الوسم: الرباعي

السلام عليكم ..

أنا هذه أول مشاركة لي بالمنتدى ، بس متابعة مواضيعكم أول بأول

المهم حبايبي أنا بجرية و أنشالله بعد أسبوع أدش الثامن و أبي أسوي رباعي بس مادري وين أسوي

أقصد أي مستشفى أو وين أروح يعني اروح المستشفى أقولهم بسوي رباعي ولا أدش على الدكتورة

أقولها ، أتمنى تفيدوني بهالشي ..

هلا إختى دار الشفا اانصحك

مرحبا بنات بسأل ولادة التوئم أحد مجربها أنا حامل بتوائم وخايفة حيل

من جم يوم رحت سويت سونار عادي ابمستشفى السلام

وسونارهم ايهببببببل فمابالج الرباعي اكيد احلى واحلى
روحي السلام عند الدكتور اشرف نور الدين اهو اختصاصي سونار واشعه
والرباعي ترى ب 50 دينار ويعطونج وياه سي دي

انا اراجع بالمواساه عند لينا
واهي قالتلي سوي كلر سونار عشان يكون ذكرى
وصج عطتني تحويل على سونار الرباعي

وكان تجربه حلوة لان شفنى البيبيه واهي تفج حلجها وتطلع فقاعات لووووووووووووووووول

وعطونا سيدي كان فيه الصور

بس انا شايفه سونار رفيجتي بالهادي كان وااايد احلى من المواساة

بس انا دكتورتي قالتلي ان بالسادس والسابع اوضح شي لي عشان اعرف شسالفه
اما الثامن ماراح افهم شي

فسالي دكتورتج راح تستفيدين ولا ماراح تعرفين شي

وسعره 45

تسلمون حبايبي ..

اسبوع الياي موعدي و اسأل دكتورتي ..

أنا بطني صغير حيـــل إللي يشوفني ما يقول حامل و تبي تدش الثامن

جني مكثرة بالأكل و بطني منتفخ لوووووووووووول ..

و الصراحة خايفة وزن البيبي صغير حيل سألت دكتورتي جم وزنه ما قالتلي والله خايفة ..

بس هالموعد لازم تقولي صراحة خايفة ..

حبوبه انا سويت بالمواساة وعطوني معاه سي دي في لقطات غير عطوني 3 لقطان طباعه وخلوني اشووف البيبي لمن شبعت

قالو لي انسب وقت اخر السادس وانا سويته بداية السابع وكان حيل واضح

بالسابع احسن يبين

الي اعرفه بسابع

آخر السادس تفصيلي وسويته بالسابع بس ويه

بالسابع يبين لج كل شي

واضح حييييييييييل بعد

الثامن

انا ماجربت بس اختي مسويته والكل يقول اذا بسويه احسن وقت السابع نصه

اخر السادس

بنات شدعوه محد مسوي الرباعي؟

شوشو ,, احسن وقت من اخر السادس لي بداية الساابع ,,

تم التصويت
بس ياليت الاسعار ووين سويتوه

السلام عليكم بنات وعيدكم مبارك. بغيت اسألكم للي عندها خبرة عن السونار الرباعي انا سويته بس للاسف الياهل حاط ايده على ويهه طول الوقت وموراضي يغير الوضعيه قالتلي الدكتورة تعالي بعد اسبوع نعيده لج فبعرف شلون الياهل يغير حركته سمعت ان الكحة القويه ممكن تغير الوضعيه وشنو بعد؟؟

اي صح الكحه تغير الوضعيه بس اذا كان الياهل صغير اذا شوي كبير صعبه يتحرك لووول شكله حياوي عيدي السونار اذا كان التصوير حلو و عاجبج انتي باي شهر ؟

انا بالسابع يعني موصغير حجمه الله يهديه ويعطينا ويه

يمكن كان نايم

شربي عصير واكلي ككاو قبل لاتدخلين للسونار عشان يتنشط ويتحرك

يحلووووو الجهال
الله يخليه لج ويقومج بالسلامه
وماعندي اي فكره
ابرفع الموضوع لعيونج

الله يسهل عليج حبيبتي

السلام عليكم ورحمة الله وبركاته

قوه حبايبي
شلونكم وشخباركم ؟؟
ببلش بالموضوع .0..

