الوسم: الخبره

السلام عليكم ينات

ايهما اصعب المدارس الخاصه ولا الحكومه ؟؟

يعنى ممكن يجيب الطالب نسبه اقوى بالخاص ولا الحكومه

…
على حسب المدرسة…
يالحبية..
يعني اعرف ناس مستواهم كان زيرو بالحكومة ويوم راحوا مدارس خاصة بس مستواها ميييح
ارتفع معدلهم…
وناس انظلموا بالخاص ومشوا اوكي بالحكومة..

اعتقد يعتمد على طريقة المدرسة نفسها..

على حسب الطفل وقدراته
وعلى حسب المدرسه ومدرساتها
والاكيد يعتمد ع الدراسه بالبيت وطريقه تدريسه
بس انا افضل الحكومه واذا خاص لاتردين تنقلينه بالحكومه يضيع
عن تجربه
اخوي تلعوز مايعرف عربي وايد اسمع
ان شاء الله البنات يفيدونح

انا اشوف المدارس الخاصه أصعب من الحكومه ……..حتى مناهجها أكثر وكلها من أمريكا أو بريطانيا …وموادها أكثر من مواد الحكومه

انا اعرف وحده كان مستواها جيد جدا خاص يوم راحت الحكومه يايب 95 امتياز حتى أهيه تقول أنا انجليزى الحكومه وايد مستواه سهل.

والله اعلم

من تجربتى و تجارب صديقاتى

الحكومة الطالب ممكن يجيب فيه نسبة اعلى من المدارس الخاصة (اتكلم مقارنة بالمدارس الثنائية اللغة و العربية)

علشان جذيه وايد ناس يدخلون عيالهم الخاص بس بالابتدائي تأسيس …و بعدين ينقلونهم حكومة علشان النسبة (و علشان المادة بعد) ينقلونهم مدرسة حكومية زينة

لكن في نقطة لازم تاخذونها بالاعتبار
ان الأطفال قدرات ….. يوجد اطفال متفوقين سواء حكومة او خاص ….. و في اطفال مستواهم وسط و في ضعاف و هذي حدودهم

و في شغلة مهمة لاحظتها و هذي يمكن محد يدري عنها

توجد مدارس خاصة (عربية !!!!!!) مستواها نفس مستوى مدارس الحكومة و نفس صعوبة الامتحانات و انا شفت امتحاناتهم بنفسي و قارنت بينهم …… و مدرساتهم مايعرفون يشرحون يلوعون الجبد اغلبهم مصريات يهتمون باللي من جنسيتهم فقط …. و هذي مدرسة خاصة ، بصراحة حمدت ربي ان عيالي مدرساتهم كويتيات و ماعندهم هالتفرقة هذي بين الطلبة

حتى اكون منصفة انا لا اتحدث عن المدارس البريطانية او الامريكية ….. لان العربي فيها معروف انه ضعيف و الطالب مايعرف يقرأ الجريدة و ليس بقوة الانجليزي يهتمون بالنجليزي اكثر يعنى لازم تقوينه بالعربي بالعطلة على الأقل علشان يعرف يقرأ القرآن بروحه لما يدخل المتوسط

لكن بشكل عام الخاص اصعب و هذا شي معروف و اللي تدخل عيالها خاص لازم تتابعه على طول

كويتيه صغيره مشكوره

رفع

السلام عليكم ورحمة الله وبركاته
كيفكم ياحلوات
انا ابي اسوي جزئ من مطبخي يعجينه الورق والمطبخ عندي بلاط قياشني
اللي ابيه منكم انكم تفيدوني اذا تصلح اسويها وما تخترب بعد كذا بمعتى انها تطيح من على الجدار واذا اقد انظفها لو مثلا وقع عليها اي قذاره
ياليت اللي عندها خبره في العجينه هذي تعطيني خبر

