييييييييييييييييييييي يييي وايد صعبة يس الحمد لله راح الكرش

الحمدلله على سلامتج

الحمدلله عالسلامه حبيبتي ذكري تجربتج عشان الكل يستفيد
وتتهنين باللوك اليديد انشالله بصحه وعافيه

حبيبتى صج الكرش بعد الولادات يلوع الجبد وغير الخطوط
كانه واحد مشفط على بطنج وانا افكر اسويها
بس مريت بكذا عمليه ونفسيتى تعبانه من العمليات اللى ورا بعض
واذا شلتى الكرش معناته مافى حمل نهائيا وهذى مشكله اذا حملتى راح تعبج كله
وبعدين قريت وايد تجارب بنات العمليه وايد متعبه
بس انا متابعه لتطورات موضوعج
والله يسر امورج

الله يسلمج ام فطوم العملية وايد صعبةةالالم وايد بعد العملية ويستمر لمدة 15 يوم تقريبا ومدة العملية تقؤيبا 4 ساعات ونصشنج عاملة سيزارين ويليسونج مشد من اخمص القدمين وحتى اعل البطن لمدة 3 شهور وماكو خياطة يكون تلزيق يعني ما يبات الجرح الا بشكل خط رفيع بعد قترة طبعا الكرش يروح تماما والله يسلم الجميع وجاهزة لاي سؤال تبونه وما عليكم الا العافية

الله يقومج بالسلامة العوار تنسينه بعدين بس اهم شي النتيجة تكون مرضية لان ها الكرش اللي عندنا يبيلها قصصصصصصصصصصصصص مو بس شد

دايما تخلطون بين الالم والشد
اهو مافي الم الا بالعطسه والا الكحه وانج ترفعين ظهرج
سبحان الله الناس كل واحد فينا له قدرة تحمل للالم
والله يشفي الجميع

السلام عليكم ورحمة الله وبركااته

هالخبر لقيته بموقع كونا لقاء مع الدكتور ابراهيم قدييم بس المعلوومات الي فيه مهمه

وابي التعرف او سمعت او جربت الشفط عند هالدكتور تقولنا خبرتها بالموضووع

الي اعرفه انه حاليا بمستشفى السلااام

دقيت من فترة وسألت عن الشفط بجهاز الليبو سمار بالليزر تخدير موضعي

قالولي ان راح يوصلهم بعد فتره

اقروا الخبر وبعدين قولولي الي عندكم لان انا قلت الي عندي

استشاري جلدية .. جراحة شفط الدهون قد تزيد من ترهل العضلات لمن يعانون منها اصلا

الصحة 04/09/2007 12:11:00 م

استشاري الجراحة التجميلية الدكتور ابراهيم العرادي
من نادية دشتي الكويت – 4 – 9 (كونا) — اكد استشاري الجراحة التجميلية الدكتور ابراهيم العرادي ضرورة فحص البشرة والعضلات سريريا قبل اجراء عملية شفط الدهون لانه اذا كانت مترهلة وغير قادرة على استعادة قوة انقباضها فان اجراء الجراحة قد يساهم في زيادتها وبالتالي عدم رضاء المريض .
وقال العرادي لوكالة الانباء الكويتية (كونا) اليوم حول جراحات شفط الدهون ومخاوف الناس منها انه لا يوجد عمر محدد لاجراء هذا العمليات موضحا ان الدهون تتجمع لدى الرجال في مناطق البطن (أسفل البطن أو الكرش) والصدر والرقبة أما بالنسبة للنساء فالدهون تتراكم في مناطق الصدر والأرداف والفخذين والبطن .
واضاف العرادي المسؤول عن وحدة جراحة الجلد بمركز أسعد الحمد انه حينما يلجأ الانسان الى ممارسة الرياضة وعمل حمية غذائية للتخلص من الدهون فقد يتخلص من معظم دهون أجزاء الجسم وتبقى المناطق المذكورة بدون تغير أو يطرأ عليها تغير بسيط وهنا تلعب جراحة شفط الدهون دورا أساسيا للتخلص من تلك الشحوم المقاومة للحمية والرياضة اليومية.
وحول المريض المناسب لاجراء جراحة شفط الدهون اوضح ان هناك متطلبات معينة يجب أن تتوفر في المريض وهناك توقعات لديه يجب أن تبحث معه قبل اجراء العملية مشيرا الى ان وزن المريض يجب ان يكون مناسبا أو تكون هناك زيادة تتراوح بين 5 و 12 كيلو تقريبا عن الوزن الطبيعي .
واشار الى ان الحالة العامة للمريض يجب ان تكون طبيعية ومستقرة عند الفحص الاكلينيكي العام للمريض وبعد اجراء بعض الفحوصات المخبرية الروتينية كما انه من الضروري عدم وجود أمراض مزمنة مثل الأنيميا وأمراض الكبد والكلى الى جانب ممارسة الرياضة بشكل مستمر وبانتظام كما يجب ان تكون الحالة النفسية للمريض طبيعية وليست مضطربة وعدم وجود أمراض معدية مثل الايدز أو التهابات الكبد المعدية .

