قوه بنات
اول شي صارلي فتره طويله ما نزلت موضوع
واشتقت لكم حيل و لسوالفكم
وطبعا الجمله الي لازم اسدحها بكل موضوع :
مابي هواش و طاخ و طيخ و تشمخ ووحده تكمش شعر الثانيه
المنتدى صاير كله جنجال الله يعين مشرفاتنا الحلوات لووول
المهم
بنات الحين بدش بالموضوع على طول :
منو بنظركم الزوجين الي زواجهم مثالي و شنو الشغلات الي تعلمتيها منهم
وشنو الغلطات الي شفتيها بالازواج و عاهدتي نفسج ما تغلطينها بزواجج
بصراحه انا حبيت اشارككم بجم موقف صار معاي لاني اشوف المعلومات الي عندي قيمه وما حبيت ابخل عليكم فيها << عيديه متاخره
الاول
بنظري في مثاليين حيين لزوجين زواجهم ناجح :
وحده منهم نصحتني هالنصيحه :
ان الوحده تاخذ الي تبيه بذكاء من زوجها
يعني مو بالصراخ مو بالهواش مو بالمكافخ
بس باسلوب حلووو و لطيف
اما المثال الثاني
سبحااااااااااان الله نصحتني بنفسسسسسسسسسس النصيحه :
ان في الزواج شي طبيعي تكون في مشاكل
والاطباع مختلفه بس التفاهم يكون دايما بالهداااااااااوه
بس لابد الوحده تكون صبوره وقالتلي لا تشتكين لامج
واااي نصيحتها من ذهب للحين اذكر كلامها
بصراحه انا اعجب بالنماذج الناجحه و احبها و احاول اقلدها واستفيد من خبراتهم
الحين نيي حق النماذج الي ما انجح بزواجها
و اعتقد انها كثيييييييره لكن انا بكلمكم عن الامثله الي اشوفها من حولي مو القصص الي نسمعها
اول شي
الزوجه الي دايما تهيت برا البيت و تزعل من ريلها شهور على اشياء تافهه طبعا التقصير
مو بس من الزوجه يمكن يكون من الزوج بس لاني اعرف الزوجه فكانت تعترف بغلطتها الي ادت
في النهايه للطلاق الله يعوضها يا رب
المثال الثاني
الزوجه الي كلللللللللللللللللل همها الطبخ و النفخ و العيال و تربيتهم هذا مثال ثاني لزواج فاشل للاسف
بنات انا كلمتكم عن الزوجات مو الازواج
لان علاقتي مع الزوجات فما اقدر اسال الازواج لووول
يعني لحد يقول ترا الغلط مو بس من الزوجه هم من الزوج لان ادري هئ هئ
الحين بعطيكم المايك و قوليلنا شنو استفدتوا من تجارب غيركم سواء الناجحه او الفاشله
تحياتو
اهم شي تعلمته من نفسي مو من الناس …أني حياتي ملكي وانا اللي احكم على الامور مو غيري لان الناس تختلف من كل النواحي نفسيا وماديا وتربيتهم بعد تختلف ..حياتي غير حياتج وانا اقبل بشئ يمكن غيري ما يتحمله …والعكس صحيح …الأهم أني أنا اللي احكم أني استمر وباي اسلوب أنا احب أني أعيش معاه ماتبقى من حياتي