اسفه ماعندي فكره عن اللي تبينه ..ان شاءالله يفيدونج البنات

اسفه اختي والله ما عرف
بس الي يعرفون ما راح يقصرون ان شاء الله

يعطيكم الف عافيه على المرور وكيفيني وانكم ما ممريتو ولا رديتوا

أتصور تلاقين إللي تبينه في دسمان أو Art & crafts إللي بشويخ بمجمع واره

روحيله وراح يفيدج وايد

ما تقدرين تغساين عجينه الورق الماي يخربها ، ماجربت الصقها على سيراميك بس اعتقد انها ماراح تمسك عليه على اي حال الموضوع بسيط سوي كميه ضغيرة كتجربة ولصقيها على قطعة او قطعتين سيراميك اذا مسكت نطري لما تنشف عدل وحاولي تنظفينها اذا مشى الحال توكلي على الله وسويه الشغل كله

السلام
بنات المشرفه متسلطة علينا تبينا نقدم خبره حره !؟! شنو اكتب بدفتر التحضير !؟

هالشي موجود بروضاتكم ؟!
ولا شسالفه انا توني يديده بهالروضه الكئيبة صارلي جم اسبوع تقريبا .. وأول مره بحياتي اشوف روضة تدرس خبرة البحر كااااااامله وبعد الخبره الحره !! اى شي يا حلات روضتي القديمه بس كلا من الامومة يقطون الواحد بعد العطله ,,رفيجتي صارلها 8 سنين خبره تقول ولا عمرنا درسناها حدنا اول جم يوم من خبره البحر وبس !!
يبون يذبحونا الواحد يدرب ولا يدرس ولا شنو بالضبط ,,
دقيت علا رفيجاتي عبالهم اتغشمر !! وكل وحده خبره مادري جم سنه الللي 15 واللي 10 ,, ولا احد درس بهالفتره
الحين شكتب بدفتر التحضير !؟

الخبره الحره تنقين من وحده من الخبرات الي طافت وتدرسينها

انا صار لى 14 سنة ولامرة درست الخبرة الحرة لان نكون متفرغين للتدريب
مشرفتكم شدعوة هالشدة السنة خلصت

يعني شلون نيرو؟

يعني مثلن تتفقون على اختيار خبرة الحيوانات والنباتات

أنا طبعا عمري ما درست شي بهالخبرة بس تجاوزا خلينا نقول لو ولابد من التدريس أقتلرح تعطونهم بعض الحروف الأبجديه والألوان بالعربيه و الانجليزيه و أسماء الله الحسنى أو حتى تعليم بعض القيم الاجتماعيه مثل الأخوه حق الصاحب أو حتى التقوى و بالنسبه للا صفي خلوها ابتكاريات مثل ان الطفل يحضر صور من بيتهم وعن أي مكان زاره مع أهله على أساس تشجعينه على الطلاقه الكلاميه و مواجهة جمهور هم أصدقائه بالقصل و أيضا ممكن نطلع كل الفصل ليشاهدوا الحديقه في الروضه و كل واحد يعبر عن اللي يشوفه و هني تشجيع الطفل على الكلام و التعبير عن الرأي و توسعة مدارك الخيال و هذي كلها لا صفيات و دروس لا تحتاج الاعداد المسبق لها و لكنها مفيده للطفل

الخبرة الحرة تدرس فيها الخبرات الى مادرست الكورس الاول
بالنسبة لمستوى الاول حيوانات ونباتات واصوات والوان واشكال
المستوى الثانى حيوانات ونباتات والفصول الاربعة
واختيار الخبرة يكون حر للمعلمة او يتم باتفاق المشرفات على خبرة معينة

الخبرة الحرة
والله قبل نسمع فيها ولانشوفها
شفيهم هالسنة
ياحافظ
يعني جاهم التشدد
المفروض يسوون ايام مفتوحة للمعلمات وعيالهم
ويونسونهم

اللهم لا شماتة المديرات فيهم بلى هالسنة ذابحهم النظام
انا شكلي بسحب عالتخرج كله
تعبانة والله ومطلوب منا ندرب ندرب ندرب ندرب الى الموت :/

