الوسم: الحفاظة

بنات انتبهوا من حفاظة بامبرز اليديدة لونها برتقالي وتلاقونها حيل خفيفة وداخلها حبيبات وايد , رحت ذاك اليوم الجمعية اشتري لولدي حفاظات بامبرز العادية ولقيت مندوبتهم واقفة عند الرف وتمدح باليديدة وتحن ليما اخذتها اجربها والله بنات من يومها ولدي جسمه من تحت كله حبوب وقشور واحمرار اول مرة اشوفة بحياتي بجسم ياهل ومو قادر ينام , وديته الطبيب وعطاني مراهم وادوية حقة ونصحني اغير

تكملة الموضوع حسبي الله علي هالشركات ومندوبينهم اللي مسطرين بالجمعيات بس يجذبون ويمدحون ويحنون ليما تشترين واخرتها احنا وعيالنا اللي ناكلها …ديروا بالكم بنات عيالنا امانة مو حقول تجارب لهم يشوفون ايهم الاحسن عشان يعممونة ويشيلون الثاني……… عسا الله يحفظ عيالنا ويحميهم لنا

مشكوره حبوبه على التنبيه ..

تســلمين يالغـاليه

والله انج صاجه انا صارت معاااي في بنتي الصغيره طلعتلهاا حبووب اول مره اشوفهاا بطفل والله من كثرهم ألتهبوا عليهاا وينزل دم من كثر التقرحات الي صارت فيهااا ووديتهاا اكثر من مستشفى خااااص وحكوووومه واخر شي وديتهاا عند دكتور صالح الجريوي حيييل زين ونفع مع بنتي الله يعطيه العافيه وهم قالي غيري نوع الحفاضه ومن غيرتهااا ومع علاجه الحمد لله اختفت الحساسيه والتقرحاات ولله الحمد.

حلفت اني ما اشتري منتجاتهم موليه اي كانت

أحلى حفاضات جربتها لعيالي دارلينغز وبس

يعطيج العافيه

انا استخدم بامبرز بس العادي مافيه حبوب ولا شي

ليبيرو او بس

8
8
8
وانا بعد استخدم ليبيرو حيل حلوين

ماستخدمه
مشكوره

مشكورة علىتنبيه … و ما يشوف شر ولدج

انا لو شنو ما اعطيهم ويه هذوله اللي بالجمعيااات ..

عن نفسي لا بامبرز ولا ليبروو ولا غيره الصراحه احلى شي وطاح على بناتي الثنتين اسم الله عليهم

بامبي وفيلفت روووعه لا يعبر ولا ينصلخ منها ..

انا استخدم حق ولدي بامبرز العادي الازرق الحمدالله طايح عليه من اول مانولد

الله يجزاج خير عاد تصدقين كنت ناويه اشتريها حق بنتي بس زين حذرتينا هذا العشم فبنات كويتيات

الله يحفظ ولدج لج
وانا من ولدت بنتي للحين على ليبيرو صج اهو الي ارتحت له حلو ولا يسرب ولا شي

امبيه ولدي عمره 3 سنوات و 3 شهور
مو راضي يقط الحفاظة
من ادخله الحمام يصارح ويقولي طلعي بره
اقعد معاه مدة بس البسه الحفاظة ويطلع من الحمام شوي وانتوا الكرامة الا مسويها
أريييييد حلاً
السنة الياية هو روضة

الله يعينج السالفه يبيلها صبر

نصيحه لاطاوعينه بلبس الحفاااضه

عادي خليه يصرخ و يبجي و كل شي بس لا طاوعينه
بلبس الحفاظه انا متبعه هالطريقه مع ولدي
و مراات اعاقبه واقعد معاااه
و اشوفه صار احسن من اول
الحين كل ما اخزه يفهمها و يروح قبلي ههههههه

واااااااااااي نفس بنتي عمرها سنتين ونص موراضيه تقط الحفاضه تعاند تبي تقلد اخوها الصغير

حبيبتي استخدمي الثواب والعقاب في تعليمه يعني لما يروح الحمام بدون الحفاضه ويقضي حاجته كافئيه واذا عاند عاقبيه بس بدون طق أحرميه من شي يحبه

ا

والله صج الثواب والعقاب اييب نتيجه أمي مع
ولد أخوي جذي سوت

مرحبا …

انا ولدي اسم الله عليه عمره الحين سنتين و شهر بس بعرف متى يقط الحفاظة الياهل عادتا و شنو الطرق اللي تعلم الياهل هلشي لاني وايد متازمه احس ولدي يفهم بس مو عارف يقول بروح الحمام بليز اللي عندها خبره بهلسوالف تفيدما و يجزاها الله الف خير …..

