الوسم: الزكاة

بنات واللي يعافيكم ابي معلومات كامله عن بيت الزكاه
من الساعه جم لى حم الدوام؟؟
جم المعاش للجامعيه؟؟
الاجازه الدوريه حم مدتها؟؟
عفيه كل المعلومات اللي عندكم؟؟

بس انا سألت البنات ولحد رد علي

انا بعد ودي اعرف شلون شغلهم اذا نفس طريقة شغل بيت التمويل يعني كراف ولا الشغل مناسب و اذا في تقدير حق اللي يشتغلون ولا اللي يشتغل نفس اللي ما يشتغل عندهم ؟؟ والعلاوات والراتب للجامعيه وساعات الدوام

ومكانهم وين صاير مادري انا سمعت ان لهم افرع … ياليت تقولون لي على فرعهم بالفروانيه اذا في ….

و رقم تلفونهم ؟؟ ضرووري يا بنات قبل السبت تكفوون

بس صار يتبع للديوان مو مستقل مثل أول

وأنا عيزت بشتغل هناك واسطات وماقدرت

قوه بنات مرة ثانية
أنا بطرح الموضوع مرة ثانية لان صراااحة انا وااايد ضايق خلقي
مثل ماقلت من قبل انا تخصصي محاسبة دبلوم و اشتغل بمتوصف اقص كروووت … والله العظيم حرااام … يعني والله مايصير و فوق هذا كله كادر المحاسبة ما يعطوني يعني انا رفيجاتي بتخصص المحاسبة و يشتغلون بأمكان غير الصحة ويعطونهم كوادر … وانا ما يعطوني كادر … وانا ابي لنتقل حق بيت الزكاة لأن يمدحونه

فصج سمعت ان بيت الزكاة يبيله واااااااااااااااااااسطة قوية
و انا بيصيرلي سنة توني يعني فهل ممكن انتقل ولا لازم سنتين خبرة ؟؟

انا وحدة متضايقة و منحبطة صراحة على وضعي الحالي
و تعرفون الحين كل شي غالي و المصاريف زادت يعني مصاريف بنتي اسمالله عليها و الاقساط والقروض و غيره
ياريت اللي عندها فكرة او معلومة تفيدني
بلييييييز

امس كنت ببيت الزكاة وسالتهم

قالوا انه في 3 وزارات مايقبلون منهم لا نقل ولا انتداب الي اهما الصحه والتربيه ومادري شنوو

وانه مايقبلون تعيين جديد

ولازم يكون لج مشتغله باي وزارة سنتين

وبعدها سالي عن باب النقل ونقلي عندهم

وموفقه ان شاء الله

اعرف وحده بالماليه تبي تحول عندهم ماقبلوها

حولي اي وزاره ثانيه امبيه صعبه نقص كروت

اقتباس:

المشاركة الأصلية كتبت بواسطة الأمل لحظه حبيبتي عسى ماشر تخصص دبلوم محاسبه وتقصين كروت ؟؟؟؟؟؟؟؟؟؟؟؟؟؟؟؟ انا خبري هل الكروت للي شهايدهم ابتدائي ولا متوسط ……………. حرام تسوين بنفسج جذيه شهالوظيفه محاسبه تخصص مرغوب بكل الوزارات ولها كادر حلو يعني مو اقل من 80 دينار وانتي شلي حادج على هالوظيفه بعد التعب وتتوظفين كاتبه

اي اللي معاي صج شهاداتهم رابعة متوسط او اولى ثانوي
تخيلي انا الوحيدة اللي تخصصي محاسبة ولا واللي يبط الجبد كل اللي معاي طقت امي واكبر
والله فشله لما الوحدة تصير جريب التقاعد لو يكون لها خدمة 25 سنة وتقص كروت
انا اللي يشتغلون معاي جذيه تشتغل من 25 سنة وشهادتها رابعة متوسط وكبر امي ولما الحين تقص كروت
يعني مافي ترقيات ولا علاوات ولاغيره
وبعدين حبيبتي انا رحت الديوان قبل لا اسوي اوراقي بالصحة جان يقولولي ما في ال الصحة قابلتج واذا رفضتي ممكن تقعدين 6 اشهر ويمكن اكثر على مايطلع اسمج مره ثانية
فقوليلي شسوي؟؟؟

