الوسم: الخبره

السلام عليكم

مباركم عليكم الشهر

انا سعوديه ومتزوجه كويتي

وتوني سجلت بالجامعه بالسعوديه تخصص علم اجتماع انتساب

اللي ابي اعرفه

اقدر اتوظف واكون مدرسه علم اجتماع والا مايوظفوني

والا عادي اتوظف اداريه لو ابي

لان مو شرط اكون مدرسه

واللي تفيديني عسى الله يوفقها دنيا واخره

فيه وحده اعرفها سعوديه ماخذه كويتي ودارسه بالسعوديه بس الكويت ما قبلتها ليش ؟ لان تخصصها ما يبونه انتي تخصصج مطلوب لان تقدرين تدرسين متوسط وابتدائي وثانوي

الله يبشرج بالخير

لان في وحده قالت ان الغو التخصص لانهم شالو الماده من بعض المراحل

واللي يعرف بعد يطمني

لان مابي اتعب واخسر واخرتها مااحصل شي

نصيحتي لج سالي ذوي الخبره بس مادري اذا يوظفون اداريات

سالي ديوان الخدمه المدنيه اضمن

هم اذا يبون يعينونج يعينونج مدرسة اجتماعيات لان من النقص الي عندهم صايرين يدرسون المصريات اجتماعيات لابتدائي !!!

بنات تكفون اللي تعرف تساعدني

انا ماعندي احد اسأله ومااعرف شي

تكفون قبل لااسوي باقي إجرأت التسجيل

راح ادفع دم قلبي على الجامعه ومابي بالاخير اخسر

تكفون لاتخلوني

السلام عليكم

حبيت اسأل اهل الخبره وين ممكن احصل على ورق تغليف هدايا بأشكال الماركات لاني ما حصلت الا شكل ماركة بربريز وانا ابي اكثر……….. وين القاه ؟!؟!؟!؟ بلييييز قولولي

شكرا

وعليكم السلام

جربي شوفي المكتبات اللي عند وزارة التربية بالديرة

بعد …. وين في غير مكتبات الديره

روحي المطابع
يسوولج الي تبينه

مشكوره عبق البنفسج

ان عندي تغليف ماركة Lv

عندي فكرة اذا انتي تحبين تغليف الماركات.. انشالله تعجبج — اخذي جلاد سادة لون الماركة اللي تبينها .. بعدين اشتري لفة (شيلة ) الماركة اللي تبينها تقليد من الهنود وغلفيها فوقها– وحطي شريطة خام نفس اللون. تطلع حلوة والله ..

فكرتج حلوه بس صعب علي اطبقها يبيلها شطاره في التغليف

ما عليكم امر ابي مدرسة حكومية تدرس الطلبه إللي يعانون من دسليكسيا او ما يعرف بالعسر القرائي؟

حسب علمي مافي….بس روحي لمركز تقويم الطفل بالسره ياخذون هالحالات بعد المقابله والاختبارات…دخلي السايت مالهم وتعرفي على المركز….شي راقي ومتعوب عليه وماصدقت في الاول ان في الكويت شي جذيه

موقع المركز
https://www.ccetkuwait.org/Arabic/ArDefault.aspx?sID=5

حبيبتي الله يعطيج العافيه

وإللي عندها معلومات لاتبخل علينا وانا من ناحيتي قاعده ابحث وان عرفت راح انقل لكم المعلومه لتعم الفايده

مدرسة عبدالمجسن البحر اللي بالسره

الـــســـلام عــلــيكــم

شخباركم بناااات ؟؟ الله يوفقكم و يهنيكم مع ازاوجكم و ربي يسخركم حق بعض و يتمم عليكم بكل خير

وبالمبارك
طبعا انا طالبه النجده و المساعده عشان ما احووس الدنيا و اهبب
لذلك و جيكوا على لذلك هاا استنجدت فيكم لانكم سنعااات

يلا بنات
الاستفسار الاول في حالوحدهمثل حلاتي يوم يت بتجهزمالقت شي بالسوق الا قليل جدا .. لان كل السوق خصم وماكو قياسات شتسوي بعمرها ؟؟ ؟؟ ؟؟ عيزت ما بقى مكان ما رحت المحل ادشه عشر مرات اقول يمكن اكو شي ما شفته بس النتيجة

الاستفسار الثاني هذا يفشل اشوي بس
بالنسبة حق البجامات و قمصان النوم شلون ؟؟ يعني عادي انكرر فيهم ولا لازم اكون شاريه وااااااااااااااااااااااااااااااايد
وماهي الطريقة المناسبة للتكرار واذا وحده تستحي مثل حالاتي شسوي بعمري يوم البسهم