من عمر سنتين تبدين تعلمينه على الحمام والحمد لله الحين صيف يصير التعليم اسهل لان في البرد
صعب غلى الجاهل انه يمسك نفسه
اول شى تعلمينه على الثانيه العوده فاهمتني اول ما تحسين انه يبى يتعصر شليه وقوليله حمام حمام بصوت
علشان تلفتين انتباه طبعا اشتريله نونيه حق الحمام
مره على مره راح يتعلم
اهم شي التشجيع لا تهاوشينه
اما الثانيه يتعلمها بعد الاولى
انتبهي بعد ما يشرب بوقت انه تاخذينه الحمام خليه يقعد ياخذ وقت شوي لما يتعلم
يبيلها صبر ووقت وراح تلقينه عرف
بس وقت النوم تلبسينه ولما يعرف خلاص
احرصي انه قبل لا ينام تودينه الحمام وما يكون شارب علشان يقطعها في النوم
موفقه

انا بنتي شريتلها كسريه حطيتها بالحمام
واقط لها الحفاضه واقولها كل مارحتي الحمام اعطيج هديه واشجعها انا وابوها واحطلها حمره ومكياج واعطيها ككاو وحلاو فاستانست وكل ماتروح الحمام نسويلها جذي ليما تعودت ماشالله الحين ماتلبس الحفاضه الا بليل وقت النوم
انتي شوفي ولدج شيحب؟؟ قوليله اذا رحت الحمام سويت بيبي اعطيك

مشكورين على الردود بس قولولي يعني شنو العمر اللي اذا وصله يصير غريب انه ليحين ما قط الحفاظة ؟؟

3 سنوات يعتبر كبير
فبل لا يوصل السنتين تعلمينه

يالله عفية اللي عنده خبره بهلسوالف ما تبخل علينا ….

والله نفس مشكلتي مع ولدي السنه هذي يدخل الروضه وهو للحين موراضي ينزل الحفاظ وانا احاول معاه

3سنوات

لان انا معلمه بنتي من سنتين

الطير الجريح : جنه وايد بدش الروضة يعني تقريبا 4 سنوات ؟؟؟

انا الحين قاعده اعلمه شاريتله نونيه
والاندر وير اللي من داخل نايلون وبره قطن
وكل ساعتين اوديه الحمام وانتوا بكرامه

والله انا بعد سنتين و5 شهور وكل ساع مسويتها بالارض

ولدي عمرة 18 شهر اشتريت نونية و قاعدة أعلمه بس للحين مو راضي يقعد عليها و المشكلة أنه ما يعرف يتكلم عشان أعلمه
ما يخالف راح اكمل لأن هذا الوقت المناسب

بنتي عمرها سنتين و نص
من قبل رمضان و أنا قاطعة عنها الحفاظة
لأن قالو لي البنت أسهل من الولد
و إن لي كان عندها أخوان أكبر منها بتشوف و تتعلم أسرع

بس صج صج تعبتني

اللي يحر .. لما نطلع .. و بتسوي الصغيرة .. تقول تبي تروح الحمام
عشان ما تلعوز عمرها
بس الكبيرة لي الحين ما تقول

لكن ببيتي .. مطنشتنا بالصغيرة و الكبيرة

بس خلاااص .. مليت
أدري إنها تعرف .. بس ما أدري ليش ما تقول
سويت غناوي عن روحة الحمام ما نفع
حاولت أحرجها و لي سوتها نعيب عليها ما نفع
هددتها ما نفع
حطيتها بالعقاب ما نفع
حتى قرصة قرصتها

حارتني إنها بالطلعة عارفة الحمام
بس البيت .. تسكت

صراحة مليت جم شهر على هالحال
مابي أردها عالحفاظ
وأبي أخلص من الموضوع

عندكم حل؟

انا بنتي نفس عمر بنتك ومن رمضان وانا عم حاول قيم عنها الحفاضة بس للحين ما تركتها
بالليل بحطلا حفاضة وبالنهارلاء حتى لما اطلع من البيت بحطلا الحفاضة لا الحين ما بتقلي انا باخدها لما حس انو صار وئت تعملها
وعم حاول نخلص منها مية بالمية قبل ما يصير الجو بارد لانو ساعتها صعب كتير بيصير الموضوع
الله يساعدنا مالنا غير الصبر