اقتباس:

المشاركة الأصلية كتبت بواسطة أشكي عليك الحال هلا امس كنت ببيت الزكاة وسالتهم قالوا انه في 3 وزارات مايقبلون منهم لا نقل ولا انتداب الي اهما الصحه والتربيه ومادري شنوو وانه مايقبلون تعيين جديد ولازم يكون لج مشتغله باي وزارة سنتين وبعدها سالي عن باب النقل ونقلي عندهم وموفقه ان شاء الله

صج لاتقولين ؟؟ بعدين حبيبتي ليش كنتي اهناك ناوية تنتقلين ؟ انتي باي وزارة وليش تبين تروحين بيت الزكاة ؟
وليش مايصير نقل او ندب من هالوزارات وليش الصحة؟؟؟
واقدر انتقل حق وزارة ثانية ولا لازم سنتين ؟
واي وزارة تنصحوني انتقل لها ؟

اقتباس:

المشاركة الأصلية كتبت بواسطة نـعـومـه بيت الزكاة واسطه قويه صح اعرف وحده بالماليه تبي تحول عندهم ماقبلوها حولي اي وزاره ثانيه امبيه صعبه نقص كروت

تنصحيني اي وزارة احول ولازم خبرة سنتين ولا اقدر احول الحين ؟؟
اي تخيلي والله صعبة اقص كروت وانا محاسبة والله شي يفشل
حتى والله استحي اقول حق رفيجاتي اني اقص كروت
لا وتصدقون المرضى اللي يوون واقصلهم كروت يسألوني انتي كويتية ؟؟؟ اقولهم اي كويتيه
عبالهم انا بدون او مو كويتية والله فشلة
لا ويقولولي ليش تشتغلين اهني ؟؟؟ لا و فوق هذا كله يقولولي المرضى اللي اقص لهم كروت شنو شهادتج ؟ فينصدمون لما اقولهم معهد تجاري تخصص محاسبة عبالهم شهادتي رابعة متوسط او ابتدائي

تنصحوني اي وزارة اروح ؟
انا ابي مكان راقي وناس راقية مثل بيت الزكاة والتأمينات وغيرها من الاماكن الراقية
ويصير الحين اروح ابلش بإجراءات النقل ولا لأ؟

وياصاحبه الموضوع الله يعينج

اقتباس:

المشاركة الأصلية كتبت بواسطة one two 3 وايد اسمع ابتعدو عن الصحه و التربيه والشؤؤون وياصاحبه الموضوع الله يعينج

مشكورة حبيبتي على تعاونج معاي
اي والله .. الله يعني ويعين اللي مثلي

اقتباس:

المشاركة الأصلية كتبت بواسطة أشكي عليك الحال هلا امس كنت ببيت الزكاة وسالتهم قالوا انه في 3 وزارات مايقبلون منهم لا نقل ولا انتداب الي اهما الصحه والتربيه ومادري شنوو وانه مايقبلون تعيين جديد ولازم يكون لج مشتغله باي وزارة سنتين وبعدها سالي عن باب النقل ونقلي عندهم وموفقه ان شاء الله

شوفي الصحـه ما اقروهـا إلا من قبل 3 اشهـر >> لأنهم شافوا الكـل يطلع منهـا … والوزارات الثانيـة هي التربيـه والعدل .. والسبب ان هالوزارات ما تقبل الانتداب … وبيت الزكاااة يأخذج بالاول انتداب لمـا ينزل لج درجـة وبعديـن يثبتج عندهم ,,,

والشـئ الثانـي : البيت ما يقبل إلا يكون لها خبرة ما تقل عن السنتين … >> وهذا قرار الديوان ,,,

ويابنااااات اللي تبي تتوظف وتستوفي شرووط البيت راح يفتحون باب التوظيف شهـر 3 أو 4 القادم….