اي بعد شي حق شهر العسل يعني انشالله اذا سافرت ، جم قميص اخذ ؟؟ عادي اكرر ؟؟ ولا لازم كل يوم واحد ؟ و الهدوم لازم بعد كل يوم بدله ؟ ولا اكرر ؟ ؟ ؟

يلا كويتيات هذا اللي بالي الحين و عقب بنشف ريجكم

شكرا شكرا شكرا مقدما

مبروك والله يتمم عليج انشالله والسوق صح كلامج كله خصومات وماتلقين الا باغصب والمقاسات ماشالله مخلصينها وحاولي تدورين عدل وانشالله تحصلين وقمصان النوم تقدرين تكررين مو شرط كل يوم واحد وممكن اعرف جم يوم بتسافرين عشان اقدر اقولج جم واحد تاخذين وياج

مبروك والله يتمم عليج انشالله والسوق صح كلامج كله خصومات وماتلقين الا بالغصب والمقاسات ماشالله مخلصينها وحاولي تدورين عدل وانشالله تحصلين وقمصان النوم تقدرين تكررين مو شرط كل يوم واحد وممكن اعرف جم يوم بتسافرين عشان اقدر اقولج جم واحد تاخذين وياج

يا حبيبتي مشكووورة على الرد
امين يارب العالمين .. و يوفقج و يهنيج انشالله

يعني تقريبا 15 يوم

حبيبتي

بالنسبه حق سؤالج الاول

جهزي باللي تلقينه الحين ولا تنسين ان السوق موجود ماراح يسكر
متى ما صار عندج مجال حتى لو عقب العرس روحي اشتري اي شي يديد ينزل ويناسبج

وبالنسبه حق سؤالج الثاني

لا تكودين على عمرج بالبدل والقمصان
يعني حتى لو بتسافرين 30 يوم هذا مو معناته انه تاخذين 30 بدله و30 قميص نوم غلط حبيبتي

اخذي عدد مناسب 6 مثلا و6 بجامات من الحراير والنفانيف القصار اللي يغنونج بعض الاحيان عن القميص
وبالنسبه حق التكرار انا اعلمج على طريقه

صفطي القمصان فوق بعض
واللي تلبسينه اليوم وتخلصين منه ردي حطيه اخر شي
الي ان ايي دوره مره ثانيه عرفتي

والبدل اخذي لج 3 او 4 بدل كشخه وبدل عمليه واخذي جينزات 2 او 3 وقمصان

والله يوفقج حبيبتي

ماقصروا البنات تري عادي تكررين والسوق مو طاير

اي ادري مو طاير
بس انتو ادرى بلويه …

اي انا كنت فكره اخذ 6 او 7 مع بجامتين قطن حلوين .. و جذي بس قالولي لازم كل يوم شي
من جذي سالتكم

يعني مبدئيا شنو الاشياء اللي لازم تكوون عندي الحين و لازم اتكون كامله و زاهبه ..

عطور ؟ و المكياج ؟ و … .. الخ فيدوني عشان ارف اللي قاعده اسويه صح ولا لا

اولا : بالمبارك وعسى ربي يوفقج ويهنيج بزواجج،،
ثانيا: بقولج على طريقه انا شخصيا جربتها واحس انها مريحه ، كتبي بورقه احتياجاتج كلها حقج كعروس وخلي بورقه ثانيه احتياجاتج للسفر.
ثالثا:خصصي كل يوم طلعتج السوق حق شي معين المكياج والعطور هذا يوم عشان تركزين اكثر عالشغله اللي يايه السوق عشانها،، يوم البجايم واللانجري ،، يوم الدراريع ،، يوم بدل الطلعه وهكذا… طبعا مو معناته انج اذا شفتي شي مناسب لج بغير يومه ماتاخذيه
اتمنى اكون فدتج بطريقه التسوق…عن تجربه وايد مريحه لان بطبعي وايد اتشتت اذا في بالي كذا شغله..وبجذيه اريح…بالتوفيق

العفو ولو حاظرين حبيبتي

مشكوره اختي بتبوتااا على الرد

بدش على طول بالموضوع

بنات انزلت على الدوره خفيفه ساعه أو اقل مع انه مو وقتها وبعدين انقطعت عنى

أول مره يصير جذى حتى لونه غا مج مايل للبنى ؟

افيدونى حبوباااااات السبب ؟

حطي موضوعج بقسم الحمل و الولاده …….

