الوسم: الخلايا

السلام عليكم

اشرايكم يكون هذا ملف لنا

نكتب فيه احلى وافيد انواع الريووق والغدا والعشا المفييييييييييييييييد حق اعيالنا

ابتداء من عمر سنه الى مثلا مثلا 10 سنوات

واكرر اقوووول مفيد

يعني انااااا احب اوكل اعيالي الاكل اللي يكون مفيد وحلو وبنفس الوقت يغذي جميييييييييييع مناطق الجسم عظم وجهاز هضمي ويغذي العقل وكلللللللللللللل شي

وبصراااحه احتااااااااااار وايد معااااهم على هالشغلات

واحيانا ابتكر لهم اشياء وخطط وسوالف علشان ياكلوووون

بس هم اقووول ان نبي افكار مني ومنج ومنهااااا ويصير عندنا ملف نرجعله

المطلوووب ان كل وحده تقول مثلا شنو اتسوي حق اعيالها ريوووق بالوصفات

وشنو اتسويلهم غدا وعشاااا بعد

واترااااااعي الله يخليكم انها تكتب جم عمر اعيالها

لان طبعا مثل ماانتوا عارفين ان بعمر سنه يختلف عن الثلاث او الخمس سنوات

يالله همتكم

وانتظروووني بالجديد الجديد

مرحبا فنانه انا عندي ولدي سنه ونص اعطيه الغداشوربة دياي اوخضرا او مرق بالبقدونس والبطاط مع العيش
الريوق بيض مفيوح مع لبنه بالخلاط وطماط وزيت زيتون

وبس فيدينا حبيبتي

يااااااااااااااااهلا وغلا وطني حبيبي

الريووق لبنه مع توست

بيض مع طماط مقشر مع الزبده

توست مغمس بالحليب والسكر والفانيليا والبيض ويقلى بالمقلى

بيض مفيوووح

جبن قلاص مع زعتر وتوست

بيض مقلي مع جبن سلايس وتوست

<<<< هذا حق بنتي واعيالي يعني من عمر سنه واعيالي 6 سنوات

بس اعيالي لهم وجبات خاصه للمدرسه

هذي وجبات اعيالي للمدرسه واللي فزت فيها بالمركز الاول في مسابقة الوجبات الصحيه للاطفال في قسم اولياء الامور

والوجبات كلها تحتوي على جميع العناصر الغذائيه اللي يحتاجها جسم الطفل في المدرسه

وهالوجبات يستمتعووون فيها اليهال

[IMG][/IMG]

[IMG][/IMG]

[IMG][/IMG]

[IMG][/IMG]

واذا تبوني اشرح الصور انا حااااااااااااااظر

يالله عاااااااااااد نبي تفاااااااااااااااعل منكم

حق وجبات الغدااا والعشااااااااااااا

انطركم

من الاشياااااااء اللي يموتوووون عليها اعيالي

العيش مع العدس <<< وتدرون اشكثر مفيد العدس والبروتين اللي موجود فيه ووجبة العدس تعادل وجبة لحم

وطبعا مع روووووب مانستغنى عنه

والصراحه ماراح اكمل الا لما اشوووف تفااااااااااااااااعل منكم

وامانه اللي تدخل الموضوع انها تذكر الله تدعي لنا انا واعيالي يبعد عنا كل شررر

ياااهلا ويا ومرحبا بالمواضيع السنعه والحلوه

انا بنوتي توها مكمله سنه وشهر تقريبا

وهذي اكلاتها الصبح

كورن فليكس

بسكوت دايجستيف وماي حار <<ماحب الجاي احسه تو الناس عليها

التوست المغمس بالبيض مثل ما ذكرتي

جبن الحلوم مشوي واحس عليه مسحه زيت زيتون

بسكوت تك المالح

عصيده <<خصوصا هالايام بالبر والمزرعه

شعيريه بالبيض <<فديتها اطلع اصواات لا كلتها ههههههه

واغلب اللي قلتيه فووق

وان شاءالله لي رجعه للغدا

ملاحظه بغيت الشرح للصور اللي حاطتها ولا اله الا الله حدهااااااا فكر روووووعه وتشوق

ماشاااللله عليج فنانه وافكارج روووعه والله مادري انا ولدي عمره سنه و8شهور عنيد موواي شي يااكله لما كان عمره 9شهور اعطيه صفار البيض مفيووح وكان يحبه اما الحين ماااياكل البيض كلش سويت انواع كثيره بس مووراضي حتى اللبنه والجبن ماايحب شي تدرين شنوو يحب الفوووول بس تخيلي الريوق انوع له من كل شي ومااياكل الا الفول والحين مااقمت اعطيه فول اعطيه كورن فلكس الحمدلله بدااا يتقبله والله متعبني والغدااا عاادي غدانا يااكل منه والعشاااا ياروب وعيش يااامعكروونه قليل مااياكلها والاندومي اللي مااحبهااا يموت فيهااا يحب يااكلهاا او مرقوق يحبه اسم الله عليه وشوربه عدس مع عيش ابيض وسلامتج