والله يوووفق الجمـيع ….

اقتباس:

المشاركة الأصلية كتبت بواسطة بيوتي شوفي الصحـه ما اقروهـا إلا من قبل 3 اشهـر >> لأنهم شافوا الكـل يطلع منهـا … والوزارات الثانيـة هي التربيـه والعدل .. والسبب ان هالوزارات ما تقبل الانتداب … وبيت الزكاااة يأخذج بالاول انتداب لمـا ينزل لج درجـة وبعديـن يثبتج عندهم ,,, والشـئ الثانـي : البيت ما يقبل إلا يكون لها خبرة ما تقل عن السنتين … >> وهذا قرار الديوان ,,, ويابنااااات اللي تبي تتوظف وتستوفي شرووط البيت راح يفتحون باب التوظيف شهـر 3 أو 4 القادم…. والله يوووفق الجمـيع ….

هلا حبيبتي مشكورة ووواااااااااااااااايد على المعلومات اللي قلتيها
بس يعني ماكو امل اني انتقل الا بعد سنتين ؟؟ واااااااااااااااااااااااااااااااااااااااااي مو قادرة اصبر على الظيم والقهر

والله يووفقج معروف الصحهاردى وزاره اهي وتررربيه

والله يووفقج معروف الصحه أردى وزاره اهي وتررربيه

اقتباس:

المشاركة الأصلية كتبت بواسطة نعومة عسل قدمي ع التاميناااات الاجتماااعيه طاالبين تخصص محاااسبه اذا شهادتج بكالريوس اما دبلوم محاسبه لا مايبون والله يووفقج معروف الصحه أردى وزاره اهي وتررربيه

هلا حبيبتي
انا دبلوم مو بكالريوس واصلا التأمينات كل اللي يبونهم لازم جامعيين و مايآخذون دبلوم
واللي تبي تتوظف و شهادتها دبلوم يبيلها واااااااااااااااااااااااااااااااسطة قووووووووووووووووووية

السلام عليكم
بغيت اسال كم زكاة الف دينار لمن يدور عليه الحول جزاكم الله كل خير

بنات أبي أعرف إشكثر رواتب بيت الزكاة وإذا كان في كادرة عفي علشان أنقل أو لا

بليييييز ضرووري ؟

يأأست من الوااسطاات يصيرر اقدم بدون واسطه

تبين تقدمـين … روحـي لهم عند جنوب السـره … وقدمـي ,,, دام هاذي الفتره هـي فتـرة التعييناات عندهم

واذا مو موظفه يلعبون فيج الديوان يقولون روحيلهم مالنا شغل فيهم واهما يقولون قدمي من الديوان

الزبده لازم واسطه

بيت الزكاة يقبلون الجامعيين سيده طبعا مع واسطه والا لازم خبره سنتين؟؟؟
لانه شكثر اسمع انه لازم خبره سنتين بعدين تنتقلين والديوان ماله شغل فيج بس لما قريت التعيينات ذاك اليوم بالجريده وتزيعات الموظفين على الوزارات كان من بينهم بيت الزكااة يعني شنوو فسرولي لازم خبره؟؟؟

بدل الشاشه لازم يكون تخصصي كمبيوتر ؟؟اذا ماخذه دورات وانا شاطره بالكمبيوتر ماينفع؟؟؟

شنو نوعية الموظفات ؟؟؟ملتزمين حيل؟؟والا عادي ؟؟والا شنوو بالظبط؟؟

ووسعو صدوركم علي شوي

اقتباس:

المشاركة الأصلية كتبت بواسطة lolowawa1234 عندي سؤال صغيروووووون بيت الزكاة يقبلون الجامعيين سيده طبعا مع واسطه والا لازم خبره سنتين؟؟؟ لانه شكثر اسمع انه لازم خبره سنتين بعدين تنتقلين والديوان ماله شغل فيج بس لما قريت التعيينات ذاك اليوم بالجريده وتزيعات الموظفين على الوزارات كان من بينهم بيت الزكااة يعني شنوو فسرولي لازم خبره؟؟؟ بدل الشاشه لازم يكون تخصصي كمبيوتر ؟؟اذا ماخذه دورات وانا شاطره بالكمبيوتر ماينفع؟؟؟ شنو نوعية الموظفات ؟؟؟ملتزمين حيل؟؟والا عادي ؟؟والا شنوو بالظبط؟؟ ووسعو صدوركم علي شوي

هلا حبيبتي

اللـه خوووش سوال صغيرووون ….

