|
|
بنات بختصر وايد من قصتي مع ريلي وشورو علي
تزوجت من تقريبا سنه ونص من واحد احبه ويحبني ريلي اصغر مني بخمس سنين والله رزقنا ببنتوته ماشالله احلى من القمر عمرها سبع شهور الحين
المهم أنا قبل لا اتزوج زوجي يدري اني رباديه والله ماكنت ارتب سريري حتى من صغري متعوده عالخدم اللي علي اتسبح واتعدل واطلع من البيت
من تزوجت ماعندنا خدامه وانا رضيت قلت عاد يحني وبشيلني واشيله لين ما الله يوسعها علينا ونطلع في بيت كبير لان احنا بشقه صغيره الحين
المهم والله ايام الحمل كنت اطبخ وانفخ امسخ اكوي بنات والله اتعب تعب مب طبيعي وكله عشان راحته مالت علي
بالنفاس تنفست بشقتي كانت امي فديتها تزورني كل يوم لين ما اشتد عودي وقدرت اسوي كل شي بروحي
مرت الايام والشغل يتراكم بدا وانا مب قادره اوفق ين شغل البيت والياهل واسوي اللي اقدر عليه والله تعب الياهل صياح ورقاد متخربط وسهر انا ضحيت بدوامي خربت الدنيا عشان اخذ شغل بسيط وهو يجابل بنته لين ما ارجع لها
اليوم كان يتغزل فيني وفديتج و من هالكلام طبعا بالابلاك بيري واتصل لي شتبين اجيب عشا وعادي لين ما دور على شغله ومالقاها فقلت انا اعتقد انها في مكان قال انتي مهمله شدعوه ما تدرين عن بيتج انتي حتى المطبخ ما تدرين عنه قلت له انا من بيت ابوي وانا جذيه خداماتي يسوون كل شي مااعرف يقول لي بنكمل سنتين وللحين ما تعرفين قلت له انا طلعت من بيت هلي وانا كبيره مب صغيره عشان اتعلم في بيتك
قال كلامج كلام يهالوه قلت له هاي الصج
طلع اللي في قلبك قول قول قال قلت لج انتي مهمله قلت له الياهل بروحها يبي لها مجابل قال لي انا بعد اجابلها
بنات قمت رحت اكوي له ملابس حق شغله على قولته بدلته خاست عليه وانا ماادري عنه
قعدت اصيح واكوي دخل علي قال لا تكوينها ما بلبسها باجر قلت له عادي انا ماعندي شغل خل اتسلى
ماادري شفيني والله مب متصوزه انه يعايرني بدال ما يساعدني ويخفف عني
لا واقول له تعايرني ؟ يقول ايه اعايرج اذا مب عاجبج
تعبانه نفسيتي رقد وانا نويت باجر اطلع العصر قبل لا يرجع من دوامه لاني ماابي اشوفه ولاابيه يشوف بنته بعد كلامه ذبحني بنات قولو لي شاسوي
رتبي وقتج حبيبتي
ادري صعبه عليج
كلنا ببيوت اهلنا طلباتنا اوامر
بس خلاص تغيرنا
الزواج مسئوليه
رتبي وقتج سوي جدول لشغل البيت
ويوم بالاسبوع استعيني بخدامه من بيت اهلج بشرط وقت مو موجود ريلج
تنظف كل شي من قلب
والله يوفقج
ع شنو تطلعين من البيت،،،؟
حبيبتي شووفي يا. إنج تجيبين لج خدامه او تنسقين وقتج
الريال شكله مل ،، انتي اللي عليج سويييه وان شاءالله بتتصلح امووركم
انا كنت اقعد من النوم وادق تليفون على امي واقولهم صعدو لي غدا حتى مالي خلق انزل واقول ابي غدا من الكسل والرباده بس شوفيزالحين اطبخ وانفخ واكوي والله يعين وكل هالامور تمشي بالتنظيم نظمي وقتج وراح تحصلين وقت فراغ طووووووووويل
وييبي خدامه اتساعدج بشغل البيت
*
بعدج ماشفتي شي!!
—————–
انتي عندج بيبي واحد بس
انا كان عندي 3 صغار
يعني لو تصيرين نحله بالبيت مايترتب
بس هم احاول ارتب المكان اللي بيقعد فيه
اييب خدامه نص دوام
————–
حبيبتي انسي شنو كنتي في بيت اهلج
وعيشي حياتج ابييتج ومملكتج
وربي بعينج ووفقج
ياختي انتي توك في بدايه حياتك لا زم تتحملين ولاتهدمين بيتك بيدك وبكرى تندمين وتقولين ياليت وياليت
او طلعت وماقدر اتحمل وابي ارجع له ومدري ايش ..
حاولي تنظمين وقتك وتنظفين مكانك وتشوفين امور زوجك ..
يمكن لانك مخدومه من قبل فا تشوفين هالشي صعب عليك .. بس حاولي .. عشان بيتك وزوجك وبنتك وعشان حياتك تستمر
والله يوفقك ويعينك ويسهل امورك ..
حاولي تنظمين وقتك
واهتمي في بيتك مايصير تهملين
وتقولين مابي اشوف زوجي لأنه يعايرني
الرجال ماقال شي يوم حس إنك مهمله تكلم
الله يهديكِ يارب
الله يسخره لك يارب
للدرجة هذى.
كل شي ولا تعبين روحج ولا تكرفينها والله انا ضد انه الوحده تنكرف في بيت ريلها بغض النضر عن وجه نضر باقي العضوات ..
في بيوت ابهاتنا خدم وحشم ودريوليه وطبابيخ و عند الريل احنا سوبر ومن نسوي كل شي خير ان شاء الله ..
لا يختج خلج جيده الريال اهو الي ينفع .. اشتغلي ويبي لج خدامه تشل عنج كل هالكراف .. واستمتعي بالحياه .. شاله حادج !!
.gif "Eh S(2)")
((((( 