ماشالله لا اله الا الله عيني عليك بارده
فنانه بنتي عمرها 4 سنوات مستحييييييييييييييييييييييييييييييل تاكل سلطه او طماط

يالله نبدي بالغدا

عيش ومرق <<احب مرقت الخضار بالعدس وااايد لها

ماشد بوتيتو <البطاط المهرووسه

دياي منتفته مع حمسه خضار

مرتديلا بالخضار<خلطه الطلياني

معكروونه بالدياي او اللحم المفرووم

ملوخيه <بجربها هاليومين بعد

شوربه الدياي

جبدي دياي او لحم <<حدهاااااا زيييييييييييينه للحديييد

وطبعا واكييد ومما لا شك به

ماا اطوووف يوم السمج ببيتنا او ببيت حمولتي عشان اعطييها

حتى الربيان اعطيها مع اني ما احبه

بس يا امهاات مو زيين نعطي البيبي على ذووقنا لاازم نخلييهم يحبووون كل شي وياكلوونه

ولي رجعه مع تفاعلكم الحلو

ها اشراايج فنوونه :d

انا بنتي عمرها سنه و3 شهور

الريوق..حليب..بيض مفيوح..وخبز(ما تحب التوست)

الغدا..عيش..دجاج..ومرق خضره

العشا..مكرونه بالخضار وشوربة عدس (اتمووت عليها )وشوربة خضار

وبين الوجبات اي نوع فاكهه..بسكوت..بطاط..كاكاو كيندر(اتموت عليه)..عصير مانجا..وحليب فراوله

بس المشكله يوم تاكل وعشرة لا

واتموووت على الحلوياات

يالله نبدي بالغدا

عيش ومرق <<احب مرقت الخضار بالعدس وااايد لها

ماشد بوتيتو <البطاط المهرووسه

دياي منتفته مع حمسه خضار

مرتديلا بالخضار<خلطه الطلياني

معكروونه بالدياي او اللحم المفرووم

ملوخيه <بجربها هاليومين بعد

شوربه الدياي

جبدي دياي او لحم <<حدهاااااا زيييييييييييينه للحديييد

وطبعا واكييد ومما لا شك به

ماا اطوووف يوم السمج ببيتنا او ببيت حمولتي عشان اعطييها

حتى الربيان اعطيها مع اني ما احبه

بس يا امهاات مو زيين نعطي البيبي على ذووقنا لاازم نخلييهم يحبووون كل شي وياكلوونه

ولي رجعه مع تفاعلكم الحلو

ها اشراايج فنوونه :d

انا بالنسبة لي مأساة مع عيالي لان الشي اللي انا مااحبة ماكنت اعطيهم وهذا غلط السلطة ماياكلونها والفواكة بعضها موكلها يحبونها والخضار نفس الشي بس الحين قاعدة احاول اني اعوض واعطيهم شوي شوي

عموما وجباتنا كالتالي

الريوق(بيض بالطماط مع جبن قلاص طبعا – مرت اسويلهم توست مغمس بالحليب والبض والسكر وقلي – مرات كورن فلكس)بس في شي ماعودتهم علية مادري عيالكم نفسي ولا لا مايحبون الخبز ياكلون الصمون والتوست بس الخبز موذاك الزود…

الغدا مجبوس دجاج او لحم وطبعا الدجاج واللحم اقطعة صغاااااااااار واخلطة مع العيش عشان مايحسون فية لان مايحبون القطع الكبيرة وهذي هم مشكلة عندي مع انة عمارهم(5 و 7 سنوات)كبار موصغار بس ماتعودو ماجربت السمج كلللللللللش

العشا اغلب الايام عشاهم صمون بالبيض والجبن مع جاي بالحليب مرات معكرونة بالدجاج ومرات نقانق

بس صج صج اعاني من الوجبات احس اكلهم مكرر ونفس الوجبة يوميا مادري شلون اغيرلهم الوجبات

الوافيه حبيبتي غيريلهم تبعا للسلم الغذائي

يعني كل شي يحتااجه الجسم لاازم يكون موجود

واهمممهم الخضار والفاكهه ماجربتي تعطينهم عصااير طاازجه بدل الفاكهه بكبرها

ونوعي بالعشا لان الريوق حتى لو كورواسون ماراح ياكلونها بسرعه <<توهم قاعدين ومالهم خلق

وان شاءالله تستفيدين

آنا بناتي وااااي مو اكيلين
بنتي الكبيرة الصبح تفج ريجها بس بحليب الكاكاو وماتكل لي الغدا احاول فيها توست جبن بيض ماكو الصغيرة مثلها يمللون الكبيرة تحب شوي الفواكة الصغيرة لا
اعطيهم كورن فلكس
غدانا العادي
يحبون الشوربات والنودلز والملوخية ودي انوع لهم
ابي افكار
مع التحية………….