وقال العرادي يعمل كاستشاري طب وجراحة الجلد التجميلية في مركز الخليج الدولي الطبي " اننا لاننصح بالقيام بعملية شفط الدهون للأشخاص من ذوي الأجسام الثقيلة والمرضى الذين يعانون من مشاكل نفسية وأصحاب أمراض الكبد والكلى المزمنة والأشخاص الذين يتناولون أدوية مسيلة للدم ومرضى السرطان ".
واكد ان العملية سهلة وغير مخيفة كما يظن البعض حيث يمكن ان تجرى للمريض وهو مستلق على ظهره ويتابع برنامجه التلفزيوني المفضل أويسمع موسيقى هادئة اثناء قيام الطبيب بعمله لانها تتم تحت التخدير الموضعي .
واوضح ان بامكان المريض تناول حبة مهدئة وقد يشعر بوخز خفيف وانتفاخات في الجلد وأحيانا برودة في الجسم نتيجة لتدفق السوائل في الجلد أثناء العملية .
وشدد على اهمية استخدام (المشد) وهو عبارة عن لباس ضاغط يرتديه المريض على مناطق الشفط ناصحا باستخدامه 23 ساعة يوميا لمدة أسبوعين بعد العملية ثم 12 ساعة يوميا لأسبوعين آخرين موضحا انه ضروري للتقليل من الترهلات في الجلد والعضلات بعد العملية .
ودعا المريض الذي اجرى جراحة شفط للدهون الى أخذ راحة في الفراش في اليوم الأول ثم المشي الخفيف في اليوم التالي ونصح بشرب الكثير من الماء (كوب واحد كل ساعة) خلال 24 ساعة ثم 4 او 6 أكواب من الماء بعد ذلك ويمكن العودة الى العمل خلال يومين من العملية .
كما نصح ايضا بعدم تناول المسكنات التي تسيل الدم مثل الأسبرين والبروفين وغيرها مشيرا الى انه يتوقع ظهور كدمات تحت الجلد قد تستمر لمدة أسابيع قليلة وقد يحس المريض ببعض الآلام البسيطة اضافة الى بعض الانتفاخات والتورمات أو الارتخاء في البشرة في الأيام الأولى بعد العملية .
واختتم العرادي حديثه بالقول ان الخبرة والدراسات العملية اثبتتا أن جراحة شفط الدهون تحت التخدير الموضعي آمنة وليست خطرة على حياة المريض مقارنة بالتخدير العام مؤكدا انه حتى الان لم تحدث حالة وفاة تحت التخدير الموضعي .(النهاية) ن ع / ا ع

مشكوووره

اول مرة اسمع دكتور جلدية يشفط دهون

حبيبتي احنا لما رحناله مره علشان اختي كان رئيس قسم الجلدية والتجميل بمركز الخليج الدولي للجلدية قبل لا يروح مستشفى السلام

ووايد ارتحتله من زماان هالحجي بس ما اعرف عنه ولا شي بخصووص التجمييل

وهذا المسمى الي كاتبينه بالخبر المنقوول من كوونا

واكيد دكتور جلدية او حتى استشااري الجلدية يختلفووون اختلاف كبير عن جرااحيين التجميل الي يكونون اهم فقط مخولين باجراء الجرااحات التجميليه