تعبببببببببببببت وعيالي مادري شفيهم مايعرفون يرقصون !
احس راح اتفشل عالمسرح
يلا كل عام وانتم بخير

انا موكويتيه واتعينت في وزارة التربيه كنت حابه اعرف ايه النظام في الدوره التدريبيه اللي بتتعمل وازاي اتعامل مع البنات
وايه احسن المناطق اللي ممكن اتعين فيها؟بليز ساعدوني انا قلقانه وخايفه من التدريس والتعامل مع الطالبات؟بليز ساعدوني

السلام عليكم

اختي قبلوها تجاري تخصص ادارة مواد واخذت جدول ودكاترتها زينين غير علي الفرس مايمدحونه

بنات عفيه بسالكم
اهي نسبتها 65
وماخذه الحين 14 وحده بجدولها

هل نسبتها تقدر تخليها تحول لتربيه او لا لان تقول اذا ماتحولها لتربيه ماتبي تدش التجاري وتسحب اوراقها وتقدم علي الديوان بشهادة الثانويه
الله يخليكم ساعدوني مستقبل اختي هذا ومهتمه فيها
واذا عندكم وحده بل بي بي او واتساب من بنات الاتحاد تعطيني اياه اسالها ساعدوني باي شيء عفيه بنات

علي احر من الجمررر انطر ردووودكممم

65642554. هذي رقم بنت بالاتحاد ان شااااء الله اتفيدج

55119661 وهذي بنت ثانيه بعد بالاتحااد

أذا نسبتها مو بالسبعين لاتحاول بالتحويل حق التربيه

اللي يقبلونهم بالسبعين وأنتي طالعه

بس اهي اذا ماتبي بالتجاري

خلها تحول دورات خاصه او سكرتاريه او تدخل بالملاحه والاتصالات البنات حيل يمدحونها

والتجاري بعد حلو ليش شنو اللي موعاجبها فيها شحلاته دكاترتها

يمه فديتني

اول رقم ماترد طالعه من الظهر وتقول بتوبك ماقدر ارد علي احد
والثانيه فاصله من تاريخ 30/6
مشكوره انوفتيييي لبي قلبج
عفيه بنات ردو علي

حبي فيه بالتوويتر وااايد ناس بالتطبيقي شباب وبنات والله واللله نصيحه دخلي التويتر واذا تبين مساعده يدزولج ارقاامهم واذا تبين الاحسن رووحي سالي بالتطبيقي نفسه ولاا منت احد

اب

اب

مااااالها دخل النسبه ي قلبي

تجيب معدل 3 نقااط و تحول لفنيه او بدنيه او موسيقى و 3.5 للبآجي الموواد
موفقه

أنا إداره مواد بس ماستلمت الجدول
وتخرجت نسبتي 69 و في قالوا لي مالها شغل النسبه
على حسب النقاط اللي تاخذها فنيه وبدنيه وموسيقا 3 نقاط
باجي التخصصات بالتربيه 3 ومادري جم

بس سألي احد يعرف بهالشي اكيد اضمن
والله يوفقنا ويوفقكم

اب
اب

مشكورات بنات علي الردود بس جنكم مو متأكدين ؟

ماحصلت جوااب اكيد

ي الغاليه

اول نصيحه / لااا تعتمدين على كلام الاتحاد لأن كل وحده تفتي ابكيفهااا

وبالنسبه حق اختج عشان تحول

تااخذ ٣٠ وحده ومااا تعدي ال ٣٠
ضروووووري ٣٠ بالضبط مووو اكثر
ويكون معدلها ماا بين ٣.٠٠ و ٣.٥٠

الـ ٣.٠٠ ادخلها هالتخصصات ( بدنيه – فنيه – موسيقى )
الـ ٣.٥٠ ادخلهاا كل التخصصات

وحتى لوو ياابت ٣.٠٠ وماا تبي تخصصاتها
خل تدخل بدنيه وترفع معدلها بالتربيه وتحول تخصص ثاني