اكبر غلط انج تهددينها او تعيبين عليها

تعاليلها بالسياسه

قوليلها انتي كبرتي مو بيبيه

واذا سوت شي بملابسها قوليلها مايخالف حبيبتي بس مره ثانيه قولي عشان اوديج الحمام

حسسيها بالامان وكافئيها اذا دخلت الحمام

خلي اخوانها يصفقون لها اشتري لها هديه

لاتخلينها تخاف ترى هذي نفسيه وراح تشوفينها تتغير شوي شوي

عادي يبيلها صبر طويييييييييل

انا بنتي سنه كامله يالله قدرت تتحكم في نفسها

ما اقولج ما اعاقبها بس العقاب لمن كبرت يعني اقولها روحي دخلي الحمام تقول مافيني شي وبنفس الوقت توقف وتبول كنت ازفها

او تدش الحمام وتبول بملابسها هني اعاقبها بالزف و احرمها من العابها

لمن تعلمت الحمد الله

كل شي يبيله صبر

نفس بنت اختي الكبيره تسويها على نفسها و الصغيره بالحمام !!

انا عانيت بالبدايه مع ولدي بس الحمدالله تعود الحين
والله يستر من بنتي عمرها الحين سنه ونص

اووووه مشكلتي الأزليه مع بنتي
دايم تجيني بعد ماتسوي الكبيره وتقول ماما فيني كخه
شجعتها ونصفق لها اذا سوتها بالحمام بس ماكو فايده
ترجع وتسويها على حالها

انا بعد بنتي بتكمل ثلاث اسنين وما ادري اشلون اتصرف معاهااا
حاول اعلمها وشريت السراويل من سنتربوينت اللي فيهم حمايه بس ماكووو فايده تسويها علي نفسها وتكرمون تبول اما الكبيره ماعمرها سوتها ودي اشجعها اكثر مرات احس انها شاطره وتفهم ومرات احسها تستعبط وتسوي نفسها بيبيه يمكن تغار من اخوهااا

انا بعد قاعده اعاني مع بنتي

بعض المرات تقول وتسويها بالحمام

وبعض المرات تقول بس تكون مسويتها وخاالصه !!!!

اقط الحفاظه عنها حاليا بس بالبيت بره ما جازفت

والله يعين يارب

انا عيل كلللش مو عارفه شلون اعلمها على الحمام …
بنتي عمرها سنه ونص ولا قادره افهمها انها لازم تسوي بوله بالحمام مادري شلون اعلمها ..
اول شي كنت ادخلها معاي الحمام تشوفني ههههههههه …. بس لا ماكو فايده
شلون ابدي معاها ؟

حاولو مره مرتين الف لين يتعودو انا بنتي من ثلاث اشهر اعلمها لين زهقت وتعلمت صرت اصفق لها واسابقها للحمام ولما تعلمت صارت تستانس وديما اصفق لها واقول لها انتي عروسه انتي شاطره وحستها تحمست كثير وجربو اعملو جدول وكل مره تدخل الحمام حطو لهم نجمه والله يعين

الي تعلم عيالها عالحمام من سنه ونص وسنتين انا بنظري هالعمر صغير على التعليم

مع ان يقولون بالعكس كل ماكان صغير يتعلم اكثر من الكبير

انا نظرتي الكبير يفهم اسرع من الصغير

انا بنتي علمتها عالحمام 3 سنوات ادري كبيره بس كانت تفهمني بسرعه

^
^
^
بالعكس الكبير صعب تعليمه لان اتعود خلاص اتجوفين ناس عيالهم ماشاءالله كبار وفاهمين ويتكلمون ويسوون كل شي الا الحمام !!!!
المفروض الام تبدأ من قبل السنتين

بالنسبة لصاحبة الموضوع ماينفع الصراخ بتعاند اكثر كافئيها واعطيها هدية اتشجعها

بس صج انا بنتي احسها ما تفهمني .. صغيره ليلحين … حاولت بكل الطرق بس الحين تقعد عالقصريه بملابسها اتقولي تكرمون كاكا بس .. وبعض المرات اخليها بدون الحفاظة تقعد 5 دقايق اقولها يالله ماما كاكا عشان يمكن عالاقل تعرف ان تسوي الكبيرة قبل الصغيره وتعلم على الحمام .. بس انا الحين ما عندي والصبح عند خالتي .. وخالتي كبيرة مالها مقاقه تعلم بعد ههههههه اهيه بالغصب تمسكها وتوكلها وميننتها بنتي .. ارد البيت اكون هلكانه ومالي خلق كلللش …
مادري شسوي ؟؟!!

