الوسم: الزنود

السلام عليكم بنااات شلونكم ؟
انا زنودي شوي مترهله مو وايد وحجمهم مو وايد كبير بس ابيهم يصغرون
شنو تنصحوني ابر ميزو ولا ليزر ولا جراحه ؟؟
فيدوني بتجاربكم

الرفـــــع للافادة

الدكتوره قالت لي المنطقه هاذي عنيده وماتتجاوب بسرعه مع الميزو

ابر المميزوثيرابي ماا تنفع اذا تبين نتيجه ملحوظه عندج الليزر بس اذاا فيج ترهل واضح الشد انفع لج

الليزر افضل لللشد الزنود

اااب

رفع لعيونج

وأعتقد الليزر أفضل حل

واذا سويتها اذكري لنا تجربتج

ليش على طول فكرتي بالعمليات ؟؟
اذا ترهل المنطقة بسيط شديه بالرياضة
روحي نادي رياضي و سالي المدربة عن احسن رياضة لشد الترهلات و ان شاء الله تفيدج
انا اعتقد ان السباحة تشد ترهلاتج
لا تفكرين بالعمليات الا اذا ترهلاتج كبيرة حيل لاي جزء من جسمج

توقعت ترهلك كبيره كنت بقولك على دكتور خطير يشدهم من غير تشوه ومن غير اثر اذى عالابر مااعرف ولله جربي الليزر

مشاعل منو هالدكتور

دكتور هراتش ساغبازاريان
بلبنان يسويهم بخيوط واذى مره الترهل فضيع يسويهم على مرحلتين الاولى خيوط وبعد شهرين خط عرضي تحت لابط مايبان ابدا وفتره ويروح الجرح اصلا صغير
ب5000دولار وهو طبيب فنانات
احسن من الجزارين اللي عندنا يفتحون الزند من فوق لين تحت وووويع

السلام عليكم

انا ابي اسوي رجيم صحي لان عمري 17 وليلحين نمو بس ماعرف بالضبط شسوي

يعني تخيلو انا طولي 149وزني 60 بس كل الوزن يتركز فوق يعني بالصدر والزنود والبطن عكس الناس ماينزل تحت فشكلي صاير اقصر مما انا عليه فصايرة استغفرالله جني كرة

فلو سمحتو ممكن وحدة بليز تعطيني رجيم زين

وشكرا
اختكم
ريان

اذا جذي انصحج تروحين عند دكتور تغذية

صح انتي بعمراالنمو ولازم رجيمج يكون صحي واتوقع اذا سمنتج متركزه بمكان واحد يبيلها رياضه مو اكثر
تابعي مع دكتور تغذيه وموفقه ان شاءالله

تم تغيير العنوان بواسطة المشرفه

الرجاء الاطلاع على قوانين القسم

https://q8yat.net/showthread.php?t=29565

انا بعد انصحج تروحين لدكتور تغذيه

السلام عليكم

اممممممممم قررت باذن الله اني راح اسوي عمليه شفط وشد للزنود وشفط للدرووووج اللي في الظهر

وقابلت الدكتور وحددنا العمليه
لكن

من فيكم سوتهااااااا ياليت تفيدوني قال لي بيفتح 6 فتحات في ظهري مايتعدى طولهم نص سانتي
من فيكم سوتهااااااااااااا وشلون اثر الجرح بعدين يبين للناس ولالا ومتى يلتئم الجرح

والزنوووووووووود انا ماتوقعت ان بيسوي شد لهم بس قال لي لازم شد بيشق في ثنية الابط يقول ماتبين بس بنات بليييييييييييز من سوتها فيكم

والاثر شلون
والالم ااااااااااااااه يالالم هذي اللي خايفه منه

بيعطيني اجازه اشبوعين عن الشعل هل باكون مرتاحه لان اشتغل مدرسه وودي اسويها في الصيف بس الدكتور مايتواجد في البحرين