انا بجرية وبعد جم يوم باذن الله بدخل السابع
وابي تنصحوني بهالوقت اذا سويت سونار رباعي راح يبين شكل البيبي وجنسه الاكيد
ولا انطر شوي ؟؟

وابي احسن مستشفى يسويه
انا سمعت ان الهادي و طيبه احسن مستشفى يسوونه ويضبطونة

ف يااااليت منكم تنصحوني وتفيدوني

لاني ما اعرف شي بهالسوالف …

وعسى ربي يجزاكم خير ويسهل علينا الولادة وترزق كل وحده بالبيبي المتعافي الافدع

انا سويت بمستشفى الصباح بعد انا ما طلبت هم سونارهم رباعي وبالسابع سويته وبعد عطونب صورته الله يحفظه عمره اللحين سنه

هلا وغلا ياقلبي شكل البيبي دحين ها يبان وجنسة ام عن المستشفى ما عندي معلومة وحبيت اقوالك ان شاء اللة ربي يقومكي بي الاسلامة

ام يوسف
و زوجي قلبي
مشكورين حبايبي
وماقصرتوا

بنات وينكم شدعوه
ما ابي منكم الا معلومات

بلييييييييييييز فيدوني

انا سويته بنص السادس وكان وااضح مشاءالله روحي سويه الحين بيطلع اوضح واوضح
سويته بطيبه ب٤٥عطوني ٦صور وسي دي

انا سويته بالسابع وكان واااضح

سويته في رويال حياة ب 50 وعندهم خصومات عالوزارات

وعظوني صور و سيدي

ترا كل ماكان اصغر بين اكثر
لان كل ماكبر راح يبتدي ياخذ حيز بالرحم
فمرة يبين نص عين ولا نص ويه والا مغطي ويهه بايده اوريله

انا بحملتي الاولى سويته بالهادي

يونننس صراحة انصحج تسوينه

وهذا وقته .. انا كنت بالسادس

لأن اذا صرتي بنص السابع او الثامن مايصير لأن البيبي بيكون كبير ومارح يكون واضح وايد السونار

انا كل مره كنت اقول بسويه اتعايز واطنش ليمن صرت بالتاسع
والدكتور سوالي اياه بروحه عشان الماي كتن ينزل وايد
كان واضح مادري ليش يقولون مايبين بالتاسع
بالعكس ملامحها كانت حيل واضحه

مرحبا يا احلى بنات

بغيت اسألكم اي واحد اضبط بالقياسات وتحديد تاريخ الولاده السونار العادي ولا السونار الرباعي الابعاد ياليت اتفيدوني يا حبايبي

اي والله يا ليت يفيدونا البنات

و الله ما عندي فكره

الصراحة كل واحد يقول شي صدقيني محد بيعرف متى موعد ولادتج غير الله سبحانه

انا سويتهم اثنينهم وقالوا لي نفس التاريخ
انزين اشكثر الفرق يعني ؟

اعتقد السونار الرباعي لان يكون اوضح بكل شئ

مايبيله اكيد الرباعي اضبط بوايد

ana wallah yoom kent 7amel eb weldy senat 2024 kan fee dr sooonar esmah dr raslan
wayed sha6er o 6arrasht refeejaty 7aggah ham yemde7oonah
jarbeeeh enshallah ya36eeech maw3edech bel thab6

شكرا على ردودكم يا قلبي

السلام بنات شلونكم
سؤال بس تكفون انا توني خلصت الثالث ودشيت الرابع
اقدر استفيد من السونار الرباعي الحين وبشنو بالضبط بصراحه فيني لقافه الود ودي كل يوم اسوي سونار عشان اطمن بس ادري ان كثرته موزينه فكل شهر اسوي السونار العادي بس والله ودي الحين اجرب الرباعي شنو الوضع ووين احسن مكان للي مجربته ؟؟؟
ويعطيكم العافيه

للرفع حتى انا ملقوفه نفسج بعرف لوووول

روحي السلام

تو الناس عالرباعي سويه بالسادس او بالسابع افضل وعشان البيبي يكون مكتمل شكله وجذي

أحسن شي تنطرين لآخر السادس يكون أوضح وهذا الي سمعته وان شاء الله البنات يفيدونج

اب اب

وين احسن مكان حق السونار الرباعي ؟؟

سمعت عن دكتور حيان بمستشفى المواساة

انا بعد ودي اسوي السونار الرباعي بس ما ادري وين ؟؟

انا بالسادس

انا سويته بالسلام ب50دينار تحت بالسرداب بس بشهري السابع كان الولد كبير ما بين غير ايده وخدوده هههههههههههههههههههههه الدكتور قالي من الرابع لي نص السادس اوضح شي

انا توني اليوم سويت رباعي تبين الملامح بس البيبي مسكر ريوله مااكدولي اذا بنت او ولد والملامح مو نفس اللي سمعتها تبين رموش البييي
والملامح واضحه حيل يقولون انه رباعي عند ماجده اليتامى اوضح مرت حماي مسويته تقول خالتي اوضح من طيبه كلينك بوايد

اصلا مستشفى السلام ما يسويه لش الا اذا انتي بآخر السادس او اول السابع غيره ما يسوون