صح انا علمت ولدي 3 سنين ارتحت معاه اسبوعين و عرف طريجه
بنتي الحين باﻷشهر

و بنتي تعتملت معاها بطريقة الثواب بالاول نصفق و نغني و هدايا و تشجيع
لكن ما فاد فاستخدمت معاها الترهيب هم ما فاد!!

مشكورين على ردودكم … و عليه علينا طلعنا كلنا نعاني

لا تخافين ماراح افتن عليج

انا بالليل اذا الياهل نايم ووراي دوام ابصراحة ما اجيسه و لا راح اروح الدوام جذيه

هاذي نصيحة امي و خالتي وفعلا
اتبعتها ورتحت …

اذا نام الياهال نومته
خلاص ما اجيسه ولا افج حفاضته
لن راح تتعود وتقوم وقت تغيير الحفاض …

قبل لا تنام ابدلها ..

نفس الشي قبل النوم تبديل الحفاظه وبالنهار كل 3 ساعات تقريبا ورا الرضاعه بشوي

ابدلها قبل النوم

واذا كان نايم كلشششششش مااجيسه

يعني كلنا نفس الحالة
مسكين الياهل يخيس بحفاظته لي الصبح

اي اكيد اذا نايم شحقه اعسره ويقووم بس بالنهار كل 3 ساعات اغير

والله قبل لاتنام ابدلها واذا نامت بليل ماغيرلها لاتتعسر

بالنهار كل 3 او4 ساعات وبالليل طبعا اكون امبدلتها ومغيرتلها عشان يمكن تنام باي لحظة بس عقب ماتنام الصراحة مااجيسها حرام نايمة
متى مااقعدت الصبح بدلتها

بالليل تتبدل قبل النوم

و بالنهار ع الاقل كل ساعه و نص او ساعتين

زين ياهل النفاس ماشالله طول النهار نايم متى تبدلون حفاضته

ابدلهم بالليل قبل ماا يناامون لمن يقعدون يالله ابدلهم .. وبالنهار لمن يسوووون الكبيره ابدلهم وماا في ساااعاات معينه لانه يسووون الكبيره واايد

ههههههههههههه العنوان يضحك

راح اعترف

بالنهار مع كل رضعه يتلدل بس بالليل لالالالالالا ماجيسه ابدله اخر شي قبل النوم وتالي اغيره الصبح
بس ياهل الاربعين ابدله وقت النوم لانه مع الرضاعه يوصخ على طول بس بعدين لمه يتعدل بطنه لا ماابدل بالليل كللللش عشان
مايصحصحون وابتلش كافي مافي نوووم

بالضبط

انا ابدله حتى لونايم كل اربع ساعات او على حسب الحفاظه اذا متبلله حيل
لن حرام يقولون اذا طول معاه يصيبه التهاب بول

بالنهار ابدله كل ساعتين او 3
بالليل قبل ماينام … واذا قعد بالليل يبي رضعته اغير حفاظته …
حرام اخليه الليل كله يخيس … حرام التهابات …… ومرات تكون بالليل حفاظه نظيفه … يعني اشيك عليه ومااغير له
( تخيلي نفسج مكانه ) ههههههههههههههههههههههههههه مو تتضايقين

سلام بنات بنتي خمس سنوات وايد تعبت على ماعلمتها ترك الحفاظة وانتهينا بعمر 3 سنوات بس المشكلة التبول في الليل قولولي شلون علمتو عيالكم تقومونهم بليل ولا شلون انا بنتي ماتقوم تخاف انا اقول واوديها الحمام وايد تعبنا من الغسيل والنجاسة وساعات امل وارد للحفاظة بتروح 2 روضة وابي ابين لها انها كبرت عشات ابلش بخوها الصغير ساعدوني بنظاركم بنتي البجر وماعندي خبرة

شدعوة بنات ردو

والله يا قلبي انا نفس معاناتج بنتي بس لم تنام بليل ألبسها الحفاظه ماني عارفه شلون أقطها وعمر بنتي 3 سنين ونص..