بلييييييييييييز بنات امانه امانه اللي سوتها تقولي كل شي عنها والله خايفه حدي

يعني انا للحين مب متزوجه وماودي يكون اثار حق عمليات في جسمي للمستقبل هههههه

بليييييييييييييييييييز لاتحرموني من خبرتكم

اب اب

حبيبتي اختي مسوية شفط للظهر والذراع وصارت وحده ثانية واثر الفتحات صغير حيل بس يبينون شكلهم بني فاتح شوي اما الشد انا مسوية شفط وشد للذراع والله شكلهم يلوع الجبد وشي منه راح وشي للحين مبين صارله تقريبا اربع سنين وناوية اسوي ليزر حقهم بس محد مدح الليزر والله كريم وبنسبة للالم تري مافيه حلاوة من غير نار لازم الالم لين عشر ايام بعدين تقولين ياليتني سويتهم من زمان ونصيحه سويهم بالعطلة الصيفيه عشان بس الابلات مايقولون سوت وسوت وماخلت طيعيني اللهم اذا بتقولين لهم ايه سويت عملية لان اذا قلتي رجيم شكلج قداهمهم بتطلعين جذابة وسامحيني علي هالكلام وارجو ان تتقبلين مروري ياورده والله يوفقج

مشكوووووووووووووووووووورين ماتقصروووووووووون

وياليت الباقي بعد يعطونا من تجربتهم شوي

انا مسوية الحين نظام غذائي ووزني كبير

شكلي بحتاج شد وشفط الله يستر والله مخوفني اكثر من عمليتي الي سويتها

بستفيد من مواضيعكم الشد

مشكووووووورة ويارب يفيدونج المجربين

وااااااي انا كنت ابي اسوي زنودي حدهم كبار ولوعه

اب اب اب

حبيبتي الي مسويه الشد والشفط عند اي دكتور؟

هلا وغلا حبيبتي انا مسويه زنودي وظهري بس شفط من شهر 9 بالظهر تقريبا 4 فتحات صغار وراحو ما يبينون والزنود تبارك الرحمن للحين مثل ما هم ما تغيرو عند الدكتورة شيرين ابو الفتوح

السلام عليكم ورحمه الله وبركاته

انا اول مره اكتب موضوع بقسم العمليات الجراحيه

حبيت اسالكم انا كان وزني 128 والحين 92 وياذن الله لسه بينزل

بس عندي زنودي ترهللللللللللللللللت كثييييييييير واليوم وانا اقرى قريت عن شفط الزنود مين عندها خلفيه لو سويت شفط بدون شد عشان اثار الشد انا مكنسلتها ممكن تخف وتصغر ولاكيف

وكيف طريقتها وهل تكون واضح الجرح والنتيجه متى تطلع

اتمنى تساعدني الي تعرف

والي ماتعرف ترفع الموضوع بس

اتوقع لازم شد لان الجلد مترهل

رفع عشانج

السلام عليكم ورحمة الله وبركاتة

بنات عطونا حل انا ورفيجتي بالدوام نبي نضعف شلووووووووون
لا تقولون نادي لان اشتركنا وما التزمنا ولا تقولون رجيم هم ما نلتزم شنسويييييييييي نبي نضعف اليوم قبل باجر بلييييز اللي عندها حل حقنا مثل ابر عمليات شفط مع العلم انه انا وزني 73 و80 واحنا تونا بعز شبابنا ببداية العشرينات

وجزاكم الله خييير واللي بتساعدنا بتسوي فينا خيييييييييير

اب اب اب لعيونج

اب اب ب

وانا بعد معاكم اللي مسويه زندها ترد لا تحقر
واللي عافيكم

عمليه لزنود تعتبر للاسف من اصعب عمليات الشد واكثرها الم عندي وحده من الاهل بتسويها عند د ندا بدار الشفا بس بعد شهر قالها فتحه صغيرة من تحت الابط وفي ناس سوها هم اعرفهم بالسمارت لايبو الشفط الموضعي بس مافرق وايد بس يمكن وياكم يفرق لان مافيكم وزن وايد