مرحبا بنات انا اليوم حقنت وجهي عند الدكتور محمد سلام في عيادة نور كلينك في البيرق الدكتور اكثر من روعة حقنلي الخلايا الجذعية مع تفتيح للبشرة وفيتامين سي تعاملة راقي واخلاق بصراحة انصحكم فيك وايدة خفيفة وراح اوافيكم بالنتايج

بأبنتظار النتايج

صارلي يومين الحين احس وجهي فية نضارة واحس بامتلاء

الله يرزقج بالنتيجة الحلوه

كم كلفج حقن الخلايا الجذعية تقريبا ؟؟

يمدحونه هالنوع من العلاج
بس اخاف من العيادات

ياليت نسووي تجمع للي يعالجون بالخلايا الجذعية سواء للشعر او البشرة

صصج والله وتعامله راقي بعد ؟؟
مبين من الموضوع دعايه
انا رايحه ع فالي لا اعلانات ولا بطيخ رايحه عشان الحبوب اللي ابشرتي وبشيل مكان لانها تبقع
اقسم بالله تعامل اي شي تسيب الحين موعدي وتاخذ مريضه ثانيه ويروح يسولف ويكركر ولاهمه ونقعني فوق ساعه وزود لين عصبت ورحت اشتكي عند الرسبشن جاني يسحب ارجوله (( م توسكتي ي بت حسداني ع ضحكه ))
مالت عليك حتى مالت لي خلصت ورحت بيتكم خو اضحك لين ينشق حلجك انا شكووو
دكتور م همه المريض ولا درا عنه كشف ع بشرتي ع طاير بدون اجهزه واهو قاعد وع طول قكني ع الممرضه وسوي تنظيف بذمتكم تنظيف بلا بخار او اي جهاز شهالتنظيف
ولا فوق هذا ع طول كورس علاج ب300 وكل جلسه بعد سبوعين ولمدة شهر بالله شباقي من الشهر الشهر كله 4 اسابيع جلستين ب300 ؟؟
ولا اخر شي مضاد حيوي ومرهم جل وتوكلي ع بيتكم !!!! لا تعب نفسه الصراحه كان رحت لصيدليه م تعنيت لك

بطلت الملف ب10 و الاستشاره ب10 ورحت ادفع ع طول تبي تسحب 300 قلت لا حبوبه كنسلي
المهم رحت البيت الا التليفون يرقع رقم غريب طنش المهم حرقوني اخر شي رديت قالت تعالي دفعي 300 الدكتور يقول انه بلش العلاج وهاذي اول جلسه هههههه خييييير ؟؟
هالتنظيف بملقاط صار من ظمن العلاج واخر شي مطهر مكان الحبوب هههههههه صج مصخره سحبت عليهم

^
^
الله يعينج اختي
والله يعينا على الناس اللي ماتخاف الله وتسوي دعاية حق دكاترة مو كفو
يمكن انتي الحمدلله بس علاج جلدية وجذي سوى فيج
في بنات مساكين يصدقون مواضيع الدعايات ويسوون جراحة وآخر شي تتشوه ولا يصير فيها شي
حراااااااام والله وأي وحدة تكتب كلمة بالمنتدى وتستغل الناس الله راح يبليها بصحتها وعيالها

وهم في بنات ماشاءالله يحبون الخير ويخافون الله بذكر تجاربهم
لازم الواحد يكون حذر واذا قرى اي موضوع يتاكد و يكون واثق بالعضوة اللي تكتب
لان لاحظت اكثر من نك ويمدحون نفس الدكتور بكل الموااااااضيع وواضح الاسلوب الرخيص بالدعاية

ماشاءالله مادري ليش هالنوعيه من المواضيع اليوزر اللي اللي حاطها اشتراكاته ماتعدي العشرين

اولا انا ما قاعدة اسوي دعاية لاحد الدكتور شاطر ونفسة خفيفة سوالي حقن الخلايا وفلر وبوتكس والنتايج ممتازة والحين بادية معاة علاج الريو بلاش للهالات السودا النتايج ممتازة واسعارو معقولة مقارنة مع دكاترة ثانين وعيب الكلام اللي قلتية انا حبيت افيدكم بس الضاهر اني غلطانة

ولو بسويلة دعاية علي قولتك جان شفتيني اربع وعشرين ساعة اكتب عنة نفس بعض البنات وانتي

انا ام لطفل عمره سنتين وتسعه اشهر وهو مصاب بطيف التوحد . من خلال بحثي بالانترنت وجدت انه يوجد علاج بالخلايا الجذعيه فبغيت اعرف اذا احد منكم عنده فكره وخبره اكثر يريت يفيدني

وشكرا لكم

مشكوره كويتيه سنافيه على الرد …
بالضبط أبي احد جرب او عنده فكره شامله عشان اعرف اذا يفيد العلاج او لأ ؟!!

