قبل دور الانعقاد بأسبوع « كلتة العمل الشعبي» يقدم استجواب الصبيح
تتعلق بتجاوزات الهيئة العامة للتعليم التطبيقي إلى جانب تجاوزات في الجامعة والتربية
ورفض فكرة تأجيل العام الدراسي إلى ما بعد شهر رمضان المبارك».
«قضية التعيينات ومحاولة الانحياز بشكل واضح إلى العنصر النسائي في المناصب القيادية»
كتب حسين الحربي |
كشفت مصادر برلمانية قريبة من كتلة العمل الشعبي عزمها تقديم استجواب إلى وزيرة التربية وزيرة التعليم العالي نورية الصبيح قبل أسبوع من بدء دور الانعقاد الجديد في 28 اكتوبر المقبل.
وأشارت المصادر إلى ان اعضاء الكتلة بالتنسيق مع اطراف برلمانية أخرى اتفقوا مبدئياً على التوقيت بهدف الاستفادة من الأيام القليلة قبل افتتاح دور الانعقاد في انقضاء المدة القانونية لإدراجه في أول جلسة.
ولفتت المصادر إلى ان اللائحة لا تمنع تقديم الاستجواب في الاجازة على اعتبار ان استجواب وزيرة الصحة السابقة الدكتورة معصومة المبارك قدم بعد فض دور الانعقاد وبدء الاجازة السنوية للأعضاء.
وتحدثت المصادر عن «أربعة محاور مبدئية سترتكز عليها مادة الاستجواب متعلقة بتجاوزات في الهيئة العامة للتعليم التطبيقي إلى جانب تجاوزات في الجامعة والتربية فيما سيخصص محور عن دور الوزيرة في رفض فكرة تأجيل العام الدراسي إلى ما بعد شهر رمضان المبارك».
وأشارت ايضاً إلى «قضية التعيينات ومحاولة الانحياز بشكل واضح إلى العنصر النسائي في المناصب القيادية».وتوقعت المصادر ان يحظى هذا الاستجواب بتأييد نيابي جيد.
وفي المقابل اكدت مصادر برلمانية اخرى ان اي استجواب سيقدم خلال المرحلة المقبلة لن يحظى بالنجاح انطلاقاً من اعتبارات عدة ابرزها عدم وجود رغبة من كتل برلمانية مؤثرة مثل «السلف» والحركة الدستورية في اشعال المواجهة السياسية مجدداً لقناعتها بضرورة إعطاء الحكومة الفرصة الكافية للعمل.
ومن جانب آخر، اشارت المصادر إلى ان النواب بدأوا يشعرون بشيء من القلق حيال امكانية ان تسفر المواجهات الساخنة بين المجلس والحكومة عن سيناريوات اخرى «غير محببة اطلاقاً».
المصدر
https://www.alraialaam.com/Templates/…px?npaId=60767
بس حبيت اقول لووووووووووووووووول
زين يسوون فيها 
خخخخخخخخخخخ
انشالله يطرحون فيها الثقه او تستقيل ونفتك منها
بانتظار الاستجواب
يبيلنا وزير المرة الياية ما نبي مرا
اصلا هي ماتخاف الله اشلون نبي نصلي القيام كل سنه نروح الدوام مانمنا عدل اهو شهر عبادة ودنا نحس فيه فالحين بس حق اجازة راس السنة وحتى الحج مانعطل الا يوم عرفة يعني اللي بيحج يحاتي عياله 00000وش صاير فيج ياكويت
ايواااااا ايوا عااااااااشوا عاشوا
تدرون قبل اتمى تستلم مرة وزارة لكن اللي استلموا القيادة ماشاء الله قراراتهم تخلي الوحدة تكرة الحريم المرأة عدوة جنسها
حيلهم فيها
بس الصراحة محاورهم حيل ضعيفة .. هذي وجهة نظري
إلا جان عندهم تجاوزات بالتطبيقي والجامعة عليها كلام .. ولو انه الفساد والمحسوبية والواسطات من زماااان يعني مو شي جديد
اصلا محد يبيها ولا يواطنها
الله ما ينسى احد يا جماعه
زين يسوون فيها ذبحتنا بتخبطها
والله زين
ياتسوين اللي نبيه يا استجواب !!
الله يعينها ويوفقها
طول عمرنا نداوم احنا وعيالنا برمضان والمساله وراها تبعات مو بس عطله ووناسه
والله فراغة ..