شد الزنود فيه مخاطر وايده لان اهم شرايين القلب تمر بالزنود

هاااااااااااااي

بنااااااااااااااااات

ممكن اللي تعرف عن كريم يشد ترهلات البشره

مثل الزنود والبطن

لاني مسويا رجيم فصار جسمي ماااااي من كثر الترهلات صوب الزند

شكله يلوع الجبد

ولي يعافيكم اللي تعرف كريم للترهلات ماتبخل علي بمساعدتها

تكفووووووووووون

انطر ردودكم

مع تحياتي
اختكم
موووووووووج

لوريال ودوف

جل دوف لشد البشره حلو انا استخدمه للبطن يهبل

الرياضه احسن شى لشد الجسم مارسى رياضه المشى او اشتركى فى نادى

مشكورين حبيباتي على الردود وعدم اهمالكم للمساعده

اختي مذهله انا كل يوم امشي ساعه بس ماكو فايده بس بجرب الخل

اختي فواصل وضحيلي اي لوريال واي دوف في شغلات شكثر من هالماركه شمكتوب عليه بالضبط

اختي مزيونه وشقره وضحيلي شنو مكتوب على علبه جل دوف
اهو مخصص للشد
وشكثر بين عليج
وأذا عندج صوره كفيتي ووفيتي

انطر الرد

ردكشن كريم وكلارنس

دارين
وين يوجد

لعبي حديد حق ايدج وشوفي خلال شهرين شلون بتشد شد لاكريم ولا خرابيط اخذيها من وحده خبره وادعيلي حديد كل تمرين 30 مره وشوفي

جل دوف لشد الجسم موجود بالجمعيات

btn q8 in usa كنتي تشيلين حديد كل يوم ولا يوم و ترك؟ و خلال شهرين بينت النتيجه معاج 100%؟ و كم كيلو؟

اي الحديد تمام بس مو كل يوم بس يوم و ترك و لا اتشيلين حديد ثقيل حدج كيلو او كيلو و نص

انا جربت كريم دوف اشكثر ما نفع و لا سوى شي و ما عندي فكره عن الكريمات الباجي

صراحه الكريمات دوف وربعهم خرابيط

وينقل الدهون من مكان لأخر صارت فيني ريلي طلعة فيها ورمه مت من الخوف
ولا طلع من كريم دوف

مثل ما قالت بنت الكويت في امريكا احسن شي حق شد الجسم الحديد الأوزان الخفيفه

في النادي محد شد جسمي بعد الولاده وحسيت جسمي تعدل الا من الحديد

طبعا مع مدربه يوم وترك تعطيني تمارين حق كل الجسم

ردكشن كريم في صيدليه الشاميه والروضه
كلارنس تحصلينهم بمراكز التجميل والمكياج
بس زينين
استخدمت لوريال يمشي الحال

بس راح يطلعلي عضلات

صبااح الخييير !!!

اشلونكم بناات ؟

ابي دكتور شاطر ومجرب بعمليه شد الزنود والصدر والفخووذ لانه الصراحه ترهلووا حييل بعد عمليتي التكميم واللي نزلت فيها 56 كيلوو من وزني اكييد مو شويه ياليت تنصحوني بدكاتره شطار ومعرووفين واكون شاكرتلكم

لحظة لحظة ترى مو بالجملة الموضوع !؟

صححي الجملة قولي ابي دكاتره زينين .. مو دكتور شاطر بالزنود والفخوذ والصدر و و و !
اصلا الصدر يبي له موضوع بروحه عشان تتاكدين وتركزين باختيارج
وشهور على ما تقررين ان كان زين او لا
لانه مهم جدا , وان خرب مشكلة