اتمنى اكون فقدتج حبيبتي
واي شي تحتاجينه اناا تحت امرج

فدتج*

مشكووورااا

اي حبوبه تقدر تحول

بس تجيب ٣ نقاط واكثر عشان تقدر تحول

واذا لا سمح الله وماحولت تقدر تحول محاسبه او اداره احسن لها بالوظيفه

ربي يوفقها يارب

مرحبااااا
بنات الله يوفقكم
بغيت شعار خبرة أسرتي وأقاربي وجيراني لمستوي أول
وشعار خبرة الناس يعملون لمستوي ثاني
ضرووووووري بليييييز
لأن علي رسالة ولي الأمر
وشاكرتلكم حبايبي

اهلا و سهلا

الحمد الله احنا الرساله تسويها المشرفه

بس انا مافهت قصدج شنووو ؟؟؟ شنو تقصدين بشعار …

يعني شعار صورة ولا جملة …؟؟؟؟

ياريت توضحين علشان اقدر اساعدج .

ويه الله يتمم عليكم صج أنكم عايشين بنعيم
احنا كل شئ علي راسنا
اللي أقصده بالشعار مثلا هالخبره :انا الأنسان شعارها :اعتمد علي نفسي
عرفتي حبوبه

سوري عالتاخير

بس من ذاك اليوم ماكان يفتح معاي المنتدى

المهم

انا عندي لج شعارين حلوين :::

اذا لين الحين تبينهم

أسرتنا هي مصدر سعادتنا

لخبرة المستوى الاول

ولخبرة المستوى الثاني

هيا للعمل بلا ملل

شلونكم حبايبي انا عندي مشكله اعتبرها لانها تمثل اختلاف بالاطباع بيني وبين خطيبي طبعا اهو باااارد وعصبي داخليا وغيور ومثل ما انتو عارفين الريال الكويتي وحركاته النص كم المهم وانا هاديه وعصبيه بنفس الوقت واللي يزيدني اعصاب بروده يعني اتوقع منه الغير متوقع فاعصب عليه
انه هالريال لما يسوي شي غلط ولا كأنه مسوي شي يعني يكشت فيني ويدق عقب هلا حياتي هلا حبيبتي وانا طبعا اكون محترقه وبتهاوش معاه بس الاقيه شاق الحلج ويسولفولا جنه مسوي سواد وجهه والله ابي اعرف شلون يفكر ماني قادره لدرجة اني اقوله انت بتدخلني مصح نفسي يعني اذا انا سويت غلط عصب وصرخ وحالته حاله لكن لما اهوا يسوي الغلط داايما يصغره ويعتبر نفسه مو مسوي شي ابدا ولا يقولي مثلا انا اسفه حبيبتي كان عندي ظرف او لهيت عنج يعني يقولي ادري مقصر معاج وجذيه لكن لما انا اقوله بطريقه دبلوماسيه انه مقصر معاي واهو طبعه مهمل بارد الشغل يخلصه عقب سنه عادي يعني دايما يسوف الامور وعاد اخذي من وعود بلفور اللي مالها نهاية احلام اليقظه ماشاءالله انا وصلت القمر ورديت من احلامه وكلها ماتحققت لووووول والله ماقدر ازعل منه ذكي مايخليلي مجال ازعل كله يقولي هدي اعصابج الدنيا ماتسوى شفيج علي ويسويني اني انا الغوله المفتريه واهو المظلوم بالله شسوي معاه قولولي اطنشه واعامله مثل مايعاملني؟؟؟ بس يا بنات والله الوحده تحتر يعني لازم تنفس شوي عن غضبها مو معقوله بس بكتم وبسكت وبتقولولي قولي باسلوب حلو قلت باسلوب حلو لكن دخل من هني ويطلع من هناك عااادي وانا بالنهايه اسكت لانه مايعطيني مجال اتهاوش بس اقعد اتحلطم بروحي وتالي اطخ احس اني عيوز مع اني احب الحياة والفرفشه والهدوء وماحب الزعل لكن الله يسامحه عفس مزاجي فوق تحت احس احد مسلطه علي بس والله انه اهو غرييييب شويه عليه يحس بغلطته بس مايبين لج عشان ماتاكلينه بقشوره يمه منهم هالرياييل كل يوم طالعين لنا بفنتق جديد