حبيبتـي اقولج بالمختصر المفيد … بيت الزكاة مايقبلون بدوووون خبرره
لازم يكون عندج خبره ماتقل عن سنتين …
وبالنسبه لبدل الشاشه <<< اكيييييد لازم يكون عندج شهاده كمبيوتر ..

بصراحه انا لما رحت لهم واشوف ماشفت وحده لابسه بدله // كلهم عبي وملافع … >> مع العلم انا رحت حق اللي بالسالميه ……….. ومااادري عن جنوب السرره

اتمنـى اكون افدتتتتج

ان شاءالله البنات يفيدونج

اقتباس:

المشاركة الأصلية كتبت بواسطة بيوتي هلا حبيبتي اللـه خوووش سوال صغيرووون …. حبيبتـي اقولج بالمختصر المفيد … بيت الزكاة مايقبلون بدوووون خبرره لازم يكون عندج خبره ماتقل عن سنتين … وبالنسبه لبدل الشاشه <<< اكيييييد لازم يكون عندج شهاده كمبيوتر .. بصراحه انا لما رحت لهم واشوف ماشفت وحده لابسه بدله // كلهم عبي وملافع … >> مع العلم انا رحت حق اللي بالسالميه ……….. ومااادري عن جنوب السرره اتمنـى اكون افدتتتتج

——————————————————————

شكرا بعد عمري يعطيج العافيه ,,,,

مساكم الله بالخير
شلونكم 🌷

بنات بليز ابي اعرف جم معاش بكالريوس محاسبه بعد الزيادات الاخيره في بيت الزكاة و الاسكان ؟
و انا عندي خبره سنتين يعني مسماي محاسب مو محاسب مبتدئ
واللي يعافيكم اللي تعرف اي شي يفيدني ترد

عيدكم مبارك

بنات انا عندي الف دينار ولازم ازكي عنها ب25 صح ولا لا؟؟

اقدر ازكي عنها بعد العيد ولا لازم الحين ؟؟؟
الي تعرف ترد بسرعه
عشان يمديني
لان ماعندي احد يوديني اروح اللجنه؟؟اذا عندكم رقم لجنه يجون البيت اكون لكم شاكره
ولا عادي اوزعها علي خدامات خواتي لانهم مسلمين؟؟؟

والله يتقبل منا ومنكم،،،

https://www.zakathouse.org.kw/AxCMSwebLive/ar_index.cms

وبالنسبه لزكاة لازم يمر عليها الحول وهو سنه هجريه وطلعين عن كل اميه دينارين ونص انا هذا الي اعرفه بس انتي مالج شغل بكلامي وسئلي احسن
هذا رقمهم بس مادري اذا شغالين في العيد ولا لاء

2240225

لمعرفة ذلك :
‫الشيخ زيد البحري الزكاة تعطى لهؤلاء فقط‬&lrm; – YouTube

انا مدرسه على الدرجه الرابعه وحابه انتقل الى بيت الزكاة وايد بنات امدحولي المكان اللي بالسالميه حبيت استفسر جم معاشهم وشنو احسن قسم عندهم وهل في توقيع ولا بصمه ولا كرت وهل في اختلاط وهل لازم نلبس عبايه وجم عطلتهم في السنه ومن الساعه جم دوامهم لين الساعه جم وهل في دوام العصر ولا بس الصبح بليز اللي تشتغل في بيت الزكاة ترد علي او اللي تعرف احد يشتغل هناك ترد علي

زين الواسطه شلون واسطة عضو ولا مدير هناك ولا شنو ؟ لا وحده تقول حتى الوزير توسط لها ومافي فايده !!!!

