مرحبا
اشلونكم شخباركم
ادري تأخرت وايد وصارلي فترة ما شبكت بالمنتدى شسوي لوية النفاس "
بس حبيت انقل لكم قصة ولادتي
ولدت يوم السبت الاحد تاريخ 4- 10 يوم الاحد
موعد ولادتي كان بالاساس تاريخ 9-10 يعني مفروض امس
احم نبتدي
انا من اول ما دشيت شهري ضغطي كان يرتفع وينزل وكنت وايد اشتكي حق والدات تجمع شهر اكتوبر ان انا مافيني لا طلوق ولا بوادر ولادة ولا هم يحزنون وكنت اقولهم ان انا شكلي بعد العاشر باسبوع ياالله اولد
قبل لا اولد باسبوع رحت موعدي وقالولي ضغطج مرتفع بنولدج انا اهني وايد وايد تعبت نفسيتي لان هذي بجر وقلت خلاص بدت الصجيه وقعدت ابجي وخليت الكل يحاتيني من خرعتي وعالفاضي سوولي تخطيط شافو ماكو عوار عطوني حبوب ضغط وقالو ردي البيت
صار يوم السبت تاريخ 3-10
قعدت من النوم وفيني عوار خفيف يروح ويرد يروح ويرد احس مرات بضغط وشد ومرات عوار الدورة
صارت ساعه 12 الظهر صلينا وريلي قالي خل اوديج طوارىء المواساة رحت فحصوني شافو ان الرحم مفتوح بس سانتي طبعا اكون بالفحص جني ياهل 
وشافو ان ضغطي مرتفع… قالو سوو تخطيط قلت ما يسوى خل انرد بعدين يصير خير اذا العوار زاد انرد مرة ثانيه رحت ازوارة بيت اهل ريلي وريلي طول الطريج حق بيتهم واهوه يتحلطم و انا ابجي يقول كل يوم رايحين رادين انقط فلووس واخر شي ماكو شي
اهل ريلي كلهم درو بالي صار وخالتي قالت دام ضغطج مو منتظم لازم انروح بعد الغدا يولدونج بطلق صناعي
ردينا المواساة مع خالتي وريلي العصر وطبيبة الطوارىء كلمت دكتورتي فرجينيا واتفقو على ان دام ضغطي مو منتظم و انا بثالث اسبوع من ولادتي لازم يولدوني
اهلي يو معاي بغرفة التحضير للولادة
وحطولي علي التخطيط في عوار بس خفيف وعطوني تحميلة الساعه 7 بليل يالي منه طلق خفييييف لييييييييي الساعه 1 ونص الفير والكل طالع وداش يفحص ".gif "Eh S(14)")
طبعا الرحم ما تبطل غير سانتي واحد فقط فييت الدكتورة ووست الرحم 2 سانتي بالفحص و عطوني تحميلة ثانيه لي ساعه 6 ونص الصبح ودوني غرفة الولادة و انا اطلق والعوار يزيد طبعا الله يخلي الكمام الي كان معيشني بعالم ثاني وطبعا المدة هذي كلها كل دكتورة يديدة تدش وتفحص وتطلع جني سبيل الي اتنرفزت وايد الي اهلي قاعدين يقولولي كلما دكتورة تدش تتحلطمين و انا مو حاسة بنفسي طبعا … ردو افحصوني قالو انها ليلحين سانتين ماكو فايدة مو راضي يتبطل الرحم حطولي شي مثل انبوب من مجرى البول ( امبيه نسيت اسمه ) طبعا هذا بروحه له عوار غير عوار الطلق
لان احسه وايد يضغط عالمثانه واحساس انج تحتاجين تروحين التواليت كل دقيقة
صار ساعه 12 الظهر والطلق طبعا في زيادة كل دقيقتين افحصوني كالعادة شافوني ان ليلحين 2 سانتي ومو راضي يتبطل الرحم نهائيااااااا يعني كنت عذاب بعذاب وكنت ابجي واهلوس ابي ابرة ظهر ابي شي ابي اولد بسرعه ابي افتك ابي ارتاح افتحتني دكتورة الطوارىء 3 سانتي بس همن ماكو فايدة وقالت احتمال قيصرية
انا اهني سمعت وارتاحت نفسيتي لان كنت حزتها ما تصدقون ابي اي شي المهم اولد بسرعه وارتاح
اخررررررررر شي اخر شي شرفت دكتورتي قالت الحوض اصغير وبعد ساعة نحدد شنو اذا قيصرية او طبيعي