اما الزنود والفخوذ مو بالضروروة اللي يضبطهم يضبط الصدر

ركزي على دكتور شاطر للصدر وفنان ,
وغالبا بيكون فنان بالباقي

والله يوفقج ,
انتهم السابقون ونحن اللاحقون
بدور معاج ابشري

اميره حبيت اوضحلج شغله لو شديتي زنودج راح يكون في خط واااااضح جدا من تحت اللباط الى الكوع

شيرين ابو الفتوح شفت نتيجة وحده شششاده زنودها بصراحه ما عجبتنيالنتيجه والجرح حيل وااااضح مستحيل يختفي بليزر او من هالكلام اللي يقصون فيه عليناااا

اللباط = الاباط

هلا حبيبتي اميره

اب اب اب لعيونج

اب اب

مشكووورين حباايب قلبي ماقصرتوا واللي رفعوا الموضوع

مشكوووره حياتي ماقصرتي تدرين انا بهالسوالف عليميه حدي

وماتقصرين

صج والله

بس انا سمعت غير عنج يقولون الخط ماله حيييييل ضعيف نفس الشعر ويختفي شوي منه

والله اذا لقيت شي ببلغج

وجاري البحث عن فنانين تجميل

صباح النور بخير أنتي أشلونج أنا رفيجتي نفسج جسمها مترهل بس أول شي حاولي تنزلين حق الوزن اللي تبيه و بعدين فكري بالشد واايد أحسن رفيجتي سوتها بمشتشفى مادري عياده اسمها الزهير

هلاوغلا تمام الحمدالله

انا تقريبا وصللت للوزن اللي ابيه لان صاار 55 كيلو وجسمي ترهدل حيييل ياليت تبلغيني عن رفيجتج بالضبط وين سوتها وتقوليلي لانه صج محتاجتها

تسلمين حياتي ماقصرتي

الصدر عندج كروز احسن واحد اب مزايا ماجربته بس مسويه قوقل سيرج الباجي ماعندي فكره اذا بتنطرين شويه انا بشد صدري شهر ١١ عند دكتوو ( سر ) لول اشوقكم بس اذا يازلي اكيد بنزل موضوع عنه

صج تمدحينه لي

ودكتور سر وين باي مستشفى ؟

وبجم

أولا: الحمد لله علي سلامتي وقرت عينكم بشوفتي ؟؟؟؟

واليوم صار شهرمن سويت العمليه تاريخ 19/11 سويتها في مستشفي البابطين

وسبب العمليه اني سمنت شوي وطلع فيني تمزق يالايدين ولمن شافني الطبيب قالي التهاب

بالجلد وكان نشيط والحين صار فيه خمول بس الحمد لله الحين اقدر اسويلج العمليه

وقالي بعد يومين دخول الساعه 8 الصبح دخلت المستشفي وسوولي تحاليل وما الي ذالك

وبعدها بيوم سويت العمليه لبسوني ملابس العمليه الفجر ودخلت العمليات الساعه عشر الصبح

والحمد لله بعد خمس ساعات طلعوني نااااااااااااااااايمه ما احس بشي

المغرب قعدت دايخه الا عينكم ما تشوف الا النور تعبانه حدي وايدي مورمه والثانيه ماأحس فيها

وقعدت مسكنات وابر ورعايه والله يا بنات المستشفي معاملتهم راقيه جدا جدا والممرضات ما يخلوني خمس ايام

حولي يحوفوني لاني حاله خاصه خايفين من الالتهاب وسوالي الشد وشالوا البرابيش اللي بايديني بعد اربع ايام

وطلعت خامس يوم مضمديني بس والله يا بنات كنت تعبانه ما اقدر اتحرك بس والله زوجي وحمولتي الله لا يخليني منهم

ولا يغير علينا حقيقه ما قصروا معاي شالوني علي كفوف الراحه وبنتي حبيبتي تساعدني شلت نص الخيوط بعد اسبوعين

والباقي بعدها باسبوع يعني قبل يومين والحين لبسوني مشد ضاقط لمدة ست اسابيع يبيلي مده علشلن اتعود عليه

وكل اسبوع عندي مراجعه يمكن لين الاسبوع القادم واتوقع بعدها كل شهر لين يشوف انتهاء استخدام المشد وتسلمون علي

المتابعه ……….

