|
سلام عليكم بنات ..
وشلون التخصص زين ولا شين ؟
يعني الدراسه سهله ولا نو ؟
المعاش شلونه اول ما اشتغل ؟
ومشكووووورين
كل شي يبين على الكورس الاول ان شاءالله
|
سلام عليكم بنات ..
ومشكووووورين
|
السلاام عليكمـ ,,,
بنات معاي بكالريوس تربيه وخاااطري أطلع من الوزاره المعفنه (التربيه) وبقدم على البترووول ,,,يقبلووني ,,,؟؟
واذا قبلوووني شنو نوعية الدوام وشنو أحسن إداره ,,,والأهم كم المعاااااااش؟؟؟ يعني تقريبا ,.,,
وشنووو مميزات موظفين البترووول ,,,
ونظام الإجازات نفس ماهو (أمومه -إجازة وضع-إجازه خاصه-مرضيات ………………………..) ؟؟؟
بليز بنات فيدووووني…
التربية سجن
اعرف وحده صارلها 7 سنين تحاول و مافي واسطة ماحطتها
بس للاسف التربية سجن مؤبد
مابي اضيق خلقج بس هذي الحقيقة
بس هالشي صعب صعب صعب
واقرب مايكون الى الاستحالة
الا اذا عندج اقوى واسطة
لان الـ koc حييييييييييييل مشتددين هالفترة
ومايقبلون الا التخصصات اللي يطلبونها
موفقة
فقط يقبلون التخصصات المطلوبه
بس هم اقولج لا يأس مع الحياة اكيد اكو طريقه بإذن الله
|
السلام عليكم
بنات انا ترشحت بالتربيه ومابيها حرام معدلي فوق 3 ومابي اتدبس بوظيفه اتحسف عليها بعدين
ابي اعرف البنات اللي نفس تخصصي و سووا ربط وانقبلوا شكثر طولتوا؟
لان اشوف ماشاء الله اخر دفعه واللي قبلها في اعداد مقبولين بالماليه
بس مادري شكثر في منهم محاسبه
تنصحوني اسوي الربط؟
هم كل مره جم يقبلون؟
يماااه لايكون لمن اتخرج بيقطوني بعد بالتربيه @@ لايحوشك
|
قوه بنات
حاولت ادور تجمعات مصر مالقيت
اشرايكم بجامعة اسكندريه وخصوصا كلية التجاره والحقوق والدكاتره صج يسقطون عشان يخلونكم تدفعون اكثر ؟؟؟
وجم رسوم الدراسه !!
ويعطيكم العافيه
بس هم قالولي عين شمس فيها رسوم وصعبه
|
مرحبا شلونكم بغيت اسوي استطلاع بالمنتدي عن بنات المنتدي اكثر وجود بالمنتدي بنات الدبلوم ولا البكللوريوس
أرحبواااااااااا
بكالريوس
بكالريوس << الله يتمم
تم آلتصويت
ادعووولي
والشهاده بالدرج وقاعده بالبيت
|
السلام عليكم أشلونكم المحاسبة دبلوم ولا غيروة صار بكالريوس تكفون ردوا
بس تقدرون تكملون بالجامعه اذا معدلكم عالي.
ووضحت العنوان..
وموفقين يارب..
