الوسم: الحليب

امهات ابي اسالكم انا توني ادري ان في التموين حليب و سريلاك عفية الي تاخذ كل شهر من التموين يا ريت تفيدني عن الحليب جم علبة و جم سعره و السريلاك بعد و منو احسن التموين و لا الجمعية و شكثر توفرين
و شنو منتجات الاطفال الي تنباع هناك

انا اخذ
السيملايك لج 8 علب ب 6 دنانير
يعني العلبه قراباه 750 فلس لانه مدعوم وبالجمعيه الواحد ب دينارين ونص
والسيريلاك اعتقد ب 500 فلس ولج 2 او 4 مو ذاكره والله
الى ان يصل الطفل الى سنتين ويوقف
والحين انا ولدي وبنتي يتهاوشون نفس الحليب اضطر اشتري من بره
وبشوف احد من جيرانه عنده عمر ولدي اسم الله عليه بشتري منه الحليب ان مايشتريه من التموين

انا اخذ الحليب من التموين نفس الجمعيات
بس ارخص بواجد الحليب 8 حبات ما ادري بجم مو غالي ارخص من الجمعيات

انا اخذ 8 حبات ب 10 ونص

الله يعطيكم العافية
و انشالله من الشهر الياي انا بالتموين

شنو الاغراض اللي تشترونها من التموين عفيه بنات نبيكم تفيدونا

انا كل شهر اخذ من التموين

9 كراتين كي دي كاو حق بنتي

8 حليب بروجرس حق ولدي

واخذ معجون طماط وعدس وعيش وسكر ودياي سادياا وجبن كرافت ماطيلعون اكثر من 50 دينار ,,

اوفر واحسن والعيش ماشاء الله يكفينا 3 اشهر

روحي احسن لج من الجمعيه ,,

عاد اتمنى يحطون بعد البامبرز لوول

8قواطي حليب سيميلاك يطلع علينا ب6 دنانير
بس السيريلاك مااخذه من التمويل اخذ لي من الجمعيه قوطين يكفون مده طويله لان باليوم انوع له مابين بسكوت وسيريلاك وفواكه مهروسه وكورن فلكس

بتبوتا ياريت البامبرز ونرتاح

اخذ 8 قواطي حليب سريلاك
واما السميلاك ما اخذه من عندهم
بنتي تحب اللي بالتمر وموجود بس بالجمعية
وانا مع بتبوتا ياريت يحطون البامبرز بعد لووووول

اي لووووووووووول جان زييين

انا كل عيالي من التموين اسعارهم موغالي عمرولدي الحين 5شهوريعطونج 8قواط حليب سوين كان سيميلاك او 26 وحتي سيريالك يعني 8قواط 6دنانير كويتي وحليب 26 بسعره 10 دنانير كويتي

بنات السيريلاك من اي شهر يصرفونه

انزين صبايا بغيت اسال حليب ابتاميل كومفرت موجود بالتمويين؟؟؟؟؟

يعطيييكم العافييه

لا حبيبتي حليب ابتاميل مو موجود بالتموين

السلام عليكم بنات … انا لي 3 اسابيع والده و كنت ارضع طبيعي و فجأه قل الحبيب … تقريبا اختفى
و ما ادري ليش و اكلي نفسه ما قل … و اكل رهش .. و على طول اشرب حليب و عصاير و اخذ حبوب فيتولايت ( حبوب حلبه تزيد الرضاعه ) فبليز ابي تجربتكم اذا تعرفون شي يزيد الحليب او شي ينقص الحليب خل اوخر عنه …
اذا مجربين اي شي قولولي عنه بليز لان بنتي رافضه الصناعي

اشدعوه وينكم بنات

اشربي الحلبه واكلي طحينه ورهش..ان شاء الله يزيد..