بنات نصيحه العمليه تستاهل انج تتعبين وتكافحين النتيجه روعه وتستاهل تعبها يالله اي استفسار آنا حاضره

والحمد لله اللي حقق امنيتي وان شاء الله الله يكمل فرحتي ويرزقني طفل معافي

انالله الحمدلله على سلاماتج وعسا ما تعبتي بس ديري بالج ترا رفيجتي اضعفت وسوتها اوكي لان ترهلت ازنودها وايد تصوري على هالتعب عقب سنه ردت امتنت وردت ازنودها …. الله يتمم عليج ويحفظج انشالله

الحمدلله على سلامتج ياقلبي
واجر وعافيه يارب

.

.

آلحمد آلله ع سلآمتج

وآلله يعطيج آلعآفيه

حمدلله على سلامتج

الحمد الله علي سلامتش
بس مايطلع اثار العمليه فيج حييييييييييييييييل تبين صح

_____________________________

الله يسلمج حبيبتي الله يجزاكم خير اللي وصل لمرحله حلوه بعد العمليه ما أظن انه يرجع ويخربها الله كريم

عموما ألف شكر علي مرورج الحلو

_________________________________________

الله يسلمج يالغاليه عاد آنا كنت طالبه منج عطور

بس والله كنت تعبانه حيل ما كنت اقدر اتصل واطلب

يالله اذا الطلبيه جاهزه طرشيها لي

وألف شكر علي المرور الطيب

____________________________________

حور يالغاليه الله يسلمج ويعافيج

عساج علي القوه ما قصرتي حبيبتي

_____________________________

الله يسلمج يالغاليه ماقصرتي

شكرا علي مرورج الحلو

_____________________________________

الله يسلمج يالحبيبه

بالنسبه لاثر عادي اكيد بيطلع بس عادي اهون من الترهل والمغثه

ان شاء الله بحافظ علي نتيجة العمليه

ألف شكر علي المرور

الحمدلله على سلامتج

الحمد لله على سلامتج ، انا ببلش رجيم واحاتي الترهلات وقاعدة افكر إني اسوي شد بعد ما اضعف بس خايفة ، شرايج حبيبتي تستاهل العملية ؟؟؟؟؟؟؟؟؟ ما تخرع ؟؟؟؟؟؟؟؟ مالها آثار جانبية ؟؟؟؟؟؟؟؟ وآثااااار نفسية ؟؟؟؟؟؟؟؟؟؟؟؟

____________________________________–

الله يسلمج يالغاليه

ماقصرتي علي المرور

______________________________

الله يسلمج حبيبتي

الله يعينج عليالرجيم هم آنا مسويه رجيم الحين بعد

بالنسبه للعمليه لها آثار عمليه الزنود الوحيده اللي يبين خطها حيل بعد فتره لان الايدين مكان حركه

بس شي أهون من شي

أما تخرع يعني شوي آنا ما أبي أخرعج بس مع عوارها وشكل الخياطات وكل شي نتيجتها 100%

رووووووووووعه لي ألحين عاد بعدين الله أعلم

أول أسبوعين بس ابجي بالليل لاني ما أقدر اتحرك بروحي وبس نايمه عليظهري ومتحنطه وتشوفيني