انابالليل للحين ما قطعتها من ولدي انشالله قريب بقطعها لان توني منظفته بالنهار

اللي اعرفه ان لازم تقومين الياهل بالليل وتودينه الحمام يعني وقتي المنبه وقومي

وجزا الوالدين الجنة

انا بقطع ولدي عن روحه الحمام بالنهار ماني قادره بسبه اخته الصغيره 6 شهور

الله يعينكم اممممممم الاخت الي قالت توقتين المنبه صاجه لا زم تقومين و تودينها الحمام + حطي مكافأه للي يقط الحفاظه قبل اي شي بخاطرها بس يكون قيم مثلا قاري بيت باربي شي كبيييييييير عشان تتشجع

لازم تقومين تودينها على الاقل مره و اذا كانت تشرب ماي او حليب لازم تحتاجين تودينها اكثر من مره

اولا اذا بس باليل عادي مشيها و اذا مصره الا تتعلم اقطعي السوائل قبل النوم بساعه و شوفي الصبح تكون مبلله و اليوم الثاني اقطعيها قبل النوم بساعتين الة ان تلقين الصبح اذا قامت حفاظتهانظيفه

لازم تقومينها مرتين أو ثلاث ..
مثلاً أنا أقعد بنتي عالساعة 2 ونص أو ثلاث تقريباً وأوديها والخدامة توديها الساعة 7 بعد ومرات وقبل لا تنام لازم أوديها وطبعاً اذا ماوديتها الفير لازم تسويها .. أول أيام كانت تقوم وتقعدني او تقعد الخدامة بس الحين احنا انقعدها

لمن تحسين انها نعست خلاص وتبي تنام وديها الحمام وبعدين فراشها على طول وحطي تليفونج منبه على اساس تقعدين تودينها الحمام باليل لمن اتعود واهم شي لاتكثرين لها السوائل والمشروبات وخاصا بعد المغرب كثر ماتقدرين قللي عشان ترتاحين وتقل روحتها للحمام باليل

عادي كل شي يبي وقت حبيبتي انا بنتي اقطع عنها الماي قبل النوم بساعه واول فترة كنت اقعدها بعد ما تنام باربع ساعات وبعدين صرت ازيد المدة لين صارت تنام متواصل عادي ولما تنام وتنحصر صارت تقعد عادي

شوفي ياقلبي طريقتي بنتي اني اوديها لحمام قبل تناااااااااام وترا صحه حتي الكبير يروح للحمام

يقول ابن القيم الصحه في شيئييين شرب الماء قبل النوم والذهاب للخلاء قبل النوم

واذا نامت ساعه ساعتين حاولي تصحينهااااااااا وتمسكينها وديها للحمام وانتي وخري مالبسها وضيها وجلسيها شوي

ورجعيها لفراشهااااااااا تكمل النومه وان اشلله تعدل قلت طريقتي لمرة اخوي والحين اشوفها تسوي الي قلتلها عليه ولدها تحسن شوي

وعسالله ىيخليهم لنا يارب

ماقصرتوا حبايبي على النصيحة بس صج الام موشوية شكثر تتعب على تربية اعيالها
انا بديت اقومها كل 3 ساعات مرتين باليوم وضبط معاها بس انا ودي اهيا تقوم بروحة او تي تقولي بس ماتسويها بس حسيت انها مستانسة شوي لانة الحفاظة بصراحة اضايق

عفوا خواتى بس من أي عمر أشيل الحفاظة عن الياهل ؟؟؟

ودي اعلم بنتى على الحمام مشكلتها ماقامت تقول لي انها بتسوي الا اذا خلصت

–

بنوووتي بعد جم يوم تدش السنتين
و احس توهآ صغيروووونه خصوصا هالمرحلهه
صعبه حيييل
لكن الله يعيناااا عليهم ي رب ويخليهم لنآ 

شكرا عالمرور

لازم تعلمينها اذا حست بشي او انحصرت تقولج على طوول
تودينها الحمام وانتو بكرامه وشوي شوي بتتعود تقولج لين تتعلم
تروح الحمام بروحها..

اي عدل عمر سنتين مرحلة صعبة ولازم
تبدين تعودينها شوي شوي ..

انا اعلمهم قبل السنتين عشان اذا كملوا سنتين يكونون عارفين واقطعها نهائي

مشالله عليكم احس صعبه بحاول

تووحة ماشاءالله عليج ززين تسوين
وشكرااا عالمرور جميعا

اب اب

السلام عليكم اخواتي الغاليات ..

الحقوني بتجاربكم مع اطفالكم في تعوديهم على الحمام ..

ولدي بيكمل اربع سنين ومو عارفه شسوي معه ؟؟

مو راضي يساعدني ..

ابيكم تقولون لي وشلون تغلبتوا على هالمشكلة

بارك الله فيكم

الله يعينج اختي ..

كبير سمالله عليه ولي الحين بالحفاظه

والله ماعندي أي فكره .. توني اول بيبي ولي الحين صغيره ..

انشالله يفيدونج الخوات ..