انا اهني وايد انقهرت انتي وينج من قبل الحين ياية تقولين انتي حوضج اصغير ؟ بعد يوم ونص من التعب تقوليلي حوضج اصغير وانا ما كنت واعيه بس اختي تقول انها كانت نفيسة صار ساعه 2ونص افحصتني قالت ليلحين ما تغير شي قيصرية دخلوني غرفة العمليات وشفت الليت المدور الي بالعمليات ومن من الخوف وشكل السسترات والكل امبي جنه عملية عسرة غزوني ابرة ومن بعدها ما حسيت ولا وعيت بولا شييييييييي جني نايمة بسابع نومي وما وعيت الا بطقة السستر على خدي تقولي مبروك مدام بيبي زين اند ايفري بادي از ويتنج فور يو اوت سايد انا اهني استغربت قتلها ليش انا ولدت ؟ما كنت مستوعبه كلامها وشفت بطني خف ولا صدقت لما شفت ريليي دخل من ابعيد قعد يطالعني ويضحك ويالي وقالي مبروك ناطرينج كلنا بره لول اول سؤال سألته ها حلوة تشبهني .؟وودوني الغرفة والكل كان موجود ويابوها "
امبيه شعوري كان شعوور اي بجر تولد وتشوف ضناهااا لأول مرة
قعدت اطالعها مو حاسة بالي يسلمون علي ويباركولي
هذي بنتي ؟ هذي الي كانت ابطني شايلتها 9 اشهرررررررررر "" امبيه مو مصدقه
عيوني دمعت ارتحتتتتت وايد
صدقوني يالبجريات ادري ان هذي اول مرة تجربون الحمل والولادة والامومة وكل شي يتعلق فيهم بسسسسس تعب 9 اشهرررررررررررررر كله كله كله يرووووووووح بس لما تشوفون ضناكم صج صج هذي احلى لحظه لما تشوفون عيالكم لأول مرة
واحب اسلم على والدات تجمع شهر اكتوبرررررررررر وحدة وحدة وحتى الي خونو فينا وولدو شهر 9 لول اقولهم الف مبرووووووووووك ومبروك ما ياكم والي ليلحين ما ولدت منكم يااااااااارب يارب يارب تسهل عليكم الولادة وتقومون بالسلامة يارب ويتربون بعزكم كلكم حبايبي
مبرووووووووووك
الحمدلله ع سلامتج
مبرووك ماياج و الحمدالله على السلامه
الف مبروك الفال لنا ^_^
بسالج كمام المواساه قوي؟ ؟
حمدالله ع سلااامتج ياماري ماري ومبرووك ماجاج واتربى بعزج وبعز ابوهاااااا
وجعلها من الذريه الصالحه ياااااارب
ام زوزو ايطاليا لولو كيكة الامورة ديفا شيوخ حصونة حلاتي يا زمان الذل زل ولمسة فنية ودلوعة المطران دلوعة بنتي عجمية ام القمرين سلمى وسارة مس اوبرا سحابة مطر وكل كل كللللل والدات تجمع شهر اكتوبر الي ما كتب نكاتهم
فعلا فعلا قضيت وقت ممتع معااااااااااااااااااكم كنا كلنا على قلب واحد نواسي بعض نضحك وي بعض نسهر وي بعض انسولف نشيل هموم بعضضض نشاور بعض
اشكركم وايد وايد من صميم القلب على الشهور الحلوة الي قضيناها وي بعض "
ياريت نظل مع بعض على طول
والله يخلي لكم عيالكم يارب وتييبون لهم اخوان وخوات وتشوفون عيال عيالكم يارب
احبكم كلكم
الحمد الله علي السلامه ومبروك البنوته
الله يبارك فيكم كلكم يارب
زيونه حبيبتي انتي بعد نسيتج انتي من والدات اكتوبر ":* هذي حبه على خدج قضيت وقت ممتع وياج
مارلين انا مو مجربة كمامات باجي المستشفيات عشان احكم
بس انتي تقدرين تقولين حق السستر تزييييد عالكمام انا يوم كانو يفحصوني كنت اقولهم زيدووه
مبررررررررررررروك ياقلبي وتتربى بعزج ابشرج انا ولدة وهم يبت بنوووووته
بس انا ماخونت فيكم لاني ولدت 1/10
مـــــــــبروكـــ البنوته والله يباركلك فيها
والفال لنا بالسلامه
الف مبروك حبيبتي .. و الحمدلله عالسلامه ..
بس بسالج اشلون العوار بعد العمليه صج يذبح؟؟ وز لا عادي انا عمليتي باجر الصبح
الحمدالله على السلااااااااامه ومبروووووووووك العروووسه انشالله تفرحين فيها عروس يارب والفال حق باجي البنااااات
والله يرزق كل محرومه انشالله ويفرحهاا بهلحضه
الحمد الله علي السلامه ومبروك البنوته
حمدالله على السلامه ومبروك ماجاك
الحمدالله على سلامتج .. والفال لنا انشالله ..