مادري انا ما اشوفها مشكله ولا شي ..عادي وايد رياييل جذيه ..فيهم برود ..انا ريلي قالب ثلج بكل امور حياته ومليت وانا احاول اعدله لين تعبت ومثل ما قلتي بالنهايه انا اللي نفسي خايسه ومو زينه وما اتحمل ..شنو بتسوين ؟؟ولا شي
ما راح تقدرين تغيرين طبعه ولا تحاولين ..والحل انك تاخذين الامور بهداوه وطوله بال وطنشي ..طنشي على قد ما تقدرين والا بتموتين من القهر وبتييك امراض نفسيه وضغط وقولون ..
والشغل اللي يسويه يسويه واللي ما يسويه بسبب بروده عطيه طاف ..ماكو حل مو سهل تغيرين اطباع الواحد عايش عليها سنيين طويله ..يوبا ارضي باللي عندك ..وان طاعك الزمن والا طيعه ..

صاجه والله حبيتبي الله يهدي بالج ويهديهم لنا يارب على قولتج ان طاعك الزمن مشكوووووووره قلبو

ما شفتي شي كلهم جذي يسوون البلوة ويردون يسولفون ولا جنه في شي يعني هذي طريقة المراضاة عندهم لووووول طاف عادي ياما بتشوفين

اهااااا يعني يدارون على سواد وجييهم انزين وانتو تسولفون عادي معاهم ؟ والا مادين البوز مثل حلاتي عاد انا لو اني اسكت بس لازم مزاح ورمي رماح الطشه بكلمة ابعص فيها مزاجه وتنقلب السالفه علي واهو اللي يزعل لووووووول النصاب

الله يعينج عليه

دانة الدنيا هذا وانم ليما الحين ما تزوجتوا عيل بعد الزواج شلون

نفس حالتج على قولة الهنود سيم سيم احس انه سااحرني بكلامه الحلو

انا اي شىء يقولي كلام حلو بسرعه اطخ حتى لووو كنت معصبه اتهااوش معاه بسرعه اطخ

الله يسخر قلبه لي يارب

الله يسخركم حق بعض

.

قوة ، شلونكم بنآت ؟

بنات انا من خآمس يوم دورة كليت حبوب " المآنع " جينيرا .. و ليلحين مآ وقف الدمـ :/
صآرلي تقريبا 15 يومـ .. و ليلحين نزيف مو طبيعي مو وآيد متوسط
المهمـ ، ريلي رآح الصيدليه الي بالسآلميه مآدري شسمهآ و قاله عن حآلتي ..
عطآه حبوب عشان يوقف الدمـ اسمه " Daflon " و قاله لمآ يوقف الدم ، باليوم الي وراه على طول
خل تاكل حبوب المآنع الي آهوه " Diane 35 " ، و انا الحين خايفه آكله صراحه !
آخآف آحمل أو يصير شي ، لأنه المعروف آنه الـ حبوب المآنع يآكلونه بـ خآمس يوم الدورة
شلون يبيني آكله أول مآ يوقف الدم ؟!

بليز بنآت الي عندهآ خبره أو عندهآ آحد يعرف حق هالسوالف ..
يعني آحد يشتغل بآمراض نسا أو شي خل تسألي و يزآهآ الله آلف خير (=
عطوني رآيكمـ ؟!

سوي فحص حمل لاتكونين حامل قبل اي حبوب انا استمر عندي نزيف مع حبوب المانع

وكنت حامل ديري باااالج

.

