السلام عليكم
بنات بغيت اسألكم عن الولاده في مستشفى الشركه اشرايكم فيهااا ..؟؟
اللي والده طبيعي اشلون الولاده معاها ..؟؟؟؟؟؟؟؟؟؟
والدكاترره اللي هناك اشرايكم فيهم ؟؟؟ وحده مدحت لي الدكتور عمر فتحي … والدكتوره سناء
والي جربت غيرهم ياليت تذكر لي اياهم
انا مفكره اني اولد في مستشفيين اما العـــدان …. أو …. الشـــــركه
صليت استخاره بس ماادري احساسي مرات يقول العدان دكاترتهم شطاار وماره عليهم حالاااااااااات اشكال
وارناق بس اللي مزعجني وصاخة المستشفى والازعاج زحمــه يا دنيا زحمــه والممرضات مافيه اي عناايه
( نفس خايسه ) << والله ما الومهم من الاشكال اللي تمر عليهم الحمد لله والشكر ……….
وانا اراجع عن الدكتور اشرف البدري في العدان بس سافر وخلاني عند واحد اسمه عادل الششتاوي <<< مااااااعرفه خير شر
و مستشفى الشركـــه ما اعرف اي دكتور او دكتوره فيه بس المستشفى انا شفته ودخلته بصراحه هدوء ومافيه زحمه وتحسينه مرريح ونظييف وفيه رعايه وعناايه وان شاااااااء الله التساهيل من رب العالمــين
مبدئيا الشركه بس متخوووفه لأني ما اعرف بنات ولدوا فيه او سمعت ناس تمدحه بس اعرف وحده ولدت فيه بس ولايدها قيصريه بس هــــــم تمدحهم تقول عنااايه ورعااايه وهدوووء في المستشفى
بنات لا تطولووووووون علي بالردود بليز ترى انا صارلي 17 يوم داخله التاااسع ضروووري الرد
ولكم جزيل الشكررررررررر 
والله الصراحة انا ما جربت ولادتهم بس كان في موضوع نفس هالموضوع بنات يستفسرون عن مستشفى الشركه في ناس تمدح و ناس تذم
وانا الصراحة كلششششش مو مرتاحة اولد عندهم
راجعت مرتين بس عندهم مرة عند سناء و مرة عند عمر فتحي الصراحة شافوا السونار قالوا اوكي من غير تفاصيل طبعا
خلال دقيقتين خلص موعدي معاهم
العيب الثاني فيهم ان مو الدكتور اللي تراجعين تولدين عنده انتي و حظج منو موجود يولدج
و الغرف ما في الا 4 اربع غرف خصوصي حق الولادة و اذا ما عندج واسطه بتصيرين عمومي
الصراحة انا المستشفى عمري ما شفته انه هادي كله لويه و ازعاج و نفوس الدكاترة شينه
يمكن السسترات اوكي حليوين بس الصراحة الدكاترة ما اعجبوني 
انتظري راي البنات و ربي يهون عليج و علينا
انا عن نفسي اخاف من الحكومه لايقطوني على صخر…عشان جذي اولد بخاص
لكن انا عندي مرت اخوي دايم تولد بالشركه…. ولما اسالها عن الولاده عندهم تقول : يما موووووووووت
لكن احس انها تبالغ يعني لو موت شكو تولد كل مره هناك …الحمدلله الخاص صار كثر الهم عالقلب
احس انها مرتاحه بس هذي عيارة حريم
وبالنسبه للعدان … عندي مرت حماي كله تولد هناك مع انها موظفه واقولها شتبين فيه ليش ماتروحين خاص؟
تقول انا اروح لهم واصله حدي…
وبنت الحلال تمدحهم تقول كمام وابرة ظهر وراحه.
شكرا خواتي على ردودكم
انا متخووفه من الشرركه مادري ليش عندي العدات اهون منه
انا ان شاءالله ان قربت ولادتي باخذ ابرة الظهر وكمااام والله يسهل علي وعلى بنات المسلمين ياااارب
الله يسهل عليج وماتحسين بشي كلش
ولاتنسين تحطين لنا قصة ولادتج وشصار بالضبط عشان نستفيد
يمه العدان زحمة و لوووويه و يلوعون الجبد و نفسييييييييييييية بس يمدحون ابرة الظهر عندهم و الكمام(اختي والدة بالعدان_و رفيجتي)
اما الشركة احسن وايييييييييييد من العدان امي يابتنا كلنا بالشركة و صح يمكن مو الدكتور اللي تراجعين عنده يولدج
بس عنااااااااااااااية و صح مافي غرف خصوصي الا يمكن اربعة و الباجي عام يعني ما ينفع حق استقبال ولادة
اما اذا ماتهمج هالسوالف انصحج بالشركة احسن مليون مره من العدان
انا اختي ولدت بالشركة والله كان وايد هدوء وحطوها بالعمومي بس ما كان وياها الا وحدة واغلب اللي ايون يولدون بروحهم طبعا هذا اللي شفته والدكتور اللي ولد اختي مو دكتورها اهي كانت تراجع عند دكتورة كويتية نسيت اسمها المهم حتى الدكتور كانت معاملته وايد زينة وخياطه اوكي والله يوفقج انشالله وتقررين
انا مثلج ليلحيييييين متردده اولد بالهادي ولا الشركه ……..