وعليكم السلام

شوفي هالمواضيع وان شاءالله يفيدونج

https://www.q8yat.net/showthread.php?…E1%CD%E3%C7%E3

https://www.q8yat.net/showthread.php?…E1%CD%E3%C7%E3

https://www.q8yat.net/showthread.php?…E1%CD%E3%C7%E3

https://www.q8yat.net/showthread.php?…E1%CD%E3%C7%E3

وااااايد كبير ولدج يفهم انشالله البنات يفيدونج انا بعد عن قريب بقطع بنتي عمرها سنتين وشهر الله يكون بالعون

بارك الله فيكم اخواتي

والله ادري انه كبير بس هو مو راضي يساعدني ..

اذا خلص و وبلل ملابسة قال ماما ابي حمام !!!

الله يعين يارب

مرحبا بصراحة أختنا بنت الكويت ما قصرت بتلك الروابط بس هل هو يروح للروضة وكيف يتعاملون معه اذا كان يروح وفي الخروج ايضا كيف تعملين معه

قوه بنات اشلونكم ….

ولدي عمره 3 سنين وماني قادره اقطع عنه الرضعه ولا الحفاضه ولا قادره اخليه يلتزم بالاكل عطيه كاكاو بفك هالخرابيط ياكل بس غير جذي لا

وبنتي عمرها سنه ماني عارفه شنو الاكل المناسب حق هالعمر ؟؟

تكفوووووووووووون ابس مساعده

مرحبا الله يعينج صراحة اشلون يقطع الحفاض وهو يرضع يعني قضية الحفاض متعلقة بالرضاعة طيب هل هو بالليل يرضع وهل الحفاض بالليل ايضا عشان البنات يشاركونا

حبيبتى انا نفس مشكلتج ولدي توه كمل 3 سنوات ماقطع الحفاظه
بس البسه الحفاظه اللي على سروال وكل شوى اوديه الحمام ونتى بكرامه بس ما يتكلم عدل ماتفهمينه مرات والحضانه يساعدوني هم ماكو فايده
انا بعد نفسج احاتى وايد خايفه اطول السالفه وعلى فكره ماعندي غيره ويمكن عشان جذي
بس الله كريم قاعده احاول وانشالله يتغير
وبالنسبه حقج انا المميه قطعتها يوم كان عمره سنتين اتذكر قمت اشربه بس وقت النوم ولما تعود وقطعتها مره وحده
بس الحفاظه مشكله والله يعينه

أختي ملوكه اعانج الله لا تخافي فكل طفل له قدراته أنا طفلي الصغير أبو اربع سنوات في كل شيء ما تأخر الممية والحفاض لكن الكبير زيج الأول تأخر في الممية لالحين يلبس الحفاض الكلوت بالليل وعمره ستة سنوات يعني لكل طفل قدرات خاص به لكن هل هو يعمل الكبيرة والبول معا أو شنو يعمل وهل هو ما يقدر يخرج ألا بالحفاض

السلام عليكم
حبيبتي انا ولدي اربع سنين ويلبس حفاضه بس لما ينام وسويت معاه كل الطرق وما قدرت ..
واهوه مسكين ما يبيها وعلشان اقطعه منها قمت كل شوي اقومه من النوم اوديه الحمام تكرمون لي ما يتعود..
وبالنسبه للميه انا جربت طريقه يا بت انما ايه ميه ميه
روحي الجمعيه اشتري رقيه واخذي الحب الاسود وحطيه بالمميه مع الحليب
وقولي له عوو اهوه عاد ما رح يجيسها بتلوع جبده
او حطي براس المميه كركم او كمون او فلفل اسود << مجرمه
بس والله طريقه ممتازه
انا مره وحده بس سويتها وعافت خاطره منها وشوفي انتي ولدج من شنو تلوع جبده
وحطي داخل المميه بتلاقينه يهدها وبس

قطع الحفاظه والمميـة يبيله طولة بـال وصبــر … أول شئ سوي مثل طريقتي حطي بالمميه مع الحليــب ملـح وإذا شرب أكيد بيتغير عليه الطعـــم فراح يكرها مرة على مرة ماراح يحبها حتى لو بجى يبي حليب لايلين قلبج قولي له مافيه إلا جذي وحاولي تعطينـــه حليب كي دي دي أو حليب بالعسل أو حليب بالموز بقلاص عشان يكره المميه ويتعود على القلاص … وبالليل قبل ماينــام عشيه عدل وشربيه حليب بالككاو أو عصير برتقال أو كوكتيل وخليه ينام وإذا بجى بنص الليل زهبي له حليب أو عصير بقلاص أو بعلبته عادي يشفطه بالشفاط… صدقيني لو إستمريتي على الوضع هذا يومين والله راح يتعود بس حاولي تمنعين البفك والككاو والخرابيط بهالفترة….أما بالنسبه للحفاظه أول مايقعد من النوم قطيها ووديه الحمام وقوليله سوي وراح أعطيك هديه وكل نص ساعه وديه الحمام وحتى قبل النوم وديه حتى لو سواها مرة أو مرتين على نفسه مصيره بيتعود بس ديري بالج لاتطقينــه ولاتخوفينه عشان مايصير عنده حالة نفسيه من هالموضوع… وموفقــــة