للتنويه والعلم

مشكووووووره

انا راح افيدك انشالله

انا بنت خالتي راحت حق د ابراهيم العرادي في م السلام علشان الكرش والزغاطيط وتقول العملية تحت التخدير الموضعي وخلال ساعتين الدكتور ابراهيم شفط لها بطنها والحين البطن مشدود ووايد مستانسه وودها تسوي فخوذها بعد

بس انا سمعت ان الدكتور ابراهيم الحين يشفط الدهون بالليزر والنتائج حلوة وراح اسال وافيدكم اكثر

بس للامانه الدكتور شاطر وايد ويخاف على مرضاه والله يوفقه

روان

ما في نحت بالليزر ؟؟؟؟؟؟؟؟؟؟؟؟؟؟

شكرا على مرووركم الطيب بناات

رواان بلييز ناطريينج علشانتفيدينا اكثر ومشكووره حبيبتي

بنات بليز الي جربت او عندها فكرة تقول……………

شوفي حبوبه أنا أعرف دكتور ابراهيم العرادي اهوه معروف باجراء عمليات التجميليه للحروق هذا تخصصه وكان يشتغل بمركز الخليج وأنا سويت عنده تقشير وجه بأحماض الفاكهه ودمر وجهي وحرقه مع انا رحت له اسشاره وجهي كان زين بس كنت أبي نضاره أنا من النوع الي وايد اهتم ببشرتي وقلت له أحتاج ولأ يقولي تحتاجين وسوالي التقشير بنفس اليوم ومن ثاني جلسه احترق لأنه بشرتي زينه وحساسه للأسف حتى ما فحص بشرتي ولا تخصصه جمال وتجميل ديري بالج روحي حق واحد جراجة تجميل اهوه تخصصه جراحه جلديه

السلام عليكم ورحمة الله وبركاته. خواتي حابه تفيدوني عن أحسن دكتورة لشفط الدهون من الفخوذ والمؤخرة، ومنو جربت هالعملية؟ وكم تكلفتها ؟ والاهم تكون دكتورة فاهمة شغلها والاهم اكثر شغلها نظيف لان سمنتي في هالمنطقة شكلها وراثة من حلوة اللبن ربي يسلمها يارب، افيدوني وجزاكن الله كل خير >>> اكتب من موبايلي التنسيق مو شي وهم بعد شنو الفرق بين الشفط والنحت؟!

up up up

بنات انا منغثه من صدري من بعد الولاده ابي اصغره شلون ..

كلمت الدكتوره شرين قالت اذا صغرتيه بيرد يكبر بالولاده الثانيه والثالثه ..! وانا توني ماعندي الا ولد واحد بس ..!

طيب ابي حل يشد ويصغر غير العمليه .. ينفع شفط .. شد ليزر ..! طيب مساج او رياضه ..!

شسوي .. !

آب آب

رفع لعيووووووووووووووووووونج

يعني مافي تقنيه او مصيبه جديده تنفع لي ؟

حتى لو كذب بس ردو علي شدعوه ..!

انا مثلج اعاني

نبي حل غير العمليات الجراحية

امبيه لا لا تفكرين انه المساج بيشد الصدرترا الصدر برضاعج للياهل بيشد لا ترضعينه ممية خل ولدج يرضع سمعي من
مبروك الولادة يا قلبي

المشكله ما يبي يرضع مني .. وليش المساج ما يفيد ؟ يعني نحط عليه اكس ..!

الجادل
فكرت نفسج باني اشد صدري
بس بعملية والحين اجلت الفكرة الى ان احمل واجيب البيبي
عشان اذا سويتها ماتخرب العملية لاحقا بالرضاعة او الحمل

اي والله وانا هم بعد ةاعاني من هالمشكلة
ياليت تفيدونا بحل

اليوم رحت اسال الدكتوره .. قالت اذا ما تبين جروح في الشفط الدهون من الصدر .. بس يعني النتايج مو واااو ..