شربي كراويه واكلي تمر و فاكهة وخضروات وااااايد وكثري من الجزر
وخري عن المرميه تقطع الحليب

صح الميراميه تقطع الحليب
اكو بالحواي زيت الحلبه …هذي تاخذين منها قفشه على الريج …
وبقول لج على سر .. خالتي ولدت باميركا ورفيجتها امريكيه قالت لها احنا الاجانب وايد نعتمد على التونه عشان يدر الحليب….
وكثري من البقدونس
وحاولي وانتي ترضعين تحطين ايدج على صدرج واقري قران وانتي تمسحين على صدرج وكثري من سورة يس …

الحبوووب اللي تاخذينهم زينيين

المفروووض يدر الحلييب ؟؟

اكلي خضرا

وهم شربي حلبه وحطي معاها نعناعه عشان ريحتها

تذكرت شي اكلي سمسم ني وهم المكسرات يدرون الحليب

انا الي اعرفه الرهش و السمسميه تزيد الرضاعه

انا يدتي دايما تقول اكلوا خضرا وتمر وسمج يدر الحليب

حتى الكاكاو

عروس انا الي اعرفه اكلي رهش وتمر ومكسرات وفي هذا شي مال المصاروه اسمه مقات تسوينه مثل الحلوى كله مكسرات وجوز هند بس يمتن الله يعينج

البقدوووووووس ممتاز للحليب .. سوي تبوله ..

حبيبتي عروووووووس … الله يخلي بنتج ويهديهااا
اكلي تمر وكاكاوو وشربي سواااااائل وااايد والسمج بعد ..وانشاء الله ارد حليبج

مشكوريييييييين حبايبي … انشالله باكل كل الي قلتوا عنه …

حبيبتي انا نفس حالتج كنت

والحين بجرب اللي قالوا عنه البنات وانشالله هالمرة ارضع عدل

وانتي قولي لنا عن تجربتج مع هالشغلات

انا اللي اعرفه ان البقدونس والكراويه حيل زينه للحليب
عكس الميراميه ابعدي عنخها
وكثري ماي وخضار

حبيبتي كويتيات انا يعورني صدري بس انا دائم وقت الدورة يعورني قبلها باسبوع وبعدين تنزل والحين لي حوالي 3 اسابيع الا اسبوعين يعورني ولا نزلت الدورة مع العلم انها كان تنزل علي 23-5 يعني متاخرة علي وحللت تحليل منزلي اليوم وماطلع حمل وش اسوي احد يعرف يااااااااااااااارب ترزقني بالذرية الصالحة وتزقك وجميع المسلمات وانا لي سنتين متزوجة ماحملت الشهر الي طاف بوقت الدورة حللت جميع الهرمونات كان قبلها هرمون الحليب مرتفع واخذت عشبة وكانت جميع النتائج سليمة واللحين انطر ربي يرزقني يااااااااااارب ادعولي
ابي مشورتكم لي الله يعافيكم الي قد صار لها نفسي تقول لي

الله يرزقج ويرزقنا الذريه الصالحه بأذن الله

الله كريم وين ردودكم ع الاقل دعوة ع الطاير ربي مجيب الدعاءومشكورة اختي ع المرور

حبيبتي الله يرزقج بالذرية الصالحه و يقر عينج فيهم

حاليا الهرمون يكون بمثابة مانع طبيعي

الافضل تروحين لدكتورة تووصف لج حبوب تنزل الهرمون

وبمجرد ما يعتدل راح تحملين باذن الله – غالبا ما يطول يعني خلال شهر يتضبط

انا قبل سنة يمكن رحت سويت تحليل الحليب وطلع مرتفع وعطاني الدكتور حبوب اسمها

progyluton وهي تنظلم كل هرمونات الجسم تقريبا والحمدلله من شهر او اقل بعد سويت تحليل للحليب وطلع مضبوط

وفعلا ارتفاع هرمون الحليب يمنع الحمل

وليش تاخذين عشبه ومادري شنو اخذس شي مضمون

وبعدين تحليل الحمل المنزلي يخوّن مرات روحي سوي تحليل دم احسن لج

وانا من قبل 11 شهر يمكن كل ما احلل ما يطلع لي شي حتى الدم وما بين الا بالهرموني

بس للاسف طلع خارج الرحم

والحمدلله على كل حال

يارب يرزقني ويرزقج روحي سوي تحليل وبشرينا

اي هرمون الحمل اذا ارتفع يمنع الحمل لو كان مرتفع درجه وحده واخذي حبوب وانشالله تحملين بعدها

في ناس يقعدون يطولون مايحلمون اخر شي يطلع هرمون الحليب مرتفع

ان شالله كل خير الله يرزقج ويرزق كل من تتمناه امين

لازم تعالجين هرمون الحليب لأن يمنع الحمل مثل ما صار معاي

الله يوفقكم على ردودكم طيبتو خاطري وحطيتو عندي امل الله يرزقني ويرزقكم ان شاء الله بالذرية الصالحة
يااااااااااارب يطلع معي حمل انك مجيب الدعاء