أول مرة اسمع فيه
انا اعرف الخلايا الجذعية للاصابات
والحين هبو فيهم للتجميل والشعر
بس امانة ما سمعت عنها
بس شوفي حبيبتي ومن تجربة أم
العلاج الوحيد اللي نتائجه مضمونة لأطفال التوحد هو
العلاج السلوكي وجلسات التخاطب
هذا بعد لف وتعب على وايد عيادات
وكل ما بدأتي العلاج ابكر الطفل وايد يتحسن
انا ولدي لو تشوفينه من سنتين وتشوفينه الحين كأنه مو هو
شفا الله الجميع

مشكورين على الرد واسفه على التأخير
انا الحين بلشت علاج بالاوكسجين ودعواتكم

وين تسوين الأكسجين عند السوالمة؟

فيه وحده تعالج التوحد بطب شعبي ناس أعرفهم جربوها ويمدحون علاجها
أهي في السعوديه مدينة الاحساء

على فكره رقمها عندي أخذته قلت يمكن حد يحتاجه

بنات بليز. طلبتكم منو جربت رفع و شد و تكبير بالخلايا الجذعيه عند الدكتور عماد النجادة او. اي دكتور عنده هالتقنيه
وودي اسوويها بس خاايفه و متردده … وما اقدر اسوييي ألعلميه لانه نسبه دمي وايد نازله

فبليز الي عندها تجربه او سامعه عنه تقولي جزاكم الله خير

سويت سيرج وهذا الي طلع لي ..

اتمنى يفيدج

( . )

اهني وحدة من العضوات منزلة موضوع ..

تكبير الصدر والمؤخره من غير جراحه عن طريق الخلايا الجذعيه

منتدى التمياط

تكبير وشد الصدر بالخلايا الجذعية عند الدكتور ………. – مدونة بدانة كلينك بإشراف د. سلطان التمياط

كله حشي فاضي لا تصدقين الدكاترة ياخذون فلوسش ويومين فشو ونزلو شتسوين له يقولش والله جسمش ما استجاااااااب لوووووووووول

نصيحه ابعدي عن خلايا الجذعيه

لانه
سمعت دكتور كويتي في الاذاعه وكان موضوعه عن خلايا الجذعيه

اهي تحقن واتصير نفس خلايا حق البشره وتتشكل نفسهاا

وقال انه المشكله انها في طور التجربه ووممنوع في كل دول
مادري اشلون في الكويت جابووه ومشكله الاعظم انه دكاتره يتفاخرون فيه

واهو في طور التجربه حتي في المانيا كان مصحه والله نسيت اسم قاله يتاجرون بخلايا الجذعيه

ومن عروف سلطات الالماينه سكروه وافتح باسم ثاني واخذو عليه عهد انه مايتسعمل لل الالمان
والاجانب الاوربيين ام غيرهم استعملو عليهم

يعني عناا احنا ………………

والله عظيم كتبت لك نفس مضمون سمعته ماابيك تتظررين نفسي حقت بماده aqualift تشووه وجهي

ادعيلي عسي يكون دعااج انه ماده تروح من وجهي

السلام عليكم

بإختصار زوجي حالته صفر

وعملنا مرتين فتح للخصيه ولم يجدو شي

من يعرف شنو آخر تطور العلاج بالخلايا الجذعيه؟

وين افضل مستشفى وافضل دكتور ( لحاله الصفر ) امريكا او بلجيكا او اوكرانيا ؟؟

تكفووون من عنده تجارب او خبره تنصحني وين نروح ؟؟؟

الله يشفي زوجج و يرزقكم من فضله الذرية الصالحة
ما على الله شيٍ عسر ،،،، سمعت بلجيكا يأخذون من الخلايا الجذعية و يسوون لج حقن مجهري
و أسألي دكاترة بالكويت يدلونج على الأماكن أكثر

أختي روحي عند الدكتوره رائده الفضلي بالسيف توصفله منشطات ابر تنمو عنده الحيوانات المنوية وتعالجه ويرجع أن شاء الله سليم خل أدور لج الدوا صوره لج واطرشه أن شاء الله

تعبنا من العلاجات بلا فايدة

تعرفين احد تعالج عند هالدكتوره وحاله صفر وتستفاد منها ؟؟

اي أنا زوجي كانت حالته صفر لي درجه سوو خزعه وما لقو عنده حيوانات منويه الدكتوره رائده الفضلي صرفت له علاج كورس إبر التزم فيها تقريبا شهرين وسبحانك يارب بهالشهرين بعد الفحص ولا يلقون حيوانات منويه روحي ولا تترددين