بس حجي !!!! -_-
درست محاسبه وخلصت من 3 سنوااات وللحين يحجووون ؟؟
صج تجاري [/b]
مشاوى يا أم الزين دراسة المحاسبة حلوة وسهلة ولا فيها مقثة وأشلون الأساتذة عندكم والمحاضرات تنصحينى أدرس فى التجارى الكل ما يمدحة ليش أو أدرس فى الأتصالات لأنى عندى بيبيات أخاف أتورط فى الدراسة فى المعهد بعد يقولون أن موقع المعهد مو حلو مع أحترامى للأخوات يقولون أن سمعتة مو شئ مو الكل
|
ترى موو حلووووو موحااسبه من قاال سهل حدي متحسفه ليش دشيته صعب واحس عبقري الي يفهم مادري ليش انا مو قادره افهم واستوعب
هذا من وجهة نظري لو داشه اداره احسن عندي والله
دشيت محااسبه بس عشاان لما اشتغل زيين يعني كادر وهسوالف :
اكييييييد موقعه موو حلوو ام الزحمه حولي :
اي سمعته مووو شي لأسف لان في بعض ناس في مو زينيين ومخربين على الامه -_-
وانا درست دبلوم محاسبة ولله الحمد تخرجت بامتياز مع مرتبة الشرف ودراسة المحاسبة مااحسها صعبة ابدا,,
يعني شوفي التجاري يقبلون النسب اللي بالستينات على مااعتقد فاهمن لما يحطون المناهج والكتب يحطونها بمسوتى طلبة اللي مستواهم ستين بالامية,,
بعدين لاتنسين ان التطبيقي دراستهم سهلة ولاتقارن بالدراسة بالجامعة,,
فاذا انتي من النوع اللي يدرس اول باول مااعتقد التخصص بيكون فيها صعوبة بالعكس انا اشوفها حلوة وسهلة وتعتمد على الفهم اكثر من الحفظ وطريقة دراسة المحاسبة مو نفس الرياضيات,,
يعني اغلب دراستنا مثل هالمثال اللي بعطيجياه
اشترت الشركة سيارات بقيمة 10000 د.ك.
لما الشركة تشتري اي شي تحتاجين انتي كمحاسبة بالشركة انج اتسجلين بدفتر الشركة انج شريتي سيارات بالمبلغ الفلاني,,
وبالمحاسبة يعلمونج اشلون اتسجلين بهالدفتر,,
اغلب المحاسبة فكرتها جذي,,
وبخصوص التجاري انا اعرف وحدة دشت التجاري ودشت جامعة الكويت ودشت جامعة الخليج جيست ومع هذا تحلف ان التجاري احسن,,
وبخصوص اساتذة التجاري ترا اغلبهم من النوع اللي يساعدون يعني مو مثل مدرسات المدرسة لانهم مراقبين من ناحية الدرجات اما التجاري من ناحية الدرجات فشي عادي جدا لما الاستاذ يساعد الطالب 10 درجات واكثر,,
للّي تبي والي ماتبي تكمل سنتين وتطلع
|
سلالام بنات
شلونكم ؟؟؟
بنات سمعت يقولون بيحولوا كليه التكنولوجيا الى بكالريوس صج ها الكلالام والا لالالا
بس والله بنات تدرون يا ريت يحولوها بكالريوس
والتطبيقي يتساوون معاهم
ما يصير ،،،
كل من يا وصار باش مهندس
استغفرالله ياربي
بكالريوس تكميلي ايه حلوو من حقكم بس اللي يتخرجون 5 سنين
و6 يتأخرون مااعتقد صعبه ،،،
موفقين يارب تعالو شوفوا شلون دراستهم صعبه ،،،،
|
|
السلام عليكم بنات
انا عندي دبلوم من التكنولوجيا هندسة كمبيوتر والحمدلله متخرجة بامتياز
حاليا انا موظفة بمكان الكل يحلم فيه وما افكر اطلع منه …
بس ودي اكمل دراستي وآخذ البكالريوس بالكويت وسنتين عقب الدبلوم مو من البداية .