مشكورييين على المرور بس يشرب رضعه لين ينام حتى لو خلصت يبي غيرها مايعرف ينام الا الرضعه بحلجه …. بس ان شاء الله بجرب هالطره وان شاء الله تنفع معاه

السلام عليكمعشان ولدج ثلاث سنوات على ساعه خمس العصر لا تعطينه ولاشي في حلويات او بفك او كاكاو لانه يعطينيه نشاط ما ينام ما يتعشى عدل شوفيه سويله ارزباللبن او سلطة فواكة قطعيلة جزر وعطية تمر على طول جيبيلة صحون خاصة له مثل سبايدر مان او سوبر مان وبنتج بعد خليهم يحطون اكلهم بنفسهم وساعديهم بالاكل شجيعهم راح ياكلون اما ممية انا سويتها بنتي قطيتها ورا الغنفة وجبت زهوي حطيتها يمه قلت ويع ويع خايسة وخليتها اهي تقطها بنفسها ادري حركة قاسية بس الزم عشان صحتها والحفاظة كل ساعه اوديها الحمام حتى لو قالت لا اقول يلا روحي انشالله تستفيدين هاذي تجربتي اي شي انا حاضرة

لخوات ما قصروا اهم شي دربيه ولا تفشلينه جدام احد قعدي معاهاه وسولفي لاتقولين مايفهم يفهم احسن مني ومنج
بس طولي بالج وكل ساع وديه الحمام برحابة صدر

السلام عليكم
ولدج عمره 3 سنين وتقولين عندج بنت عمرها سنه تقريبا
عن تجربه حبيبتي ::
طالما في بيبي في الموضووع صعب وصعب جدا راح يقطع الرضعه والحفاظه
واهو قاعد يشوف اخته الصغيره تعطونها رضعه وتلبسونها حفاظه
بس حاولي تفهمينه انها بيبي وان اهو كبير عالحفاظ

ومتى ما قطع الممية اهني راح يقطع الحفاظه

انا ولدي الصغير تعلم من ولدي الكبير عشان يصير نفسه ان كما يبي يلبس حفاظه

بالنسبه للميمة انا من غيرت نوعيه حليب ولدي كره الحليب
عشان جذيه انا تحسفت لانه للحين عمره 4 سنوات ما يحب الحليب ولا اي منتج من الالبان

فخليه يشرب حليب بس قبل لا ينام مو وقت النووم

اسفه على الاطاله

انا قطعت ابني عن الرضعه خليت فوق الحلمه صبغ اضافر وقلت له عووووع
صج تعبت في الليل ولكن ارتحت

مشكله انه ولدي يقعد على المرحاض ويسوي كل شيء بس بنفس الوقت اذا هديته نص ساعه اشوف هم مسوي بحفاضته كل شيء
مو قادر يتحكم بنفسه ليلحين
وكذا مره خليته بدون حفاظ هم يسوى
انا والحضانه صارلنا 6 شهور تقريبا واحنا اندربه ويلبس السروال اللي على حفاض
بس هم ماكو فايده وحتى كلامه مو مفهوم
مادري شسوي ؟؟

أهلين اعانج الله بالنسبة للحليب فأنا اقول انتبهي لازم ما يترك الحليب بأي طريقة سواء بالكوب أو بالمصاص الي في علبة واذا ما رضي فاقول خليه بالممية احسن ما يترك الحليب لأن هذه المرحلة مرحلة بناء الجسم ويحتاج للكالسيم وهو يختص بالعظام لكي ما يحصل له هشاشة العظام انا ما ابي اخوفج لكن انبهج لاهمية الحليب في هذه المرحلة بخصوص وبالنسبة للحفاض يمكن قدرته على التحكم باعضاؤه لا زالت ضعيفة واقول لج لا تضغطي عليه شوى شوى وانشاء الله يتعلم

انة يا اختى بنسبة للممية من نفسة قطعها بس المشكلة الحين مايشرب الحليب اما البمبرز للحين اعابل معاة