حاولت اكتب لج رساله خاصه انتي مو مفعله الرسائل

ياليت تذكرين اكثر عن حاله زوجج مع حاله الصفر؟

بالاول شنو اخذ علاجات قبل وبعد الخزعه ؟

وكم سنه وهو يعالج الصفر؟

وهل كان عنده دوالي او اي سبب ثالي يمنع انتاج الحيوانات المنويه ؟

وياليت تصورين لي الابر اللي اخذها زوجج ؟

بس ما ادري احس صعبه يعالج عند دكتوره ؟ ياليت زوجي يقتنع

الله يشفيه

سبحان الله

الحمدالله

الله أكبر

استغفرالله

استغفرالله

استغفرالله

روحي العلاج بالخارج اهما يسون له لجنة واللجنة تنصحه وين يروح

الله يشفي زوجج ويرزقكم بفضلة بالذرية الصالحة

الله يرزقج بالذرية الصالحة

السلام عليكم
بنات منو جربت الشفط والشد بالخلايا الجذعيه عند عماد النجاده
اختي راحت للدكتور وكانت تبي تسوي شفط لليد وحقن للمؤخره
ولما راحت للدكتور شافت وحده تذم الدكتور وتقول ان أختها سوت عنده شفط سمارت ليبو وصار لها التهابات
فاماااانه بنات اللي جربت الدكتور تقول تجربتها بكل صدق وأمانه
لان اختي للحين محتاره تبي تسوي بالخلايا الجذعيه لانها قرت عنها ان نتائجها حلوه وبدون الم وخايفه من الدكتور.
اشرايكم بنات

اول مره اسمع بهالشي هذاا ..!

ما اعرف .. بس حبيت ارفع موضوعج ..:/

جان زين تفيدينا بهالموضوع
انا سامعه عن الحقن بالخلايا الجذعيه بس مو الشفط بالخلايا الجذعيه

اول مرة اسمع عن هالتقنية

اب اب

مرحباً بنات
يعطيكم العافيه
التقنيه هذي جديده وللحين مافي تجارب
اختي دشت عالدكتور وقال لها بالجهاز يشفط ويشد بنفس الوقت وبنفس أللحظه ينفخ المكان اللي تبين ومافي اي ضرر لان الخلايا الجذعيه ياخذونهاامن المشيمه ويعالجون فيها حالات وايد مثل ترميم الصدر للي كافانا الله وإياكم صار فيهم سرطان الصدر
فالتقنيه بنات حلوه بس الخوف من الدكتور عشان جذيه سالتكم عنه
لان علي ما اعتقد هو الوحيد بالكويت عنده الجهاز

التقنية للتكبير بالخلايا الجذعيه

للرفع

جذاااااااااااااااااااااااااااااااااااااااااااااااا ااااااااااااااااااب

وخري عنه سوااااااه لجارتي ولاشي راح باسبوع وقالها ما ادري من جسم لجسم يختلف ولا 800 دينار

توها بالمنحه سوتها

نصيحه لوجه الله انحاشي
ولا بعد سوت عنده شد لزنودها الله لايوريج خرايط وبغت تموت قالها انا ما توقعت العمليه بصعوبه هذي المره بغت تموت قالها انتي وصلتي للموت ورديتي

اصلا اهو شايف نفسه حييييييييييييل اخذ سمعه وقعد يلعب بالاوادم

شوفي انا مابي اقطع رزق الريال
بس عماد النجاده فاشل

> كلش ماقطعتي رزقه لووووول

والتقنيه هاذي الكل يقول انها مو زينه
وكل الدكاتره يقولون السيلكون أأمن بكثير..

وانتي لا تعتمدين لا على كلامي ولا على كلام غيري
فكري وشوفي غيره ودخلي استشارات بس ديري بالج لا ينصبون عليج
ويصففون لج الحجي الزين وتقتنعين .

واموفقه..

كل يوم يمر علي أقول حسبي الله عليك من دكتور
تو قبل 4 شهور سويت عنده خشمي
قطيت فلوس علفاضي
ولا كأن سوالي شيء

الله يستر من العمليااات انا اخاااااف حييل منهااا

الخلايا الجذعية علم حديث ومطور يستخدم لعلاج البشرة ونضارتها وبعد دخل بعلاج العين والسرطان والعظام وبكل شى علاج مطور باوروبا وامريكا ,,,,, بس اهنية بالكويت الدكاترة مايعرفون يستخدمونة نصيحة ان بغيتى تسوين الخلايا روحى لاوروبا او امريكا اهنية بالكويت علطول يسولج عاهة اللهم كافى

فاشلللللللللللللللللللللل إهو وشغله

ماادري عن الدكتور بس سامعه عن هالتقنيه للبشره وايد يمدحونها

!

بشرى لمرضى السرطان

فاكهة غوانابانا … لقتل الخلايا السرطانية !!

