من البدايه وبدون مقدمات
كان عندي مراجعه الاربعا 15/6*
الصبح الساعه 11 الضحى
كاااشخه وياااره امي ورايحيين المستشفى اي مستشفى رويال حياة ؟؟ وانا واهيا*
مزهبين لستت اسئله حق الدكتوره اي دكتوره ؟؟؟؟ خالده المجيبل
بما اني توني داشه التاسع وفي خلدي وجعبتي <<<<<< اهم شي بالموضوع
اسئله واستفسارات حق الدكتوره
دااااشه بثقه والابتسامه من هالصووووب لي هالصوووووب
وقوه دكتوره وشلونج وشخبارجج ؟؟
انبطحت ويت السستر تحطلي الجل
وتعدل الشغل وانا شاااقه الحلج بشوف البيبي
قعدت الدكتوره وحطت السونار وقامت تسولف وياي عااااادي جنه ماكووو شي*
وامي تسولف معاها والوضع طبيعي
يحليلها الدكتوره كانت تفكر شلون تمهدلنا
انه لاااازم دخول ولاده*
بدت المقدمااات تسألني في عوار قتلها
مو كل يوم خفيف ايي ويروح وشي بسيط*
وقالت ينزل ماي*
قتلها لا ماينزل علي شي
جان تقولي عيل وين ماي البيبي ماكوووو قليل
قتلها شدراني !!!!!!!!!!!!!!!!!!!!!
على فكره انا بجر
المهم
اهيا تتكلم وانا عااادي ماحسيب برود واتكلم طبيعي
السؤال إلي سألته وحسيت نفسي بعدين غبية
قتلها انزين دكتوره شلون يزيييد الماي ؟؟
اشرب وااايد ولا اركب درب*
الصراحه نقدت على نفسي بعدين لووووول
وشلوووووووون ردت علي ؟؟؟؟
ياااااااااحلوووووووووج والله مايزيييييد خلاص
انا !!!!!!!! وامي @@
علامات تعجب واستفهام على ويوهنا*
شي مو طبيعي !!!!
ولما الحين انا وامي ريلاكس ناطرين شبتقول ؟؟
مستبعدين الولاده !!!!!
لان تو الناس على موعدي وماخذه بس تقريبا*
6 ايام من شهري ؟؟
جات تقولنا لا نقص الماي ماله حل الا الولاده*
لا مو زين خطر على الام والبيبي
هم انا وامي متنحيييييييين !!!!؟؟؟؟؟؟؟
وفوق هذا مافهمنه شي !!!!
الواده حبيبتي تقولها يعني هالاسبوع ولادتهاا
@@
جان تقول حق امي لااااا اليوم
(( الي يعرف الدكتوره يقول انها تتغشمر
لان اسلوبها ضحك ويهبل وروعه وماتخرع*
لو شنو فيج تاخذج وتقولج الخبر ضحك وغشمره ))
امي توقعت انها تتغشمر جااان تقولها لا دكتوره متأكده اليوم
ترد الدكتوره لا عقب باجر ولا بعد سنه شرايكم
ههههههههه
امنت بالله وقلت الحمدالله*
وسكت من الصدمه ولاااااا كلمه*
وامي مابقى شي ما سألتها*
وانا خااااااموووووووش تقولون احد ماكل لساااني
قالتلي بسويلج فحص
فحصتني وانا متنحه خلااااص*
جني بغيبوووبه من الصدمه
حطتلي تحميله
وبالونه
وقالت سوي اوراقج دخووول
وانا جني هنديه بس اهز براسي
ما ابي اقول كلمه وحده
وافجر النهر وابجي جدام الوالده
لان اهيا قصب ماسكه نفسها امي واعرفها
المهم*
طلعنا من العياده بنصعد فوق الطواري
امي تقول قولي حق ريلج
رديت هزيت الراس
دقيت عليه يقولي الوووو الوووو وانا مو قادره اير نفسي
قتله كلمتين تعال المستشفى الحين ابيك