المفروض هالنواب محد يوصلهم المجلس ..
الحمدلله والشكر شنو يهال احنا ؟ طول عمرنا نداوم برمضان شصار يعني ما متنا ..
يا تسوون اللي نبيه يا نستجوبكم يا اهيه او غيرها علشان يطلعون ابطال ..
الحمدلله والشكر الله يستر على ديرتنا ..
الصراحة المحاور وايد ضعيفة بوجهة نظري
[B]والصراحة نورية الصبيح مو الهدرجة سيئة حرام وايد قرارات حطتها لصالح طلبتنا وياخواتي لاتظلمونها ترى الظلم ظلمات يوم القيامة
وياخواتي ترى محد فينا كامل يمكن فيها جوانب سيئة بس هي قاعد تحاول تصلح وفي تقدم واضح بالوزارة المناهج احنا مثلا بالحاسوب روعة روعة روعة والأكل بالطبقة من السنة الجاية وايد أشياء إنشاءالله بتصير الوزيرة فيها خير بس لازم نعطيها فرصة
وبالنسبة لرمضان آن أول وحدة أبي العطلة بس ماصارت يعني شنسوي سنين واحنا نداوم برمضان ماضرنا بالعكس لنا أجر أكثر إنشاءالله
وبالنسبة لتعيينها للعنصر النسائي هي أدرى أكيد شافيتهم الأجدر وصدقوني لو شايفها رجل جدير جان حطتها .
آسفة طولت عليكم بس أبي أنبهكم ترى كل كلمة من الله عليها حارس وراح نحاسب عليها يوم القيامة فالوزيرة تتعب وتكرف مايصير بكون هذا جزاها
المرهما اغلطت وهي قدمت اسباب مقنعه لعدم التاجيل
والحكوووومه صااافه معاها
عاد هالنواب (ما صدقوا جنازة ويشبعون لطم) الكل يبي يفرض نفسه ويستعرض على حسابنه
عموما يسلمو عالخبر
الصراحة نورية زينه .. و محد مثل خبرتها بالتربية
لكن العيب باللي حواليها و الإدارات المدرسية الفاسدة —- (وايد أكو منهم)
و بعض نوابنا ترى و لا ببيزة
مع الخيل يا شقرا
يبون أي شي يسوون عليه بلبله عشان يطلع صوتهم و يبرزون أنفسهم طاح حظهم ما شفنا من وراهم إلا الكسافة و الندامة
لو فيهم خير جان سووا شي يفيد الديرة .. مو طايحين له نجرة و هواش على أتفه الاسباب و تلميعهم للقشور اللي ما منها فايده
لعبوا غيرها
يا ليت ترجع الكويت من غير مجلس .. و الله ما تسوى الفضايح على كل القنوات على أتفه الاسباب .. و لا تسوى علينا حرقة الاعصاب كل يوم على موضوع شكل
انا مالي شغل بيستجوبون نورية و لا لأ .. لكن اللي حارني مرحلة اللا هدف اللي عايشينها بعض هالنواب
الله يتوب علينا منهم
يعني المرة ماتخاف الله علشان ماراح تخليكم تصومون وتقومون؟
كا احنا نداوم وصلاتنا وقيامنا ماشيين كل سنة لااجازة ولايحزنون
ياريت وقفت على هالسالفه على العطله برمضان—بصررااااااحه نوريه اهي سبب تددهوووور التربيه —واهي سبب التفرقه بالترربيه –اتعس وزاره اهي التربيه–شوفو الوزارات الثانيه اشلون عازين ورازين موظفينها الا التربيه خصومات تذاكر مجانية بدلات زيادات حتى لو تدبيس عليها 600 دينار واحنا تكسر اصابيعنا محد عبرنا–اهي من عمرها بالتربيه واهي الامر الناهي –هذا كلام وايد ناس بالتربيه معاها–تحب تفرق بين الناس –شوفو قرارراتها الغير مدروسه–ماتقولولي شسالفه الملف الانجازي ليش حاطته؟؟على فكره كل شي يصير من وراه راسها —ههههههه صج حاقده عليها
.gif "Eh S(1)")
.gif "Eh S(15)")
وليس للأسوأ 
~~
.gif "Eh S(7)")
وميرســي .. ع المــرور 
.gif "Eh S(21)")
كلية الأداب 