عسى الله يرزقج

قوة بنات
صارلي اسبوعين من خذيت علاج ارتفاع البرولاكتين
واللي صرفته لي الدكتورة وهي حبة مرتين بالاسبوع
بس من خذيته حايشني صداع فضيع وشي يضغط على راسي ورقبتي وترجيع وحالة احباط فضيعة ومالي رغبة بالمعشرة الزوجية
بنات منو اللي عالجت وصار فيها هالاعراض فيدوني الله يخليكم

صراحه ماعندي فكره بس يمكن هذه من اعراض الدوا جم يوم ويتعود عليها جسمج وروح العوار ان شاء الله

وان شاء الله البنات يفيدونج اكثر

ودي افيدج بس ما عندي فكره عن علاج هرمون الحليب واعراضه

سأـلي دكتورتج او اي صيدلي شنو مضاعفات هالدوا؟؟؟

عشان تعرفين اذا اللي تحسين فيه بسبب الدوا او لأ

ما تشوفين شرررررررررررر

انا اخذت نفس الدوا بس ماصار معاي جذيه

استشيري طبيبج

انا خذيه بس الصراحه ماذكر
بس انتي سألي الدكتوره
والله يشفيج ياارب

لما خذيته اول مره صار فيني تقريبا جذيه
بس بعدين تعودت عليه وصار ماله اعراض تقريبا

اختي جربي تسوين حجامه وتشربين المرقدوش
انا مجربته وماشاء الله راح صار طبيعي بدون دوا

شسم الحبوب؟ دوستنكس؟
الصداع صج بس الترجيع ما ادرى احسن تراجعين الطبيب عالاقل حبه بالاسبوع كافى ليش حبتين؟ لان هالدوا قوى ومافى غيره لهالمشكله!!!!!!!

والله حبيبتي ما عندي فكرة بهالموضوع احسن لج تراجعين دكتورتج وتشوفين اذا الاعراض طبيعية ولا لأط

والله يسهل امورج يارب ياكريم

السلام عليكم

بنات حبيت اسالكم عن حبوب لتجفيف حليب الصدر
الله يعافيكم اللي عندها خبرة أو كانت تستخدمها تكتب اسمها
ومشكورين

حبوب دوستنكس معروفه وااااااايد وواااااااايد زينه ..
واستخدمتها بعد ..

حبيبتى ترى الحبوب مقطوعة من السوق دقيت على كل الصيدليات ماحصلتها الا بصيدلية الاندلس بمنطقة الاندلس

بنات عند ولد اختي عمره 7 شهور الله يحفه بس صاير كلش مايشرب الحليب ولا يبي اكل كله صاك حلجه وان اكل شي يرجعه المهم قالولها حطي بالحليب ماء الزهر عشان يتغير طعمه وفعلا الحمدالله قام يشرب

السؤال؟؟ ماء الزهر في ضرر والا عادي؟؟

ماي الزهر مثل ماي الورد ويقولون زين حق بطن الياهل بس كثرته مادري جنه راح يتعود علي طعم معين ختحاول تغيرله الحليب تاخذله بروميل طعمه فانيلا يحبونه اليهال احسن

توها مغيره الحليب عطته سميلاك قبل كان نان واهو ضعيف صاير ما يحب ياكل ولايشرب رضعته

ابي اعرف اذا استمرت على ماي الزهر يضره والا عادي

السلام عليكم
كيفكم خواتي
حبيت اسالكم
عن حبوب الدوستنكس لارتفاع هرمون الحليب
اول شي
1 هل ارتفاع هرمون الحليب يكثر الشعر بالجسم
2 اذا استخدمت الحبوب تسمن لان انا خلقه متينه
3 سمعت انها مضره فاللي تعرف عنها شيء تقولي
علما هرمون الحليب عندي 44

ااااب ما عندي اي فكرة

اااااااااااااب

هرمون الذكورة يزيد الشعر بالجسم لو حسيتي ان المنطقة الحساسه شعرها واايد
و تحسين طالعلج زلف او في شعر أكثر من قبل يعني هرمون الذكورة
انا قبل ويهي مافيه شعر كلللللللللللللش بس طلعتلي جم شعره و تخربطت دورتي
لحقت على عمري بسرعه
و من علامات تساقط الشعر .. واللي للحين اعاني منه