لا ممكن يصغر شوي والشد مع الايام هم ممكن يشد .. ومآدري بستخير وبشوف ..

up

السلام
ورحمة
الله
وبركاته

بدخل بالموضوع واتمنى انه اللي تدخل تكون صادقه وتراعي ربها بالاجابه

منو سوت عمليه شفط وشد بالليزر وشلون كانت النتيجه …يعني نسبة الشفط ونسبة الشد هل كنتي راضيه عنها ومنو دكتورج للامانه ..اتمنى ماتبخلون علي

وانا وياج ابي رد وافي وشافي

بصراحه انا مو مقتنعه كلش فيه وانا مو متزوجه ولدكتور قالي حرام نشق بطنج بسويلج ليزر وامس كنت بالعياده وقالتلي وحده رفيجتها سوت بالليزر ما فرق معاه شي جنها لاعبه رياضه ونازله جم سنتيمتر .. جان ادش عالطبيب واقووله انا نويت اشد واشفط جراحه قالي انتي بنت قلتله اذا تزوجت يصير خير واذا حملت واخترب عاديالوحده تسويالعمليه مره ثانيه وموعدي انشالله 30 من هالشهر

حبوبة اذا تبين اتسوين بالليزر لازم تكونين عارفة ان المنطقة مو متروسة وايد عندج لأم ماراح يفرق معاج مثل العملية الجراحية العادية
يعني اذا انتي متينة حيل لاتفكرين بالليزر
ووايد دكاترة يسوون بس ما اعرف احد شخصيا سوا هالعملية عند دكتورة معين
انا ودي بس اغلب اللي اعرفة من تجارب البنات من المنتدى

[RIGHT]طبعا اشكر ربي والحمدالله على نعمة اللي انا فيها نعمت الجسم وعسالله يتمم على بالصحة والعافية يارب قولو آمين واشكر الدكتورة شيرين ابو الفتوح على امانتها وخوفها على مرضاها وحرصها لي اثناء العملية وبعدها
والله واقسم بالله هذي مو دعاية لها هذا كله اكتبه عن صدق وابي الكل يستفيد وفي بعضنا ودهم يسوون العلمية الشد والشفط للجسم وريايلهم ما يرضون يكون عذرهم ما تروحين لدكتور تبين سوي عند دكتورة او بعض الحريم يفضلون دكتورة فعشان شذي كتبت موضوعي بالكامل
https://www.q8yat.net/newreply.php?do…e=1&p=15232233

الله يتمم عليج هم انا مستحرمه الريال الله يعطينا قد نيتنا

الله يتمم عليج

الله يتمم عليج

احلى شي انها مرا

الف مبروك لج

تسلمين حبيبتي

الله يوفقج إن شاء الله

ويتمم عليج وأنتي بصحه وعافيه …..

حمد لله علي سلامتج والله يهنيج بلوك الجديد

حبيبتي حبيت اسال؟؟؟؟؟؟؟؟؟؟؟؟؟ شفطتي زنودج او لا واذا شافطتهم شاون النتيجه لان ودي اشفطهم بس بشوف النتائج

ومشكووووووووووره

جزاج الله خير بميزان اعمالج انشالله ويفرحج باللي سويتيه

الله يبارك فيك
لا حبيبتي انا ما شفط زنودي ولا حتى جستهم .

جزاج الله خير حبيبتي على طرحج هالموضوع بخصوص الدكتورة شيرين أبو الفتوح وبصراحه شهادتي فيها مجروحه ذوق وأخلاق عالية وشاطره بمهنتها الله يوفقها يارب
عاد مفكره بعد شهرين بإذن الله أسوي زنودي وظهري عندها وان شالله ربي يسهل وأذكر التفاصيل

عن نفسي رحت لهاا واحد من اهلي مسوي عندهاا شفط معده ماشاء الله شغلهاا نظيف واهي ما تقصر ..

طيب يا كويتيه شلون صار لون المعده بعد الشفط .. والاثار راحت ..

يقولون عنها حيل شاطره اعرف وحده سوت عنها

بنات للامانه الي سوة عندها تفخ الموخره تقولنا عن التجربه
صج تعبيها نفس كيم
وجم المده تظل متفوخه ؟
وجم سعرها ؟

انا توني مسوية عندها وصراحة صارلي اسبوع وصج النتيجة للحين مو النهائية بس فرق عن قبل 1000%100
وايد اخلاق هالدكتورة وايد عندها ضمير وعندها لمسة جمالية

