سلام بنات شلونكم؟؟
باخذ رايكم بشغلة!!
اذا وحدة منكم ساكنة ابيت حمولتها وعندها شبه شقة بروحها عندهم وعندها الحمدلله يهال بس هالمرة ابتنفس عقب لولادة ابيتها
مدام عيالها مدارس وظروف اخرى…
المهم يابنات انا عارفة ان مافيها مشكله عند البعض بس حبيت اخذ اراءكم وافكاركم من ناحية الاهتمام بالنفس يعني المشكلة
شلون لوحدة اذا ابتنضف وشلون تقدر اتسوي نيولوك بعد النفاس وهي قاعدة بنفس البيت عند ريلها واهم شي تهتم فيه جدام
ريلها وخالتها يعني باللبس اليومي طبعا اهي بتقعد بغرفة بروحها للنفاس مو مع ريلها.
وااي صعبه ترى
يعني بالنفاس يبيلج احد يهتم فيج
بعدين احس تكونين تعبانه يعني لو كنت بالبيت مع عيالج ما راح تهتمين فيهم و تجابلينهم
يعني لو تتنفسين ابيت اهلج اول شي راح يشتاق لج وثاني شي يتحمل مسؤوليه البيت بغيابج ويطوف الاخطاء اللي تصير
لو انتي عنده يعني اسمج موجوده فراح تكونين مسؤوله عن البيت و عنه وعن اليهال و البيبي اليديد و الرايح و الراد
الله يسهل عليج ياعمري وكل وااحد وظروووفه
اهما يقووولون النفاس احباس
والوحدة لما تنفس عند اهلها ايكون يمها احد يساعدها وحتى اتونس بالقعده وماتمل من النفاس واعيالها بهالبيت يلعبووون وماتدري عنهم والريل يشتاق لها ولعياله … اما اذا بشقتج راح يكوون ريلج بصوووب واعيالج ودراستهم بصوووب والبيبي بصوووب غير الناس اللي بتمرج وغير اكلج واهتمامج بنفسج وانتي واللي تشوووفينه …. والله يعينج ويصبرج ان شاء الله
عادي اختي مافيها شي قعدي بس بغرفة بروحج واهتمي بنفسج وكل يوم عدلي من روحج وخلي اختج او امج او اذا عندج احد يساعدج بالبيت وبس , وتمي بفراشج لحد ما تحسين انج تقدرين تقومين , وآخر اسبوع عاد ابدي روحي الصالون وضبطي شغلج واخر يوم سوي شعرج ومكياجي صدقيني راح تكونين مختلفه , والريال انشالله راح يشتاق لج سوا انتي في بيتج والا في بيت اهلج لانه ما يقدر يقرب منج ,,, الله يسهل عليكم يارب.
الصراحه كل وحده على ظروف اسرتها ومرات الوحده ما تقدر تخلي عيالها بروحهم 40 يوم وخصوصا اذا يدرسون
واذا المرأة مو بجر ولا ثني خلاص عادي مافيها مشكله انج تتنفسي في بيتج حتى لو بشقه عند اهل زوجج , بس يفضل تقعدين بغرفه بروحج و يكون حمامج غير حمام زوجج
انتي جهزي ادويه النفاس كلها وعلمي خدامتج عن كل شي انتي بتحتاجينه في النفاس وشلون تطبخ الحسو و الحلبه والزعتر وكل شي انتي بتاكلينه علميها عليه والله بيعينج
بس صدقيني اذا عيالج بيتعبون بدونج نصيحة اخت لا تخلينهم حرام تكسرين بخاطرهم
واذا على الزوج اساسا انتي لا تقعدين جدامه مهتمله او شعرج مدهن يعني بالنفاس انا عن نفسي كنت بجر وكان كل ما يزورني البس تراجي صغار وارفع شعري بكلبس او اسويه عنقوص والبس روب ستان بس وايد رزه شاريته من انور اعتقد واذا تبين حطي كحل داخلي او كحل ناعم ,, لا تخلين زوجج يشوفج كلا مو حلوه وتعبانه
وعلى طلعت الاربعين بالسلامه ,, روحي الصالون وتنظفي وسوي حمام مغربي وسوي اظافرج وصبغي وقصي شعرج وحطي ميك اب قوي او اللي يحبه زوجج ولبسي ملابس جديده وغيري فرشة الفراش وبس يعني افكار ناعمه ترى الريال اقل تغير يجن عليه صدقيني
عادي تمي بشقتج وبفراشج بدار بروحج
وتقدرين بعد 35 يوم تروحين صالونات وتسوين نيو لوك بس لا تروين زوجج كلة غطي شعرج اهم احسن لانج بنفاس لمن يوم ال 40 تفاجئينة وخلج دايما تنظفين نفسج وتهتمين بروحج
