السلام عليكم حبايب قلبي
هذي أول مشاركة لي من بعد ما كنت اراقبكم خلف الكواليس
ودام اني طبنت بهالقسم معناه اني (دبة) بلا أدنى شك
وزني 80 وطولي ما شاء الله متر ونص
حتى للدراعة ما اصلح ترى
ابي انزل من وزني 10-15 كيلو .gif "Eh S(16)")
وصار لي سنين وبنييييييييييييين وانا احلم ان وزني يصير شي و6 يعني 66 أو 67
وطول عمري ما قدرت احقق هالحلم بسبب ضعف الارادة السخيفة
وعادةً لو بغيت انزل وزني ما اتبع رجيم معين، بس اني اخفف الاكل والحمد لله يخف جسمي لكن الرقم غالباً ما يكون ثابت، والاهم عندي هو الشكل، لان ما اضعف جسمي الا وقت العروس والحفلات مثل ما انتو عارفين وبعدها أرجع للأكل عادي،
المهم يا جماعة الخير
انا ودي من خلال هالموضوع أن يكون عند كل وحدة منّا نظام ثابت للتخفيف على المدى الطويل، يعني مو لازم اني انزل وزني 5 كيلو بس لأن عندي حفلة عرس أو سفرة، ليش ما نتبع نظام مريح لفترة طويلة ما نحددها بوقت محدد، لكن نحددها بوزن محدد، يعني انا ابي اتبع هالنظام لين ما يوصل وزني لــــ66 مثلاً، ومجرد ما اوصل للهدف اللي ابيه بكون أصلاً تعودت على النظام اللي اتبعته + لو رجعت للأكل بحاسب قدر الامكان ان وزني ما يزيد،
لذلك ياريت كل وحدة تفيدنا بتجربتها أو اقتراحاتها في الاستفادة من اوقات الدوام لتنظيم الاكل والتخفيف، لأن أيام الدوام الحياة تكون مرتبة مو مثل الويكند، فـــ ممتاز لو ان 5 أيام بالاسبوع تخفيف أو ريجيم ويوم الجمعة اجازة نرتاح فيها من الدوام والريجيم مع بعض
وهذي بعض الأفكار اللي في بالي واللي طبقت بعضها:
1- شرب الكوفي والشاي من غير سكر:
وهذي التزم به نوعاً ما، لكن الكوفي يكون بحليب فلو شربته بلاك بيكون أحسن للريجيم، بس اخاف على معدتي والقولون، ودائماً اقول حق العامل اللي يعد لي قهوة الصباح في الدوام انه يحط (نقطة حليب + بدون سكر) ويجيني الكوفي لونه بني غااااامج. انتو شرايكم؟ أحد عنده فكرة ثانية؟
2- الاكتفاء بوجبة الريوق طوال اليوم:
والريوق غالباً ما يكون سندويش جبن عادي (براون أو أبيض) ويكون بحدود الساعة 11 الضحى، وباقي اليوم لا غدى ولا عشا، مجرد مشروبات عادية وأشياء خفيفة جداً جداً مثل روب أو خيار، وهذي الطريقة فادتني وايد والحمد لله شفت نتيجتها، ونزلت تقريباً كيلو ونص خلال اسبوع، وطبعاً من غير رياضة.
3- شرب الشاي الأخضر مباشرة بعد وجبة الريوق في الدوام:
وحتى لو ما كنت في (حالة ريجيم) تعودت ان يكون مع ريوقي شاي أخضر من غير سكر طبعاً.
4-الاكتفاء بشرب الشاي الأخضر والماء طوال وقت الدوام:
هذي فكرة أبي رايكم فيها، هل بتنفع الطريقة لو اني كنسلت القهوة وشربت شاي أخضر على الريج؟ شرايكم؟
5- استبدال الريوق بالجزر المقطع أو الخيار أو …… أفكاركم؟
6- عدم الاستسلام لجلسة المكتب ومحاولة الحركة قدر الامكان
اكيد فيه منكم من تجلس على مكتبها طول اليوم وهي تكررررررررررف، فـــ حاولي انج تتحركين مني مناك، ونتائج الجلوس لفترة طويلة معروفة لكل المتان …
7= شرب خل التفاح بعد الريوق: لكن الريحة والطعم شلون نتغلب عليهم؟ تخيلي وانتي في الدوام وفجأة الا ريحة الخل طاية المكان طي وحشارتهم ههههههههههههههههههههههه، نبي فكرة عبقرية لاستخدام خل التفاح، تراه ممتااااااااااااااااااااااااز، انا جربته قبل لا اشتغل وكان شي خيال، لكن يحتاج الاستمرار، وكنت اشرب مغطاة خل تفاح العادي + في قلاص ماي بارد، بعد كل وجبة
هذي اللي في بالي الحين، واتمنى ان الكل يستفيد من هالموضوع، والكل يعطينا ولو فكرة وحدة ع الاقل
ودمتم سالمين يا رشيقات المستقبل
.gif "Eh S(14)")
.gif "Eh S(1)")
.gif "Eh S(8)")
_03ba:
