الوسم: الدرجة

السلام عليكم
جم كادر الباحث القانوني على الدرجة الثالثة ؟
و بسالكم اذا ياتني الدرجة بالاختيار صج تاخر سنه ?

السلام عليكم
شلونكم ابلات وبنات
بدش بالموضوع
شهر 1 لما نزل راتبي حسيت بزيادة حول 28 دينار استفسرت من الوزارة قالوا وصلتلج الدرجة الثالثة بس بغيت ارعف بما انا في بداية السنة وهو موعد العلاوة السنوية ففجم اهي الدرجة الثالثة وجم العلاوة يعني معقولة الثنتين 28 دينار بس؟

السلام عليكم
بنات من تعرف الجامعيه من الدرجة الرابعه الى الثالثه تاخذها بعد جم سنة
انا سمعت ان الجامعيه بعد 4 سنين تاخذ درجة والدبلوم 5 سنين صح هالمعلومة او لا

الي اعرفه ودارسته ان كلهم خمس سنين ..
5 علاوات بالاقدمية ياخذونها
مقدار كل وحده 10 وعقب تطلعين عالدرجة الي عقبها

في فرق بين علاوة الدرجه والعلاوه السنويه اللي اهيه 10 دنانير كل سنه بالنسبة للجامعيين يعني كمثال انا بعد 4 سنين يزيد معاشي 40 دينار بعرف علاوة الدرجه وياها اللي اهيه الثالثه وجم بتكون

صح كلام اختي ام الدرر بس سمعت بالاختيار في بعض الوزارات تاخذها بعد سنتين حسب الوزاره اوالهيئه

يعني كلامي صحيح يا ربي تجيني درجه بالاختيار دعواتكم

مرحبا بنات شلونكم

بغيت اسئل انا شهادتي دبلوم قانون مسماي كاتب قانوني

المهم الدبلوم يتعين على الدرجة الخامسة مع جم علاوة

انا رفيجتي اقبلوها بالتخطيط بس قالولها انتي مشتغله من قبل قالت لها لا

المهم جان تقولها الموظفة راح نوظفج على الخامسة بدون علاوات

العلاوة تكون على المكان ولا على التخصص ولا على الاثنين ؟

ومشكورين

مادري بس وانا اسوي اوراقي كانوا كاتبين على الملف الدرجه 5 و 3 علاوات

دبلوم معهد تجاري بدون علاوات والعلاوه اتييي كل سنه على ماعتقد
يعني انتي تتعينين عالخامسه بس الفني ياخذون الخامسه وعلاوتين

مشكورين حبايبي

العجمية سبشل شنو شهادتج

انا دبلوم بس تخصصي غير عنكم

لول اي دبلوم شنو؟بعرف شنو الفرق عنه

انا دبلوم هندسه طبيه

انا فنية عالخامسة و ثلاث علاوات

اها معناته الفنية لها علاوات اما مو الفنية ما لها الحين فهمت
مشكورين حبايبي ما قصرتوا العجمية سبشل وemankuwaiti

السلام عليكم شلونكم بنات
تقبل الله طاعتكم
حبيت اسال جم الزيادة اذا انتقلت من الدرجة الرابعة الى الدرجة الثالثة
لانه موقع الديوان مو قاعد يفتح لي صفحة شهادة تفصيل راتب
فابي اعرف جم الزيادة
او اذا الراتب اللي بصفحة بيان الحالة المالية بموع الديوان صحيح والا لا
وشكرا

اب اب اب

مشكوره على الرفع

اب اب

شلون اعرف درجتي؟

إذا دشيتي ديوان الخدمة المدنية اختاري. لمن يهمه الامر وعقب طلب اصدار شهادة. وعقب بيان الحالة المادية والوظيفية
تلقين الدرجة ومعلم. شنو والمعاش
تأكدي هذا نفس معاشج والا لا

هذا الرابط
https://www.csc.net.kw:8888/csc/Login1.jsp?s=1

ليش يطلع لي جذي

عفواً ، لايمكنك طلب اصدار اى شهادة حيث انكم لم تراجعوا بياناتكم الأساسية بعد

احس انه موقعهم فيه شيء
معلق

الزياده ٢٥
بس باعرف متى نزلت لي الدرجه ولا دزوا ولا قالوا شي؟!

الزياده 25
بس باعرف متى نزلت لي الدرجه ولا دزوا ولا قالوا شي؟!

لاا اكثر

انا زااد تقريبا 80 دينار

حلوييين

اااب

متى الوحده تترقى من الرابعه الي الثالثه؟

بعد ست سنين

السلام عليكم ورحمة الله وبركاتة خواتي الله يعافيكم الي عندها فكرة تفيدني ابي اعرف

جم الفرق بين الدرجة الخامسة والرابعة اشكثر يزيد الراتب ما بين الخامسة والرابعة

خصوصا بعد زيادة 25% انا على الدرجة الخامسة والاساسي بعد العلاوة عندي 224

وترقيت الى الدرجة الرابعة فشلون الحسبة الي عندها فكرة جزاكم الله خير تفيدونا

الزيادة تكون على الاساسي فقط ام تشمل الاساسي والعلاوة الاجتماعية ؟

ااب

بصراحه أنا ناسيه بس اعتقد الفرق ٨٠ دينار

وعلي حسب اذا كنتي إداريه او فنيه اذا فنيه يفرق اكثر

ولله ما اعرف صراحه لأني للحين ما اشتغلت بس رفع لعيووووووونج

ما تقصرون خواتي جزاكم الله خير والله يرفع من قدركم ان شاء الله

رفع رفع

ابب

اب اب

اب
اب
اب

اذا انتي بالتربيه اداريه

اذكر من الخامسه للرابعه زادوني 75 دينار بالضبططططططططططط

لا اكثر ولا اقل

اتوقع باقي الوزارات جذي

ومن الرابعه للثالثه جم تكون الزياده ولو اخذت امتياز سنتين ورا بعض وانا تعيين يديد تييني الدرجه ولا لازم 4 سنين

تقريبا ٧٥ او اكثر وتستاهلين كل خير

شلونكم يا حلوات ادري توكم رادين من المدرسة محوليييييييييييييييييييييييييييييييين يامال العافية نخوش علموضوع انا لي خبرة عشر سنين على الدرجة الثانية أحس معاشي المفروض يصيرأكثراللي لها نفس الخبرة كم المفروض يصيرالمعاش؟ اللي تعرف تنورنا اللة يجزاها الجنة لأني مييح حدي بسالفة الدرجات والراتب

انا خبرتي سنه
بس داشة لقافة
وحبيت ارفع لج الموضوع

للللرفع…………..

1000 دينار المفروض يكون معاشج

السمو ؛؛ وحش الريم ,, الله يرفع قدركم خواتي …………. ذهب 99 جزاك الله خير والله قمت ما اعرف معاشي كل شهر غير وهو ازود من الالف بشوي

فوق الالف

يحليلج يا ضحاوى
انا صار لى 20 سنه ( احفورة ادري )
و معاشى بالضبط 1182 هذا بعد زيادة ال 120
يعنى ان كنت 1,062 قبل الزيادة و هذا بعد 20 سنة مع العلم انا رئيسة قسم
و لكن بعد الزيادة اللى اشوفها ظالمة بحقنا و قصدى ال50 دينار يمكن يوصل قريب الألف
ليش ظالمه؟ لأنى اشتغلت 5 سنين عشان ازيد 50 و الحين الناس تاخذها بدون الخمس سنين
يعنى اللى اشتغلت 15 سنه مثل اللى اشتغلت 20 ماكو فرق
هذا الظلم
بس هم عليكم بالعافية و الكل يستاهل الزيادة
و سامحونى