لييييش شصاير قتله بس تعال
قال شفييييييج
قتله ولاااده عقبها ماسمعت الا طوووووط طوووووط
سكره بويهي*
لووووووووووووووووووول
صعدت فوق الطواري حطولي تخطييط
وبدا العوار يبدي
وانا سااااكته اتحمل
بدا يزييييييد يزييييييييد*
ناديت السستر وقتلها اقوى مسكن بليييييييز
الحين الحين
اهيا من الخرعه يابتلي
شصاااااار ؟؟؟؟؟
المسكن نوم الطلق والبيبي*
ههههه
انا طخيت ماكو عوار استانست
جاااان انام لووووووول وانا ما ادري
قعدت على حس الدكتوره بتفحصني
الفحص بصوووب و الولاده بصوووب
افحصتني 4 سانتي
وماكووو طلق*
لاني ملقوفه حنيت علي المسكن
المهم*
قالت طلق صناعي ضروري لان لازم نولدج*
مل نبي نطول على البيبي
اهيا قالت طلق صناعي*
انا قتلها عيل ابرة ظهر*
لووووووووووووول
خذيت ابره الظهر وحطولي الطلق الصناعي
والتخطيييط شغال
ورايحييين ورادين علي يفحصوني
ويجيكون على التخطيييط
على الساعه 9 ونص لاحظوا
وانا داشه من 11 الظهر تقريبا
قالوا ولاده ياله
وقت الولاده تعبت بس الحمدالله علي كل حال
البيبي شفطوه لان الحوض عندي صغير
وانا نزفت تم*
لان انا من قبل الولاده كنت اعاني من ظروف*
صحية
فكان هالشي متوقع عند الدكتوره
بس ماحبت تخرعني*
المهم شفت ولدي وخذاه طبيب الاطفال يفحصه
طبعا بيني وبينه ستاره
وما ادري شصار بعدين لاني انام واقعد
انام واقعد
حسيت بالدكتوره تلمني وتقولي مبرووووك
وحسيت بعد ان لحفوني من تحت وصوب الرحم بثلج عشان النزيف
وحطوني تحت الملاحظه 4 ساعات
والحمدالله على كل حال
والبيبي بعد حطوووه بالحضانه*
لان تعب بالولاده معاي
والحبل كان ملتف عليه
وبعديييييين رحت غرفتي*
وطبعا التعب مو طبيييعي والثلج ماشالوه
والمسكن مال ابرة الظهر هم ما انشال
لان خايفين يرد النزيف
القصه هذي كلها الاربعا بليل
الخميس الصبح ركبولي حديد*
وشالو المسكن لان الحاله استقرت
يس البربيش ما شالوه لان فاقده دم*
وكل ما اقوم اطيح غشيانه
وكل شوي ايون يمشوني لما تأكدوا
ان ما ادوخ
*طبعااااا انا تييني دووووخه
بس امثل لان لاعت جبدي من البربيش ابيه ينشال
؛)))))))
شالو البربيش الخميس على 6*
بس لدربات شغاله
وطاااف الخميس على هالحاله
وصاار يوم اليمعه
الساعه 11 يابولي ولدي توه طالع من الحظانه
الحمدالله
وسويت استقبالي يوم واحد اليمعه بس من العصر لي بليل*
والسبت الصبح طلعت
والحمدالله على سلامتي وسلامت وليدي
ودكتورتييي احبهااااا اموووت فيها
لان صج عانت معاي
ومن بعد الله ثم اهيا انقذت حياتي وحياة ولدي
الله يوفقها دنيا واخره ياااارب
وسامحوني اذا في بدليات ولا شي مو مفهوم*
نفاس ولويه وقاعده اكتب من ايفون
*
الحمدلله على السلامه ومبروك اللافي ان شاء الله..
.gif "Eh S(21)")
.gif "Eh S(7)")
.gif "Eh S(22)")