اما الحليب احيانا يخربط الدورة بس وقت الدورة صدرج شوي يعورج
و ممكن يأخر الحمل

استغفر الله

حبيبتي حبوب الدوستنكس ممتااااازه وأحسن علاج لحد الحين لهرمون الحليب، توكلي على الله وأخذي الحبوب وربي يشافيج ويشافي كل مريض ان شالله

سوي حجامه والله يشفيج
الحجامه تنظم الهرمونات بشكل كبير من تجربتي

حياتي راسليني وتس اب علشان افهم شنو المشكله ويمكن اساعدج باعشاب تعالج او تخفف المشكله

انا استخدمت الحبوب هالشهر
بس شكو تسمن ؟؟ اهما بس حبتين صغار تكسرينهم بالنص وكل 5 ايام تاكلين نص

حبيبتي اشربي مرقدوش وشاي اخضر وميرامية عاد كل يوم اشربي نوع
راح تظبط الهرمون وتنشف الحليب واكلي الحبتين اللي قلتيهم راح ينشفون الحليب
ولا تسمن ولا شي بس قوية تدوخ شوي

ايه حبايبي بس سمعت انها تسمن والله
وانا خايفه
ومين استعملتها وحملت بعد الله طمنوني بليييييز

لا تسمن ولا شي انا خذيتها وممتازه بشهر نزل هرمون عندي نص حبه كل اسبوع لمده شهر

مشكووورين

عادي حبيبتي ماتسمن ابد ولاهي خطره ولاشي
وصح هرمون الحليب يزيد الشعر خاصة بالحنج والرقبه
انا داايما يرتفع معاي حييييل توصل نسبته بالااااف بس الحمد لله بفضل الله ثم هالحبوب هذا ثالث حمال لي يارب اولد بالسلامه باجر دخولي ادعيلي
بس توكلي علي الله واستخيري واكليهم و ماعليج الا العافيه انا قبل كل حمال لازم اكلهم هرمون الحليب امره بسيط باذن الله
والله يرزقج بالذريه الصااالحه عاجلا غير اجلا يارب

السلام عليكم

انا ستخدم حق ولدي سيميلاك عشان المستشفى عطوني اياه بس ما اردري اشوفه وايد غازات واحس انه ما ارتاحله خصوصا بعد ما اعطيه يرجع نصه ويصارخ احس من بطنه والعوار شرايكم اغير الحليب ولا اتم عليه باي حاله انتو تغيرون الحليب انا ما ابي العب فيه كل يوم حليب ؟؟؟ فشنو الحل اكمل عليه؟ ولا شلون
وشنو الانواع الخفيفه اللي جربتوها؟

السلام عليكم حبيبتي و كل رمضان و انتم بخير ان شاء الله

شوفو حبيبتي من خلال تجربتي المريرة مع الحليب و معاناتي مع بنتي عمرها سنة و شهرين ( ما بتشرب الحليب ابدا من لما كان عمرها 4 او 5 شهور بس باخلطه مع الاكل وجبة واحدة باليوم ) من رأيي انه افضل حليب للطفل هو السيميلاك بس بعد ال 4 شهور

البيبي من عمر يوم حتى بداية 4 أشهر ( أول ما يخلص 3 شهور ) ==>> حليب ابتاميل كومفورت او ابتاميل العادي
من 4 أشهر حتى 6 اشهر ==>> سيميلاك 1
من 6 أشهر حتى عمر السنة ==>> سيميلاك2
من عمر السنة ==> نيدو 1 او سيميلاك 3

والله أعلم هاي تجربتي مع الحليب
الله يخليلك طفلك يارب و يطمنك عليه

انا بنتي ماناسبها السيميلاك
فترة كئيبة من عمري كانت بسبتها
غيرته لنان
وكان اوكي والحمدلله
ولا تتخوفين من تغيير الحليب
انا كنت مثلج وبعدين اكتشفت ماعندي سالفة
الوحدة تجرب ليما توصل للحليب المناسب

انصحج بحليب نان وايد خفيف على معده الطفل و ما يسبب غازات انا جربته لعيالى الثلاثة وايد ارتاحو له