بس شكلي قررت اني اولد بالشركه كل اللي والدين فيه يمدحونه ويمدحون العنايه ………
وانا قبل كم يوم كنت تعبانه شوي ورحت للطوارئ وبعدين سيده للجناح ومعاي 3 سسترات يحليلهم ونادولي الدكتور مع ان حالتي موخطره يعني كنت مختنه شوي …..وكان هدوء اصلا الجناح ما فيه احد …..
انا بس مراجعاتي عندهم
بس الولاده موووووووووووعندهم
انا كاتبه تجربتي بكل صراحه في موضوع اخر دوري واقرئي التجارب
شنو مستشفى الشركة؟
انا اراجع عند مستشفى الشركة بس ما افكر اولد عندهم لان حيل زحمة و ضغط عليهم و في حالات السستر اهي الي تولد مو الدكتور لان تلقين الدكاترة مو ملحقين و طبعا غسلي ايدج تحصلين غرفة خصوصي من غير واسطه و الجناح مثل سوق الجمعة من كثر اللوية يعني انسي تذوقين النوم و الراحة
اذا كنتي محتاره بين العدان والشركه طبعا الشركه افضل وانا والده عندهم بس من 96 علرفتي يعني بنتي عمرها الحين 12 سنه بس اذكرهم حليوين ماشي حالهم واللي اسمعه الحين انهم تطوروا وكمامهم نفس الخاص والله يقومش بالسلامه يارب
حبيبتي بما انج اخترتي مستشفى حكومه اكيد مو نفس الخاص لانه مافيه فلوس مدفوعه بس انا سامعه عن مستشفى الشركه انه رعايتهم الطبيه ممتازه و واجد يهتمون بمرضاهم وليلحين ماسمعت احد يذمهم وامي تسلم عليج وتقولج روحي مستويه يعني واصله ولاتحاتين شي والله يسهل عليج انشالله
مشكوووووووووووورات عزيزاتي على ردودكم
وان شاء الله اذا ولدت بقولكم عن تجربتي وكل شي
بس انا ملفي بالعدان ودكتوري بالعدان ماشالله شاطر بس غميضه ساافر وبعدين حزة الولاده مو شرط دكتورج اللي ولدج
على حسب دكتور الخفاااره … والكل يمدح دكاترة العدان خلوو المستشفى والمبنى انا اتكلم عن الدكاتره محد يذمهم
شطااار وماره عليهم حالاات وبعدين دكاتره العدان ما يتغيرون هذول هم من سنيين والسهااااااااااااااااااله من الله بس
الوحده اكيد تبي واحد فاهم وعارف للحاله ما يقعد يتعبث فيها يشق وخيط على كيفه
والعدان حيل يمدحون ابرة الظهر والكمام عندهم وينصحون البجر تولد فييه يعني ينطرون عليها عكس الخاص على طول فتح بطن ( ما يتحملون مسؤوليه )
وانا عندي اهلي ورفيجاتي يولدون بالعدان يمدحون الولاده هناااك ومرتاحين
الشركه انا شفت بنات في المنتدى بموضوع عضوه كانت كاتبه عن مستشفى الشركه تستفسر عنه
واجد بنات ما يمدحون الخياط عندهم وتعذبوا فيه يعني تطووووووول المده على ما يبرى … وبعدين ماااااادري بس مجرد اني افكر اولد بالشركه ما ارتاااح .. ياااربي خايفه لا يعذبوني ولا الخياط يكون غلط ولا شي يعني محد جرب عندهم الولاده الطبيعيه اعرف ثنتين 3 ولايد بالشركه كلها قيصريه
انا ما يهمني استقبال ولا جناح امبراطوري وملكي ولا سواالف الخبـــه اهم شي اني ما احس بالعواااار واولد طبيعي والبيبي سلييييييم بسسسسسسسسسسسس
الاستقبال اسويه في بيتنا ماشالله تونا مجددينه ومزينينه بلااااا خرابيط المستشفياااااااااااات
بنات انا بتوكل على الله وشكلي بولد في العدان والتساهيل من رب العالمين الله يهون علي وعلى بنات المسلمين ياااااااارب
قطايف عسى ربي يخليلج امج ويطول بعمرهااااا ان شااااااااااء الله ربي يسهل
امين تولدين بالسلامه