طبعا بحكم اني ام عيال ما اقدر اسافر بره الكويت وهم ما اقدر اطول فترة طويلة بالدراسة يعني اذا سنتين او سنتين ونص وتكون فترة العصر ؟؟
الي عندها فكرة تساعدني فيها اكون شاكرتلها من كل قلبي وادعيلها
شوفي احنا لنا تكمله بجامعه الكويت بس ما يعادلون لج شي من المواد الا 6 وحدات شنو مانبي يقولون في الجامعه الاستراليه الي بمشرف فيها دقي بس الكورس سالتهم بس 2500 شدعوه ليش ما تبين تكملين بره في وايد دول انا اعرف ورحت مكتب من قبل قالي الهند في تكمله لنا بس مو على شهاده الدبلوم على شهاده الثانويه 4 سنيني كل سنه تروحين مره على كورس وكل سنه تكلف يعني كورسين 800 دينار
بذمتج مو قالو لنا في تكمله بالتكنولوجيا ولا سووها انتي متى دشيتي الكليه اي سنه
للصبر حدود : الجامعه المفتوحه اكمل فيها 4 سنين ولا سنتين ؟؟؟؟
في عندج ببريطانيا نفسها تكمله لنا 11 شهر ومايبون توفل ماشي بس ما تقدرين تكملين ماجستير تبين ماجستير تكملين 22 شهر يعني 11+ 11 هذا الي اعرفه بجامعه اكسفورد
وانا اقولج روحي اي مكاتب البعثات ولا سالي مكان توظفيج ولا الديوان عرفتي من موضوع مني بالقسميتكمل عن تكمله الدراسه كنت حاطه اسم المكتب والعنوان بس ضاعو من الحين احاول ادور لج الموضوع
انا مااعرف عن تخصصج بس دام الموضووع انفتح
انا دبلوم اعمال مكتبيه وودي اكمل …بس مادري ااذا يصير بجامعة الكويت ؟؟ او انتسااب بأي مكان ؟؟
بس انا بمشي على كلام روز واروح مكاتب البعثات
وربي يوفق الكل
او علوم مكتبيه ؟
واي ديره يكون فيها انتساب بجامعاتها ومضمونه؟
انا اقولكم روحو مكاتب البعثات هذا اولا اهم همون كثر مني بعدين اي جامعه تشوفنها تناسبكم تروحون التعليم العاي وانتو تسالون مو تخلون المكتب ويقص عليكم انتو روحو وتاكدو معترف فيها ولا لاء
ثانيا انا الي اعرفه من اخوي يعني مو سامعته حجي من بره اخوي رفيجه يدرس بالهند هندسه انتساب وحتى اهو قالي على بو اروح اكمل بس ماعندي فلوس صراحه ناطره اتوظف واشوف بعدين والي تقولكم والله الهند ماكو عطوهم طااااااااااااف لانهم ما يعرفون شي واذا وحده قالت لكم وييييه عاد الهند اي قولو لهم اي الهند اذا امريكا اول دوله تاخذ اي احد متخرج من الهند ليش لانه دارستهم قويه وشوفو بس مهندسينهم وفينيين لهم اذا الي اخترع الهوت ميل هندي مو متاكدين دشو قوقول وشوفو
الله يوفقكم انا مره سالت قالو لي في جامعتين بالهند بمنطقه بنجلور السياحيه احلى منطقه بالهند واذا سالتو وشوفتو لا تبخلون علينا قولو لنا شصار ووين وبجم وشكثر
الله يوفقكم
انا نفس الحاله بس انا دبلوم محاسبه من التجاري والحمدلله متخرجه امتياز
سمعت عن البعثات الداخلية اللي يعطونها لخريجي الدبلوم لوحده من هالجامعات الخاصه بالكويت وتصير على حسابهم
بس اللي ودي اعرفه شنو شروطهم يعني يقبلون اللي مرت على شهادته 3 سنين او 4!!!!
انا اللي قاهرني اني من قبل لا ادش المعهد واسمع يقولون بيسوونه 4 سنين بكاليريوس بس ليلحين ماشفنا شي!!!! 😐
|
بنااات اكو احد طلع اسمه منكم ؟؟ انا لاعت جبدي و انا ناطره ما ينزل اسمي مع اني متفوقه !! صارلي ست اشهر للحين ما طلع ولا مره
والدفعه الي بعدج ٤١ مانزل ولا اسم
اتوقع انكم بغد دفعتين يبدون ترشيح اتوقع
والله يوفقج ��