محد ريحنا بالاجابه ترى بتلقين مواضيع قديمه الكل يسأل بس ماكو اجابات

السؤال :
لقد اختلفت أقوال العلماء بالنسبة لزكاة حلي النساء المستعملة بين موجب للزكاة ومسقط لها، لذا أرجو وضع حد لهذه الاختلافات وقولاً فاصلاً، وإذا كان الجواب بالوجوب فماذا تفعل المرأة التي ليس لديها سوى حليها ؟

الجواب :
قد اختلف العلماء رحمهم الله والصحابة قبلهم في زكاة الحلي للنساء من الذهب والفضة من القلائد والأسورة والخواتم وأشباه ذلك إذا بلغت النصاب ، وهو عشرون مثقالاً من الذهب ، ومائة وأربعون مثقالاً من الفضة ، مقداره من الذهب المستعمل أحد عشر جنيهاً وثلاثة أسباع الجنيه ، ومقداره من الفضة ستة وخمسون درهماً أو ما يعادلها من العمل الورقية ، هذا أقل نصاب ، وما زاد عليه فمن باب أولى ، فقال بعض أهل العلم من الصحابة ومن بعدهم : إن عليها الزكاة في الحلي إذا بلغت النصاب ؛ لعموم الأدلة الدالة على وجوب الزكاة في الذهب والفضة . وقال آخرون : لا تجب فيها الزكاة ؛ لكونها معدة للاستعمال . والراجح وجوب الزكاة فيها ؛ لعموم الأدلة الدالة على وجوب الزكاة في الذهب والفضة ؛ لأن النبي صلى الله عليه وسلم لما سألته أم سلمة عن الحلي : أكنز هو قال : (( ما بلغ أن يزكى فزكي فليس بكنز ))[1] ، ولأنه صلى الله عليه وسلم سأل امرأة عليها سواران من ذهب : " هل تؤدين زكاتهما ؟ " فقالت : لا ، فقال عليه الصلاة والسلام: (( أيسرك أن يسورك الله بهما سوارين من نار ..)) [2] الحديث . وإذا كانت المرأة ليس لديها ما تزكي به سوى الحلي فعليها أن تبيع من الحلي أو تقترض ما تزكي به ، وإن زكى عنها زوجها أو غيره بإذنها فلا بأس . والله ولي التوفيق .

——————————————————————————–

[1] رواه أبو داود في ( الزكاة ) باب الكنز ما هو وزكاة الحلي برقم 1564
[2] رواه أبو داود في ( الزكاة ) باب الكنز ما هو وزكاة الحلي برقم 1563 ، والنسائي في ( الزكاة ) باب زكاة الحلي برقم 2479

المصدر :
ضمن أسئلة موجهة لسماحته بعد محاضرته عن ( الزكاة ومكانتها في الإسلام ) في الجامع الكبير بالرياض – مجموع فتاوى و مقالات متنوعة الجزء الرابع عشر

السلام عليكم
انا موظفة في الاشغال العايمة وابي اانقل في بيت الزكاة وصار لي 3 سنوات اشتغل ودبلوم وتخصصي سكرتارية بسال متى التقديم لبيت الزكاة؟ وشنو التخصصات المطلوبة؟ وجم معاش الدبلوم ؟ واذا ابي ادارة معينة هناك لازم واسطة ولا عادي يصير نقل داخلي وابي احد يفهمني طريقة النقل ؟ شلون انتداب ولا التقديم بس جذي بدون ديوان الخدمة ؟ كل شي ابي اعرف
ممكن احد يفيدني بليييييييييز لا تطنشووني

بس نقل خدمات اوك يصير

على فكره يبيله واااااااااااااااااااااااسطه قوويه

المكان روعه ورواتب حلوه جم بالضبط ما ادري بس احسن من غيره