الكادر و المستوى الوظيفي ( العلاوات التشجيعية ) مهم لكل معلم ومعلمة
================================================== ===

معلم حديث التعيين ………………………………….( 50 150 )….معلم ( د )

معلم جامعي تربوي + 2 سنة خبرة ……………………( 60 165)….معلم ( ج )

معلم جامعي غير تربوي +3 سنوات خبرة……………… ( 60 165)….معلم (ج )

معلم جامعي تربوي + 5 سنوات خبرة…………………(75 185 )….معلم ( ب )

معلم جامعي غير تربوي + 6 سنوات خبرة………………(75 185)….معلم ( ب )

معلم جامعي تربوي +9 سنوات خبرة …………………..( 95 215 )…معلم ( أ )

معلم جامعي غير تربوي + 10 سنوات خبرة……………..( 95 215 )….معلم ( أ )

معلم جامعي تربوي + 13 سنة خبرة ………….( 120 250 )…معلم متخصص ( ب )

معلم جامعي غير تربوي + 14 سنة خبرة……….( 120 250)….معلم متخصص (ب )

معلم جامعي تربوي + 17 سنة خبرة……………( 155 295 )….معلم متخصص (أ )

معلم جامعي غير تربوي + 18 سنة خبرة ……………( 155 295 )…متخصص ( أ )

* الرقم الأول يمثل العلاوة التشجيعية للمستوى الوظيفي والثاني يمثل الكادر…أما الحرف فيمثل المستوى الوظيفي.

* شروط الانتقال من مستوى وظيفي إلى مستوى وظيفي آخر:

– آخر تقديرين امتياز.

– لا يوجد إجازات خاصة ( مرافقة زوجزوجة- أسرة و أمومة- مرافقة مريض – إجازة دراسية )

– لا توجد عقوبات ( لفت نظر – إنذار – خصم )

منقول للفائدة

صاجة واللة اختي ما ادري( اسمج المترجم ) اللي اقل خبرة صارو نفس معاشاتنا اللة المستعان بس ونوريتونا بالكادر وبالموضوع تشكرات خيتو وضحاوي على المرور

غدا اجمل عفوا

مادري احس شغل اول اخف من الحين

اول المدرسه ما وراها غير صفها ومنهجها

الحين المدرسه كارفينها كراف ومدخلينها بكل شي

يعني اول ما في كل هالفعاليات والخبه الي مالها داعي

صاجه أخت ضحاوي

ضحاوي حببتي

التعيين الجديد على اي درجه تتعين

ام انور يسلمووووو

عطر الحروف التعيين اليديد تتعين على الدرجه الرابعه

تم تعديل العنوان

بس بغيت اعرف جم الزيادة من الدرجة الرابعة الى الثالثة

ما ادري والله .. وانشاء الله البنات يفيدونج

مشكورة عالاقل انتي الوحيدة اللي عبرتيني

نطريني بس اطلع من الدوام 1.45 عندي الورقه اللي فيها العلاوات والزياده

اي والله ياريت حتى آنا ابي اعرف …..شيماء ستايل ناطرينج اختي لاتبطين علينا

تخصصج تحت اي مجموعه وظيفيه ؟

عامه – فنية مساعده – معاونه ؟؟

اختي مافهمت شنو يعني ؟؟؟؟ لانه آنا حابه اعرف بعد

بكالريوس ؟
دبلوم ؟

اقل من الدبلوم ؟

بالنسبه لي آنا دبلوم ……بعد اذن صاحبة الموضوع طبعا خذيت راحتي ههههه

بس عشان اتأكد من المعلومات الي عندي
اذا انتي دبلوم و درجه رابعه … اول مربوط اهو 120 دينار مو ؟؟

اذا صح معناته الشغلات الي عندي صحيحه عشان اقدر اقولج الدرجه الثالثه جم تكون اول مربوطها