امممممممممممم

بصراحه مستحيه

عروووس جديد ملكت من شهر تقريبا

عادي تتبادلون الصور معاهم بصراحه طالب صورتي وانا صرت

افضل انو يقول بشوفها وجهآ لوجه ولا حركات الصور

شرااايكم معي حق ولا لا؟ حدددددي ثقيلة طينه

واذا عااااادي كيف اعطيه الصوره ~~<<< احراااااج

علموووني

أأب

ياا حيااتي

الف مبرووك يآقلبي الملكه
وبصرآحه أنا ماأفضل اعطيه صوره إذا يبغى يشوفني يقابلني وجهاً لوجه

ومره طلب مني صوره لكن رفضت أفضل مقابله وجها لوجه مالو دآعي الصور

بآلتوفيق

موووفقه ياقلبي

انتي معطيته بطاقتج المدنيه والجنسيه فيها صورتج

عطيه صورتج احسن من الارتباك وجها لوجه هع

هذااااا راااايي

لا لسااا ماعطيته بطااقتي وجوازي

مدري ليه مستعيبتهااا مع انه هو اللي طالبهاا

الف مبروووك
بس لاتعطينه
فيس تو فيس احسسسن
وانتي براحتك
بالتوفيق

المشكله هو ماا طلب فيس تو فيس

قال يبي صوره

الف مبروووووك
الله يتمم عليج ان شاء الله

مافيها شي اذا اخذ الصوره عادي

الله يهنيكم يااااااااااارب

عادي روحي صوري باي مصور ثقه واذا قالج يبي بطاقتج وجوازج لازم يطلب معاهم صور شخصيه قولي الصور بالمصور روح اخذهم من هناك بس دفعي فلوسهم مو توهقين الريال بفلوس صورج صوري معاهم صورتين حلوين جذي فيهم حركات بنوتات واهو اكيد بياخذ الصور الشخصيه وبياخذ نسخه من الثانيين جنج ما دريتي انه شافهم او اخذهم انتي قوليله روح اخذ الي يكفيك وخل الباجي محتاجتهم انتي صوري ١٢ اهو ما يحتاج اكثر من ٨

ما انصحج حبيبتي بالصور!!
اذا شافك بالطبيعه كلها دقايق وانتي رايحه بس راح يتامل ملامحك وبس بس لا دزيتي صورك بتقعد عنده 24 ساعه وبيمل من مطالع صورتك وانتي ماجيتيه
وبالتوفيق حبيبتي

والله احترت

طيب شقوله ؟؟

عادي اقووول له خلها فيس تو فيس

ولا مو حلوه اطلب

لا انا ما ايد تعطينه صورتج

فيس تو فيس احلااااا

والف مبروووك ^_^

الف مبروووووك يادريم ويب الله يوفقج

سوي اللي يريحج $=

السلام عليكم ورحمة الله وبركاته

بنااات انا داخله شهري وبقى على موعدي 3 ايااام

وحايشني الم في ظهري مو طبيعي ويروح ويرد عليي …وبطني يتسمت شنو يعني

ياا اصحاب الخبره

ما اقدر افيدج واايد بس سألي امج ولا تسكتيين على روحج و اذا زاد روحي الطبيب والله يهون عليج انشالله

يمكن تكون تجاديم الولادة اذا صارت بشكل متواصل توكلى على الله وروحى الطبيب والله يسهل عليج يارب

يماااا والله خايفه

الله يهون عليج يارب

انا بالثامن ونفس الاعراض ما انام من الم بظهري لدرجة ابجي وجننت زوجي كل شوي اجر شعره من الالم وبطني احس مثل ماقلي يتسمت ويصير صلب ويذيني بس قالوا عادي اعراض حمل

الله يسهل عليكم هذه بدايه طلوق للولاده وانشاءالله تيشرينا انك والده بالسلامه

الله يسهل ياااااااااااااااااااااااااااااااااااارب

الله يسهل عليك يارب

<<بدت تخاف

سعادتي لاتخافين وصلي هدئي من نفسج مو زين الخوف

بعدين روحي الحين تسبحي وتعطري وتبخري علشان تنسين شوي الالم وشيكي على جنطة المستشفى

ربي يسهل ولادتج

لاتقولين لحد اذا رحتي تتولدين اخذي بس زوجج وروحي وقوليله لاتعلم احد على انج طالعة تتعشين او تتمشين مع زوجج وانا بصصراحة من الحين امهد كل ماطلعت مع زوجي اغلق جهازي واذا سالوا وينج اقول كنت طالعة مع زوجي ومسكرة تلفوني

لاتعلمين امج علشان ماتحاتيتج

ام ريوووف

ماتقصرين على هالافكااار الخطيره

مشكووووره ,,,,مالي قلب لازم اعلم امي

الله يسهل عليج ويسهل ولادتج

الله يسهل عليج
تحملي كلها جم والبيبي بحضنج
لاتخافين تري تسخنين أقري سوره يس وحده بوحده