هم انا نفسه مشكلتج انا بنتي عمرها 3 ونص وهل السنه تروح الروضه
تلبس الصروال النايلون تروح الحمام بس ماتحمل ماتلحق وانا خايفه لمن تروح المدرسه بس المميه موراضيه تبجي عليها

الله يحفظها لج نفس ولدي عمره سنتين وشهرين
مدري متى اعوده ع الحمام عزج الله
والرضاعه متى اقطعها عنه علما ان التموين قطعو الحليب عنه
فاليت احد يساعدنا

الله يحفظها لج نفس ولدي عمره سنتين وشهرين
مدري متى اعوده ع الحمام عزج الله
والرضاعه متى اقطعها عنه علما ان التموين قطعو الحليب عنه
فاليت احد يساعدنا

بالبداية راح تتعبين شوي بس لازم تتحملين..واهم شيء لازم تسيطرين علي اعصابج..
اول شيء من تقوم الصبح قطي الحفاظ ووديهاااا الحمام..وبعدهاااا لبسيهااا الشورت البلاستك..
وقولي لهاااا انتى خلاص كبيرة وما في بامبرز..وشجعيهااااا..واذا رحتى الحمام راح اعطيج حلاوة ..او هدية..
وكل خمس دقايق وديهاااا الحمام..حتى لو ما فيهاااا شيء..راح تتعبين اول يومين بس ان شاء الله..بتعلم..
حتى لو سوتهاااا في اي مكان لا تطقينهاااا..قولي انا زعلانة منج..والمرة الجاية بتسوينهاااا بالحمام..
التشجيع شيء مهم..وهم الهدايااااا..والحلويات..
وصدقينى البنات يتعلمون اسرع من الصبيان عن تجربة..وبالليل لبسيهاااا الحفاظ اللي علي شورت..
والله يعينج يارب..

كل ششوي اساليها اذا تبي الحمام والا لا

وبين فتره وفتره وديها للحمام تسسوي حاجتها

راح تتعبين بس الله يعينج

والحليب خليه بس بالليل

طول اليوم خليها تاكل وتشرب عصير وماي

لين تقطعينه حتي بالليل وقبلها تعشينها عشا دسم قبل النوم وتشبع عشان ماتقعد عليج بالليل جوعانه

انا بعد ودي اقطع الحفاضه عن بنتي
فصختها 4 ايام بس تعبتني ورديت لبستها البامبرز
تسويها علي عمرها بعدين اتقول ابيي حمام

يوه شي احاتيه من زماان

انا ِولدي عمره سنتين وشهرين وناويه اعلمه لمن يكمل سنتين ونص

والممييه الحمدلله تخلصت منها

وكنت اخذ مره منقعه مع ماي واحطها على المميه في مل مره يطلبها

واقوله ياااااع واخليه يذووقهاا ههههههههاي

ومرات احط كاتشب او مناكير واقوول شوف دم يممه عليها دم اخووفه

ومرات حطيت شطه واقوله اح واخليه يذووقها بالعربي جربت الطرق كلها واللي فاد

اكثر شي المره ولاحظي يبيلها حزم شوي وتعب تميت يمكن اربع ايام وكله يصيح وقت النوم

يعني بيخترب مزاجه بهالفتره بس عاد تحملوا

لي 5 أشهر مع ولدي ماااااافهم الى الان
وكلة يسويها بشورتة طفشت
مع ان عمرة الحين 3 سنوات وشهرين

والله انا ولدي الحين عمرة سنتين وشهر

والحين قاعدة اقطعه من المميه واحاول الحفاظه اقطعها بعد

والله انا اتبعت طريقه انفعت معاي بس لازم شوي عسارة الياهل لان شي متعود عليه سنتين يبي يروح عنه بسهوله ؟؟ ما يصير لازم نتعب شوي

انا اسوي مميه احط معاها ملح والله بس يحطها بحلجة على طول ما يبيها مره مرتين بروحه يقول مميه ويع بس تعسر علي يعني وهذا شي طبيعي بكل ياهل لازم نتحمل ونخلي عندنا طوله بال

والحفاظة لازم تتعبين معاها شوي ماتعرف ياهل مو متعودة عالحمام بس مع التشجيع والمساحل راح تتعلم ويبيلها الشغله صبر مو شوي وما يبيلها عصبيه وطق لان الطق يخلي الياهل يعاند زيادة ويتعسر و معروف الطق على هالسوالف تاثر على نفسيه الياهل

وربي يحفظ لكم عيالكم كلكم

توها صغيرة ليش مستعجلة خليها ستة شهور بعد تكون فهمت وماراح تعبج