السلام عليكم مبارك عليكم الشهر

بنات والله عن تجربة اللي ناويه تشفط أقولها لا يحوشك خاصة اللي متينه ترى والله بتندمين لاني ندمت كثر شعر راسي سويت فخوذي وزنودي ويييييييييييييع الجلد ترهل اما فخوذي فالدكتور الله يسامحه شافط مكام اكثر من مكان فصاير فيني خفسات والجلد طايح فوق بعضه والله منقهرة حدي
واللي يعافيكم بنات اللي تعرف حل لمشكلتي تقولي خاصة فخوذي من فوق مو شافطهم وشافط من تحت شكلهم لوعة ابي حل شسوي .
اللي تدخل لا تبخل علي بمشاركتها ولو بدعوة حلوة
الله يوفقكم يارب

الله يعطيك الصحه و العافيه والسلامه من كل مرض و تطلع تحاليلك سليمه
اسألي الدكتور ليش صارت العمليه بهالشكل؟!!
كم صارلك مسويه العمليه؟وسويتي غير فخوذك و زنودك؟ما سويتي بطنك؟
انتي شكلك مسويه بس شفط؟صح…اذا عندك شحوم كثيره الشفط ما يكفي لحاله لازم شد…دكتورك الله يهديه بس…ما وضح لك هالشي؟

الله يهون علينا وعليج

ممكن وقت وتتعدل الاوضاع
بس حبيبتي سائلة مطوع إذا يجوز ولا لأ؟
عليج بالمساج والرياضة

تسلتمين حبيتي على هالدعوة
الدكتور شافني وقالي عادي اسويلج العملية ما مانع ولما سألته عن الجلد واخاف يترهل قالي مارسي الرياضة
الحين صارلي شهرين بس مصدومة من شكله تخيلي المنظر مو شافط من الفخذ من فوق فاللي فوق نزل على اللي تحت
انا بصراحة مالي خلق اراجع عنده مرة ثانية طاب خاطري منه

امين الله يهون على الجميع ياليت والله يتعدل بس ما اظن لان واضح انه خطا اثناء الشفط
انا ما سالت مطاوعة بس كانت فخوذي مسببتلي عقده نفسية فعرفت انه اذا الشي مسبب مرض عضوي او نفسي يجوز والله اعلم
انا الحين امشي يوميا بس مساج ما سويت قالولي انه حل مؤقت واذا هدتيتي يرد اكثر من اول

روحي لدكتور ثاني استشيريه اكيد بيعطيج حل

اذا انتي كنتي متينه غلط يسويلج شفط بدون شد

لاء لازم اتروحين له اهو اشوف الغلط وين لاتروحين يمين وشمال شوفي شنو اليي اقوله بس بديهيا لازم شفط ما يبيلها شطاره خلاص خليه اسويلج خصم على العمليه الثانيه مالت الشفط

والله اعينج

قصدي مالت الشد

ماتشوفين شر

الحمدالله على سلامتج حبيبتي منو دكتورج؟

أخواتي البنات أنا جربت الدكتور أحمد علي حسن و هو فنان حق الخشم و تنسيق القوام ..

شاهدونه https://sites.google.com/site/ahmedal…surgerycenter/

الدكتور حاليا بمصر بعيادته الخاصة

تسلمون حبايبي ما قصرتوا
ياليت الكل يدعيلي

الله يهون عليكِ وتلقي الحل السهل

الحمدلله على سلامتج حبيبتي ضاق خلقي عليج شوفي هالزوايد ماتروح برياضه لازم تنشال بعمليه والله يسهل امورج يارب

السلام عليكم

بسأل شنو الفرق بين الشفط و الشد ؟

و منو فيهم إللي يبيله عملية و منو الأبر ؟

يا ليت تشرحولي كل شي عنهم أو تعطوني روابط مو مشكلة
ترا والله مو فاهمة و تعبانة من ترهلاتي مادري شنو أنفع لها

و عيدكم مبارك مقدما مشكوورات

الشد عمليه شد وتخييط

الشفط همن عمليه بس ابره طويله وشقها نتفه عساس يدخل الابره الي تسحب بس مو نفس حجم الابره العاديه .. حجم ابرة الشفط كبير

وسلامتج :d

ازيد على كلام اختي فرفر

الشد يقص الجلد الزايد من جسمج ويسحبه ويشده ويرد يخيط

الشفط فتحة صغيره يدخل فيها الانبوب الحديدي

ويقعد يذوب الدهن الي بجسمج ويشفطه

..

الاولى لازالة الجلد الزايد

الثانية لازالة او التقليل من الدهون والشحوم والفات والكروش

وسلامتج

بالتوفيق