مساكم الله بالخير او صبحكم الله بالخير حسب توقيتكم ومبارك عليكم باجي الشهر و عيدكم مبارك مقدما

معاكم أختكم مدرسة لغه انجليزيه للمرحله الابتدائيه و صارلي بس سنه وحده من توظفت و حابه اعرف رايكم هل تنصحوني انتقل من المرحله الابتدائيه لي المتوسطه او الثانوي و لا اظل بالابتدائي

تكفون حدددددي محتاره و ودي بأراء الخبره بليييز

وشكرا

من صجكم محد دخل اموت مثلاااااا؟؟؟؟؟

لا حبيبتي لا تموتين شدعوه عليج هههههههه

اختي مدرسة انجلش وحولت من الابتدائي للمتوسط وتقول فرق شاسع جدا جدا وراحه فضيعه
من جد فرق

وعيدج مبارك مقدمااا

انحاشي من الابتدائي
كراف موطبيعي ولايبين في وجه التوجيه

الابتدائي اصعب شيء لانه تاسيس

انا ابلة ابتدائي انجليزي وكاتبة اوراق انقل للمتوسط او الثانوي

بعد قلبي ثانكيو ماقصرتي

بعد قلبي ثانكس

سلام بنات
صراحة أنا ماشووف فرق اذا بتقارنون بين المرحلتين بالشغل!!!

الشغل شغل ….اذا انت شغيله رااح تشتغلين بنفس المستوى …لا تقولون كراف ومدري شنو. عاد انت وضميرج

الفرق الوحيد بين المرحلتين اهو الفئة العمرية للطلبة …يعني معرفتك بأصول التعامل مع الطلبة والي أهي المفتاح. للتدريس الفعال

اذا انت حاسه انج مو مرتاحة حاولي تكتشفين السبب الرئيسي الي مضايقج مو عالطول اي ضيقة او مشكلة
تقولين بتنتقلين … أنا اعتبر هالشي هروب من المشكلة مو حل

وشغلة ثانية سنة مو شي علشان تعرف وتتعود وتنظم شغلها …….

ثانكس عمري كاتي 80 للامانه كلامج صح بس انا قاعده اتعب مو من التدريس من طلبات التوجيه و حنت المشرفه
و شكرا للجميع

اي نعم كراف موطبيعي ولايبين في وجه التوجيه
المسالة مو مسالة ضمير وبس 00 كان انا ماخذة امتياز من زمان
الكلام ان على كثر ماتتعبين ويكون صفج توب 00 يجيج الموجه ويخفس في تقريرج لانج ماعلمتيهم شيء من خارج المنهج
او تجيج رئيسة القسم اطلع من تحت القاع خطا صغير واحيانا مو موجود وتخلي تقرير زيارتج منصب على هالشيء
وكلما ناقشتيهم انج اتبعتي اسلوب معين عشان اتقربين المعلومة للبنات الصغار 00 قالوا لج لأ تكلمي معاهم ستريت بدون تلميحات 00 خلي بنات اولى ابتدائي ينطقون جملة طويلة عريضة بدون مساعده حتى لو بالاشارة
ترى بحصتي ما اتكلم كلمة عربية وحدة وبنات اولى فاهميني ويسوون اللي ابيه

ترى على فكرة قبل كنت انطم واسكت ويعطوني صفوف تاسيس لقوة تدريسي
هالسنة اجبرتهم يغيرون تقارير الزيارات مرتين ووقفت شوكة ابلعوم الموجه
لان ماعاد اتحمل 000 اتعب واخرتها خفس

يكفيني شرف ان الامهات يدعون لي ويعتبرون نفسهم محظوظات اذا صاروا بناتهم عندي وللحين مايبوني انتقل من الابتدائي
بس خلاص تعبت بزيادة لان مهما كان لاعت جبدي من الموجه ورئيسة القسم اللي كل ماناقشتهم بشي قالوا لي احنا نصير دقيقين لاننا انمسكج صفوف تاسيس اولى وثانية

اوووف تعبت وانا اتكلم
عسى يطلع نقلي وارتاح

والله المرحلتين تعب و عوار قلب ..

الابتدائي تاسيس .. و لوية يهال ..

المتوسط .. ضعف تراكمي من الابتدائي !!

الشغل اهوو اهوو و بالمتوسط صار اصعب مع المناهج اليديده !

و اللي طبقوه بالاتدائي .. راح يصعد للمتوسط ..

والتوجيه واحد ..

خل تشوف اهي شنوو تحب .. تتعامل مع الصغار ولا الكبار ؟؟

و الله يوفقها

الله يوفق الجميع و مشكورين قلبي كلكم يسلموووو