انا عيالي استخدم لهم اس 26 والحمدلله ماشين عليه

ويمدحون نان حيل حق نفس حالات ولدك الي يرجعون لانه خفيف

نفس حالتي اول ماولدت..
سيملاك …
غازات وصراخ الياهل امبيه كنت ابجي..
لما طحت عالحل..
واللي هو..
ميخالف نفس الدعايات هاهاهاهاها..
اس26 بروجرس المرحلة الاولي ..
وبالليل اشرب ولدي نعناع علشان الغازات ..
طالما يشرب حليب صناعي لازم تحطين له نعناع علشان يشيل الغازات يوميا بالليل طعمة احلى من الكمون ..
واحلى من ماي غريب

اشلون اشربه النعناع؟عطينا الطريقة بالضبط
جزاج الله خير

بنات بغيت مساعدتكم انا عندي هرمون الحليب مرتفع واصل 700 وشي .. شنو تنصحوني فيه شنو اسوي اي دكتوره اروح لها متخصصه بالأمور ومنو صار لها جذي ونزل عندها .. والي تعرف اي معلومات عن هرمون الحليب عفيه تقولي … طالبتكم لا تردوني

هلا حبيبتي
والله انا نفسج وما ادري اي دكتور اروح
انشالله نستفيد من البنات

أنا كان فيني هرمون الحليب بعد زواجي بس مايمنع الحمل وعطاني الدكتور حبوب والحمدالله حملت
على حسب نسبة فيج يمنع الحمل أو لاْ
أنصحكم لوجه الله روحو للدكتور محمد كامل الدسوقي
في بوشهري كلينك رقم العيادة885544
عسى الله يشافيكم

انا عندي هرمون مرتفع
بس ما ادري شنو صيغة هرمون الحليب الطبي
عندج اختي بالتحليل و جم الطبيعي علشان احكم اذا مرتفع و لا لا ؟

هرمون الحليب اللي اهو البرولاكتين واذا نسبته مرتفعه يعطونج حبوب تنشفه اما احسن دكتوره بالنسبه لي ماجده اليتامى وخالده المجيبل . اما النسبه الطبيعيه جم ماعندي اي فكره.

حبيبتي ماتشوفين شر وبالنسبه للهرمون بقولج سالفتي بالضبط وادعيلي ان الله يتمم علي حملي ..
يتني الدوره شهر 3 وثاني يوم رحت لدكتوره عشان تسويلي تحليل لاني كنت مفكره احمل بهالشهر واخاف ان تكون عندي مشاكل ولله الحمد انا ماعندي مشاكل بالحمل والا بالهرمون بس لما اطلعت نتيجة التحليل طلع هرمون الحليب عندي مرتفع 845 تضايقت لان راح يمنع الحمل وخاصه ان الدكتوره محددتلي الجماع بعد اسبوعين من الدوره وصفتلي حبوب دوستنكس واخذتها 3 مرات نص حبه قبل الجماع ودقيت على خبيرتنا بالاعشاب ام خالد وقلتلها ان عندي الهرمون مرتفع ووصفتلي عسل من الجمعيه عسل المعجزه على ماظن ورحت واخذته كنت اكله مرتين باليوم وكنت اشرب مرقدوش لان قالولي ينزل الهرمون وكنت استغفر بنية ان الله ينزل هرمون الحليب ونسيت فكرة الحمل من بالي ولله الحمد بعد مايت موعد الدوره حللت وطلعت حامل .. عفيه حبيبتي ادعي بأن اللي بطني يكون صج ولد وان الله يتمم علي واي استفسار ياعمري انا حاضر ع الخاص ..

ماعندي فكره عنه بس الي اعرفه مايمنع الحمل بس ياخره واذا عالجتيييييييه تحملين عادي باذن الله

الله يرزقج يارب ويرزق كل منتظر

مشكورين كل الي ردوا علي

الحور الله يتمم عليج انشالله ويرزقج بالولد الصالح بس العسل الي انتي خذيته اهو الي ينزل الهرمون لانه انا خذيت دوا مال الهرمون وماطالح علي يعني كل جبدي لايعه وبطني يعورني منه ويصير فيني هبوط واخاف بعد اخذ ادويه والله محتاره وضايق خلقي ..