لها قدرة عجيبة بإذن الله لقتل الخلايا السرطانية

تسمى ( فاكهة القشطه ) او تسميتها في بعض البلدان بـ فاكهة الشريفه
ثبت ان هذه الفاكهة تدمر الخلايا السرطانية الخبيثه لـ 12 مرض من انواع السرطان منها :-

سرطان القولون
سرطان الثدي
سرطان البروستات
سرطان الرئه
سرطان البنكرياس

اسأل الله لكم العافية والمعافاة الدائمة

وهذه صورة القشطه

اللهم اشفي جميع مرضانا ومرضى المسلمين شفاءً لا يغادر سقما

يسلموا

شكرااااااااااااااااااااااااااااااااااااااااااااااا اااا

حبيبتي فاكهة غوانابانا اهي نفسها فاكهة الجرافيولا صح ؟؟

ااي هاي اسمها شريفة (قشطة) طعمها لذيييذ

مشكووورة علي المعلومة

وين تنباع بالكويت ؟؟؟؟؟

فاكهة القشطة معرووووفه طعمها ممميززز

طعمها غير عن باقي الفواكهه لذيييييييييييييييييييذه يميييييي

حنانو مادري اذا الاسم لنفس الفاكهه ..

روحو اكبر مكان يبيع الفواكهه

عندنا في الجبره كل انواع الفواكهه والخضره …تنباع القشطه عندهم

والصوره موجوده فوق

نورتو الموضوع بنات

ثاااااااااااانكس… يقولون فيها نفس هرمون الاستروجين يساعد علي بروز علامات الانوثه هذا الي انا قريته

ويييييييييييييييين تنباع لو سمحتووووووووووو

صج !! يسسسلمو حنانووووو علىالمعلوومه

حبيبتي يحبني الله روحي لمحلات الفواكهه والخضره لا تحااتين بتلقينه

الله يسلمج حبيبتي

يسلمووووو
يلا منها تغذيه ومنها وقايه

ياريت لو وثقتي الموضوع اكثر وقلتيلنا من وين عرفتي هالمعلومه

مشكووووره

بنات نورتو الموضووع

ظبيه الله يسلمج المصدر برود كاست وصلني

هالمعلومات الزينه انشرهاا انا ماقصرهههههه

السلام عليكم

حبيت اليوم اناقش موضوع حفظ الخلايا الجذعية
اللي مو فاهمة تدخل قوقل وتبحث عنها وراح تعرف
انا سألت دكتوري عنهم وقالي هذا شي جديد بالطب ويعالج العديد من الامراض مثل السرطان تكسر الدم القلب ……الخ
وعطاني ورقة لشركة اسمها cells 4 life
وقالولي التكلفة الكاملة الف تقريبا التخزين يكون ببريطانيا لمدة 25 سنة عشان لا سمح الله المولود او احد اخوانه او ابوه او امه صار فيهم مرض الخللايا باذن الله تشفيهم لقدرتها على سد اي خلل في اي مكان بجسم الانسان
بالاردن فعلا شخص تشافى من مرض بالقلب بعد الله سبحانه بالخلايا

ابي في احد قام بهالتجربة ؟
سمعتوا عنها انها فعلا ناجحة وتنفع للزمن بالعلاج من الامراض؟او فاشلة؟
تكفون اللي تجاوب تكون عندها معلومات من مصدر موثوق دكتور مثلا مو نت لان كله قريته
هاا شرايكم؟؟؟؟

سبحان الله صج الطب تطووور " وماأوتيتم من العلم الا قليلا"

هالعمليه اتوقع اهيا نفسها الى بسونها للشيخ خالد اليوسف وبياخذون هالخلايا من اخوه احمد يااارب يشفيهم وتنجح

وناطرين انها تتطوور أكثر وأكثر للصحه البشريه

انا متابعه معاج هالموضوع وياااريت فى اخبار علميه اكيده اكثر بعد

أنا سمعت عنها من زمان بس مش عرفه من الناحية الشرعية هل يجوز أو لا لان مش كل شيء يتبعه الغرب نتبعه نحن فعلى سبيل المثال هناك مصنع لحفظ الموتي في كبسولا من الثلج حتى لا تتعفن ويمكن للأقارب زيارتها وأعقد أن مثل هذه الأشياء ليست من الشريعة الإسلامية والله أعلم.