حالتي حاله بس الحمد لله الحين احرك ايديني واروح واطلع عادي بس بحذر

الله يكتب لج وتخلصين رجيمج وتسوينها وتقومين بالسلامه

وألف شكر علي المرور الحلو

السلام عليكم

قبل كل شي،
اخذت فتوى تجيز لي اللي بسويه
لاني ضعفت حيل وجسمي كله ترهل
وزوجي يبيني اعدل "ارمم" جسمي

بنات قررت باخذ قرض وبشد صدري
وبكبره
وبشد زنودي
وبنحت خصري وبطني

وابي أفضل دكتور بالعالم .. وينه ؟
دلوني عليه
او

على الأقل رشحوا لي أسماء
اللي تنصحون فيهم

مومهم السعر،
دام القرض موجود ؛)

ويا ليت اللي تعرف تستعجل بالرد
لاني الشهر الجاي باذن الله بسافر له
وطبعا لازم احجز موعد من الحين

الله يجزاكم خير
ويرزقكم ويرضى عليكم

انشالله البنات يفيدونج وانا بعد ودي اعرف يلا يابنات لاتبخلون علينا بتجاربكم ياحلوين

ررررررررررررررررررررفع

حبيبتي انا مسويته بطيبة كلينك تقريبا نفس حالتج كنت متينه وضعفت وصدري كان محتاج ترميم سويته شد وتكبير بصراحه وانتي مغمضة روحي لان تجميلهم طبيعي وحلو مو اوفر واي استفسار انا حاضر

حبيبتي الساهرة
ان شاء الله نلاقي

والله يجزاها خير اللي تساعدنا

اميسا حبيبتي

ان شاء الله نلاقي
وتقولون لنا البنات تجاربهم مع اسماء الدكاترة

شكرا اميسا حبيبتي على الرفع

حبيباي كويتيه

الحمدلله على السلامة
ومشاء الله .. الله يهنيج

شنو اسم دكتورج وبجم سوا لج
ومتى؟

بنت حالتي سوت ماشاء الله بسالهاوارد لك

حبيبتي اي والله تكفين اسالي وردي لي خبر

باقرب وقت

عندنا وعندها خير بس انا موكبيره بس مضايقتني مو ماشيه مع جسمي تحسين جنها بروحها الله كريم يفكنا من هالزنود بس انا اذا متنت اطلعت واذا ضعفت راحت الله كريم وماظن لها علاج

شوفي جني سمعت عن خل التفاح تدهن فيه وتلفه ب النايلون الشفاف وتمشي ودي اجربه بس كسللللللللل خليها تجرب يمكن ينفع وخل تقولي شصار <<<<<<<<حدي كسوله

اهي مستعملة خل التفاح الحين بس المشكلة الريحة ،، عادي عندها ريلها بس
مو عند اهله تصير فضيحة

يمكن تنفعها المساجات والطحالب البحريه حق الزنود بس ….وبالتوفيق ….

تكفون يا بنات لاتخلونا اذا لقيتوا حل قولوا لنا لاني ضعفت وزنودي اتفشل صارت كأنها بالون مفشوش مع انه قاعده امشى مع الرجيم بس ماكو فايدة ماينشدون

اختي مشكله الزنود
بس موزين تحط خل تفاح موزين عالجلد
احنا نحطه على اللحم عشان يفتته ويلينه فامابالج نحطه على جلدنا شراح يصير ؟؟
انا قالولي بالرياضه بالمشي مع تحريك الايد ورفع أثقال خفيفه مع التحريك عشان تتحرك العضله وتحرق الدهون اللي حواليها
وان شالله استفدتي مع هالمعلومه

شوفي هالموضوع حبيبتي
وشوفي ردي ورد الاخت عروس ورد اختي
وردة لبنان

اختي سنيوريتا اي رابط ما في شي؟؟

سوري ياقلبي تفضلي
https://www.q8yat.net/showthread.php?t=140698
شوفي نقطه رقم 3

مشكله مالها حل

إذا ضعفتي تضعف وبس

اهي ضعيفة لكن المشكلة منطقة الزنود