و طيبة بعد

اوضح شي بالسلام بـ 50 دينار و رويال بـ 55

انا جربته حلوو

كنت بالسادس

واضح ويعطونج السي دي

مـشكورة يا عمري

بجم سويتيه ؟

و السيدي فيـه فيـديو والا بس صور ؟

انا جربتة بكل مراحل الحمل
ولما كنت بالسابع شفت بنتى وهى تلعب ووتحرك وناسة

معاى الصورة ومعاى السي دى

ذكرى حلوة

up
^^

السلام عليكم حبايبي شلونكم و شخباركم ….
موضوعي و استفساري عن السونار الرباعي بليييييز ابي خبرتكم متى افضل وقت له تدرون ان سعره من هين و ابي كل شي بالبيبي يبين فيدوني الله يفيدكم و يهون عليكم و يرزكم يارب موعدي الثلاثاء القادم
و مشكوورين و ما قصرتو يا حلويين

احسن وقت الشهر السابع ..وبعده مو زين يصير حجم البيبى كبير ومايكون واضح عدل ..

اضم صوتي لصوت رضاب السابع احسن وقت

اناسويته بدايه الاسبوع 26 يعني 25 وشي وكان ماشاء الله واضح حيل

هلا والله حبيبتي انا سويته في نص السابع وشفت بنتي واااااضحه وملامحهها وكانت حاطه ايدها على خدها ونايمه كانت صوره جدا رائعه طبعا شعور لايوصف

أهلين حبيبتي..

أحسن وقت له بأخر السادس وأول السابع…إذا سويته قبل مايبين وإذا سويته بعد السابع الياهل يكبر وينزل رأسه الحوض ومايبيــــن…

أنا سويته بدار الشفا عند دكتور سوري ب35 دنانير بالإسبوع 24 يعني بالسادس وكان واضح حيل والملامح سبحان الله واضحــــة….

حبيبتي برويال حياة سعره 45
و احسن شي تسوينه بالسابع

مرت اخوي سوته باخر السااادس وكان البيبي وااايد واااضح والدكتوور اهو اللي نصحهااا ان تسزيه بهالوقت وسوته بالسلام 40 دينار

وااااو شوقتوني ودي اشوف ملامح البيبي ان شاء الله بسوية الاسبوع الجاي في عيادة البراء عند د. ماجد اليتامى مع مراجعتي الشهرية بس لازم اطلبة قبل الموعد و الا شلون الطريقة

انا سويته بدار البراء غند د.ماجده وما كنت طالبته من قبل عاادي وسعره 50 دينار ومعاه صور وشريط فيديو

موفقه انشالله

ياااااااااااااااااااااارب اتمم علينا حملنا ونسويه

قولوا آمين

عندج الشهر السادس والسابع احسن وقت تسوينه فيه بس يعتمد احيانا في ناس مشالله عيالهم بسرعه يكبرون او لا اله الا الله صحة وعافية فتتوهق بالسابع مشالله ما يبين وفي ناس بشكل عام يبين معاهم
والله كريم

من الاسبوع ال 20 لي ال 25 و دار الشفا يسووونه ب 35

يعني او اسبوع من السادس تنصحووون
وهل العرف موجود فيه

السلام عليكم

من ناحية مضره

ماعتقد مضر كان ماسووه الدكاترة

وجم سويتوه واي دكتور/ة؟

كان ودي أسويه بس حزة الحزة هونت

خفت أشوفه

ايللي بمستشفى السلام أعتقد ب ٦٠ قبل سنة

انشالله البنات يفيدونج أكثر

مرحبا

انا كل مرة احمل اسويه ..

لونه بني وتصير ملامح الوجه واضحة .. وافضل وقت لما تكونين 27 اسبوع

تسلمون بنات
قاعده اتصل على دكتورتي ما ترد

ابي اعرف جم السعر عندها

اب اب

انا قبل سنه ونص اعتقد

سويته عند فوزيه القطان يا ب40 او 50 موذاكره

وحلو يونس لول

ماعندي فكره
Up

قصصدج الملون ب٧٥ بسلااام 4d الملون
والمواساه ٤٥

سويته وياليتني ماسويته
سويته قبل شهرين بلندن بس كنت بعرف النوع عشان اجهز
فسوالي هذا ولما شفت الملامح تخرعت بتحصلين بقوقل صوووور واجد للبيبيات
انا جتني كأبه لما شفتهااا

بلندن سويته تقريباااا بالكويتي 100

اي شفته بصور قوقل وتخرعت هههههههههه

انا والله عشان اضبط الميزانية اذا رحت للدكتورة

ولاعت جبدي وانا اتصل ما ترد

لاتشوفينه هلأ خليي للقاء الاول حلاوته
انشالله تقومين بالسلامه

حلاته ماتشوفينه خليها المفاجأه للولاده

تبون الصراحه هوونت مابي اشوفه

انا سونار عادي ومتخرعه

تسلمون على الرد حبيباتي