والله يهون عليج
والله انا ما عندي اي فكرة بس أتوقع ماراح يكون فيه خصوصية من ناحية انج تبين تتكشخين حق ريلج و امه موجودة واذا على سالفه الصالون الله ما كثر الصالون الي تيي البيت دقي على واحد منهم اذا ريلج كان بالدوام ولا طالع
الله يسهل عليك ياعمري ماادري اشوفها عادي المهم ماتنامين عنده وعادي خل يشوفك تعبانه مو سهله الولاده المهم تهتمين بنظافتك والشكل الخارجي ارفعي شعرك بطريقه حلوه او سويه حركة مو فاضيه ماادري شتسمونها حطي كريم اولاي او سودو طبقه خفيفه بدال كريم الاساس والبسي روب ساتان اشتري كم واحد مو غالين فترة النفاس بس واذا عندك خدامه الحمدلله تساهيل واذا امك تنام عندك اوتتناوب مع خواتك مره حلو ماانصحك تحطين كحل غلوس وخلافه عشان لين تخلصين بالسلامه يتفاجا بالتغير اذا حسيتي عمرك احسن ابدي جهزي حق الطلعه من النفاس وعليك بالاستغفار وذكر الله على كل حال وبتشوفين كيف الله يسهلها عليك0 وقلبي معاك حبيبتي
مادري حبوبة ان شاءالله البنات يفيدونج بس حبيت ارفع لج الموضوع
عادي عقب اول ياهل اول شي عندها خبره وتعرف تتصرف وطبعا لازم خدامه
دام بتكون لها غرفه بروحها بتاخذ راحتها عادي وحق النيولوك الله يخلي الصالونات تروح تسوي حمامات مغربي بعد شهر ونيولوك قبل يوم الاربعين بيوم انتي تقولين شقه بروح يعني ماله داعي تروح تقعجد مع خالتها ولامادري منو معذروه تقعد بفراشها وماتطلع من غرفتها وتلبس بجايم قطن عاديه
يعني حتى لوكنتي بيت اهلج كل شوي بطب عليج وانتي بحالتج واحلى يشوفوج كله تعبانه بعدين فجاه قمه الكشخه شعور حلو
وبس مافيها شي ياحلو الاجانب مايتعبون روحهم تولد وترد دوامها لوووووول احنا قصه
مدري عن نفسي ما احب الى في بيت اهلي
احس احسن تغيبين عنه فتره
وترجعين له شي ثاني
وثاني شي
اكيد اذا بتنفسين تبكونيين بغرفه بروحج
بس مدري مو مقتنعه بالفكره كلش شلون بتاكلين كافي اكل النفاس وريحته وشلون بتحطين خلطات وكريمات للتبيض وللجمس جدامه
بس اذا بحكم الظروف فا اقولج الله يعينج ومقدر افيدج بشي وبخلي المجال لغيري من اللي جربو يفيدونج
اذافيه بيت اهلج يساعد مافي جهال واجد والظروف هناك احسن انصحج خصوصا انه امج موجودةوالمكان مناسب لستقبال الضيوف فية ويدلونه الناس وابرك من القعدة عند حمولتج وتصيرين قدام عيونهم واما اذا ظروف هناك صعبة قي شقتج وامج جيب لج ريوقج الصبح ودبرين نفسج بالاكل والله يسهلها واخر عشر ايام افضل انج تروحين عند اهلج وضبطين نفسج وتروحين صالون وغيرة وتردين مغيرة كل شيئ راح يشتاق لج مع التغير اللي سويتية بالعشرة ايام هذي والله يسر لج ولادتج
عادي حبيبتي انا خالتي انفست عند حمولتها وخالتها ماقصرت فيها ابد مع انها كانت بجر كسرت قاعدتنا الان خالتها هذا ولدها الوحيد وهي مطلقه فمن وناستها بحفيدها طلبت تنفس عندها
وعادي انا اشوف ان الكل بعد البيبي الثالث تقدر تنفس عند زوجها
ترى عادى انج تكونين فى شقتج لان ز وجك اكيد ماراح يقعد فى البيت اربع وعشرين ساعه لما يروح الدوام الصبح استغلى هالوقت اذا مو تعبانه وحطى خلطاتج اواذا طلع لربعه يعنى فى اوقات طلعته استفيدى وخلى لبسك ناعم وصدقينى انه راح يشتاقلج حتى لوانتى عنده لان فتره النفاس تكون غير وخليه يحس بمسوليه البيت وعياله مو كله عند اهلج واهو بس يزور وبس
عادي مافيها شي وخاصه انه مو اول بيبي والله يسهل عليج