دز لطيفه الدويسان اتييييييييييييييييينن هالانسانه صج اني احتجت اراجع عندها بس مره وحده بس والله اني حبيتها من يومها

حبيبتي والله على كلام الخبيره انه ينزل والاحسن تكلمينها .. انا اقولج روحي لدكتورتج هم احسن ..

اعتقد النسبة الطبيعية للبرولاكتين هي اقل من 200
وانا كان الهرمون واصل عندي 3000..ادري بتطقون على روسكم
فراجعت ا لدكتورة ونزلته لي لغاية 100 وكانت بتبلش معاي تلقيح صناعي بس للاسف طلع معاي فشل كلوي
وتأجل كل شي حتى اشعار اخر
الحمدلله على كل حال

عليج بالمرميه تراها وحده بوحده

لهرمون الحليب وادعي لي

بنات صارلي شهر من ولدت … وكون نفسيتي تعبانة من النفاس مارضعت عدل.. والحين نشفت الا شوي..

ابي شنو الاكل اللي يدر الحليب

الرهش

الحلبه

عليج بالسواااااااااااااااااااائل

الحلبه ، الرهش ، السمسميه ،، اي اكله فيها طحينه ، تمر

مشكووووووووووووووووووووورين استفدت منكم صراحتن :d
لأني نفس حالتج يا نورهان!!!
بس انا كله من بنتي ماقامت تبي تشرب مني فا احس بس خلاص راح ينشف
مادري شسويلها عشان ترضع مني!!

وانا بعد واااااي احنا بنات هالوقت مو مثل امهاتنا ياربي في حريم يطشر الحليب منهم وفي مثلنا نعصر ساعة يالا يقطر شوي

انا تعبتني هالسالفة بكل بناتي الصراحة مع ان ودي ارضع

عموما اللي شفت له نتيجة اهو الرهش والسمسم والحلبة والسوائل خاصة ليتر حليب يوميا

وعندج حبوب بدار الشفا مكمل غذائي اسمه fitolat اخذي 3 حبات باليوم قبل كل وجبة وحدة

اهو طبيعي ويعتمد ع الحلبة في تكوينه

واخذي حبوب materna اهي عبارة عن فيتامينات وعندج كالسيوم بعد لكن اخذيهم كل وحدة بروحها مو مع بعض

الهرده تدر الحليب حيييل

المكسراات تزيد الحليب

حبيبتي انا نفسج في اخر ولادة بنتي ما تبي ترضع قالت لي امي الله يسلمها يشفطي الحليب بالمكينة وعطيها اياه بالممية وفعلا انفعت هالطريقة منها الحليب ما ينشف ومنها ايها تستفيد من الحليب الطبيعي

ومن الاشياء الي تساعد على ادرار الحليب

# الخضروات الورقية مثل الجرجير والبقل والرويد

# الحليب الطازج

#الخوخ جدا مفيد وعن تجربه

#التمر ويفضل الرطب

كثر ما تقدرين شربى حليب

عصير جوافه فريش او كي دي دي و ادعيلي

الحليب خالي الدســـم

اى شى يزيد الدم فى الجسم ,,,, يزود الحليب ..لان الحليب أصله دم متحول سبحان الله ….

خضروات ورقية – ستيكات- عصير برتقال …رهش- سمسمة …وأهم شى جيكى نسبة دمج
شى هام بعد ..الراحة الجسدية و روقان البال ..عشان دمج يركد ..

ثانكيو بنات على المعلومات انا ولادتي هذا الشهر ان شاااء الله يدر الحليب واستفيييد من نصايحكم

شكرا
شكرا

والله أذكر أمي ايام اخوي الصغير كانت تشرب وايد حليب و جوز هند …

مدحولها وايد جوز الهند .. بس مادري صراحة .. على قولة أمي تقول ..

احنا طول عمرنا ناكل خرابيط .. و لما نولد نبي نرضع عدل ؟؟؟؟؟

السالفة مو سالفة شنو شي يزيد الحليب .. السالفة ان اجسام الحريم هالايام صارت ولا شي .. تفخ عالفاضي صحة ماكو ..

ادعي الله و مثل ما قلتلج و قالو الخوات .. كثري من الحليب .. لازم مو أقل من 3 قلاصات حليب باليوم اذا تبين ترضعين ..

و سوااااااااااااائل كثر ما تقدرين .. ماي عصير كل شي .. بس وخري عن البيبسي و المشروبات السكرية وايد