انا سمعت عنها لمرض السكر
بس هذي جديده
الله يعطيج العافيه عالمعلومه

شكرا للي دخلوا بس
ابي تفاعل اكثر عشان الكل يستفيد

جان زين تصير هالشغله وتنجح
انا ودي اسويها حق ولدي
بس ابي تجارب صجية من ناس استغادوا

اي والله نبي تجارب صجية
جود وحدة تجاوب وتفيدنا
تكفون لا يموت الموضوع ويذهب مع الريح
لانه اذا شي مفيد والله ادفع الف احنا نقط الالاف على استقبال وخبة عرس ما لها داعي بس اذا صج يفيد
عشان جذي خل نسوي سيرج وبحث عنه نسأل دكاترة شطار مثلا او دكتور دم
ارفعووووه

اسمع الناس تقول مفيد
والموضوع يديد ماعتقد في احد مجربه في عمليات
يمكن جربوا إحفظو الخلايا الجذعيه بس هل إستفادو منها ؟؟؟؟

اب
اب

رفـــــــــــــــــع

ثانكس سارووونه

مجرد تجارب انا رحت بنفسي وسألت

اب

اب

سالت عنها دكتورة تقول انها مفيدة حيل .. لو مافيكم امراض وراثية مثل التكسر بالدم وغيرها
ممكن تفيد في حالات اصابات العمود الفقري (حوادث البقيات والسيارات) الله يبعدها عنا وعنكم

لندن: كشف علماء سويديون سر قوة شخصية "باباي" الخيالية أخيراً وهو النيترات الموجودة في السبانخ التي يتناولها.

وذكرت وكالة "برس أسوشييتد" البريطانية أن علماء في معهد كارولينسكا في السويد اكتشفوا أن المادة الكيميائية الموجودة بكثافة في الخضار ذات الأوراق الخضراء، تزيد قدرة الخلايا على إنتاج الطاقة، وتبيّن أن حصة واحدة من السبانخ كافية لتزيد فعالية الميتوكوندريا في الخلايا وهي الجزيئات الصغيرة الصغيرة على شكل فاصولياء التي تغذي نشاط الخلايا والنمو.

يشار إلى أن البحّار باباي الذي تعود قصته إلى ثلاثينيات القرن الماضي حين يتناول السبانخ فتنتفخ عضلاته فوراً ويصبح أكثر قوة، وهو يفتح علبة سبانخ ليأكلها حين يحتاج إلى الخروج من مشكلة، وكان يعتقد أن الحديد في السبانخ هو الذي يعطي القوة للإنسان، إلاّ أن العلماء اكتشفوا أن النيترات هى التي تزيد الطاقة في الخلايا.

والخضار ذات الأوراق الخضراء غنية بمادة كيميائية غير عضوية لم يكن العلماء يعتبرون أنها تحمل أية قيمة غذائية إلى أن اكتشف العلماء في المعهد السويدون أن هذه الأوراق تحتوي على نيترات تزيد طاقة الخلايا.

منقول للفائدة

بسم الله الرحمن الرحيم ..

كنت في غرفة الانتظار في مستشفى رويال .. لما قريت في بروشور انه في شركة تساعد في تخزين الخلايا الجذعية .

شنهي الخلايا الجذعية ؟

هي الخلايا الموجودة في الأوعية الدموية في المشيمة والحبل السري ، أول كانوا العلماء يدورونها دوارة عشان يعالجون فيها الأمراض المستعصية والسرطانات وغيرها..

ليش ؟ لأن هذه الخلايا ممكن تتحول إلى أي نوع آخر من الخلايا ، وكل خلايا جسمنا كانت في الأصل خلايا جذعية Stem Cells . أول ما فكروا قالوا ناخذها من الأجنة وهما يكبرون فقاموا عليهم الناس انه هذا شي مو أخلاقي.. بعدين بدوا يفكرون بالاستنساخ و… وفجأة ..

اكتشفوا انه اللي يدورون عليه .. موجود و يتوفر مع كل ولادة وللأسف ينقط بالزبالة ! وين ؟ في المشيمة والحبل السري.. دمهم عبارة عن خلايا جذعية .

فبدأوا يسحبون الدم . ويخزنونه . ويعالجون فيه الأمراض . مثل :

أمراض فقر الدم الوراثية اللي مالها علاج : الثلاسيميا و الأنيميا المنجلية .
سرطانات الدم .
وبعض الأمراض اللي تتعلق بالدم .

ولما سبق ذكره العلاج 100%

والدراسات الحين والمحاولات تبشر بالخير.. وهذا المستقبل مثل ما يقولون .. من الأمراض التي ستضاف الى اللسته انشاءالله : ( صراحة في مراكز بدأت تستقبل هالحالات بس مادري عن النتائج )

السكري ( النوع الثاني )
أمراض القلب
الروماتيزم
الخشونة
التوحد
مرض باركنسون
Multiple Sclerosis مرض التصلب المتعدد – منتشر بشكل مخيف بين الشباب والشابات بالكويت

وكل ما أبحث في الانترنت . أكتشف لسته جديدة
للبحث حطي : Stem cell Therapy

نرجع إلى محور حديثنا :

هذا الشي المتطور ماشاء الله بدت فيه الإمارات بالقطاعين الحكومي والخاص في الصحة ، وكذلك السعودية بس مادري شلون.