ولا اول المربوط اهو 260 دينار؟

لامه المشكاله مصنفين ثلاث جداول على ثلاث مجموعات وظيفيه

قاعده احاول افهم كل مجموعه شني اهي و الشهايدهم

والله حبوبه آنا مو مفاهمه شئ حتى شهادة الراتب مافيها شئ اسمه مربوط

ادري تعبتج معاي مشكوره

من الدرجه الرابعه الى الثالثه اذا كنتي من مجموعة الوظائف العامه ( اول مربوط 310 واخر مربوط 360 )

من الدرجه الرابعه الى الثالثه اذا كنتي من مجموعة الوظائف الفنيه المساعده ( اول مربوط 140 واخر مربوط 165 )

من الدرجه الرابعه الى الثالثه اذا كنتي من مجموعة الوظائف المعاونه ( اول مربوط 90 و اخر مربوط 120 )

شهادت الراتب تعطيج الراتب الكلي بالعلاوات و البدلات و كلشي

اما في اورقه اول ما تتعينين يكتبون فيها تفصيل الراتب كامل و فيها اول المربوط

دبلوم من الدرجه الرابعه الى الثالثه اول مربوط 140 واخر مربوط 165

مرحباااا ابلاااااتنا
شلووونكم

بسالكم متى تتغير درجة المعلمة من د إلى ج ؟؟
اذا اخذت سنيتن امتياز ورا بعض

والا لازم امتياز مرتفع سنتين ورا بعض ؟؟

اب اب شدعوه محد عبرني

تحسب لج من شهر ١١ هالسنه ج باذن الله
وتنزل براتب شهر ١ او ٢ مع الاثر الرجعي من شهر ١١

السلام عليكم

شكرا لج اختي صاحبة الموضوع

ابي اعرف لو سمحتم بعد هل الكادر ينحسب للمعلمة من التعيين الجديد على طول

والا لازم تكمل سنة ؟

وبالنسبة لغير الكويتي هل يشملهم هالنظام والا لا

اللي هو تغيير الدرجة

والكادر

وجم الفرق بالمعاش بين الدرجة هـ والدرجة د ؟

ااااب

المعلمة السعودية في اول تعيين على أي درجة تكون ؟

انا دشيت موقع ديوان الخدمة طلع عند المسمى الفني مدرس (د)

تقريبا في بالي سؤال قريب من سؤالج و اتمنى يفيدونه فيه الي عندها فكره
هل يشترط سنتين ورا بعض امتياز و لا بعد كل امتيازين؟

مرحبا معلمات..
بجريدة الأنباء حاطين خبر عن راتب المعلم القطري. وهناك بقطر عندهم بداية التعيين من الدرجة السابعة يعني عندهم التعيين اليديد ياخذ 1400 دينار ماشالله لا إله الا الله.. الله يزيدهم ويبارك لهم فيها..
على العموم الخبر طويل بس انا اختصرته لكم

وفي الختام أقول…….. >>> لا ليش أقول بعد امتنع عن الكلام احسن

,

,

,

,

طالب رئيس جمعية المعلمين الكويتية متعب العتيبي النظر من الجهات المعنية في الكويت وعلى رأسها وزارة التربية وديوان الخدمة المدنية للنقلة النوعية الفريدة والإستراتيجية التي اعتمدتها الحكومة القطرية التي اعتمدها ولي عهد قطر ورئيس المجلس الأعلى للتعليم الشيخ تميم بن حمد بهدف اجتذاب الكوادر والخبرات القطرية للعمل في مجال التدريس وتوفير الضمان الوظيفي حيث صدر قرار يعمل به اعتبارا من سبتمبر الجاري تم فيه اعتماد كادر جديد للمعلمين القطريين من سبع درجات يبدأ من الدرجة السابعة براتب أساسي مقداره 19 ألف ريال أي بما يعادل 1400 دينار وينتهي بالدرجة الأولى براتب أساسي مقداره 48 ألف ريال وبما يعادل 3600 دينار علاوة على منح بدل طبيعة عمل للمعلم الكفء أي المتميز مقدارها 200 دينار والمعلم المتمرس أي صاحب الخبرة مقدارها 400 دينار إضافة إلى 150 دينارا لمعلمي ومعلمات ذوي الاحتياجات الخاصة ورياض الأطفال مع استحقاق للعلاوة الاجتماعية والدورية وحوافز تشجيعية واستحقاق لبدل السكن والتنقل والأثاث وبدل التمثيل وحوافز إضافية للعمل الإشرافية.