لا لا مو حآمل ، لأنه هاذي دورة الآربعين ..
يعني كنت بالنفاس خو مآ صار جمآع كلش لي حد الحين ..
و يتلي دورة الآربعين و ليلحين مستمره 15 يومـ ..

حيآج الله

ماعندي فكره بس اب ~

حبيبتي الافضل تراجعين الدكتور
وماتشوفين شر

عادي كملي حبوبج ..

اكبر غلط انج تقطعين حبوبج الحين .. راح تتلخبط هرموناتج ..

جنيرا حقت الرضاعه صح ؟؟؟

الرضاعه يخليج ما تنظفين على طول دم ..

انا خبله اول ما شفت الدم عيا يوقف وكنت طالعه من الاربعين وقفتهم .. وكنت انطر الدوره تجي ما جت لين حملت بعد شهرين من الاربعين ..

اسألي دكتورتج ..

حبيبتي راجعي دكتورتج ترا وايد أحسن لج

الدكتورة بتفيدج اكثر منا

لحظه حبوب دافلون انا صروفهم لي وانا حامل
كان معاي الم فظيع برجولي
نفس هذووووول
بس نصيحه رووحي الطبيب احسن

ماعندي فكره

انا من رأيي تراجعين دكتورتش اللي ولدتي عندها هي ابخص منا كلنا

انا بعد ماخلصت الاربعين انزلت علي اخت النفاس على طول واقعدت 15 يوم وعادي ليش اتوقفين الدم ؟؟

او استخدمي التحاميل عشان تنظفين بسرعه

بنات الحين انا حامل يصير اشيل بكريم ازالت الشعر مثل نير وفيت وله يضر البيبي الصراحه ماقمت اشوف بليززززززززززززززززززززز فيدووني

ما عندي فكرة بالنسبة للنير استخدمي ماكينة كلش كلش .. انشالله يفيدونج البنات أكثر

مادري والله
شيلي بالموس

اعتقد عادي ما فيه شئ

اذا بالاشهر الاخيرة عادي

بس اذا بالاول سوي بالموس

للرفع

السلام عليكم

لاحبيبتي لاتستعملينا وانتي حامل

الانظف والاطهر الموس
احس من الكريم الكيماويه واللي تضر الببيبي

السلام عليكم ورحمة الله وبركاته ..

بنات قطوتي حآمل وموعد ولادتهآ 10 – 5

واليوم قاعد ينزل منها دم مادري شنو هذا والقطوه مو مبين عليها اي علامه

يعني عادي تاكل وتمشي وتنام ولا كانها حاسه بشي

المهم انا زهبت لها المكان خايفه تولد بس قلبي معورني اخاف اللي فيها اجهاض مو ولاده

ابي احد يعرف يطمني انا حيل محاتيتهآ ..

للآسســف ما اعرف
بـسس ان ششآء الله ما يقصرون وياج الخوات

كم عمرها؟؟
احيانا تصير ان القطوه تولد مبجر بس ماادري عن قطوتج بصراحه يعني هي مو مبين عليها اي شي؟؟
وديها البيطري او راقبيها على ما تودينها

بالسلامة

الله يقومها بالسلامه ماعرف عن الوالدة شيء بس يمكن راح تولد يمكن انتو غلطانيين بالحساب هههههههههه
الله يقومها يالسلامه ولاولدة وريناعيالها عاد هملايا يهبلون ماشاء الله 0

حياتو يمكن الكتنز ميتيت لا قدر الله
احسن شي وديها البيطري

تحاتي

مشكورين عالردود والمساعده حبيباتي
لا للحين ماولدت ..
الظاهر الدم نزل منها عشان متعوره ولا شي
بس الحمدلله وقف الدم والحين كلشي طبيعي وان شاءالله ماكو الا الخير

اذا ولدة وقامت بالسلامه يبيلها حفله ويكون وبوفيه مفتوح على سلامتها بس لا تنسين تعطيني واحد من عيالها