الحريم هناك قبل الولادة يبلغونهم ان دم المشيمة راح يتجمع . ويوقعون. وينحفظ الدم كأمانة للغد .
بدت فيها الإمارات من كثر الأمراض الوراثية بسبب زواج الأقارب.

بالكويت ( العالم الثالث ) ..
شركة Cryo-Save البلجيكية بالامارات افتحت فرع بالكويت ووكلاءها الملا والغنام ( أصحاب رويال حياة ) و حاليا كل يوم مستعدين يرسلون عينات الخلايا الجذعية إلى الامارات ليتم تخزينها باسمكم هناك للمستقبل .

المنتفعين منها : الطفل نفسه ( تطابق 100% ) الاخوان والأم والأب ( تطابق أقل لكن أكثر من 60 % وهذا زين ) . لأي مرض لا سمح الله يصير في المستقبل .

التكلفة الإجمالية :
960 دينار كويتي ( تخزين لمدة 20 سنة ) لما تخلص ال20 سنة. لازم تدفعون رسوم أجار لل20 سنة اللي وراها وراح تكون أقل من 960 ( لأن هالمبلغ جزئين : 225 تكلفة جمع العينة والباقي للتخزين ) .

انا محضرة نفسي وانشالله اخزن للمستقبل . أبرك من اني أقط فلوسي عالاستقبال وغيره.
حبيت أفيدكم . والله لا يحوجنا ويديم علينا الصحة والعافيه .
تلفونهم بالكويت : 5313484

انا محضرة عدة الجمع ولازم آخذها معاي وقت الولادة . أغلب الدكاترة في المستشفيات الخاصة يعرفون طريقة الجمع. وفي اجتماعنا أنا وزوجي مع موظفة الشركة بالكويت، جاوبت على كل أسئلتنا واحنا مقتنعين ومستعدين.

بيني وبينكم : قسمنا التكلفة بيننا أنا وزوجي ، لما شفته متردد اقترحت عليه هالاقتراح .

بالتوفيق حبيباتي .

الله يعطيج العافية
انه حامل بالسابع و قريت عن هالموضوع وقررت انشالله اسوي التجميع
اراجع عند دكتور محمود الاسطل ونصحني فيهاوقالي اهوا يتفق مع الشركة مع اني بولد بالسلام والعينه انشالله يحتفضن فيها بلندن اتوقع والله لنشالله لايحوجنا

مشكورة اختي الشرنقه على الموضوع

يعطيج العافيه

موضوع مهم وغريب علي اول مرة اسمع فيه

لاسمح الله بعدين احد احتاج هذي الخلايا اشلون يستفيدون منها يعني يزرعون نخاع شوكي جذي وله شنو اقصد اشلون يم العلاج بالمشيمه والدم الخلايا الجذعيه

ومشكووووووووووورة والله يجعلكم ويجعلنا بصحه وخير قولو امييييييييييييييييييييييين

السلام عليكم،،

مشكورة وايد على الموضوع وايد بسطتيه .. انا الحمدلله بعد دقيت على الموظفةواتفقت معاها .. بس الي توني اعرفه انهم تابعبن لروياال حياة .. بس سؤالي من يتمم العملية؟ انا ولادتي قيصري باذن الله ..
يعني الدكتورة بتكون مشغولة .. الموظفة ليلحين ما قابلناها
وكلامج عين العقل لان انا نفس الشي ماراح اسوي استقبال الزم ما علينا عيالنا عسى الله يحفظهم
و انامره قارية ان الخلايا ايضا عليها دراسات من ناحية زراعة الاعضاء.. و و ايضا ما تنحصر على الام و الاب و الطفل نفسة و اخوانه فقط .. حتى الاجداد و الاقارب ( خالات عمات ) ممكن تصير في نسبة يستفيدون منها بس طبعا ضئيلة

مشكوره وماقصرتي على الفائده

بس ممكن بنات توضيح اكثر فهمت بس مو وايد

يعطيج العافيه حبوبه

مشكووووووووووووووورة وايد على المعلومة المهمة هذي وجزاج الله خير

مشكوووره … موضوعج صج قيم ومفيد ..

المفروض يتثبت صراحه …

انا صراحه كنت مترددة .. لأن دكتورتي معصومه ماشرحتلي بالتفصيل .. بس كلامج حيل اقنعني ..

زين ممكن سؤال ؟؟

شلون يستخدمونه في حالات التوحد ؟؟ وهل يفيد ؟؟

الله انشالله يعطيج العافيه والاجر على هالمعلومات
ماقصرتي

اي حبيبتي شلون يعالجون حالات التوحد

يزاج الله الف خير ,,صج معلومه مفيده عسى الله يسهل عليج وتولدين بالسلامة يارب.

يعطيج العافيه حبوبه