قطر غاليه حيل هذا سبب ان رواتبهم مرتفعه

ماشاء الله

ماشاء الله الله يبارك لهم

حسره علينا

خليهم يوظفونا معزرين فينا التربيه

وياليت يتسنعون نفس قطر

والله يعطيج العافيه

ماشا الله عليهم بالف عافيه يستاهلون والفال لنا

ناااس تفهم ماشالله

الفال لنا ان شالله

الدول الفاهمة بدت تستوعب ان التدريس من اهم اسس التقدم والتطور

وللاسف اللي عندنا اهنيه مايسعوون للتطور كللش

كل هدفهم الفئة اللي بهالمهنة

ولان اغلب موظفين هالمهنة من فئة معينة بالمجتمع فلذلك قاعدين يماطلون ويلوعون جبودنا

الله يوفقهم و يبارك لهم

مو المهم كثرة الفلوس الأهم البركة

نسأل الله البركة و الرزق الحلال

اول شي لازم نقول الحمدالله علي كل شي وصج. صج بسنا فلوس كلما تزيد رواتبنا قاعده تغلى اشيا ثانيه واحنا الحمدالله بخير ونعمه مافي ولا واحد ينام يوعان وبعدين توهم زايدين كادر حمود ووصل معاش تعيين اليديد الف

ثاني شغله عدد. سكان قطر اقل من سكان الكويت لو تلاحظون اغلب شعبهم وافدين واعرف ناس من قطر يقولون رواتب الوافدين اعلي من المواطنين

ثالث شغله احنا تعيين يديد وصل معاشاتنا الف بس عندنا تأمينات اجتماعيه
مو متأكده من المعلومه بس ما اعتقد قطر او غيرها في عندهم هالميزه بس حتي لو في ما اعتقد المبلغ زين او يكون شهري.

فنحمد الله ونشكره ان احنا بديرة. عز

اول شي لازم نقول الحمدالله علي كل شي وصج. صج بسنا فلوس كلما تزيد رواتبنا قاعده تغلى اشيا ثانيه واحنا الحمدالله بخير ونعمه مافي ولا واحد ينام يوعان وبعدين توهم زايدين كادر حمود ووصل معاش تعيين اليديد الف

ثاني شغله عدد. سكان قطر اقل من سكان الكويت لو تلاحظون اغلب شعبهم وافدين واعرف ناس من قطر يقولون رواتب الوافدين اعلي من المواطنين

ثالث شغله احنا تعيين يديد وصل معاشاتنا الف بس عندنا تأمينات اجتماعيه
مو متأكده من المعلومه بس ما اعتقد قطر او غيرها في عندهم هالميزه بس حتي لو في ما اعتقد المبلغ زين او يكون شهري.

فنحمد الله ونشكره ان احنا بديرة. عز

مشاءالله تبارك الرحمن

عوافي عليهم

أشكركم بالنيابه عن القطريات في المنتدى الغالي

زيادة الرواتب جاءت كخطوه إيجابيه من سمو ولي العهد
لتشجيع القطريين والقطريات للعمل في مجال التعليم
وأكيد خطوه ذكيه والكل يتمنى يكون الحين في هالمجال

والله يزيدكم ويزيدنا من الخير ويرزقكم وإيانا من حيث لا نحتسب

اللهم احفظ لنا اميرنا الغالي وولي عهدنا الامين وتبارك لنا في الزياده ولا تفتننا فيها ييييارب